You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Appendix A<br />
<strong>Edited</strong> <strong>Text</strong> <strong>of</strong> <strong>M804</strong><br />
Ci commencent les croniques que fist maistre Frossart qui parlent des nouvelles<br />
guerres de France et d’Engleterre, d’Escoce et d’Espaigne, lesquelles sont devisees<br />
en quatre parties. Le prologue.<br />
[f1r]<br />
A fin que honnorables avenues et nobles aventures, fais d’armes par les guerres de<br />
France et d’Engleterre soient notablement registrez et miz en memoire perpetuel, parquoy<br />
les preux ayent exemple de eulz encouragier en bien faisant, je vueil traittier et recorder<br />
l’istoire et matiere de grant loenge mais ains que je le commence je requier au sauveur de<br />
tout le monde qui de neant crea toutes choses qu’il vueille creer et mettre en moy sens et<br />
entendement si vertueux que ce livre que j’ay commencie je le puisse continuer et perseverer<br />
en tele maniere que tous ceulz et celles qui le liront verront et oeront y puissent prendre<br />
esbatement et plaisance et je escheir en leur grace. On dist et vray est que tous edefices sont<br />
ouvrez et maconnez l’une pierre apres l’autre et [f1r] toutes grosses rivieres sont faites et<br />
rassemblees de divers lieux et pluseurs sourgons, aussi les sciences sont estraites et compilees<br />
de pluseurs clers. Et ce que l’un ne scet l’autre scet. Non pourquant rien n’est qui ne soit<br />
sceu ou loing ou pres.<br />
Dont aussi pour attaindre et venir a la matiere que j’ay empris de commencier. Premierement<br />
de la grace de Dieu et de la benoite Vierge Marie dont tout confort et avancement<br />
viennent, je me vueil fonder et ordonner sur les vrayes croniques jadis faites et rassemblees<br />
par venerable homme et discret seigneur monseigneur Jehan le Bel, chanoine de Saint Lambert<br />
de Liege, qui grant cure et toute bonne diligence mist en ceste matiere et le continua<br />
tout son vivant au plus justement qu’il pot, et moult lui cousta a l’acquerre et a l’avoir<br />
mais quelz frais qu’il y eust ne feist riens, ne les plaingni car il estoit riche et puissant si les<br />
povoit bien porter et de soy meismes large, honnorable et courtois et qui voulentiers veoit le<br />
sien despendre. Aussi il fu en son venir moult amis et secres a tresnoble et doubte seigneur<br />
monseigneur Jehan de [f1v] Haynau qui bien est ramenteuz et de raison en ce livre car de<br />
pluseurs nobles et belles avenues il en fu chief et cause et des roys moult prochains parquoy<br />
le dessus dit messire Jehan le Bel pot delez lui veoir et congnoistre pluseurs nobles besoingnes<br />
lesqueles sont contenues ensuiant. Vray est que je qui ay empriz ce livre a ordonner<br />
ay par plaisance qui a ce m’a toudiz encline frequenter pluseurs nobles et grans seigneurs<br />
tant en France comme en Engleterre en Escoce et en autres pays et ay eu la congnoissance<br />
d’eulz, si ay tousiours a mon pouoir justement enquis et demande du fait des guerres et<br />
des aventures qui en sont avenues et par especial depuis la grosse bataille de Poitiers ou<br />
le noble roy Jehan de France fu pris car devant ce j’estoie encore moult joennes de sens et<br />
d’aage. Non obstant si empriz je assez hardiement moy yssuz de l’escole a rimer et a ditter<br />
les guerres dessus dictes et pour porter en Engleterre le livre tout compile sicomme je fiz et<br />
le presentay adont a la tres haute et tres noble dame madame Philippe de Haynau, royne<br />
d’Engleterre, qui liement et doucement le recut de moy et m’en fist grant prouffit. Or puet<br />
1
2 (f2 r ) Du roy Robert de Bruis d’Escoce<br />
estre que ce livre n’est mie examine ne ordonne si justement que telle chose le requiert car<br />
fait d’armes, qui si chierement sont compare, doivent estre donne et loyaument departy a<br />
ceulz qui par proesce y traveillent dont pour moy acquitter envers tous ainsi que drois est<br />
j’ay empris ceste histoire a poursuir sur l’ordonnance et fondation devant dicte a la priere<br />
et requeste d’un mien chier seigneur et maistre monseigneur Robert de Namur, seigneur de<br />
Beaufort, a qui je vueil devoir amour et obeissance et Dieux me laisse faire chose qui lui<br />
puist plaire.<br />
S’ensivent les noms des plus preux de ceste histoire.<br />
P our tous nobles cuers encouragier et eulx moustrer exemple et matiere d’onneur, je,<br />
sire Jehan Froissart, commence a parler apres la relation faite de monseigneur Jehan le Bel,<br />
jadis chanoine de Saint Lambert de Liege, et d’y ainsi que pluseurs gens nobles et innobles<br />
ont parle par mainte fois des guerres de France et d’Engleterre, qui pas justement n’en<br />
savoient ou saroient a dire se requiz et examinez en estoient comment ne pourquoy ne par<br />
quelle raison elles vindrent. Mais en veez cy la droite vraye fondation de [f1v] la matiere<br />
et pour ce que je n’y vueil mettre, ne oster, oublier, ne corrompre, ne abregier l’istoire en<br />
riens par defaulte de langaige mais le vueil multiplier et acroistre ce que je pourray vous<br />
vueil de point en point parler et moustrer les aventures toutes puis la nativite du noble roy<br />
Edouart d’Engleterre qui si puissaument a regne et tant y sont avenues d’aventures notables<br />
et perilleuses et tant de batailles adreciees et d’autres fais d’armes et de grans proesces puis<br />
l’an de grace 1326 que cil gentil roy fu couronne en Engleterre que il et tous ceulz qui ont<br />
este avec lui en ces batailles et eureuses aventures ou avec ses gens la ou il n’a mie este en<br />
propre personne, sicomme vous pourrez oir cy apres, doient bien estre tenuz et reputez pour<br />
preux comment qu’il en y a grant foison d’iceulz qui doient et pouoient bien estre tenuz et<br />
reputez pour souverains preux entre les autres devant tous autres sicomme le propre corps<br />
du gentil roy dessus dit, le prince de Galles son filz, le duc de Lencastre, messire Regnaut de<br />
Cobain, Gautier de Mauny en Hainau, chevalier messire Jehan Chandos, messire Franque<br />
de Halle et pluseurs autres qui se ramenteront par le bien et la prouesce d’eulx dedens ce<br />
livre. Car par toutes les batailles ou ilz ont este, ilz ont eu renommee des mieux faisans<br />
par terre et par mer. Et si sont moustrez si vassaument que on les doit bien tenir pour<br />
souverains preux mais pour ce ne doivent mie les autres qui avec eulz ont este pis valoir.<br />
Aussi en France ont il trouve bonne chevalerie roide forte et apperte et grant foison.<br />
Car le royaume de France ne fu onques si desconfit qu’on n’y trouvast bien tousiours a qui<br />
combatre. Et fu le noble roy Phelippe de Valois, un tres hardy et bachelereux chevalier<br />
et le roy Jehan son filz, Charles le roy de Bahaingne, le conte d’Alencon, le conte de Fois,<br />
messire Saintre, messire Ernoul d’Andrehen, messire Bouchicaut, messire Guichart d’Angle,<br />
monseigneur de Beaugeu, le pere et le filz et pluseurs autres que je ne puis mie maintenant<br />
tous nommer et qui bien [f2r] seront ou temps et en lieu ramenteuz. Car pour verite dire et<br />
soustenir on doit bien tenir pour assez preux tous ceulz qui en si crueuses batailles et si perilleuses<br />
ont este veuz et demeurent jusques a la desconfiture souffisaument faisant leur devoir.<br />
Du roy Robert de Bruis d’Escoce<br />
P remierement pour mieux entrer en la matiere de l’onnorable et plaisant histoire du<br />
noble roy Edouart d’Engleterre qui fu couronnez a Londres, l’an de grace 1326, le jour de<br />
noel au vivant du roy son pere et de la royne sa mere. Certaine chose est que l’oppinion<br />
communement des Englois est telle, et la on souvent veu avenir en Engleterre puis le temps le<br />
gentil roy Artus, que entre deux vaillans roys d’Engleterre a toudiz eu un moins souffisant de<br />
sens et de proesce et assez apparant est par le roy Edouart dont je parloie maintenant. Car<br />
vray est que son taion que on appella le bon roy Edouart fu moult vaillant, sage preudomme<br />
et hardy et tres entreprenant et bien fortune en fais de guerres et ot moult a faire contre<br />
les Escos et les conquist trois fois ou quatre et ne peurent onques les Escos avoir victoire<br />
ne durer contre lui. Et quant il fu trespassez son filz de son premier mariage qui fu pere au
(f2 r ) Du roy Robert de Bruis d’Escoce 3<br />
gentil roy Edouart fu couronnez apres lui qui point ne le resembla de sens ne de proesce.<br />
Ains gouverna et maintint son regne moult sauvagement par le conseil d’autrui dont puis il<br />
lui m’eschey moult laidement, sicomme vous pourrez oir cy apres s’il vous plaist, car assez<br />
tost apres ce qu’il fu couronne le roy Robert de Breux, qui estoit roy d’Escoce, qui avoit<br />
tant et si souvent donne a faire au bon roy Edouart dessus dit que on le tenoit pour moult<br />
preux, reconquist toute Escoce et la bonne cite de Bervich avecques et ardy et gasta grant<br />
partie du regne d’Engleterre .iv. journees ou .v. dedens le pays par .ii. fois et desconfist<br />
celui roy et tous les barons d’Engleterre en un lieu en Escoce que on dist Estrumelin par<br />
bataille rengiee et arrestee. Et dura la chace de ceste desconfiture par .ii. jours et par .ii.<br />
[f2r] nuis et s’en afui le roy d’Engleterre a moult pou de ses gens jusques a Londres. Mais<br />
pour ce que ce n’est mie de nostre matiere, je m’en tairay a tant.<br />
Des parens du roy Edouart d’Engleterre.<br />
C il roy, qui fu pere a ce gentil roy Edouart, avoit .ii. freres de remariage desquelz<br />
l’un estoit appelle le conte Marescaus et estoit de moult sauvage et diverse maniere. L’autre<br />
avoit nom messire Aymes et estoit conte de Kain, moult estoit cil preudomme doulz et<br />
debonnaires et bien amez des bonnes gens. Cil roy estoit marie a la fille le beau roy Phelippe<br />
de France qui estoit une des plus belles dames du monde. Il ot de ceste dame .ii. filz<br />
et .ii. filles desquelz filz le premier est le gentil et le preux roy Edouart d’Engleterre de<br />
qui ceste histoire est commenciee. L’autre ot nom Jehan et mouru assez joenne. L’ainsnee<br />
fille des .ii. filles ot nom Ysabel et fu mariee au joenne roy David, roy d’Escoce, filz au roy<br />
Robert de Breux, et lui fu donnee en mariage en joennesce par l’accort des .ii. royaumes<br />
d’Engleterre et d’Escoce et par paix faisant. L’autre fille fu mariee au conte Regnaut de<br />
Guelle qui depuis fu appelle duc de Guerle. Et ot de ceste dame .ii. filz, Regnaut et Edouart<br />
qui puis regnerent en grant puissance contre leurs ennemiz.<br />
La cause pourquoy la guerre mut entre les Francois et les Englois.<br />
O r dist li comptes que cil roy Phelippe, nomme beaux de France roy, ot .iii. filz avec<br />
celle belle fille Ysabel, qui fu mariee en Engleterre au roy dont j’ay parle cy dessus. Et furent<br />
ces .iii. filz moult beaux, desquelz l’aisne ot nom Loys si fu au vivant de son pere roy de<br />
Navarre et l’appelloit on le roy Hustin. Le secont nez ot nom Phelippes le grant dit le long.<br />
et le tiers ot nom Charles. Et furent tous trois roys de France apres la mort du roy Phelippe<br />
leur pere par droite succession l’un apres l’autre sans avoir hoir masle de leurs corps<br />
engendre par voie de mariage. Si que apres la mort du derrain roy Charles les .xii. pers et<br />
les barons de France ne donnerent point le royaume a la suer qui estoit royne d’Engleterre<br />
par tant qu’ilz vouloient dire et maintenir [f2v] et encore veulent que le royaume de France<br />
est bien si noble que il ne doit mie aler a femelle, ne par consequent au roy d’Engleterre son<br />
ainsne filz. Car ainsi comme ilz veulent dire, le filz de la femelle ne povoit avoir droit ne<br />
succession de par sa mere venant la ou sa mere n’a point de droit. Si que par ces raisons les<br />
.xii. pers et les barons de France donnerent de leur commun accort le royaume de France<br />
a monseigneur Phelippe, nepueu jadis a cel beau roy Phelippe de France dessus dit. Et<br />
en osterent le roy d’Engleterre et son filz qui estoit hoir masle et estoit filz de la suer le<br />
derrain roy Charles. Ainsi ala le dit regne hors de la droite lignee, ce semble il a moult<br />
de gens, dequoy grans guerres en sont nees et venues et grans destructions de gens et de<br />
pays ou royaume de France et ailleurs sicomme vous pourrez oir cy apres. Car c’est la vraie<br />
fondation de ceste histoire pour racompter les grandes entreprinses et les grans fais d’armes<br />
qui avenuz en sont, car puis le temps le bon roy Charlemaine qui fu empereur d’Alemaigne<br />
et roy de France n’avindrent si grans aventures de guerres ou royaume de France que elles<br />
sont avenues par ce fait cy ainsi que vous orrez ou livre, mais que j’aye temps et loisir du<br />
faire et vous du lire. Or vueil retraire a la droite matiere commenciee et taire de ceste tant<br />
que temps et lieu venront que j’en devray parler.
4 (f3 r ) Comment la royne Ysabel se party d’Engleterre pour venir en...<br />
Comment mesire Hue le Despensier fu bien du roy.<br />
O r dist li comptes que cil roy d’Engleterre, pere a ce gentil roy Edouart sur qui<br />
nostre matiere est fondee gouverna moult diversement son royaume et fist moult de diverses<br />
merveilles en son pays par le conseil et l’enortement de monseigneur Huon, qu’on dist le<br />
Despensier, qui avoit este nourris avec lui d’enfance. Et avoient tant fait cil messire Hue que<br />
il et messire Hue son pere estoient les plus grans barons d’Engleterre tant que de richesce et<br />
estoient toudiz les plus maistres du conseil du roy et vouloient maistrier et surmonter tous<br />
les autres hauls barons d’Engleterre par envie dequoy et pourquoy avindrent puissedy ou<br />
pays et a eulz meismes moult de mauls et de tormens.<br />
Car apres la grant desconfiture [f2v] d’Estrumelin, la ou le roy Robert de Breux roy<br />
d’Escoce desconfi ce roy d’Engleterre et tous ses barons sicomme vous avez oy cy devant,<br />
grant envie et grant murmure multiplia ou pays d’Engleterre entre les nobles barons et le<br />
conseil du roy meismement encontre le dit monseigneur Huon le Despensier. Et lui mettoient<br />
sus que par son conseil ilz avoient este desconfiz et que par tant qu’il estoit favorable au<br />
roy d’Escoce, il avoit tant conseillie et tenu le roy d’Engleterre en negligence que les escos<br />
avoient reconquis la bonne cite de Bervich et ars .iv. journees ou .v. par .ii. fois dedens leur<br />
pays et au derrain eulz tous destruis et desconfiz. Et sur ce les dis barons orent pluseurs<br />
fois parlement ensemble pour aviser qu’il en pourroient faire desquelz Thomas, le quens de<br />
Lencastre qui estoit oncle du roy, estoit le plus grant et le plus principal. Or s’apparcut le<br />
dit messire Hue le Despensier de ceste oeuvre et que on murmuroit sur lui et sur son afaire<br />
si se doubta trop fort que mal ne l’en preist si y pourvei tantost de remede moult felonnesse.<br />
Comment la royne Ysabel se party d’Engleterre pour venir en France.<br />
I l qui estoit si bien du roy et si prochain comme il vouloit et plus creu tout seul que tout<br />
le monde, s’en vint au roy et lui dist que ces seigneurs avoient fait aliance contre lui et qu’ilz<br />
le mettroient hors de son royaume s’il ne s’en gardoit. Et tant fist par son ennortement et<br />
par son soutil malice et engin que le roy si fist a un jour prendre tous ces seigneurs a un<br />
parlement la ou ilz estoient assemblez et en fist decoler sans delay et sans congnoissance<br />
de cause jusques a .xii. des plus grans barons et tout premierement le conte Thomas de<br />
Lencastre, qui estoit preudomme et saint homme et fist puis assez de beaux miracles ou lieu<br />
la ou il fu decolez. Pour lequel fait le dit messire Hue acquist grant hayne de tout le pays<br />
et especialment de la royne d’Engleterre et du conte de Kain, qui estoit frere au dit roy<br />
d’Engleterre.<br />
Encore ne cessa point a tant le dit messire Hue [f3r] de enorter le roy de mal faire. Car<br />
quant il apparcut qu’il estoit mal de la royne et du conte de Kain il mist si grant descort<br />
entre le roy et la royne par son malice que le roy ne vouloit point veoir la royne ne venir ou<br />
lieu ou elle fust, et dura ce descort assez longuement. Et adont fu qui dist a la royne et au<br />
conte de Kain tout secretement pour les perilz esloingnier ou ilz estoient qu’il leur pourroit<br />
bien mesavenir prouchainement s’ilz ne se gardoient, car le dit messire Hue leur pourchacoit<br />
grant destourbier.<br />
Lors quant la royne et le conte de Kain oirent ces nouvelles, si se doubterent, car ilz<br />
sentoient le roy hastif et de diverse maniere et leur ennemy si bien de lui comme il vouloit,<br />
si s’avisa la dame qu’elle se partiroit tout coiement et vuideroit le royaume d’Engleterre et<br />
s’en venroit en France veoir le roy Charles son frere qui encore vivoit et lui compteroit ces<br />
mescheances et enmenroit son joenne filz Edouart avec lui veoir le roy son oncle. Ainsi la<br />
royne se pourvea sagement et bellement et prist voie de venir en pelerinage a Saint Thomas<br />
en Cantorbiere et elle s’en vint a Vuinncesee et la de nuit entra en une nef appareillee pour<br />
lui et son filz et le conte Aymon de Kain et messire Rogier de Mortemer et en une autre nef<br />
ilz mistrent leurs pourveances et orent vent a souhait et furent l’endemain devant prime ou<br />
havene de Bouloingne.<br />
Comment la royne vint a Paris.
(f3 r ) Comment la royne vint a Paris. 5<br />
Q uant la royne Ysabel fu arrivee a Bouloingne ainsi comme vous oez et son filz et le<br />
conte de Kain son serourge, le cappitaine de la ville et les bourgois et les abbez vindrent<br />
contre lui et la recueillirent moult liement et l’enmenereent en la ville et la logierent en<br />
l’abbaie et toute sa route et y fu .ii. jours. Au tiers jour elle s’en party et se mist a voie et<br />
tant chemina par ses journees qu’elle s’en vint a Paris. Le roy Charles son frere qui estoit<br />
enfourme de sa venue, envoia contre lui des plus grans de son royaume qui adont estoient<br />
delez lui monseigneur Robert d’Artois, monseigneur de Coucy, monseigneur de Sully, le<br />
seigneur de Roye et pluseurs autres [f3r] qui honnorablement l’amenerent en la cite de Paris<br />
et devers le roy de France.<br />
Q uant le roy vit sa suer que grant temps ot qu’il ne l’avoit veue et elle deut entrer<br />
en sa chambre, Il vint contre lui et la prist par la main et la baisa et dist, “A bien viengne<br />
ma belle suer et mon beau nepueu.” Lors les prist tous deux et les mena avant. La dame<br />
qui pas n’avoit trop grant joye fors de ce qu’elle se trouvoit delez le roy son frere, s’estoit<br />
ja voulue engenouillier par trois fois ou par quatre aux pies du roy son frere, mais le roy ne<br />
la laissoit et la tenoit toudiz par la main droite et lui demandoit moult doulcement de son<br />
estat et de son affaire. Et la dame l’en respondoit tres sagement et tant furent les paroles<br />
qu’elle lui dist, “Monseigneur ce nous va a moy et a mon filz assez petitement car le roy<br />
d’Engleterre mon mary m’a priz en trop grant hayne et si ne scet pourquoy et tout par<br />
l’enortement d’un chevalier qui s’appelle Hue le Despensier. Cil chevalier a telement atrait<br />
monseigneur a soy et a sa voulente que tout ce qu’il veult dire et faire il est fait. Et ja ont<br />
compare pluseurs hauls barons d’Engleterre et seigneurs sa mauvaistie, car il en fist en un<br />
jour prendre et par le commandement du roy sans droit et sans cause, decoler jusqu’a .xii.<br />
et par especial le bon conte de Lencastre, Thomas, dequoy monseigneur ce fu trop grant<br />
dommage car il estoit preudomme et loyal et plain de bon conseil et n’est nul en Engleterre<br />
tant soit noble ne de grant affaire qui l’ost courroucier ne desdire de tout ce qu’il veult<br />
faire. Avec tout ce il me fu dit en grant especialite d’un homme qui cuide assez savoir des<br />
consauls et des traities le roy mon mary et de ce dit Hue le Despensier, que on avoit grant<br />
envie sur moy et que se je demoroie ou pays gueres de temps, le roy par malvaise et faulse<br />
information me feroit mourir ou languir a honte si ne l’ay je pas deservi ne ne vouldroie<br />
nullement faire. Car onques envers lui je ne pensay ne ne fis chose qui feist a reprendre. Et<br />
quant je oy ces dures nouvelles et si perilleuses sur moy et sans raison, je m’avisay pour le<br />
mieux que je me partiroie d’Engleterre et vous venroie veoir [f3v] et remoustrer feablement<br />
comme a monseigneur et beau frere l’aventure et le peril ou j’ay este. Aussi le conte de<br />
Kain que la veez qui est frere du roy mon mary, qui est en autel party de hayne comme je<br />
sui et tout par l’esmouvement et fauls enortement de ce Huon le Despensier. Si m’en sui<br />
cy afuie comme femme esgaree et desconseillee devers vous pour avoir conseil et confort de<br />
ces besoingnes car se Dieux premierement et vous n’y remediez je ne me scay vers qui traire.”<br />
Le confort que la royne ot en France.<br />
Q uant le noble roy Charles de France ot oy sa suer ainsi lamenter et qui de cuer et en<br />
plorant lui remoustroit sa besoigne et pourquoy elle estoit venue en France si en ot grant<br />
pitie et lui dist, “Ma belle suer, apaisies vous et vous confortez car foy que je doy a Dieu et<br />
a monseigneur Saint Denis je y pourverray de remede.” Adont la dame s’agenoilla, vousist<br />
ou non le roy, tout bas a terre et lui dist, “Mon treschier seigneur et beau frere Dieu vous en<br />
vueille oir.” Lors la prist le roy entre ses bras et la mena en une autre chambre plus avant<br />
qui estoit toute paree et ordonnee pour lui et pour le joenne Edouart son filz et la la laissa.<br />
Ainsi fu la noble royne d’Engleterre conjoie et bien venue a ce premier du roy Charles de<br />
France son frere et lui fist delivrer le roy par la chambre aux deniers tout ce qui a la royne<br />
besoingnoit pour lui et pour son filz.<br />
D epuis ne demoura gueres que sur cel estat que vous avez oy, Charles le roy de France<br />
assembla pluseurs grans seigneurs et barons du royaume de France pour avoir conseil et bon
6 (f4 r ) Comment la royne se transporta du regne de France en l’empi...<br />
avis comment il ordonneroit de la besoingne la royne sa suer a qui il avoit promiz confort<br />
et aide et tenir lui vouloit. Dont fu ainsi conseillie au roy et pour le mieux qu’il laissast<br />
madame sa suer acquerre et pourchacier amis et confortans ou regne et se fainsist de ceste<br />
emprise. Car de esmouvoir guerre au roy d’Engleterre et de mettre son pays en hayne, ce<br />
n’estoit pas chose appartenant mais couvertement et secretement l’aidast et confortast tant<br />
d’or comme d’argent car c’est le metal parquoy l’en acquiert l’amour des gentilz hommes et<br />
des povres bachelers. A ce conseil et avis s’acorda le roy et le fist dire ainsi tout coiement<br />
a la royne d’Engleterre [f3v] sa suer par monseigneur Robert d’Artois qui lors estoit l’un<br />
des plus grans de France. Sur ce la bonne dame toute resioie et confortee persevera et<br />
se pourvey d’acquerre amis parmy le royaume de France. Les aucuns prioit, les autres<br />
promettoit ou donnoit tant qu’il y ot de moult grans seigneurs et de joennes chevaliers et<br />
escuiers qui tout lui accorderent confort et aliance pour lui ramener en Engleterre et de force.<br />
Du confort qu’elle ot d’Engleterre.<br />
O r vous parlerons de messire Hue un petit et assez tost retournerons et revenrons<br />
a la royne. Quant cil messire Hue vit qu’il avoit fait grant partie de ses voulentez, mis a<br />
destruction les plus grans barons d’Engleterre, la royne et son ainsne filz dechacies de son<br />
royaume et qu’il avoit le roy si atrait a sa voulente que le roy ne lui contredisoit nulle chose<br />
que il voulsist dire ne faire, il qui perseveroit en sa mauvaistie fist depuis tant de bonnes<br />
gens justicier et mettre a mort sans loy et sans jugement par tant qu’il les tenoit pour suspets<br />
encontre lui et fist tant de merveilles par son <strong>org</strong>ueil que les barons qui demouroient<br />
et le remenant du pays ne le porent plus porter. Ains quistrent et acquistrent les aucuns<br />
entre eulx accort paisiblement et firent secretement savoir a la royne leur dame dessus dicte<br />
qui avoit la demoure a Paris par l’espace de .iii. ans comme eschaciee et banie du regne<br />
sicomme vous avez oy, se elle povoit trouver voie ou sens parquoy elle peust avoir aucune<br />
compaignie de gens d’armes de mil armeures de fer ou la environ et elle voulsist ramener<br />
son filz ou royaume d’Engleterre, eulz se trairoient tantost vers lui et obeiroient a lui comme<br />
a leur dame et a son filz comme a leur seigneur car ilz ne povoient plus porter les desrois<br />
et les fais que le roy faisoit par le conseil du dit messire Hue. Ces lettres et ces nouvelles<br />
secretes envoiees d’Engleterre la royne les moustra et dist au roy Charles son frere lequel<br />
l’en respondy a dont tout joieusement, “Ma belle suer Dieux y ait part de tant valent voz<br />
besoingnes mieux. Or l’emprenez hardiement et pryes de mes hommes jusques a la somme<br />
que voz aidans d’Engleterre vous ont signifie, je [f4r] consentiray bien ce voyage et leur<br />
feray faire delivrance d’or et d’argent tant qu’ilz vous serviront voulentiers.”<br />
Comment la royne se transporta du regne de France en l’empire.<br />
S ur ce la bonne dame avoit ja prie moult de chevaliers bachelereux et aventureux<br />
qui lui promettoient que tres voulentiers ilz yroient et ordonnoit la dame tout secretement<br />
son afaire et ses pourveances mais onques si secretement ne le pot faire, ne rescripre aux<br />
barons d’Engleterre que messire Hue le Despensier ne le sceust. Lors se doubta il que de<br />
force le roy de France ne la renvoiast en Engleterre. Si s’avisa que par dons il atrairoit<br />
si le roy de France de son conseil qu’il n’aroit nulle volente de la dame aidier ne de lui<br />
porter contraire. Dont envoia par messages secrez et affaities de ce faire grant plente d’or<br />
et d’argent et joyaux riches et especiauls devers le roy et son plus prive conseil et fist tant<br />
en brief termine que le roy et tout son conseil furent aussi frois d’aider la dame comme il<br />
avoient este en grant desir. Et brisa le roy tout ce voiage et defendy sus a perdre le royaume<br />
qu’il ne fust nul qui avec la royne d’Engleterre se meist a voie pour lui aider a remettre<br />
en Engleterre a main armee. Dont les pluseurs chevaliers et bachelers du dit royaume en<br />
furent moult courroucies et s’esmerveillierent entr’eulx quant si soudeinement le roy avoit<br />
fait ceste defense et en murmurerent les aucuns et distrent bien que or et argent y estoit<br />
efforciement accuruz d’Engleterre.<br />
E ncore vous diray, se j’ay loisir, dequoy cil messire Hues le Despensier s’avisa. Quant
(f4 r ) Comment la royne se transporta du regne de France en l’empi... 7<br />
il vit qu’il n’aroit garde du roy de France ne de ce coste pour embellir et florir sa mauvaistie<br />
et retraire la royne en Engleterre et remettre en son dangier du roy son mary, Il fist le<br />
roy d’Engleterre escripre au Saint Pere en suppliant assez affectueusement qu’il voulsist<br />
escripre et mander au roy Charles de France qu’il voulsist renvoier sa femme car il s’en<br />
vouloit acquitter a dieu et au monde et que ce n’estoit pas sa coupe qu’elle estoit partie<br />
de lui car il ne lui vouloit que toute amour et bonne loyaute telle qu’on doit tenir en<br />
mariage. Avec ces lettres que le dit messire Hue fist le roy d’Engleterre escripre au pappe<br />
et aux cardi [f4r] naux en lui escusant ainsi comme vous avez oy et encore par pluseurs<br />
soutives voies qui cy ne peuent mie estre toutes escriptes, il envoia grant or et grant argent<br />
a pluseurs cardinaux et prelas les plus secrez et prouchains du pappe et aussi messagiers<br />
sages et avisez et bien ydoines et taillies de faire ce message et mena tellement le pappe<br />
par ses dons et par ses falaces qu’ilz contournerent du tout la royne Ysabel d’Engleterre et<br />
condempnerent en son tort et mistrent le roy d’Engleterre et son conseil a son droit. Et<br />
escripsi le pappe par le conseil d’aucuns cardinaux qui de l’accort du dessus dit Hue estoient<br />
au roy Charles de France que sus paine d’escommeniement il envoia sa suer la royne Ysabel<br />
en Engleterre devers le roy son mary. Ces lettres veues et apportees devers le roy de France<br />
et par si especial messagier que par l’evesque de Saintes en Poitou que le pappe y envoioit<br />
en legation, le roy fu durement esmeu sur sa suer et dist qu’il ne la vouloit plus soustenir a<br />
l’encontre de l’eglise et fist dire a sa suer car ja de grant temps ne parloit il point a lui, que<br />
elle vuidast tost et hastivement son royaume ou il l’en feroit vuidier a honte.<br />
Q uant la royne oy ces nouvelles si fu plus desconfortee et esbahie que devant car elle<br />
se veoit entre pies et toute arriere du confort et l’aide que elle cuidoit avoir du roy Charles<br />
son frere. Si ne scot que dire, ne quel avis prendre car ja l’essoingnoient ceulz de France<br />
par le commandement du roy et n’avoit a nullui conseil ne retour fors seulement a son chier<br />
cousin monseigneur Robert d’Artois, mais cil secretement la conseilloit et confortoit ce qu’il<br />
povoit, non a veue car il ne l’osast faire pour le roy qui deffense lui avoit mis et en quelle<br />
hayne et malevueillance la royne estoit escheue, dont moult lui ennuioit et savoit bien que<br />
par mal et par envie elle estoit ainsi dechaciee. Si estoit cil messire Robert d’Artois si bien<br />
du roy qu’il vouloit mais il ne l’en osoit parler car il avoit oy dire le roy et jurer que cil qui<br />
l’en parleroit quelz qu’il feust il lui toldroit sa terre et baniroit de son royaume. Si entendy<br />
il secretement que le roy estoit en voulente de faire prendre sa suer, son filz, le conte de [f4v]<br />
Kain et messire Rogier de Mortemer et de remettre es mains du roy d’Engleterre et du dit<br />
messire Hue. Et ainsi le vint il dire de nuit a la royne d’Engleterre et l’avisa du peril ou<br />
elle estoit. Dont fu la dame moult esbahie et requist tout en plorant conseil a monseigneur<br />
Robert d’Artois quelle chose elle pourroit faire, ne ou traire a garant ne a conseil, “En nom<br />
Dieu dist messire Robert, le royaume de France vous lo je bien a vuidier et de traire devers<br />
l’empire, la a il pluseurs grans seigneurs qui bien aidier vous pourroient et par especial le<br />
conte Guillaume de Hainau et messire Jehan de Haynau son frere. Ces deux sont grans<br />
seigneurs preudommes et loyaux, cremuz et redoubtez de leurs ennemiz, amez de leurs amis<br />
et pourveuz de grant sens et de parfaite honneur. Et croy bien que en eulz vous trouverez<br />
toute adrece de bon conseil, car autrement ilz ne voudroient ne saroient faire.” La dame<br />
s’arresta sus cest avis et se reconforta un petit a la parole et priere monseigneur Robert<br />
d’Artois et fist appareillier toutes ses besoingnes et paier et delivrer aux hostels au plus<br />
quoiement et bellement qu’elle pot et party de Paris et son joenne filz o lui et le conte de<br />
Kain et leur route et s’acheminereent devers Hainaut et tant fist la royne d’Engleterre par<br />
ses journees qu’elle vint en Cambresis. Quant elle se trouva en l’Empire si fu un pou plus<br />
asseuree que devant et passa parmi Cambresis et entra en Ostrevant en Haynaut et vint<br />
logier a Aubrechicourt en l’ostel d’un petit chevalier qui s’appelloit le sire d’Aubrechicourt<br />
et la recut adont le chevalier et sa femme moult liement et la tint tout aise selon son estavoir<br />
et tant que la royne d’Engleterre et son filz en ama depuis le chevalier et la dame a tousiours<br />
et les enfans qui d’eulz nasquirent et les avanca en pluseurs manieres.<br />
Comment la royne Ysabel vint en Haynnault
8 (f5 r ) Comment la royne Ysabel vint en Haynnault<br />
L a venue de la royne d’Engleterre qui descendoit en Hainau estoit bien sceue en l’ostel<br />
du bon conte Guillaume de Haynau qui lors se tenoit a Valenchiennes et mesire Jehan<br />
de Hainaut son frere, et sceut le dessus dit messire Jehan de Haynau l’eure qu’elle vint en<br />
l’ostel messire d’Aubrechicourt. Il qui moult estoit honnorable, joenne et desirant d’acquerre<br />
honneur et pris monta erraument a cheval et se party a privee mesgnie de [f4v] Valenchiennes<br />
et vint ce soir a Aubrechicourt et fist a la royne d’Engleterre toute l’onneur et reverence<br />
qu’il pot, car bien le savoit faire.<br />
L a dame qui estoit moult triste et moult esgaree lui commenca a complaindre en<br />
plorant moult piteusement les douleurs et ses mesavenues, comment elle estoit dechaciee<br />
d’Engleterre et son filz et venue en France sus l’espoir et fiance de son frere le roy de France,<br />
comment elle cuidoit estre pourveue de gens d’armes de France par la bonne voulente et<br />
conseil de son frere pour aler plus puissaument et amener son filz en son royaume, sicomme<br />
ses amis d’Engleterre lui avoient mande et comment son frere fu depuis tellement conseillie<br />
comme vous avez oy et lui compta comment et a quel meschief elle estoit la afuie a tout son<br />
