Editorial

Rezensionen
jümehr jöödsche Schoolfrünnen finnen,
de toeerst na Westerbork un vun
dor na Auschwitz bröcht wörrn. Se
hebbt de Naams vun ehr Denekamper
Navers ok funnen. Een Deel Kinner
is up en Foto afbillt. Denn hebbt
wi de Geschicht vun en Amsterdamer
Juud tofaten, de sik in’n Krieg falsche
Papiern meuk un sogor na Düütschland,
ok na Berlin, ton Arbeiden güng.
So hett he “in de Höhl vun’n Leuw” as
Juud den Holocaust överstahn. He
weer so perfekt vörgahn, dat he sik
falsche Öllern un Grootöllern ut Denekamp
toleggen dä un so in
Düütschland sien arische Grootmudder
vörwiesen kunn. Dat hett bäten
wat vun’n Hitlerjung Salomon.
Een heel vergäten Kapitel: de Zouaven,
Legionäre vun’n Paapst, mit de
he sienen Karkenstaat gegen dat italieensche
Herr vun Garibaldi verdeffendeern
dä. Düsse Zouaven weern
tomeist Berber ut de franzeuschen
Kolonien in Nordafrika, aver ok Franzosen
un Nedderlänners weern mit
bi. As Frankriek 1870 sien Legionäre
in’n Krieg gegen Preußen sülven bruken
dä un jüm aftröck, sleug de leste
Stunn vun’n Karkenstaat. He wörr vun
de Italieners innahmen, un Rom wörr
Hauptstadt vun Italien (tovör weer dat
Turin). De Paapst beheel bloots en
luurlütten Placken in Rom, de Vatikanstadt,
as wi ehr nu kennt. As de nedderlännschen
Zouaven na ehr Heimaat
trüggkemen, wörrn se jümehr
Papiern quiet un staatenloos, denn
König Willem III. harr sien Ünnerdanen
verbaden, för en frömde Macht
in’n Krieg to trecken.
De Region Twente, wo Denekamp in
liggen deit, mutt in verläden Tieden
46
öllig arm wään hebben, villicht to
verglieken mi dat Eemsland in de
düütsche Naverschop. De Lü sünd dor
tomeist in de Orntied to Foot un mit
all ehr Reedschop na (dat nedderlännsche)
Freesland gahn un hebbt
sik dor poor Maanden lang bi rieke
Buurn verdingt, weern sotoseggen
Gastarbeiders in’t egen Land.
De Bidrääg in’t Heft sünd tomeist nedderlännsch
schräven, wi finnt aver ok
poor Riemels un Upsätz in Twents, wat
de Plattsnackers in’t Ümbi vun Nordhorn
säker good verstahn künnt.
’t Onderschoer. Tijdschrift van
Stichting Heemkunde Denekamp.
Redaktion: Diepengoor 16, NL-7591
BW Denekamp. 90 Seiten, ISSN 0920-
864X. Hans-Joachim Meyer
Olle Olle Fohrlüd Fohrlüd – – niege niege Leusen
Leusen
Peter Kunze sien Vertellers in den
Voss-un-Haas-Klenner kennte ik:
“Smustergrieniges ...” heff ik mi nippinger
ankäken. Wenn Peter Kunze
platt snackt, so is dat taumeist Reinschrift
in bispillhafte Ort. Ik nähm mi
vör, akrat tau läsen un ded dat ok, un
dorbi wier mi, as wenn Pater Kunze
œver mien Uhr gliektiedig binnenkopps
in mi wier (un dat ok bi “Fründ
Korl” so). In “Smustergrieniges ...”
gifft dat nägenuntwintig Vertellers,
dorvon drütteihn “Isenbahnergeschichten”,
acht mit de Oeverschrift
“Charly Wilcke vertellt von de Fritz-
Reuter-Bühn” un acht “Vertellers von
dit un dat”.
Üm di, leiwer Läser, Peter Kunze an
dien Hart tau leggen, will ik mi de
Quickborn408-1.Korr. 46
22.12.2008, 11:35 Uhr