Aufrufe
vor 5 Jahren

Lebe Moten un Frünnen - Quickborn. Vereinigung für ...

Lebe Moten un Frünnen - Quickborn. Vereinigung für ...

Lebe Moten un Frünnen - Quickborn. Vereinigung für

Lebe Moten un Frünnen, fangt wi to allereerst mit Norichten ut unsen Vereen an: Endlich wöllt wi uns’ Woord inleusen un Jo de Satzung tostüern, so as wi dat al in uns’ Johrsversammeln 2008 tolöövt hebbt. Wi harrn in’n Feberwor uns’ Johrsversammeln, wo de Vörsitter jümmer reden mutt. Un de Reed leggt wi Jo ok bi. Man veel wichtiger is, wat vele ut uns plattdüütsche Welt Jubiläum hebbt or harrn. Un dor goht wi op in: Alma Rogge so as August Heinrich Grimm, Friedrich Minssen so as Peter Martens. Sophie Dethleffs (1809-1864), de to Klaus Groth sien Tieden in Heid leevt hett, harr gor al ehren 200. Geburtsdag so as Fritzing anner Johr. Un dor druckt wi eenen Opsatz öber ehr Idyllen af. Ik kunn mi ok dinken, wat vele geern wat öber de ’Duhniteh‘ or Dunität weten wöllt – so langen dat nich üm uns’ egen geiht! Kloor, wat dat ok wedder Gedichten un Geschichten geben Editorial deit. Een is vun een ölben jährig Deern, de ik in Meckelborg kinnenlehrt heff. Vele Dagfohrten sünd in’t Land gohn un an vele Stegen hebbt de Plattdüütschen sik dropen: De Fritz-Reuter-Sellschop mit de Freudenthal-Sellschop in Tramünn, de vun Kloos Groth in Heid, de Bundesroot harr to ’10 Johr Charta’ no Swerin beden un ok de Wibbelt-Sellschop harr ehr Versammeln. Klor, wi köönt nich allerwogens mit bi wesen. Man, wi dinkt dor doch an. So as ok an de Priesen: Jürgen Heitmann ut Celle kriggt dit Johr an’n 12. Juni den Klaus-Groth-Pries för Lyrik för sien Arbeid ’sotoseggen‘ un de Hans-Henning- Holm-Pries för nedderdüütsch Heurspeel, de in’n September bi de Plattdüütschen in Bäämsen öbergeben ward, geiht an Birgit Lemmermann för ehr ’Kaffeetafel mit Fleeg‘. Wi ward dor wiss in uns’ Heften noch wieder op ingohn. Jüst, wo ik dit Heft tohoop stell, is Karkendag in Bremen, wo de Plattdüütschen ok wedder een Barg op de Been stellt hebbt un Gerd Spiekermann een Bibelarbeid höllt. Un de Week vun’t Ehrenamt geiht toenn, een Bundespräsi schall wählt warrn. Mann, is echt wat los! Hebbt nich blots ober ok Spoß, lebe Lüüd. Un freit Jo, wat wi alltohoop nich Popst, man ’Quickborn‘ sünd! Beste Greuten vun Dirk Römmer 1

Leben Wohnen Arbeiten - Stadt Quickborn
Im Jetzt leben ist Zukunft! - Vereinigung der Waldorfkindergärten eV ...
Brot zum Leben... - Paso Peruano Vereinigung e.V.
Leben Betreutes Wohnen - bei Prader Willi Syndrom Vereinigung ...
Editorial - Quickborn. Vereinigung für niederdeutsche Sprache und ...
Editorial - Quickborn. Vereinigung für niederdeutsche Sprache und ...
Dat Letzt - Quickborn. Vereinigung für niederdeutsche Sprache und ...
Dat Letzt - Quickborn. Vereinigung für niederdeutsche Sprache und ...
Wöör vörweg - Quickborn. Vereinigung für niederdeutsche Sprache ...
Leve Lesers - Quickborn. Vereinigung für niederdeutsche Sprache ...
Dat Letzt - Quickborn. Vereinigung für niederdeutsche Sprache und ...
Satzung - Quickborn. Vereinigung für niederdeutsche Sprache und ...
Inhaltsverzeichnis — 69. Jahrgang 1979 - Quickborn. Vereinigung ...
Inhaltsverzeichnis — 62. Jahrgang, 1972 - Quickborn. Vereinigung ...
Besser Leben mit Parkinson.pdf - Deutsche Parkinson Vereinigung eV
Im Jetzt leben ist Zukunft - Internationale Vereinigung der ...
Wir arbeiten für Ihr Leben gern - Kassenärztliche Vereinigung ...