Diccionariu toponímicu del conceyu de Xixón _bicolor_ - El Comercio

Diccionariu toponímicu del Conceyu de Xixón
1562); «Joan Moran de Lavandera» (añu
1567); «Joan Fueo de Labandera»,
«Fernando de la Cuesta, vezino de
Labandera, y Alonso Menendez de
Labandera, vezino de la aldea de Rozes,
deste dicho conzejo» (añu 1576).
Lo mesmo que nel Llibru del Cai, nel Llibru
Ordinariu apaez davezu con l- inicial y -b-,
como nestos exemplos: «Juan de Fueo de
Lavandera», «En Labandera a Juan de la
Billa», «Lorenzo Menendez de Labandera»,
«En Labandera a Fernando de la Cuesta»
(añu 1576); «San Julian de Labandera»
(añu 1577); «E luego nonbraron en
Labandera a Fernando de la Villa e a Miguel
de Cortina, fijosdalgo», «y en Labandera a
Alonso de Mori, carpintero» (añu 1578).
Nos Protocolos Notariales del Conceyu de
Xixón lléese: «Pedro Menendez de
Labandera, Juan Duerna y Juan de Llanos
Çifuentes, beçinos desta billa» (añu 1650);
«Domingo Menendez Labandera, vezino
desta dicha villa» (añu 1706). El Catastro
del Marqués de la Ensenada (1752) refierse
a esti topónimu como «san Julian de
Labandera» y «Labandera». Pela so parte,
el diccionariu xeográficu de Madoz (1845-
50) cítalu como «Labandera».
●Otres observaciones sobre’l nome: la
forma «Lavandera», con «l-» inicial, nun ye
más qu’una castellanización del topónimu
históricamente real Llavandera con «ll-».
LLAVANDERA
Barriu de la parroquia de Llavandera.
Códigu alministrativu: 24.13.02. Nome
oficial anterior: «Lavandera».
●Ver l’anterior.
El Llaviáu
Llugar de la parroquia de Valdornón, barriu
de Tarna.
●Formación del topónimu: palabra non
reconocible nel asturianu actual fuera del
usu como topónimu. Ye bastante
improbable que teamos ante un participiu
de llaviar ‘asegurar, suxetar con una llavía’,
deriváu de llavía ‘calaviya qu’encaxa nun
furacu d’otra peiza, d’otru oxetu pa
suxetalu o p’aseguralu’ (en castellanu
«clavija»), procedente del llatín CLAVĪCŬLAM
[clawíkulam] ‘llavina’, diminutivu de CLAVEM
[kláwem] ‘llave’. Más bien tamos ante’l
115
correlau masculín d’un topónimu Llaviada,
presente en Colunga, Bual o Uviéu, que
tiene también un plural Llaviaes y Les
Llaviaes en Mieres. Ver tamién Laviada.
●Etimoloxía: d’acuerdu cola hipótesis que
relaciona El Llaviáu con Llaviada, procedería
del llatín LAPĬDĀTUM [lapidátum] ‘de piedra,
que tien piedres’, en masculín por referise
primitivamente a un FUNDUM ‘terrenu o
finca’, a un monte o a un prau.
●Referencia al llugar: pumarada en terrenu
cuesto y con un llanín no cimero.
Lleme
Llugar de la parroquia de L’Abadía Cenero,
barriu de Beloño.
●Formación del topónimu: trátase d’una
palabra non reconocible nel asturianu
actual fuera del usu como topónimu.
●Etimoloxía: desconozse. Ye probable que
teamos ante una evolución del llatín LĪMĬNEM
[líminem] ‘umbral, entrada, llende’.
●Documentación histórica del topónimu: ye
posible que seya el Leine qu’apaez nun
documentu del Monesteriu de Santa María
de la Vega, añu 1453: «Item mas otro hero
que iaz en camino que van para Leine, que
atiesta en el hero de Pedro Gonzalez de
Santo Andres, ha la abadesa el quarto».
Apaez claramente citáu nel Llibru Ordinariu,
añu 1577: «Vernabe de Leme». Hai que
tener en cuenta que n’asturianu antiguu la
«ll» podía escribise como «l» simple, ensin
variar la pronunciación. Lo mesmo nun
documentu de los Protocolos Notariales del
Conceyu de Xixón, sieglu XVI: «Juan Suarez
de Lleme».
La Llera
Llugar de la parroquia de Leorio / Llorio,
barriu de Llantones.
●Formación del topónimu: tamos ante’l
sustantivu asturianu llera ‘sitiu o terrenu
onde hai muncha piedra suelto’, ‘tierra de
les que formen un cortinal’.
●Etimoloxía: del llatín GLARĔAM [gláream],
col mesmu significáu de ‘llera’.
●Referencia al llugar: castañéu asitiáu ente
los llugares d’El Peñón y Les Capellanes.
●Documentación histórica del topónimu: ye
perposible qu’estes menciones nel Llibru
Ordinariu faigan referencia a esti topónimu:
«E luego nonbraron en Porzello a Gonçalo