SPIELEFEST - Großradl

Unser Heimatdichter
Da Lindnbam
• Sepp Bergweiß
Va wos i heit noch immer tram, des woa im Hof, mei olter Lindnbam.
Jo wall er gwein is, 80ig Joahr, drum is er gwordn innen moa.
Schoa mit die Roß und mitn Goarn, san ma über´d Wiazn drübergfoahrn.
Die Äst die woant zum Tal schoa dia, do kau jo koana wos dafia.
Hot klescht und dunnert rundherum, host glab, der Sturm der haut eahm um.
Die Dächer san jo nei eindeckt, dos er do auffifliag hobn mia uns gschreckt.
Und a vom Plotz her war es guat, wenn er net stangat mittn durt.
Und is gwein a Viech zum verkafn, so host miasst übern Hof aufirafn.
Und wos i hiaz a noch mecht sogn, mia hobn des ganze Baumaterial muaßt zuwietrogn.
Und wenn i heit so hinta denk, jo auf den Tisch und die zwoa Bänk…
Do sann ma oft und long drauf gsessn, und homma kinnt die Sorgn vergessn.
Is vüll mehr Orbat gwein olls heit, und trotzdem homma kot vüll mehr Zeit.
Wennst hoam kemm bist, ganz noss, vom schwitzn, host kinnt im Schottn niedasitzn.
Jo Hund und Kotz, des hot ma gsegn, die san in Schottn drinnen glegn.
Derwal mia hobn des Hei obglat, san durt gstandn a die Ross schea gstad.
Nua oana is wull nebn bliebn, und hot die groaßn Brenn wecktriebn.
Derwal die Ross hobn Fuatta gfressn, san mia unta da Lindn gsessn.
Hobn gjausnt do, und Most a trunkn, und ob und zua im Schlof versunkn.
Am Sunntognochmittog, des woa a Freid, sann gsessn duat a Haufn Leit.
Mia tuan davau jo heit noch redn, es is durt schoa a Mostschank gwein.
Hot a Musi gspült, hobn die Leit mitgsungan, net nua die Oltn, a die Jungan.
Und wo ma heit noch drüber locht, mia homma durt schoa Fotos gmocht.
Jo Leit und Viecha san do drauf, es is olls wia a Lebenslauf.
Im Winter woa da Bam ganz kohl, im Fruajoahr grea ganz auf amol.
Bold is er gwein dann in da Bliah, dann is es umgang schoa um 4i in da Friah!
Die Bei hobn gsumpert, des woa a Freid, san hergflogn, va weiß Gott wie weit.
Woand vullauglodn mit Blütnstab, des woa jo oft zan lochn,
dann san sie wieda in Stock hoamgflogn, den Honig ferti mochn.
Dann woa es aber a soweit, jo besser gsog schoa höchste Zeit!
Die Lindnbliah die muaßt hiaz brockn, und mochn dann, im Schottn trockn.
Dann host kochn kinnt im Winter, bei Eis und Schnee, an ganz an guatn Huastntee.
Dazua hot heit koana mehr an Wülln, es gibt jo eh gegn olls a Pülln.
Trotzdem is mia um den Bam hiaz load, jo ober die Einfoahrt is hiaz schea broad.
Und wall da Bam hiaz neamma is, im ganzn Hof koa Schottn is!
Jogltisch
Der Pfarrkindergarten Eibiswald West
(neben Eybel-Waschanlage) hat einen
wunderschönen Jogltisch mit gepolsteter
Eckbank günstig abzugeben!
Anfragen an
Christa Brauchart
Eibiswald 234
8552 Eibiswald
Telefon: 03466-45131
www.grossradl.at
Alle Ausgaben von
"Unser Großradl"
und weitere Informationen
finden Sie
auch im Internet!
20
Unser Großradl