filz comme celle qui ne savoit qui ne en quel pays trouver confort ne soustenance.<br />
E t quant le gentil chevalier messire Jehan de Haynau ot oy la royne complaindre si<br />
tendrement et que toute fondoit en lermes et en pleurs si en ot grant pitie et commenca a<br />
lermoier et dist ainsi a la dame, “Certes dame, veez cy vostre chevalier qui ne vous faudra<br />
pour mourir se tout le monde vous failloit, ains feray tout mon pouvoir de vous et de vostre<br />
filz conduire et de vous et de lui remettre en vostre estat en Engleterre a l’aide de voz amis<br />
qui de la mer sont ainsi que vous dites et je et tous ceulz que je pourray prier y mettrons<br />
les vies et avons gens d’armes assez, se il plaist a Dieu, sans le dangier du roy de France”,<br />
et quant la dame l’ot oy parler une si haute parole et si reconfortant ses besoingnes, elle qui<br />
seoit et mesire Jehan devant lui se dreca en estant et se voult engenouillier de la grant joie<br />
et de la grace qu’il lui <strong>of</strong>froit, mais le gentil sire de Biaumont ne l’eust jamais souffert, ains<br />
se leva moult appertement et prist la noble dame entre ses bras et dist, “Ne plaise ja a Dieu<br />
que la royne d’Engleterre face ce ne ait enpense de faire mais Dame reconfortez vous et voz<br />
gens aussi car je vous tenray ma promesse et vous venrez veoir monseigneur mon frere et<br />
madame la contesse de Haynaut et leurs beaux enfans qui vous recevront a grant joie car ja<br />
leur en ay je oy parler.” [f5r] Et la dame lui ottroie et dist, “Sire, je treuve en vous plus<br />
de confort et d’amour que en tout le monde et de ce que vous me dites et <strong>of</strong>frez, 500 mille<br />
merciz. Se vous me voulies faire ce que vous me promettez par vostre courtoisie, je devenroie<br />
vostre serve et mon filz vostre serf a tousiours et mettriens tout le royaume d’Engleterre a<br />
vostre abandon et a bon droit.” Lors respondy le gentil chevalier messire Jehan de Haynaut<br />
qui estoit en la fleur de son aage, “Certes, ma tres doulce dame, se je ne le vouloie faire,<br />
je ne le vous promettroie mie mais je le vous ay promiz, si ne vous en faudray pour riens<br />
qui puist avenir, meuls ameroie a mourir.” Apres ce parlement quant ainsi furent accordez<br />
mesire Jehan de Haynau prist congie pour ce soir a la royne et a son filz et aux seigneurs<br />
d’Engleterre qui la estoient et s’en revint a Denaing. La se herberga il en l’abbaie ceste nuit<br />
et l’endemain apres messi et boire il monta a cheval et s’en vint devers la royne qui a grant<br />
joie le recut. Ja avoit elle disne et estoit toute appareilliee de monter quant messire Jehan<br />
de Hainau vint.<br />
L ors se party la royne d’Engleterre du chastel d’Aubrechicourt et prist congie au<br />
chevalier et a la dame et leur dist en eulz remerciant que de la bonne chiere et lie que leans<br />
on lui avoit fait un temps venroit que grandement l’en souvenroit et son filz aussi. Ainsi<br />
se party la royne en la compaignie du gentil sire de Biaumont qui liement et reveleusement<br />
l’amena a Valenchiennes, et contre lui vindrent moult de bourgois de la ville bien parez<br />
et ordonnez pour lui honnorablement recevoir. Ainsi fu elle amenee de monseigneur Jehan<br />
de Haynau devers le bon conte Guilleaume de Hainau qui la recut a grant joie et aussi<br />
fist la contesse, et la festoierent ce qu’ilz porent car bien le savoient faire. Adont avoit<br />
le conte Guilleaume .iv. filles, Marguerite, Phelippe, Jehanne et Ysabel dequoy le joenne<br />
Edouart qui puis fu roy d’Engleterre s’adonnoit le plus et s’enclinoit de regart et d’amour<br />
sus Phelippe que sur les autres et aussi la joenne fille le conjoissoit plus et tenoit plus grant
(f5 r ) Comment la royne Ysabel vint en Haynnault 9<br />
compaignie que nulle de ses suers. Ainsi [f5r] l’ay je depuis oy recorder la bonne dame qui<br />
fu royne d’Engleterre et delez qui je demouray et servi mais ce fu trop tart pour moy. Si<br />
me fist elle tant de biens que j’en sui tenu de prier a tousiours mais pour elle.<br />
A insi madame d’Engleterre la royne Ysabel de France trouva reconfort en monseigneur<br />
Jehan de Hainau quant tout le monde lui failli et demoura en Valenchiennes par l’espace de<br />
.viii. jours delez le bon conte et ma dame la contesse Jehanne de Valois. Et endementiers<br />
fist elle appareillier son erre et ses besoingnes et le dit messire Jehan de Hainaut fist escripre<br />
lettres moult affectueuses aux chevaliers et aux compaignons en qui il se fioit le plus en<br />
Hainaut, en Brebant et en Behaingne, et leur prioit si a certes qu’il povoit a chascun sur<br />
toutes amisties qu’ilz venissent avec lui en ceste emprise. Si en y ot grant plente de l’un<br />
pays et de l’autre qui y alerent pour l’amour de lui et grant plente qui n’y alerent mie<br />
comment qu’ilz en fussent priez. Et meismes le dit messire Jehan de Hainau en fu durement<br />
repris de son propre frere et d’aucuns de son propre conseil pour tant qu’il leur sembloit que<br />
l’emprise estoit si haute et si perilleuse selon les descors et les grandes haines qui estoient<br />
adonc entre les hauls barons et les communs d’Engleterre. Et selon ce que les Englois sont<br />
communement envieux sur toutes manieres de gens estranges quant ilz sont a leur dessus et<br />
especialment en leur pays, que chascun avoit paour et doubtance que le dit mesire Jehan<br />
de Hainau ne nul de ses compaignons peust jamais revenir, mais quoy qu’on lui blamast ne<br />
desconseillast le gentil chevalier ne s’en voult onques relaissier. Ains dist qu’il n’avoit q’une<br />
mort a soufrir qui estoit en la voulente nostre sire mais il avoit promiz a celle gentil dame de<br />
lui conduire jusques en son royaume, si ne l’en faudroit pour mourir et aussi chier avoit il a<br />
prendre la mort avec celle noble dame qui eschaciee estoit et deboutee hors de son pays se<br />
mourir y devoit que autre part. Car tous chevaliers doivent aidier a leur loyal povoir toutes<br />
dames et pucelles dechaciees et desconfortees a leurs besoignes meismes quant il sont requis.<br />
[f5v]<br />
A insi estoit meuz et encouragies mesire Jehan de Haynau et faisoit sa semonce et sa<br />
priere des Hainuiers a estre a Halle et les Brebancons a estre a Bredas et les Behaingnons<br />
au Mont Sainte Guertrud et les Hollandois dont il ot aucuns ordonnez a estre en Dordrecht.<br />
Lors prist congie la royne d’Engleterre au conte de Hainau et a la contesse et les remercia<br />
grandement et doucement de l’onneur de la feste et de la bonne chiere et belle recueillete<br />
qu’ilz lui avoient fait et le baisa au partir et la contesse et leurs beaux enfans. Ainsi se<br />
party la dame et son filz et toute leur route acompaignies de monseigneur Jehan de Hainau<br />
qui a grant durte et moult envis avoit eu congie de monseigneur son frere, quoy qu’il se<br />
fust de premier accordez et assentiz a ce voiage, mais finablement il lui donna de bonne<br />
voulente, et lui dist ainsi mesire Jehan par trop beau langaige, “Monseigneur je sui joenne<br />
et encore ay a faire de conseil si croy que Dieu m’ait pourveu de ceste emprise pour mon<br />
avancement et se Dieux m’en vaille, le courage m’en siet trop bien que nous en venrons a<br />
nostre dessus car je cuide et croy de verite que par pechie a tort et par envie on a ceste<br />
bonne royne dechaciee et son filz hors d’Engleterre. Si est aumosne et gloire a Dieu et au<br />
monde s’adrecier et reconforter les desconfortez et desconseillies, especialment si noble et si<br />
haute dame comme ceste cy est, qui fu fille de roy et est descendue de royal ligne et sommes<br />
de son sang et elle du nostre. Je aroie plus chier a renoncier a tout ce que j’ay vaillant et<br />
aler servir Dieu oultremer sans jamais retourner en ce pays, que la bonne dame fust partie<br />
de nous sans confort et aide. Si me laissies aler et donnez congie de bonne voulente, si ferez<br />
bien et vous en saray gre et s’en exploiteront mieux mes besoingnes.”<br />
Comment la royne passa en Engleterre<br />
Q uant le bon conte de Hainau ot oy son frere et apparcut le grant desir qu’il avoit<br />
de faire ce voiage qui a treshaute honneur lui povoit retourner et a ses hoirs et tousiours<br />
mais et congnois bien qu’il dist [f5v] verite, si en ot grant joie et lui dist, “Beau frere,<br />
ne plaise ja a Dieu que vostre bon pourpos, je vous brise ne oste et je vous donne congie<br />
au nom de Dieu.” Lors le baisa et lui estraindy la main en signe de tresgrant amour.<br />
Ainsi se party mesire Jehan de Hainau et s’en vint ce jour gesir a Mons en Hainau et
10 (f6 r ) Comment la royne passa en Engleterre<br />
aussi la royne d’Engleterre. Que vous esloigneroie la matiere? Ilz firent tant par leurs<br />
journees qu’ilz vindrent a Dordrecht en Hollande ou l’especial mandement estoit fait. La<br />
endroit se pourveirent de nefs, de vaisseaux grans et petiz, ainsi qu’ilz les porent trouver<br />
et mistrent dedens leurs chevaux, leur harnois et leurs pourveances. Puis se commanderent<br />
en la garde nostre sire et se mistrent en chemin par mer. La estoient de chevaliers heniuers<br />
avec monseigneur Jehan de Hainau, mesire Henry d’Antoing, mesire Michiel de Ligne, le sire<br />
de Gommegnies, mesire Perceval de Semeries, mesire Robert de Baillueil, mesire Sanses de<br />
Vouloit, le sire de Vertaing, le sire de Potelles, le sire de Villers, le sire de Henin, le sire de<br />
Sars, le sire de Bousies, le sire d’Aubrecicourt, le sire de Strumiel, mesire Olfart de Guistelle<br />
et pluseurs autres chevaliers et escuiers tout en grant desir de servir leur maistre.<br />
Q uant ilz furent departiz du havene de Dordrecht, moult estoit la navie belle selon<br />
leur quantite et bien ordonnee et le temps beaux et seriz et le temps estoit assez moiste<br />
et atrempez, et mirent a l’ancre ceste premiere maree devant les diques de Hollande sus le<br />
departement de la terre. L’endemain ilz se desancrement et sachierent leurs sigles amont et<br />
se mistrent en chemin en costoiant Zeelande et avoient entente de prendre terre a un port<br />
qu’ilz avoient avise, mais ilz ne porent car un grant torment les prist en mer qui les mist<br />
si hors de leur chemin qu’ilz ne sceurent dedens .ii. jours la ou ilz estoient, dequoy Dieu<br />
leur fist grant grace et leur envoia belle aventure. Car se ilz se fussent embatu en ce port<br />
qu’ilz avoient avise ou anques pres ilz estoient perduz davantage et escheuz es mains de leurs<br />
ennemiz qui bien savoient leur venue. Si les atendoient la endroit pour eulz tous mettre a<br />
mort et le joenne [f6r] Edouart et la royne mais Dieu ne le voult mie consentir si les fist<br />
ainsi que par droit miracle destourner comme vous avez oy. Or avint que au chief de .ii.<br />
jours ce torment cessa et apparceurent les mariniers terre en Engleterre. Si se trairent celle<br />
part moult joieux et pristrent terre sus le sablon et sur le droit rivage de la mer sans havene<br />
et sans droit port, si demourerent sus ce sablon .iii. jours a petite pourveance de vivres en<br />
deschargant leurs chevaux et leur harnois et si ne savoient en quel endroit d’Engleterre ilz<br />
estoient arrivez, ou en povoir d’amis ou en povoir d’ennemis. Au quart jour ilz se mistrent<br />
a voie a l’aventure de Dieu et de Saint Ge<strong>org</strong>e comme ceulz qui avoient eu toutes mesaises<br />
de fam et de froit par nuis avec les grans paours qu’ilz avoient eues et avoient encores, si<br />
chevaucierent tant et amont et aval et d’une part et d’autre qu’ilz trouverent aucuns hamelez<br />
et puis apres trouverent une grant abbaie de moines noirs que on claime Saint Aymon. Si<br />
se herbergierent et rafreschirent en celle abbaie par trois jours.<br />
A dont s’espandirent nouvelles par le pays tant que elles parvinrent a ceulz par qui<br />
seurte et mandement la dicte dame estoit rappellee, si s’appareillierent du plus tost qu’ilz<br />
peurent de venir vers son filz qu’ilz vouloient avoir a seigneur. Et le premier qui vint encontre<br />
lui et qui plus grant confort donna a ceulz qui estoient venuz avec lui ce fu le conte Henri de<br />
Lencastre au tort col qui fu frere au conte Thomas de Lencastre, qui fu decole sicomme vous<br />
avez oy cy dessus, et fu pere au duc de Lencastre qui fu si bon chevalier et si recommandez,<br />
sicomme vous pouvez oir en ceste histoire, ains que vous venrez a la conclusion. Cil conte<br />
Henry de Lencastre dessus dit vint a grant compaignie de gens d’armes. Apres tant d’uns et<br />
d’autres vindrent contes, barons, chevaliers et escuiers a tout gens d’armes qu’il leur sembla<br />
bien qu’ilz fussent hors de tous perils et tous les jours leur croissoient gens d’armes ainsi<br />
qu’ilz aloient avant. Sy eurent conseil entr’eulz ma dame la royne et [f6r] des barons, chevaliers<br />
et escuiers qui venuz estoient encontre lui qu’ilz yroient droit a Brisco a tout leur povoir<br />
la ou le roy se tenoit adont et le Despensier, qui estoit bonne ville et grosse et riche seans<br />
sus un bon port de mer, et sy y a un chastel trop durement fort seant sur mer si que la mer<br />
flote tout autour. La endroit se tenoit le roy, messire Hues le Despensier le pere, qui estoit<br />
pres en l’aage de 80 et .x. ans, messire Hue le Despensier le filz et le maistre conseillier le<br />
roy qui tous les mauvais fais lui conseilloit, le conte d’Arondel qui avoit a femme la fille Hue<br />
le Despensier le joenne, et aussi pluseurs autres chevaliers et escuiers qui repairoient entour<br />
la court ainsi que gens d’estat repairent voulentiers entour leurs seigneurs. Si se mistrent<br />
madame la royne et toute sa compaignie, mesire Jehan de Hainau, ces contes et ces barons<br />
d’Engleterre et leurs routes, au droit chemin pour aler celle part. Et par toutes les villes la<br />
ou ilz entroient, on leur faisoit feste et honneur et toudis leur venoient gens a destre et a
(f6 r ) Comment la royne prist le conte d’Arondel et mesire Hue le ... 11<br />
senestre de tous costez, et tant firent par leurs journees qu’ilz parvindrent devant la ville de<br />
Brisco si l’assegierent a droit siege fait.<br />
Comment la royne prist le conte d’Arondel et mesire Hue le Despensier le pere.<br />
L e roy et mesire Hue le Despensier le filz se tenoient voulentiers on chastel, le vieulx<br />
mesire Hue le pere et le conte d’Arondel se tenoient en la ville de Brisco et pluseurs autres<br />
qui estoient de leur accort. Quant ceulz de la ville virent le povoir de la dame si grant et si<br />
enforcie et pres que toute Engleterre estoit de leur accort et veoient le peril et le dommage<br />
si apparant, ilz orent conseil qu’ilz se rendroient et la ville avec, sauve leurs vies, leurs membres<br />
et leur avoir. Si envoierent traittier et parlementer devers la royne et son conseil qui<br />
ne se vouldrent mie accorder ainsi se la dessus dicte royne ne povoit faire du dit mesire Hue<br />
et du conte d’Arondel sa voulente. Car pour eulz destruire estoit elle la venue. Quant les<br />
hommes de la ville de Brisco virent que autrement ilz ne povoient venir a paix, ne sauver<br />
leurs biens et leurs vies au destroit, ilz s’i accorderent et ouvrirent les portes si que madame<br />
la royne, mesire Jehan [f6v] de Hainau et tous les barons, chevaliers et escuiers entrerent<br />
ens et pristrent leurs hostelz dedens la ville de Brisco et ceulz qui ne se porent logier se<br />
herbergierent de hors. La fu pris le dessus dit mesire Hue le pere et le conte d’Arondel et<br />
amenez devant la royne pour faire d’eulz sa pure voulente et aussi lui furent amenez les siens<br />
autres joennes enfans Jehan son filz et ses .ii. fillettes qui furent la trouvees en la garde<br />
du dit mesire Hue, dequoy la dame ot grant joie quant elle vit ses enfans que veuz n’avoit<br />
de grant temps et aussi orent tous ceulz de son coste qui point n’amoient les Despensiers.<br />
Et ceulz avoient grant joie entr’eulz et selon ce povoient avoir grant dueil le roy et mesire<br />
Hue de Depensier le filz qui estoient en ce fort chastel enclos et qui veoient leur meschief<br />
si grant qui leur couroit sus si appertement et veoient tout le pays tourner avec la royne et<br />
son ainsne filz et drecier et esmeuz contre eulz, dont se ilz eurent douleur et paour et assez<br />
a penser ce ne fait point a demander.<br />
La mort Hue le Despensier le vieil.<br />
Q uant la royne et tous les barons et les autres furent herbergies a leur aise, ilz assegierent<br />
le chastel au plus tost qu’ilz porent et au plus pres, et puis fist la royne ramener<br />
mesire Hue le Despensier le vieil et le conte d’Arondel devant son aisne filz et devant tous les<br />
barons qui la estoient et leur dist que elle et son filz leur feroient droit et loy et bon jugement<br />
selon leurs euvres. Adont respondy mesire Hue et dist, “Haa madame, Dieux nous vueille<br />
donner bon juge et bon jugement, et se nous ne le povons avoir en ce siecle si le nous doint<br />
en l’autre.” Adont se leva mesire Thomas Wage, bon chevalier, sage et courtois, qui estoit<br />
mareschal de l’ost, et leur raconta tous leurs fais par escript et tourna en droit sus un vieil<br />
chevalier qui la estoit afin qu’il raportast sus ce feaute que a faire avoit de telz personnes<br />
par jugement et de telz fais. Le chevalier s’en conseilla aux autres barons et chevaliers et<br />
raporta par plaine science qu’ilz avoient bien mort deservi par pluseurs horribles fais qu’ilz<br />
avoient la endroit oys raconter et les tenoient pour vrays et tous clers. Et avoient deservi<br />
par la diversete de leurs fais a estre justicies en .iii. manieres, c’est assavoir premierement<br />
traynez, apres decolez et puis penduz a un gibet. Tout en tele maniere [f6v] qu’ilz furent<br />
jugies furent ilz tantost justicies pardevant le chastel de Brisco veant le roy et veant le dit<br />
mesire Hue le filz et tous ceulz de leans qui grant despit en orent, et puet chascun savoir<br />
qu’ilz estoient a grant de cuer. Ceste justice fu faite l’an de grace 1326 le jour de Saint Denis<br />
en octobre.<br />
Comment la royne prist le roy, son seigneur.<br />
A pres ce que ceste justice fu faite sicomme vous avez oy, le roy et mesire Hue le<br />
Despensier qui se veoient assegies a tel angoisse et a tel meschief et ne savoient nul confort<br />
qui leur peust la endroit de nulle part venir, se mistrent a une matinee entr’eulz deux a
12 (f7 r ) L’execution de mesire Hue le Despensier le jeune.<br />
pou de mesnie en un petit batel en mer par derriere le chastel pour aler ou royaume de<br />
Galles, s’ilz peussent, comme ceulz qui voulentiers se fussent sauvez. Mais Dieu ne voult<br />
mie souffrir ce car leur pechie leur encombra. Si leur avint grant merveille et grant miracle<br />
car ilz furent .xi. jours tous plains en ce batelet et s’efforcoient de nagier tant qu’ilz povoient,<br />
mais ilz ne povoient si long nagier que tous les jours le vent, qui leur estoit contraire par la<br />
voulente de Dieu, les ramenoit chascun jour une fois ou deux a moins de la quarte partie<br />
d’une lieue pres du dit chastel dont ilz estoient partiz. Au derrain, avint que mesire Henry<br />
de Biaumont, filz au viconte de Beaumont en Engleterre, entra en une barge et aussi avec<br />
lui aucuns compaignons et se fist nagier devers ceulx et nagierent tant et si fort que onques<br />
les mariniers du roy ne porent tant fuir devant eulx que finablement ilz ne fussent attains<br />
et pris a tout leur batel et ramenez en la ville de Brisco et livrez a madame la royne et a<br />
son filz comme prisonniers, qui moult en orent grant joie et aussi orent tous les autres et a<br />
bonne cause car ilz avoient acompli et acheve leur desir a l’aide de Dieu tout a leur plaisir.<br />
A insi reconquist la dicte royne le regne d’Engleterre pour son ainsne filz sur le confort et<br />
conduit de monseigneur Jehan de Hainau et de sa compaignie, parquoy il et les compaignons,<br />
qui en ce voiage furent avec lui ainsi que vous oez, furent tous tenus pour preux par la raison<br />
de la haulte [f7r] emprise que fait avoient, car ilz ne furent tous comptez quant ilz entrerent<br />
en mer a Dordrecht, sicomme vous avez oy, que 300 armeures de fer qui firent si hardie<br />
emprise pour l’amour de la dicte royne comme d’entrer en nefs et passer mer a si pou de<br />
gens pour conquerre tel royaume comme est Engleterre, maugre le propre roy et tous ses<br />
aidans.<br />
A insi, comme vous avez oy, fu celle haute et hardie emprise acheve et reconquist ma<br />
dame la royne Ysabel tout son estat par le conduit et confort monseigneur Jehan de Hainau<br />
et de ses compaignons et mist a destruction ses ennemiz et fu pris le roy meismes par telle<br />
mescheance que vous povez entendre, dont tout le pays communement ot grant joie hors<br />
mis aucuns qui estoient de la faveur le dit messire Hue le Despensier<br />
Quant le roy et le dit mesire Hue le Despensier furent amenez a Brisco par le dissus dit<br />
monseigneur Henry de Biaumont, le roy fu envoie par le conseil de tous les barons et les<br />
chevaliers ens ou fors chastel de Berclie, qu’il en feist bonne garde et il dist que aussi feroit il<br />
et fu ordonne a lui servir et garder bien et honnestement et gens d’estat entour lui qui bien<br />
savoient que on devoit faire mais point ne le devoient laissier partir du pourpris. Ainsi fu il<br />
enjoint et commande et le dit mesire Hue fu tantost livre a mesire Thomas Wage mareschal<br />
de l’ost.<br />
Apres ce se partirent la royne et tout son ost pour venir droit a Londres, qui est le chief<br />
d’Engleterre, et se mistrent au chemin. Le dit mesire Thomas Wage fist bien et fort lier<br />
mesire Hue le Despensier sur le plus petit et maigre cheval qu’il pot trouver et lui fist faire a<br />
vestir un tabar et afubler par dessus son habit le dit tabar seme de teles armes qu’il souloit<br />
porter et le faisoit ainsi mener par derrision apres la route et le convoioit la royne par toutes<br />
les villes ou il devoit passer a trompes et trompettes pour lui faire plus grant despit tant<br />
qu’ilz vindrent a Harfort, une bonne cite. La fu la royne moult reveraument receue et a<br />
grant solemnite et toute la compaignie aussi et tint la la feste de la Toussains moult grande<br />
et bien est<strong>of</strong>fee pour l’amour de son filz et des seigneurs estrangiers qui estoient avec lui.<br />
L’execution de mesire Hue le Despensier le jeune.<br />
Q uant la feste fu passee, le dit messire Hue, [f7r] qui point n’estoit amez, la endroit<br />
fu amenez par devant la royne et tous les barons et chevaliers qui la estoient assemblez.<br />
La lui furent recordees tous ses fais par escript que onques ne dist riens a l’encontre si<br />
que la endroit il fu jugies par plaine science de tous les barons et chevaliers a justicier en<br />
tele maniere comme vous orrez. Premierement il fu traynez sur un bahu, a trompes et a<br />
trompettes, par toute la ville de Harfort de rue en rue et puis fu amenez en une grant place<br />
en la ville la ou tout le peuple estoit assemble. La endroit fu il lie hault en une eschielle si<br />
que chascun petit et grant le povoient veoir et avoit on fait en la dicte place un grant feu.<br />
Quant il fu ainsi lie, on lui coupa tout premierement le vit et les coilles par tant qu’il estoit
(f7 v ) L’execution de mesire Hue le Despensier le jeune. 13<br />
herite et sodomite ainsi que on disoit meismement du roy et pour ce avoit dechacie le roy la<br />
royne ensus de lui par son enortement. Quant le vit et les couilles lui furent coupees, on les<br />
getta ou feu pour ardoir par tant qu’il estoit faulz de cuer et traitre et que par son traitre<br />
conseil et enortement le roy avoit honny son royaume et miz a meschief et avoit fait decoler<br />
les plus grans barons d’Engleterre par lesquelz le royaume devoit estre soustenu et defendu<br />
et avec ce il avoit si enorte le roy qu’il ne povoit, ne vouloit veoir la royne sa femme, ne son<br />
ainsne filz qui devoit estre leur sire. Ains les avoit dechacies par doubtance de leurs corps<br />
hors du royaume d’Engleterre. Apres quant le dit mesire Hue fu ainsi atournez comme dit<br />
est, on lui coupa la teste et fu envoiee en la cite de Londres. Et puis fu il decoupez en .iv.<br />
quartiers et furent tantost envoies aux .iv. meilleurs citez d’Engleterre apres Londres.<br />
A pres ceste justice faite sicomme vous avez oy, la royne et tous les seigneurs et grant<br />
foison du commun du pays se mistrent au chemin vers Londres et firent tant par leurs petites<br />
journees qu’ilz y vindrent a grant compaignie. Et yssirent contre la royne et son ainsne filz<br />
qui devoit estre leur droit seigneur communement tous ceulz de Londres, grans et petiz, et<br />
leur firent grant feste et grant reverence et a toute leur compaignie aussi. Et donnerent ceulz<br />
de Londres a la dicte royne grans dons et a ceulz de sa compaignie la ou il leur sembloit<br />
mieulx employez.<br />
Quant ilz furent ainsy receuz et si grandement festoiez sicomme dit est [f7v] et ilz orent<br />
la sejourna environ .xv. jours, les compaignons qui passez estoient avec monseigneur Jehan<br />
de Haynau orent grant talent de retourner chascun en sa contree, car il leur sembloit qu’ilz<br />
avoient bien fait la besoigne et acquis grant honneur, si qu’ilz avoient. Si pristrent congie a<br />
madame la royne et aux seigneurs du pays madame la royne. Et les seigneurs leur prierent<br />
assez de demourer encores un petit de temps pour veoir que on voudroit faire du roy qui<br />
en prison estoit ainsi que oy avez mais ilz avoient si grant desir de retourner chascun en sa<br />
maison que priere n’y valu rien. Quant la royne et son conseil virent ce ilz prierent de coste<br />
a monseigneur Jehan de Haynau qu’il voulsist encore demourer jusques apres Noel et qu’il<br />
detenist de ses compaignons avec lui, ceulx qu’il en pourroit detenir. Le gentil chevalier ne<br />
voult mie laissier a parfaire son service et ottroia courtoisement le demourer jusques a la<br />
voulente de madame la royne, si detint de ses compaignons ce qu’il en pot detenir mais petit<br />
fu car les autres ne vouldrent nullement demourer, dont ilz fu moult couroucie. Touteffois<br />
quant la royne et les consauls virent que ces compaignons ne vouloient demourer pour nulle<br />
priere, ilz leur firent toute l’onneur et reverence ce qu’ilz porent et leur fist la royne donner<br />
grant argent pour leurs fres et pour leur service et grans joyaux a chascun selon son estat<br />
que tous s’en tindrent a bien content. Et avec ce elle leur fist rendre l’estimation de leurs<br />
chevaux qu’ilz vouldrent laissier si hault que chascun vouloit estimer les siens sans debat et<br />
sans dire ne trop ne pou et tous furent paies en deniers appareillies. Si demoura le dit messire<br />
Jehan de Hainau a la priere de la royne a petite compaignie de ses gens entre les Englois<br />
qui lui faisoient toudiz toute l’onneur et la compaignie qu’ilz povoient. Aussi faisoient les<br />
dames du pays, dont il y avoit grant foison, contesses et autres grandes et gentilz dames et<br />
pucelles qui venues estoient acompaignier madame la royne et venoient de jour en jour. Car<br />
il leur sembloit que le gentil chevalier l’eust bien deservi, sicomme il avoit.<br />
Le couronnement du roy Edouart<br />
A pres ce que les plus des compaignons de Hainau se furent partiz et le sire de Biaumont<br />
[f7v] demourez, la royne d’Engleterre donna congie aux gens de son pays que chascun ralast<br />
a sa maison et en ses besoingnes, hors miz aucuns barons et chevaliers que elle detint pour<br />
lui conseillier et leur commanda que tous revenissent a Londres au jour de Noel a une grant<br />
court que elle vouloit tenir et tous ceulz qui se partirent lui orent en couvent et encore<br />
pluseurs autres a qui la feste fu commandee. Quant ce vint au Noel, elle tint une grant<br />
court ainsi comme elle l’avoit dit. Et y vindrent tous les contes, les barons, les chevaliers<br />
et tous les nobles d’Engleterre et les prelas et les consaulx des bonnes villes. A ceste feste<br />
et a ceste assemblee fu ordonne par tant que le pays ne povoit longuement demourer sans<br />
seigneur, que on mettroit en escript tous les fais et les euvres que le roy qui en prison estoit
14 (f8 r ) Comment le roy Robert d’Escoce deffia le roy d’Engleterre. ...<br />
avoit fais par mauvais conseil et tous ses usages et ses mauvais maintiens et comment il avoit<br />
gouverne son pays par quoy on le peust lire en plain palais par devant tout le peuple et que<br />
les sages du pays peussent sur ce prendre bon avis et accort comment et par qui le pays<br />
seroit gouverne de tout en avant. Ainsi que ordonne fu, il fu fait. Et quant tous les cas et<br />
les fais que le roy avoit fais et consentu a faire et tous ses maintiens et ses usages furent leuz<br />
et bien entenduz, les barons et chevaliers et tous les consauls du pays se trairent ensemble<br />
a conseil et se acorderent la plus saine partie et meismement les grans barons et les nobles<br />
avec les consauls des bonnes villes selon ce qu’ilz avoient la oy lire et qu’il en savoient la plus<br />
grant partie de ses fais et de ses maintiens de certain et par pure verite. Et dist que telz<br />
homs n’estoit mie digne de jamais porter couronne ne avoir nom de roy mais ilz s’acorderent<br />
a ce que son ainsne filz qui la estoit present et estoit son droit hoir fust couronne et tantost<br />
ou lieu du pere mais qu’il preist bon conseil et sage entour lui et feable parquoy le royaume<br />
et le pays fust de la en avant mieux gouverne que este n’avoit et que le pere fust bien garde<br />
et honnestement tenus tant que vivre pourroit selon son estat.<br />
A insi que ordonne fu par les plus hauls barons et par les consauls [f8r] des bonnes<br />
villes fu il fait. Et fu adont couronne de couronne royal ou palais de Westmoustier delez<br />
Londres, le joenne roy Edouart qui tant a este eureux et fortunez en armes. Ce fu en l’an de<br />
grace 1326, le jour de noel. Et povoit a dont avoir environ 16 ans, il les eut a la conversion<br />
Saint Pol apres. Et la fu tresgrandement honnorez et serviz le gentil chevalier mesire Jehan<br />
de Hainau de tous les princes et de tous les nobles et nonnobles du pays. Et la furent<br />
donnez grans joyaux et tres riches et a tous les compaignons qui demourez estoient delez lui<br />
et demoura depuis il et ses compaignons en grandes festes et en grans solas des seigneurs et<br />
des dames qui la estoient jusque au jour des .iii. roys qu’il oy dire que le roy de Behaingne<br />
et le conte de Hainaut son frere et grant plente des seigneurs de France se ordonnoient pour<br />
estre a Condet sur Escaut a un tournoy qui la estoit crie.<br />
Adont ne voult messire Jehan de Hainau plus demourer pour priere qu’on lui peust faire<br />
pour le grant desir qu’il avoit de venir a ce tournoy et veoir son gentil frere le conte et les<br />
autres seigneurs qui la devoient estre et especialment le plus noble et le plus gentil roy en<br />
largesce qui regnast a ce temps, le gentil roy Charlon de Behaingne. Quant le joenne roy<br />
Edouart, madame la royne sa mere et les barons, qui la estoient, virent qu’il ne vouloit<br />
plus demourer et que priere n’y povoit valoir, ilz lui donnerent congie moult a envis. Si lui<br />
donna le joenne roy par le conseil de madame sa mere 400 mars d’estrelins, .i. estrelin pour<br />
.i. denier, de rente heritablement a tenir de lui en fief et a paier chascun an en la ville de<br />
Bruges. Et donna encore a Phelippe de Chasteaux, son maistre, escuier et son souverain<br />
conseillier, 100 mars de rente a l’estrelin et ainsi a paier que dit est. Et lui fist avec ce<br />
delivrer grant somme d’estrelins pour paier les fres de lui et de toute sa compaignie pour<br />
revenir en leur pays et le fist conduire a grant compaignie de chevaliers jusques a Douvres<br />
et lui fist appareillier et delivrer tout son passage. Et les dames meismes, la contesse de<br />
Garanes qui estoit suer au conte [f8r] de Bar et aucunes des autres dames lui donnerent<br />
grant foison de beaux joyaux et riches au departir.<br />
Quant mesire Jehan de Hainau, le dessus dit, et sa compaignie furent venuz a Douvres,<br />
ilz monterent tantost es nefs pour passer oultre pour le desir qu’ilz avoient de venir a temps<br />
et a point a ce tournoy qui y devoit estre a Condet. Et en mena avec lui .xv. joennes et<br />
preux chevaliers d’Engleterre pour estre a ce tournoy avec lui et pour eulz acointier aux<br />
seigneurs et aux chevaliers qui la devoient estre. Si leur fist toute l’onneur et compaignie<br />
qu’il pot et tournoierent .ii. fois celle saison a Condet puis qu’ilz furent venuz. Or me vueil<br />
taire de monseigneur Jehan de Hainau jusque a tant que point sera et revenray au joenne<br />
roy Edouart d’Engleterre.<br />
Comment le roy Robert d’Escoce deffia le roy d’Engleterre.<br />
A pres ce que mesire Jehan de Hainau se fu party du joenne roy et de ma dame sa<br />
mere, le dit roy et la royne gouvernerent le pays par le conseil du conte de Kent, oncle au dit<br />
roy et par le conseil messire Rogier de Mortemer qui tenoit grant terre en Engleterre bien
(f8 v ) Comment le roy Robert d’Escoce deffia le roy d’Engleterre. ... 15<br />
7000 livres de revenus par an, .i. estrelin pour .i. denier. Et avoient tous .ii. este bannis et<br />
