lorca

versións musicais, o especificamente galego e lorquiano, todas as relacións
de Federico con Galicia, os amigos galegos e a súa literatura, levando a cabo
unha recollida minuciosa desde a súa obra.
Os cambios nesta segunda edición, á parte de corrección de erros
tipográficos e modificación de caracteres dalgunhas letras, inclúen novos
textos de Blanco-Amor sobre a obra e a vida de Federico García Lorca e
diverso material documental e fotográfico. O título do libro, por indicación
de Carlos Martínez-Barbeito, recobra na portada o nome de F. García Lorca
que, por vontade deste autor, debería ter figurado xa na primeira edición.
Acompaña ó libro, como novidade, unha casete coa música de Isidro B.
Maiztegui Pereiro, gravada polo Arquivo Sonoro de Galicia no recital da súa
estrea no salón de actos do Consello da Cultura Galega, o 12 de abril de
1996.
Agradezo ós amigos lectores de O Pórtico poético dos Seis poemas galegos
os comentarios, consellos e indicacións que me fixeron, que, sempre que
me foi posible, tiven en conta para mellorar esta segunda edición.
A Coruña, 17 de maio de 1998, Día das Letras Galegas.
7