Der Burgbote 2007 (Jahrgang 87)

Du häs mit uns su vill probeet
un häs uns immer motiveet.
Wors voll Elan un voller Schwung
Du bist och noch met 80 jung.
Nur dinge Moor die sin jet grau.
Dreimol Cäcilia, wau wau.
Jangk doch ens jrad, de Bunnestang
Noch zweiundrissig Grang Batmang,
doch doot jetz öntlich huh ens höppe
maht met de Fööss net su en Schöppe.
Wann hä et dann zo doll jedrewe
dann hat et Hilde enjejreffe.
Dann woot hä schnell och widder friedlich
dann woot et schön, fast schon jemöötlich.
Janz höösch is hä, un janz de Rauh.
Dreimol Cäcilia, wau wau.
Doch jeder, der dä Pitter kennt
dä kennt jo och sing Temprament.
Un baal schon jeit et widder loß,
doch maat uns dat keine Verdroß.
Denn, leeve Pitter, et es klor
en all dä ville, lange Johr,
wo du uns he schon deis traineere
däts do nie ens kapituleere.
Un eines wollt ich he noch sage:
do kannst bal jede Spaß verdrage
bestemp weil Do, dat es jeweß
e Rusemondagskindche bes.
Vür 80 johr, jrad wie bestellt
komst Du am Mondag op de Welt
Un letzte Mondag, passt ens op,
do maat hä widder eine drop.
Em Rusemondagszoch, em Schwan
do fohr hä met, ganz vürrenan.
Un all die Lückcher reefe früh
der Pitter Schnitzler läve huh.
Dem Pitter wood dovun janz flau.
Dreimol Cäcilia, wau wau.
Nu leeve Pitter, janz zum Schloß
ich eines Dir noch sage muß,
un dat sät jeder, der Dich kennt:
Du bes am Zillche-Eirmament
für uns dä allerhellste Stän.
Mer han Dich alle wirklich jän.
30