Aufrufe
vor 5 Jahren

Editorial - Quickborn. Vereinigung für niederdeutsche Sprache und ...

Editorial - Quickborn. Vereinigung für niederdeutsche Sprache und ...

Rundschau üm den Indrag vun de „Läägeünnerloage“ (Kohmatten) bi’t Bunnspatentamt wullen de Maten vun de Fehrs- Gill en plattdüütsche Faten vun ehr Vereensstatut bi ’t Vereensregister anmellen. Dorüm hebbt se dat ole hoochdüütsche Statut ophaven, en plattdüütsche Faten annahmen. De Vörstand hett, as he dat nee Statut anmellen dee, ut Vörsicht en hoochdüütsche Översetten vun Prof. Dr. Hubertus Menke bileggt, so dat keeneen seggen kunn, he kann den Statutentext nich recht verstahn or man harr keen Garantie för en richtige Översetten. So, as de Fehrs-Gill dat wull, is dat Statut denn bi dat tostännige Registergericht Lübeck in’t Vereensregister indragen worrn. Man kann nu in nalesen, wat in dat „Statut vun de Fehrs- Gill“ steiht: wat över „Naam un Sitt“ in den § 1, wat över den „Sinn“ un „Gemenen Nutten“ in § 2, över de Rechten un Plichten vun de „Maten“ in § 3, dat „dat Arbeitsjohr dat Kalennerjohr is“ in § 6 usw. De Gill hett nu ok ehren Naam verdüütlicht. Se versteiht sik na ehren § 1 (1) as „Sellschop för nedderdüütsche Sprakpleeg, Literatur un Spraakpolitik i.V.“ Un na ehren § 2 is „de Sinn vun de Fehrs-Gill a) Material för ’t Spraaklehren antobeden un Seminoren to stütten, b) nedderdüütsche Literatur to verbreden, wobi se sünnerlich an dat Wark vun Johann Hinrich Fehrs to denken hett un c) den kulturpolietschen Rahmen för de nedderdüütsche Spraak to verbetern“. Marianne Ehlers un Heinrich Thies 78 Wat „De Spieker“ plaant An’n 12. April harr „De Spieker“ sien Hauptversammeln in Grotenkneten. Spieker-Baas Erhard Brüchert meuk künnig, wat „De Spieker“ in’t 60. Jubiläumsjohr allens in’n Gang sett hett, de Spieker-Revue in Bad Twuschenahn un de Utgaav vun dree neje Spieker-Beuker. De Chronik- Kring is as teihnte Spieker-Kring grünnt worrn un harr sienen Warkeldag in’n April in Frieseithe. Neet wählt wörr düt Johr nich, de ole Vörstand bleev in’t Amt. Plaant is för’n 11. Oktober en groten Spieker- Abend in Stenum, all Krings wüllt dorto wat bidrägen. Tokamen Johr schall dat en groot europäisch Spraken-Symposion in Stapelfeld gäven, wat ünner de Regie vun de Ollenborger Landschop un den Vereen „Plattdüütsch höört d’rbi“ steiht. De Spieker/hjm Nawuss dat A un O An’n 26. April wörr de Nedderdüütsche Bühnenbund Neddersassen un Brämen (NBB) 85 Johr oold. Un jüst an düssen Dag heel de Bund sien Johrsversammeln in Auerk (Aurich) af. Vörsitter Arnold Preuß snack över de Tokunftswarkstä, wat de Bund vörig Johr in’t Läven ropen hett. Upgaav is, Nawuss för’t plattdüütsche Theater to finnen und to scholen. Düt Johr löppt dat Theaterfestival för junge Lü (mehr ünner „Theater“ in düt Heft), un ok in de tokamen Johrn schall jümmer wat för junge Lü maakt warrn. Denn Nawuss is dat A un O för jeedeen Theater. Arnold Preuß blifft Vörsitter vun’n Bund, Herwig Dust is as Viez för veer Johr wedderwählt, un

