Aufrufe
vor 5 Jahren

Editorial - Quickborn. Vereinigung für niederdeutsche Sprache und ...

Editorial - Quickborn. Vereinigung für niederdeutsche Sprache und ...

Laudatio up Wolfgang

Laudatio up Wolfgang Sieg – ANDRESEN düütsch ok as Kulturspraak in sik opnahmen. Dat is dor jo mit vermaakt, wenn een dat eernst meent mit Plattdüütsch: nich bloots snacken, ok lesen! Sik Möögd doon um de Nedderdüütsche Literatur, dat heet: nich bang ween vör druckte Böker un schrewen Schrift. Wolfgang Sieg is dor bibleven, hett neven Theologie ok Literaturwetenschop studeert un woor Schöler vun Walter Niekerken, de grote Hamborger Autorität in Nedderdüütsche Philologie. (Gans nevenbi: dor seet ok Dieter Bellmann mit em in’t Seminor! Vun nix kümmt even nix – ok keen Kappler Literaturpries!) De Kappler Jury hett as Grund för den Pries dat Book Wahnungen babenan stellt. Dat is bit op dissen Dag sien beste un wichdigste Wark. 1974 is dat ruutkamen – mit den Ünnertitel: Plattdüütsche Kortgeschichten. ”Na jo“, hebbt vele eerst dacht: ”noch so’n Book vun dat Slag, wat wi vun plattdüütsche Schriewerslüüd kennt: Lütte Geschichten ut de lütte Welt, to’n Smüüstern un Lüüstern, plinkögig, achtersinnig, en bet spietsch, aver jo nich to scharp!“ Wahnungen – dor denkt wi an Tohuus-Ween un Gemütlichkeit. Aver nix dorvun in dit Book! In so’n Wahnungs much nüms vun uns sik geern opholen, al lang nich, wenn se ok noch as Heim titeleert sünd. (In’t Männerheim speelt alleen tein vun disse Geschichten). Un de Bewahners sünd Lüüd, de een sik ok nich jüst in’t Huus inladen wöör: Pennbröder, Knastbröder, Eenspänner, ole un eensame Lüüd. Wolfgang Sieg lett uns rinkieken in den schietigen Ünnergrund vun de Welt, un dat harr dat op Platt bither noch nich geven. Bi disse Texten hört de Gemütlichkeit op. Dor sünd wülk bi, de haut di as mit en Äxt vör den Kopp. De müchst du opleevst nich to Enn lesen, wenn – jo wenn se nich so aasig good vertellt weer’n! Sieg is Realist un keen Drömer. He wiest uns de Welt so, as se is. Aver he speelt dorbi mit sien Warktüüg, de Spraak. Un sien Phantasie speelt jümmer mit un schütt ok geern mal koppheister. Denn gaht de Peer mit em dör. Denn hett he soveel Biller för Oogen, dat he mit Schriewen kuum achterran kümmt. Un wülk sünd so abasig snaaksch, dat de Leser lachen mutt, of he will oder nich. Dat lett, as wull he sik op so’n Aart friemaken vun dat Gruu’n, dat he nich vertwieveln mutt över de Welt, as se is. Swarte Humor heet dat jo wull. Aver op so’n Etikett kümmt dat Wolfgang nich an. He will mit sien Book nix bewiesen – nah de Maneer: ”Kiek mal hier: wat allens op plattdüütsch mögli is!“ He hett keen Komplex mit sien Spraak. He mutt sik dor nich mit tiern un verrenken. He schriwwt en gode, reelle Plattdüütsch, smiedig un stark, lebennig, liekto, nich överspöönsch, nich ooltbacksch, man ok nich niemoodsch mit alle Gewalt. He weet 14 Quickborn108-1.Korr. 14 25.03.2008, 9:05 Uhr

