You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Piramus et Tisbé<br />
Amis,<br />
Onques a certes ne le dis.<br />
Or poez dire, ce m’est vis,<br />
A droit<br />
245 Qu’en amours de feme n’a foit.<br />
Biaux douz amis, prenez a droit<br />
Le gage:<br />
Tenez, sire, pour cest outrage<br />
Vous otroi ci mon pucelage.<br />
250 Trop iere ore de fier corage.<br />
De fier?<br />
Vers vous doi ge bien supploier.<br />
Moult avroie le blasme chier<br />
Se m’en ooie reprochier.<br />
255 Contraire,<br />
Si com me samble, a mon viaire,<br />
Nulz hom ne m’en devroit retraire,<br />
Ne reprendre de cest afaire.<br />
Desvee!<br />
260 Tes toi, fole desmesuree!<br />
Quel corage vous a muee?<br />
Moult estes ore forsenee.<br />
Lerai<br />
Tout cest pensé que je ore ai;<br />
265 Par le conseil mon pere avrai<br />
Autresi gent ami, bien sai.<br />
Si gent?<br />
Merveil se Piramus m’entent.<br />
Oïl, je tramble, bien le sent.<br />
270 Si mar le dis, or m’en repent.<br />
Hé, biaus!<br />
Rose tendre et lis nouviaus,<br />
Flors de tous autres damoisiaus,<br />
Merci!<br />
275 N’aies cure de quanque di;<br />
De paour ai le cuer marri.<br />
Jamais n’avrai nul autre ami<br />
Que vous,<br />
Mes vos parens sont envious<br />
f. 93r col. a 280 Et li mien sont de moi jalous.<br />
285<br />
Cui chault?<br />
Ne monte riens, se diex me sault.<br />
Or sens mon cuer, ore ai trop chault,<br />
A poi ferai pour vous un sault.<br />
Hé, lasse!<br />
Que ai je dit? Riens ne me passe<br />
Li maulz qui si souvent me lasse.<br />
Dolente!<br />
44