Aufrufe
vor 5 Jahren

Editorial - Quickborn. Vereinigung für niederdeutsche Sprache und ...

Editorial - Quickborn. Vereinigung für niederdeutsche Sprache und ...

RÖMMER – Mit Reutern

RÖMMER – Mit Reutern in de ole Residenz ok kaputt. So geev dat doch eenen recht kaputten Indruck! Ober dat Eten weur allerbest. Un dor kannst du di je denn mit trösten! Sünndag weur nu Kantate, de Singesünndag. Un in de Stadtkark wöör een Plattdüütschen Gottesdeenst fiert. Koold as Hund weur dat binnen in. Du hest di dor bald wat opsackt. De Chor süng op Geel. Dat Lederblatt, vun Paster em. Christian Voß tohoopstellt, bröch allerlei snooksche Sprookbiller. Ok dat Bekenntnis vun de Globen weur vun em sülbens glöövt. Ik ober kunn dor nich recht wat vun glöven un hool dat för een ‚theologische Katastrophe‘. Man, dat marken de meersten nich so dull. Ok de Predigt, de uns Paster em. Arnold Zarft ut Niegenstrelitz holen dä, weur mehr Ton as Inhalt. He dunner un bölk vun de Kanzel, de je heel un deel eenzig lett as so’n Fohrstohl an een Hochhuus. Ik teuv de ganze Tied, wat he bi dat Gebölk opfeuhr no’n Himmel oder dolfeuhr no dat Dodenriek. Platz noog harr he hatt! Nee, winn dat dat is, wat op Steeg bi de plattdüütschen Presters gellt, dinn schall mi dat mol verlangen! Ja, nu bün ik ok al meist toenn: Wi hebbt an’t Enn noch’n feinen Stadtrundgang mookt. Un op’t Letzt heff ik mit mien Frünnen noch allerbest Middag hatt. In de Orangerie, wo dat allens anfüng. 36

DIRK RÖMMER Heid Heid un un Groth Groth Groth De Klaus-Groth-Tagung 2008 geev dat an’n 26. un 27. April in de ‚Klaus Groth un Heimotstadt Heid‘ – as de Eggenfeuhrer vun de Österegg, Franz-Helmut Pohlmann, bi jeedeen Gelegenheit rutstörten deit. Dat eerste Mol weur dat den neen Vörsitter Heinz Werner Arens, vörmols Präsident vun de Sleswig-Holsteenschen Landdag, sien Sook, wat he de Gäst begreuten dä. He harr je 2007 dat Leit vun Dr. Reinhard Goltz ut Bremen öbernohmen, den de Weg vun dor no Heid to wied worrn weur. As jümmer kregen wi dat Johrbook, dat 50. vun 2008 in de lange Reeg vun Beuker, in de Hand un seten ünner’t Dack op de Museumsinsel. Dat is alle Mol komodiger, as in den olen Postelsool in de ool Postelvilla, wo de Geist vun ehrgistern wohnen deit. Beten mehr as 40 Moten un Gäst weurn komen. Ok Prof. Dr. Bichel un sien lebe Fro, de to’n letzten Mol dat Johrbook rutgeben harr. As he in dat Vörwoort schrieben deit, feuhlt he sik mit sien 82 Jahren oold noog, wat he in’n Rohstand afgohn dörf. Dat weur een wunnerbore un truu Arbeid öber Johrteihnte. Un de Sellschop bedank sik mit een Urkunn, de de Vörsitter vörlesen dä. Fro Bichel kreeg ok Dank un een Glas Gelee in de Hand. Vörher geev dat noch Greutnissen vun den Kreispräsidenten, de ok tweete Vörsitter vun de Sellschop is. He hett sik also sülbens begrött, wegen je begrött warrn mutt. Dat güng üm Hegen un Plegen. Un wi hebbt je all Drievhüüs bi Huus! De Börgervörsteher hett ok noch reed un dinn de Vörsitterin vun de Fehrs-Gill, de geern tohooparbeiden much mit de vun Klaus Groth. De Sekretär, Heiner Egge, geev den Öberblick öber dat verleden Johr. Dat kunnst du ober ok in dat Johrbook nolesen. Un dinn geev dat de Tallen. De Vereen is gesund! Un een jungen Voß wöör as Bisitter in den Vörstand wählt, nodem de Moten de nee Satzung vun de Sellschop eenstimmig (wat dinn sunst!) op’n Weg brocht harrn. De Kassierer harr de Sook so good mookt, wat he un de Prüfers ok glieks wedder wählt wöörn. Een vun de Moten höll den Bedriev ünner ‚Verschiedenes‘ op, wegen he öber een för em heel wichdige Arbeid, de Musik to Groth sien Texten, vertellen müss. Dat güng ober ok toenn. 37

Editorial - Quickborn. Vereinigung für niederdeutsche Sprache und ...
Dat Letzt - Quickborn. Vereinigung für niederdeutsche Sprache und ...
Wöör vörweg - Quickborn. Vereinigung für niederdeutsche Sprache ...
Leve Lesers - Quickborn. Vereinigung für niederdeutsche Sprache ...
Dat Letzt - Quickborn. Vereinigung für niederdeutsche Sprache und ...
Dat Letzt - Quickborn. Vereinigung für niederdeutsche Sprache und ...
Satzung - Quickborn. Vereinigung für niederdeutsche Sprache und ...
Lebe Moten un Frünnen - Quickborn. Vereinigung für ...
Inhaltsverzeichnis — 62. Jahrgang, 1972 - Quickborn. Vereinigung ...
Inhaltsverzeichnis — 69. Jahrgang 1979 - Quickborn. Vereinigung ...