Create successful ePaper yourself
Turn your PDF publications into a flip-book with our unique Google optimized e-Paper software.
73-33-42, 8-951-195-37-65<br />
СПОРТ<br />
№ 86 (<strong>25701</strong>) 7<br />
2018-тӥ ар 15-тӥ шуркынмон<br />
sportur.ru<br />
ХОККЕЙ<br />
Йӧ вылын ӵошатскоз быдэс шаер!<br />
Валентина ЕМЕЛЬЯНОВА<br />
12-тӥ ноябрьысен шаерамы<br />
кутскон сётэмын<br />
хоккеен шудонъя<br />
М. Калашников нимо<br />
турнирлы. Вожвылъяськонэ<br />
пырисько 25<br />
муниципал кылдытэтъёсысь<br />
72 командаос.<br />
Вормон понна нюръяськонэ<br />
ваньмыз-ӧвӧлэз ог 1 сюрс<br />
200 пиналъёс пырисько.<br />
Вань командаос арлыдзыя<br />
6 группалы люкемын: 7-8,<br />
9-10, 11-12, 13-14, 15-16 но 17-<br />
18 аресъемъёслы. Шудонъёс<br />
ортчо Ижысь «Олимпиец»,<br />
«Ижсталь», Чекерилысь «Удмуртия»<br />
но Глазовысь «Прогресс»<br />
йӧ дворецъёсын. Турнир<br />
кыстӥськоз 19-тӥ декабрёзь.<br />
Хоккеен шудо 7-8 аресъем пиналъёс.<br />
Котькуд группаын нюръяськон<br />
мыноз 3 нунал ӵоже.<br />
Ӵошатсконэз усьтӥзы покчиос.<br />
7-8 аресъемъёслэн вожвылъяськоназы<br />
8 команда<br />
люкаськемын: Ижевск, Глазов,<br />
Сарапул городъёсысь,<br />
Дэри, Ува, Вавож но Вотка<br />
ёросъёсысь.<br />
Ӵошатскон радъяське «Удмуртиын<br />
хоккеен шудонъя<br />
М. Калашников нимо турнир»<br />
проект чотын, Удмурт<br />
Республикалэн Тӧроез Александр<br />
Бречалов кичӧлтэмъя.<br />
Удмурт Правительство огкыл<br />
гожтӥз «А. Волков нимо Белкамнефть»<br />
огазеяськонэн но<br />
«САФМАР» фондэн. Озьы матысь<br />
3 ар ӵоже нылпи хоккеез<br />
азинтон вылысь 450 миллион<br />
манет висъяны чакламын,<br />
нош та ӵошатсконлы -<br />
10 миллион манет.<br />
Нош 12-тӥ ноябре «Олимпиец»<br />
йӧ дворецын ужрадэз<br />
усьтонэ пыриськизы Правительстволэн<br />
Тӧроезлэн воштӥсез<br />
А. Свинин, мугорез кыдатон<br />
культурая, спортъя но<br />
егитъёсын ужан политикая<br />
министр Н. Гольцова но мукетъёсыз<br />
вылӥ кивалтӥсьёс.<br />
Нырысьсэ радъяськись<br />
ӵошатсконэ вань мылкыд карисьёс<br />
кутэмын. Пиосын артэ<br />
быгатыса шудо 3 нылъёс но.<br />
Ӵошатсконэ пыриськемъёслы<br />
майкаос но клюшкаос кузьмалозы,<br />
нош вормисьёслы медальёс,<br />
кубокъёс но дуно кузьымъёс<br />
сётозы.<br />
Выль талисман<br />
сьӧры<br />
Валентина ЕМЕЛЬЯНОВА<br />
Ижысь «Ижсталь» команда<br />
2018-тӥ-2019-тӥ<br />
аръёсы сезонзэ Россиысь<br />
вылӥ хоккей<br />
лигаын ортчытэ, нош<br />
кемалась ик ӧвӧл шаерысьтымы<br />
хоккеез<br />
яратӥсьёс командазылы<br />
выль талисман бырйизы.<br />
Тол сезонзэс Ижысь хоккеистъёс<br />
секытэн мытӥзы:<br />
уждунзэс тыронэн ӝеганъёс<br />
кылдылӥзы, туэ гужем тренерзы<br />
но воштӥськиз. Та вакытэ<br />
«Ижсталь» командаез<br />
валтэ Игорь Кропотин, солэн<br />
юрттӥсез луыса ужа Алексей<br />
Вахрушев. Пусйыны кулэ,<br />
ӵапак А. Вахрушев дыръя<br />
2015-тӥ-2016-тӥ аръёсы сезонэ<br />
Ижысь хоккеистъёс вылӥ<br />
хоккей лигаын 2-тӥ интыозь<br />
ӝутскыны быгатӥзы вал.<br />
Игорь Кропотин сярысь ке верано,<br />
со кыдамын Ижевскын,<br />
ас вакытаз Глазовысь «Прогресс»<br />
командаын шудэмын.<br />
«Ижсталь» команда шудон<br />
ӧре каньылля пырыны ӧдъяз.<br />
