Revista Diaita

ciona as nosas necesidades
alimentarias. A tristeza pode
quitarnos o apetito e a ansiedade
pode facer que comamos
de xeito compulsivo.
• Balance enerxético: Importante
o equilibrio entre a
inxesta enerxética (o que comemos)
e o gasto enerxético
(o que gastamos a través do
metabolismo basal e a actividade
física).
• Técnicas culinarias saudables:
Como cociñemos
repercutirá na nosa saúde. A
técnica máis sa é a cocción ao
vapor, pero tamén os fervidos,
á prancha ou ó forno, sempre
mellor que a fritura.
• Beber auga: Entre 4 e 6
vasos ao día como mínimo e
completar con outros líquidos
ata alcanzar, como media
diaria, 2 litros en mulleres e
os 2,5 en homes.
Consumo diario:
Tamén hai que consumir froitas
(3-4 veces ao día), verduras e
hortalizas (2-3 veces ao día). En
total deben sumar un mínimo de
cinco racións ao día.
Ademáis, recoméndase o aceite
de oliva virxe extra.
Nun nivel superior aparecen os
lácteos (2-3 veces ao día) que
deben ser baixos en graxa, así
coma as carnes brancas (polo,
pavo ou coello) e pescados de
tempada, ademáis de ovos ou
froitos secos (1-3 veces ao día,
alternando)
Consumo ocasional:
Estes divídense en dous grupos:
por unha banda atopamos
as carnes vermellas
procesadas e embutidos,
e pola outra aparecen os
produtos ricos en azucre,
como doces ou produtos
industriais, e os ricos en
sal e en graxas (como a
manteiga), sendo estes
últimos os que máis debemos
limitar na nosa dieta.
Con consumo ocasional podémonos
referir a un consumo
dunha vez á semana destes alimentos
sempre que non existan
enfermidades que nos obriguen
a restrinxilos de xeito estrito.
Ademáis de todo isto, aconséllase
que as bebidas fermentadas,
coma viño ou cervexa, se consuman
de forma opcional e moderada
en adultos.
Por último, na cúspide da pirámide,
hai unha bandeira de suplementos
nutricionais (vitaminas,
minerais, alimentos funcionais...).
Débense consumir sempre baixo
recomendación médica, pero
recorda que mantendo unha
alimentación equilibrada e
variada non son necesarios xa
que con ela cubrimos todas as
necesidades de nutrientes que
precisamos.
O mellor consello:
Ten sempre a man a imaxe
da pirámide nutricional da
SENC para seguir os seus
consellos.
*Aínda que esta pirámide é a máis
recente ao longo do 2016 a SENC publicará
un informe e elaborará publicacións
para difundir o novo símbolo das
Guías Alimentarias SENC 2015, os seus
contidos de referencia e así como distintos
materiais divulgativos e de apoio
para favorecer a adopción de patróns
alimentarios e de xeitos de vida máis
saudables na nosa poboación.
7