eschacies hors d’Engleterre avec la royne et le dit roy sicomme vous avez oy. Et userent assez<br />
aussi par le conseil de mesire Thomas Wage et par le conseil de pluseurs autres que on tenoit<br />
les plus sages du royaume, comment que aucuns autres en eussent envie, ne qui onques ne<br />
fu morte en Engleterre. Aussi regne elle et veult regner en pluseurs pays. Ainsi passa l’iver<br />
et le quaresme jusques a pasques et furent le roy madame sa mere et le pays tous en paix<br />
ce terme. Avint que le roy Robert d’Escoce qui avoit este moult preux et qui moult avoit<br />
souffert contre les Englois et moult de fois avoit este dechacie et desconfit au temps le bon<br />
roy Edouart, taion a ce joenne roy Edouart, et estoit devenu moult vieulz et malade de la<br />
grosse maladie, ce disoit on. Quant il scot les avenues d’Engleterre comme le roy avoit este<br />
pris et deposez de sa couronne et ses consaulz justicies et miz a destruction, [f8v] sicomme<br />
vous avez oy, il se pourpensa qu’il deffieroit le joenne roy, car par tant qu’il estoit joenne<br />
et que les barons du royaume n’estoient mie bien d’accort sicomme il cuidoit et qu’on lui<br />
avoit fait entendant par aventure de par aucuns des ennemiz et du linage les Despensiers,<br />
il pourroit bien faire sa besoigne et conquerre partie d’Engleterre. Ainsi qu’il le pensa, il le<br />
fist et environ Pasques, l’an 1327 fist il deffier le joenne roy Edouart et tout le pays et leur<br />
manda qu’il entreroit ou pays et gasteroit et arderoit aussi avant qu’il avoit autrefois fait<br />
du temps que la desconfiture fu au chastel d’Estrumelin ou les Englois receurent si grant<br />
dommage.<br />
Q uant le joenne roy se senty ainsi deffie et ses consauls aussi, ilz le firent savoir<br />
par tout le royaume et commandement que tous nobles et nonnobles feussent appareillies<br />
chascun selon son estat et venist chascun a tout son povoir au jour de l’Ascention apres<br />
ensuiant a Ebruich, une bonne cite qui siet ou nort et envoia devant grant foison de gens<br />
d’armes pour garder les frontieres pardevers Escoce et puis envoia grans messages pardevers<br />
mesire Jehan de Hainau en priant moult affectueusement qu’il le voulsist venir secourir et<br />
tenir compaignie a ce besoing et que il voulsist venir et estre delez lui a Bruich au jour de<br />
l’Ascention a tout telle compaignie qu’il pourroit avoir de gens d’armes. Quant le sire de<br />
Biaumont oy ce mandement il envoia ses lettres et ses messages par tout la ou il cuidoit<br />
recouvrer de bons compaignons en Flandres, en Hainaut et en Braibant et leur prioit si a<br />
certes qu’il povoit que chascun le voulsist suir au mieux monte et appareillie qu’il pourroit<br />
devers Wisant pour passer oultre en Engleterre, chascun le sievy voulentiers selon son povoir.<br />
Ceulz qui furent mandez et moult d’autres qui ne furent mie mandez pour tant que chascun<br />
cuidoit raporter autant d’argent que les autres en avoient rapporte qui en avoient este en<br />
l’autre chevauciee en Engleterre avec lui. Si ques avant que le sire de Beaumont venist a<br />
Wisant, il ot assez plus de gens [f8v] qu’il ne cuidoit avoir mais tous les recut liement et<br />
leur fist grant chiere.<br />
Quant il et sa compaignie furent venuz a Wisant ilz trouverent les nefs et les vaisseaux<br />
tout prestz que on leur avoit amenez d’Engleterre et mistrent ens au plus tost qu’ilz porent<br />
chevaux et harnois et passerent oultre et vindrent a Douvres et ne cesserent de chevaucier,<br />
ne d’errer de jour en jour, tant qu’ilz vindrent a .iii. jours pres de la Penthecoste a la bonne<br />
cite de Ebruich, la ou le roy et madame sa mere estoient et grant plente de grans barons pour<br />
le joenne roy conseillier et compaignier. Et attendoient la endroit la venue de monseigneur<br />
Jehan de Hainau et de sa compaignie et aussi attendoient il que toutes les gens d’armes, les<br />
archiers, les communes gens des bonnes villes et des villages fussent oultre passez. Et ainsi<br />
qu’ilz venoient par grans routes on les faisoit logier es villages a .ii. lieues pres ou .iii. de<br />
Ebruich et la environ sus le plat pays et les faisoit on oultre passer pardevers les frontieres.<br />
D roit a ce point vint a Ebruich mesire Jehan de Hainau dessus dit et sa compaignie,<br />
si furent bien venuz et grandement festoiez du joenne roy de madame sa mere et de tous ses<br />
barons et leur fist on livrer le plus bel fourbourc de la cite pour eulx herbergier entierement<br />
sans nul entre d’eux. Et fu delivree a monseigneur Jehan de Hainau une abbaie de blans<br />
moines pour son corps et pour son tinel tenir.<br />
En la compaignie du dit chevalier vindrent du pays de Hainaut le sire d’Enghien, qui<br />
estoit appelle mesire Gautier, le sire d’Antoing, mesire Henry, le sire de Faguolles, mesire<br />
Fastres de Rues, mesire Robert de Bailleuil et messire Guillaume de Baillueil, son frere, le
16 (f9 r ) Le debat qui fu entre Hennuiers et Englois a la cite de Ber...<br />
sire de Haverech, chastellain de Mons, mesire Alart de Brifuiel, messire Michiel de Ligne,<br />
mesire Jehan de Montigny le joenne et son frere mesire Santes de Boussoit, le sire de Gommegnies,<br />
messire Perceval de Semeries, le sire de Biaurieu et le sire de Floion. De Flandres<br />
y vindrent mesire Hestor Vilains, mesire Jehan de Rodes, mesire Wauflart de Guistelles,<br />
mesire Guillaume d’Estrates, mesire Goussuin de La Muelle et pluseurs autres. [f9r] Du<br />
pays de Brebant y vindrent le sire de Dufle, messire Thierry de Walecourt, mesire Rasse de<br />
Gres, mesire Jehan de Cassebeke, mesire Jehan Pilisre, mesire Giles de Contereble, les .iii.<br />
freres de Harlebeke, mesire Gautier de Hauteberge et pluseurs autres. Des Hesbegnons y<br />
vindrent mesire Jehan li Beaux et mesire Henri son frere, mesire Godefroy de La Chappelle,<br />
mesire Hues de Bay, mesire Jehan de Libines, mesire Lambert du Pelz, mesire Gilebert de<br />
Hers. Et si y vindrent aucuns chevaliers de Cambresis et d’Artois de leur voulente pour<br />
leurs corps avancier tant que le dit mesire Jehan de Hainau ot bien en sa compaignie 500<br />
armeures de fer tous bien est<strong>of</strong>fez et richement montez. Apres es festes de la Penthecouste<br />
vindrent mesire Guillaume de Juilliers qui fu depuis duc de Villers apres le deces de son<br />
pere et mesire Thierry de Hamsbergue qui puis fu conte de Los a belle compaignie et tout<br />
pour acompaignier le gentil chevalier dessus dit.<br />
Le debat qui fu entre Hennuiers et Englois a la cite de Bervich.<br />
L e joenne roy d’Engleterre, pour mieux festoier ces seigneurs et toute leur compaignie,<br />
tint une grant court au jour de la Trinite a la maison des Freres Meneurs la ou il et madame<br />
sa mere estoient herbergies et tenoient leur tinel chascun par lui. C’est assavoir le roy de ses<br />
chevaliers et la royne de ses dames, dont elle avoit grant foison o lui. A celle court ot bien<br />
le roy 500 chevaliers et en fist .xv. nouveaux. Et madame la royne tint sa court et sa feste<br />
ou dortoir et ot bien seans a table 60 dames que elle avoit priees et mandees pour mieux<br />
festoier le dit monsire de Hainau et ces autres seigneurs. La pot on veoir grant noblesce<br />
de bien servir de grant plente de mes et d’entremes si estranges et si desguisez que on ne<br />
les pourroit deviser. La pot on veoir dames noblement parees et richement achemees qui<br />
eust loisir. Mais adont ne pot on avoir loisir ne lieu de danser, ne de plus festoier. Car<br />
tantost apres disner un grant hustin commenca entra garcons des Hainuiers et les archiers<br />
d’Engleterre qui entre eulx estoient logies pour l’occasion du jeu de dez dequoy grant mal<br />
vint, sicomme vous orrez. Car ainssy [f9r] comme ces garcons se combatoient a aucuns des<br />
Englois, tous les autres archiers qui estoient en la ville et ceulz qui estoient herbergies en<br />
celui fourbourc, furent tantost ensemble a tous leurs ars appareillies et se bouterent ou hahay<br />
et navrerent de commencement tout plain des garcons des Hainuiers, si les couvint retraire<br />
en leurs hostelz. Le plus des chevaliers et de leurs maistres estoient encore a court qui de ce<br />
ne savoient riens. Et tantost qu’ilz oirent nouvelles de ce hustin, ilz se trairent au plus tost<br />
qu’ilz porent chascun vers son hostel, qui pot ens entrer, et qui ne pot il le couvint demourer<br />
dehors en grant peril. Car ces archiers, dont ilz estoient bien 2000, avoient le deable ou corps<br />
et traioient esparsement pour tous tuer, seigneurs et varlez. Et veult on dire et supposer que<br />
c’estoit tout fait, avise et pourparle d’aucuns des amis des Despensiers et du conte d’Arondel<br />
qui avoient este miz afin par monseigneur Jehan de Hainau, sicomme vous avez oy recorder<br />
par dessus. Si s’en vouloient contrevengier aux Hainuiers et meismement a monseigneur<br />
Jehan de Hainaut s’ilz peussent et bien s’en mistrent en paine, sicomme vous orrez. Car<br />
encore les Englois et les Englesces de qui les hostelz estoient clooient et barroient leurs huis<br />
et leurs fenestres au devant des Hainuiers et ne les laissoient ens entrer. Touteffois il en y ot<br />
aucuns qui rentrerent par derriere en leurs hostelz et se sauverent moult vistement. Quant<br />
ilz furent armez ilz n’oserent yssir hors pardevant pour les saiettes. Ains yssirent hors par<br />
derriere par les courtils et rompirent les enclos et les pausis. Et attendirent l’un l’autre en<br />
une place qui la estoit tant qu’ilz furent bien 100 ou plus, bien armez et bien autant tous<br />
desarmez qui ne povoient rentrer en leurs hostelz. Quant ces armez furent ainsi assemblez,<br />
ilz se hasterent pour secourre les autres compaignons qui defendoient leurs hostelz en la<br />
grant rue au mieux qu’il povoient et passerent ces armez parmy l’ostel le seigneur d’Engien,<br />
qui avoit grandes portes derriere et devant sur la grant rue. Et se ferirent esroutement
(f9 v ) Le debat qui fu entre Hennuiers et Englois a la cite de Ber... 17<br />
en ces archiers, du trait y ot grant foison des Hainuiers navrez et blecies, et la furent bons<br />
chevaliers mesire Fasteres de Rues, mesire Perceval de Semeries et mesire Sanses de Boussar.<br />
Car ces trois [f9v] chevaliers ne porent onques rentrer en leurs hostelz pour eulz armer mais<br />
ilz y firent autant d’armes que telz estoient armez et tenoient grans longs leviers et gros de<br />
chesne qu’ilz avoient pris en sa maison d’un charretier et donnoient les horions si grans que<br />
nulz ne les osoit approuchier et en abatirent ce jour, sicomme on dit, plus de 60. Car ilz<br />
estoient grans et fors chevaliers durement. Finablement les archiers qui la estoient furent<br />
desconfiz et miz en chace et en y ot bien mors que en la place comme aux champs 300 ou<br />
environ qui tous estoient de l’eveschie de Lincolle.<br />
Si croy que Dieu ne envoia onques si grant fortune a nulles gens qu’il fist a monseigneur<br />
Jehan de Hainaut et a sa compaignie, car ces gens ne tendoient fors toudiz a eulz murdrir<br />
et desrober, combien qu’ilz fussent la venuz pour la besoingne du roy, ne onques ne furent<br />
ne ne demourerent en si grant peril ne en tel angoisse ne paour de mort, qu’ilz sejournerent<br />
a Ebruich. Et encores ne furent il onques bien asseur jusques a tant qu’ilz se trouverent a<br />
Vaissant. Car ilz escheirent pour ce fait en si grant haine et malveillance de tout le remanant<br />
des archiers qui les heoient plus assez que les Escos, qui tous les jours leur ardoient leur<br />
pays. Et disoient bien les aucuns chevaliers et barons d’Engleterre aux seigneurs de Hainaut<br />
qui point ne les haioient pour eulz aviser et mieux garder que ces maldiz archiers et autre<br />
commun d’Engleterre estoient cueillies et assemblez et aliez plus de 6000 et menacoient les<br />
Hainuiers que d’eulz venir tous ardoir et occire en leurs hostelz de nuit et de jour. Et ne<br />
trouveroient personne de par le roy ne des barons qui les osast aidier ne secourre. Dont se<br />
ilz estoient en grant mesaise de cuer et en grant hideur quant ilz ooient ces nouvelles, ce ne<br />
fait point a demander, ne ilz ne savoient quelque chose penser, ne que aviser que ilz peussent<br />
faire selon ces nouvelles, ne ilz n’avoient esperance nulle de retourner en leur pays, ne de<br />
jamais veoir ne de parler a nul de leurs amis, ne ilz n’osoient esloignier le roy ne les haulz<br />
barons. Et si ne povoient sentir nul confort pour eulz aidier ne garantir. Si n’avoient autre<br />
entente fors que d’eulz bien vendre et leurs corps defendre et chascun aidier l’un l’autre.<br />
Si firent les chevaliers [f9v] de Hainaut et leurs consauls pluseurs bonnes ordonnances<br />
par grant avis pour eulx mieux garder et defendre, par lesquelles il convenoit toudiz gesir par<br />
nuit armez et par jour tenir en leurs hostelz et les harnois avoir appareillies et les chevaux<br />
tous ensellez. Et les convenoit toudiz et par jour et par nuit guettier par connestablies les<br />
champs et les chemins d’entour la ville et envoier aucunes escoutes demie lieue ensus la ville<br />
pour escouter se ces gens venroient, ainsi que enformez estoient et que on leur rapportoit et<br />
leur distrent chascun jour gens creables, chevaliers et escuiers, qui bien le cuidoient savoir.<br />
Parquoy se ces escoutes oyssent gens esmouvoir pour traire pardevers la ville, ilz se devoient<br />
retraire vers ceulz qui gardoient les champs pour eulz mancher et aviser parquoy ilz fussent<br />
plus tost montez et appareillies et venuz ensemble, chascun a sa baniere en une place qui<br />
pour ce faire estoit avisee.<br />
E n celle tribulation demourerent ilz en ce fourbourc par l’espace de .iv. sepmaines,<br />
que tous les jours on leur rapportoit telles nouvelles ou pieurs assez et telle fois pires un jour<br />
que l’autre, et en virent pluseurs apparans qui durement les esbahissoit. Car a voir dire ilz<br />
n’estoient que une poingnee de gens au regart de la communaute du royaume d’Engleterre<br />
qui la estoit assemblee. Ne ilz n’osoient esloingnier leurs hostelz, ne leurs armeures, ne entrer<br />
en la cite hors mis les seigneurs qui aloient veoir le roy et la royne et leur conseil pour festoier<br />
et pour aprendre des nouvelles ne comme longuement on les tenroit en celle angoisse. Et se<br />
le meschief de la mesaventure et le peril ne feust, ilz sejournassent assez aisiement. Car la<br />
cite et pays d’entour eulz estoit si plentuieus que dedens plus de .vi. sepmaines que le roy et<br />
tous les seigneurs d’Engleterre et les estrangiers et leurs gens, dont il y avoit plus de 60000<br />
hommes sejournerent la, ne rencherirent le vivre que on n’eust la denree pour .i. denier,<br />
aussi bien que on avoit ou avant qu’ilz y venissent bons vins de Gascoingne, d’Ausoye et<br />
de Rin a [f10r] tresbon marchie, poulaille et toutes manieres d’autres vivres ainsi. Et leur<br />
amenoit on devant leur hostel le foing, l’avaine et la litiere dont ilz estoient bien servi et a<br />
bon marchie.
18 (f10 v ) pour mieux savoir la maniere des Escos je me tairay un peti...<br />
Comment le roy Edouart conduit son ost en Northombrelande.<br />
Q uant ilz orent la sejourne par l’espace de trois sepmaines apres la bataille, on leur fist<br />
assavoir de par le roy et les mareschaux que chascun se pourveist dedens celle autre sepmaine<br />
de charrettes et de tentes pour gesir aux champs et de tous autres hostilz neccessaires pour<br />
aler pardevers Escoce. Car le roy ne voloit la plus demourer. Adont se pourvei chascun au<br />
mieux qu’il pot selon son estat. Quant on fu appareillie, le roy et tous ses barons se trairent<br />
hors et s’alerent logier .vi. lieues ensus de la dicte cite. Et mesire Jehan de Hainau et sa<br />
compaignie furent logies toudiz au plus pres du roy pour honneur et pour tant aussi que<br />
on ne vouloit mie que les archiers, qui tant les haioient, eussent nul avantage sus eulz. Si<br />
sejournerent le roy et ses premieres routes .ii. jours pour attendre les derrains et pour mieux<br />
aviser chascun se il lui failloit riens. Au tiers jour apres, l’ost qui estoit la se desloga et se<br />
trait avant de jour en jour tant que on vint oultre la cite de Durem une grande journee. A<br />
l’entree d’un palais que on claime Northombrelande qui est sauvage pays, plain de desers et<br />
de montaignes et durement povre pays de toutes choses, fors que de bestes. Si queurt parmy<br />
une riviere plaine de caulloux et de grosses pieres que on nomme Thin. Sur celle riviere siet<br />
d’amont la ville et le chastel que on claime Cardoel en Galles qui fu jadis au roy Artus et ou<br />
il se tenoit moult voulentiers. Et d’aval la bonne ville que on claime le Nuefchastel sus Thin.<br />
La estoit le mareschal d’Engleterre a tout grans gens d’armes pour garder le pays contre<br />
les Escoz qui gisoient aux champs pour entrer en Engleterre. Et a Cardouel gisoient aussi<br />
grant foison de Gallois dont le conte de Herfort et le sire de Montbray estoient conduiseurs<br />
et gouverneurs et pour defendre le passage de la riviere. Car les Escos ne povoient entrer<br />
en Engleterre sans passer oultre la dicte riviere et ne peurent les Englois savoir certaines<br />
nouvelles des Escos jusques a tant quelz vindrent [f10r] a l’entree dicellui pays. Mais adont<br />
porent veoir appartement les fumieres des hamellez et des villages qui ardoient es valees<br />
dicelui pays, et avoient passe celle riviere si paisiblement que onques ceulz de Carduel ne<br />
ceulz de Nuefchastel sur Thim n’en sorent nulles nouvelles, ce disoient, car entre Carduel et<br />
le Nuefchastel povoit bien avoir environ 24 lieues Englesces, mais<br />
pour mieux savoir la maniere des Escos je me tairay un petit des Englois et<br />
deviseray aucune chose des Escos, et comment ilz ont acoustume de guerroier<br />
et de leur sobriete.<br />
L es Escos sont durs et hardiz, durement et fors traveillans en armes et en guerres. Et<br />
a ce temps de lors ilz annoient et prisoient assez petit les Englois et encore font au temps<br />
present. Et quant ilz veulent entrer ou regne d’Engleterre, ilz mainent leur ost bien 20<br />
ou 24 lieues loing que de jour que de nuit dequoy mout se pourroient merveillier qu’i ne<br />
saroient leur coustume. Certain est quant ilz veulent entrer en Engleterre, ilz sont tous a<br />
cheval les uns et les autres excepte la ribaudaille qui les suient a pie. Et est assavoir que les<br />
chevaliers et les escuiers sont bien montez sur bons gros roncins. Et les autres communes<br />
gens du pays tout sur petites haguenees. Et si ne mainent point de charroy pour les diverses<br />
montaignes qu’ilz ont a passer parmy ce pays dessus dit que on appelle Norhombrelande.<br />
Et si ne mainent nulles pourveances de pain, ne de vin, car leur usaige est tel en guerres et<br />
leur sobriete qu’ilz se passent bien longuement de chair cuite a moitie sans pain et de boire<br />
eaue de riviere sans vin et si n’ont que faire de chaudieres ne de chauderons. Car ilz cuisent<br />
bien leurs chars ou cuir des bestes meismes quant ilz les ont escorchiees et si scevent bien<br />
qu’ilz trouveront bestes a grant foison ou pays la ou ilz veulent aler, parquoy ilz ne portent<br />
autre pourveance que chascun en porte entre la selle et le peniel une grande plate piece et<br />
se trousse derriere lui unes besaces plaine de farine en celle entente que quant ilz ont tant<br />
mengie de chair mal cuite que leur estomac leur semble estre wape et afoibliz, ilz gettent celle<br />
plate piece ou feu et destrempent un petit de leur farine. Quant leur piece est eschaufee,<br />
ilz gettent de celle clere paste sus ceste chaude piece et en font un petit tourtel a maniere<br />
[f10v] d’une oublie de beguine et le menguent pour conforter leur estomac. Parquoy ce n’est<br />
point merveille se ilz font plus grandes journees que autres gens, quant tous font a cheval
(f10 v ) Du nombre de l’ost Englois. 19<br />
hors mis la ribaudaille, et si ne mainent nul charroy ne autres pourveances fors ce que vous<br />
avez oy. En tel point estoient ilz entrez en cellui pays dessus dit, si le gastoient et ardoient<br />
et trouvoient tant de bestes qu’ilz n’en savoient que faire et avoient bien 4000 armeures de<br />
fer, chevaliers et escuiers montez sur bons roncins et sur bons coursiers et 20000 hommes<br />
armez a leurs guises, appers et hardiz et montez sur petites haguenees qui ne sont ne loncs<br />
ne estrillies. Ains les envoie on tantost paistre que on est destendu en pres en rues et en<br />
bruieres et si avoient .ii. tresbons capitaines. Car le roy Robert d’Escoce, qui estoit moult<br />
preux, estoit adont durement vieilz et chargie de la grosse maladie, si leur avoit donne a<br />
cappitaine un moult gentil prince et vaillant en armes, c’est assavoir le conte de Moret qui<br />
portoit un escu d’argent et .iii. de gueules. Et monseigneur Guilleaume de Douglas que<br />
on tenoit pour le plus hardy et le plus entreprenant de tous les .ii. pays. Et portoit un<br />
escu d’azur a .i. chief d’argent et trois estoiles de geules dedens l’argent. Et estoient ces<br />
.ii. seigneurs les .ii. plus hauls barons et les plus puissans de tout le royaume d’Escoce et<br />
les plus renommez en beaux fais d’armes et en grans proesces. Or vueil je revenir a nostre<br />
matiere.<br />
Du nombre de l’ost Englois.<br />
Q uant le roy englois et tous ses osts orent veu les fumieres des Escos, sicomme dit<br />
est par devant, ilz scorent bien que c’estoient les Escos qui estoient entrez en leur pays. Si<br />
firent tantost crier aux armes et commander que chascun se deslogast et suist les banieres.<br />
Ainsi fu fait et trait chascun arme aux champs aussi comme pour tantost combatre. La<br />
endroit furent ordonnees .iii. grosses batailles a pie et chascune bataille avoit .ii. esles de<br />
500 armeures qui devoient demourer a cheval. Et sachies que on disoit qu’il y avoit bien<br />
la 8000 armeures de fer, chevaliers et escuiers et 30000 hommes armes, la moitie montez<br />
sus petites haguenees et l’autre moitie sergens a pie, envoies [f10v] par election de par les<br />
bonnes villes a leurs gaiges, chascune bonne ville pour se rate. Et si y avoit bien 24000<br />
archiers a pie sans la ribaudaille.<br />
Tout ainsi que les batailles furent ordonnees on chevauca tout rengies apres les Escos a<br />
lassent des fumieres jusques a basses vespres. Adont se loga l’ost en un boys sur une petite<br />
riviere pour eulz aisier et pour attendre le charroy et les pourveances. Et tout le jour avoient<br />
ars les Escos a .v. lieues pres de leurs ostz et ne les povoient raconsuir. L’endemain, au<br />
point du jour, chascun fu arme et trairent les banieres aux champs, chascun a sa bataille<br />
et desoubz sa baniere, sicomme ordonne estoit. Si chevaucierent les batailles ainsi rengiees<br />
tout le jour sans desrouter par montaignes et par valees, ne onques ne porent approuchier<br />
les Escos qui ardoient devant eulz, tant y avoit de bois de marez et de desers sauvages et<br />
malaisies, montaignes et valees et si n’estoit nul qui osast sur la teste a couper, fourpasser<br />
ne chevaucier devant les banieres hors uns les mareschaux.<br />
Comment les Englois poursuivoient les Escos sur la riviere de Thin.<br />
Q uant ce vint apres nonne sus le vespre et gens, chevaux et charroy et meisment<br />
gens a pie estoient si traveillies qu’ilz ne povoient mais en avant aler. Et les seigneurs<br />
s’apparceurent et virent bien clerement qu’ilz se traveilloient en telle maniere pour neant<br />
et fust encores ainsi que les Escos les voulsissent attendre, si se mettroient il bien sur tel<br />
avantage sur celle montaigne ou sur tel pays qu’ilz ne se pourroient a eulz combatre sans<br />
trop grant meschief. Si fu commande de par le roy et les mareschaux que on se logast la<br />
endroit, chascun ainsi qu’il estoit, jusques a l’endemain pour avoir conseil comment ilz se<br />
maintenroient. Ainsi fu tout l’ost logie celle nuit en un boys sur une petite riviere et le<br />
roy fu logie en une povre court d’abbaie qui la estoit. Ses gens d’armes, uns et autres,<br />
chevaux, charroy et les hostilz suivans furent logies moult ensuz traveillies oultre mesure.<br />
Quant chascun ot piece de terre pour logier, les seigneurs se trairent ensemble pour [f11r]<br />
avoir conseil comment ilz se pourroient combatre aux Escos selon le pays la ou ilz estoient.<br />
Et leur sembla selon ce qu’ilz veoient que les Escos en raloient leur voie en leur pays tout
20 (f11 v ) Comment les Englois poursuivoient les Escos sur la riviere...<br />
ardant et que nullement ilz ne se pourroient combatre a eulz entre ces montaignes, fors que a<br />
grant meschief. Et si ne les pourroient raconsuir, mais passer leur couvenoit celle riviere de<br />
Thin. Et fu la dit en grant conseil que se on se vouloit lever devant une nuit et l’endemain<br />
un petit haster on leur touldroit le passage de la riviere, et convenroit qu’ilz se combatissent<br />
a leur meschief ou ilz demourroient tous quois en Engleterre pris a la trape.<br />
A celle entente que dit vous ay, fu lors ordonne et accorde que chascun se traisist a sa<br />
loge pour souper et boire ce qu’il pourroit avoir et deist chascun a ses compaignons que si<br />
tost que on orroit la trompette sonner, chascun meist ses selles et appareillast ses chevaux.<br />
Et quant on l’orroit la seconde fois, que chascun s’armast sans atargier. Et a la tierce fois<br />
que chascun montast sans tarder et se retraisist a sa baniere, et que chascun preist sans plus<br />
un pain et le troussast derriere lui en guise d’un braquemer. Et aussi que chascun laissast<br />
la endroit tous harnois, tous charrois et tout autres pourveances, car on se combatroit<br />
l’endemain, a quelque meschief que ce fust, si avoit on tout perdu ou tout gaingnie. Ainsi<br />
que ordonne fu, ainsi fu fait. Et fu chascun arme et monte a la droite mienuit. Petit y ot<br />
de ceulx qui dormirent, comment que on eust traveillie le jour.<br />
Aincois que les batailles fussent a leur droit ordonnees et assemblees commenca le jour a<br />
apparoir. Lors commencierent les banieres a chevaucier en haste dispersement par bruieres,<br />
par montaignes, par valees et par roches malaisies sans point de plain pays. Et par dessus<br />
des montaignes et au plain des valees estoient crolieres et grans mares et si divers passages<br />
que merveilles estoit que chascun n’y demouroit. Car chascun chevaucoit toudiz avant sans<br />
attendre seigneur, ne compaignon. Et sachies que feust encroles en ces crolieres, il trouvast<br />
a malaise qui lui aidast. Et si y demourerent grant foison de banieres a tous les chevaux<br />
en pluseurs lieux [f11r] et grant foison de sommiers et de chevaux, que onques depuis n’en<br />
yssirent et cria on moult celui jour aux armes et disoit on que les premiers se combatoient<br />
aux ennemis, si que chascun qui cuidoit que ce fust voir se hastoit quanqu’il povoit parmi<br />
pierres et cailloux et parmy valees et montaignes, le heaume appareillie et l’escu au col, le<br />
glaive ou l’espee ou poing, sans attendre pere ne frere ne compaignon. Et quant on avoit<br />
ainsi couru demie lieue ou plus et on venoit au lieu dont cil hu ou cil cry naissoit, on se<br />
trouvoit deceu. Car ce avoient este cerfs ou biches ou autres bestes sauvages, dequoy il y<br />
avoit grant foison en ce boys et en ces bruieres et en ce sauvage pays qui s’esmouvoient et<br />
fuioient devant ces banieres et ces gens a cheval qui ainsi chevaucoient et c’onques n’avoient<br />
veu. Adont huioit chascun apres ces bestes, et on cuidoit que ce fust autre chose.<br />
A insi chevauca le joenne roy englois celui jour et tout son ost parmi ces montaignes et<br />
ces desers sans chemin tenir, sans voie et sans sentier et sans ville trouver fors que par avis<br />
selon le souleil. Et quant ce vint a basses vespres que on fu venu sur celle riviere de Thin que<br />
les Escos avoient passe et leur couvenoit repasser, ce disoient et cuidoient les Englois. Et<br />
ilz furent la venu si traveillies et si formenez que chascun puet penser, ilz passerent oultre<br />
la riviere a gues moult a malaise pour les grosses pierres qui dedens gesoient. Et quant<br />
ilz furent passez, chascun s’ala logier selon celle riviere ainsi qu’il pot prendre terre mais<br />
aincois qu’ilz eussent pris piece de terre pour logier, le souleil commenca a esconser et si y<br />
avoit petit de ceulz qui eussent haches ne coingnees ne ferremens ne instrumens pour logier,<br />
ne pour couper bois. Et s’en y avoit pluseurs qui avoient perduz leurs compaignons et ne<br />
savoient qu’ilz estoient devenuz, s’ilz estoient a malaise ce n’estoient point de merveille et<br />
meismement les gens de pie estoient demourez derriere et si ne savoient en quel lieu ne a<br />
qui demander leur chemin, dont ilz estoient fouiz mesaisies. Et disoient ceulx qui le mieux<br />
cuidoient congnoistre le pays qu’ilz avoient chemine [f11v] cellui jour 28 lieues Englesces.<br />
Ainsy courant comme vous avez oy, sans arrester fors que pour pissier ou pour son cheval<br />
recengler. Ainsi traveillies, hommes et chevaux les convint gesir la nuit sus celle riviere tous<br />
armez, chascun son cheval a la main, car ilz ne le savoient a quoy atachier par defaulte de<br />
jour et par defaute de leur charroy qu’ilz ne peussent avoir mene parmy cel pays que devise<br />
vous ay. Ainsi ne mengierent les chevaux toute la nuit, ne le jour devant, d’avaine nulle ne<br />
de fourage. Et eulz meismes ne gousterent tout le jour ne la nuit que chascun son pain qu’il<br />
avoit derriere lui trousse, ainsi que dit vous ay, qui estoit de la sueur du cheval tout souillie<br />
et ort, ne ilz ne beurent d’autre buvrage que de la riviere qui la couroit, hors miz aucuns
(f11 v ) Comment les Englois poursuivoient les Escos sur la riviere... 21<br />
seigneurs qui avoient bouteilles, ce leur porta grant prouffit, et n’orent toute la nuit ne feu<br />
ne lumiere et ne le savoient dequoy faire fors aucuns seigneurs qui avoient tortiz aportez su<br />
leurs sommiers. Ainsi que vous oez et a tel meschief passerent ilz la nuit sans oster les selles<br />
a leurs chevaux, ne eulx desarmer. Et quant le desire jour fu venu enquoy ilz esperoient a<br />
avoir aucun confort et aucune adrece pour eulz et leurs chevaux aisier, pour mengier et pour<br />
logier ou pour combatre aux Escos qu’ilz desiroient, si pour le desir qu’ilz avoient d’issir de<br />
celle mesaise et povrete la ou ilz estoient. Adont commenca a plouvoir et toute la journee si<br />
omnement et si fort que aincois nonne passee la riviere sus laquele ilz estoient logies devint<br />
si grande que nulz ne la peust passer, parquoy nul ne pot envoier pour veoir ne savoir la<br />
ou ilz est cheu, ne ou ilz pourroient recouvrer de fourage ne de littiere pour leurs chevaux,<br />
ne pain ne vin ne autre chose pour eulz soustenir, si les convint jeuner tout le jour ainsi<br />
comme la nuit. Et les chevaulx mengier terre ensemble le petit d’erbes qu’ilz trouvoient, ou<br />
fueilles d’arbres, et convint couper plancons de boys a leurs espees et leurs badelaires tous<br />
ploians pour leurs chevaux lier, et verges pour faire huttelettes pour eulz mucier. Entour<br />
nonne aucuns povres du pays furent [f11v] trouvez. Si leur fu demande la ou ilz estoient<br />
cheuz et embatuz. Ceulx respondirent qu’ilz estoient a .xiv. lieues de Nuefchastel sur Thin,<br />
et a .xi. lieues pres de Carduel en Galles, et si n’avoit nulle ville plus pres de la ou on<br />
peust riens trouver pour eulx aaisier. Tout ce fu noncie au roy et aux seigneurs, et envoia<br />
chascun tantost ses messages celle part et ses petiz chevaux et ses sommiers pour aporter<br />
pourveances. Et fist on savoir de par le roy a la ville du Nuefchastel que, qui voudroit<br />
gaingnier, si amenast pain et vin, avaine et autres denrees, on lui paieroit tout sec et le<br />
feroit on conduire a saufconduit jusques a l’ost. Et leur fist on savoir que on ne se partiroit<br />
de la entour jusques a tant que on saroit que les Escos estoient devenuz.<br />
A l’endemain entour heure de nonne revindrent les messages que les seigneurs et les<br />
autres compaignons avoient envoiez aux pourveances, et en raporterent ce qu’ilz porent<br />
pour eulx et leurs mesgnies. Grandement ne fu ce mie. Et avec eulz vindrent gens pour<br />
gaingnier qui amenoient sus petiz chevalez et mulez, pain mal cuit en paniers, povre vin en<br />
grans barilz et autres denrees a vendre, dont moult de gens et grant partie de l’ost furent<br />
durement apaisies. Et ainsi de jour en jour, tant qu’ilz sejournerent la entour .viii. jours sur<br />
celle riviere entre ces montaignes, en attendant chascun jour la survenue des Escos qui aussi<br />
ne savoient que les Englois estoient devenuz, non plus que les Englois savoient d’eulz. Ainsi<br />
furent ilz .iii. jours et .iii. nuis sans pain, sans vin, sans chandelles, sans avoine et sans<br />
fourage et sans autres pourveances. Et apres par l’espace des .iv. jours qu’il leur convenoit<br />
acheter un pain mal cuit .vi. estrelins, qui ne deust valoir c’un parisis et .i. gallon de vin<br />
24 estrelins qui n’en deust valoir que .vi.. Encores y avoit on si grant rage de famine que<br />
