Testet Gjuha Shqipe 5 - Albas

2
Teste Gjuha shqipe 5
Rubrika 1: Pasqyra e ditës
Lexo tekstin e mëposhtëm.
Fari
Test nr. 1
Varianti I
Zana vinte me pushime për herë të parë në Shëngjin. Arriti aty në buzëmbrëmje.
Pasi hëngri darkë bashkë me dy vëllezërit e saj, Zana ra të fl ejë. Dera e ballkonit
ishte e hapur. Që andej Zana përpiqej të shikonte detin, por atje ishte errësirë. “Fap”shkrepi
një dritëz. Zana u ngrit të shikonte më mirë, por dritëza u shua. “Fap”- u
duk përsëri dhe prapë u zhduk.
-Vëllaçko, ç’është ajo dritëz atje? - pyeti Zana.
Vëllai zgjati kokën dhe tha:
-Deti na e bën me sy. Thotë: Mirëserdhët! Do të bëhemi miq!”
Zana u çudit dhe mezi e zuri gjumi.
Në mëngjes doli përsëri në breg. Atje pa peshkatarët që u nisën për të zënë
peshk, pa varkat, por syrin e detit nuk e pa. Mezi priti të vinte nata.
Doli në ballkon. “Fap”- deti ia bëri me sy.
-Ç’bën aty? - e pyeti nëna.
-Po shoh syrin e detit, - i tha vajza.
-Po ai nuk është syri i detit. Ai është fari. Detarët e kanë vendosur në një
kullë të lartë, mbi një shkëmb buzë detit. Fari ndizet dhe shuhet që kur erret deri në
agim. Ai i ndihmon detarët të gjejnë udhën dhe të mos përplasen në shkëmbinj.
Zana hyri në dhomë dhe thirri:
-Vëllaçko, ti i ngatërron gjërat!
Vëllai s’iu përgjigj. Ai bënte sikur fl inte dhe qeshte me kokën nën çarçaf.