Gedicht Jubiläum.cdr

Gedicht von Erna und Rita zur
Feierstunde “25 Jahre
öffentliche Bibliothek
Schluderns“
Miar hobm a über 25 Johr Bibliothek an kloanen
Rückblick gmocht
und hobm do s'oan und s'ondre in Erfohrung brocht.
Dr Pforrer Fritz hot di Roswitha
als ersts um Hilfe firs Gewächshaus
gfrogg,
und ihre Kompetenz und ihr
F l e i ß h o b m i h m w o h r -
scheinlich sou zuagsogg,
dass'r ihr a die Leitung dr
Bibliothek hot onvertraut,
und dia hot sie nor gwissnhoft
Schritt für Schritt aufbaut.
Die Sabine isch ihr a zeitlong
Roswitha Spiss
helfnd zur Seite gstondn,
obr oft hobm sie vour lautr Kält in den Raum nit kennt
londn.
Klomme Fingr hobm sie kriag und roate Nosn,
hobm sich olm wiedr gmiaßt an wormen Hauch in die
Händ inniblosn.
Mit an Elektroeifele ischas ban Ausleichn grod nou
gongen
obr Biachr inbindn hobm sie ibrhaupt it braucht
onzufongen.
In Onbau van Widum isch die Bibliothek untrbrocht
gwesn
selm hot man obr nit lei Biachr ausgliechn und
glesen,
der Raum hot a für die Jungschar und als Männerchor-Probelokal
fungiert
und dr Pforrer Fritz hot va Zeit zu Zeit olls a bissl
kontrolliert.
Er hot vor ollem af Ordnung in die Regale gschaug
und dass die Biachr olle gonz vorne stean, hot ihm
gor nit taugt.
Mit Schwung hot'r sie olle zruckgschoubm an die
Wond
und die Frauen hobm drnoch wiedr an Orbat mea
kopp ollerhond.
Für oans miaßmr in Pforrer Fritz obr wirklich lobm,
er hot 1984 in erstn Bibliotheksrot aus dr Taufe
ghobm.
Die Waltraud isch als Vertreterin va dr Schual
innikemman,
die Martina und die Lydia hatn gsollt die Biachr a bissl
untr die Lupe nemman.
Moralisch einwondfrei sollat des sein, wos do
ausgliechn weart,
dr Pforrer hot af koan Foll gwellt, dass er über des
Angebot Klogn heart.
Van Lond sein iatz reglmäßig Geldr kemman
und dia hot er kennt für viele Sochn hernemman:
Miete, Strom, Heizung, er hot Kirchnzettl gschriebm
sou isch für'n Biachronkaf oft weanig Geld
ibrigbliebm.
Und hobm sie nor in Bibliotheksrot oft drgegn
protestiert:
„Man muass do eppas nemman, wo eppas isch“,
hot'r deis gonz pragmatisch kommentiert.
1988 hobm norr die Waltraud und die Priska den
Einführungskurs gmocht
und hobm viele Ideen mit noch Schluderns
auerbrocht.
Die Priska hot die Bibliothek 19 Johr mit viel
Begeistrung gfiart
und hot sichr an Unmenge an Stundn fir dei Soch
investiert.
Mit an mords Insotz isch a die
Waltraud dia Herausforderung
ongongen
und es hot für sie beade an
intensive Zusammenorbeit ibr
viele Johr ongfongen.
Mit viel Elan und Iberzeigung
hobm sie ihre Pläne verwirklichn
gwellt
und hobm ollerhond Aktionen
Priska Dürr
auf die Beine gstellt.
Sie hobm Buachausstellungen in oltn Pforrsool
organisiert
und hobm's mit verschiedne Erziehungs-, Bastel-, jo
sogor Kochseminare probiert.
Oamol hot a Referentin schnelle Häppchen
hergstellt,
lei hot dia norr kaum jemand essn gwellt.
Die erstn Autornlesungen sein oft a bissl hochfliegend
gwesn,
die Autoren hobm vor an Heifele Leit aus ihre Werke
vorglesn.
Iaz weart jo ollz mit ondre Vereine vernetzt
und wirklich, sou isch dr Raum ollm va viel mea Leit
besetzt.
Seitn Johr 2000 wearn a lei mea bibliothekspezifische
Themen gmocht
und viele Vorschläge hot iatz dr Verein Vinschger
Bibliotheken brocht.
