D Waret über de Isidor W. (ZH)

Wanner Beweged Si’s dur miich.
Hungerbühler Ich wott öppis verändere.
Wanner Verändered Si’s dur miich. Si chönnted dademit
irrsinnig vill Ziit spaare. Und Si würded Chreft spare
und Närve schoone. Übrigens gseend Si immer no seer
bläich und aagspannt uus.
Hungerbühler Mir gaats au nöd grad boimig. Er lehnt sich wieder
zurück, legt die Brille auf den Boden und massiert
sich die Schläfen. Nach einer Weile. Villicht isch Ire
soutummi Vorschlaag doch nöd eso tumm. Villicht
wäär da sogar öppis draa.
Wanner Mäined Si?
Hungerbühler Mängisch bin i ja würkli komplett erschöpft. Oder ich
trau mi vor luuter Depressioone chuum zum Huus uus.
Wanner Würkli? Das froit mi aber. Ich mäin, es froit mi, dass Si
über min Vorschlaag wänd naatänke. Drückt
überschwenglich Hungerbühlers verletzte Hände.
Hungerbühler Aua! Lönd Si sofort mini Händ loos. No han i nöd ja
gsäit.
Wanner Aber Si überlegged sich’s, gälled Si. Si überlegged
sich’s.
Es klingelt an der Wohnungstüre.
Hungerbühler sitzt rasch auf. Wär cha das sii? Iri Frau?
Wanner schüttelt den Kopf. Die hett nöd glüütet. Waarschiinli
isch’s miin Verlegger.
Hungerbühler Dä Souchäib bring i grad au no um.
Wanner Blöödsinn. Tüend Si sich verstecke. S isch besser,
wänn är Si nöd da gseet. Hievt Hungerbühler hoch,
steht dabei auf dessen Brille.
Hungerbühler Mini Brüle! Sii Halbschue sind mer uf d Brüle gstande.
Wanner Verstecked Si sich hinder em Sofa.
Hungerbühler Ooni mini Brüle gseen i aber nüüt.
Wanner Si müend au nüüt gsee. Hauptsach, mer gseet Sii nöd.
© Teaterverlag Elgg in Belp.
Kein Bearbeitungs- und Kopierrecht.
Kein Aufführungsrecht.
- 36 -