Уждунзы тыремын, выль талисман<br />
быръемын. Учкисьёс<br />
Егорыч нимо ӵушъял понна<br />
тужгес трос куара сётӥзы. Табере<br />
со хоккеистъёслэн утисьсы<br />
луэ.<br />
Та вакытэ вылӥ хоккей<br />
лигаын шудӥсь 29 командаос<br />
пӧлын «Ижсталь» улӥ чуръёсы<br />
интыяськемын. Кылем<br />
арня пумын асьме хоккеистъёс<br />
куноын шудӥзы. Нырысь<br />
ик пумиськылӥзы 23-тӥ<br />
интыын мынӥсь «Саров» командаен.<br />
Берло 6 шудонын<br />
асьмелэнъёс радтӥз келязы<br />
вал бере, соослэн вормонзылы<br />
нокин ӧз оскы ни. Шудон<br />
секытэн мынӥз. Озьы ке но<br />
Ижысь хоккеистъёс вормонэз<br />
киултыны быгатӥзы. Шудонлэн<br />
1-тӥ периодаз Саровысь<br />
хоккеистъёс асьме капкае<br />
гол пыртӥзы. Учкисьёссы<br />
куанэмын вал, но 2-тӥ периодын<br />
Ижысь Илья Николаев<br />
но Антон Кочуров быдэн<br />
гол пыртӥзы. 3-тӥ люкетын<br />
асьме капкае нош ик шайба<br />
пыриз. Ватсаса сётэм дыр но<br />
вормисез ӧз шарая, соку быгатонлыксэс<br />
эскеризы капка<br />
возьмасьёслэсь. Зол луэмзэ<br />
возьматӥз асьме вратарь<br />
Сергей Коробов, нош саровъёслы<br />
гол пыртӥз Алексей Баженов.<br />
Арнянуналэ ижъёс «Тамбов»<br />
командаен шудӥзы.<br />
Турнирлэн таблицаяз таосыз<br />
22-тӥ интыын вамышъяло.<br />
Таяз пумиськонын «Ижсталь»<br />
командаысь хоккеистъёс<br />
бӧрсьысь бӧрсе 3 гол<br />
пыртыны быгатӥзы. Со ик<br />
вормыны юрттӥз. Шудон<br />
3:4 лыдын йылпумъяськиз.<br />
Озьы «Ижсталь» команда<br />
2 интылы вылӥе ӝутскиз<br />
но 26-тӥ луиз. Та арнязэс<br />
но асьме хоккеистъёс куноын<br />
ортчытозы, Воронежысь<br />
«Буран» но «Рязань» командаосын<br />
пумиськылозы, нош<br />
19-тӥ ноябрьысен Ижын шудозы.<br />
ФУТБОЛ<br />
«Зенитлы» ӧз удалты<br />
Валентина ЕМЕЛЬЯНОВА<br />
4-тӥ ноябрьысен футболэн<br />
шудонъя «Зенит-Ижевск»<br />
команда<br />
тол каникулэ потӥз.<br />
Солэсь азьло ас дораз<br />
пумиськылӥз Екатеринбургысь<br />
«Урал-2»<br />
командаен.<br />
Ижысь команда туэ кужымзэ<br />
эскериз профессионалъёслэн<br />
Урал-Приволжье<br />
зонаязы пырись 11 командаос<br />
пӧлын. Туэ тулыс-сӥзьыл<br />
шудонзэс соос 7-тӥ интыын<br />
йылпумъязы. 4-тӥ ноябре<br />
Ижын шудӥзы, вормысалзы<br />
ке, капчи мылкыдын шутэтскыны<br />
потысалзы, дыр. Но<br />
шудонлэн 1-тӥ люкетаз ик<br />
куноос кузёяськыны кутскизы<br />
но бӧрсьысь бӧрсе 2 гол<br />
пыртӥзы. Со понна пумиськонлэн<br />
2-тӥ люкетэз ӟырдыт<br />
ортчиз. Шудонлэн 76-тӥ минутаз<br />
Ижысь Илья Михайлов<br />
гол пыртэм бере асьме<br />
футболистъёс бурдъяськизы.<br />
Устоез бомбардир Алексей<br />
Турик трос ӵыжаз мурт<br />
капкае, но туп таки ӧз пыры:<br />
я штангае шедьылӥз, я вратарь<br />
кутылӥз. Шудонлэн<br />
ватсаса сётэм дыраз куноос<br />
эшшо 1 гол пыртӥзы «Зенит-<br />
Ижевсклы». Огъя шудон 3:1<br />
лыдын йылпумъяськиз.<br />
Ижысь командалэн<br />
валтӥсь тренерез Сергей<br />
Емельянов сезонлы йылпумъян<br />
лэсьтӥз. Со пусйиз,<br />
туэ, пе, выль команда кылдытэмын<br />
вал, пӧлысьтызы<br />
данакез - Удмуртиысь пиос.<br />
Азьло «Зенит-Ижевск» команда<br />
понна мукет улосъёсысь<br />
пиосъёс тросгес<br />
шудӥзы. Команда сезон ӵоже<br />
умой шудӥз, ӧзгес тырмы<br />