1989 isch die Pforr-Bibliothek an die Gemeinde
kemman
und do hobm miar kennt dein nuian Raum in
Onspruch nemman.

Er wor mit dia Gewölbe gemiatlich und fein,
lei hobmr gsechn, der weart bold amol zu kloan sein.
Wegn chronischn Plotzmongl hot die Waltraud kurzn
Prozess gmocht
und hot ältre Biachr hoam in ihrn Keller, ins Archiv
brocht.
Des Archiv isch olleweil greaßr und greaßr gwortn
und bis zun an Flohmorkt hot sie dei olle gmiaßt
hortn.
1997 hot die Gemeinde
norr in erstn
Computer onkaft
u n d k o a n e r v o m
Ausleihteam hot sich
um dia Verwendung
graft.
Mit an Heidn-Respekt
seimr zu dein
Apparat zuigongen
und hobm zaghoft
mit die erstn Vrsuche
oungfongen.
Die Priska hot gmiaßt jede Kloanigkeit, Schritt für
Schritt aufschreibm
und miar hobm a panische Ongst kopp, dass mr
irgendwenn steckn bleibm.
Olle hobmr k'hofft, dass nichts Unvorhergsechns
passiert
und hobm ba jedr Unischerheit mit dr Priska telefoniert.
A dr Wolfgang
isch do oft zum
Hondkuss kemman
und hot sich als
Exper te gmiaßt
inserer Wehwehchen
ounnemmen.
Inzwischn hobm
miar olle a poor
Fortschritte gmocht
und die Umstellung afs nuie Programm hot inz nimmr
sou ins Schwitzn brocht.
Zum Ausleihteam hobm außern Peter olls lei Frauen
keart
und ihm hobm am meistn dia longen Ausführungen
ba die Sitzungen gsteart.
Er hot a suscht gwellt a bissl Ordnung erreichn,
dass die Leit nit mehr als 5 Bichr of oamol ausleichn.
Zearsch gib man die oltn zruck, norr nimmt man
earsch nuie mit,
des war olbm sein Onliegn gwesn und sei Bitt.
Dass die Bibliothek a Video ausleicht, hot ihm
überhaup nicht taug,
er hot nämlich verstärkt auf die Lesefördrung
gschaug.
Mit dr Zeit hot sich der Plotzmongl in dr Bibliothek
olleweil mea bemerkbor gmocht
und sou hobmr dr Gemeinde insre Bitt noch an
greaßrn Raum übrbrocht.
2006 wor's norr schliaßlich so weit,
miar hobm kennt übrsiedlen zu inserer Freid.
In gleichn Johr hot die Priska ondre Weg ingschlogn
und die Waltraud hot sich gmiaßt als ehrenamtliche
Leiterin umrplogn.
Drhoam hot selm oft dr Kristian gmiaßt s'Kochn int
Hont nemman
susch war der Hausholt in der Zeit zum Erliegn
kemman.
Die Waltraud hot holbe Tag in dr Bibliothek verbrocht,
hot mitn Omt telefoniert und sich kundig gmocht.
Obr wia miar olle wissen, isch sie jo überaus beflissn
und hot sich des Johr mit viel Eifer durchibissn.
Und do hot dr Massimo a treffende Bemerkung
gmocht
Sie hob net lei drei Söhne af die Welt brocht,
sondern konn a eine Tochter ihr eign nennen
und zwor die Bibliothek, für der sie sich konn die Haxn
ausrennen.
Zum Glück hobm sich nou a por Ehrenamtliche fürs
Bibliothekwesen intressiert
und dia hob miar natürlich mit Freudn in die Orbat
involviert.
Dr Massimo isch ins bsunders willkommen gwesn
als Computer Fochmann,
endlich amol oaner, der mit dia Programme guat
umgean konn.
Die Evelyn und die Thea hobm wiedr an frischn Wind
innibrocht
und hobm in oan und in ondrn nuian Vorschlog
gmocht.
Miar hoffn, dassas nou viele Johr sou weitrgeat
und dass insre Bibliothek a in Zukunft erfolgreich
dosteat.
Rita Stecher
R u e p p u n d
Erna Gander
Rauch
langjährige Mitarbeiter der Bibliothek - 24.10.2009