Handleiding - The Simbra Cattle Breeders

Simbra – The Complete All-Rounder
Wat is artrose?
Vrae oor artrose:
Prof. Leon Prozesky
Wat is artrose?
Artrose is ontsteking van ’n gewrig. Die toestand kan
nie van een dier na ’n ander dier oorgedra word nie,
m.a.w. dit is nie aansteeklik nie. Dit wil voorkom of ’n
minerale wanbalans, vitamiene A en proteïentekort
die oorsaak van die probleem in beeste is. Dit
is belangrik om daarop te let dat daar verskeie
besmetlike oorsake van gewrigsontsteking (artritis)
is wat aansteeklik is en klinies met artrose verwar
kan word. Daar moet dus nie aanvaar word dat elke
bees met ’n geswelde gewrig aan artrose ly nie. In
die verband is dit nodig om u plaaslike veearts te
raadpleeg om die teenwoordigheid van artrose in ’n
kudde te bevestig.
Waar kom artrose in die land voor?
Artrose kom voor in die Noordwes Provinsie, veral
in die Vryburg – Reivilo-omgewing, maar is ook
teenwoordig in die Noord-Kaap, Namibië (veral suid
westelike dele), asook Botswana. Gevalle is ook in die
Vrystaat en Natal gerapporteer.
Artikel oorspronklik geplaas op: www.landbou.com 21 Februarie 2011
Is daar ’n spesifieke soort of ouderdom
dier waar die insidens van artrose hoër
is?
Die eerste gevalle waargeneem was in bulle en ouer
koeie, maar huidig kom die toestand in alle ouderdom
diere voor en kalwers kan selfs met letsels gebore
word.
Wat is die kliniese tekens van artrose?
Diere kan klinies of subklinies aangetas wees m.a.w.
letsels mag in die gewrigte teenwoordig wees sonder
dat diere kliniese simptome toon. Aan die ander
kant is aangetaste diere soms mank met opvallende
swelling van veral die kniegewrig.
Geskryf deur: Prof. Leon Prozesky, Fakulteit
Veeartsenykunde, Universiteit van Pretoria
(leon.prozesky@up.ac.za)
Handleiding • Guide
99