ZINDABA ZAKHO MNGOMA: INGONYULUKA ... - UZSpace Home

5.0 UKUBHULA KWESANGOMA
5.1 Isingeniso
ISAHLUKO SESIHLANU
Ngemuva kokusina kodwendwe uyise wesangoma ulungisa umgonqo. Umgonqo
wenziwa ngokuhenqa laphaya emsamo ngamacansi, amiswa abe isihenqo
somhlanga. Elinye igama lomgonqo kuthiwa isigodlo. Ngaleyana kwesihenqo
kuhlala sona isangoma nazo zonke izinto zakhe eziyizipho zakhe azithole
ngenkathi efihlelwa, okuthe ngokushaya emhlolweni, lezi zipho uyaphiwa.
njengezipho zokunakisa.
Ezinye izinto ezilapha emgonqweni izindengezi zokuncinda nezokushisa
impepho. Umgonqo wenziwa kule ndawo nje ngoba vele iyindawo yabalele
emsamo. Imithi afike nayo umngoma nayo ilapha emgonqweni. Kuthi uma
sezihamba izangoma, zimshiya ekulo mgonqo. Akavunyelwe ukuvalelisa, uhlala
lapho zize zihambe zonke. Ngalesi sikhathi sezihamba izangoma yena usuke
egoyile, ezothile, akavunyelwa ukugcaluza, usuke ehleli eziqoqile. Umgonqo
uyindawo engcwele, indawo yabaphansi. Ulapha nje uyakhuluma nezinyanya
zakubo lapha emgonqweni. Akungenwa emgonqweni wesangoma. Uma
kwenzekile wangena, ushiya isipho sokunakisa.
UMcetshwa, (1991:46) uthi:
Isigodlo is regarded as a sacred place which must
be entered by ithwasa and isangoma. This is the
most holy place, so they must be clean when
they enter this place. They must not be drunk.
By cleanliness we also mean sexual cleanliness,
not to have committed murder.
Isigodlo indawo engcwele okufanele kungene
khona ithwasa nesangoma. Yindawo engcwele-
92