Aufrufe
vor 5 Jahren

Editorial - Quickborn. Vereinigung für niederdeutsche Sprache und ...

Editorial - Quickborn. Vereinigung für niederdeutsche Sprache und ...

BOLKO BULLERDIEK Op

BOLKO BULLERDIEK Op Beseuk 32 Gerd Gerd Spiekermann Spiekermann hett hett den den Fritz-Reuter-Pries Fritz-Reuter-Pries 2008 2008 kregen kregen An’n 12. April in dat Rolf- Liebermann- Studio von’n NDR weern meist all tohoop, de in de plattdüütsche Szene en Rull speelt, un ok de Fro, de Kinner, de Frünnen von den Priesdräger, veel von sien Fans. All hebbt sick freit över den Pries; un all hebbt sick över Gerd sien Freid freit. En poor hebbt sick villicht wunnert – nich dat he den Pries kregen hett, man doröver, dat he den nich al lang harr. Weer he denn nich al vele Johrn de Star an’n plattdüütschen Heven? He hett gräsig veel Talent. He kann achtersinnig schrieven so as in sien surrealistische Geschichten ”Mien halve Fro” oder frech so as in erotische Geschichten “Kiek mol en beten to” oder mit pointierten Witz as in de mehrsten von sien Geschichten. He schrifft experimentelle Texten so as “Müüs” oder “As de Neger keem” un Lyrik. En Roman, en Theaterstück oder Hörspill kenn ick von em nich. Man wat nich is, kann warrn. Un för plattdüütsche Verhält-

Gerd Spiekermann hett den Fritz-Reuter-Pries 2008 kregen – BULLERDIEK nisse is Gerd noch bannig jung. He hett bi NDR 90,3 dat Leit von dat Hamborger Hobenkonzert, von Sonntakte, för Sendungen as “Wi snackt platt” oder “Platt för Anfänger”. He is de plattdüütsche Stimm von Hamborg. Veel kennt em as plattdüütschen Kabarettisten. He kickt denn meist grimmig, vertellt allens butenkopps un lett de Tohörers den ganzen Abend lachen. Dat Intrittsgeld is goot investeert, wenn du bedenkst, wat du dor an Antidepressiva spoorst. Un wenn du mit de Kark wat to doon hest, denn kannst du em noch ganz anners beleven: op Hochdüütsch – as Moderator in neemoodsche Gottesdeenste un af un an ok as plattdüütschen Prediger. Kann dat angohn, dat erotische Geschichten un eernsthafte Predigten ut densülvigen Kopp rutsuert? Jo un nee. Natürlich sünd se all ut sienen Kopp rutwussen, man nich to desülvige Tied. Nix blifft, as dat is. Un en Minsch mit so veel Talente – de blifft sick tru dordör, dat he sick ok ännert. Kloor, dat een bi so veel Talent nich jümmer blots Bifall kriggt. Un dat mag ok angohn, dat he ohn dat een oder anner Talent den Pries al ehrder kregen harr. Man dat is nu ok egool. Wi wüllt hier nich den Afloop von de Veranstaltung beschrieven, nich dat Begröten dör Christoph Ahlers un den Intendanten Lutz Marmor; nich den charmanten Witz von Birte Toepfer un ok nich de scharpsinnige Laudatio von Dr. Ulf-Thomas Lesle, de Dr. Frerk Möller vördragen müss, dorüm dat Dr. Lesle krank weer; nich de Musik von de Bop Cats oder de Leeder von Lars-Luis Linek un Jochen Wiegandt; nich Gerd sien Antwort op den Pries un sien Verkloren, worüm he, anners as sien Fro, nich en Huus mit Goorn hebben will un ok nich sien Snackeree mit Detlef Wutschik, de as Popp verkleedt weer, över de verscheden Spiekermanns. Dat allens köönt ji nalesen in dat Heft, dat de Carl-Toepfer- Stiftung doröver rutbringt. Wi wüllt uns Freid över den Pries un den Priesdräger 2008 utdrücken, de lange Johren för den Quickborn “Plattdüütsch Land un Waterkant” rutbröcht hett un ok en Reeg Johrn to uns Redaktion hört hett. 33

Editorial - Quickborn. Vereinigung für niederdeutsche Sprache und ...
Dat Letzt - Quickborn. Vereinigung für niederdeutsche Sprache und ...
Wöör vörweg - Quickborn. Vereinigung für niederdeutsche Sprache ...
Leve Lesers - Quickborn. Vereinigung für niederdeutsche Sprache ...
Dat Letzt - Quickborn. Vereinigung für niederdeutsche Sprache und ...
Dat Letzt - Quickborn. Vereinigung für niederdeutsche Sprache und ...
Satzung - Quickborn. Vereinigung für niederdeutsche Sprache und ...
Lebe Moten un Frünnen - Quickborn. Vereinigung für ...
Inhaltsverzeichnis — 62. Jahrgang, 1972 - Quickborn. Vereinigung ...
Inhaltsverzeichnis — 69. Jahrgang 1979 - Quickborn. Vereinigung ...