Unsere renditestarken Photovoltaikanlagen kennen Sie schon!

wir.in.gg.de

Unsere renditestarken Photovoltaikanlagen kennen Sie schon!

Mir Gerer (100)

Daongge aon alle unn adschee ihr Lait

Werner Hofmann,

Tel.: 06152-7045

Die Verbundenheit eines Ma ga zins

mit dem Gerauer Land, in dem es

erscheint und über das es berichtet,

zeigt sich am allerbesten,

wenn man „den Leuten aufs Maul“

schaut. Genau dies soll mit der

Kolumne „Mir Gerer“ geschehen.

Autor des „Gebabbels“ ist Werner

Hofmann, Gerer aus Passion.

Aiern

Hofmaonns-Werner

Wie isch oogefaonge

hobb, färs „Wir-Heft“ zu

schraiwe, hatt isch mir

forgenumme, wenn ischs erlääb,

hunnert Folsche zu schraiwe.

Unn waos soll isch aisch saoche,

isch hobs erlääbt. Unn wenn ihr

owwe hierguckt, hobbt ihrs sogar

schriftlisch: do schdeht 100.

Grund färr moi Schraiwerai

war aischentlisch, zu zaische,

dass mir Gerer aa noch gererisch

babbele unn des Gebabbelde

aa schraiwe kenne. Also

korz gesaocht: die Fleesch funn

unserne Mundart. Zumal die

hait noch oft gerädt wärd, zwar

mit Aobwaischunge, awwer wer

schraibt schunn so? Isch kenn

zur Zait kaon Gerer. Awwer

fiellaischt honn isch den aone

odder aonnern animiert, des

noochzumache. Auf, ihr Lait.

Isch war jo immer widder

iwwerrascht, waos isch färr

Resonaonz gefunne honn. Do

honn misch Kärweborsch, junge

Lait also, oogeruffe unn aa

alde Omas, die sisch aon fieles

noch ärinnern konnde odders

aa färgässe hann unn jetzt isses

widder uffgetaucht. Dodebai

honn isch doch nur geschriwwe,

waos die Lait so rädde, wenn

se baienaonner sinn, unn waos

se so dengge. Nur um die groß

Polidik honn isch en Booche

gemaocht. Zu sehr gehen do die

Oosischde ausenaonner. Unn

wer hott schunn Färschdendnis

dodefier, wenn aoner e aonner

Moinung hott? Nur wenische.

Trotzdem honn isch erfahrn,

dass moi Kolumne, aa

in Buchform, bai alde Gerer,

die wo hait in Kalifornie unn

Skandinafie lääwe, ja sälbst in

Australie gelääse wärd unn die

Ausgewaonnerde froh sinn, mol

widder waos zu lääse, waos se

aon Gere ärinnert. Unn wenn’s

nur die Schraibwais iss.

Nadierlisch hotts aa die ao

odder aonner negadief Erfahrung

gäwwe, wenn se aa färschwindend

gering warn. Awwer

wer kaonns schunn jedem

Räscht mache? Isch bild’ märr

des nett oi. Awwer so Lait solles

erst mol besser mache.

Doch aa die hunnertst Folsche

haaßt noch nett, dass isch

gar nix meh funn mir heern

loss. Nur wärrn moi Baidrääsch

nett meh jeden Monat aon de

gewehnde Schdell erschoine,

sonnern daonn, wenn’s widder

waos Intressaonndes gibt. Also

kennt ihr des Heft aa widder

funn forne nooch hinne lääse.

Doch find isch, jetzt isses

aa mol aon de Zait, misch bai all

moine Lääser gaonz härzlisch

zu bedaongge, also fielen Daonk

aon all die, dene wos gefalle

hott. Unn wenn’s gefalle hott,

färzehlts waider. Hotts aisch

nett gefalle, daonn behaalts bidde

färr aisch.

Fiellaisch finnes aa maonsche

schaod, dass jetzt die Reschelmäßischkeit

im Gererische

uffheert. Awwer besser, die Lait

saoche schaod, wenn märr uffheert

odder find’t en aonnern

Modus, als wenn die Lait saoche

dehn: Waonn heert der daonn

uff zu schraiwe unn des aa noch

zu färeffentlische.

Also, alles Guude färr aisch

all unn „adschee, ihr Lait“!

Weitere Magazine dieses Users
Ähnliche Magazine