Editorial - Quickborn. Vereinigung für niederdeutsche Sprache und ...

Fehlers maakt hett un leeden hett, man
de doch alltied för hör Wünsche
kämpft hett.
Dit is een Geschicht, de in moderne
Aart van mehrere Generationen vertellt
– de düdelk maakt, dat elk in sien
eegens Tied leevt, man dat doch dat
”Lengen na Leevde” glieks blifft.
De good weg 100 Sieden bruuken bi
de völ verscheedenen Perspektiven
een upmaarksamen Leser, de denn
abers nich blot van een Familiengeschicht
lest, de blangenbi ok in de
Geneet van unnerscheedelk plattdütske
Texten kummt, de in de Vertelln
inbaut sünd. Disse alleen lohnen
sük all to lesen.
Besünners is ok, dat een Deel up
Hochdütsk un een Deel – de wiedergeven
Geschicht van Silkes Grootmoder
– up Plattdütsk skreven is. So könen
ok Lüü, de noch nich so bewannert
sünd mit dat Plattdütske disse
Geschicht good lesen.
Un well ok dit eerst noch stuur fallt,
de kann sük de heele Geschicht as
Hörbook anhören. Twee CDs liggen
de mit bi.
Up de Ich-Erzählerin trefft in besünner
Wies bi disse Vertelln to, wat hör
Oma över de Booken seeg, de se van
een Person kreegen hett, dat wassen
”Böker, de ehr verännern”. Off dit hier
ok up de Leser totrefft? – ”Dat Verpreken”!
Bolko Bullerdiek, Dat Verspreken,
Erzählung, Plaggenhauer Verlag 2007,
ISBN: 978-3-937949-09-3, mit zwei
CDs, 19,90 e Hilke Arends
As As As ik ik noch noch wat wat jünger jünger weer weer …
…
Wenn de Lüüd öller ward, denn denkt
se över ehr Leven no. Un wenn se
Schrieverslüüd sünd, denn schrievt se
dat op. Un bi all de Autobiografien –
wat dat nu Ivo Braak sien ”Tieden” is
oder Ruth Klüger ehr ”weiter leben”,
Reich-Ranicki sien ”Mein Leben” oder
Helga M. Novak ”Die Eisheiligen”
(een von de besten Böker överhaupt!)
– bi all disse Böker fallt mi wat op: De
Bericht över de Kinnertied is veel beter
as över dat Leven achterno.
Wo liggt dat an?
Villicht doran, dat in uns Kinnertied de
Kopp noch leer is un wi de Indrücke
beter behoolt. Oder doran, dat uns as
Kind all dat Beleven ton ersten Mool
dröppt un sick dorüm unvergeten inprägt.
Oder doran, dat in uns Kinnertied
noch allens möglich is, dat uns
Phantasie noch nich indröögt is op dat,
wat uns loterhen realistisch dücht.
Mag dat nu ween as dat is. De kloken
Schrievers beschränkt sick dorüm foken
op de Kinnertied. Un Hayo Schütte
is en kloken. Dorüm köönt wi in sien
Book wat lesen över sien Kinnertied
in Ostfreesland un in Holsteen. Hayo
sien Vadder weer Veehdoktor, is aver
fröh dootbleven. Dorüm müss de
Mudder mit en Reeg Kinner bi ehr
Öllern ünnerkrupen, wat för all wegen
de Giezangel-Oma nich licht weer.
De lütte Hayo weer anners as de annern
Kinner: He harr Polio hatt un kunn
dorüm mit sien stief Been nich so lichtföötsch
över Padd as de annern. Un he
harr noch wat, wat de annern nich
harrn oder tominnst nich so veel von
harrn: nämlich Fantasie, de Lust ton
Kieken un Sinneern un Rumklütern.
Quickborn108-1.Korr. 67
25.03.2008, 9:05 Uhr
Rezensionen
67