23.11.2012 Aufrufe

Dorfblatt 82 - Gemeinde Hirzel

Dorfblatt 82 - Gemeinde Hirzel

Dorfblatt 82 - Gemeinde Hirzel

MEHR ANZEIGEN
WENIGER ANZEIGEN

Sie wollen auch ein ePaper? Erhöhen Sie die Reichweite Ihrer Titel.

YUMPU macht aus Druck-PDFs automatisch weboptimierte ePaper, die Google liebt.

20 Jahr <strong>Dorfblatt</strong> – wie d’Ziit lauft!<br />

Vor 20 Jahr hämmer das Blatt tauft.<br />

S’isch zwar scho vorhär öppis cho,<br />

s’Jnformationsblatt. – Das hätt do<br />

vom Vreni Zollinger, ganz solo,<br />

d’Dorfnachrichte überno.<br />

Ja, s’Vreni hätt elei, wie gseit,<br />

fürs s’<strong>Dorfblatt</strong> fascht de Grundschtei gleit.<br />

Natürli isch d’Uufmachig do<br />

bi wiitem nöd a das hiicho<br />

wo mir jetzt hütt, vier Mal im Jahr<br />

in Hände händ, das isch ja klar.<br />

Das Manko isch dänn ebenau<br />

de Uuslöser gsi glaub für e Frau –<br />

fürs Susi Hofme. Die isch do<br />

schprüend vo Ideä zu mir cho.<br />

Und wills am Vreni eh scho zvill<br />

gsi isch, seit s’Susi, ich will<br />

das Disein total umgschtalte,<br />

so chönnt das Blatt sich voll entfalte.<br />

«Lueg, scho de Titel schtimmt ja nöd –<br />

Jnformation mit Jot gaat nöd.»<br />

Dänn zeigt si andri Bletter – klar –<br />

säg ich am Schluss: «Häsch rächt, s’isch<br />

wahr».<br />

Natürli ischs dänn scho echli<br />

tüürer als vorane gsi.<br />

De Gmeindrat hätt Bedänke gha:<br />

«Chasch die eifach mache laa?<br />

Das jetzig Blatt hätts doch au taa?<br />

Ischs nöd riskant, me weiss nöd, cha<br />

das nöd ine Richtig ga… ?<br />

Da chönnted Sache dine schtaa,<br />

da chämted mer emänd no draa!<br />

Fürs Amtlich isch doch d’Ziitig da!» –<br />

Am Schluss hämmer si mache la.<br />

Was tüütsch heisst: D’Gmeind isch jetzt<br />

debi<br />

und s’<strong>Dorfblatt</strong> isch gebore gsi.<br />

D’Grundlag isch de Gmeindsbiitrag<br />

und s’Redaktionstiim – s’isch kei Frag,<br />

wo mit me Riiseniisatz do<br />

die Uufgab hätt in Aagriff gno.<br />

Ehreamtlich!! Das bis hütt!!<br />

Um Gottes Lohn – das isch nöd nüt!!<br />

Und dänn ischs guet für d’Gschtaltig gsi,<br />

dass s’Blatt sell ohni Werbig si<br />

und das isch wider – s’isch kei Frag,<br />

nu mögli wägem Gmeindsbiitrag.<br />

So hätts, Susi, dank Dir, s’Blatt gä.<br />

Das, Susi, cha Dir niemert nä!<br />

S’<strong>Dorfblatt</strong> isch zum Bischu worde<br />

und das nu dank de Kohorte<br />

vo Redaktore, Mitarbeiter<br />

und deet vor allem dank em Leiter<br />

und Editorialverfasser<br />

Walter Schäppi. Ja, und das er,<br />

euse SCH vo Aafang aa<br />

und mit Werwe immer draa<br />

blibe isch – das isch, Schubert<br />

es ganz es bsunders Dankschön wert.<br />

Das Znacht da für eu und mich<br />

häsch ämel mee verdient als ich.<br />

Liebi Redaktionsmitglider,<br />

bi jedere Nummere tänk ich wider<br />

es isch es Wunder wien ir us<br />

däm Pflänzli mitme Musechuss<br />

en wunderschöne Baum gmacht händ.<br />

Mir, Presi und Expresi wänd<br />

allne da ganz härzlich tanke<br />

für die Ziit und die Gedanke<br />

wo i jedem <strong>Dorfblatt</strong> sind.<br />

Das Blatt laat eus en Gmeinschaftswind<br />

i eusem liebe <strong>Hirzel</strong> gschpüüre<br />

wo warm git – und eus nöd laat «früüre».<br />

So wünsch ich eu vo Härze Chraft!<br />

Das ihr no lang und voll im Saft<br />

im Redaktionstiim schaffe chönd –<br />

und dass s’eu au so schaffe lönd.<br />

Da druf freu ich mich als alter<br />

Gmeindspresi Schnyder Hanswalter.<br />

20 Jahre<br />

Hirzler <strong>Dorfblatt</strong><br />

3

Hurra! Ihre Datei wurde hochgeladen und ist bereit für die Veröffentlichung.

Erfolgreich gespeichert!

Leider ist etwas schief gelaufen!