l’un le toloit hors des mains de l’autre, dont pluseurs hustins et grant debat vindrent des<br />
compaignons des uns aux autres.<br />
Encore avec tous ces meschiefs, il ne cessa point de plouvoir toute celle sepmaine parquoy<br />
leurs selles, peniaux, contrecengles furent tous pourriz et tous [f12r] les chevaux ou la plus<br />
grant partie cassez sus les dos, et ne savoient de quoy ferrer ceulz qui estoient defferez, ne<br />
dequoy couvrir fors que de leurs cuevrechiefs d’armes. Et aussi n’avoient la plus grant partie<br />
que vestir, ne de quoy couvrir pour la pluie, ne pour le froit fors que de leurs auquetons et<br />
de leurs armeures, et n’avoient de quoy faire feu, fors que de verte laigne qui ne puet durer<br />
contre la pluie.<br />
Comment les Englois trouverent les Escos<br />
A tel meschief, mesaise et povrete demourreent ilz entre ces montaignes et la dicte<br />
riviere toute celle dicte semaine sans oir ne savoir nouvelles des Escos, qu’ilz cuidoient qu’ilz<br />
deussent par la ou assez pres passer pour retourner en leur pays, dequoy grant murmure<br />
sourdy entre les Englois. Car aucuns vouloient emettre sus aux autres qui avoient donne ce<br />
conseil de la venir en tel point qu’ilz l’avoient fait pour le roy trahir et toutes ses gens, si<br />
que pour ce fu ordonne entre les seigneurs que on se mouveroit de la et repasseroit on la<br />
dicte riviere .vii. lieues par dessus, la ou elle estoit plus aisiee a passer. Et fist on crier que
22 (f12 v ) Comment les Englois trouverent les Escos<br />
chascun s’appareillast pour deslogier l’endemain et suist les banieres. Et fist on adonc crier<br />
que qui se voudroit tant traveillier qu’il peust rapporter certaines nouvelles au roy, la ou on<br />
pourroit trouver les Escos, le premier qui ce lui rapporteroit, il aroit 100 livres de terre a<br />
heritage a l’estrelin, et le feroit le roy chevalier. Quant ces nouvelles furent esparses par l’ost<br />
toutes gens en orent grant joie. Adont se departirent de l’ost aucuns chevaliers et escuiers<br />
englois jusques a .xv. ou 16 pour la convoitise de gaingnier celle promesse, et passerent la<br />
riviere en grant peril et monterent les montaignes. Puis se departirent l’un ca l’autre la,<br />
et se mist chascun en aventure par lui. L’endemain tout l’ost se desloga et chevaucierent<br />
ce jour assez bellement, car les chevaux estoient foulez et mal livrez et mal ferrez et cassez<br />
aux sengles et sur les dos, et firent tant qu’ilz repasserent la riviere en grant malaise car elle<br />
estoit grosse pour la pluie, parquoy il en y ot assez de baignies et des Englois [f12r] noyez.<br />
Quant tous furent repassez ilz se logierent la endroit. Car ilz trouverent fourages es pres et<br />
aux champs pour la nuit passer delez .i. petit village que les Escos avoient ars a leur passer,<br />
si leur sembla droitement qu’ilz fussent cheus en paradis. L’endemain ilz se departirent de<br />
la et chevaucierent par montaignes et par valees toute jour jusques pres de nonne que on<br />
trouva aucuns hamellez ars et aucunes champaignes ou il avoit bles et pres si que tout l’ost<br />
se loga la endroit celle nuit. Et le tiers jour chevaucierent ilz en celle maniere, si ne savoient<br />
les plus la ou on les menoit, ne nulles nouvelles des Escos. Et le quart jour en telle maniere<br />
jusques a heure de tierce.<br />
Adont vint un escuier forment chevaucant pardevers le roy, si lui dist, “Sire, je vous<br />
aporte nouvelles. Les Escos sont a .iii. lieues de cy pres, logies sur une montaigne, et vous<br />
attendent la et y ont bien este ja .viii. jours, et ne savoient nulles nouvelles de vous, non<br />
plus que vous ne savies nouvelles d’eulx. Ce vous say je fermie en vray car je me embaty<br />
si pres d’eulz que je fu pris et menez en leur ost devant les seigneurs pour prisonnier, si<br />
leur dy nouvelles de vous et comment vous les querries pour combatre a eulz. Et tantost<br />
les seigneurs me quitterent ma prison, quant je leur os dit que vous donries 100 livres de<br />
terre a l’estrelin a cellui qui le premier vous raporteroit certaines nouvelles d’eulz, par telle<br />
condition que je leur creancay que je n’aroie repos jusques a tant que je vous aroie dit ces<br />
nouvelles. Et dient, ce sachies, que aussi grant desir ont ilz de combatre a vous que vous<br />
avez a eulz, et les trouverrez la endroit sans faulte.”<br />
T antost que le roy entendy ces nouvelles il fist arrester l’ost la endroit en uns bles pour<br />
leurs chevaux paistre et recengler d’encoste une blanche abbaye qui estoit toute arse que on<br />
clamoit ou temps du roy Artus la Blanche Lande. La endroit se confessa et adreca chascun<br />
a son loyal povoir. Et fist le roy la endroit dire grant foison de messes pour acommenier<br />
ceulz qui devotion en aroient. Et assena tantost bien et souffisaument l’escuier 100 livres<br />
de terre que promis avoit et le fist la endroit chevalier par devant tous. Apres quant on<br />
fu un pou repose et desjune, on sonna la trompette, chascun s’ala monter et fist on les<br />
banieres chevaucier. [f12v] Ainsi que cil nouvel chevalier les conduisoit et toudiz chascune<br />
bataile par lui sans desrouter, par montaigne ne par valee mais toudiz rengies ainsi que on<br />
povoit et que ordonne estoit, et tant chevaucierent en telle maniere qu’ilz vindrent entour<br />
midy si pres des Escos qu’ilz les virent clerement, et les Escos eulz aussi. Si tost que les<br />
Escos les virent, ilz yssirent de leurs logeis tous a pie et ordonnerent .iii. bonnes batailles<br />
franchement sur le devaler de la montaigne la ou ilz estoient logies. Par dessoubz celle<br />
montaigne couroit une riviere forte et roide, plaine de cailloux et de si grosses pierres que<br />
on ne les peust bonnement en haste passer sans grant meschief malgre eulz. Et encore plus<br />
avant se les Englois eussent la riviere passee si n’avoit point de pluie entre la riviere et la<br />
montaigne la ou ilz peussent avoir rengies leurs batailles. Et si avoient les Escos leurs .ii.<br />
premieres batailles establi sur deux cruppes de montaigne, que on entent de la roche, la ou<br />
on ne povoit bonnement monter ne ramper pour eulx assaillir, mais estoient ou party que<br />
pour les assaillans tous confroissier et lapider de pierres s’ilz fussent passez oultre la riviere,<br />
et ne peussent les Englois nullement retourner. Quant les seigneurs d’Engleterre virent la<br />
contenance des Escos, ilz firent tous leurs gens traire a pie et oster les esperons, et rengier<br />
les .iii. batailles, ainsi que ordonne estoit devant, la endroit devindrent grant foison de<br />
nouviaux chevaliers. Quant ces batailles furent rengiees et ordonnees, aucuns des seigneurs
(f12 v ) Comment les Englois trouverent les Escos 23<br />
d’Engleterre amenerent le joenne roy a cheval par devant toutes les batailles pour les gens<br />
d’armes plus resbaudir, et prioit moult tres gracieusement que chascun se penast de bien<br />
faire la besoingne et de garder son honneur. Et faisoit commander sus la teste que nul ne<br />
se meist devant les banieres des mareschaux, ne ne se meussent, jusques a tant que on le<br />
commanderoit. Un petit apres on commanda que les batailles alassent avant pardevant les<br />
ennemiz tout bellement le pas, ainsi fu fait. Si ala bien chascune bataille en cel estat un<br />
grant bonnier de terre avant. Jusques au devant de la montaigne sus laquelle ilz estoient, ce<br />
fu fait et ordonne pour veoir se les ennemiz se desrouteroient point et pour veoir comment<br />
ilz se maintenroit, mais on ne pot apparcevoir qu’ilz se meussent de riens. Et si pres les uns<br />
[f12v] des autres ilz estoient, qu’ilz recongnoissoient partie de leur armoierie.<br />
Adont fist on arrester tout quoy pour avoir autre conseil. Et si fist on aucuns compaignons<br />
monter sur coursiers pour escarmuchier a eulz et pour aviser le passage de la<br />
riviere et pour veoir leur couvine de plus pres. Et leur fist on savoir par hiraux que s’ilz<br />
vouloient passer oultre la riviere et venir combatre au plain, on se retrairoit arriere et leur<br />
livreroit on bonne place pour la bataille rengier et tantost ou l’endemain au matin. Et se ce<br />
ne leur plaisoit, qu’ilz voulsissent faire le cas pareil. Quant ilz orent ces traitties, ilz orent<br />
conseil. Eulx conseillies, tantost respondirent aux hirauls la envoiez qu’ilz ne feroient ne<br />
l’un ne l’autre, mais le roy et tous ses barons veoient bien qu’ilz estoient en son royaume et<br />
lui avoient ars et gaste. S’il l’en ennuioit, si le venist amender, car la demourroient ilz tant<br />
qu’il leur plairoit.<br />
Comme les Escos se deslogierent.<br />
Q uant les consauls du roy d’Engleterre virent qu’ilz n’aroient autre chose, ilz firent<br />
crier et commander que chascun se logast la endroit ou il estoit sans reculer. Ainsi se<br />
logierent ilz celle nuit moult a mallaise sur dure terre et pres sauvages, et toudiz armez et a<br />
grant meschief. Les garcons recouvrerent de pels et de verges pour lier les chevaux, mais ilz<br />
n’orent ne fourage ne littiere pour eulx aisier, ne laigne pour faire feu. Et quant les Escos<br />
apparceurent que les Englois se logoient en telle maniere, ilz firent demourer aux champs<br />
de leurs gens sus les places la ou ilz avoient establi leurs batailles. Puis se retrairent a leurs<br />
logeis et firent tantost tant de feux que merveilles estoit a regarder, et firent entre nuit et<br />
jour si grant bruit de corner de leurs grans cors tout a une fois et de jupper apres, tout a<br />
une voix, qu’il sembloit proprement que tous les deables d’enfer fussent la venuz pour eulz<br />
estrangler. Ainsi furent ilz logies celle nuit qui fu la nuit Saint Pierre, a l’entree d’aoust qui<br />
fu l’an 1327, jusques a l’endemain que les seigneurs oirent messe.<br />
Quant ce vint le jour Saint Pierre que messe fu dicte, [f13r] on fist chascun armer et<br />
les batailles rengier ainsi comme le jour devant. Quant les Escos apparceurent ce, ilz s’en<br />
vindrent rengier aussi bien suz leur piece de terre comme le jour devant, et demourerent<br />
les .ii. ostz tout le jour rengies ainsi, jusques apres midy que les Escos onques ne firent<br />
semblant de venir vers les Englois, et aussi les Englois d’aler vers eulz, car ilz ne les povoient<br />
nullement approuchier sans trop grant meschief. Pluseurs compaignons Englois qui avoient<br />
chevaux dont ilz se povoient aidier passerent la riviere, et aucuns a pie, pour escarmuchier a<br />
eulx. Et aussi se desrouterent aucuns Escos qui couroient et racouroient tous escarmuchans,<br />
les uns aux autres, tant qu’il en y ot de mors et de navrez et des prisonniers, des uns<br />
aux autres. Ainsi que apres midy les seigneurs d’Engleterre firent assavoir que chascun se<br />
retraisist en sa loge, car bien leur sembloit qu’ilz estoient la pour neant. Si se retrairent<br />
chascun en son logeis. En cel estat furent ilz par .iii. jours, et les Escos d’autre part sus<br />
leur montaigne sans departir. Touteffois tous les jours y ot des escarmuchans d’une part et<br />
d’autre, et souvent des mors et des pris. Et toutes les vespres les Escos a la mut faisoient<br />
par coustume si grans feux et tant et faisoient si grant bruit de jupper et de corner, tous a<br />
une voix, qu’il sembloit proprement aux Englois que ce fust un droit enfer et que tous les<br />
deables fussent la assemblez par droit avis. L’entention des seigneurs d’Engleterre estoit de<br />
tenir ces Escos la endroit comme assegies qu’ilz ne se povoient bonnement a eulz combatre,<br />
et les cuidoient bien afamer en leur pays. Et si savoient bien les Englois par les prisonniers
24 (f13 v ) Comment les ostz des Englois et des Escos se departi rent ...<br />
qui pris estoient que les Escos n’avoient nulle pourveance de pain, de vin, ne de sel. Bestes<br />
avoient ilz grant foison qu’ilz avoient prises ou pays, si en povoient mengier en sevue et en<br />
rost a leur plaisir, sans pain, aquoy ilz acontoient moult pou, mais qu’ilz eussent un peu de<br />
farine qu’ilz mettent cuire, ainsi que dit vous ay par dessus, et aussi en usent bien aucuns<br />
Englois quant ilz sont en leurs chevauciees et ilz leur touche.<br />
Or avint le .iv. jour au matin que les Englois avoient [f13r] la este logies qu’ilz regarderent<br />
pardevers la montaigne aux Escos, si ne virent nullui. Car ilz s’en estoient partiz<br />
a la mienuit, si en orent les seigneurs grant merveille et ne povoient apenser qu’ilz estoient<br />
devenuz. Si envoierent tantost gens a cheval et a pie par ces montaignes qui les trouverent<br />
entour heure de prime logies sur une autre montaigne plus forte que celle devant n’estoit,<br />
sus celle riviere meismes. Et estoient logies en un bois pour estre plus repeuz et pour plus<br />
secretement aler et venir quant ilz vouldroient. Si tost qu’ilz furent trouvez on fist les Englois<br />
deslogier et traire celle part tout ordonneement et logier sus une autre montaigne droit<br />
a l’encontre d’eulz. Et fist on les batailles rengier et faire semblant d’aler vers eulx mais si<br />
trestost qu’ilz virent l’ordonnance des Englois et eulx approchier, ilz yssirent hors de leurs<br />
logeis et s’en vindrent rengier faiticement assez pres de la riviere contre eulx mais onques<br />
ne vouldrent descendre, ne venir vers les Englois, et les Englois ne povoient aler jusque a<br />
eulz qu’ilz ne fussent tous mors ou tous perduz d’avantaige ou pris a grant meschief. Et<br />
se logierent la endroit encontre eulx et demourerent 18 jours tous plains sus celle seconde<br />
montaigne et tous les jours rengies encontre eulx. Si envoierent les seigneurs d’Engleterre<br />
bien souvent leurs hiraux pardevers eulz parlementer qu’ilz vousissent livrer place et piece<br />
de terre ou que on la livreroit a eulz, mais onques a nulles de ces parcons ilz ne se voudrent<br />
accorder. Si vous dy bien pour verite que l’un ost et l’autre sus ces sejours orent moult de<br />
mesaises.<br />
De messire Guilleaume Doglas.<br />
L a premiere nuit que les Englois furent logies sur celle seconde montaigne a l’encontre<br />
des Escos mesire Guilleaume de Douglas, qui estoit moult preux et entreprenant et hardy<br />
chevalier, prist entour mienuit environ 200 armeures de fer et passa celle riviere bien loing<br />
de leur ost, parquoy on ne s’en apperceust, si se fery en l’ost des Englois moult vassaulment<br />
en criant, “Douglas! Douglas! Vous y mourrez tous, seigneurs larrons Englois.” et en tua il<br />
et sa compaignie ains qu’ilz cessassent plus de 300 et fery des esperons jusques proprement<br />
devant la tente du roy, toudiz criant et huant, “Douglas! Douglas!” et coupa .ii. ou .iii. des<br />
cordes de la tente du roy puis s’en party a tant. Bien puet estre qu’il y perdy aucuns de ses<br />
gens a sa retraite mais [f13v] ce ne fu mie granment. Et retourna arriere devers ses compaignons<br />
en la montaigne, depuis n’y ot riens fait mais toutez les nuis les Englois faisoient<br />
grans guais et fors qui se doubtoient du resveillement des Escos et avoient miz gardes et<br />
escoutes en certains lieux parquoy se ilz sentissent ne oissent riens, qu’ilz le signifiassent en<br />
l’ost. Et gisoient pres que tous les seigneurs en leurs armeures. Et tous les jours y avoit des<br />
escarmuches et escarmuchoit qui escarmuchier vouloit, si en y avoit souvent des mors, des<br />
pris, des navrez, des blecies et des mesaisies, des uns et des autres.<br />
Comment les ostz des Englois et des Escos se departi rent sans bataille.<br />
L e derrain jour des 22 fu pris un chevalier d’Escoce a l’escarmuche qui moult a enviz<br />
vouloit dire aux seigneurs d’Engleterre la contenance des siens. Si fu il tant enquiz et examinez<br />
qu’il dist que leurs souverains avoient ordonne entre eulx le matin que chascun fust arme<br />
a vespre et que chascun sivist la baniere monseigneur Guilleaume de Douglas, quel part qu’il<br />
vouldroit aler, et que chascun le tenist en secret, mais le chevalier ne savoit de certain qu’ilz<br />
avoient en pense. Sur ce orent les seigneurs d’Engleterre conseil ensemble et aviserent que<br />
selon ces paroles les Escos pourroient bien par nuit venir brisier et assaillir leur ost a deux<br />
costez pour eulx mettre en aventure de vivre ou de mourir, car plus ne povoient endurer<br />
leur famine. Si ordonnerent les Englois entre eulx .iii. batailles et se rengierent en .iii.pieces
(f13 v ) Comment les ostz des Englois et des Escos se departi rent ... 25<br />
de terre devant leurs logeis. Et firent grant foison de feux pour veoir plus loing entour eulx<br />
et firent demourer tous leurs garcons en leurs loges pour garder leurs chevaux, si se tindrent<br />
ainsi celle nuit tous armez chascun desoubz sa baniere ou son panoncel, sicomme il estoit<br />
ordonne, pour attendre l’aventure car ilz esperoient assez bien selon les paroles du chevalier<br />
que les Escos les resveilleroient mais ilz n’en orent nul talent, aincois firent par autre<br />
ordonnance bien et sagement. Quant ce vint sur le point du jour .ii. trompeurs d’Escoce<br />
s’embatirent sus l’un des gens qui guettoient aux champs, si furent pris et amenez devant<br />
les seigneurs du conseil du roy et distrent, “Seigneurs, que guetties vous cy? Vous perdez le<br />
temps car sur l’abondon de noz testes, les Escos en sont ralez tres devant la mienuit et [f13v]<br />
sont ja .iv. ou .v. lieues loing et nous emmenerent avec eulx bien une lieue loings pour<br />
doubtance que nous ne le vous noncissions et puis nous donnerent congie de le venir dire.”<br />
Et quant les Englois entendirent ce, ilz orent conseil et virent bien qu’ilz estoient deceuz<br />
en leur cuidier. Et distrent que le chacier apres les Escos ne leur povoit riens valoir car on<br />
ne les pourroit raconsuir, et encore pour doubtance de decevement, les seigneurs detindrent<br />
les deux trompeurs tous quois et les firent demourer delez eulx et ne rompirent point leur<br />
ordonnance ne l’establissement de leurs batailles jusques apres prime. Et quant ilz virent<br />
que c’estoit verite et que les Escos estoient partiz ilz donnerent congie a tout homme de<br />
retraire a sa loge et de lui aisier et les seigneurs alerent a conseil pour regarder que on feroit.<br />
Endementiers aucuns des compaignons Englois monterent sur leurs chevaux et passerent la<br />
dicte riviere en grant peril et vindrent par dessus la montaigne dont les Escos estoient la<br />
nuit partiz et trouverent plus de 500 grosses bestes grasses tantost mortes que les Escos<br />
avoient tuez pour tant qu’ilz furent pesans et ne les peussent suir. Et si ne les vouloient mie<br />
laissier vives aux Englois. Et si trouverent plus de 300 chaudieres faites de cuir a tout le<br />
poil pendues sus le feu, plaines de chair et d’eaue pour faire boulir et plus de 1000 hastiers,<br />
plains de pieces de chair pour rostir et plus de 10000 vieulx soulers usez, fais de cuir tout cru<br />
a tout le poil que les Escos avoient la laissies et trouverent .v. povres prisonniers Englois<br />
que les Escos avoient liez tous nuz aux arbres par despit. Et .ii. qui avoient les jambes<br />
brisees, si les deslierent et laissierent aler et puis revindrent en l’ost si a point que chascun<br />
se deslogoit et ordonnoit pour raler en Engleterre par l’accort du roy et tout son conseil.<br />
Sy sivrent tout ce jour les banieres des mareschaux et vindrent logier de haute heure en<br />
un beau pre ou ilz trouverent assez a fourer pour leurs chevaux, qui leur vint bien a point.<br />
Car [f14r] ilz estoient si afoibliz, si fonduz et si afamez que a paines povoient ilz avant aler.<br />
L’endemain, ilz se deslogierent et chevaucierent encore plus avant et s’en vindrent logier de<br />
haute heure delez une grande abbaie a deux lieues pres de la cite de Duremmes, si se loga<br />
le roy la nuit en celle court et l’ost contrevalles pres. Si trouverent assez a fourer qui leur<br />
vint bien a point, herbes, vesces et bles. L’endemain se reposa l’ost la endroit tout quoy et<br />
le roy et les seigneurs alerent vers l’eglise de Duremmes et adont fist le roy feaute a l’eglise<br />
et a l’eveque de Duremmes et aussi aux bourgois, car faite ne l’avoit encore. En celle cite<br />
trouverent ilz leurs charrettes et leurs charretiers et tous leurs harnois qu’ilz avoient laissies<br />
35 jours en avant en .i. boys a mienuit, sicomme il est contenu pardessus. Et les avoient<br />
les bourgois de la cite de Duremmes qui trouvez les avoient ou boys, amenez dedens leur<br />
ville a leur coust et fait mettre en vuides granches chascune charrette a tout son panoncel<br />
pour recongnoistre, si furent tous lies les seigneurs. Quant ilz orent trouvez leurs charrettes<br />
et leurs harnois et reposerent .ii. jours en la cite de Durem et l’ost tout entour, car bien<br />
ne se peust tout logier en la dicte cite et firent leurs chevaux referrer et puis se mistrent<br />
en voie devers Ebruich. Si exploita tant le roy et tout son ost que dedens .iii. jours ilz y<br />
vindrent. Et la trouva le roy madame sa mere qui le recut a grant joie et aussi firent toutes<br />
les dames et les bourgois de la ville. La donna le roy congie a toutes manieres de gens de<br />
raler chascun en son lieu et remercia grandement les contes, les barons et les chevaliers du<br />
service qu’ilz lui avoient fait. Et retint encore delez lui monseigneur Jehan de Hainau et<br />
toute sa route qui furent grandement festoiez de madame la royne et de toutes les dames.<br />
Et relivrreent les Hainiuers leurs chevaux qui tous estoient afonduz et afolez au conseil du<br />
roy et fist chascun somme pour lui de ses chevaux mors et vifs et de ses frais, si en fist le<br />
roy la debte envers le dit monseigneur Jehan de Hainau. Et le dit mesire Jehan s’en obliga<br />
envers tous les compaignons car le roy et ses consauls ne porent si tost recouvrer de tant
26 (f14 v ) Le mariage du roy Edouart d’Engleterre a la fille du conte...<br />
d’argent que les chevaulx montoient, mais on leur en delivra assez par raison pour paier<br />
leurs menuz frais et [f14r] pour retourner au pays. Et puis furent ilz tous paiez dedens<br />
l’annee de ce que les chevaux montoient. Quant les Heniuers orent relivre leurs chevaux, ilz<br />
racheterent chascun des petites haguenees pour chevaucier mieux a leur aise et renvoierent<br />
leurs garcons et leurs harnois, sommes malles et bahuz par mer et mistrent tout en .ii. nefs<br />
que le roy leur fist delivrer. Si arriverent ces besoingnes droit a l’escluse en Flandres. Et<br />
ilz pristrent congie au roy et a ma dame sa mere, au conte de Kent, au conte Henry de<br />
Lencastre et aux barons qui grandement les honnorerent. Et les fist le roy acompaignier de<br />
.xii. chevaliers et 200 armeures de fer pour la doubtance des archiers dont ilz n’estoient<br />
mie bien asseurez, car il les couvenoit repasser parmy leur pays leveschie de Lincolle. Si se<br />
partirent mesire Jehan de Henau et toute sa route ou conduit dessus dit et chevaucierent<br />
tant par leurs journees qu’ilz vindrent a Douvres. La monterent ilz en mer, en nefs et en<br />
vaisseaux qu’ilz trouverent appareillies, et les Englois se partirent d’eulx qui aconvoiez les<br />
avoient et retournerent chascun en son lieu. Et les Heniuiers se reposerent a Wisant, la<br />
sejournerent ilz par .ii. jours en mettant hors leurs chevaus et le demourant de leur harnois.<br />
Endementiers vindrent mesire Jehan de Henaut et aucuns chevaliers en pelerinage a nostre<br />
Dame de Bouloingne. Puis s’en retournerent ilz en Hainaut et se departirent tous l’un de<br />
l’autre, et se retrait chascun chies soy, mais mesire Jehan s’en vint devers le conte son frere<br />
qui se tenoit a Valenciennes, lequel le recut liement et voulentiers car moult l’amoit, et dont<br />
lui recorda le sire de Biaumont toutes les nouvelles si avant qu’il les savoit.<br />
Le mariage du roy Edouart d’Engleterre a la fille du conte de Henaut.<br />
A insi fu celle grande et dure chevauciee departie que le roy Edouart, le premier an de<br />
sa creation, fist contre les Escos. Ne demora mie granment de temps apres que ce roy, ma<br />
dame sa mere, le conte de Kent son oncle, le conte Henry de Lencastre, messire Rogier de<br />
Mortemer et les autres barons d’Engleterre qui estoient demourez du conseil du roy pour<br />
lui aidier a conseillier et gouverner, orent conseil et advis de lui marier. Sy envoierent un<br />
evesque .ii. chevaliers banerez [f14v] et .ii. bons clers a monseigneur Jehan de Hainau<br />
pour lui prier qu’il voulsist estre bon moien et mettre conseil a ce que le joenne roy, leur<br />
sire, feust marie, parquoy mesire Guilleaume son frere, le conte de Hainau et de Hollande<br />
lui vousist envoier une de ses filles, car il l’aroit plus chiere que nulle autre pour l’amour<br />
de lui. Le sire de Beaumont festoia et honnora ces messages et commissaires de par le<br />
roy englois quanqu’il pot, car bien le savoit faire. Quant bien festoiez les ot, il les mena<br />
a Valenchiennes pardevers son frere qui moult honnorablement les recut aussi et festoia si<br />
souverainement bien que longue chose seroit a raconter. Quant assez festoiez furent, ilz<br />
firent leur message sagement et a point sicomme chargie leur estoit. Le conte leur respondy<br />
moult courtoisement par le conseil de mesire Jehan son frere et de madame la contesse, mere<br />
a la damoiselle, et leur dist que moult grans merciz a monseigneur le roy et a madame la<br />
royne et aux seigneurs par qui conseil ilz estoient la venuz, quant tant leur estoit que de<br />
lui faire telle honneur que pour telle chose ilz avoient si souffisans gens a lui envoiez et que<br />
moult voulentiers s’acorderoit a leur requeste se nostre saint pere, le pappe et sainte eglise<br />
si accordoit. Celle response leur souffist assez grandement. Puis envoierent .ii. de leurs<br />
chevaliers et .ii. clers de droit pardevers le saint pere a Avignon pour empetrer dispensation<br />
de celui mariage acorder. Car sans le congie du saint pere, faire ne se povoit pour le linage<br />
de France dont ilz estoient moult prouchains sicomme en tiers degre. Car leurs .ii. meres<br />
estoient cousines germaines yssues de deux freres. Assez tost apres ce qu’ilz furent venuz<br />
en Avignon, ilz orent faite leur besoingne car le saint pere et le college si consentirent assez<br />
benignement pour la haute noblesce dont tous deux estoient yssuz.<br />
Q uant ces messages furent revenuz d’Avignon a Valenchiennes a toutes leurs bulles,<br />
ce mariage fu tantost ottroie et afferme d’une part et d’autre, si fist on la devise pourveoir<br />
et appareillier de tout ce qu’il failloit, si honnorablement comme a celle damoiselle qui devoit<br />
estre royne d’Engleterre afferoit. Quant appareillie fu sicomme dit est, elle fu espousee<br />
par la vertu [f14v] d’une procuration apparant souffisant qui la fu apportee de par le roy
(f14 v ) Des ordonnances du roy Robert d’Escoce qu’il fist a son tre... 27<br />
d’Engleterre et puis si fu mise a la voie pour amener en Engleterre pardevers son mary qui<br />
l’attendoit a Londres, la ou on la devoit couronner, et monta en mer la dicte damoiselle<br />
Phelippe de Hainau a Wissant et arriva et toute sa compaignie a Douvres, et la conduit<br />
jusques a Londres a ce gentil chevaliermesire Jehan de Hainau son oncle qui grandement<br />
fu receu honnorez et festoiez du roy, de madame la royne sa mere, des autres dames, des<br />
barons et des chevaliers d’Engleterre. Si ot adont a Londres grant feste et grant noblesce<br />
des seigneurs, contes, barons, chevaliers, de hautes dames et de nobles pucelles, de riches<br />
atours et de riches paremens, de jouster et de behourder pour l’amour de elles, de dancer, de<br />
caroler, de grans et beaux mengiers chascun jour donner. Et durerent ces festes par l’espace<br />
de .iii. sepmaines. Au chief de ces jours mesire Jehan de Hainau prist congie et s’en party<br />
a toute sa compaignie de Hainau, bien fourniz de beaux joyaux et riches que on leur avoit<br />
donnez d’un coste et d’autre en pluseurs lieux, et demoura la joenne royne Phelippe a petite<br />
compaignie de son pays hors mis .i. joenne damoisel que on clamoit Watelet de Mauny qui<br />
y demoura pour servir et taillier devant lui. Lequel acquist depuis si grant grace au roy et<br />
a tous les seigneurs et chevaliers du pays qu’il fu du secret et du plus grant conseil du roy<br />
au gre de tous les nobles du pays. Et fist depuis si grans proesces de son corps et en tant de<br />
lieux que on n’en puet savoir le nombre, sicomme vous orrez avant en l’istoire, se il est qui<br />
le vous die. Or tairons nous de lui a parler et des Englois a present et retournerons aux Escos.<br />
Des ordonnances du roy Robert d’Escoce qu’il fist a son trespassement.<br />
A pres ce que les Escos se partirent par nuit de la montaigne, la ou le joenne roy Edouart<br />
et les seigneurs d’Engleterre les avoient assegies comme vous avez oy, ilz alerent 22 lieues<br />
dicellui sauvage pays sans arrester et passerent celle riviere de Thin assez pres de Carduel<br />
en Galles, et l’endemain ilz revindrent en leur pays et se departirent par l’ordonnance des<br />
seigneurs, et en rala chascun en sa maison. Assez tost apres aucuns seigneurs et preudommes<br />
pourchacierent tant [f15r] entre le roy englois et le roy d’Escoce que une treve fu accorder<br />
entr’eulz a durer par l’espace de .iii. ans. Dedens celle avint que le roy Robert d’Escoce, qui<br />
moult preux avoit este, estoit devenu vieil et foible et si chargie de la grosse maladie, ce disoit<br />
on, que mourir le convint. Quant il senty et congnut que mourir le couvenoit sans retour, il<br />
manda tous les barons de son royaume esquelz il se fioit le plus pardevant lui, si leur dist que<br />
mourir le couvenoit sicomme ilz veoient. Si leur pria moult affectueusement et leur charga<br />
sur leur feaute qu’ilz gardassent feablement son royaume en aide de David son filz. Et quant<br />
il seroit venu en aage qu’ilz obeissent a lui et le couronnassent a roy et le mariassent en<br />
lieu si souffisant que a lui appartenoit. En apres il appella le gentil chevalier monseigneur<br />
Guilleaume de Douglas et lui dist devant tous les autres, “Monseigneur Guilleaume, chier<br />
amy, vous savez que j’ay eu moult a faire et a soufrir en mon temps car j’ay vestu pour<br />
maintenir les drois de cestui royaume et quant j’ay eu le plus a faire je fiz un veu que je n’ay<br />
point fait ne acompli, dont moult me poise. Je vouay que s’il estoit ainsi que je peusse tant<br />
faire que je eusse ma guerre achevee parquoy je peusse cestui royaume gouverner en paix,<br />
je yroie aidier a guerroier les ennemiz nostre seigneur et les contraires de la foy crestienne<br />
a mon loyal povoir. A ce point a toudiz mon cuer tendu mais nostre seigneur ne l’a mie<br />
voulu consentir, si m’a donne tant a faire a mon temps et au derrain entrepris griefment de<br />
si grant maladie qu’il me convient mourir, sicomme vous veez. Et puis qu’il est ainsi que le<br />
corps de moy n’y puet aler, ne achever ce que le cuer a tant desire, je y vueil envoier le cuer<br />
en lieu du corps pour mon veu achever. Et pour ce que je ne scay en tout mon royaume nul<br />
chevalier plus preux de vostre corps ne mieux taillie pour mon veu acomplir en lieu de moy,<br />
je vous pry treschier et tresespecial amy, tant comme je puis, que vous cest voiage vueillies<br />
entreprendre pour l’amour de moy et mon ame acquiter envers nostre seigneur. Car je tieng<br />
tant de vostre noblesce et de vostre loyaute que se vous l’entreprenez vous n’en faudrez<br />
nullement, et si en mouray [f15r] plus aise, mais que ce soit par telle maniere que je vous<br />
diray. Je vueil si tost que je seray trespasse que vous prengnies le cuer de mon corps et<br />
le faites bien enbaumer et prenez tant de mon tresor qu’il vous semblera que assez en aiez<br />
pour parfournir tout le voiage pour vous et pour tous ceulx que vous vouldrez mener avec
28 (f15 v ) Comment monseigneur Guilleaume Douglas porta le cuer du roy...<br />
vous, et emportez mon cuer avec vous pour presenter au saint sepulcre la ou nostre seigneur<br />
fu ensevely, puis que le corps n’y puet aler et le faites si grandement et vous pourvees si<br />
souffisaument de telle compaignie et de toutes autres choses qu’a vostre estat appartient et<br />
que par tout la ou vous venrez que l’en sache que vous emportez oultre mer le cuer Robert<br />
le roy d’Escoce et a son commandement, puis quam si est que le corps n’y puet aler.”<br />
Tous ceulz qui la estoient commencierent a plorer moult tendrement, et quant le dit<br />
mesire Guilleaume pot parler il respondy et dist, “Gentil et noble sires, 100000 merciz de<br />
la grande honneur que vous me faites, quant vous si noble et si grant chose et tel tresor me<br />
chargies et recommandez. Et je feray voulentiers et de cler cuer vostre commandement a<br />
mon loyal povoir, jamais n’en doubtez, comment que je n’en sui mie digne ne si souffisant<br />
pour telle chose achever.” “Haa, gentil chevalier, ” dist adont le roy, “grant merciz mais que<br />
vous le me creancies.” “Certes sire, moult voulentiers” dist le chevalier. Lors lui creanca<br />
