Diccionariu toponímicu del conceyu de Xixón _bicolor_ - El Comercio

Diccionariu toponímicu del Conceyu de Xixón
Fontaciera»; «Pedro González, vezino de
Fontafriera en dicha parroquia».
El Fontán
Llugar de la parroquia de Caldones, barriu
de Caldones.
●Formación del topónimu: esti topónimu ta
formáu col sustantivu asturianu fontán, que
pue significar ‘cantidá d’agua estancao
nuna poza’, ‘fonte pequeña d’agua’,
‘bebedoriu, sitiu onde beben los animales’;
o, simplemente, ‘charcu d’agua’.
●Etimoloxía: fontán ye un deriváu de fonte
(ver La Fontina). El sufixu -án, d’aniciu
despectivu, orixínase nel llatín -ĀNUM [ánum].
El Fontán
Llugar de la parroquia de Castiello
Bernueces, barriu de Samiguel.
●Ver l’anterior.
FONTANÍA
Barriu de la parroquia de Somió.
●Formación del topónimu: esti nome paez
tar formáu a partir del sustantivu asturianu
fontana ‘fonte d’agua’, en diminutivu
fontaniella ‘fonte pequeña d’agua’ o
κ fontanía, forma ésta que nun ye d’usu na
llingua actual. Ye la mesma equivalencia
qu’atopamos en palabres como capiella o
capía; rodiella o rodía; Castiella o Castía;
rosquiella o rosquía; etc.
●Etimoloxía: fontanía hubo tener una forma
yá perdida *fontaniya –igual que rodía tien
la variante rodiya–; procede del llatín
FONTANĪCŬLAM [fontaníkulam], diminutivu de
FŎNTANAM ‘fonte’ col sufixu diminutivu
femenín -ĪCŬLAM.
●Documentación histórica del topónimu: nel
diccionariu xeográficu de Madoz (1845-50)
apaez citáu esti topónimu como «Fontana».
La Fontanica
Llugar de la parroquia de Leorio / Llorio,
barriu de Llantones.
●Formación del topónimu: topónimu
formáu col sustantivu asturianu fontanica,
diminutivu de fontana ‘fonte d’agua’ col
sufixu femenín -ica.
●Etimoloxía: l’orixe ta nel llatín FŎNTANAM
[fontánam] ‘fonte’. El sufixu -icu -ica -ico
nun ye’l más emplegáu n’asturianu pa
formar diminutivos, pero’l so usu popular ta
perfectamente constatáu na fala actual y na
toponimia. Procede del llatín vulgar -ĪCCUS -
ĪCCA -ĪCCUM.
FONTANIELLES
Barriu de la parroquia de Serín. Códigu
alministrativu: 24.21.06. Nome oficial
anterior: «Fontanielles».
●Formación del topónimu: topónimu
formáu col sustantivu asturianu
fontanielles, plural de fontaniella ‘fonte
pequeña d’agua’, diminutivu de fontana
‘fonte d’agua’ col sufixu femenín -iella.
●Etimoloxía: l’orixe ta nel llatín FONTANAM
‘fonte’. El sufixu diminutivu -iella provién
del llatín -ĔLLAM [-él lam].
●Documentación histórica del topónimu:
nun documentu escritu en llatín medieval,
sobre venta d’una heredá de Salceo
(L’Abadía Cenero), apaez como testigu un
«Roderico Gonzaluiz de Fontaniellas» (añu
1232). Nel Llibru Ordinariu lleemos: «Y en
Serino a Gonçalo Garçia de Fontanielas»
(añu 1577); «Y en Serino a Gonçalo Garçia
de Fontanielas» (añu 1578).
La Fontina
Llugar de la parroquia de Serín, barriu d’El
Gallinal.
●Formación del topónimu: l’asturianu
fontina ye’l diminutivu regular del
sustantivu fonte, que se define como ‘sitiu
per onde sal agua de la tierra de manera
natural’ y ‘construcción que se fai pa que
salga agua’. Úsase equí’l sufixu diminutivu
femenín -ina.
●Etimoloxía: fonte vien del llatín FŎNTEM
[fóntem], col mesmu significáu. El sufixu -
ina deriva del llatín -ĪNAM [-ínam].
Les Fontiques
Llugar de la parroquia de Caldones, barriu
de San Pelayo.
●Formación del topónimu: topónimu
formáu cola palabra asturiana fontiques,
plural de fontica, que ye diminutivu del
sustantivu fonte ‘sitiu per onde sal agua de
87