Aufrufe
vor 5 Jahren

Editorial - Quickborn. Vereinigung für niederdeutsche Sprache und ...

Editorial - Quickborn. Vereinigung für niederdeutsche Sprache und ...

Rundschau översett hett, wat 1523 un 1528 in Wittenbarg rutkeem. Bugenhagen hett mit sien Översetten (1534 in Lübeck) nich mit Smedecken tosamenarbeidt, de Ünnerscheed in de Mundord weer sachs to groot. Up en anner Symposion in Harmsborg (Hermannsburg) güng dat üm Paster Louis Harms, geborn 1808. He weer Pionier för Plattdüütsch in de Kark as Brügg to de Minschen. Sien Schriften schüllt neet rutgäven warrn, ok de „Parabel von’n verlooren Sœhn“ vun Burckart Waldis in Riga (1527). To Tallinn un Riga mutt seggt warrn, dat de Düütschen in’t Baltikum in de dore Tied noch plattdüütsch snackt harrn. Düt Johr in’n Juni gifft dat in Griepswoold en Symposion över Bugenhagen. INS/hjm THEATER, KINO Theaterdräpen för junge Lü Ton eersten Maal laadt de Nedderdüütsche Bühnenbund in to en Jugendtheaterfestival för den 21. un 22. Juni na Neeborg (Neuenburg, Kreis Friesland). Deerns un Jungs ut Neddersassen un Brämen schüllt wat ut jümehr Programme upfeuhrn un sik uttuuschen, woans se up de Bühn klorkaamt. „Tokunft schrifft sik Kinner“ heet dat Motto. De Bühnenbund räkent mit hunnert junge Beseukers un söben Inszenierungen. De Theater-Zedel/NBB/hjm Neje Baas vun de Bühn Nordenham Rolf Puhl hett dat Leit över de nedderdüütsche Bühn Nordenham krägen. He peddt an de Stä vun Gert Hantke. As Puhl sien Viez wörr Horst 74 Krupp wählt. Puhl is as Techniker sünnerlich künnig in’t Fotografeern un Filmen, wat he in’t Theaterspill inbröcht hett. Lehrt hett he Maschinenboo-Ingenieur. De Theater-Zedel/hjm De „Apparatspott“ flüggt wedder An’n 28. Märzmaand harr de Science- Fiction-Film „Apparatspott“ Nummer dree in Deefholt (Diepholz) sien Premiere. Nipp un nau heet de Film: „De lesste Apparatspott – dat mokt wi gistern“. In’n Middelpunkt steiht en gehemen Tiedtunnel, wo de Börgermeistersch in verswinnt un in lang verläden Tieden schickt ward. Käpt’n Kork un sien Kru schall nu de Börgermeistersch redden un mutt in’n Tiedtunnel achterran. Ok hier sünd wedder grote Lichter ut de plattdüütsche Szene mit bi as Falko Weerts, Gerlind Rosenbusch un Armin Maiwald. Nu wüllt de Filmmakers wat anners afdreihen, ok up Platt, man kenen Apparatspott mehr. Aver dat hebbt se al bi Apparatspott Nummer twee seggt. INS/hjm De Blaue Engel bi Ohnsorg In de Späältied 2008/2009 bringt dat Hamborger Ohnsorg-Theater ton eersten Maal den „Blauen Engel“ up de Bühn, up Plattdüütsch na den Romaan „Professor Unrat“ vun Heinrich Mann. Dat Stück schall sich dicht an den Film anlähnen, sä Intendant Christian Seeler. De Hauptrull vun den Perfesser kriggt Wilfried Dziallas, de Sängersch Rosa Fröhlich, de in’n Film vun Marlene Dietrich späält wörr, övernimmt Katharina Kaali. De Regie hett Frank Grupe. Seeler ver-

