Aufrufe
vor 2 Monaten

Anne Bäbi im Säli

Anne Bäbi im Säli

Anne

Anne Bäbi im Säli Jack/Jakobeli Was dänkscht! Nat./Meyeli Aber wo chunnscht här? Jack/Jakobeli stottert. Ig ha da em Vatter nöijs müesse verrichte. U wo chunnscht du här? Nat./Meyeli Ig chumme vom Dokter. D Base isch geng fählberi und muess immer doktere ds Jahr uus u ds Jahr y, u kene cha re hälfe. Ds Gunträri: We sie e Rung by eim het dokteret, so düecht es se es bösi vo Tag zu Tag. Es isch kes Wunger, dass all Dökter rych wärde u chöi Chese fahre. D Base isch äbe o ne Narr, vo dene eine, wo ne nit z hälfe isch. Aber da ligt sie bis am nüni, suuft Gaffee wie ne Chue u frisst Eiertätsch derzue e Hangs dick, berzet es paar mal ums Huus ume u ligt wieder u nimmt Tropfe u frisst de Zmittag es Bratwürschtli, nimmt e Tropfe zvil derzue u de ligt sie wieder u berzet wieder u nimmt wieder Tropfe u suuft wieder Gaffee. Marija/Erz. Meyelis Erzählung überlappend. «Wenn es so plaudernd neben ihm ging, die Lippen sich schlossen und öffneten, die kleinen Zähnchen so weiss aus den beiden Rosenblättchen blickten, so hatte er keine Ohren mehr, es dünkte ihn, alles an ihm sei Auge, und nach und nach werde das Auge an ihm zum Wirbel, und dieser © Teaterverlag Elgg in Belp. Kein Bearbeitungs- und Kopierrecht. Kein Aufführungsrecht. - 67-

Wirbel möchte das Mädchen fassen, ziehen bis auf seinen tiefsten Grund.» Jack/Jakobeli Ig hulf gwüss e Halbi ha, ig zahle gärn eini. Nat./Meyeli Wäger nit, Dankheigischt! Jack/Jakobeli nimmt sie bei der Hand. Eh, ume e Halbi suumt nüt. Nat./Meyeli Wäger nit, ig muess gah, zürn doch rächt nüt! Aber was wurde d Lüt säge, wenn ig mit emene frömde Bursch wurd ga e Halbi trinke? Siebte Szene: Feuerprobe Hans/Hansli Es gfallt däm Bueb nüt, i däiche, mr liesse’s sy, es git öppe no angere. D./Anne Bäbi Was, mir liesse’s sy! Du hesch guet rede du! Du Chnüder du! Du hesch ja ke Schritt gmacht u ke Finger gchrümmt derfür! D Müeh u d Löif u d Gäng han ig allei gha, u d Schang sött ig o allei ha, we’s öppe nüt git us dere Sach. Isch d Sach aber so nachzueche gwärchet, so däichen ig, es git öppis druus. Ig wett de nadisch luege, öb ig zu kere Sach me öppis sött z säge ha. Dr Jakobli isch e dumme Bueb, synere muess me sech gar nit achte, er isch vo bös Lüte ufgreiset worde. Greuig bin ig mi scho, dass i ne so allei ha la gah. Aber dä vergisst de das scho wieder © Teaterverlag Elgg in Belp. Kein Bearbeitungs- und Kopierrecht. Kein Aufführungsrecht. - 68-

Anne Bäbi im Säli Theater Stans - Guidle
Anne Bäbi im Säli - Beat Sterchi