Aufrufe
vor 5 Jahren

Editorial - Quickborn. Vereinigung für niederdeutsche Sprache und ...

Editorial - Quickborn. Vereinigung für niederdeutsche Sprache und ...

Rundschau ok Spraakplääg. De Band rockt ok bi’n Kölner Karneval un vör veertigdusend HSV-Fans in’t Stadion. In’n Juni schall jümehr neet Album „Rotlicht“ rutkamen, un up dat Nordrock.Festival an’n 31. Mai in Bremerhaven sünd se ok mit bi. Hamburger Abendblatt/hjm ZEITUNG, RUNDFUNK UND FERNSEHEN Nejes ut Büttenwarder Söss Episoden vun de Sennrehg „Neues aus Büttenwarder“ warrt up Plattdüütsch nasynchroniseert. Bi dat Tempo vun de hoogdüütsche Snackeree is dat nich eenfach. Harr ik bloots up Hoogdüütsch nich so gau snackt, sä Schauspäler Peter Heinrich Brix. De Episoden warrt in de tokamen twee Johrn utstrahlt. INS/hjm Platt ut Peking, Nebraska ... Düt Johr gifft dat neje Folgen vun de Sennrehg „De Welt up Platt“ mit Julia Westlake un Yared Dibaba. De Termine: 25.5. un 1.6. ut New York, 8.6. ut Sibirien, 15.6. ut Nebraska, 20.7. ut Seattle, 27.7. ut Schanghai, 3.8. ut Peking un to Wiehnachten ut Australien. Dat Blatt op Platt/hjm NACHRICHTEN AUS ANDEREN VEREINIGUNGEN Plattdüütsch Stiftung Neddersassen Jümmer mehr Lüe kamt dar achter, dat de Staat sik mit de Tiet ut vääle van siene Upgaaven trüchtrecken deit, un se versöök, dar eegen Enga- 76 gement gegentosetten, dat in Tokunft us Kulturlandschaft nich utrümt ward. Een Stück van us Kultur, dat jümmer mehr in Gefahr is, is de nedderdüütsche Spraak. De Tokunft van de Spraak hett dat verdeent, dat tominnst de rundweg eene Million Minschen, de noch plattdüütsch snacken köönt un doot, sik all mitn’anner achter de Saak stellt, ehrder dat dat to laat is. Üm wecke Saak geiht dat? In Stade dar röögt sik de Plattdüütschen: An’n 10. in’n Oktobermaand is de Plattdüütsch Stiftung Neddersassen in een Fierstünn in den historischen Königsmarck-Saal in’t ole Rathuus Staad up de Been stellt wurrn. Se will sik darför insetten, dat us Regionalspraak as een Pieler van us norddüütsche kulturelle Identität nich dahlbräken deit. Sparkassen- Direktor Hans-Peter Fitschen hett de Stiftung in Gang brocht. All Landschaften weern bi de Gründungsfier darbi, de Neddersassen Heimatbund Hannover, dat Institut för Nedderdüütsch Spraak Bremen, de Universität Ollnborg, de Klootscheeter-Lannesverband Ollnborg, de Ollnborger Heimatbund De SPIEKER, un Wissenschaftsminister Stratmann hett siene ersde Festreed up plattdüütsch holen. De Stiftung will sik stark maken darför, dat ok in tokamen Tiet us Kinner un Grootkinner plattdüütsch verstahn un snacken köönt. De Regionalspraak schall pläägt, erforscht un wietergäven weern. Besonnere Ut- un Fortbildungs-Projekte schüllt jüst so fördert weern as de Forschung un Lehre van

