Aufrufe
vor 5 Jahren

Editorial - Quickborn. Vereinigung für niederdeutsche Sprache und ...

Editorial - Quickborn. Vereinigung für niederdeutsche Sprache und ...

DR. DIETER ANDRESEN

DR. DIETER ANDRESEN Kappelner Kappelner Literaturpreis Literaturpreis 2007 2007 Laudatio auf Wolfgang Sieg Verehrte Damen un Herren, leewe Wolfgang! En Laudatio schall ik nu holen. En Loffreed op unsen Priesdräger Wolfgang Sieg. Dor heff ik mi op wat inlaten! En Loffreed: Wo fangst’ dat bloots an? Schallst du den Mann un sien Wark vörstellen? Allens optellen, wat dat dor to löven gifft? Dor keem ik wull nich mit to Enn! Schallst du em de Etiketten an’t Kleed backen, de över em ümgaht: Spaaßmaker, Speler, Satiriker, Moralist? Fantasy-Schriewer, Swarten Humor? Denn kiekt he di bloots truschüllig an, aver mit so’n ulenspegelschen Gleem in sien Oog, as wenn he seggen wull: ”Hest noch mehr dorvun? Ik kenn ok de annern!“ Un denn steihst du dor mit dien Talenten un fraagst di – so as Wolfgang sien grote Kolleg’ Hinnerk Kruse mal fraagt hett: ”Nimmt he di eerst op den Arm oder schaukelt he di al?” So hett sik al mennigeen föhlt, de mit Wolfgang Sieg wat to doon kreeg: ”verschaukelt“! Vele hebbt den Indruck: ”De Mann kann jo wull gornix mehr eernst nehmen! Nie nich weetst du, wo du mit em an büst! Vun allens wiest he di de splienige Achtersiet. Mit allens drifift he sien’n Spijöök. Du musst di kaputtlachen un markst op’n Mal, dat du över di sülben lachst. Un denn sitt di dat Lachen in’t Halslock quer!“ Aver is he dat würklich: ”En Mann, de nix eernst nehmen kann?“ Dat Gegendeel is richdig! In mien Oogen is Wolfgang Sieg jüst een, de dat eernst meent mit dat, wat he denken un schriewen deit. Un twors nah dree Richtungen hen: Eerstens as Künstler: He maakt eernst mit de Spraak. Tweetens politisch: He steiht to sien Saak. Un drüddens – dat nenn ik nu mal theologisch – ok wenn Wolfgang dor nix vun hören mag: He is dicht bi de Minschen. Toeerst de Spraak. Dat is bi em jo nich Plattdüütsch alleen! Wi weet: He is jüst so in Hochdüütsch un Missingsch tohuus. Mit Romanen un satirische Texten op Hochdüütsch hett he anfungen. Acht Johr lang weer he Mitarbeider bi dat Satire-Blatt Pardon. Laternen ok bi de taz. 1974 keem dat eerste Plattdüütsch-Book –”Wohnungen” – ruut. Denn hebbt em de Missingsch-Texten bekannt maakt, wiet över Norddüütschland ruut: ”Blutfleck auffe Häkeldecke „ ”Ohlsdorf lebt“ un de annern. Missingsch – dat is jo de norddüütsche Spraak-Mix ut Hoch un Platt – man hier vun’n Hamborger Slag – disse underground-Slang mit den typi- 12 Quickborn108-1.Korr. 12 25.03.2008, 9:05 Uhr

