vipaji_pages1-100

“Angalia, nimemwita kwa jina lake Bezaleli mwana wa
Uri, mwana wa Huri, wa kabila ya Yuda; nami nimemjaza roho ya
Mungu, katika hekima, na maarifa, na ujuzi, na mambo ya kazi ya
kila aina, ili abuni kazi za ustadi, kuwa fundi wa dhahabu, na wa
fedha, na wa shaba, na kukata vito kwa kutiwa mahali, na kuchora
miti, na kufanya kazi ya ustadi iwayo yote.” (Kut. 31:2-5)
“... ili abuni kazi za ustadi, kuwa fundi wa dhahabu, na wa
fedha, na wa shaba, Tena, tazama, nimemchagua, awe pamoja
naye, huyo Oholiabu, mwana wa Ahisamaki, wa kabila ya Dani;
nami nimetia hekima katika mioyo ya wote wenye moyo wa hekima,
ili wapate kufanya vyote nilivyokuagiza” (Kut. 31:4-6)
Katika maandiko haya kila mahali neno “hekima” kwa
kiebrania ni chokmah likimaanisha vipaji mbali mbali kwa ajili
ya ubunifu, ufundi na ustadi wa vifaa vya ujenzi na vyombo vya
kutumia kwenye hema ya Mungu kukutana na wana wa Israeli.
Tukiyachunguza maandiko ya Agano Jipya kwa lugha ya
Kiyunani tunakutana na msamiati wa neno “Sophia” pia likiwa
limetafsiriwa kuwa ni hekima ambalo linamaanisha vipaji vya asili.
Neno sophia ambalo kwa Kiswahili ni hekima maana yake
ni “uwezo mpana wa kujifunza na kushughulikia mambo mapya
(full of intelligence); uwezo wa kutendea kazi maarifa na ufundi wa
mambo mtambuka.” Neno sophia limetajwa mara 51 katika toleo
la KJV kwenye Agano Jipya.
Tunaweza kupata matumizi ya neno sophia kwenye
maandiko matakatifu ya Agano Jipya ambayo ni haya yafuatayo:
“Yule mtoto akakua, akaongezeka nguvu, amejaa hekima,
na neema ya Mungu ilikuwa juu yake.” (Luk. 2:40)
“Naye Yesu akazidi kuendelea katika hekima na kimo,
akimpendeza Mungu na wanadamu.” (Luk. 2:52)
5