comme loyal chevalier. Adont dist le roy, “Or soit Dieux gracie, car je mourray plus a paix<br />
doresenavant, quant je scay que le plus souffisant et le plus preux de mon royaume achevera<br />
pour moy ce que je ne pos onques achever.”<br />
Assez tost apres trespassa de ce siecle le preux Robert de Bruis, roy d’Escoce, et fu enseveli<br />
si honnorablement que a lui afferoit selon l’usage du pays, et fu le cuer oste embaume<br />
ainsi que commande avoit. Si gist le dessus dit roy en l’abbaie de Donfremelin en Escoce<br />
tresreveraument. Et trespassa de ce siecle l’an de grace 1327 le .vii. jour de novembre.<br />
En ce temporal assez tost apres trespassa aussi le vaillant conte de Moret qui estoit le plus<br />
gentil et le plus puissant prince d’Escoce et s’armoit d’argent a trois orilliers d’or.<br />
Comment monseigneur Guilleaume Douglas porta le cuer du roy Robert devers<br />
la sainte terre.<br />
Q uant le printemps vint et la bonne saison pour mouvoir qui veult [f15v] passer oultre<br />
mer, mesire Guilleaume de Douglas se pourvey ainsi que a lui appartenoit selon ce que<br />
commande lui estoit. Il monta sus au port de Morois en Escoce et s’en vint en Flandres<br />
droit a l’Escluse pour oir nouvelles et pour savoir se nulz pardeca la mer s’appareilloit pour<br />
aler pardevers la sainte terre de Jerusalem, afin qu’il peust avoir meilleur compaignie. Si<br />
sejourna bien a l’Escluse par l’espace de .xii. jours aincois qu’il s’en partist, mais onques ne<br />
voult la endroit mettre pie a terre tout le terme de .xii. jours. Ains demouroit toudiz sus sa<br />
navie et tenoit toudiz son tinel honnorablement a trompes et a nacaires, comme se ce fust<br />
le roy d’Escoce, et avoit en sa compaignie .i. chevalier baneres et .vi. autres chevaliers des<br />
plus preux de son pays sans l’autre mesgnie. Et avoit tout vaisselement d’or et d’argent,<br />
pos, bacins, escuelles, hanaps, boutailles, barils et autres si faites choses. Et avoit jusques a<br />
26 escuiers, joennes et gentilz hommes des plus souffisans d’Escoce, dont il estoit servi. Et<br />
devez savoir que tous ceulz qui le vouloient aler veoir estoient bien festoiez de .ii. manieres<br />
de vins et de .ii. manieres d’espices, mais que ce fussent gens d’estat. Au derrain quant il ot<br />
la sejourne a l’Escluse par l’espace de .xii. jours, il entendy que Alphons le roy d’Espaigne<br />
guerroioit au roy de Grenade qui estoit sarrazin. Si s’avisa qu’il se trairoit celle part pour<br />
mieux emploier son temps et son voiage et quant il aroit la fait sa besoigne, il yroit oultre<br />
pour parfaire et achever ce que chargie et commande lui estoit. Si se party ainsi de l’Escluse<br />
et s’en ala par devers Espaigne et arriva premierement au port de Valence le grant, et puis<br />
s’en ala droit vers le roy d’Espaigne qui estoit en ost contre le roy de Grenade, et estoient<br />
assez pres l’un de l’autre sur les frontieres de leur pays. Avint assez tost apres ce que le dit<br />
mesire Guilleaume de Douglas fu la venu. Le roy d’Espaigne yssi hors aux champs pour plus<br />
approuchier ses ennemis, le roy de Grenate yssi hors aussi d’autre part, si que l’un roy veoit<br />
l’autre a tout ses banieres, et commencierent a rengier leurs batailles l’un contre l’autre. Le<br />
dit mesire Guilleaume de Douglas se retrait a l’un des costes a toute sa route pour mieux<br />
faire sa besoingne [f15v] et pour mieux moustrer son effort. Quant il vit toutes les batailles<br />
rengiees d’une part et d’autre et vit les batailles du roy .i. petit esmouvoir, il cuida qu’elle<br />
alast assembler. Il qui mieux vouloit estre des premiers que des derrains fery des esperons<br />
et toute sa compaignie avec lui jusque a la bataille du roy de Grenade, et ala aux ennemiz
(f15 v ) La mort du roy Charles de France et du commencement du roy ... 29<br />
assembler et pensoit ainssi que le roy d’Espaigne et toutes ses batailles le fuissent, mais non<br />
fuent dont il en fu laidement deceu, car onques cellui jour ne s’en esmeurent. La fu le gentil<br />
chevalier mesire Guilleaume de Douglas enclos et toute sa route des ennemiz et y firent<br />
merveilles d’armes, mais finablement ilz ne porent durer, ne onques pie n’en eschappa que<br />
tous ne fussent occiz a grant meschief. Dequoy ce fu pitie et dommage et grant laschete pour<br />
les Espaignols, et moult en furent blamez de tous ceulx qui en oirent parler car bien eussent<br />
rescous le chevalier et une partie des siens s’ilz voulsissent. Ainsi ala de ceste aventure et du<br />
voiage monseigneur Guilleaume de Douglas. Ne demoura mie granment de temps apres ce<br />
que le dessus dit chevalier se fu party d’Escoce pour aler en son pelerinage, sicomme vous<br />
avez oy, que aucuns seigneurs et preudommes qui desiroient la paix entre les Englois et les<br />
Escos traittierent tant que mariage fu fait du joenne roy d’Escoce et de la suer au joenne<br />
roy Edouart d’Engleterre. Si fu ce mariage acorde et espousa la dame le dessus dit roy a<br />
Bervich en Escoce. Et la ot grans festes de l’une partie et de l’autre. Or me vueil je taire un<br />
petit des Englois et des Escos et me retrairay au roy Charles de France et aux ordonnances<br />
de cellui pays.<br />
La mort du roy Charles de France et du commencement du roy Phelippe de<br />
Valois.<br />
L e roy Charles de France, filz au beau roy Phelippe fu .iii. fois mariez, et si mouru sans<br />
hoir masle dont ce fu dommage pour le royaume, sicomme vous orrez cy apres. La premiere<br />
de ses femmes fu l’une des plus belles dames du monde et fu fille du conte d’Artois. Celle<br />
garda mal son mariage et se forfist, parquoy elle en demoura long temps ou Chastel Gaillart<br />
en prison et a grant meschief aincois que son mary [f16r] fust roy. Quant le royaume de<br />
France lui fu escheu et il fu couronnez, les .xii. pers et les barons de France ne vouloient mie<br />
s’ilz peussent que le royaume demourast sans hoir masle, si quistrent sens et avis parquoy<br />
le roy Charles fust remariez, et le fu a la fille l’empereur Henry de Lucembourt et suer au<br />
gentil roy de Behaingne, et parquoy le premier mariage fu deffait et anulle de celle dame<br />
qui en prison estoit et tout par la declaration du pappe, nostre saint pere, qui adont estoit.<br />
De celle seconde dame de Lucembourc, qui estoit moult humble et moult preudefemme, ot<br />
le roy .i. filz qui mouru moult joenne, et assez tost apres la mere trespassa aussi a Ysodon<br />
en Berry et moururent tous deux assez souspeconneusement, dequoy aucunes gens furent<br />
encoulpes par derriere couvertrement. Apres ce roy Charles fu remariez tierce fois a la fille<br />
de son oncle de remariage, la fille de monseigneur Loys conte d’Evreux, la royne Jehanne et<br />
suer du roy de Navarre qui adont estoit. Apres avint que celle dame fu encainte et le dit roy<br />
son mary s’acoucha malade au lit de la mort. Quant il apparcut que mourir le couvenoit, il<br />
devisa que s’il avenoit que la royne se acoucast d’un filz, il vouloit que mesire Phelippe de<br />
Valois son cousin en fust mainbour et regent de tout son royaume, jusque adont que son filz<br />
seroit en aage d’estre roy. Et s’il avenoit que ce fust une fille, que les .xii. pers et les hauls<br />
barons de France eussent conseil et avis entre eulx de ordonner, et donnassent le royaume<br />
a cellui qui avoir le devroit par droit. Sur ce le roy Charles ala morir environ Pasques, l’an<br />
de grace nostre seigneur 1328. Ne demoura mie granment apres ce que la royne Jehanne<br />
acoucha d’une fille, dequoy le plus du royaume en furent durement courroucies et troublez.<br />
Quant les .xii. pers et les barons de France scorent ce ilz se assemblerent a Paris au plus tost<br />
qu’ilz porent et donnerent le royaume de commun accord a monseigneur Phelippe de Valois,<br />
filz jadis au conte de Valois. Et en osterent la royne d’Engleterre et le roy son filz qui estoit<br />
[f16r] demouree suer germaine au roy Charles derreinerement trespassez par la raison de ce<br />
qu’ilz dient que le royaume de France est de si grant noblesce qu’il ne doit mie par succession<br />
aler a femelle, ainsi que vous avez oy ca devant au commencement de ce livre. Et firent cellui<br />
monseigneur Phelippe couronner a Rains, l’an 1328, le jour de la Trinite. Dont apres grant<br />
guerre et grant desolation avint ou royaume de France et en pluseurs pays, si comme vous<br />
pourrez oyr en ceste histoire. Assez tost apres ce que le roy Phelippe fu couronne, il vint<br />
a grant ost a la ville de Cassel contre les Flamens, qui la estoient assemblez, cestassavoir<br />
ceulx de Bruges, d’Ipre et du Franc, qui ne voloient obeir au conte de Flandres qui ne se
30 (f16 v ) Comment le roy Edouart fist mettre a mort le conte de Kent...<br />
povoit tenir ou pays fors seulement a Gand, si avoient cappitaine un homme moult hardy<br />
nomme Colin Dannekins.<br />
La bataille de Cassel en Flandres.<br />
C ilz se partirent un jour sus l’eure du souper de Cassel en entention que pour desconfire<br />
le roy et tout son ost, et s’en vindrent tout paisiblement, sans point de noise, ordonnez en<br />
trois batailles desquelles l’une s’en ala droit aux tentes du roy et orent pres le roy souspris<br />
qui seoit au souper et toutes ses gens. L’autre bataille s’en ala droit aux tentes du roy de<br />
Bahaigne et l’orent pres trouve en tel point. Et la tierce bataille s’en ala droitement aux<br />
tentes du conte de Hainau et l’orent aussi pres souspris et le hasterent si que a grant paine<br />
porent ses gens estre armes, ne les gens monseigneur de Biaumont son frere. Et vindrent<br />
toutes ces trois batailles si paisiblement jusques aux tentes que a grant meschief furent les<br />
seigneurs armez ne leurs gens assemblez. Et en eussent tous les seigneurs et leurs gens este<br />
mors se Dieux [f16v] ne les eust ainsi que par droit miracle secouru et aidie, mais par la<br />
grace de Dieu chascun de ces seigneurs desconfist sa bataille si entierement et tous a une<br />
heure et en .i. point que onques de tous ces 16000 Flamens n’en eschappa 1000 et fu leur<br />
cappitaine mort. Et si ne scot onques nul de ces seigneurs nouvelles, l’un de l’autre, jusques<br />
adont qu’ilz orent tout fait. Et onques de 15000 Flamens qui mors y demourerent, n’en<br />
recula un seul que tous ne fussent mors et tuez en trois monciaux l’un sur l’autre, sans yssir<br />
de la place la ou chascune bataille commenca, qui fu l’an de grace 1328 le jour de Saint<br />
Bertelemy. Adont apres ceste desconfiture vindrent les Flamens a Cassel et y mistrent les<br />
banieres de France et se rendy la ville au roy, et puis Popringhe et puis Ypre et tous ceulz<br />
de la chastelerie de Bergues, et ceulz de Bruges ensivant. Et receurent le conte Loys leur<br />
seigneur adont amiablement et paisiblement, et lui jurerent foy et loyaute a tousjours mais.<br />
Q uant le roy Phelippe de France ot remis le conte de Flandres en son pays et que<br />
tous lui orent jure feaute et hommage, il departy ses gens et retourna chascun en son lieu<br />
et il meismes s’en vint en France et sejourner a Paris et la environ. Si fu durement prisies<br />
et honnorez de celle emprise qu’il avoit faite sur les Flamens et du service aussi du conte<br />
Loys son cousin. Si demora en grant prosperite et en grant honneur et acrut grandement<br />
l’estat royal. Et n’y avoit onques mais eu en France roy, sicomme on disoit, qui eust tenu<br />
l’estat pareil au roy Phelippe. Et faisoit faire tournois, joustes et esbatemens moult et a<br />
grant plente. Or nous tairons un petit de lui et parlerons des ordonnances d’Engleterre et<br />
du gouvernement du roy.<br />
Comment le roy Edouart fist mettre a mort le conte de Kent et le seigneur de<br />
Mortemer.<br />
L e joenne roy d’Engleterre se gouverna un grant temps, sicomme vous avez oy cy<br />
dessoubz, par le conseil de ma dame sa mere, du conte de Kent son oncle et de monseigneur<br />
Rogier de Mortemer. Au derrain, envie commenca a naistre entre le conte de Kent dessus dit<br />
et le seigneur de Mortemer. Et monta puis l’envie si haut que le sire de Mortemer enforma<br />
et enorta tant le joenne roy par le [f16v] consentement de ma dame sa mere. Et lui firent<br />
entendant que le conte de Kent le vouloit emprisonner et le feroit mourir temprement, s’il<br />
ne s’en gardoit, pour avoir son royaume comme le plus prochain apres lui par succession,<br />
car le joenne frere du roy, que on clamoit mesire Jehan de Heltem, estoit nouvellement<br />
trespasse. Le joenne roy, qui creoit legierement ce dont on l’enformoit, ainsi que joennes<br />
seigneurs telz a on souvent veuz qui creoient legierement ce dont ceulz qui les devoient<br />
conseillier les enformoient et plus tost en mal que en bien, fist assez tost apres ce son dit<br />
oncle le conte de Kent prendre et le fist decoler publiquement. Onques il n’en pot venir a<br />
escusance, dequoy tous ceulz du pays, grans et petiz, nobles et nonnobles furent durement<br />
troublez et courroucies et orent depuis ce durement contre cuer le seigneur de Mortemer, et<br />
bien pensoient que par son conseil et pourchas, et par faulse envie, avoit este ainsi traitie<br />
le gentil conte de Kent qu’ilz tenoient pour preudomme et pour loyal. Ne onques apres le
(f17 r ) Comment le roy Edouart fist mettre a mort le conte de Kent... 31<br />
sire de Mortemer ne fu tant aimez comme il avoit este devant. Ne demoura gueres puis que<br />
grant diffame yssi hors sus la mere du roy d’Engleterre, ne scay mie se voirs estoit qu’elle<br />
estoit encainte, et en encouppoit on plus de ce fait le seigneur de Mortemer que nul autre.<br />
Si commenca durement ceste esclandre a multiplier, tant que le joenne roy en fu enformez<br />
souffisant, et avec tout ce il fu enforme que par faulce envie du seigneur de Mortemer, fait<br />
plus par traison que par raison. Il avoit fait mettre a mort son chier oncle le conte de Kent<br />
que tous ceulz du pays tenoient et avoient toudiz tenu pour preudomme et pour loyal. Dont<br />
se le joenne roy fu triste et courroucie, ce ne fait mie a demander. Si fist tantost prendre<br />
le seigneur de Mortemer et le fist amener a Londres par devant grant foison des barons et<br />
nobles de son royaume et fist compter par .i. sien chevalier tous les fais du seigneur de<br />
Mortemer ainsi que escrips et registrez les avoit. Et quant ilz furent tous dit et compte, le<br />
dit roy d’Engleterre demanda a tous par maniere de conseil et de jugement quelle chose en<br />
estoit bon a faire. Le jugement [f17r] en fu tantost rendu, car chascun en estoit ja par fame<br />
et par juste information tous avisez et enformez. Si en respondirent au roy et distrent qu’il<br />
devoit mourir en telle maniere comme mesire Hue le Despensier avoit fait et este justicies.<br />
A ce jugement n’ot nulle dilation de souffrance ne de mercy. Et fu tantost parmy la cite<br />
de Londres sur un bahut et puis lie sus une eschielle enmy la place et puis le vit couppe a<br />
toutes les coiulles et gette en un feu qui la estoit. Et puis lui fu le ventre ouvert et le cuer<br />
trait hors pour tant qu’il en avoit fait et pense la traison et gettez ou dit feu et ainsi toute<br />
sa coraille, et puis fu escartele et envoie par les quatre maistres citez en Engleterre, et la<br />
teste demora a Londres. Ainsi fina le dit mesire Rogier de Mortemer, Dieux lui pardoint ses<br />
meffais.<br />
Tantost apres ceste justice faite, le roy d’Engleterre par le conseil de ses hommes fist<br />
madame sa mere enfermer en un bel chastel et lui bailla dames et chamberieres et toutes<br />
gens assez pour lui garder et servir et faire compaignie et chevaliers et escuiers d’onneur,<br />
ainsi comme a sy haute dame comme elle estoit appartenoit. Et lui assigna et delivra grant<br />
terre et belle revenue pour lui souffisaument gouverner selon son noble estat, tout le cours<br />
de sa vie, et la dicte revenue au plus pres de celui chastel qu’il pot par raison. Mais il ne<br />
voult mie souffrir ne consentir qu’elle alast hors ne se moustrast nulle part fors en aucuns<br />
esbas qui estoient devant la porte du chastel et qui respondoient a la maison. Si usa la dicte<br />
dame la sa vie depuis assez bellement, et la venoit veoir .ii. ou .iii. fois l’an le joenne roy<br />
Edouart son filz. Nous nous souffrerons a parler de la dame et parlerons du dit roy son filz<br />
et comment il parsevera en sa seignorie.<br />
De l’ommage que le roy Edouart d’Engleterre fist au roy de France Phelippe<br />
son cousin.<br />
A pres ce que ce roy Edouart, qui estoit en son joenne aage, ot fait ces deux grandes<br />
justices, sicomme vous avez oy cy dessus compter, il prist nouvel conseil des plus sages et des<br />
mieux creuz de tout son royaume et se gouverna moult bellement et maintint son royaume<br />
en paix par le bon conseil quil avoit delez lui. Or avint que environ un an apres que le<br />
roy Phelippe de Valois ot este courronnez a [f17r] roy de France et que tous les barons et<br />
les tenans du dit royaume lui orent fait feaulte et hommage, excepte le joenne roy Edouart<br />
d’Engleterre qui encore n’estoit trait avant et aussi il n’avoit point este mande, si fu le<br />
roy de France conseillie et enforme qu’il mandast le dit roy d’Engleterre qu’il venist faire<br />
hommage et feaulte, ainsi comme il appartenoit. Adont en furent pries d’aler en Engleterre<br />
faire ce message et sommer le dit roy, le seigneur d’Aubcegni et le sire de Biausaut et .ii.<br />
clers en droit, maistres en parlement a Paris, que on appelloit pour ce temps maistre Simon<br />
d’Orleans et maistre Pierre de Maisieres. Ces .iv., au commandement et ordonnance du<br />
roy, se partirent de Paris bien est<strong>of</strong>feement et chiminerent tant par leurs journees qu’ilz<br />
vindrent a Wisant. La monterent ilz en mer et furent tantost oultre et arriverent a Douvres<br />
et sejournerent la .i. jour pour attendre leurs chevaux et leur harnois que on mist hors des<br />
vaisseaux. Quant ilz furent tout prest, ilz monterent sur leurs chevaux et exploitierent tant<br />
par leurs journees qu’ilz vindrent a Windesore ou le roy d’Engleterre et la joenne royne sa
32 (f17 v ) L’an 1329 environ la my aoust, le roy d’Engleterre passa ...<br />
femme se tenoient. Les .iv. dessus nommez firent assavoir au roy pourquoy ilz estoient la<br />
venuz et aussi de qui ilz se rendoient. Le roy d’Engleterre, pour l’onneur du roy de France,<br />
son cousin, les fist venir avant et les recut moult honnorablement, et aussi fist madame la<br />
royne sa femme, ainsi que bien le savoient faire. En apres ilz compterent leurs message, si<br />
furent voulentiers oys. Et respondy adont le roy qu’il n’avoit mie conseil d’aler, mais il le<br />
manderoit, si se retraissent en la cite de Londres et la ilz en seroient respondu tellement que<br />
bien deveroit soufire. Sus ceste parole, quant ilz orent disne en la chambre du dit roy et de<br />
la royne moult aise, ilz s’en partirent et vindrent ce soir gesir a Colebruch et l’endemain a<br />
Londres. Ne demoura gueres depuis que le roy d’Engleterre vint a Londres en son palais a<br />
Westmoustier et la ot il sus .i. jour qu’il y ordonna son conseil assemble. Present qui, les<br />
messages du roy Phelippe de France furent appellez et la remoustrerent [f17v] ilz pourquoy<br />
ilz estoient la venuz et les lettres qui leur avoient este bailliees du roy leur seigneur. Quant<br />
ilz orent parle bien et a point ilz vuidierent hors de la chambre. Et lors demanda le dit<br />
roy a avoir conseil sus ceste requeste. Il me semble que le roy fu adont si conseillie de<br />
respondre voirement par l’ordonnance et stille de ses predecesseurs roys d’Engleterre et duc<br />
d’Acquitaine, il en devoit foy et hommage et loyaute faire au roy de France, ne du contraire<br />
on ne l’oseroit ne voudroit point conseillier. Ces propos et consauls furent arrestez et les<br />
messages du roy de France appellez, si vindrent de rechief en la chambre du conseil. La parla<br />
l’evesque de Londres pour le roy d’Engleterre et dist, “Seigneurs, qui cy estes envoiez de par<br />
le roy de France, vous estes le bienvenus. Nous avons oyes voz parolles et leues voz lettres, et<br />
bien examinees a nostre povoir et conseillie. Si vous disons que nous conseillons monseigneur<br />
qui cy est qu’il voise en France veoir le dit roy, son cousin, qui moult amiablement le mande,<br />
et du surplus de foy et d’ommage il s’acquitte et face son devoir, car voirement y est il<br />
tenuz. Si vous retrairez en France et direz au roy vostre seigneur que nostre seigneur le roy<br />
d’Engleterre passera pardela temprement et fera tout ce qu’il devra faire sans nul estrif.”<br />
Ceste responce plot grandement bien aux messages du roy de France, si prindrent congie<br />
au roy et a tout son conseil, mais aincois il leur couvint disner ou palais de Westmoustier,<br />
et les festoia la le dit roy moult grandement, et leur donna au departir pour l’onneur et<br />
amour du roy de France, son cousin, grans dons et beaux joiaux. Depuis ce fait, ilz ne<br />
sejournerent guerres de temps a Londres et s’en partirent et exploitierent tant par leurs<br />
journees qu’ilz revindrent en France et droitement a Paris ou ilz trouverent le roy Phelippe<br />
a qui ilz compterent toutes les nouvelles et comment ilz avoient exploitie et en quel estat ilz<br />
estoient partiz du roy d’Engleterre, et aussi com grandement et honnorablement il les avoit<br />
receuz, et a leur departement et congie prendre donner de ses biens. Et [f17v] de toutes<br />
ces choses et explois se contenta grandement le roy Phelippe et dist que moult voulentiers il<br />
verroit le roy Edouart d’Engleterre, car onques il ne l’avoit veu. Ces nouvelles s’espandirent<br />
parmi le royaume de France que le roy d’Engleterre devoit venir en France et faire hommage<br />
au dit roy. Si se ordonnerent et appareillierent moult richement et tres puissaument ducs<br />
et contes de son sang qui le desiroient a veoir, et proprement le roy de France en escript au<br />
roy Charles de Bahaingne son cousin et au roy de Navarre et leur signifia le certain jour que<br />
le roy d’Engleterre devoit estre devers lui et leur pria qu’ilz y voulsisent estre. Ces .ii. roys,<br />
ou cas que priez en estoient, ne l’eussent jamais laissie, et se ordonnerent au plus tost qu’ilz<br />
porent et vindrent en France en grant arroy devers le roy de France. Si fu lors conseillie au<br />
roy de France qu’il recueilliroit le dit roy d’Engleterre son cousin en la bonne cite d’Amiens.<br />
Si fist la faire ses pourveances grandes et grosses, et administrer salles, chambres, hostels et<br />
chambres pour recevoir lui et toutes ses gens ou il se comptoit parmy le roy de Bahaingne<br />
et le roy de Navarre qui estoient de sa delivrance et le duc de Lorraine et le duc de Bourgoingne<br />
et le duc de Bourbon et monseigneur Robert d’Artois a plus de 3000 chevaux, et<br />
le roy d’Engleterre qui y devoit venir a 600 chevaux. Il avoit adont et a encores a Amiens,<br />
bien cite pour recevoir aisiement autant de princes et leurs gens et plus encore.<br />
L’an 1329 environ la my aoust, le roy d’Engleterre passa mer et vint en France.<br />
L e joenne roy d’Engleterre ne mist mie en oubli le voiage qu’il devoit faire ou royaume
(f18 r ) L’an 1329 environ la my aoust, le roy d’Engleterre passa ... 33<br />
de France, si se appareilla bien et souffisamment ainsi que a lui appartenoit et a son estat.<br />
Si se party d’Engleterre quant jour fu du partir, en sa compaignie avoit .ii. evesques,<br />
cestui de Londres et .iv. contes, monseigneur Henry conte Derbi, son cousin germain, filz<br />
monseigneur Thomas de Lencastre au tort col, son oncle le conte de Salebrin, le conte de<br />
Warvich, le conte de Herfort, .vi. barons monseigneur Regnaut de Gobehen, monseigneur<br />
Thomas Wage, mareschal d’Engleterre, monseigneur Richart de Stanfort et le seigneur de<br />
Persi, le [f18r] sire de Mainie et le sire de Montbray et plus de 40 autres chevaliers. Si<br />
estoient en la route et a la delivrance du roy d’Engleterre plus de 1000 chevaux et mistrent<br />
.ii. jours a passer entre Douvres et Wisan. Quant ilz furent tout oultre et leurs chevaux<br />
trais hors des nefs et des vaisseaux, le roy monta acompaignie ainsi que je vous ay dit et<br />
chevauca tant qu’il vint a Bouloingne et la fu il .i. jour. Tantost nouvelles vindrent au roy<br />
de France et aux seigneurs de France qui estoient ja a Amiens que le roy d’Engleterre estoit<br />
arrive et venu a Bouloingne. De ces nouvelles ot le roy Phelippe grant joie et envoia tantost<br />
son connestable et grant foison de chevaliers devers le roy d’Engleterre qu’ilz trouverent<br />
a Monstruel sur mer, et la ot grans; recongnoissances et apparchemens d’amour. Depuis<br />
chevauca le joenne roy en la compaignie du connestable de France et fist tant a toute sa<br />
route qu’il vint en la cite d’Amiens ou le roy Phelippe estoit tout appareillie et pourveu de<br />
lui recevoir, le roy de Bahaingne, le roy de Navarre et le roy de Mayogres delez lui, et si grant<br />
foison de ducs, de contes et de barons que merveilles seroit a penser. Car la estoient tous<br />
les .xii. pers de France pour le roy d’Engleterre festoier et aussi pour estre personnelment<br />
et faire tesmoing a son hommage. Si le roy Phelippe de France recut honnorablement et<br />
grandement le joenne roy Edouart d’Engleterre son cousin, ce ne fait mie a demander, et<br />
aussi firent tous les roys, les ducs, les contes qui la estoient, et furent tous ces seigneurs<br />
adont en la cite d’Amiens jusque a .xv. jours. La en dedens ot mainte parole et ordonnance<br />
faite et devisee. Et me semble que le roy Edouart fist adont hommage de bouche et de parole<br />
tant seulement, sans les mains mettre entre les mains du roy de France ou aucuns princes ou<br />
prelas de par lui deputez. Et n’en voult adont le dit roy d’Engleterre par le conseil qu’il ot<br />
du dit hommage proceder plus avant, si seroit retourne en Engleterre et aroit veuz, leuz et<br />
examinez les privileges de jadis qui devoient esclarcir le dit hommage et moustrer comment<br />
et dequoy le roy d’Engleterre devoit estre homs au roy de France. Le roy de France qui<br />
veoit le roy d’Engleterre son cousin joenne, entendy bien toutes ces [f18r] paroles et ne le<br />
voult adont de riens presser, car il savoit bien que bien y recouvreroit quant il vouldroit, et<br />
lui dist, “Mon cousin, nous ne vous voulons pas decevoir, et nous plaist bien ce que vous en<br />
avez fait a present, jusques a tant que vous serez retournez en vostre pays et que vous sarez<br />
par les seellez de vos predecesseurs quelle chose vous en devez faire.” Le roy d’Engleterre et<br />
ses consauls respondirent, “Chier sire, grans merciz.”<br />
Depuis se joua, esbati et demoura le roy d’Engleterre avec le roy de France en la cite<br />
d’Amiens. Et quant tant y ot este que bien dut par raison souffire, il prist congie et se<br />
departy du roy moult amiablement et de tous les autres princes qui la estoient, et se mist<br />
au retour pour revenir en Engleterre, et repassa la mer et fist tant par ses journees qu’il<br />
vint a Windesore, la ou il trouva la royne Phelippe sa femme qui le recut liement et lui<br />
demanda nouvelles du roy Phelippe son oncle et de son grant linage de France. Le roy son<br />
mary l’en recorda assez et du grant estat qu’il avoit trouve, et comment on l’avoit recueillie<br />
et festoie grandement, et des honneurs qui estoient en France. Ausquelles du faire ne de<br />
l’entreprendre a faire nulz autres pays ne s’appartient.<br />
N e demoura gueres de temps puissedy que le roy de France envoia en Engleterre de<br />
son plus especial conseil l’evesque de Chartres et l’evesque de Biauvais et aussi monseigneur<br />
Loys de Clermont, duc de Bourbon, le conte de Harecourt et le conte de Tancarville et<br />
des autres chevaliers et clers en droit pour estre aux consauls du roy d’Engleterre qui se<br />
tenoient a Londres sus l’estat que vous avez oy, ainsi que le roy d’Engleterre, lui revenu en<br />
son pays, devoit regarder comment anciennement ses predecesseurs de ce qu’ilz tenoient en<br />
Acquitaine et dont ilz s’estoient appellez ducs et en avoient fait hommage. Car ja murmurerent<br />
les pluseurs en Engleterre que leur sire estoit plus prouchain de l’eritage de France<br />
que le roy Phelippe. Neantmoins le roy d’Engleterre et ses consauls ignoroient tout ce,
34 (f18 v ) le roy d’Engleterre par l’avis de ses previleges, ausquelx...<br />
mais grant parlement et assemblees furent sus le dit hommage en celle saison en Engleterre,<br />
et y sejournerent les dessus dis envoiez du roy de France tout l’iver et jusques ou mois de<br />
may ensuiant qu’ilz ne povoient avoir nulle [f18v] diffinitive responce. Touteffois finablement<br />
le roy d’Engleterre par l’avis de ses previleges, ausquelx il adjoustoit grant<br />
foy, fu conseillie d’escripre ainsi lettres patentes, scellees de son grant seel,<br />
recongnoissant l’ommaige tel comme il le doit et devoit adont.<br />
“Edouart, par la grace de Dieu roy d’Engleterre, seigneur d’Irlande et duc d’Acquitaine.<br />
A tous ceulz qui ces presentes lettres verront ou orront, salut. Savoir faisons comme nous<br />
feissons a Amiens hommage a excellent prince nostre treschier seigneur et cousin Phelippe<br />
roy de France. Lors nous fu dit et requis de par lui que nous recongnoissions le dit hommage<br />
estre lige, et que nous en faisant le dit hommage lui promeissions expressement foy et<br />
loiaute porter. Laquelle chose nous ne feismes pas lors, pour ce que nous estions enformez<br />
que point ne se devoit ainsi faire. Et feismes au dit roy de France hommage par paroles generales<br />
en disant que nous enterions en son hommage par ainsi comme noz predecesseurs ducs<br />
de Guyenne estoient au temps de jadis entrez en hommage des roy de France qui avoient<br />
este pour le temps. Et depuis en ca nous soions bien enfourmez et acertenez de la verite,<br />
recongnoissons par ces presentes lettres que le dit hommage que nous feismes a Amiens au<br />
roy de France comment que nous par paroles generales fu est et doit estre entendu lige et<br />
que nous lui devons foy et loyaute porter comme duc d’Acquitaine et per de France et conte<br />
de Pontieu et de Monstruel. Et lui promettons doresenavant foy et loyaute porter. Et pour<br />
ce que ou temps avenir de ce ne soit jamais descort ne question a faire le dit hommage, nous<br />
promettons en bonne foy pour nous et noz successeurs ducs d’Acquitaine qui seront pour<br />
le temps. Le dit hommage se fera en ceste maniere. Le roy d’Engleterre, duc de Guienne,<br />
tenra ses mains du roy de France. Et cil qui adrecera les paroles au roy d’Engleterre, duc<br />
d’Acquitaine, et qui parlera pour le roy de France dira ainsi: Vous devenez homme lige<br />
au roy de France, monseigneur qui cy est, comme duc de Guienne et per de France, et lui<br />
promettez foy et loyaute porter. Dittes “voire” “Voire”. Et le dit roy d’Engleterre, duc de<br />
Guienne, et ses successeurs diront “Voire”. Et lors le [f18v] roy de France recevra le dit<br />
roy d’Engleterre et duc de Guienne au dit hommage lige a la foy et a la bouche, sauf son<br />
droit et l’autrui. De rechief quant le dit roy et duc entrera en hommage du roy de France<br />
et de sus successeurs roys de France pour la conte de Pontieu et de Monstruel, il mettra ses<br />
mains entre les mains du roy de France. Et cil qui parlera pour le roy de France adrecera<br />
ses paroles au dit roy et duc et dira ainsi:“Vous devenez homme lige au roy de France,<br />
monseigneur qui cy est, comme conte de Pontieu et de Monstruel, et lui promettez foy et<br />
loyaute porter. Dittes “voire”. Et le dit roy duc et conte de Pontieu dira: “Voire”. Et lors<br />
le dit roy de France recevra le dit roy et conte au dit hommage lige a la foy et a la bouche,<br />
sauf son droit et l’autrui. Et aussi sera fait et renouvelle toutefois que l’ommage se fera<br />
de ce baillerons et nos successeurs ducs de Guienne fais les dis hommages lettres patentes<br />
seellees de noz grans seaulx, se le roy de France le requiert. Et avec ce nous promettons<br />
en bonne foy tenir et garder affectueusement les paix et accors fais entre les roys de France<br />
et les dis roys d’Engleterre ducs de Guienne et leurs predecesseurs roys de France et ducs<br />
de Guienne. Et en ceste maniere sera fait et seront renouvellees les dictes lettres par les<br />
dis roys et ducs et leurs successeurs ducs de Guienne et contes de Pontieu et de Monstruel<br />
toutes les fois que le roy d’Engleterre, duc de Guienne et ses successeurs ducs de Guienne et<br />
contes de Pontieu et de Monstruel qui seront pour le temps entreront en l’ommage du roy<br />
de France et des sucesseurs roys de France. En tesmoing desquelles choses a cestes nostres<br />
lettres ouvertes avons fait mettre nostre grant seel, donnes a Eltem, le 30 jour du mois de<br />
mars, L’an de grace 1330.” Ces lettres rapporterent en France les dessus dis seigneurs et<br />
ilz orent congie du roy et les baillierent au roy de France qui tantost les fist porter a sa<br />
chancelerie et mettre en garde avec ses plus especiaulx choses a la cautelle du temps avenir.<br />
Comment messire Robert d’Artois guerpi le royaume de France.