de Spraak. Mit gode Wöer alleen kummt man nich mehr wieter, dar mutt al reell Geld inne Hannen nahmen weern, üm dat to’n Bispill in Kinnergaarns un Scholen Plattdüütsch- Ünnerricht gäven weern kann. So’n Stiftung bruukt anstännig wat in’n Geldbüdel, dat se wat bewegen kann. So’n 1 bit 2 Millionen Euro mööt dar al up’n Bült kamen. Wat utgäven weern kann, dat sünd man bloots de Tinsen van dat ansammelte Kapital. Elkeen Plattdüütsche/n is uproopen, to wiesen, dat ehr/em de Moderspraak wat weert is. – Ik kunn mi vörstell’n, dat to’n Bispill de Vereene, de Plattdüütsch as Upgaav in jümehr Satzung stahn hebbt, för een Tiet van – seggt wi mal – fief Johr van elkeen van ehre Maaten een Aart „Plattdüütsch-Soli“ tohoop mit den Johresbidrag intrecken kunnen. Wor dat nich geiht, köönt se bi plattdüütsche Veranstalten sammeln, of to’n Bispill för Plattdüütsch-Theater een Euro up de Intrittskort upslaan. Wenn all in ehre Knipp langt un de Plattdüütsch Stiftung Neddersassen unner de Arms griept, kann se ok gau to’n Lopen kamen. Elkeen Bidrag is weertvull. Dat Konto: Nr. 105 106 bi de Kreis- Sparkass Stade, BLZ 241 151 16 „Plattdüütsch Stiftung Neddersassen“. De Utzug gellt bit 100 Euro Spennen at Towennungsbescheed. För Spennen över 100 Euro schickt de Stiftung een extra Towennungszeddel. Wenn wi all tohoop för de Spraak instaht, denn so bringt dat ’n Barg! Jürgen Hennings SPIEKER-Ehrenbaas Rundschau De Plautdietschen harrn ehr Johrsdräpen De Plautdietsch-Frünnen harrn an’n 8. März ehr Johrsdräpen in Detmold. Dat geev de Liddmatenversammeln, Diskussionen un Vördrääg. In’n Middelpunkt stünn Plautdietsch in de Literatur. Läsen dään Rudy Wiebe un Miriam Toews ut Kanada, de över ehr mennonitische Kinnertied schräven hebbt. För ehr Wark hebbt de beiden den Governor General’s Award krägen, den wichtigsten Literaturpries in Kanada. Na lange Tied is in’t Freuhjohr wedder de Plautdietsch-Frind rutkamen, de Nummer 21. De neje Chefredakteur is Heinrich Siemens. Peter Wiens, de betto düt Bahntje harr, sitt ok füdderhen in de Redaktjoon, tohoop mit Katerina Jabs un Peter Penner. De Tiedschrift ward bloots noch eenmaal in’t Johr rutbröcht, is aver dicker as de olen Utgaven. „To meea rehtjt de Tied eenfach nich“, schreev Heinrich Siemens. De Adress vun de Tiedschrift: Plautdietsch Frind, Moritz-Rülf-Str. 5, 32756 Detmold. Plautdietsch-Freunde/hjm Plattdüütsch Statut vun de Fehrs-Gill indragen Dat Ämter un Gerichten Plattdüütsch as en Spraak un nich as enen Dialekt akzepteren mööt, kann man ut de Europääsche Charta för Regional- or Minnerheitenspraken sehn („Regionalspraak“). Dat se Dokumenten, de in de Regionalspraak Plattdüütsch un nich in de Amtsspraak „Düütsch“ (meent is „Hoochdüütsch“) schreven sünd, nich torüchwiesen köönt, steiht ok in de Sprakencharta. Na den Striet 77

Editorial - Quickborn. Vereinigung für niederdeutsche Sprache und ...
Dat Letzt - Quickborn. Vereinigung für niederdeutsche Sprache und ...
Wöör vörweg - Quickborn. Vereinigung für niederdeutsche Sprache ...
Leve Lesers - Quickborn. Vereinigung für niederdeutsche Sprache ...
Dat Letzt - Quickborn. Vereinigung für niederdeutsche Sprache und ...
Dat Letzt - Quickborn. Vereinigung für niederdeutsche Sprache und ...
Satzung - Quickborn. Vereinigung für niederdeutsche Sprache und ...
Editorial
Lebe Moten un Frünnen - Quickborn. Vereinigung für ...
Heft 2/2008
Inhaltsverzeichnis — 62. Jahrgang, 1972 - Quickborn. Vereinigung ...
Inhaltsverzeichnis — 69. Jahrgang 1979 - Quickborn. Vereinigung ...
Heft 1