neet in’n Vörstand sitt Christian Behrends för den Schrievkraam. NBB/hjm Plattdüütsch-Forum För’n 19. April hett de Hamborger Plattdüütsche Raad ton Plattdüütsch- Forum inlaadt. All, de in Hamborg wat up un för Plattdüütsch doot, schullen mit bi wään un över jümehr Arbeid vertellen. Jedereen schall sik in’t Internet stellen un sik mit de Webstä vun’n Plattdüütschen Raad verbinnen. Groot Loff kregen Plattdüütsch-Laien ut de Veerlannen, de anbaden harrn, in de Scholen de Kinner Plattdüütsch bitobringen. Sowat mutt ok in anner Hamborger Stadtdelen passeern, heet dat. Wenn’t neudig deit, will de Plattdüütsche Raad ok mit Geld ünner de Arms griepen bb/hjm Plattdüütsche Dag in’n September De Sleswig-Holsteensche Heimaatbund (SHHB) röppt all Minschen in’t Land up, in’n September in jümehr Dörp oder Stadt en Plattdüütschen Dag antomellen. Dat Motto heet düt Johr: „Platt hüüd un morgen“. Sünnerlich bi junge Lü geiht dat Plattsnacken trügg, un dor schall wat gegen daan warrn. De wat plaant, schall sik mellen bi: SHHB, Hamburger Landstraße 101, 24113 Molfsee. Schleswig-Holstein/hjm SONSTIGES Swartenbeek oder Swattenbeek? De holsteensche Stadt Schwarzenbek bi Hamborg schull up sien Ortsschil- Rundschau ler den plattdüütschen Naam „Swartenbeek“ kriegen. Denn wörr överleggt, wat de Naam nich egentlich „Swattenbeek“ heten mutt. Na en groot Buhei hett nu de Kulturutschuss vun de Stadt sik up „Swattenbeek“ fastleggt. Bergedorfer Zeitung /hjm „Krühoff“ statts „Kruuthoff“ „Krühoff‘“ heet in de Hamborger Veerlannen de Vörgorn, wo Greuntüüg, Blomen un annerswat wassen doot. Een Veerlanner Straat schull „Kruuthoffweg“ heten. Dor hebbt de Lü Protest gegen maakt, denn mit „Kruud“ is in de Veerlannen dat Unkruut meent, also jüst dat, wat’n in en Krühoff nich bruken kann. Nu is de Stried vörbi, de Straat schall „Krühoffweg“ heten. Latücht/hjm Computerspill ok up Platt In’n Janewor keem de Utgaav 0.7.3 vun’t Computerspill FreeCol rut. Dat kann in en ganze Rehg Spraken aflopen, ok up Plattdüütsch. In’t Spill geiht dat üm Amerika, dat 1492 vun de Europäers entdeckt un ton Kolonie maakt wörr. Ennen deit dat, as de Verenigten Staaten vun England unafhängig warrt. Elkeen kann sik dat up de Webstä FreeCol.org ankieken. Plattnet/hjm Weddstried in Neebramborg Dat Dagbladd „Nordkurier“ ut Neebramborg (Neubrandenburg) hett ton plattdüütschen Schrieversweddstried upropen. Nich bloots ut Mäkelburg, man ut heel Norddüütschland künnt Riemels oder Vertellen tostüürt warrn an: Nordkurier, Flurstr. 2, 17034 Neubrandenburg, Kennword: Litera- 79

Editorial - Quickborn. Vereinigung für niederdeutsche Sprache und ...
Dat Letzt - Quickborn. Vereinigung für niederdeutsche Sprache und ...
Wöör vörweg - Quickborn. Vereinigung für niederdeutsche Sprache ...
Leve Lesers - Quickborn. Vereinigung für niederdeutsche Sprache ...
Dat Letzt - Quickborn. Vereinigung für niederdeutsche Sprache und ...
Dat Letzt - Quickborn. Vereinigung für niederdeutsche Sprache und ...
Satzung - Quickborn. Vereinigung für niederdeutsche Sprache und ...
Lebe Moten un Frünnen - Quickborn. Vereinigung für ...
Inhaltsverzeichnis — 62. Jahrgang, 1972 - Quickborn. Vereinigung ...
Inhaltsverzeichnis — 69. Jahrgang 1979 - Quickborn. Vereinigung ...