Views
11 months ago

Conservative

welsh_manifesto_finalwelsh

SICRWYDD ECONOMAIDD I

SICRWYDD ECONOMAIDD I GYMRU Byddwn yn creu o leiaf 50,000 o swyddi, yn cefnogi busnesau bach, ac yn creu system drafnidiaeth integredig. Andrew RT Davies SICRWYDD ECONOMAIDD I GYMRU Gall economi Cymru wneud cymaint yn well. Ledled y DU, mae’r economi wedi mynd o nerth i nerth yn ystod y blynyddoedd diwethaf, gyda chynllun economaidd hirdymor Llywodraeth Geidwadol y DU yn talu ar ei ganfed. Fodd bynnag, ar ôl 17 mlynedd o arweinyddiaeth Lafur ddiuchelgais, mae Cymru ar ei hôl hi gyda phwerau datganoledig na chânt eu defnyddio’n effeithiol er mwyn sicrhau ffyniant economaidd. Ers y newid i Lywodraeth y DU yn 2010, mae dros 100,000 o swyddi newydd wedi cael eu creu yn y sector preifat yng Nghymru, tra bod y nifer fwyaf erioed o bobl mewn gwaith. Fodd bynnag, mae allbwn economaidd Cymru wedi dirywio o gymharu â rhannau eraill o’r DU ac, yng Nghymoedd Gwent, dim ond 54.8% o gyfartaledd y DU ydyw, sy’n pwysleisio’r angen i sicrhau newid go iawn. Ysgogi economi Cymru Bydd y Ceidwadwyr Cymreig yn datblygu cyfleoedd i greu cymdeithas fwy entrepreneuraidd, heb osod rhwystrau sy’n atal pobl rhag gwireddu eu breuddwydion busnes. Mae economi gref yn hanfodol er mwyn darparu gwell gwasanaethau cyhoeddus, a chynnig cyfleoedd i bobl gamu ymlaen mewn bywyd. Byddwn yn creu mwy o swyddi; drwy gefnogi busnesau bach a gwella seilwaith. Byddwn yn helpu Cymru i ddechrau adeiladu unwaith eto gyda phwyslais newydd ar weithgynhyrchu. A byddwn yn sicrhau newid go iawn drwy roi mwy o gyfleoedd i bobl nag erioed o’r blaen, gan ddiddymu cyfyngiadau annheg y Blaid Lafur ar gymorth, tra’n creu system drafnidiaeth fwy integredig, er mwyn cysylltu pobl ag ardaloedd lle gwelir twf swyddi. BYDD LLYWODRAETH GEIDWADOL YNG NGHYMRU YN GWNEUD Y CANLYNOL: Diddymu ardrethi busnes i bob busnes bach a thapro rhyddhad ar werthoedd ardrethol sydd rhwng £12,000 a £15,000, gan gynyddu cyfleoedd cyflogaeth a chefnogi entreprenuriaid. Sefydlu corff a arweinir gan ddiwydiant er mwyn annog gweithgarwch datblygu busnes a buddsoddi yng Nghymru. Diddymu cap oedran annheg Cymru - a'r rhwystrau daearyddol iddo i gymorth cyflogaeth - gan sicrhau bod cyfleoedd ar gael i bawb. Cyflwyno grantiau cymell cyflogeion er mwyn cynnig cyfleoedd gwaith 12 mis i geiswyr gwaith o bob oedran, gan greu mwy o swyddi. Sicrhau bod cynlluniau cymorth cyflogaeth Llywodraeth Cymru hefyd ar gael i’r rheini sy’n cael budd o gymorth Llywodraeth y DU. Cefnogi’r broses o weithredu cyflog byw Llywodraeth y DU, gan olygu y bydd 150,000 o bobl sy’n gweithio yng Nghymru ar eu hennill erbyn 2020, sef tua 12% o’n gweithlu. Sefydlu strategaeth weithgynhyrchu glir ac uchelgeisiol sy’n briodol i’n heconomi busnesau bach a chanolig. Sefydlu banc datblygu rhanbarthol newydd, gan ddiwygio’r cymorth ariannol a ddarperir gan Lywodraeth Cymru, gyda mynediad lleol at gyllid i fusnesau bach. SICRWYDD ECONOMAIDD I GYMRU Plaid Geidwadol Cymru 4 Maniffesto Etholiad Cynulliad Cenedlaethol Cymru 2016 5

Darllen Syml
plaidcymru.org
Creu Cymru i Bawb
josiahmortimer
43200 Wallich Annual Review - The Wallich
thewallich.com
Cynhwysiant digidol yng Nghymru
libalyson