tell noch, dat sien Theater in de verläden Späältied bloots mit 91 Perzent utlast weer, dat bedüddt 75000 Euro weniger Innahmen. Man he haapt, dat sien Theater mit’n Toschuss vun’n Hamborger Staat bäten Luft kriggt. dpa/hjm Grote Bühnendag 2009 In düssen Maimaand hebbt sik al 350 Lü vun plattdüütsche Theaters vör den „Groten gemeensamen Bühnendag“ anmellt, de vun’n 21. bet ton 24. Mai 2009 in Wilhelmshaven aflopen schall. De Lü sünd vun 36 nedderdüütschen Bühnen in’t hele Norddüütschland. Dat Motto vun’t Dräpen heet: „Klassiker up Platt – geiht denn dat?“ To glieke Tied schall dat en Warkeldag för Kinner un junge Lü gäven. Organiseert ward dat allens vun’t Theater am Meer in Wilhelmshaven. Ministerpräsident Christian Wulf späält ok mit – as Scheermherr. NBB/hjm Theater up’t Flett So heet dat Seminarprojekt, wat sik de Landschopsverband Staad (Stade) vörnahmen hett. Een nedderdüütsche Komedi schall instudeert warrn. Se heet „Vörut na Rio“ un wörr egens för düt Seminar up Plattdüütsch översett. Premiere schall an’n 29. August wään. landschaftsverband-stade.de MUSIK Ok bi uns gaff dat sture Tieden Werner Willms (Gitarre, Gesang) un Günter Orendi (Tuba, Slagtüüg) heb- Rundschau ben bit nu her meesttieds up Engelsch sungen: over dat sware Leven van de Swarten up de amerikaansken Kattuunfeller of van de Minsken in de Cajuns. Man nu hebben se docht, ok bi uns an de Waterkant gaff dat en Bült Lü, de sük leep ofmarachen mussen, in de Fehnkolonien of bi de Diekboo. Un dat willen se mit Blues un Rock ton Thema maken – up Plattdüütsk, de Spraak vun de lüütjen Lü. „Spööl mit Hart, spööl van dien Leven, dat hett bi di doch ok al sture Tieden geven.“ De twee willen wiesen, dat Plattdüütsk en lebennige Spraak un Kultur is. Un Tuba word neet bloot in’t Dixieland spöölt. Mehr over dat „Akustikstudio mit Weltmusik up Platt“ in’t Internet: blaumusik.de. Plattnet/hjm Lederweddstried för lütte Spraken „Liet Lavlut“, de Lederweddstried för europäische Regional- un Minnerheitenspraken, geiht düt Johr an’n 18. Oktober in’t sweedsche Luleå över de Bühn. In de verläden Johrn weern Baskisch, Bretoonsch, Samisch, Freesch un väle anner Spraken mit bi. Ok plattdüütsche Leder un Songs künnt up en CD tostüürt warrn. De leste Poäng (1. Mai) is leider al vörbi. INS/hjm Gnadenlos Platt 1995 hett de Band mit Arnzi (Hans- Peter Ahrns) in en Heuhnerstall anfungen. Nu sünd se söss Musikprofis. Wenn se twüschen Däänmark un de düütschen Middelbargen upträden doot, sünd de Konzertsaals tomeist pickepackevull. Se maakt nich bloots Musik, sünnern na Arnzi sien Menen 75

Editorial - Quickborn. Vereinigung für niederdeutsche Sprache und ...
Dat Letzt - Quickborn. Vereinigung für niederdeutsche Sprache und ...
Wöör vörweg - Quickborn. Vereinigung für niederdeutsche Sprache ...
Leve Lesers - Quickborn. Vereinigung für niederdeutsche Sprache ...
Dat Letzt - Quickborn. Vereinigung für niederdeutsche Sprache und ...
Dat Letzt - Quickborn. Vereinigung für niederdeutsche Sprache und ...
Satzung - Quickborn. Vereinigung für niederdeutsche Sprache und ...
Lebe Moten un Frünnen - Quickborn. Vereinigung für ...
Inhaltsverzeichnis — 62. Jahrgang, 1972 - Quickborn. Vereinigung ...
Inhaltsverzeichnis — 69. Jahrgang 1979 - Quickborn. Vereinigung ...