Anzeiger 52-2020

Anzeiger Oberhasli
Nr. 52 Donnerstag, 24. Dezember 2020
gottesfeier, Sonntag, 27. Dezember,
11.00 Wortgottesfeier, Donnerstag,
31. Dezember, 19.00 Dank-Wortgottesfeier,
Freitag, 1. Januar, 11.00
Wortgottesfeier, Samstag, 2. Januar,
17.15 Rosenkranzgebet, 18.00 Wortgottesfeier,
Sonntag, 3. Januar,
11.00 Drei-Königs Gottesdienst,
Montag, 4. Januar, 19.30 Eucharistiefeier
(hr), Freitag, 8. Januar,
09.00 Wortgottesfeier
Brienz
24. Dezember, 16.00 Eucharistiefeier,
Weihnachten, 25. Dezember,
11.00 Weihnachtsgottesdienst, Sonntag,
27. Dezember, 09.30 Wortgottesfeier,
Heiligabend, Donnerstag, 31.
Dezember, 09.00 Wortgottesfeier,
Freitag, 1. Januar, 09.30 Wortgottesfeier,
Sonntag, 3. Januar, 09.30
Wortgottesfeier, Donnerstag, 7. Januar,
09.00 Wortgottesfeier
Hasliberg-Hohfluh
Weihnachten, 25. Dezember
11.00 Weihnachtsgottesdienst, Sonntag,
27. Dezember, 09.30 kein Gottesdienst,
Sonntag, 3. Januar, 09.30
Wortgottesfeier,
Kollekte: 19. – 27. Dezember:
Kinderhilfe Bethlehem
Kollekte: 2. – 3. Januar:
Epiphanieopfer
Nichtamtlicher Teil
Freikirchen
Christliches Begegnungs -
zentrum (CBZ)
Im Moment finden nur die Anlässe
unter der Woche statt, die Sonntags-Gottesdienste
fallen aus.
Lokale Berichte
Es par Wort zum hiirigen
Ubersitzler...
Siit villnen, villnen Jahren schon
ischt äs im Hasli Tradition,
dass mma end’s Jahr chan en Zytig
chöifen
drfir hed mma halt uf’t Gassen miessen
und e par Schritt löifen
„Dr Ubersitzler“, so heisst das alt-bekannte
Blettli
verchöift, hei’s da geng en Schwetti
Koschtet hedr all Jahr meh
Wiso ächt gnau, das wäiss doch nid es
Mal z Veh...?!
Zämechun isch’t uf all Fäll en rächte
Batzen
Trotzdäm lahd mma’s hiir grad lan
platzen.
Will’s egkäin Ubersitz gid wie mma’s
pchennd,
vertriiben dee Liit us däm OK grad
d’Hend.
Grad hiir hätti das än menga g’schetzt,
wän doch das Blettli umhi voll’s und
p’setzt,
mid Sprich und Witzen wo mma
chennti druber lachen
und sich deichen siinr Sachen.
Luschtig Gschichti und Momänte
z’verzellen hättis o in däm Jahr gän,
Drum lään meer iis das nid lan nän
Eppis probeeren z’dichten und
z’schriiben,
dass’si dee ominösen Liit in däm OK
chennen d’Öigen riiben
und si dran hindersinnen,
wee si ächt d’Läserschaft hiir hätten
chennen gwinnen.
Miglechkeiten hätti’s en hüüfen gän,
Z’OK hätti si halt meesen Ziit nän,
En Leesig z’sööchen, dass dee Zytig,
under d’Liit chund am Mittwuch 30.
und nid am Friitig.
Peschtler wän im Hasli ja no ummen,
und zwar bringes Poscht uf Gadmen,
uf Underbach und an Gummen.
O dr Azeiger bringes all Wuchen bis
uf Gööttannen,
villicht hätti mma ja o mid däm chennen
zämen spannen.
Und wenn z’erwirtschaftete Gäld vun
den leschten Jahren nid hätti glengd,
hätten uf all Fäll d’Sponsorengälder
dr Rahmen nu bald äis g’schprengd.
Oder Trychelmajore hätti mma chennen
frägen,
ob si en Leesig wissten, fir dee Blettleni
z verträgen.
Da git’s ja schleesli us jedem Dorf
z’minscht äine,
Dr’gäg gsiin, wän zimmli sicher egkäine.
Vill, o dee häin an där Zytig Fräid,
so wahr jedä vun dänen dr Schmärz
mit’si umheträid,
dass’mma hiir nid chan gan trychlen,
chilbenen und feschten,
Bekanntlich chennen das ja d’Hasler
sowiso am Beschten.
Gfähl’d hätti’s an Understitzig sicher
nid,
o wenn z’OK das eppä nid gären zöö
gid.
Ar Zyt wird’s sicher o nid han g’fählt,
Vill mee Zyt wan hiir, git’s eppä neh
meh uf däre Wält.
Da ja alls isch’t ab’gseid worden
Ischt leider o dr Ubersitzler fir z’2020
grad gstorben.
Begriifen tüöd das neemr rächt,
das git dm OK es Ziignis, es
schlächts.
Akzeptieren möss das jetz d’Bevelkerig
halt eppen,
dr Durchtwillen wärdes im OK bezeichnet
als Deppen...
Z’Ziil vun däm Sprichli das isch’t
gross,
und zwar soll das bringen, einersiits
en Denkastoss,
fir d’Frouwen und Mannen in däm
OK,
wiso dass’si hiir egkäis Lob wärden
han.
Anderersiits sellen d’Hasler chennen
schmunzlen,
und deichen, wär ächt da im Dunklen,
es Sprichli dichtet,
uber eppis wo’mma ummä und annä
mid Bedüüren druber hed prichtet.
Nämmli das nidemal en Ubersitzler
wird gän,
wenn eim d’Regierig schon z’trychlen
tüöd nän.
Iis düücht eifach das wän doch miglech
g’siin,
Aber villicht ischt das o nummen en
Spliin.
Euwi Arbeit vun den leschten Jahren,
tien’mer natiirli in Ehren wahren.
Aber hiir cha’mmes nid lan gälten,
drum tien mmer uf däm Wäg mit
euwch schälten.
Meer hoffen, äs bliibi bin däm einten
Mal,
Alles andere wän ja fatal.
En güötä Rutsch iz 2021,
o dem Ubersitzler-OK!!