(f18 v ) Comment messire Robert d’Artois guerpi le royaume de France.... 35<br />
[f19r] De messire Robert d’Artois.<br />
L ’omme du monde qui plus aida le roy Phelippe a parvenir a la couronne de France<br />
et a l’eritage ce fu mesire Robert d’Artois, qui estoit l’un des plus hauls barons de France<br />
et le mieulx enlinagies et extrais des royaux, et avoit a femme la suer germaine du dit roy<br />
Phelippe et avoit toudis este son plus especial compaignon et amy en tous estas, et fu bien<br />
l’espace de .iii. ans que en France estoit par lui tout fait et sans lui n’estoit riens fait. Apres<br />
avint que le roy Phelippe emprist et acueilla ce monseigneur Robert d’Artois en si grant<br />
hayne pour l’achoison d’un plait qui esmeu estoit devant lui, dont la conte d’Artois estoit<br />
cause que le dit mesire Robert vouloit avoir gaingnie par la vertu d’une lettre que mesire<br />
Robert mist avant qui n’estoit mie bien vraye, sicomme on dist, que se le dit roy l’eust tenu<br />
en son hair, il l’eust fait mourir sans nul remede. Et comme le dit mesire Robert fust le plus<br />
prouchain de lignage a tous les hauls barons de France et serourge au dit roy, si lui couvint<br />
il vuidier France et venir a Namur delez le joenne conte Jehan son nepueu et son frere qui<br />
estoient enfans de sa suer. Quant il fu party de France et le roy vit qu’il ne le pourroit tenir,<br />
pour mieux moustrer que la besoigne lui touchoit, il fist prendre sa suer qui estoit femme<br />
au dit monseigneur Robert et ses .ii. filz ses nepveus Jehan et Charles, si les fist mettre<br />
en prison bien estroitement et jura que jamais n’en ystroient tant qu’il vivroit, et bien tint<br />
son serement car onques puis pour personne qui en parlast ilz n’en vuidierent, dont il en fu<br />
depuis moult blasmez en derriere.<br />
Quant le dit roy de France scot de certain et fu enformez que messire Robert d’Artois<br />
estoit arrestez delez sa suer et ses nepveus, il en fu moult courroucie et envoia chaudement<br />
devers l’evesque Raoul de Liege en priant qu’il deffiast et guerroiast le conte de Namur s’il<br />
ne mettoit mesire Robert d’Artois ensus de lui. Cel evesque, qui moult amoit le roy de<br />
France et qui petit doubtoit ses voisines, manda au joenne conte de Namur qu’il meist son<br />
oncle mesire Robert d’Artois hors [f19r] de son pays et de sa terre. Autrement il lui feroit<br />
guerre. Le conte de Namur fu si conseillie qu’il mist hors de sa terre son oncle, ce fu moult<br />
a enviz mais faire lui couvenoit ou pis attendre. Quant mesire Robert se vit en ce party,<br />
si fu moult angoisseux de cuer et s’avisa qu’il yroit en Braibant pour tant que le duc son<br />
cousin estoit si puissant que bien le soustenroit. Si vint devers le duc son cousin qui le recut<br />
moult liement et le reconforta assez de ses destourbiers. Le roy le scot, s’y envoia tantost<br />
messages au duc et lui manda que s’il soustenoit ou souffroit a demourer ne a repairier en<br />
sa terre, il n’aroit pieur ennemi de lui, et le greveroit en toutes les guises qu’il pourroit. Le<br />
dit duc ne le voult ou n’osa plus soustenir ouvertement en son povoir, pour doubtance que<br />
de acquerre la hayne du dit roy de France. Ains l’envoia couvertement tenir en Argentueil<br />
jusques atant que on verroit comment le roy s’en maintenroit. Le roy le scot qui par tout<br />
ot ses espies, et en ot grant despit, si pourchaca tant et en moult brief temps apres par son<br />
or et par son argent, que le roy de Behaigne qui estoit sousin germain au dit duc, l’evesque<br />
de Liege, l’arcevesque de Couloigne, le duc de Guerles, le marquiz de Julliers, le conte de<br />
Bar, le conte de Los, le sire de Fauquemont et pluseurs autres seigneurs, furent tous aliez<br />
encontre le dit duc et le deffierent tous au pourchas et requeste du dit roy. Et entrerent<br />
tantost en son pays parmy Esbaing et en alerent droit a Hanut et ardirent a leur voulente<br />
par .ii. fois demourans ou pays tant que bon leur sembla, et envoia avec eulx le dit roy le<br />
conte d’Eu, son connestable, a tout grant compaignie de gens d’armes pour mieux moustrer<br />
que la besoingne estoit sienne et faite a son pourchas. Si aloient tout ardant le pays du<br />
duc. Si en couvint le conte Guilleaume de Hainau ensonnier et envoia madame sa femme,<br />
suer au roy Phelippe, et le seigneur de Biaumont son frere en France pardevers le dit roy<br />
pour empetrer une souffrance et une treve de lui d’une part et du duc de Breban d’autre.<br />
Trop a envis et a dur y descendy [f19v] le roy de France, tant avoit il pris la chose en grant<br />
despit. Touteffois a la priere du conte de Hainau son serourge le roy s’umelia et donna et<br />
accorda treves au duc de Braibant, parmy tant que le duc se meist du tout ou dit et en<br />
l’ordonnance du propre roy de France et de son conseil de tout ce qu’il avoit a faire au roy<br />
et a chascun de ces seigneurs qui deffie l’avoient. Et devoit mettre, dedens .i. certain jour
36 (f20 r ) Or revenray aux dessus dis parlemens qui furent a Londres ...<br />
qui nommez y estoit, mesire Robert d’Artois hors de sa terre et de son povoir, sicomme il<br />
fist moult a enviz. Mais faire lui couvenoit ou autrement il eust eu trop forte guerre de tous<br />
costez, sicomme il estoit apparant. Si que endementiers que ce touillement et ces besoingnes<br />
se portoient, ainsi que vous oez recorder.<br />
Le roy d’Engleterre eut nouvelle conseil de guerroier le roy d’Escoce. Si vous<br />
diray a quel title.<br />
T ous avez bien oy recorder cy dessus de la guerre Robert, le roy d’Escoce et du roy<br />
d’Engleterre, et comment unes treves furent prises a durer .iii. ans. La en dedens ce roy<br />
Robert mourut. En apres du mariage qui fu fait de la suer au roy englois et du filz ce Robert<br />
qui fu roy d’Escoce apres la mort de son pere et le clamoit on le roy David. Le temps que<br />
ces treves durerent et encore .i. an apres ou environ furent les Englois et les Escos bien a<br />
paix, ce que on n’avoit point veu en devant, passe avoit 200 ans qu’ilz ne fussent guerroie et<br />
herrie. Or avint que le joenne roy d’Engleterre fu enforme que le roy d’Escoce son serourge<br />
estoit saisi de Bervich, qui devoit estre de son royaume, et que le roy Edouart son taion<br />
l’avoit tousjours tenue paisiblement et franchement, et son pere apres un grant temps. Et<br />
fu informe que le royaume d’Escoce mouvoit de lui en fief et que le joenne roy d’Escoce<br />
son serourge ne l’avoit encore releve ne fait son hommage. Il en ot indignation, et envoia<br />
assez tost apres grans messages et souffisans au joenne roy David d’Escoce son serourge et<br />
a son conseil, et lui fist requerre qu’il voulsist oster sa main de la bonne cite de Bervich et<br />
lui resaisir, car c’estoit son bon heritage et avoit [f19v] tousjours este a ses ancesseurs roys<br />
d’Engleterre, et qu’il venist a lui faire hommage du royaume d’Escoce qu’il devoit tenir de<br />
lui en fief.<br />
Le joenne roy David se conseilla a ses barons et a ceulx de son pays a grant deliberation.<br />
Et quant il fu assez conseillie sur ses requestes, il respondu aux messages et dist, “Seigneurs,<br />
je et tous mes barons nous merveillons durement de ce que vous nous requerez de par le<br />
roy nostre serourge. Car nous ne trouvons mie a noz anciens, ne ne tenons, que le royaume<br />
d’Escoce soit de riens tenu, ne subgiez, ne doit estre au roy d’Engleterre, ne par hommage ne<br />
autrement, ne onque mesire le roy nostre pere de bonne memoire ne voult faire hommage a<br />
ses ancesseurs roys d’Engleterre pour guerre que on l’en lui feist. Aussi n’ay je point conseil<br />
ne voulente du faire. En apres nostre pere le roy Robert conquist la cite de Bervich par<br />
droite guerre sur le roy son pere et l’obtint tout le cours de sa vie comme son bon heritage,<br />
et aussi le pense je a faire bien et a tenir, et en feray mon povoir. Si vous requier que vous<br />
veuillies prier au roy qui suer nous avons qu’il nous vueille laissier en telle franchise sicomme<br />
noz devanciers ont este, et joir de ce que le roy nostre pere conquist et maintint toute sa vie<br />
paisiblement, et que encontre ce ne vueille croire nul mauvais conseil. Car se un autre nous<br />
vouloit faire tort, si nous devoit il aidier et defendre pour l’amour de sa suer que nous avons<br />
a femme.” Les messagiers respondirent, “Sire, nous avons bien entendu vostre responce,<br />
si la raporterons a nostre seigneur le roy en telle maniere que dit l’avez.” Puis prindrent<br />
congie et revindrent arriere a leur seigneur le roy d’Engleterre et a son conseil, si recorderent<br />
toutes les paroles que le joenne roy d’Escoce avoit respondu a leur requeste. Lequel raport<br />
ne plut mie bien au roy Edouart ne a son conseil. Ains fist mander a Londres au jour de<br />
parlement tous les barons, chevaliers et consauls des bonnes villes de son royaume pour avoir<br />
sur ce conseil et meure deliberation. [f20r] Ce terme pendant vint mesire Robert d’Artois<br />
en Engleterre en guise de marchant qui estoit dechacie du roy Phelippe de France, sicomme<br />
vous avez oy. Et lui avoit le duc de Braibant, son cousin, conseillie qu’il se traist celle part<br />
ou cas qu’il ne pourroit nulle part demourer en France ne en l’Empire paisiblement. Si le<br />
recut le joenne roy englois liement et le retint voulentiers delez lui et de son conseil et lui<br />
assigna la conte de Richemont qui avoit este ses ancesseurs.<br />
Or revenray aux dessus dis parlemens qui furent a Londres sur l’estat du regne<br />
d’Escoce.
(f20 r ) Or revenray aux dessus dis parlemens qui furent a Londres ... 37<br />
Q uant le jour de parlement approucha que le roy englois avoit establi et tout le pays fu<br />
assemble au mandement du roy a Londres, le roy leur fist demoustrer comment il avoit fait<br />
requerre au roy d’Escoce son serourge, qu’il voulsist oster sa main de Bervich qu’il detenoit<br />
a tort, et qu’il voulsist venir et faire hommage a lui de son royaume d’Escoce, ainsi qu’il<br />
devoit, et comment que le roy d’Escoce avoit respondu a ses messages, si pria a tous que<br />
chascun le voulsist sur ce si conseillier que son honneur y fust garde. Tous les barons, les<br />
chevaliers, les consauls des citez et des bonnes villes et tout le commun pays se conseillierent<br />
et raporterent leur conseil tous d’un acort. Lequel conseil fu tel qu’il leur sembloit que le roy<br />
ne povoit plus porter par honneur les tors que le roy d’Escoce lui faisoit. Ains conseillierent<br />
que le roy se pourchacast et se pourveist si efforciement qu’il peust ravoir la bonne cite de<br />
Bervich, et qu’il peust entrer ou royaume d’Escoce si puissaument qu’il peust si contraindre<br />
le roy d’Escoce, qu’il fust tout joieux quant il pourroit venir a son hommage et a satiffation,<br />
et distrent qu’ilz estoient tous desirans d’aler avec lui a son commandement. Le roy Edouart<br />
fu moult joieux de celle responce, car il veoit la bonne voulente de ses gens, si les en regratia<br />
grandement et leur pria que chascun fust appareillie selon son estat et fussent a un jour<br />
nomme droit a Nuefchastel sur Thin pour aler reconquerre les droituriers appartenans [f20r]<br />
a son royaume d’Engleterre. Chascun s’abandonna a celle requeste et s’en rala en son lieu<br />
pour lui pourveoir selon son estat, et le roy se fist pourveoir et appareillier si souffisaument<br />
que a celle besoingne appartenoit.<br />
Les deffiances que le roy d’Engleterre envoia en Escoce.<br />
L e jour qui denomme estoit aproucha, et vint le roy Edouart a tout son ost a Nuefchastel<br />
sur Thin. Si attendy par .iii. jours ses gens qui venoient en sivant l’ost. Au<br />
quart jour, il s’en parti et s’en ala a tout son ost pardevers Escoce, et passa la terre le<br />
seigneur de Persi et cestui de Neufville qui sont deux grans barons en Northombrelande et<br />
marchissent aux Escos. Et aussi font le sire de Ros, le sire de Lusi et le sire de Montbray.<br />
Si se trait le roy englois a tout son ost pardevers la cite de Bervich. Car le roy d’Escoce<br />
n’avoit voulu autrement respondre aux secons messages qu’il avoit fait aux premiers. Si<br />
estoit somme et deffie. Tant exploita le roy englois a tout son grant ost qu’il entra en Escoce<br />
et passa la riviere qui depart Escoce et Engleterre, et n’ot mie adont conseil de lui<br />
arrester devant Bervich mais de chevaucier avant et ardoir et exillier le pays sicomme son<br />
taion avoit fait jadis. Si exploita tant en ceste chevauciee qu’il foula grandement toute la<br />
plaine Escoce et ardy et exilla moult de villes fermees de fossez et de palis et prist le fort<br />
chastel de Haindebourc et y mist gens et gardiens de par lui. Et passa la seconde riviere<br />
d’Escoce desoubz Struvelin et coururent ses gens tout le pays de la environ jusques a Saint<br />
Jehanston et exillierent la bonne ville de Donfromelin, mais ilz ne firent nul mal a l’abbaie<br />
car le roy le defendy, et conquistrent tout le pays jusques a Dudieu et jusque a Dubetrain,<br />
un treffort chastel sur la marche de la sauvage Escoce ou le roy estoit retrait et la royne<br />
d’Escoce sa femme. Ne nulz n’aloit au devant des Englois, mais s’estoient miz et retrais<br />
tous dedens les forestz de Gedours qui sont inhabitable pour ceulz qui ne congnoissent le<br />
pays, [f20v] et avoient la attrait tout le leur et miz a sauvete, et ne faisoient compte du demourant.<br />
Ce n’estoit mie merveille s’ilz estoient esbahiz et fuioient devant les Englois. Car<br />
ilz n’avoient nul bon cappitaine, ne sage guerroieur sicomme ilz avoient eu ou temps passe.<br />
Premierement le roy David, leur sire, estoit joenne en l’aage de .xv. ou 16 ans, le conte de<br />
Moret encore plus joenne. Et un damoisel qui s’appelloit Guillaume de Douglas, nepveu a<br />
cellui qui estoit demoure en Espaigne de cel aage. Si que le pays et le royaume d’Escoce<br />
estoit tout despourveu de bon conseil pour aler ne resister contre les Englois qui adont<br />
estoient si puissaument entrez en Escoce, pourquoy toute la plaine Escoce fu courue, arse<br />
et gastee et pluseurs bons chasteaux pris et conquiz et que le roy englois retint pour lui et<br />
savisa que par ceulx il guerroieroit le remanant et contraindoit ses ennemiz du leur meismes.<br />
Comment le roy Edouart prist la cite de Bervich
38 (f21 r ) Comment le roy Edouart prist la cite de Bervich<br />
Q uant le roy englois ot este, sejourne, couru et chevaucie la plaine Escoce, et arreste<br />
ou pays le terme de .vi. mois et plus, et il vit que nul ne venroit contre lui pour veer son<br />
emprise, il se retrait tout bellement pardevers Bervich. Mais a son retour, il conquist et<br />
gaigna le chastel de Dalquest qui est de l’eritage du conte de Douglas et siet a .v. lieues<br />
de Haindebourch et y ordonna chastellain et bonnes gardes pour le garder et puis chevauca<br />
a petites journees et fist tant qu’il s’en revint devant la bonne cite de Bervich, qui est a<br />
l’entree d’Escoce et a l’issue du royaume de Northombrelande. Si l’assega et environna le<br />
roy de tous poins et dist que jamais n’en partiroit si l’aroit a sa voulente, non se le roy<br />
d’Escoce ne le venoit combatre lever par force.<br />
Si se tint la le roy un grant temps devant Bervich aincois qu’il le peust avoir, car la cite<br />
estoit durement forte et bien fermee et environnee d’un lez d’un bras de mer, et si y avoit<br />
dedens bonnes gens en garnison de par le roy d’Escoce pour la garder et defendre et conseillier<br />
les bourgois de la cite. Si vous dy qu’il y ot pardevant [f20v] la cite de Bervich, le terme<br />
pendant que le roy y sist maint assaut, maint hustin et mainte dure escarmuche et pres que<br />
tous les jours, et mainte appertise d’armes faite, car ceulz de dedens ne se vouloient mie<br />
rendre simplement, et cuidoient toudiz estre confortez mais nul apparant n’en fu. Bien est<br />
verite que aucuns preux chevaliers et bachelers d’Escoce chevaucoient a la fois et venoient<br />
par vesprees et par adjournemens resveillier l’ost aux Englois, mais petit y faisoient car<br />
l’ost du roi Englois estoit si souffisaument bien garde et par si bonne maniere et si grant<br />
aviz, que les Escos n’y povoient entrer fors a leur dommage, et y pardoient souvent de leurs<br />
gens. Quant ceulz de Bervich virent qu’ilz ne seroient secouruz ne confortez de nul coste,<br />
et aussi que le roy englois ne partiroit point de la, s’il n’en avoit sa voulente, et que vivres<br />
leur amenuisoient et leur estoient clos les pas de mer et de terre, parquoy nul ne leur en<br />
povoit venir, si se commencierent traittier devers le roy englois qu’il leur voulsist donner et<br />
accorder une treve a durer .i. mois. Et se dedens ce mois le roy David leur sire ou autre pour<br />
lui ne venoit la si fort qu’il levast le siege, ilz rendroient la cite, sauves leurs vies et leurs<br />
biens, et que les soudoiers qui dedens estoient s’en povoient aler s’ilz vouloient en leur pays<br />
d’Escoce sans point recevoir de dommage. Le roy englois et ses consauls entendirent a ces<br />
traitties et ne furent point si tost accordez, car le roy englois les vouloit avoir simplement<br />
pour faire des aucuns sa voulente, pour tant qu’ilz s’estoient tant tenuz contre lui, mais<br />
finablement il se laissa a dire par le bon avis et conseil qu’il ot de ses hommes. Et aussi<br />
messire Robert d’Artois y rendy grant paine, qui avoit toudiz este en ces chevauciees avec<br />
lui et qui lui avoit ja dit et moustre par pluseurs cleres voies comme prouchain il estoit<br />
de la couronne de France, dont il se devoit tenir heritier par la succession de monseigneur<br />
Charles, le roy son oncle, derrenierement trespasse. Si veist voulentiers le dit messire Robert<br />
que le roy esmeust guerre aux Francois pour lui contrevengier des despis [f21r] que on lui<br />
avoit fais, et que le roy englois se fust partiz d’Escoce a quelque meschief que ce fust et<br />
retrais vers Londres. Si que ces paroles et pluseurs autres enclinerent grandement le roy a<br />
ce que le traittie de Bervich se passa. Et furent les treves accordees de ceulz de hors a ceulz<br />
dedens, le mois tout acompli. Et le signifierent ceulz de Bervich a ceulz de leur coste bien<br />
et a point au roy d’Escoce leur seigneur et a son conseil, qui ne porent veoir ne ymaginer<br />
voie ne tour qu’ilz fussent fors pour combatre le roy englois, ne lever le siege. Si demoura<br />
la chose en tel estat, et fu la cite de Bervich rendue au chief du mois au roy englois et<br />
aussi le chastel qui est moult bel et moult fort au de hors de la cite, et en pristrent les<br />
mareschaux de l’ost la saisine et la possession de par le roy englois, et vindrent les bourgois<br />
de la cite en l’ost faire hommage et feaulte au dit roy, et jurerent et recongneurent a tenir<br />
la cite de Bervich de lui. Apres y entra le roy a grant solempnite de trompes et de nacaires<br />
et y sejourna depuis .xii. jours, et y establi un chevalier a gardien et a souverain qui se<br />
appelloit Edouart de Bailleul. Et quant il se party de Bervich, il laissa avec le dit chevalier<br />
pluseurs joennes chevaliers et escuiers pour garder la terre conquise sus les Escos et les<br />
frontieres dicellui pays. Si s’en retourna le roy vers Londres et donna a toutes manieres de<br />
gens congie, et s’en rala chascun en son lieu et il meismes s’en revint a Windesore ou le<br />
plus voulentiers se tenoit, et mesire Robert d’Artois delez lui, qui ne cessoit nuit ne jour<br />
de lui remoustrer quel droit il avoit a la couronne de France, et le roy y entendoit voulentiers.
(f21 r ) Des Englois que le roy Edouart establi pour garder Escoce. ... 39<br />
Des Englois que le roy Edouart establi pour garder Escoce.<br />
A insi ala en ce temps de la chevauciee du roy englois sus les Escos, il gasta et exilla<br />
la plus grant partie de leur pays et y prindrent pluseurs fors que ses gens obtindrent sur<br />
les Escos depuis un grant temps, et principalment la bonne cite de Bervich. Et estoient<br />
demourez de par le roy Englois pour tenir les frontieres plusieurs appers bachelers, chevaliers<br />
et escuiers, entre lesquelz mesire Guilleaume de Montagu et mesire Gautier de Mauny en<br />
font bien a ramentevoir. Car de [f21r] la partie aux Englois ces deux en avoient toute la hue<br />
et faisoient souvent sur les Escos des hardies chevauciees, des meslees et des hustins, et par<br />
usage le plus ilz gaignoient sur eulz, dont ilz acquistrent grant grace devers le roy englois<br />
et les barons d’Engleterre. Et pour mieux avoir leurs entrees et leurs yssues en Escoce et<br />
a maistrier le pays, mesire Guilleaume de Montagu qui fu appert, hardy et entreprenant<br />
chevalier, durement fortefia la bastide de Rosebourch sus la marche d’Escoce et en fist un<br />
bon chastel pour tenir contre tout homme. Dequoy le roy englois lui scot grant gre, et acquist<br />
si grant renommee et si grant grace en ses entreprises du roy Edouart que le roy le fist conte<br />
de Salebery et le maria moult haultement et tresnoblement. Aussi fist messire Gautier de<br />
Mauny qui devint en ses chevauciees chevalier et fu retenu du plus secret conseil du roy et<br />
moult avancie en sa court, et fist depuis le dit mesire Gautier tant de belles appartises et de<br />
grans fais d’armes, sicomme vous orrez avant en l’istoire, que le livre est moult renlumine<br />
de ses prouesces. Bien est voir que aucuns chevaliers d’Escoce faisoient souvent ennuy aux<br />
Englois et se tenoient toudiz pardevers le sauvage pays d’Escoce entre grans marez et grandes<br />
hautes foresces, la nul ne les povoit suir, et suioient a la fois les Englois de si pres que tous<br />
les jours y avoit poingneis ou hustin. Et toudiz mesire Guilleaume de Montagu et mesire<br />
Gautier de Mauni, adont nouvel chevalier, y estoient renommez pour les mieux faisans et les<br />
plus aventureux. Et y perdy a ces poigneis et hustins le dit mesire Guilleaume, qui estoit<br />
hardy et dur chevalier merveilleusement, .i. oeil par ses hardies entreprises.<br />
En ces grans mares et en ces grans forestz, la ou ces seigneurs d’Escoce estoient lors,<br />
s’estoit jadis le roy Robert d’Escoce tenu par pluseurs fois quant le roy Edouart, aiol a celui<br />
dont nous parlons presentement, l’avoit desconfit et conquiz tout son royaume d’Escoce, et<br />
pluseurs fois fu il menez et s’y dechacie qu’il ne trouvoit nullui en son royaume qui l’osast<br />
herbergier ne soustenir en chastel, ne en forteresce, pour la doubtance de ce roy Edouart<br />
qui avoit si nettement conquiz toute Escoce qu’il n’y avoit ville, chastel ne forteresce qui<br />
n’obeist a lui. Et quant [f21v] ce roy Edouart estoit arriere revenu en Engleterre, ce preux<br />
roy Robert assembla gens quelle part qu’il les povoit trouver, et reconquerroit ses chasteaux<br />
ses forteresses et ses bonnes villes jusques a Bervich, les unes par force et par bataille et<br />
les autres par beaux parlers et par amours. Et quant le roy Edouart le savoit, il en avoit<br />
grant despit et faisoit semondre ses ostz, ce ne cessoit jusques a tant qu’il avoit de rechief<br />
desconfit et reconquiz le royaume d’Escoce comme devant. Ainsi avint entre ces .ii. roys,<br />
sicomme je oy recorder que ce roy Robert reconquist son royaume par .v. fois, et ainsi se<br />
maintindrent ces .ii. roys que on tenoit a leur temps pour les deux plus preux du monde,<br />
tant que le bon roy Edouart fu trespasse, et trespassa en la bonne cite de Bervich. Et avant<br />
qu’il mourust, il fist appeller son ainsne filz qui fu roy apres lui pardevant tous ses hommes,<br />
et lui fist jurer sus sains que, si tost qu’il seroit baptisie, il le feroit boulir en une chaudiere<br />
tant que la chair se partiroit des os et feroit la chair mettre en terre et garderoit les os et<br />
touteffois que les Escos se reveleroient contre lui, il semonderoit ses gens et assembleroit et<br />
porteroit avec lui les os de son pere. Car il tenoit fermement que tant qu’il aroit ses os avec<br />
lui, les Escos n’aroient point victoire contre lui. Lequel n’acompli mie ce qu’il avoit jure,<br />
ains fist son pere rapporter a Londres et la ensevelir contre son serement, pourquoy il lui<br />
meschey depuis en pluseurs manieres, sicomme vous avez oy. Et premierement a la bataille<br />
a Struvelin, la ou les Escos orent victoire contre lui.<br />
Des .iv. roys qui se croisierent en Avignon.
