Handleiding - The Simbra Cattle Breeders

118
Handleiding • Guide
Voeding van Bulle
Foto verskaf deur Kobus Bester
Simbra – The Complete All-Rounder
Hendrik van Pletzen (Voermol Voere)
Risiko’s van ongebalanseerde voeding
• Oorvoeding van bulle is net so gevaarlik as onder-
voeding. Wêreldwye navorsing toon aan dat die
semenkwaliteit van oorvet bulle op hoë energierantsoene
swak is.
• Swakker semengehalte van vet bulle word veroorsaak
deur vet wat in die skrotumnek aanpak en sodoende
die termoreguleringsfunksie benadeel.
• Hoë energierantsoene kan aanleiding gee tot swakker
uithouvermoë, poot-en beenprobleme, seer gewrigte,
styfheid, artritis op ’n jong ouderdom, skade aan die
rumen en lewer absesse.
• Ondervoeding van jong bulle is net so nadelig en dit kan
lei tot ’n 23 % verlaging in reproduksiekapasiteit. Al word
sulke ondervoede bulle later goed gevoer, bereik hulle
nie hul potensiële reproduksievermoë nie (Skinner)
Voedings- en bestuursriglyne
• Bulle moet in ’n goeie werkbare kondisie wees met
die aanvang van die dekseisoen, veral waar bulle
gewig in die winter verloor het.
• Begin betyds met byvoeding, ten minste twee
maande voor die dekseisoen sodat genoeg tyd vir
spermvorming beskikbaar is.
• Voeding moet gebalanseerd wees i.t.v. van proteïen,
energie, minerale en spoorelemente. Waak teen
antago niste soos oormaat kalsium en yster wat die opname
van ander belangrike spoorelemente onderdruk.
• Goeie gehalte natuurlike proteïen bevorder semenproduksie
en semenkwaliteit.
• Voldoende hoeveelhede goeie gehalte weiding of
ruvoer verseker ’n gesonde rumen en ’n gesonde bul.
• Oefening is belangrik, veral waar bulle in klein kampies
aangehou word. Laat bulle daagliks 3 km stap teen 5
km/uur vir 8 weke lank voor die dekseisoen.