Aufrufe
vor 5 Jahren

Editorial - Quickborn. Vereinigung für niederdeutsche Sprache und ...

Editorial - Quickborn. Vereinigung für niederdeutsche Sprache und ...

SCHULZ – Weddersehn

SCHULZ – Weddersehn mit Markus „Ik maak di en Vörslag: Ik stell mi för Korten an, eh. Wenn ik an de Kass bün, rennst du hen un besetzt en Wagen, du büst flinker as ik.“ „Good. För mi musst du aver wesseln, hier, teihn Euro.“ Ik pass nu op. Markus steiht jüst vör de Kass, dor höllt de Scooter an. Ik flitz los. Dor is ok al Markus bi mi un quetscht sik bi mi rin. Af geiht de wilde Jagd: Wi suust krüüz un quer över de Bahn, stööt hier an, dor ok – unse Köpp fleegt hen un her, wi schimpt luuthals – as de annern ok: „Du Döösbartel! ... Hest dat Stüern nich lehrt? ... Büst je noch veel to lütt för düt hier!“ un all sowat. Dat is en Riesenhöög! Schaad, al to Enn. Markus seggt: „Ik heff glieks för tweemal köfft, is doch recht, oder?“ „Kloor! Dor kümmt de Kasseerer!“ Un los geiht dat wedder! To schaad, dat de Spaaß jümmer so kort is, aver ik kann je noch achtmal föhren. As wi an de Kant staht un bi de annern tokiekt, segg ik: „Markus, ik krieg noch fief Euro vun di!“ „Waat? En Fohrt köst twee Euro föftig, eh! Du tweemal, ik tweemal – maakt genau teihn Euro. Hest keen Reken hatt in de School?“ Fröher weer Markus doch nich so? He weer doch jümmer en prima Kumpel, hett mi doch nie nich bedragen! „Dorvun weer aver keen Snack, dat ik di friehöll, ick will mien Geld!“ He lacht mi luuthals wat ut: „Ick heff keen Geld, eh. Woher denn woll!“ Nu heff ik noog, ik dreih mi üm un will na Huus. As ik mi noch mal ümkiek, steiht Markus al wedder an üm Koorten. 6

MARIANNE EHLERS Winnen Winnen En En Märken Märken vundaag vundaag Ik will nix winnen! Se bölkt in ’t Telefon. Laat Se mi tofreden, striekt Se mi ut de List! Nee, ik heff in de letzte Tiet bi keen Gewinnspeel mitmaakt, verdori noch mal to! Ik will ok keen Reis na Kapstadt, begriept Se dat doch! Nee, dat maakt mi keen Spaaß Winnen maakt gorkeen Spaaß! Marianne Ehlers Se smitt den Hörer op de Gavel. Düsse verdreihten Call-Centers! Sünst leggt se immer foorts op, man vundaag is se opsternaatsch un will dat mal dörchstahn, so en Anroop – wenn se al extra ut den Stall rinlopen is. Man de junge Mann an ’t anner Enn hett gornich tohöört. Bleev blots immer bi sien Stremel, vunwegen „gode Chancen“ för ehr un en Utgliek, wiel dat se noch nienich wat wunnen hett. Wo kaamt de blots an ehr Telefon-Nummer? Sogor ehren Namen hett he wüsst. Se hett em dat ja geven, düchdig sogor. Se hett gornich glöövt, dat se so bölken kann. Of em dat Indruck maakt hett? Wat hett se seggt? Ik will nix winnen! Na ja, so stimmt dat ja ok nich. Kloor will se wat winnen. Villich nich jüst en Reis na Kapstadt, liekers se dor noch nich weer. Wat anners will se woll winnen. Man wat? Se harr woll wat Besünners in ’n Kopp, man soveel as se wüss, geev dat sowat nich bi en Gewinnspeel. Mutt een egentlich wat verloren hebben, ehr een wat winnen kann? Oder gifft dat ok mal „so“ wat, sotoseggen „op to“ oder „umsünst“? Dat würr 7

Editorial - Quickborn. Vereinigung für niederdeutsche Sprache und ...
Dat Letzt - Quickborn. Vereinigung für niederdeutsche Sprache und ...
Wöör vörweg - Quickborn. Vereinigung für niederdeutsche Sprache ...
Leve Lesers - Quickborn. Vereinigung für niederdeutsche Sprache ...
Dat Letzt - Quickborn. Vereinigung für niederdeutsche Sprache und ...
Dat Letzt - Quickborn. Vereinigung für niederdeutsche Sprache und ...
Satzung - Quickborn. Vereinigung für niederdeutsche Sprache und ...
Lebe Moten un Frünnen - Quickborn. Vereinigung für ...
Inhaltsverzeichnis — 62. Jahrgang, 1972 - Quickborn. Vereinigung ...
Inhaltsverzeichnis — 69. Jahrgang 1979 - Quickborn. Vereinigung ...