40 (f22 r ) Le grant appareil que le roy de France fist pour aler en sa...<br />
A pres ce que le joenne roy d’Engleterre ot fait hommage au roy Phelippe de France,<br />
de la conte de Pontieu et de tout ce qu’il lui appartenoit a faire ot le dit roy Phelippe grace<br />
et devotion de venir veoir le saint pappe Benedic, qui pour le temps regnoit et se tenoit<br />
en Avignon, et de visiter une partie de son royaume pour soy deduire et [f21v] esbatre et<br />
aprendre a congnoistre ses citez, ses villes et ses chasteaux et les nobles de son royaume. Si<br />
fist faire en celle instance ses pourveances grandes et grosses, et se party de Paris en grant<br />
arroy, le roy de Behaingne et le roy de Navarre en sa compaignie et aussi grant foisson de<br />
ducs, de contes et des seigneurs. Car il tenoit grant estat et est<strong>of</strong>fe et faisoit grans livrees<br />
et grans despens. Si chevauca le roy ainsi parmy Bourgoingne, et fist tant par ses journees<br />
qu’il vint en Avignon ou il fu moult solempnelment receu du saint pere et de tout le college,<br />
le plus l’onnorerent qu’ilz porent, et fu depuis grant terme la environ avec le pappe et les<br />
cardinaulx, et le logoit a Ville Neufue dehors Avignon. Si vint le roy d’Aragon en ce meisme<br />
temps aussi en court de Rome pour lui veoir et festoier. Si y ot grans festes et solempnitez a<br />
leurs aprouchemens, a leurs assemblees et furent la tout le karesme ensuiant. Dont il avint<br />
que certaines nouvelles vindrent en court de Rome que les ennemiz Dieu estoient trop fort<br />
revele contre la sainte terre, et avoient reconquis pres que tout le royaume de Rasse et pris le<br />
roy qui s’estoit de son temps crestienne, et fait mourir a grant martire, et menacoient encore<br />
les incredules grandement sainte crestiente. De ces nouvelles fu le pappe moult courroucie,<br />
ce fu bien raison car il estoit cheif de leglise a qui tous bons crestiens se devoient ralier. Si<br />
prescha le jour du saint venredy, present les roys nommez, la digne souffrance nostre seigneur<br />
et enorta et remoustra grandement la crois a prendre pour aler sur les ennemiz de Dieu,<br />
et si humblement et si doucement forma la predication que le roy de France, meu en grant<br />
pitie, prist la croix et requist au saint pere qu’il lui voulsist accorder. Adont pappe Benedit,<br />
qui vit la bonne voulente du roy de France, lui accorda benignement et le conferma par<br />
telle condition qu’il absoloit de paine et de coupe, vrays confes et vrais repentans, le roy de<br />
France premierement et tous ceulz qui yroient avec lui en ce saint voiage. Adont par grant<br />
devotion et pour l’amour du roy et lui tenir compaignie en ce peleriniage, le roy Charles de<br />
Behaingne, le roy de Navarre et le roy Pierre [f22r] d’Aragon la prindrent, et grant foison de<br />
ducs, de contes, de barons et de chevaliers qui la estoient, et aussi .iv. cardinaux, le cardinal<br />
de Naples, le cardinal de Pierregort, le cardinal Blanc et le cardinal d’Ostic. Si fu tantost<br />
celle crois preschiee et publiee par le monde, et venoit a tous seigneurs a grant plaisance, et<br />
especialment a ceulz qui vouloient le temps dispenser en armes et qui adont ne le savoient<br />
bien raisonnablement ou emploier. Quant le roy de France et les roys dessus nommez orent<br />
este un grant temps delez le pappe et ilz orent gette et avise et conferme la plus grant partie<br />
de leurs besoingnes, ilz se partirent de court et pristrent congie du saint pere, si s’en rala le<br />
roy d’Aragon en son pays et le roy de France et sa compaingnie s’en vindrent a Monpellier,<br />
et la furent ilz un grant temps. Et fist adont le roy Phelippe une paix qui se mouvoit entre<br />
le roy d’Aragon et le roy de May<strong>org</strong>ues. Apres celle paix faite il retourna en France a petites<br />
journees et a grans despens visitant ses citez, ses villes, ses chasteaux et ses forteresses dont<br />
il avoit sans nombre, et passa parmy Auvergne, parmy Berry, Beausse et parmy Gastinois<br />
et revint a Paris ou il fu receu a grant feste. Adont estoit le royaume de France gras, plains<br />
et drus et les gens riches et possessans de grant avoir, ne on n’y savoit parler de nulle guerre.<br />
Le grant appareil que le roy de France fist pour aler en sainte terre.<br />
S us l’ordonnance de la croix pour aler oultre mer que le roy de France avoit empris<br />
et enchargie et dont il se faisoit chief se aviserent pluseurs seigneurs par le monde et<br />
l’empristrent aussi les aucuns par grant devotion. Car le pappe absoloit tous ceulz de paine<br />
et de coulpe que en ce saint voiage iroient. Si fu la dicte crois magnifestee et preschiee par<br />
le monde et venoit a pluseurs chevaliers bien a point qui se desiroient a avancier. Si fist le<br />
roy Phelippe comme chief de ceste emprise, le plus grant et le plus bel appareil qui onques<br />
en eust este fait pour aler oultre mer, ne du temps Godefroy de Buillon ne d’autre, et avoit<br />
retenu et miz en certains pors, c’est assavoir de Marcelles, de Aigremorte, de Lactee, de<br />
Nerbonne, et d’environ Montpellier, telle quantite de vaisseaux, de navies, de carakes, de
(f22 r ) Le grant appareil que le roy de France fist pour aler en sa... 41<br />
galees et de barges que pour porter et passer 60000 hommes d’armes et leurs pourveances et<br />
le fist longuement pourveir [f22r] de bescuit, de vins, d’yaues douces, de chars salees et de<br />
toutes autres choses neccessaires pour gens d’armes et pour vivre et si grant plente que pour<br />
durer .iii. ans s’il besoignoit. Et envoia encore le dit roy de France grans messages pardevers<br />
le roy de Hongrie qui estoit moult vaillant homme, en lui priant qu’il fust appareillie et son<br />
pays ouvert pour recevoir les pelerins de Dieu. Ce roy de Hongrie y entendy voulentiers et<br />
dist qu’il estoit tout pourveu et son pays aussi de recevoir le roy de France et tous ceulz qui<br />
avec lui yroient. Tout en tele maniere le signifia le roy de France au roy de Chipre, monseigneur<br />
Hugues du Luzegnon, un vaillant roy durement, et au roy de Cecille, qui voulentiers<br />
y entendirent et se pourveirent selon ce bien et souffisaument a la priere et requeste du roy<br />
de France. Encore envoia le roy Phelippe devers les Veniciens en priant et requerant que<br />
leurs mettes fussent ouvertes, gardees et pourveues. Ceulz obeirent voulentiers au roy de<br />
France et acomplirent son mandement, et aussi firent les Genevois et tous ceulz dessus la<br />
riviere de Genneves. Et fist le roy de France passer oultre en l’isle de Rodes le grant prieur<br />
de France pour administrer vivres et pourveances sur leurs mettes. Et firent ceulz de Saint<br />
Jehan par accort avec les Veniciens pourveoir souffisamment l’isle de Crete qui est de leur<br />
seignorie. Briefment chascun estoit appareillie et rebracie pour faire tout ce que bon estoit<br />
et sembloit pour recueillir les pelerins de Dieu, et pristrent plus de 300000 personnes la crois<br />
pour aler oultre en ce saint voiage.<br />
Comment le roy d’Engleterre se pourquist d’aides en Alemaigne<br />
E n ce temps que ceste croix estoit ainsi en grant fleur de renommee et que on ne<br />
parloit ne devisoit d’autre chose, se tenoit mesire Robert d’Artois en Engleterre, eschacie<br />
de France delez le joenne roy Edouart, et avoit este avec lui au conquest de Bervich et en<br />
pluseurs chevaucees d’Escoce. Si estoient nouvellement retournez en Engleterre et enortoit<br />
et conseilloit le dit mesire Robert tempre et tart le roy quil vousist [f22v] deffier le roy de<br />
France, qui tenoit son heritage a grant tort. Dont le roy ot pluseurs fois grant conseil par<br />
grant deliberation a ceulx qui estoient ses plus secres et especiauls conseilliers comment il<br />
se pourroit maintenir du descort qu’on lui avoit fait du royaume de France en sa joennesce,<br />
qui par droite succession de proismete devoit estre siens par raison, ainsi que mesire Robert<br />
d’Artois l’en avoit enforme. Et l’avoient les .xii. pers de France et les barons donne a<br />
monseigneur Phelippe de Valois d’acort et ainsi que par jugement sans appeller ne adjourner<br />
partie adverse, si n’en savoit le dit roy que penser car a envis ainsi le lairoit, se amender le<br />
povoit. Et se il le chalengoit et le debat en esmouvoit et on lui devooit sicomme bien faire<br />
on pourroit et il s’en tenist tout quoy et point ne l’amendoit, ou son povoir n’en faisoit,<br />
plus que devant blasme seroit. Et d’autre part il veoit bien que, par lui ne par sa puissance<br />
de son royaume, il pourroit mauvaisement mettre au desoubz le grant royaume de France<br />
se il n’aqueroit des seigneurs puissans en l’Empire et d’autre part par son or et par son<br />
argent si requeroit souvent a ses especiaux conseilliers qu’ilz lui voulsissent sur ce donner<br />
bon conseil et bon avis, car sans grant conseil il n’en vouloit plus avant entremettre. A<br />
la parfin, ses conseilliers lui respondirent d’accort et lui distrent, “Chier sire, la besoingne<br />
est de si haute entreprise que nous ne nous en oserions chargier ne finablement conseillier.<br />
Mais chier sire, nous vous conseilleriens, s’il vous plaisoit, que vous envoyessies souffisant<br />
messages, bien enformez de vostre entention a ce gentil conte de Henaut, qui fille vous avez<br />
et a monseigneur Jehan son frere, qui si vassaument vous a servi, en priant en amistie que<br />
sur ce ilz vous vueillent conseillier, car mieux sceuent que a tel afaire affiert que nous ne<br />
faisons et si sont bien tenus de vostre raison a garder pour l’amour de la dame que vous avez.<br />
Et s’il est ainsi qu’ilz s’acordent a vostre entente, ilz vous saront bien conseillier desquelz<br />
seigneurs vous vous pourrez mieux aidier et lesquex et comment vous [f22v] les pourrez<br />
mieulx aquerre.” “A ce conseil, ” dist le roy, “me accorde je bien. Car il me semble estre<br />
bon et bel, et ainsi que conseillies m’avez sera fait.”<br />
Adont pria le roy a ce prelat, l’evesque de Lincolle, qu’il voulsist entreprendre a faire<br />
ce message pour l’amour de lui, et a .ii. bannerez qui la estoient et a .ii. clers de droit
42 (f23 r ) Comment le roy d’Engleterre se pourquist d’aides en Alemaig...<br />
aussi qu’il voulsisent faire compaignie a l’evesque en ce voiage. Le dessus dit evesque, les .ii.<br />
banerez, les .ii. clers de droit ne vouldrent mie refuser la requeste du roy, ains lui ottroierent<br />
voulentiers, si se appareillierent au plus tost quil porent et se partirent du roy et monterent<br />
en mer et arriverent adont a Dunkerke. Si se reposterent la, tant que leurs chevaux furent<br />
miz hors de leurs vaisseaux et puis se mistrent au chemin et chevaucierent parmy Flandres et<br />
exploitierent tant qu’ilz vindrent a Valenchiennes. L’a trouverent ilz le conte Guilleaume de<br />
Henaut, qui gisoit si malade de goutes artetiques et de gravelle qu’il ne se povoit mouvoir et<br />
trouverent aussi monseigneur Jehan de Hainaut, son frere, s’ilz furent grandement festoiez<br />
ce ne fait point a demander. Quant ilz furent si bien festoiez comme a eulz appartenoit, ilz<br />
conterent au dit seigneur de Henaut et a son frere leur entente et pourquoy ilz estoient a<br />
eulz envoiez et leur exprimerent toutes les raisons et les doutances que le roy meismes avoit<br />
mises avant pardevant son conseil, sicomme vous avez oy recorder cy dessus.<br />
Q uant le conte de Hainau ot oy ce pourquoy ilz estoient la envoiez et il ot oy les raisons<br />
et les doubtances que le roy Anglois avoit mises avant a son conseil, il ne les oy mie a envis<br />
sans sens, quant il avoit ces raisons et ces doubtances si bien considerees. Car quant on<br />
voit entreprendre une grosse besoigne, on doit aviser et considerer comment on la pourroit<br />
achever et au plus pres peser que on pourroit venir. Et dist ainsi le gentil conte, “Se le roy<br />
y puet parvenit, si m’ait Dieux, j’en aroie grant joye et peut on bien penser que je l’aroie<br />
plus cher pour lui, qui a ma fille que je ne feroie pour le roy Phelippe, qui ne ma neant<br />
fait tout a point comment que je aye sa suer espousee. Car il m’a destourne couvertement<br />
le mariage du joenne duc de Brebant, qui devoit avoit espouse Ysabel ma fille et la retenu<br />
pour une sienne fille. [f23r] Pourquoy je ne faudray mie a mon chier et ainsne filz le roy<br />
d’Engleterre, s’il treuve en son conseil qu’il le vueille entreprendre, ains lui aideray de conseil<br />
et d’aide a mon loyal povoir. Aussi fera Jehan mon frere, qui la siet, qui autrefois la servi.<br />
Mais sachies qu’il y fauroit bien avoit autre aide plus forte que n’est la nostre car Henau<br />
est un petit pays au regart du royaume de France et Engleterre en gist trop loing pour nous<br />
secourre.” “Certes sire, vous nous donnez tres bon conseil et nous moustrez grant amour<br />
et grant voulente, dequoy nous vous regrations de par nostre seigneur le roy”, ce respondy<br />
l’evesque de Lincolle pour tous les autres et dist encore, “Chier sire, or nous conseillies<br />
desquelz seigneurs nostre seigneur se pourroit mieux aidier et esquelz il se pourroit mieux<br />
fier parquoy nous lui puissons raporter vostre conseil.” “Sur l’ame de moy, ” respondy le<br />
conte, “je ne saroie aviser seigneur si puissant pour lui aidier en ses besoingnes comme seroit<br />
le duc de Brebant qui est son cousin germain, aussi l’evesque du Liege, le duc de Guerles<br />
qui a sa suer a femme, l’arcevesque de Couloingne, le marquis de Julliers, mesire Ernoul<br />
de Kakehen et le sire de Franquemont. Ce sont ceulz qui plus aroient grant foison de gens<br />
d’armes en brief temps que seigneur que je fache en nul pays du monde et si sont tresbons<br />
guerroieurs et fineroient bien se ilz veulent de 8000 ou de 10000 armeures de fer mais que<br />
on leur donne de l’argent a l’avenant et si sont seigneurs et gens qui gaingnent voulentiers.<br />
S’il estoit ainsi que le roy mon filz et vostre seigneur eust acquiz ces seigneurs que je diz et<br />
il feust pardeca la mer, il pourroit bien aler requerre le roy Phelippe oultre la riviere d’Oise<br />
et combatre a lui.”<br />
Ce conseil plot grandement a ces seigneurs d’Engleterre. Puis pristrent congie au conte<br />
de Henaut et a mesire Jehan son frere, si s’en ralerent vers Engleterre porter au roy le conseil<br />
qu’ilz avoient trouve ou dessus dit conte et a son frere. Quant ilz furent venuz a Londres le<br />
roy leur fist grant feste et ilz lui raconterent tout ce qu’ilz lui avoient trouve au conseil et<br />
a l’avis du gentil conte de Hainau et de monseigneur Jehan son frere. Dont le roy ot grant<br />
joie et en fu [f23r] grandement reconforte quant il ot tout entendu ce que son sire lui ot<br />
mande et conseillie. Or vindrent ces nouvelles en France et multiplierent petit a petit que<br />
le roy englois supposoit et entendoit a avoir grant droit a la couronne de France et fu le<br />
roy Phelippe enforme et avise de ses plus especiaux et grans amis que s’il aloit ou voiage<br />
d’oulte mer qu’il avoit empris, il mettroit son royaume en tres grant aventure et qu’il ne<br />
povoit faire ne exploitier meilleur paine que a garder ses gens et ce qui sien estoit et dont il<br />
tenoit la possession et qui devoit retourner a ses enfans. Si se refroida grandement de celle<br />
crois emprise et preschiee et contremanda ses <strong>of</strong>ficiers qui ses pourveances fasoient si grandes
(f23 v ) Comment le roy d’Engleterre se pourquist d’aides en Alemaig... 43<br />
et si grosses que merveilles, jusques a tant qu’il aroit veu de quel pie le roy d’Engleterre<br />
vouloit aler avant, qui pas ne se refroidoit de lui pourveoir et appareillier selon le conseil<br />
que ses hommes lui avoient rapportez du conte de Henaut. Et fist assez tost apres ce qu’ilz<br />
furent revenuz en Engleterre ordonner et appareillier dix chevaliers banerez et 40 autres<br />
chevaliers, joennes bachelers et les envoia a grans frais pardeca la mer droit a Valenchiennes<br />
et l’evesque de Lincolle qui fu moult vaillans homs avec eulz, en cause que pour traittier a<br />
ces seigneurs de l’Empire que le conte de Henau leur avoit denommez et pour faire tout ce<br />
qu’il et messire Jehan en conseilleroient. Quant ilz furent venuz a Valenchiennes, chascun les<br />
regardoit a grant estat qu’ilz maintenoient sans espargnier neant plus que se le corps du roy<br />
d’Engleterre y fust en propre personne, dont ilz acquiroient grant grace et grant renommee.<br />
Et si y avoit entr’eulx pluseurs bachelers qui avoient chascun .i. oeil couvert de drap pour<br />
quoy ilz n’en povoient veoir. Et disoit on que ceulx avoient vous entre dames a leur pays<br />
que jamais ne verroient que d’un oeil jusque a tant qu’ilz aroient fait aucunes proesces de<br />
leurs corps ou royaume de France. Lesquelx ilz n’en vouloient mie congnoistre a ceulx qui<br />
leur en demandoient, si en avoit chascun grant merveille. Quant ilz furent assez festoiez et<br />
honnorez a Valenchiennes [f23v] du conte de Haynau de monseigneur Jehan son frere et<br />
des seigneurs chevaliers du pays et aussi des bourgois et des dames de Valenchiennes, le dit<br />
evesque de Lincolle et la plus grant partie d’eulx se trairent par devers le duc de Breban<br />
par le conseil du conte dessus dit. Si les festoia le duc assez souffisant car bien le savoit<br />
faire. Puis s’acorderent si bellement au duc qu’il ot encouvent de soustenir le roy englois son<br />
cousin et toutes manieres de ses gens en son pays, car a faire l’avoit car c’estoit son cousin<br />
germain si povoit venir et aler et demourer armes et desarmes touteffois qu’il leur plairoit.<br />
Et avec ce, il leur ot encouvent par tout son conseil et parmy une somme de florins que se<br />
le roy englois son cousin vouloit le roy de France deffier souffiant et entrer a force en son<br />
royaume et se il povoit avoir l’accort et l’aide de ces seigneurs d’Alemaigne dessus nommez,<br />
il le deffieroit aussi et yroit avec lui a tout mile armueres de fer. Ainsi leur ot il encouvent<br />
par sa creance, dequoy il cancela et detria puis assez sicomme vous orrez avant en l’istoire.<br />
A dont furent ces seigneurs d’Engleterre moult aisies et leur sembla qu’ilz avoient moult<br />
bien besoingne tant comme au duc si retournerent a Valenciennes et firent par messages et<br />
par l’or et l’argent leur seigneur, tant que le duc de Guerle serourge au dit roy englois, le<br />
marquis de Julliers pour lui et pour l’arcevesque de Couloingne, Walerant son frere et le sire<br />
de Franquemont vindrent a Valenchiennes parler a eulz pardevant le conte de Hainaut qui ne<br />
povoit mais chevaucier ne aler et pardevant mesire Jehan son frere. Et exploitierent si bien<br />
devers eulx parmy grandes sommes de florins que chascun devoit avoir pour lui et pour ses<br />
gens, ilz orent encouvent de deffier le roy de France avec le roy englois, quant il lui plairoit<br />
et que chascun d’eulz le serviroit a .i. certain nombre de gens d’armes a heaumes couronnez.<br />
En ce temps parloit on de heaumes et ne faisoient les seigneurs nul compte d’autres gens<br />
d’armes s’ilz n’estoient a heaumes et [f23v] a thimbres couronnez. Or est cil estat venuz<br />
maintenant, on parle de lances ou de glaives ou de jaques. Et vous dy que ces seigneurs<br />
dessus nommez orent encouvent aux gens du roy d’Engleterre qu’ilz leur aherdroient a autres<br />
seigneurs d’oultre le Rin, qui bien avoient povoient de amener grant foison de gens d’armes<br />
mais qu’ilz eussent le pourquoy. Puis pristrent congie les dessus dis seigneurs Alemans et en<br />
ralerent en leur pays. Et les seigneurs d’Engleterre demourerent encore a Valenciennes et en<br />
Henaut delez le conte par quel conseil ilz ouvroient le plus. Si prierent et envoierent encore<br />
souffisant messages devers l’evesque de Liege, monseigneur Aoulz et l’eussent voulentiers<br />
attrait de leur partie mais le dit evesque n’y voult onque entendre ne riens faire encontre<br />
le roy de France a qui il estoit devenuz homme et entrez en la feaulte. Le roy Charles<br />
de Behaigne ne fu point prie ne mande car on savoit bien qu’il estoit si enjoint au roy de<br />
France par le mariage de leurs .ii. enfans, du duc de Normandie Jehan qui avoit a femme<br />
ma dame bonne fille au dessus dit roy, que pour celle cause il ne feroit riens contre le roy<br />
de France. Or me tairay .i. petit d’eulz et parleray d’une autre matiere qui a ceste se joindra.<br />
Le comencement de Jaques d’Artevelle.
44 (f24 r ) Le comencement de Jaques d’Artevelle.<br />
E n ce temps dont j’ay parle, ot grant discention entre le conte Loys de Flandres et les<br />
Flamens, car ilz ne voloient mie obeir a lui ne a paines ne s’osoit il tenir en Flandres, fors en<br />
grant peril et avoit lors un homme a Gant qui avoit este brasseur de miel. C’il estoit entre<br />
en si grant fortune et en si grant grace a tous les Flamens que c’estoit tout fait et bien fait<br />
quanqu’il vouloit deviser et commander par toute Flandres, de l’un bout jusques a l’autre<br />
et n’y avoit nullui com grant qu’il fust qui de riens osast trespasser ses commandemens ne<br />
contredire. Il avoit toudiz apres lui alans en la ville de Gant 60 ou 80 varlez armez, entre<br />
lesquelx il en y avoit .ii. ou .iii. qui savoient aucuns de ses secrez. Et quant il encontroit<br />
.i. homme qu’il haioit ou qu’il avoit en souppecon, c’il estoit tantost tue. Car [f24r] il<br />
avoit commande a ses secrez varles et dit, “Si tost que je encontre un homme et je vous<br />
fay un tel signe, si le tuez sans deport com grant ne com hault qu’il soit, sans attendre<br />
plus autre parole.” Ainsi avenoit souvent et en fist en tele maniere pluseurs grans maistres<br />
tuer, parquoy il estoit si doubtez que nul n’osoit parler contre chose qu’il voulsist faire, ne<br />
a paines penser de lui contredire. Et tantost que ces 60 varlez l’avoient raconduit a son<br />
hostel, chascun aloit disner en sa maison et tantost apres disner ilz revenoient devant son<br />
hostel et veoient en la rue jusques adont qu’il vouloit aler aval la rue jouer et esbatre parmy<br />
la ville. Et ainsi le conduisoient jusques au souper. Et sachies que chascun de ces soudoiers<br />
avoit chascun jour .iv. gros de Flandres pour ses frais et pour ses gaiges et les faisoit bien<br />
paier de sepmaine en sepmaine et aussi avoit il par toutes les villes et casteleries de Flandres<br />
sergens et soudoiers a ses gaiges pour faire tous ses commandemens et espier et savoir s’il<br />
avoit nulle part personne qui feust rebelle a lui ne qui deist ne enformast nullui contre ses<br />
voulentez. Et si tost qu’il en savoit aucuns en une ville, il ne cessoit jamais si l’eust banny<br />
ou fait tuer sans deport. Ja cil ne s’en peust garder meismes les plus puissans de Flandres,<br />
chevaliers, escuiers et bourgois des bonnes villes qu’il pensoit qui fussent favorables au conte<br />
en aucune maniere, ils les bannissiot de Flandres et levoit la moitie de leurs revenues et<br />
laissoit l’autre moitie pour le douaire et le gouvernement, de leurs femmes et enfans. Et<br />
ceulz qui ainsi estoient banny, desquelx il estoit grant foison se tenoient a Saint Omer le<br />
plus et les appelloit on les avolez et les oultre avolez.<br />
Briefment a parler, il n’y ot onque en Flandres ne en autre pays conte, duc, prince ne<br />
autre qui peust avoir un pays si a sa voulente, comme cil ot longuement et fu appellez<br />
Jaquemart d’Artevelle. Il faisoit lever les rentes, les tonlieus, les vinages, les droitures et<br />
toutes revenues que le conte devoit avoit et qui lui appartenoient [f24r] quelle part que ce<br />
fust parmy Flandres et toutes les maletotes, si les despendoit a sa voulente et en donnoit sans<br />
rendre nul compte. Et quant il vouloit dire que argent lui falloit, on l’en creoit et croire l’en<br />
couvenoit car nul n’osoit dire encontre. Et quant il en vouloit emprunter a aucuns bourgois<br />
sur son paiement, il n’estoit nul qui lui osast escondire a prester. Or vueil je retourner aux<br />
messages d’Engleterre<br />
C es seigneurs d’Engleterre qui estoient envoies deca la mer et estoient si honnorables<br />
a Valenciennes, comme vous avez oy, si apenserent entr’eulx que ce seroit grant confort<br />
pour leur seigneur le roy, selon ce qu’il vouloit entreprendre, se ilz povoient avoir l’accort<br />
des Flamens qui adont estoient mal du roy de France et du conte leur seigneur. Si s’en<br />
conseillierent au conte de Henaut qui leur dist que voirement seroit ce le plus grant confort<br />
qu’ilz peussent avoir. Mais il ne povoit veoir que ilz y peussent prouffiter se petit non<br />
s’ilz n’avoient premierement acquis la grace et la faveur de celui Jaquemart d’Artevelle. Ilz<br />
distrent qu’ilz en feroient leur povoir temprement.<br />
Assez tost apres ce, ilz se partirent de Valencienes et se departirent en .iii. ne scay ou<br />
en .iv. routes. Si en alerent partie a Bruges, partie a Ypre et la plus grant partie a Gand<br />
et tous despendant si largement qu’il sembloit que argent leur plust des nues et querroient<br />
accort par tout et promettoient aux uns et aux autres, la ou on les conseilloit et ou ilz<br />
creoient mieux emploier pour parvenir a leur entente. Toutesuoies l’evesque de Lincolle et<br />
sa compaignie qui alerent a Gand furent tant par beau parler et autrement qu’ilz orent<br />
l’acort et l’amistie de Jaquemart d’Artevelle et grant grace en la ville et meismement d’un<br />
vaillant chevalier ancien qui demouroit a Gand et y estoit durement amez. Si l’appelloit on<br />
monseigneur le Courtrisien et estoit chevalier banneres et le tenoit on pour le plus preux
(f24 v ) Le comencement de Jaques d’Artevelle. 45<br />
chevalier de Flandres et pour le plus vaillant homme et qui le plus hardiement avoit toudiz<br />
servi ses seigneurs. Ce [f24v] sire le Courtrisien compaignoit et honnoroit durement ces<br />
seigneurs d’Engleterre ainsi que vaillans hommes doivent toudiz honnorer les estrangiers a<br />
leur povoir. Mais il en ot au derrain mauvais loyer car il fu accusez de celle honneur qu’il<br />
faisoit aux Englois envers le roy de France, si que le roy commanda tres estroitement au dit<br />
conte de Flandres qu’il feist tant comment qu’il fust qu’il eust le dessus dit chevalier se tant<br />
l’amoit et qu’il lui feist couper la teste. Le conte qui n’osa trespasser le commandement du<br />
roy fist tant, je ne scay comment ce fu, que le sire Courtrisien vint la, ou le conte le manda<br />
si fu tantost pris et decole dequoy moult de gens furent durement courroucies et dolens de<br />
pitie. Car il estoit moult amez et honnorez ou pays et en scorent au conte moult mal gre.<br />
Tant exploitierent ces seigneurs d’Engleterre en Flandres que ce Jaquemart d’Artevelle mist<br />
pluseurs fois les consauls des bonnes villes ensemble pour parler de la besoingne que ces<br />
seigneurs d’Engleterre queroient et des franchises et amisties qu’ilz leur <strong>of</strong>froient de par le<br />
roy d’Engleterre leur seigneur sans qui terre ne accort ilz ne se povoient bonnement chevir.<br />
Et tant parlementerent ensemble qu’ilz furent d’accort en telle maniere qu’il plaisoit bien<br />
a tous les consauls de Flandres que le roy englois et toutes ses gens povoient venir et aler<br />
a gens d’armes et autrement par toute Flandres ainsi qu’il lui plairoit. Mais ilz estoient si<br />
fortement obligies envers le roy de France qu’ilz ne le pourroient grever ne entrer en son<br />
royaume qu’ilz ne fusent attains de une si grant somme de florins que a grant malaise en<br />
pourroient il finer. Et leur prierent que ce leur vousist souffire jusques a une autre fois.<br />
Ces responces et ces explois souffirent lors assez a ces seigneurs d’Engleterre. Puis s’en<br />
revindrent arriere a Valenchiennes en grant joie. Souvent envoierent leurs messages envers<br />
leur seigneur et leu signifioient ce qu’ilz avoient besoignie et le roy leur envoioit grant or et<br />
grant [f24v] argent pour paier leurs frais et pour departir a ces seigneurs d’Alemaigne qui<br />
ne couvoitoient autre chose.<br />
En ce temps trespassa de ce siecle le gentil conte Guilleaume de Hainau, le .vii. jour du<br />
mois de juing l’an de grace 1337. Si fu enseveliz aux cordeliers a Valenciennes et lui fist on<br />
la son obseque et chanta la messe l’evesque Guilleaume de Cambray si y ot grant foison de<br />
ducs, de contes et de barons, ce fu bien raison car il estoit grandement amez et renommez<br />
de tous. Apres son trespassement se trait a la conte de Hainau de Hollande et de Scellande<br />
monseigneur Guilleaume son filz qui ot a femme la fille au duc Jehan de Brebant et fu ceste<br />
dame qui s’appelloit Jehanne d’occ de la terre de buich, qui est vn moult bel heritage et<br />
prouffitable. Et madame Jehanne de Valois sa mere s’en vint demourer a Fontenelles sur<br />
Escaut et vsa sa vie comme bonne et devote en la dicte abbaie et y fist moult de biens.<br />
D e toutes ces devises et ces ordonnances, ainsi comme elles se portoient et estendoient<br />
et des confors et des aliances que le roy englois acqueroit par de ca la mer, tant en l’Empire<br />
comme ailleurs, estoit le roy Phelippe tout enforme et eust atrait ces gens a son accort mais<br />
Jaquemart d’Artevelle avoit ja si surmonte toutes manieres de gens en Flandres que nulz<br />
n’osoit contredire a leurs oppinions, meismes le conte leur seigneur ne si osoit clerement tenir<br />
et avoit envoie madame sa femme et Loys son filz en France pour la doubte des Flamens.<br />
Avec tout ce se tenoient en l’isle de Gaguant aucuns chevaliers et escuiers de Flandres en<br />
garinson dont mesire Ducres de Halum et mesire Jehan de Rodais et les enfans de le treif<br />
estoient cappitaines et souverains et la faisoient le passage et gardoient contre les Englois<br />
et faisoient guerre couvertement dont les seigneurs d’Engleterre qui se tenoient en Hainau<br />
furent enformez que se ilz s’en raloient par la en leur pays ilz seroient racontrez pourquoy ilz<br />
n’estoient mie bien asseurs. Non obstant ce chevaucierent ilz et aloient a leur voulente parmy<br />
le pays [f25r] de Flandres et par les bonnes villes mais c’estoit sur le confort Jaquemart<br />
d’Artevelle qui les portoit et honnoroit en toutes manieres et qu’il povoit. Or retournerons<br />
nous un petit au duc de Braibant.<br />
Des Englois que le roy Edouart envoia en Flandres Le conte Derbi et messire<br />
Gautier Mauny<br />
Q uant le duc de Braibant ot fait ses couvenances a ces seigneurs d’Engleterre, sicomme
46 (f25 v ) La Bataille de Gaigant<br />
vous avez oy, il s’avisa que le roy de France autrefois lui avoit este contraire. Si se doubta qu’il<br />
ne fust durement enformez contre lui a l’occasion des Englois et s’il avenoit que l’entreprise<br />
de roy d’Engleterre ne venoit a bon chief, que le roy de France ne le voulsist guerroier et lui<br />
feist comparer ce que les autres avoient accorde. Si envoia de son conseil au roy de France<br />
monseigneur Loys de Cranehen, sage chevalier durement et pluseurs autres de son conseil<br />
pour lui excuser et pour prier au roy qu’il ne voulsist croire nulle mauvaise information<br />
contre lui. Car moult envis il feroit nulle aliance ne couvenance encontre lui mais le roy<br />
d’Engleterre estoit son cousin germain, si ne lui povoit bonnement escondire sa revenue<br />
dedens son pays ne de lui ne de ses gens leurs frais paians. Mais plus avant il n’en feroit<br />
riens qui deust estre au desplaisir du roy. Le roy Phelippe se apaisa a celle fois a tant.<br />
Et touteffois le duc ne laissa mie pour ce qu’il ne retenist des gens d’armes ne Braibant et<br />
ailleurs la ou il les pensoit et povoit avoir, jusque a la somme que couvenance avoit au roy<br />
d’Engleterre.<br />
Et quant les dessus dis seigneurs d’Engleterre orent fait en partie ce pourquoy ilz avoient<br />
passe la mer, ilz se partirent de Valenciennes ou ilz tenoient leur souverain sejour. Premierement<br />
l’evesque de Lincolle, mesire Regnault de Gobehen et les autres et vuidierent Henaut<br />
et vindrent a Drordrech en Hollande et monterent la en mer pour eschuier le passage de<br />
Gaigant ou les dessus dis chevaliers de Flandres se tenoient en garinson de par le roy de<br />
France et le conte de Flandres si comme on disoit et s’en revindrent au mieux qu’ilz porent<br />
et au plus couvertement [f25r] arriere en leur pays devers le roy englois leur seigneur, qui<br />
les recut a grant joye. Si lui recorderent tout l’estat des seigneurs par deca premierement<br />
du duc de Braibant, du duc de Guerles, de conte de Jullers, de l’arcevesque de Couloingne,<br />
de monseigneur Jehan de Hainau, du seigneur de Fauquemont et des alies comment et fuz<br />
quel point. Ilz s’estoient accordez a lui et a quelle quantite de gens d’armes chascun le<br />
devoit servir et aussi quelle chose chascun devoit avoir. A ces paroles entendi le roy englois<br />
voulentiers et dist que ses gens avoient bien exploitie. Mais trop durement plaingny la mort<br />
du conte de Hainau, qui fille il avoit et disoit qu’il avoit perdu en lui un tresgrant confort,<br />
se lui couvenoit il porter et faire a l’avenant.<br />
Encore recorderent les dis seigneurs au roy la couvine de ceulx qui se tenoient en la<br />
garinson de Gagant et qui herioient ses gens tous les jours et comment par la doubte d’eulx<br />
ilz estoient revenuz par Hollande et avoient esloingie grandement leur chemin. Dont dist le<br />
roy qu’il y pourverroit temprement de remede. Si ordonna assez tost apres le conte Derbi<br />
son cousin a tout 500 armeures de fer et 2000 archiers. Lesquelx, par le commandement<br />
du roy, se poveirent pour faire ce voiage si encrerent en mer et nagierent tant qu’ilz virent<br />
Flandres. Lors arrouterent leurs vaisseaux et les mistrent en bon couvenant et furent assez<br />
pres de Gagant a heure de nonne. Ce fu la nuit de la Saint Martin en yuer l’an 1337. [f25v]<br />
La Bataille de Gaigant<br />
Q uant les Englois virent la ville de Gagant ou ilz tendoient a venir et combatre ceulz<br />
qui par dedens se tenoient si se aviserent qu’ilz avoient le vent et la maree pour eulz et que ou<br />
nom de Dieu et de Saint Ge<strong>org</strong>e ilz approucheroient. Dont firent ilz sonner leurs trompettes<br />
et s’armerent et appareillierent vistement et ordonnerent leurs vaisseaux et mistrent les<br />
