2009 Summer - Tirana International Airport

Të dashur pasagjerë,
Jeni duke shfletuar Guidën e Aeroportit Ndërkombëtar të
Tiranës dhe Oraret e Sezonit Veror për vitin 2009, duke iu dhënë
kështu një ide të qartë mbi shërbimet aeroportuale. Ne jemi të
bindur se suksesi ynë vjen si rezultat i një pune të vazhdueshme:
punë nëpërmjet së cilës do të mund të plotësojmë nevojat e
pasagjerëve tanë, duke iu ofruar atyre sigurinë, qetësinë dhe
komfortin që ata meritojnë. Ne jemi pranë jush për të bërë
udhëtimin tuaj sa më të këndshëm e më të rehatshëm.
Në vitin 2008 Aeroporti Ndërkombëtar i Tiranës ka shërbyer
1,267,041 pasagjerë, duke regjistruar një tjetër rritje
mbresëlënëse në një nga infrastrukturat më të mira në vend.
Aeroporti vitin e kaluar shënoi 19,194 lëvizje të trafikut ajror
(ATM) dhe përpunoi 1,987 tonë kargo. Duke e krahasuar me
vitin e kaluar, numri i pasagjerëve është rritur me 14.6 përqind,
ATM-të me 5.1 përqind dhe kargo me 17.2 përqind.
Rritja jonë e vazhdueshme e shprehur kjo në numër pasagjerësh
dhe lëvizje të trafikut ajror gjatë viteve të fundit, ka përforcuar
besimin tonë se me investimet të cilat po implementohen në
Fazën B të zhvillimit të aeroportit, ne do të ofrojmë një shërbim
akoma më të përsosur brenda një periudhe shumë të shkurtër
kohe. Në shtator të këtij viti, pasagjerët do të mund të shohin
projektin e TIA-s të përfunduar, me sportele të reja pranimi,
porta dhe dyqane të reja.
TIA është zgjedhja e përkryer për çdo udhëtim tuajin, qoftë ky
drejt Shqipërisë apo jashtë saj. Ne ofrojmë fluturime direkte në
31 destinacione të ndryshme të shërbyera nga katërmbëdhjetë
linja ajrore, duke bërë kështu Aeroportin Ndërkombëtar të
Tiranës një pikë strategjike jo vetëm për vendin tonë, por për të
gjithë rajonin e Ballkanit, për motive biznesi apo turizmi.
Ne jemi të gatshëm t’ju mirëpresim, qoftë destinacioni juaj një
nga vendet e botës, apo jeni kuriozë për të vizituar “Vendin
e Shqiponjave”. Cilido qoftë destinacioni juaj, ju do të jeni të
mirëpritur. Ne do të kujdesemi gjithmonë që ju të gjeni këtu ato
standarde që ju meritoni të cilat përputhen me kërkesat tuaja.
Shijoni sezonin veror!
Andrea Gebbeken
Drejtore e Përgjithshme Ekzekutive