2018 Jahresbericht Bieraria

grischapr

Jahresbericht der Bieraria Tschlin SA

Riasunt da l‘on

L‘on 2018 es stat per nossa bieraria ün on fich allegraivel in differents aspets.

La producziun ha funcziunà fich bain, la vendita ha pudü gnir augmantada.

Nouv eschna uossa in vendita pro‘l Coop cun 4 differentas sorts (Tschlin

cler, Tschlin ambra, Weizen e Biera alvetern), nouv in tuot la Svizra eir pro

las butias dad Alnatura o pro EuroDrink. Implü vaina preschantà nossa

biera illa „Sommerbox“ ed i‘l chalender d‘Advent da la gruppa d‘interess

da bierarias independentas privatas da la Svizra. Cun passa 1500hl tocca

nossa bieraria uossa pro‘ls 10% da las plü grondas bierarias da nos pajais,

però es amo adüna massa pitschna per prodüer in möd efficiaint avuonda.

Quai as vezza üna jada daplü illas cifras da contabiltà. Il schmerdsch da la

vendita ha pudü gnir augmantà per 6%, il cashflow es cun CHF 57‘000.- il

terz bun da tuot l‘istorgia da nossa ditta però cun passa CHF 110‘000.-

amortisaziuns resulta amo adüna üna perdita annuala. Quista situaziun

es impustüt difficila pro nouvas investiziuns. Per amegldrar quist cas sto

nossa ditta crescher ils prossems ons amo bler plü ferm, adonta cha dürant

ils ultims 5 ons vaina dozà nossa vendita da 585hl sün passa 1500hl. Schi

va però uschè inavant eschna sün buna via. Per realisar il cresch bsögnaivel

ha il cussagl administrativ orientà fingià l‘on passà cha la bieraria es in trattativas

da vendita cun plüs partenaris. Quellas trattativas sun uossa ferm

avanzadas e vegnan lantschadas amo dürant quist on.

Però dain uossa ün sguard inavo sün quai chi‘d es girà dürant l‘on 2018:

• No vain pudü realisar insembel cullas pendicularas Motta Naluns e‘l

turissem Engiadina Scuol üna biera speciala per nos champiun olimpic

Nevin Galmarini. Nevin deira fingià adüna ün grond „fan“ da nossa

biera ed ha fingià üna jada tschernü nos prodot sco regal pels sponsurs.

«Als amatuors da la biera spetta la fin dal mais october ün spectacul

particular. Dürant üna spassegiada illas muntognas da l‘Engiadina

Bassa s‘haja la pussibiltà da degustar differentas sorts da biera»

La Quotidiana, 29 avuost 2018

Weitere Magazine dieses Users