Aufrufe
vor 5 Jahren

Editorial - Quickborn. Vereinigung für niederdeutsche Sprache und ...

Editorial - Quickborn. Vereinigung für niederdeutsche Sprache und ...

RÖMMER – Heid un

RÖMMER – Heid un Groth An’t Enn süng de lütte Chor ut Meldörp ünner dat Leit vun Uwe Eschner Groth-Leder ünner den Titel ‚Das Journal des Dichters‘. Wegen ik Koorten to een Vörstellung vun Brecht/Weill ehr ‚Dreegroschenoper‘ kregen harr, de in Brunsbüttel speelt warrn schull, kunn ik an’n Obend bi den Vördrag vun Dr. Jutta Müller ut Meldörp nich bi wesen. De snack öber ‚Ich bin nie jemandem begegnet, der mit ihm zu verwechseln gewesen wäre – Klaus Groth und seine Maler‘. Dat schall ober heel interessant wesen hebben. Un wi ward den Vördrag je neegst Johr in dat Johrbook nolesen könen. Sünndag weur de Sünndag Rogate, de öber’t Beden geiht. De von Klaus Groth un vun de St. Jürgen Gemeend harrn to eenen Plattdüütschen Gottesdeenst inlood, den Paster Hans Lorenzen ut Henstedt holen dä. Heiner Egge weur de Lektor. Fein hett de predigt öber den Text ut dat Ole Testament, wo Mose mit den leben Gott hanneln deit, wegen de in Brass is wegen dat golden Kalv, wat sik de Israeliten boot hebbt. Lorenzen füng ober mit twee Frogen an: Hett Klaus Groth eegens smeukt? Hett he eegens beed? Antern op de eerst Froog kunnen Biller, de vun gistern mitbrocht wöörn. Jo, he hett smeukt! Un för de tweete Froog geev dat dat Gedicht ‚De Welt is rein so sachen‘. Dor heet dat wat mit ‚Tied to‘n beden’ un ‚Hör mi, du fromme Gott‘! Dinn keum noch de ole Benediktinerwitz an de Tour, wat een nu bi’t Beden ok smeuken dörf or nich. Dat kummt op dat Frogen an! Is jümmer mol wedder nett antoheuren. Also, Mose un ok Jesus keumen ok vör, de Sekretär hett fein de Lesungen leest, de Gemeend hett fein sungen un sogor noch bi dat letzt Leed ‚Verleih uns Frieden gnädiglich‘ – wat de Melodie weur, also: dor hebbt se mit allen Mann veer Versen lang versocht, den Text op de Melodie to verdelen. Öber dor bleev jümmer noch wat öber. Pass eenfach nich, de dore Text! An’n Nomiddag feuhr noch een Bus vull no Kiel in’t Molfsee-Museum un achteran to’n Kaffee no Rendsborg an de Schwebefähre. So weur dat ok dit Johr wedder een runde Dagfohrt mit de Klaus-Groth- Sellschop. Un Band 51 gifft nu Dr. Reinhard Goltz rut. Wenn sik de Groth-Fans an’n 25. un 26. April 2009 wedder dropen dot, kriegt se den Band in de Hand! 38

CHRISTA HEISE-BATT Ohnsorg-Theater Ohnsorg-Theater kickt kickt in in de de nie nie Saison Saison Nu löppt de Saison 2007/2008 op dat Enn to. De Intendant Christian Seeler is heel tofreden, denn sien Theater kümmt in disse Saison woll op en Utlasten vun 93 % – dorbi en stabil Abonnentenkrink vun 10.248 Lüüd. Man op de Duer is dat swoor to schaffen un man will höpen dat de Hamborger Kulturbehörde noch mehr togriepen deit as bet nu. För de nie Saison 2008/2009 staht wedder interessant Stücken op den Speelplaan – Ohnsorg is un blifft en Theater för öller un jünger Minschen. „Rock op Platt – Episode twee“ treckt veel junge Lüd ran un „De plattdüütsche Vagelhochtiet“ haalt sogor de Kinner her. So schall dat ok blieven. An’n 24. August 2008 is de eerst Premiere mit dat Volksstück „Swieg still, Jung“ – Ursula Hinrichs is dorbi. Denn gifft dat an’n 5. Oktober 2008 ’n ganz besünnere plattdüütsch Eerstopföhren mit „De blaue Engel“ na den Roman „Professor Unrat“ vun Heinrich Mann. Wilfried Dziallas warrt den Perfesser spelen un man dörv heel gespannt ween. Folgen deit de plattdüütsch Eerstopföhren vun dat Lustspeel „Geld verdarvt den Charakter“. En Wiehnachtsmärken (dat warrt op Hochdüütsch speelt) dörv ok nich fehlen. De Intendant seggt, dat de Lüüd jümmers na Grimms Märken fragen doot. So warrt dat dit Johr „Hänsel un Gretel“ ween. An’n Anfang vun’t Johr 2009 kümmt weder en plattdüütsch Eerstopföhren „Kaviar un Linsen“ – en Komödie. Twölf Schauspelers sünd dorbi un dat gifft en turbulent Dörcheenanner. An’n 1. März 2009 folgt en Lustspeel vun Ingo Sax „En kommodigen Avend“ as Uropföhren. Dat warrt heel vergnöögt. Söss Fruunslüüd kümmert sik üm ’n enkelten Mann. Mut man dor seggen: De arme Keerl? Heidi Mahler un Beate Kiupel sünd dorbi. Un denn, an’n 19. April 2009, warrt dat bannig gruuselig. In dat Kriminalstück „Misery“ na den Roman vun Stephen King geiht dat üm Leven un Doot. Veel Lüüd kennt ja dissen „Thriller“ as Film or as Book. Herma Koehn fiehrt dormit ehr 40-johrig Bühnenjubiläum. Ehr to Siet steiht Oskar Ketelhut. Also, ’n Partner mitnehmen to’n Fasthollen! Utklingen deit de Saison mit de Premiere an’n 31. Mai 2009 vun en nie Komödie vun Konrad Hansen: „De Lüüd vun’n Lehmpott“. Dat hannelt vun Minschen, de man nich so geern dicht bi hett – Randfiguren – man de hebbt dat in sik. De Intendant un sien Theaterlüüd op un achter de Bühn kiekt vull Toversicht in de nie Saison. Wöllt höpen, dat veel Tokiekers kaamt un dat Theater in en goot Tokunft kieken kann. 39

Editorial - Quickborn. Vereinigung für niederdeutsche Sprache und ...
Dat Letzt - Quickborn. Vereinigung für niederdeutsche Sprache und ...
Wöör vörweg - Quickborn. Vereinigung für niederdeutsche Sprache ...
Leve Lesers - Quickborn. Vereinigung für niederdeutsche Sprache ...
Dat Letzt - Quickborn. Vereinigung für niederdeutsche Sprache und ...
Dat Letzt - Quickborn. Vereinigung für niederdeutsche Sprache und ...
Satzung - Quickborn. Vereinigung für niederdeutsche Sprache und ...
Lebe Moten un Frünnen - Quickborn. Vereinigung für ...
Inhaltsverzeichnis — 69. Jahrgang 1979 - Quickborn. Vereinigung ...
Inhaltsverzeichnis — 62. Jahrgang, 1972 - Quickborn. Vereinigung ...