Ripley - Twelve Gates.pdf - Rubaphilos.com

Opera Saturni Page 24
By seperatyon of Elements yt may appeare,
To syght in forme of Water cleere.
Of our Menstrue by labour exuberate
And wyth hyt may be made Sulphure of nature
If itt be well and kyndly acuate;
And cyrculate into a Spryt pure:
Then to dyssolve thou must be sure
Thy Base wyth hyt in dyvers wyse,
As thou shalt know by thy practyse.
That poynt therefore in hys dew place
I wyll declare wyth other mo,
If God wyll graunt me space and grace:
And me preserve in lyfe from wo;
As I thee teche loke thou doe so,
And for thy fyrst ground pryncypall
Understond thy Water menstruall.
And when thou hast made true Calcination,
Encresyng and not Wastyng moysture radycall,
Tyll thy Base by other subtylyatyon
Wyll lyghtly flow as Wex uppon Mettall;
Then lowse hyt wyth thy vegetable Menstruall,
Tyll thou have Oyle thereof in Colour bryght,
Then ys your Menstrue visible to syght.
And Oyle is drawne owte in colour of Gold,
www.rubaphilos.com