Aufrufe
vor 5 Jahren

Editorial - Quickborn. Vereinigung für niederdeutsche Sprache und ...

Editorial - Quickborn. Vereinigung für niederdeutsche Sprache und ...

MEYER – De Krönk un

MEYER – De Krönk un de „Ehrenspeelboos“ Grund, den Vereen de Pistool up de Bost to setten un Wraak to nähmen. Överto smeet de Hamborger Nedderdüütsch-Perfesser Hans Teske (he harr de Stä vun Agathe Lasch innahmen) de ”Quickborn”- Tiedschrift vör, se harr en Rezension vun en Book över de ”fläämsche Fraag” afdruckt, wat verbaden weer. In Wohrheit weer dat Book gor nich verbaden, allens weer bloots en Vörwand. Teske vertell, dat he in’n Updrag vun Nazi-Senator Allwörden hanneln dä un dat de Tiedschrieft den sien Tovertroon quietgahn weer. Strempel as Schriftleiter vun’n ”Quickborn” müss trüggträden, ok Vörsitter Felix Schmidt lä sien Amt daal. De Vereen weer nu ahn Vörstand, un nüms wull sik för en nejen Vörstand breedslaan laten, dorum stünn he vör de Gefohr, upleust to warrn. Do verklor sik Hinrich Wriede praat, den Vörsitter to maken. Vun düsse Tied an bröchen de ”Quickborn”-Heften mehr över de Nedderlannen un Flandern, ganz na de Nazis ehr Mütz. 8 Up jichenseen Ord hett Wriede den Vereen also wohraftig reddt, man nich vör’t Gliekschalten. Dat harr de Vereen al veer Johr tovör achter sik bröcht. För all Verene geev dat in de brune Tied bloots twee Wääg: De enen wörrn verbaden oder upleust, tomeist de mit linke, sozialdemokratische oder kommunistische Klör. De annern, de börgerlichen, müssen sik gliekschalten laten. (Blangenbi: den Utdruck ”gleichschalten” hebbt de Nazis sülven bruukt.) Un dat leep so af: De Vereen kreeg en Nazi as Vörsitter vör de Nääs, müss in sien Statuten sien Ja ton ”nationalen Staat” gäven un dröff keen jöödsche Liddmaten hebben (de ”Arierparagraaf”). Bi’n ”Quickborn” passeer dat in heel kotte Tied, nudat sik de Nazis in’n Sadel sett harrn. Dat Instrument för’t Gliekschalten weer bi plattdüütsche Verene de ”Kampfbund für deutsche Kultur”, de ünner dat Leit vun den Nazi-Ideoloog Alfred Rosenberg stünn. De Mann in Hamborg vun düssen Bund weer de Nazi Heinrich Haselmayer. Al in’n April 1933 is de ”Quickborn” in den rosenbergschen Bund ringahn. Haselmayer sett dat dör, dat de ”Quickborn”- Vörsitter Hans Böttcher afsett wörr, an sien Stä treed de Nazi Felix Schmidt. Böttcher kunn aver as Pennschieter (Kassenwart) in’n Vörstand blieven. De neje Vörstand weer vun Mai 1933 an in’t Amt, un de Vereen kreeg ok neje Statuten. 9 1935 wörr de ”Vereinigung Niederdeutsches Hamburg” grünnt, wo de ”Quickborn” en groten Andeel an harr. An de Spitz vun düssen nejen Vereen stünn Allwörden. De ”Quickborn” harr sik ahn een lütten Spier Wedderstand al in’n April un Mai 24 Quickborn108-1.Korr. 24 25.03.2008, 9:05 Uhr

