Diccionariu toponímicu del conceyu de Xixón _bicolor_ - El Comercio

Diccionariu toponímicu del Conceyu de Xixón
Les Ramoniegues
Llugar de la parroquia de L’Abadía Cenero,
barriu de Picún.
●Formación del topónimu: atopamos equí
l’asturianu ramoniegues, plural de
ramoniega, femenín d’un axetivu
κ ramoniegu -a -o, un deriváu del sustantivu
ramón o del axetivu femenín ramona, al
que se-y amiesta’l sufixu -iegu -a -o. El
sustantivu ramón pue entendese como
‘aumentativu de ramu’, o bien como ‘zarru
que se pon nel bocarón de les tenaes fechu
con dos varales cruzaos y piedres’, pero
tamién como κ ‘caña gruesa d’un árbol que
se destina a plantar’. L’axetivu femenín
ramona quier dicir ‘pequeña y de mala
calidá (una mena de mazana, una mena de
castaña)’, porque nacen de dalgún ramón.
En resultes, Les Ramoniegues pue referise
a castañes κ ramoniegues o a mazanes
κ ramoniegues, ye dicir, ‘de mala calidá’,
quiciabes n’alusión a un castañéu; o bien a
tierres κ ramoniegues, que podría entendese
como ‘tierres zarraes con ramones’, o bien
como ‘tierres de mala calidá’.
●Etimoloxía: ramu provién del llatín RAMUM
‘caña d’un árbol’. El sufixu -ón orixínase nel
llatín -ŌNEM [-ónem]. El sufixu -iegues vien
del llatín vulgar -AECAS [-áekas], acusativu
femenín plural de -AECUS -A -UM, d’orixe
prerromanu, quiciabes célticu.
●Referencia al llugar: cachu de monte a
mediu camín ente El Felguerón y El Pingón.
La Raposiega
Llugar de la parroquia de San Andrés de los
Tacones, barriu de Villar.
●Formación del topónimu: trátase del
asturianu raposiega, femenín del axetivu
raposiegu -a -o, deriváu de raposu o raposa
‘Vulpes vulpes, mamíferu carniegu de color
roxo, focicu puntiáu y rabu llargu’ (en
castellanu «zorro»), al que se-y amiesta’l
sufixu -iegu -a -o. En resultes, La
Raposiega paez proceder d’una espresión
del tipu tierra raposiega, ye dicir, ‘tierra de
raposos o raposes’, por abondar esti
animal.
●Etimoloxía: raposu y raposa yeren
primeramente rabosu y rabosa, deriváu de
rabu, por ser trazu característicu d’esti
animal, col sufixu -osu o -osa. Pela so
parte, rabu provién del llatín RAPUM ‘nabu’,
173
por comparanza del rabu del animal con esi
tubérculu; y los sufixos -osu y -osa vienen
del llatín -ŌSUM y -ŌSAM. El cambiu de -b- a -
p- que ta presente en raposu y raposa pudo
producise por influxu de rapiegu y rapiega,
otru nome del animal, deriváu del verbu
asturianu rapar ‘arrampuñar, facese con
daqué pola fuercia’, pol vezu conocíu d’esta
alimaña. El sufixu -iega vien del llatín vulgar
-AECAM [-áekam], acusativu femenín de -
AECUS -A -UM, d’orixe prerromanu, quiciabes
célticu.
●Documentación histórica del topónimu: ye
posible que’l Raposso çimero qu’apaez nun
documentu del Monesteriu de San Pelayo
d’Uviéu, del añu 1399, tenga relación col
actual topónimu La Raposiega: «et el
quadro de Cueto et la metad del heru del
Raposso çimero».
La Rasa
Llugar de la parroquia de Cabueñes, barriu
de Cimavilla.
●Formación del topónimu: trátase del
sustantivu asturianu rasa ‘terrenu llano y
ensin arbolíu’, ‘faza de terrenu costero llano
y elevao penriba de la mar por cantiles’,
que procede del axetivu rasu -a -o ‘llanu,
ensin bultos nin desniveles’.
●Etimoloxía: rasa vien del llatín RASAM
[rásam], acusativu femenín del axetivu
RASUS -A -UM, que ye participiu del verbu
RADĔRE [rádere] ‘raspiar, arrañar, forgar,
rayer’.
La Rebollada
Llugar de la parroquia de Caldones, barriu
de Llinares.
●Formación del topónimu: topónimu
formáu col sustantivu asturianu rebollada
‘sitiu pobláu de rebollos o de rebolles’. Un
rebollu ye, según los casos, un ‘Quercus
robur, carbayu, árbol caducifoliu de madera
duro y bono, que tien les fueyes col borde
lobuláu’ (en castellanu «roble»), un
‘Quercus pyrenaica, árbol caducifoliu
xeneralmente más ruin que’l Quercus robur
y el Quercus petraea’ (en castellanu
«rebollo»), o un ‘Quercus suber, árbol que
da una corteya de lo que se saca’l corchu’
(en castellanu «alcornoque»). Pela so
parte, una rebolla ye un ‘rebollu nuevu, de
tueru delgáu’, o tamién una ‘cotolla, planta