ANDRESEN – Laudatio up Wolfgang Sieg genau, dat et en ”reine Plattdüütsch“ nich geven kann. Aver he snackt ok nich de nah den Mund, de so’n bet mitplötern wüllt op de ”plattdüütsche Well“, de aver keen Tung dorför röögt un tofreden sünd mit dat Dünnbeer, wat ehr as ”Plattdüütsch“ verköfft ward. ”Eernstmaken mit de Spraak“ – för Wolfgang Sieg heet dat ok: Dat gifft keen Grenzen för plattdüütsche Literatur. Plattdüütsch is nich bloots ”för’t Hart“, dat mutt ok in’n Kopp. Sieg hett mal seggt: Een kann op Platt nich bloots dichten, nä, ok denken, dat heet: diskereren, sogor agiteer’n, Analysen maken, Kritik öven, Philosophie drieven un noch veel mehr. Recht hett he! Dorför staht Naams as Hinrich Kruse, Konrad Hansen, Oswald Andrae, Dieter Bellmann, Reimer Bull un anner. Aver nu steiht dorgegen en Trend, de will dat Plattdüütsche intüünen op den Nahbereich – op Fomilie, Fründschop un Nawerschop. In’t ”öffentliche Leven“, in Politik, Industrie, Bildung un Wetenschop schall dat nix to söken hebb’n. Överall, wo’t drop ankümmt, hett de Hochspraak alleen dat Regeern. Literarisch heet dat: Kortgeschichten, Komedi un Dööntjes sünd dat Haupt-Rebeet för plattdüütsche Texten, un dat schall so blieven. Dat Dösige is nu: Jüst wi, de aktiven Plattdüütschen, gaht dor kuum gegenan. Wi kniept al friewillig den Steert in un maakt uns dat kommodig in unse Nischen. Un wenn dor Signalen vun buten kaamt (ik nenn bloots dat Woord Charta, denn verjaagt wi uns meist un roopt: ”Himmel hölp! So eernst hebbt wi dat jo gornich meent!“ Dor leet sik nu noch en Barg över segg’n. Hier bloots noch dat: Wolfgang Sieg is bi dissen Trend nich dorbi. He nimmt dat Plattdüütsche eernst. He will dor noch wat mit rieten. Dormit sünd wi bi dat Tweete: Wolfgang Sieg steiht to sien Saak. Un sien Saak, dat is de Laag vun de Minschen, de ünnen wahnt, in’t Souterrain vun de Sellschop. He hett ehr kennenlehrt, as Warkstudent in’n Hamborger Haben, as Fabrikarbeider bi Phönix in Harborg, as Zugbegleiter, as Sozialarbeider, de entlatene Straafgefangen’ wedder togang helpen schull. He kennt de Steden, wo he vun schriewen deit, heel genau: de Knäste, de Kneipen, de Männerheime, de Oolenhüüs. Unsägliche Orte der Qual sünd de veelmals – so hett he mal seggt. Nüms vun sien plattdüütsche Schriewerkollegen is wull so deep dal Stegen in dit Souterrain. Aver worum schriwwt he dor över? Doch nich bloots, üm ”Nieland“ to winnen vör de plattdüütsche Literatur! Dat is dor ok bi ruutkamen, dat’s wohr. Aver dat weer nich sien Hauptsaak! Un wohraftig will he disse elenden Lüüd ok nich utstellen as in’n Pan- Quickborn108-1.Korr. 15 25.03.2008, 9:05 Uhr 15

Editorial - Quickborn. Vereinigung für niederdeutsche Sprache und ...
Leve Lesers - Quickborn. Vereinigung für niederdeutsche Sprache ...
Dat Letzt - Quickborn. Vereinigung für niederdeutsche Sprache und ...
Wöör vörweg - Quickborn. Vereinigung für niederdeutsche Sprache ...
Dat Letzt - Quickborn. Vereinigung für niederdeutsche Sprache und ...
Dat Letzt - Quickborn. Vereinigung für niederdeutsche Sprache und ...
Satzung - Quickborn. Vereinigung für niederdeutsche Sprache und ...
Lebe Moten un Frünnen - Quickborn. Vereinigung für ...
Inhaltsverzeichnis — 69. Jahrgang 1979 - Quickborn. Vereinigung ...
Inhaltsverzeichnis — 62. Jahrgang, 1972 - Quickborn. Vereinigung ...
Editorial Informationen - Kassenärztliche Vereinigung Sachsen
Editorial Informationen - Kassenärztliche Vereinigung Sachsen
Editorial Informationen - Kassenärztliche Vereinigung Sachsen
Editorial Informationen - Kassenärztliche Vereinigung Sachsen
Editorial Informationen - Kassenärztliche Vereinigung Sachsen