Gair o Groeso Eisteddfod Genedlaethol 4 Ynys Môn 4 –12 Awst <strong>2017</strong> ********************************************************************************************************************************************************************** Cywydd Croeso Eisteddfod Genedlaethol 5 Ynys Môn 4 –12 Awst <strong>2017</strong> ********************************************************************************************************************************************************************** Derec Llwyd Morgan Cadeirydd y Pwyllgor Gwaith Dyma’r pumed tro i’r Eisteddfod Genedlaethol fod yn Sir Fôn, a’r tro cyntaf iddi fod yma yn ystod yr unfed ganrif ar hugain. Prin iawn iawn yw’r rhai sy’n cofio Eisteddfod Caergybi 1927, ond y mae digon o bobl yn cofio’n dda am Eisteddfod Llangefni 1957, a miloedd lawer iawn yn cofio Prifwyliau 1983 a 1999. Hyd yn hyn y ddau beth amheuthum am Eisteddfod <strong>2017</strong> i mi yw, yn gyntaf, fod cynifer o wŷr a gwragedd cymharol ifanc wedi cymryd at yr awenau, gan arwain yr is-bwyllgorau gyda brwdfrydedd a dychymyg; ac yn ail, fod y gwaith o gasglu arian at yr Apêl Leol wedi mynd rhagddo mor ardderchog. Y mae cymaint o ddoniau yma ym Môn, a chynifer o bobl hael eu rhoddion, fel y meddyliodd rhai ohonom unwaith y dylem alw Prifwyl <strong>2017</strong> yn Eisteddfod Genedlaethol Gwlad y Medra. Ond penderfynasom beidio rhag peri anesmwythdra yng ngweddill yr Hen Wlad! Er mai Monwysion sy’n ei threfnu, Eisteddfod i Gymru oll fydd hon, wrth gwrs, fel pob Eisteddfod Genedlaethol. Edrychwn ymlaen at gael croesawu’n gynnes bawb a ddaw i Fodedern ddechrau Awst y flwyddyn nesaf. Edrychwn ymlaen hefyd at weld yr ymateb -- brwd a phositif a chynhyrchiol, gobeithio -- i’r <strong>Rhestr</strong> Destunau hon. Porwch ynddi, ewch rhagoch i ymateb yn ffrwythlon iddi, a dewch yma yn eich lluoedd i brofi’r cynnyrch, a phopeth arall a drefnir ar eich cyfer. Modured i Fodedern I le gŵyl trwy ddôl a gwern, Y miloedd o ymwelwyr, Dwyn pawb sydd â doniau pur, I rodio’r maes ar dir Môn A roddir i dderwyddon. Trafael o fywyd trefi, Draw o ardaloedd di-ri’ A chynefin y ddinas, I lan dros filltiroedd glas I’r ynys a fynn rannu Â’r wlad ei thrysorau lu. Erwau ir porfeydd y praidd, A thir y traethau euraidd, A melin eto’n malu Yn ail-fyw y fâl â fu; Moelfre, teg bentre’ ger bae A’i arbedwyr bywydau. Rho gip ar y dre’ gopor, A’r llosgydd mynydd uwch môr, Celf a’i lloches, Hanesion, Yno maent yn Oriel Môn; Ynys Lawd a’i hisel le, Hyglod fôr-adar creigle. O’r arlwy o’i thramwyo A hawlio’i braint fesul bro, Yna Môn fydd fam o hyd, Yn do i’w hepil diwyd, Ei gwŷs o’i chalon ar goedd A’i dwyfraich dros y dyfroedd. Glyndwr Thomas
Change language