ANDRESEN – Laudatio up Wolfgang Sieg schen Sieg-Sound, den dat bloots eenmal gifft. Vele hebbt dacht: Nu is he eerst bi sik sülm ankamen. Missingsch, dat is nu sien ureegen Rebeet! Aver so stimmt dat jo ok nich. He wull jo nich bloots dat Spraak- Kostüm utwesseln un dat Plattdüütsche in de Muuskist verswinnen laten, nä – dat keem jümmer wedder an’n Dag – jüst so as dat Hochdüütsche. All dree Kostüms hebbt em kleedt un hebbt to em passt. Nah den Missingsch-Erfolg geef dat nochmal en hochdüütschen Roman: Dr. Eternus (1987), denn wedder Missingsch-Böker un dornah de Plattdüütsch- Texten bi Hör mal en beten to. Un jümmer wedder plattdüütsche Hörspeelen bi Radio Bremen. Mehr as dörtig hett he dorvun schreewen, un de sünd all utstrahlt woorn – vun 1973 bit nu – dank Jochen Schütt, de in de Redakschoon dat Leit harr. Sieg nöömt em sien wichdigsten Lehrer op dit Rebeet. Ik will dor mit seggen: Wolfgang Sieg maakt eernst mit dat Spraak- Material, wat de Lüüd em tostüürt, op Platt, op Geel oder op Missingsch. Wo he ok is – jümmer sünd sien Antennen utspannt. He höört to, wenn de Lüüd snackt, luustert nah ehr Spraak-Melodie. He luurt ehr af, wat se seggt, aver ok, wat se nich seggt: de halfbackten Sätz, de krusen Gedanken, dat ganse Dörenanner in unsen Dööts. So as he dat opsnappt in’n Wahnblock, in’n Kroog, in de U-Bahn oder bi sien Verwandten op’t Dörp – so bringt he dat wedder vör’n Dag – aver nich as een, de bloots en Tonband mitlopen lett – nä, verwannelt as Kunst, as Geschichten, de scharp sünd un beetsch, aver ok leevlich un smeetsch, verrückt un verdreiht, as dat Leven sülm. Wieldat hüüt en Nedderdüütschen Literaturpries vergeven ward, mööt wi dat Hochdüütsche un Missingsche butenvör laten. Thema is vundaag bloots dat plattdüütsche Wark. Aver jüst hier wiest sik dat: Wolfgang Sieg maakt eernst mit de Spraak. He nöömt sik sülm en begeisterten Nedderdüütschen. Dat fung al an, as he Kind weer. Twors, snacken lehrt hett he op Hochdüütsch, schoons beide Öllern ehr Wuddeln in Plattdüütsch-Land harrn: op Rügen un in Ostholsteen. Man as dat 1943 loosgüng mit de Hamborger Bombenhöll, keem de sössjöhrige Jung nah Groot-Rönnau bi Segbarg, in sien Mudders Heimat. Dor muss’ he Plattdüütsch leern, wat he wull oder nich, ans woor he vun sien Schoolmaaten utlacht. Vun dor af an is em dat in Fleesch un Bloot övergahn. Nah den Krieg, in de Hamborger School weer he stolt dor op, dat he een Spraak mehr kunn as de annern. As Jung hett he al de Böker vun Fritz Reuter un Rudolf Kinau leest, dat heet: He hett Platt- Quickborn108-1.Korr. 13 25.03.2008, 9:05 Uhr 13

Editorial - Quickborn. Vereinigung für niederdeutsche Sprache und ...
Leve Lesers - Quickborn. Vereinigung für niederdeutsche Sprache ...
Dat Letzt - Quickborn. Vereinigung für niederdeutsche Sprache und ...
Wöör vörweg - Quickborn. Vereinigung für niederdeutsche Sprache ...
Dat Letzt - Quickborn. Vereinigung für niederdeutsche Sprache und ...
Dat Letzt - Quickborn. Vereinigung für niederdeutsche Sprache und ...
Satzung - Quickborn. Vereinigung für niederdeutsche Sprache und ...
Lebe Moten un Frünnen - Quickborn. Vereinigung für ...
Inhaltsverzeichnis — 69. Jahrgang 1979 - Quickborn. Vereinigung ...
Inhaltsverzeichnis — 62. Jahrgang, 1972 - Quickborn. Vereinigung ...
Editorial Informationen - Kassenärztliche Vereinigung Sachsen
Editorial Informationen - Kassenärztliche Vereinigung Sachsen
Editorial Informationen - Kassenärztliche Vereinigung Sachsen
Editorial Informationen - Kassenärztliche Vereinigung Sachsen
Editorial Informationen - Kassenärztliche Vereinigung Sachsen