удалтонлык. Егит шудӥсьёс<br />
пӧлысь пусйиз Евгений Арчибасовез,<br />
Макар Кабаковез,<br />
Александр Русскихез но<br />
Александр Патрикеевез, Кирилл<br />
Мырзаковез. Команда<br />
арысь аре выльдӥське.<br />
Выль шудӥсьёсты куто «Зенит-Ижевск-2»<br />
нылпи командаысь.<br />
Отын асьсэды<br />
усто возьматӥсьёс вылӥе<br />
ӝутскыны быгато. Озьы<br />
Ижысь егитъёсты (Никита<br />
Медведевез, Аркадий Симановез,<br />
Андрей Голубевез, Павел<br />
Шадринэз) Россиысь мукет<br />
командаосысь тренеръёс<br />
но синйылтӥзы ни.<br />
Россиысь мукет футболистъёс<br />
сямен ик, Ижысь спортсменъёс<br />
но шутэтскыны потэмын.<br />
Шудонзэс мытозы ни<br />
2019-тӥ арын апрель толэзе.<br />
ДЗЮДО<br />
Кайта куно<br />
витиськомы<br />
2-тӥ-4-тӥ ноябре Венгриысь<br />
Дьёр городын<br />
ортчиз 23 аресозь<br />
егитъёс пӧлын дзюдоя<br />
Европалэн чемпионатэз.<br />
Отчы пыриськизы<br />
37 странаысь 300 пала<br />
спортсменъёс.<br />
Россилэсь данзэ утизы 17<br />
спортсменъёс. Удмуртиысь<br />
егитъёс отчы ӧз пыриське ке<br />
но, та ужрадэ вуылӥз Мугорез<br />
кыдатон культурая, спортъя<br />
но егитъёсын ужан политикая<br />
министр Наталья Гольцова.<br />
Угось Европалэн чемпионатэз<br />
вуоно арын Ижевскын<br />
ортчыны кулэ. Дьёрын ужрадэз<br />
сӥё-дано ворсан дыръя<br />
ӵошатсконлэсь флагзэ Удмуртилы<br />
сётӥзы. Наталья Гольцова<br />
пумиськылӥз на Европаысь<br />
Дзюдоя кенешлэн но Россиысь<br />
Дзюдоя федерацилэн<br />
кивалтӥсьёсынызы, Венгриысь,<br />
Белоруссиысь но Россиысь<br />
представительёсын. Удмуртиысь<br />
министр тупен-тупен<br />
мадиз шаерамы дзюдолэн<br />
азинскемез но та бадӟым ужрадлы<br />
дасяськеммы сярысь.<br />
Дзюдоя ӵошатсконэз вуоно<br />
арын 1-тӥ-3-тӥ ноябре<br />
ортчытыны чакламын<br />
бадӟым «Олимпиец» дворецын.<br />
Ӵошатскон сӥземын<br />
луоз М. Калашниковлэн<br />
вордскемез дырысен 100 ар<br />
тырмонлы. Асьме шаере<br />
лыктыны мылкыд каремзэс<br />
ивортӥзы ни 30 пала странаосысь<br />
спортсменъёс.<br />
ГТО<br />
Алнаш пи посол луиз<br />
Людмила СУРЧАКОВА<br />
Россиысь спортъя мастер,<br />
Паралимпиадалэн<br />
чемпионэз но<br />
призёрез Владислав<br />
Лекомцев ГТО-лэн Удмурт<br />
Республикая посолэз<br />
луиз.<br />
Октябрь толэзь шорын<br />
Ульяновскын ортчиз<br />
7-тӥез калыккуспо «Россия<br />
- спортивная держава» форум,<br />
улосъёсысь быръем<br />
муртъёслы - посолъёслы -<br />
сертификатъёс сётъяз Россилэн<br />
Президентэз Владимир<br />
Путин. Алнаш ёросысь<br />
спортсмен Владислав<br />
Лекомцев но табере ГТОлэн<br />
улос посолэныз лыдъяське.<br />
Сӥлы каремлы туж<br />
шумпотӥз. Эшшо тросгес<br />
ужано, спортэз азинтонлы<br />
бадӟымгес саклык висъяно,<br />
шуиз Владислав Лекомцев.<br />
Шаерысьтымы паралимпиец<br />
май толэзьысен тол<br />
сезонлы дасяськонзэ мытӥз,<br />
Россиысь командаен ӵош<br />
сентябре куасэн бызьылӥз<br />
Финляндиын. Тренировкаос<br />
куспын вуылэ вордскем<br />
палъёсаз. Спортсмен нуналлы<br />
быдэ мугорзэ кыдатэ<br />
ке но, ГТО-лэсь куронзэ<br />
та дырозь быдэстыны<br />
пӧрмымтэ на. Матысь дыре<br />
одно ик быдэстыны чакла.<br />
Ас быгатонлыкъёсыныз<br />
со мукетъёслы но пример<br />
возьматэ.