De Krönk un de „Ehrenspeelboos“ – MEYER 1933 gliekschalten laten un sik sülven ton fasten Deel vun den Nazi- Kulturbedrief maakt. He wörr ok nich ”vereinnahmt”, bruuk dat ok gor nich. He harr sik ut frejen Stücken de Nazis an de Bost smäten. Un dat geiht noch wieder. De Vereen ”Quickborn” stünn ok bi’t Gliekschalten vun anner plattdüütsche Verene in de vörste Rehg. An’n 13. Mai 1933 schreev Haselmayer: ”Pg. Felix Schmidt, der Vorsitzende der Vereinigung Quickborn, ist mit dem Referat für die niederdeutsche Bewegung innerhalb des Kampfbundes für Deutsche Kultur beauftragt worden und hat den Auftrag erhalten, die gesamte niederdeutsche Bewegung gleichzuschalten und zusammenzuführen.” 10 Al in’n April schreven de Fehrs-Gill un de Vereen ”Quickborn” tosamen en Breef an Hitler, wo dat heet: ”Der Ausschuss für niederdeutsche Kultur, gebildet von der Fehrs-Gilde (Kiel) und dem Quickborn (Hamburg), den umfassendsten niederdeutschen Vereinigungen, sieht durch den nationalen Aufbruch das Ziel langjähriger Arbeit der niederdeutschen Bewegung erfüllt, deutsches Wesen und deutsche Art wieder in den Mittelpunkt unseres geistigen Lebens zu rücken.” Dor, wo plattdüütsch snackt wörr, harrn de Nazis al freuh de afslute Mehrheit krägen, schreven se. Un dat Plattdüütsche harr ok en groten Part in‘n ”Grenzkampf” vun’t Düütsche Riek hatt, wo in Sleswig dat Däänsche un in’n Oosten dat Slaawsche trüggdrängt warrn kunnen, un dorüm weern de Plattdüütschen ganz besünners passlich för de Nazis ehr Politik. Mit düssen depen Dener vör de Nazi-Diktatur verbünnen de Schrievers de Bidd, mehr för Plattdüütsch to doon: ”Wir bitten nun den Herrn Reichskanzler, die zuständigen Stellen anzuweisen, dass sie die niederdeutschen Stämme nachdrücklich unterstützen und fördern in ihrem Streben, eigene Art und Sprache zu erhalten auf allen Gebieten geistigen Lebens, in Kirche und Schule, Presse, Rundfunk, Bühne, Wissenschaft und Kunst.” 11 Man dor wörr nix vun. De Nazis dachen grootdüütsch. För inkelte Regionen weer villicht hier un dor en Placken över, mehr aver ok nich. Dat güll för Plattdüütsch un ok för Freesch. Un Sorbisch wörr heel un deel daaldrückt, denn dat weer en Spraak vun ”slaawsche Ünnerminschen”. Rudolf Kinau müss sien Bidrääg över’n Rundfunk, de all Riekssenners utstrahlen dään, up Hoogdüütsch afnudeln, dat de Minschen em ok bet Köln, München, Wien un Königsbarg verstahn kunnen. Nu aver trügg to de ”Speeldeel”-Krönk. Se wiest, dat ok de ”Speeldeel” in de Nazitied inbunnen weer. Faken weer se Deel vun’t KdF-Pro- Quickborn108-1.Korr. 25 25.03.2008, 9:05 Uhr 25

Editorial - Quickborn. Vereinigung für niederdeutsche Sprache und ...
Leve Lesers - Quickborn. Vereinigung für niederdeutsche Sprache ...
Dat Letzt - Quickborn. Vereinigung für niederdeutsche Sprache und ...
Wöör vörweg - Quickborn. Vereinigung für niederdeutsche Sprache ...
Dat Letzt - Quickborn. Vereinigung für niederdeutsche Sprache und ...
Dat Letzt - Quickborn. Vereinigung für niederdeutsche Sprache und ...
Satzung - Quickborn. Vereinigung für niederdeutsche Sprache und ...
Lebe Moten un Frünnen - Quickborn. Vereinigung für ...
Inhaltsverzeichnis — 69. Jahrgang 1979 - Quickborn. Vereinigung ...
Inhaltsverzeichnis — 62. Jahrgang, 1972 - Quickborn. Vereinigung ...
Editorial Informationen - Kassenärztliche Vereinigung Sachsen
Editorial Informationen - Kassenärztliche Vereinigung Sachsen
Editorial Informationen - Kassenärztliche Vereinigung Sachsen
Editorial Informationen - Kassenärztliche Vereinigung Sachsen
Editorial Informationen - Kassenärztliche Vereinigung Sachsen