Aufrufe
vor 5 Jahren

Editorial - Quickborn. Vereinigung für niederdeutsche Sprache und ...

Editorial - Quickborn. Vereinigung für niederdeutsche Sprache und ...

EHLERS – Winnen – En

EHLERS – Winnen – En Märken vundaag mi doch mal interesseren. Kann een wat winnen, ahn dat verdeent to hebben? Oder annersrüm: verdeen ik to ’n Bispill, dat ik mal wat winn? Weer ik denn glücklich, wenn ik wat wunnen harr oder weer dat en Last för mi? Is dat en schöne Geföhl, wat to winnen – oder mutt ik denn ümmerto „danke“ seggen, sotoseggen mi verdeffenderen, dat jüst ik dat grote Glück hatt heff, en Winner to ween? Sind Winners sowat as Siegers? Staht se denn höger as de annern oder blievt se so as de sünd, blots even, dat se sik denn „Winners“ nömen dörft? Wat hett se blots för Fragen in ’n Kopp! Se harr en beten gedülliger ween schullt mit den jungen Mann an ’t Telefon. Wenn se ganz ehrlich is, hett se em ok nich richdig utsnacken laten. Se hett ümmer blots bölkt, se will nix winnen un dat ehr dat keen Spaaß maakt. Wohrschienlich leeg dat dor an, dat se jüst vun ’t Melken rinkamen weer un sik noch nich de Hannen wuschen harr. Un de Koh Anna harr ehr ok argert un er pedd, as se ehr dat Melkgeschirr anleggen wull. En Reis na Kapstadt – wodennig schull se dat blots regeln hier op ’n Hoff? Se kann ja gornich weg vun all de Arbeit. Goot, se kunn sik en Bedrievshölper annehmen – dat kost düchdig wat. Man wenn de Reis ümsünst weer? Tüüch müss se ok noch hebben, wat Luftiges hett se gornich in ehr Schapp, blots ümmer de Jeans un dat Funktschoonstüüch för den Stall. Ik glööv, ik will doch wat winnen! Se drückt op den Knoop „Letzte Nummer“. Dütmal snack ik örnlich mit den jungen Mann. Will hapen, de Reis na Kapstadt is noch nich vergeven. Ik will de nu winnen. Winnen maakt villicht doch Spaaß! Wat is dat, hier bimmelt en Apparat? Dat is ja noch nienich vörkamen, siet ik hier jobben do. Wi sünd hier doch de Anropers, wo kaamt wi denn dorhen? Ik, glööv dat ja nich, dat höllt nich wedder op! Na, ik gah mal ran. Man, wodennig schall ik mi mellen? Ik kann doch nich goot seggen: hier is dat Call-Center! Ik segg eenfach mien Namen, is ja nich verkehrt. Clausen hier, wat kann ik för Se doon? 8

Winnen – En Märken vundaag – EHLERS Wi hebbt jüst miteenanner snackt? Kann ik mi nich op besinnen. Wat meent Se, leve Fru, mit woveel Lüüd ik den ganzen Dag snack. Also, Baumann heet Se – un, wat wüllt Se? De Reis, wat för en Reis? Na Kapstadt? Wie kaamt Se op Kapstadt? Dat schall ik seggt hebben? Nu mal ganz langsam, leve Fru Baumann. Ik schall Se also vör teihn Minuten seggt hebben, dat Se en Reis na Kapstadt wunnen hebbt? Köönt Se dat bewiesen? Bi wat för en Gewinnspeel denn? Na, seht Se, Se hebbt bi nix mitmaakt un wöllt en Reis wunnen hebben? Kann ja woll nich angahn! Ehr Naam un Adress? Dat gifft doch Telefon-Böker! Un wenn Se as enkelt Fru so dösig sind un kumplett allens rinsetten laat ... Denn bruukt Se sik doch nich wunnern, wenn Se anropen warrt! Wat meent Se? Ik bün frech? Na, nu hollt Se sik aver mal torüch! Opleggt! Beste Fru, keen Reis na Kapstadt! Oder doch ...? Hett sik interessant anhöört, de Deern. Oh, ik heff de Adress gornich op mien Rekner. Wo is dat Telefonbook? Baumann, kümmt veermal vör. En Fru dorbi, dat mutt se ween. Ja, dat is de Nummer, de ik vörhen wählt heff. Will doch glieks mal de Adress ... Na, de wahnt ja wiet buten. Mutt ik morgen sachts en beten fröher weg hier. Du verdreihte Anna, blöde Koh, musst du mi denn immer argern! Magst du dat nich, wenn di de letzte Sünn op dien Fell schient? Dat bimmelt, man nich dat Telefon – nee, an de Huusdöör bimmelt dat. Argerlich stellt se dat Melkgeschirr to Siet. Wokeen kümmt nu, um düsse Tiet? Dat passt ja nu gornich. Frau Baumann? Ja, schönen goden Avend ok, wi hebbt güstern um düsse Tiet telefoneert. Clausen is mien Naam – un, ik wull Se wat bringen. Se wüllt ... mi wat bringen? Ik heff nix bestellt! Se wullen doch wat winnen, Fru Baumann. De Reis ... besinnt Se sik nich? Is ja allens en beten dösig lopen, un ik kunn ja nich weten, dat Se torüchroopt un mi fastnagelt wegen de Reis ... na Kapstadt, weet Se? 9

Editorial - Quickborn. Vereinigung für niederdeutsche Sprache und ...
Dat Letzt - Quickborn. Vereinigung für niederdeutsche Sprache und ...
Wöör vörweg - Quickborn. Vereinigung für niederdeutsche Sprache ...
Leve Lesers - Quickborn. Vereinigung für niederdeutsche Sprache ...
Dat Letzt - Quickborn. Vereinigung für niederdeutsche Sprache und ...
Dat Letzt - Quickborn. Vereinigung für niederdeutsche Sprache und ...
Satzung - Quickborn. Vereinigung für niederdeutsche Sprache und ...
Lebe Moten un Frünnen - Quickborn. Vereinigung für ...
Inhaltsverzeichnis — 62. Jahrgang, 1972 - Quickborn. Vereinigung ...
Inhaltsverzeichnis — 69. Jahrgang 1979 - Quickborn. Vereinigung ...