Nr. 3 - Rhätische Bahn
Nr. 3 - Rhätische Bahn
Nr. 3 - Rhätische Bahn
Sie wollen auch ein ePaper? Erhöhen Sie die Reichweite Ihrer Titel.
YUMPU macht aus Druck-PDFs automatisch weboptimierte ePaper, die Google liebt.
30<br />
Nossa visita tal «GUZO» a Samedan<br />
Von Romina Braunschweiler<br />
<strong>Rhätische</strong> <strong>Bahn</strong> InfoRetica, <strong>Nr</strong>. 3 / 2010<br />
Rivos cul tren a Samedan, vainsa pudieu tschanter in ün<br />
vagun da 1. classa ed essans gnieus «stumplos» d’ün<br />
tractor da manouvras in direcziun dal center da s-charg<br />
e dis-charg da marchanzia d’Engiadin’Ota (GUZO). Quist<br />
center as rechatta traunter Samedan e Punt Muragl. Aint<br />
il vagun vainsa survgnieu vestas orandschas. Rivos tal<br />
GUZO, ans ho arvschieu sar Urs Hugentobler, il mneder<br />
da gestiun. Il prüm vainsa pudieu observer cu cha containers<br />
cun marchanzia pel Coop e l’Aldi sun gnieus schargios<br />
dals chars da tren e chargios sün camiuns. Quista<br />
manouvra vain fatta cun ün grü. In seguit ans ho sar<br />
Urs quinto dal transport cumbino cun tuot sieus avantags<br />
e dischavantags ed el ans ho preschanto sieus impiegos,<br />
a sar Anto ed a sar Antonio. Zieva vainsa fat üna<br />
concurrenza. In gruppas da trais e da quatter vaivans da<br />
stumpler ün vagun chi psaiva 16 t uschè svelt scu pussibel<br />
d’ün lö a l’oter.<br />
La marchanzia nu vain be mneda cun containers in Engiadina,<br />
dimpersè eir aunch’adüna a la «moda veglia»<br />
in chars da la viafier (Volg). Nus vains pudieu avrir ün tel<br />
vagun ed essans gnieus a savair quaunt important cha<br />
que es da’l charger cun saun güdizi. Uossa vaivans da fer<br />
ün pitschen «examen» davart las chosas cha sar Urs ans<br />
vaiva quinto.<br />
Il «hit» da quist aunzmezdi d’eira cha vains pudieu<br />
manascher il grü. Nus vaivans da pruver da gnir pü<br />
cunter pussibel ad üna pütta, sainza la bütter intuorn. A<br />
nun es taunt simpel e drouva bger sentimaint per fer<br />
quista lavur!<br />
Ziev’üna cuorta posa ans ho sar Urs auncha declaro cu<br />
cha la rüzcha da l’ABVO vain chargeda in vaguns da la<br />
viafier. Nus vains pudieu avrir ils vierchels da quists<br />
chars, vains piglio «ün nes plain» ed ils vains darcho<br />
pudieu serrer. Quista lavur vain fatta a maun e drouva<br />
magari forza. Aunz cu partir darcho per la staziun da<br />
Samedan, vainsa auncha clappo artichels da reclama da<br />
l’RhB. Quist’aunzmezdi ans restaro in buna memüergia!
Change language