archiers devant et siglerent fort vers la ville. Moult bien avoient les guettes et les gardes,<br />
qui en Gagant se tenoient, veu approuchier ceste grosse armee s’y supposerent bien que<br />
c’estoient Englois, pourquoy ilz s’estoient ja tous armez et rengies sur les diques et sus<br />
le sablon et miz leurs pennons par ordonnance devant eulz et fait entreulx des nouveaux<br />
chevaliers jusques a 16 et povoient estre environ 5000 tout compte bien appers bachelers<br />
et compaignons ainsi qu’ilz le moustroient. Et la estoit mesire Guy de Flandres, frere au<br />
conte Loys de Flandres un bon et seur chevalier mais bastart estoit qui amonnestoit et prioit<br />
tous les compaignons de bien faire. Et la estoient messire Ducres de Hallum, mesire Jehan<br />
de Rodes, mesire Gilles de la Tref, mesire Simon et mesire Simon Brukedent qui y furent<br />
fais chevaliers et Pierre d’Englemoustier et maint compaignon, bacheler et escuier et appers<br />
hommes d’armes. Si n’y ot riens parlemente ne devise entr’eulz. Car les Englois qui estoient<br />
en grant d’eulx assaillir et ceulz de defendre, crierent leurs cris et firent traire leurs archiers
(f25 v ) La Bataille de Gaigant 47<br />
moult fort et moult roide et tant que ceulz qui la havene defendoient en furent si en son<br />
mes que, voulsissent ou non, il les convint reculer et en y ot du trait a ce premier moult<br />
de mahaingnies. Et pristrent terre les barons et les chevaliers d’Engleterre et s’en vindrent<br />
combatre aux haches et espees et glaives l’un a l’autre et la ot pluseurs belles bacheleries<br />
et appartises d’armes faites et moult vassalment se combatirent les Flamens. Aussi moult<br />
bache [f25v] lereusement les requistrent les Englois. Et la fu moult bon chevalier le conte<br />
Derbi et s’avanca de premiers si avant qu’il fu en lancant de glaives miz par terre. Et la lui<br />
fu mesire Gautier de Mauny bon confort car par appertises d’armes il le releva et osta de<br />
tous perils en escriant, “Lencastre au conte Derbi!” Et adont approuchierent ilz de tous lez<br />
et en y ot pluseurs mehaignies et par especial plus des Flamens que des Englois. Car les<br />
archiers d’Engleterre qui continuelment traioient, leur porterent trop grant dommage.<br />
A prendre terre ou havene de Gagant fu la bataille dure et fiere. Car les Flamens qui la<br />
estoient et qui la ville et la havene gardoient et defendoient, estoient tres bonnes gens et de<br />
grans appertises plains. Car par election le conte de Flandres les y avoit miz et establis pour<br />
garder ce passage contre les Englois si s’en vouloient bachelereusement aquitter et faire leur<br />
devoir en tous estas ainsy qu’ilz firent. La estoient les barons et les chevaliers d’Engleterre,<br />
premierement le conte Derbi, filz au conte Henry de Lencastre au tort col, le conte de Sufborch,<br />
mesire Regnault de Gobehen, , mesire Loys de Beauchamp, messire Guilleaume filz<br />
Warine, mesire de Bercler, mesire Gautier de Mauny et pluseurs autres chevaliers et bachelers<br />
qui tresvassalment se portoient et assailloient les Flamens. La ot dure bataille et fort<br />
combatue car ilz estoient main a main. Et la firent les pluseurs moult de belles appertises<br />
d’armes et de l’un lez et de l’autre. Mais finablement les Englois obtindrent la place et firent<br />
les Flamens desconfis et miz enchace et en y ot plus de 3000 mors que sus le havene que<br />
sus les rues que es maisons. Et la fu pris mesire Guy le bastart de Flandres et mors mesire<br />
Ducres de Halum et mesire Jehan de Rodais et les .ii. freres de Brukedent et mesire Gille de<br />
le Trief et pluseurs autres environ 26 chevaliers et escuiers y furent mors en bon couvenant.<br />
Et la fu la ville prise, pilliee et robee et tout l’avoir aporte et miz es vaisseaux avec les prisonniers<br />
[f26r] et fu la ville toute arse et sans deport. Et retournerent les Englois arriere et sans<br />
dommage en Engleterre. Et recorderent au roy l’aventure. Lequel fu moult joieux quant il<br />
les vit et scot comment ilz avoient exploitie. Si fist a monseigneur Guy de Flandres creancier<br />
sa foy et obligier prison. Lequel se tourna Englois en celle meisme annee et devint homme au<br />
roy d’Engleterre de foy et d’omage dequoy le conte de Flandres son frere fu moult courroucie.<br />
Comment le roy d’Engleterre vint parler a ses alies en la ville de Anwiers en<br />
Braibant.<br />
A pres la desconfiture de Gagant ces nouvelles s’espandirent en pluseurs lieux. Si en<br />
furent ceulz de la partie du conte courroucies. Et ceulx de la partie du roy d’Engleterre tous<br />
joieux et disoient bien ceulx de Flandres que sans raison hors de leur conseil et volente le<br />
conte les avoit la mis. Si se passa ainsi ceste chose qui plus y ot mis plus y ot perdu fors<br />
tant que d’Artevelle qui avoit surmonte ceulx de Flandres et avoit pris le gouvernement ne<br />
voulsist nullement que la besoingne se fust autrement portee. Si envoia tantost ses messages<br />
en Engleterre devers le roy Edouart en lui recommandant de cuer et de foy et lui signifia<br />
que en avant, il conseilloit qu’il passast la mer et venist a Awiers parquoy il s’acquitast des<br />
Flamens qui moult le desiroient a veoir et supposoit assez que sil estoit pardeca la mer les<br />
besoingnes en seroient plus eleves et y prendroit grant prouffit.<br />
Le roy Englois a ces paroles entendy voulentiers et fist faire ses pourveances grandes et<br />
grosses et tantost que cel yuer fu passe a l’este ensuiant, il monta en mer bien acompaignie<br />
de contes, de barons et d’autre chevalerie si passa la mer et arriva en la ville de Anwers, qui<br />
adont se tenoit pour le duc de Brebant. Si tost qu’on scot qu’il estoit descendu en Anwers<br />
gens vindrent de tous costez pour lui veoir et considerer le grant estat qu’il maintenoit.<br />
Quant il ot este assez honnorez et festoiez, il ot avis qu’il parleroit voulentiers [f26r] au duc<br />
de Braibant son cousin germain, au duc de Guerles son serourge, au marquis de Juillers,<br />
a monseigneur Jehan de Hainau, au sire de Fauquemont et a ceulz dont il esperoit a estre
48 (f26 v ) Comment le roy d’Engleterre vint parler a ses alies en la ...<br />
confortez et qui estoient a lui couvenancie pour avoir leur conseil comment et quant ilz<br />
pourroient commencier a faire ce qu’ilz avoient empris. Ainsi le firent et vindrent tous a<br />
son mandement a Anviers entre la Penthecouste et la Saint Jehan. La furent ces seigneurs<br />
festoiez grandement a la maniere d’Engleterre. Apres les trait a conseil le roy et leur<br />
demoustra moult humblement sa besoingne et voult savoir d’eulx la certaine intention et leur<br />
pria qu’ilz s’en voulsissent delivrer temprement, car pour ce estoit il la venuz et avoit ses gens<br />
tous appareillies, si lui tourneroit a grant dommage se ilz ne l’en delivroient appertement.<br />
Ces seigneurs orent grant conseil ensemble et long, car la chose les escraindoit et si n’estoient<br />
point d’accort et toudiz regardoient sur le duc de Braibant qui ne faisoit point bonne chiere<br />
par semblant. Quant ilz furent bien conseillies et longuement ilz respondirent au roy Edouart<br />
et distrent, “Certes chier sire, quant nous venismes cy, nous y venismes plus pour vous veoir<br />
que pour autre chose si n’estions mie pourveuz ne avisez de vous respondre sur ce que requiz<br />
nous avez. Si nous retrairons arriere vers noz gens chascun vers les siens et revenions a vous<br />
a .i. certain jour, quant il vous plaira et vous respondreons a dont si plainement que la<br />
couple n’en demoura mie sur nous.” Le roy vit bien qu’il n’en avoit autre chose a ceste<br />
fois si s’en passa atant. Et se accorderent d’une journee estre ensemble pour respondre leur<br />
meilleur avis a .iii. sepmaines apres la Saint Jehan mais bien leur demoustra le roy les grans<br />
frais et les grans dommages qu’il soustenoit pour leur attente. Car il pensoit qu’ilz fussent<br />
tous pourveuz de lui respondre quant il vint la sicomme il estoit ce leur dist qu’il ne s’en<br />
retourneroit jamais en Engleterre jusques adont qu’il savoit leur entention tout plainement.<br />
Sur ce, ces seigneurs se departirent. Le roy [f26v] demoura tout quoy en l’abbaie de Saint<br />
Bernart jusques apres la journee. Les aucuns des seigneurs et des chevaliers d’Engleterre<br />
de mourerent en Anviers pour lui faire compaignie. Les autres aloient esbanoians parmy<br />
le pays a grans frais, la ou ilz estoient bien venuz durement et bien festoiez. Le duc de<br />
Braibant s’en ala a Leuvre et la se tint un grant temps et envoioit souvent pardevers le roy<br />
de France pour lui excuser et pour prier qu’il ne creust nulle mauvaise information senestre<br />
contre lui.<br />
L e jour approucha et vint que le roy Englois attendoit la responce de ces seigneurs.<br />
Mais ilz se firent souffisaument excuser et manderent au roy qu’ilz estoient tous appareillies<br />
eulz et leurs gens ainsi que convent estoit mais qu’il feist tant au duc qu’il s’appareillast qui<br />
estoit le plus prouchain et qui le plus froidement se portoit ce leur sembloit et appareilloit.<br />
Et aussi tost qu’ilz saroient de certain que le duc seroit appareillie ilz se mouveroient et<br />
seroient au commencement de la besoingne aussi tost que le duc de Braibant seroit.<br />
Sus ces paroles le dit roy englois fist tant qu’il parla au duc de Braibant son cousin et<br />
lui demoustra le mandement que ces seigneurs lui avoient mandez. Si lui pria en amistie et<br />
requist par linage qu’il se voulsist sur ce aviser parquoy nulle defaute ne fust trouvee en lui.<br />
Car il endroit de lui sappercevoit bien que il s’appareilloit froidement et se il n’en faisoit<br />
autre chose, il doubtoit qu’il ne perdist l’aide et le confort de ces seigneurs d’Alemaigne par<br />
la defaute de lui. Quant le duc oy ce il en fu tout confus et dist qu’il s’en conseilleroit. Quant<br />
il fu longuement conseillie, il respondy ay roy qu’il seroit assez tost appareillie quant besoing<br />
en seroit mais il aroit aincois parle a tous ces autres seigneurs. Le roy apparcut bien qu’il<br />
n’en aroit autre chose et que le courroucier ne lui povoit riens valoir. S’y accorda au duc<br />
son propos et dist qu’il envoieroit encore a ces seigneurs certains messages de par lui qu’ilz<br />
fussent a une certaine journee encontre lui, la ou il leur plairoit mieux. Ainsi se departirent<br />
[f26v] le roy et le duc. Et furent devers les seigneurs de l’Empire messages envoyes et le<br />
certain jour assigne qu’il venroit ce fu a la nostre dame my aoust. Et fu miz et assiz ce<br />
parlement par tous communs accors a Halle pour la cause du joenne conte Guilleaume de<br />
Hainau qui y devoit estre et fu avec monseigneur Jehan de Hainau son oncle.<br />
Q uant tous ces seigneurs de l’Empire furent assemblez, sicomme dessus est dit, en la<br />
ville de Halle, ilz orent grant parlement et long conseil. Car la besoigne leur estraindoit<br />
durement. A enviz pour sivoient leur couvenant et a enviz en defailloient pour leur honneur.<br />
Quant ilz furent tres longuement conseillies, ilz respondirent d’un accort au roy englois et<br />
distrent ainsi, “Chier sire, nous nous sommes longuement conseillies car vostre besoigne<br />
nous est assez pesant, car nous ne veons pas tout confidere que nous avons point de cause
(f27 r ) Comment le roy d’Engleterre vint parler a ses alies en la ... 49<br />
de deffier le roy de France a vostre occasion, se vous ne pourchacies que vous ayes l’accort<br />
de l’Empereur et qu’il nous commande que nous deffions le roy de France de par lui. Car<br />
il ara bien droite achoison et vraye par raison sicomme nous vous dirons. Et dont en avant<br />
ne demoura nulle defaute en nous que nous ne soions appareillies de faire ce que promis<br />
vous avons sans nulle excusance. La cause que l’Empereur puet avoir de deffier le roy de<br />
France est telle. Il est certain que couvenancie a este de long temps et seelle et jurs que<br />
le roy de France quiconques le soit ne puet ne doit tenir ne acquerre riens sus l’Empire Et<br />
ce roy Phelippe qui a present regne a fait le contraire contre son serement car il a acquis<br />
le chastel de Crevecuer en Cambresis et le chastel de Alues en Paillueil et pluseurs autres<br />
heritages en la dicte conte de cambresis, qui est terre de l’Empire et hauls fiefs et relevee de<br />
l’Empereur et la attribue au dit royaume de France pour quoy le dit Empereur a bien cause<br />
de lui deffier par nous qui sommes ses subgies. Si que nous vous prions et conseillons que<br />
[f27r] vous y vueillies paine mettre a pourchacier son accort pour nostre paix et honneur et<br />
nous y mettrons paine avec vous a nostre loyal povoir.”<br />
Le roy englois fu tout confus quant il oy ce rapport et bien lui sembla que ce fu un<br />
detriement et bien pensoit que ce venoit de l’avis du duc de Braibant son cousin, plus que<br />
des autres. Toutesuoies il considera assez qu’il n’en aroit autre chose et que le courroucier<br />
ne lui povoit riens valoir. Si en fist meilleur semblant qu’il pot par emprunt et leur dist,<br />
“Certes seigneurs, je n’estoie mie avise de ce point et se plus tost en fusse avise, je en eusse<br />
voulents use par vostre conseil et encore vueil faire. Si m’en aidies a conseillier selon ce que<br />
je sui de ca la mer en estrange pays apassez et si y ay longuement sejourne et a grans frais<br />
si m’en vueillies donner bon conseil pour vostre honneur et pour la mienne. Car sachies se<br />
j’ay en ce cas nul blasme vous n’y povez avoir nulle honeur.”<br />
L ongue chose seroit a racompter tous leurs consauls et toutes leurs paroles acorde fu<br />
par eulx en la parfin que le marquis de Julliers yroit parler a l’Empereur et yroient des<br />
chevaliers et des clers du roy avec lui et du conseil du duc de Guerles aussi et feroient<br />
la besoingne a la meilleur foy qu’ilz pourroient. Mais le duc de Braibant n’y voult point<br />
envoier mais il presta le chastel de Louvaing au roy pour demourer, s’il lui plaisoit, jusques<br />
a l’este. Car le roy leur avoit bien dit que nullement ne retourneroit en Engleterre car honte<br />
et vergongne lui feroit s’il retournoit sans avoir fait partie de son emprise dequoy se grant<br />
fame estoit se la defaute n’en demouroit en eulx. Et leur dist qu’il manderoit la joenne royne<br />
sa femme et tenroit leur hostel ou chastel de Louvaing puis que le duc son cousin lui avoit<br />
<strong>of</strong>fert. Ainsi se departi ce parlement et creantierent tous ces seigneurs l’un en la presence de<br />
l’autre, qui jamais ne querroient nulle excusance ne detriement que de la feste Saint Jehan<br />
baptiste qui seroit l’an 1339 en avant ilz seroient ennemiz au roy Phelippe [f27r] de France<br />
et seroit chascun appareillie ainsi que promiz avoit. Chascun en ala en son lieu. Le marquis<br />
de Julliers mut a toute sa compaignie pour aler vers l’Empereur si le trouverent a Floreberg.<br />
Pourquoy feroye long compte de leurs paroles ne de leurs requestes? Je ne les saroie<br />
raconter toutes entierement car je n’y fuz mie. Mais le dit marquis de Julliers parla se<br />
gracieusement a monseigneur Loys de Baviere, Empereur de romme pour le temps qu’ilz<br />
firent toutes leurs besoingnes et ce pourquoy ilz estoient la alez. Et y rendy madame Marguerite<br />
de Hainau sa femme moult grant paine. Et fu a dont le marquis de Julliers qui<br />
en devant estoit conte de Julliers Et le duc de Guerles qui estoit appellez conte, fait duc<br />
de Guerles et l’empetrerent cest augmentation de nom ses gens qui la estoient. Et aussi<br />
l’Empereur donna commission a quatre chevaliers et a .ii. clers de droit qui estoient de son<br />
conseil et povoir de faire le roy Edouart son vicaire per tout l’Empire et lui donna grace<br />
parquoy il peust faire monnoie d’or et d’argent ou nom de lui et commandement que chascun<br />
de ses subgies obeist a lui comme au vicaire et comme a lui meismes. Et de ce pristrent<br />
les dessus dis instrumens publiques confermez et seellez souffisant de l’Empereur. Quant<br />
le dit marquis de Julliers ot fait toutes ses besoignes il et sa compaignie se mistrent en retour.<br />
Comment le roy David d’Escoce vint a Paris devers le roy Phelippe<br />
E n ce temps le joenne roy David d’Escoce, qui avoit perdu grant partie de son roy-
50 (f28 r ) Comment le roy Edouart fu fait vicaire de l’empire d’Alema...<br />
aume et ne le povoit recouvrer pour l’effort du roy Englois son serourge, se party d’Escoce<br />
priveement a petite mesgnie avec la royne sa femme et se mistrent en mer si arriverent a<br />
Bouloingne et puis firent tant qu’ilz vindrent en France et droitement a Paris ou le roy<br />
Phelippe se tenoit pour le temps. Attendant tous les jours que deffiances lui venissent du<br />
roy englois et des seigneurs de l’Empire selon ce qu’il estoit enforme. De la venue du roy<br />
d’Escoce fu le roy de France moult resjoy et le conjoy et festoia grandement pour tant qu’il<br />
en attendoit avoir [f27v] bon confort. Car bien veoit le roy de France et ooit dire tous les<br />
jours que le roy d’Engleterre s’appareilloit quanqu’il povoit, siques quant le roy d’Escoce lui<br />
ot remoustre sa besoingne et neccessite et en quelle instance ilz estoit. La venus il fu tantost<br />
tout acointie de lui. Car moult bien se savoit acointrer de ceulx dont il esperoit avoir prouffit<br />
ainsi que pluseurs grans seigneurs sceuent faire. Si lui presenta ses chasteaux pour sejourner<br />
a la voulente et de son avoir pour despendre mais qu’il ne voulsist faire nul acord ne paix au<br />
roy Anglois fors par son conseil. Le joenne roy d’Escoce recut en grant gre ce que le roy de<br />
France lui <strong>of</strong>fri et lui creanca tout ce qu’il lui requist. Si sembla adont au roy de France qui<br />
c’estoit grant confort pour lui et grant contraire pour le roy d’Engleterre, s’il povoit tant<br />
faire que les seigneurs et les barons qui estoient demourez en Escoce voulsissent et peussent<br />
si ensommer les Englois qu’il ne peust venir de ca la mer se petit non pour lui grever ou<br />
qu’il couvenist le roy d’Engleterre retourner pour garder son royaume. Pour ce et en celle<br />
intention il retint ce joenne roy d’Escoce et la royne sa femme delez lui et les soustint par<br />
long temps et leur fist delivrer quanqu’il leur besoingnoit car d’Escoce leur venoit il assez<br />
petit pour leur estat maintenir. Et envoia le dit roy de France grans messages en Escoce<br />
a ces seigneurs et a ces barons qui la guerroioient contre les garinsons du roy d’Engleterre<br />
et leur fist <strong>of</strong>frir grant aide et grant confort mais qu’ilz ne voulsissent faire paix ne donner<br />
milles treves aux Englois se ce n’estoit par sa voulente et par son conseil et par la voulente et<br />
conseil leur seigneur le roy d’Escoce qui tout ce lui avoit promis et jure a tenir. Sur les lettres<br />
et requestes du roy de France ces seigneurs d’Escoce se conseillierent. Quant ilz furent bien<br />
conseillies et ilz orent considere parfaitement toutes leurs besoingnes et la dure guerre qu’il<br />
avoient aux Englois, ilz si accorderent liement et le jurerent et seellerent avec [f27v] le roy<br />
leur seigneur. Ainsi furent les aliances de ce temps faites entre le roy Phelippe de France et<br />
le roy David d’Escoce qui se tindrent fermes et estables un long temps. Et envoia le dit roy<br />
de France gens d’armes en Escoce pour guerroier les Englois et par especial mesire Arnoul<br />
d’Andrehen qui puis fu mareschal de France et le sire de Garencieres avec pluseurs chevaliers<br />
et escuiers y furent envoyes et y firent mainte belle appertise d’armes sicomme vous orrez<br />
avant en l’istoire. Or me tairay a present de ceste matiere et me retrairay a nostre matiere<br />
devant.<br />
Comment le roy Edouart fu fait vicaire de l’empire d’Alemaigne.<br />
Q uant le roy Edouart et les autres seigneurs a lui aliez se furent partis du parlement,<br />
sicomme vous avez oy, le roy se trait a Louvaing et fist appareillier le chastel pour demourer<br />
et manda a la royne Phelippe sa femme selle vouloit venir pardeca la mer ce lui plairoit<br />
bien, car il ne povoit de la repasser toute celle annee. Et envoia grant partie de chevaliers<br />
oultre pour garder son pays meismement sus la marche d’Escoce. La royne dessus dicte<br />
prist en grant plaisance les nouvelles du roy son seigneur si se appareilla au mieux et au<br />
plus tost quelle pot pour repasser la mer. Endementiers que ces besoignes se detrioient les<br />
autres chevaliers englois qui estoient en Braibant delez le roy s’espardirent aval le pays de<br />
Flandres et de Hainau en tenant grant estat et en faisant grans frais. Et n’espargnoient ne<br />
or ne argent non plus que se il leur pluist des nues et donnoient grans joiaux aux seigneurs,<br />
aux dames et aux damoiseles pour acquerre la grace et la loenge de ceulx et de celles entre<br />
qui il conversoient et tant faisoient qu’ilz l’avoient et estoient presies de tous et de toutes et<br />
meismement du commun peuple a qui ilz ne donnoient riens pour le bel estat qu’il menoient.<br />
Or revindrent de l’Empereur monseigneur Loys de Baviere environ la Toussaine, [f28r]<br />
le marquis de Julliers et sa compaignie, Si signfia et escript par certains chevaliers au roy<br />
Edouart sa revenue et lui manda aussi que, Dieu mercy, Il avoit tresbien exploitie. De ces
(f28 r ) Comment le roy Edouart fu fait vicaire de l’empire d’Alema... 51<br />
nouvelles fu le roy englois tout joieux et rescripsi au dit marquis que, a la Saint Martin, il<br />
fust devers lui et que a ce jour tous les autres seigneurs y seroient. Avec tout ce, le roy<br />
englois se conseilla au duc de Brebant son cousin et demanda ou il vouloit que ce parlement<br />
se tenist. Le duc fu avise de respondre et ne voult mie adont que ce fust en son pays et si ne<br />
voult mie aler jusques a Tret ou la journee eust este bien seant, pour la cause des seigneurs<br />
de l’Empire et avisa et ordonna et voult quelle fust assise a Herkes qui siet pres de son pays<br />
en la conte de Los. Le roy englois sachies avoit si grant desir de sa besoingne avancier qu’il<br />
lui couvenoit poursuir et attendre tous les dangiers et les voulentez du duc son cousin, puis<br />
qu’il se estoit embatus et se accorda a ce que la journee fu assignee a Herques. Si le fist<br />
savoir a tous ses alies, qui tous y vindrent a son mandement au jour de la Saint Martin.<br />
Quant tous furent la venus, sachies que la ville fu durement plaine des seigneurs, de<br />
chevaliers et d’escuiers et de toutes autres manieres de gens et fu la halle de la ville la, ou<br />
on vendoit pain et chair qui gaires ne valoit, encourtinee de beaux draps comme la chambre<br />
du roy. Et fu le roy englois assez la couronne d’or moult riche et moult noble sur son chief<br />
plus haut .v. pies que nulz des autres. Sur un banc de un bouchier, la ou il tailloit et<br />
vendoit sa chair. Onques celle halle ne fu a si haulte honneur. La endroit pardevant tout<br />
le peuple qui la estoit et pardevant tous les seigneurs furent leves les lettres de l’Empereur<br />
par lesquelles il constituoit le roy Edouart d’Engleterre son vicaure et son lieutenan pour<br />
lui et lui donnoit povoir de faire droit et loy a chascun ou nom [f28r] de lui et de faire<br />
monnoie, d’or et d’argent aussi ou nom de lui et commandoit par ces dictes lettres a tous les<br />
princes de son empire et a tous autres a lui subgies qu’ilz obeissent a son vicaire comme a<br />
lui meismes et feissent feaute et hommage comme au vicaire de l’Empire. Quant ces lettres<br />
furent leues chascun des seigneurs fist feaute et hommage et serement au roy englois comme<br />
au vicaire de l’Empereur. Et tantost la endroit fu clame et respondu entre parties comme<br />
devant l’Empereur et jugie droit a la semonce de lui. Et la fu en droit renouvelle et afferme<br />
un jugement et estatu, qui avoit este fait en la court l’Empereur du temps passe, qui telz<br />
estoit. Que qui vouloit autrui grever ou porter dommage il le devoit deffier souffisant .iii.<br />
jours devant son fait. Et qui autrement le feroit il devoit estre attains comme de mauvais et<br />
de villain fait. Cest estatu sembla bien estre raisonnable a chascun mais je ne croy mie que<br />
depuis il ait este par tout bien gardez. Quant tout ce fu fait les seigneurs se departirent et<br />
creancierent les uns aux autres de estre appareillies sans delay toutes leurs gens, ainsi que<br />
couvenancie estoit .iii. sepmaines apres la Saint Jehan pour aler devant Cambray qui doit<br />
estre de l’Empire et estoit tournee devers le roy de France.<br />
De monseigneur Loys Trancheu.<br />
A insi se departirent ces seigneurs chascun en rala en son lieu. Et le roy Edouart,<br />
vicaire de l’Empire, s’en revint a Louvaing delez madame la royne sa femme, qui nouvellement<br />
estoit la venue a grant noblesce et bien acompaignie de dames et de damoiselles<br />
d’Engleterre. Se s’en tindrent a Louvain leur tinel moult honnorablement tout cel yuer et<br />
fist faire monnoie, d’or et d’argent en Anviers, a grant foison. Mais pour ce, ne laissa le<br />
duc de Braibant de renvoier devers le roy de France soingneusement monseigneur Loys de<br />
Trancheu, son plus conseillier en lui excusant. En la fin, il le fist demourer delez le roy<br />
et lui [f28v] et enjoingny expressement que tout il l’excusast devers le roy et contredeist<br />
toutes informations qui povoient venir au dit roy alencontre de lui. Le dit mesire Loys n’osa<br />
escondire le commandement du duc son seigneur. Ains en fist toudis bien son devoir a son<br />
povoir. Mais au derrain il en ot povre guerredon car il en mouru en France de dueil, quant<br />
on vit apparaument le contraire de ce dont il excusoit le duc si certainement et en devint<br />
si confuz qu’il n’en voult onques depuis retourner en Braibant. Si demoura tout quoy en<br />
France pour lui oster de souspecon tant qu’il vesqui ce ne fu pas longuement, si comme vous<br />
orrez en avant recorder en l’istoire.<br />
Comment le roy Edouart et ses alies deffierent le roy de France Phelippe
52 (f29 r ) Comment le roy Edouart et ses alies deffierent le roy de Fr...<br />
O r passa cel yuer. L’este revint. La feste Saint Jehan baptiste aproucha. Ces<br />
seigneurs d’Alemaigne s’appareillierent pour achever leur emprise le roy de France se pourvei<br />
a l’encontre. Car il savoit partie de leur entente comment qu’il n’en fust point encore deffiez.<br />
Le roy englois fist faire ses pourveances en Engleterre et ses gens d’armes appareillier et<br />
passer pardeca la mer si tost que la Saint Jehan fust passee et se ala tenir il meismes a<br />
Vilevort et faisoit ses gens ainsi qu’ilz apassoient oultre et qu’ilz venoient prendre hostels en<br />
la ville de Vilevort. Et quant la ville fu plaine. il les fist logier contreval ces beaux pres selon<br />
la riviere en tentes et en trefs. Et la se logierent et demourerent de la Magdaleine jusque<br />
a la nostre dame en septembre, en attendant de sepmaine en sepmaine la venue des autres<br />
seigneurs et par especial celle du duc de Braibant, apres qui tous les autres s’attendoient.<br />
Quant le roy englois vit que ces seigneurs ne venoient point, ne appareillies n’estoient, il<br />
envoia certains messages vers chascun et les fist semondre sur leur creant qu’ilz venissent<br />
sans nul delay, ainsi que creancie avoient et venissant au jour de Saint Gille pour parler a lui<br />
en la ville de Malmes et dire pourquoy ilz tardoient tant. Le roy Edouart sejurnoit [f28v] a<br />
Vilevort a grans frais, ce puet chascun savoir et perdoit son temps, si lui emmuoit moult et<br />
ne le povoit amender. Il soustenoit tous les jours soubz ses frais bien 1600 armeures de fer,<br />
fleur de gens tous venus d’oultre mer et bien 10000 archiers sans les autres poursivans a ce<br />
appartenan. Si lui povoit bien ce peser avec le grant tresor qu’il avoit donne a ces seigneurs<br />
qui ainsi le detrioient par parolles, ce lui povoit bien sembler et avec les grandes armees qu’il<br />
avoit establiz sur mer contre Genevois, Normans, Bretons, Picars et Espaignols que le roy<br />
Phelippe faisoit gesir et nagier sur mer a ses gaiges pour les Englois grever. Dont mesire Hue<br />
Kieres mesire Pierre Bahute et Barbenaures estoient amiraux et conduiseurs pour garder les<br />
destrois et les passages entre Engleterre et France. Et n’attendoient ces dessus dis escumeurs<br />
de mer autre chose que les nouvelles leur venissent que la guerre fust ouverte et que le roy<br />
englois sicomme on supposoit eust deffie le roy de France, qu’il entreroient en Engleterre ou<br />
que ce fust. Si avoient la avise ou et comment pour porter au pays grant dommage.<br />
C es seigneurs d’Alemaigne, a la semonce du roy englois, le duc de Braibant et mesire<br />
Jehan de Hainau vindrent a Malmes et se acorderent communement apres tout plain de<br />
paroles que le roy englois povoit bien mouvoir a la .xv. apres ou environ et seroient adont<br />
tous appareillies. Et pour tant que leur guerre fust plus belle et que bien appartenoit de<br />
faire puis qu’ilz vouloient guerroier le roy de France, ilz s’acorderent a envoier les deffiances<br />
au roy Phelippe.<br />
Premierement le roy Edouart d’Engleterre que se fist cheif de tous et de ceulx de son<br />
royaume ce fu raison. Aussi le duc de Guerles, le marquis de Julliers, mesire Robert d’Artois,<br />
mesire Jehan de Hainau, le marquis de Misse et d’Eurient, le marquis de Blanquebourch,<br />
mesire de Fauquemont, mesire Ernoul de Kakehen, l’arcevesque de Couloingne, mesire Galecan<br />
[f29r] son frere et tous les seigneurs de l’Empire qui cheifs se faisoient avec le roy englois.<br />
Si furent ces deffiancailles escriptes et seellees de chascun excepte du duc Jehan de Braibant,<br />
qui encore s’excusa et ne se voult mie adont conjoindre en ces deffiances et dist qu’il feroit<br />
son fait a par lui a temps et a point de ces deffiances aporter en France fu prie et chargie<br />
l’evesque de Lincolle, qui bien s’en aquita car il les aporta a Paris et fist son message bien<br />
et a point tant qu’il ne fu de nullui repris ne blasmez et lui fu delivre .i. saufconduit pour<br />
retourner arriere devers le roy son seigneur qui se tenoit a Malmes.<br />
Or vous vueil parler de .ii. grans entreprises d’armes que mesire Gautier de Mauny fist<br />
en la propre semaine que le roy fu deffie. Si trestost comme il pot sentir et appercevoir que<br />
le roy de France devoit ou povoit estre deffie, il pria et cueilla environ 40 lances de bons<br />
compaignons seurs et hardiz, si se departi de Braibant et chevauca tant de nuit comme de<br />
jour qu’il vint en Hainau et se bouta es boys de Blaton. Et encore ne savoit nulz quelle<br />
chose il vouloit faire mais il s’en descouvre la a aucuns de ses secres et leur dist qu’il<br />
avoit promiz et voue en Engleterre present dames et seigneurs que ce feroit le premier qui<br />
entreroit en France et prendroit chastel ou forteresce et y feroit aucune appertise d’armes.<br />
Si estoit son entente que de chevaucier jusques a Mortaigne et de sousprendre la ville qui se<br />
tient du royaume de France. Ceulx a qui il s’en descouvri lui accorderent liement. Adont<br />
recenglerent ilz leurs chevaux et restraindirent leurs armeures et chevaucierent tous serrez
(f29 r ) Comment le roy Edouart et ses alies deffierent le roy de Fr... 53<br />
et passerent les boys de Blaton et de Brefueil et vindrent droit a un adjournement devant<br />
souleil levant a Mortaigne, si trouverent d’aventure le guichet ouvert. Adont descendirent<br />
ilz mesire Gautier de Mauny tout le premier et aucuns des compaignons et entrerent en la<br />
porte tout quoiement et establirent aucuns de leurs gens pour garder la porte parquoy ilz ne<br />
fussent souspris et puis s’en vindrent tout contreval la [f29r] rue mesire Gautier de Mauny<br />
et son pennon tout devant devers la grosse tour et les caingles. Si la cuidierent aussi trouver<br />
mal gardes mais ilz faillirent a leur entente car les portes et le guichet estoient fermez bien<br />
et estroitement. Aussi la guerre du chastel oy la frainte et l’apparcut de sa garde, si fu tout<br />
esbahiz et commenca a sonner et a corner en sa buisine, “Trahi, trahi!” Si s’esveillierent<br />
toutes gens et les soudoiers du chastel mais point ne vuidierent de leur fort.<br />
Quant mesire Gautier de Mauny senty les gens de Mortaigne esmouvoir, il se retrait tout<br />
bellement devers la porte mais il fist bouter le feu en la rue encontre le chastel, qui tantost<br />
s’esprist et aluma et furent bien a ceste matinee 40 maisons arses et les gens de Mortaigne<br />
effraiez. Car ilz cuidierent estre tous pris mais le sire de Mauny et ses gens se partirent<br />
de la ville et chevaucierent arriere devers Condet et passerent la l’Escaut et la riviere de<br />
Haine et puis chevaucierent le chemin de Valenciennes et la costoierent a la droite main et<br />
vindrent a Devain et se refreschirent la en l’abbaie. Et puis passerent oultre devers Bouhain<br />
et firent tant au chastellain que les portes leur furent ouvertes et passerent la une riviere qui<br />
y cuert qui se refiere en l’Escaut et vient d’amont devers Aluel en Pailleul. Apres ce, quant<br />
ilz furent tout oultre Bouchain et la riviere, ilz s’en vindrent a un fort chastel qui se tenoit<br />
de l’evesque de Cambray et de Cambresis et l’appelle on thin l’evesque et siet sus la riviere<br />
d’Escaut. En ce chastel n’avoit adont nulle garde souffisant car le pays ne cuidoit pas estre<br />
en guerre si furent ceulx de thin soudainement souspris et le chastel pris et conquis et le<br />
chastelain et sa femme dedens. Et en fist le sire de Mauny une bonne garnison et y ordonna<br />
a demourer un sien frere chevalier qui s’appelloit mesire Gille de Mauny, qu’on dist grignart.<br />
Lequel fist depuis a ceulx de Cambresis et de la cite de Cambray pluseurs destourbiers car<br />
le chastel siet a une lieue pres de la dicte cite. Quant mesire Gautier de Mauny ot fait ces<br />
emprises, il retourna [f29v] franchement en Braibant devers le roy englois et le trouva a<br />
Malmes si lui recorda une partie de ses chevauciees. Le roy les oy voulentiers et le retint a<br />
grant vasselage.<br />
Le premier appareil du roy Phelippe contre le roy Edouart.<br />
T ous avez bien ey dessus oy recorder sur quel estat les seigneurs de l’Empire se partirent<br />
du roy Englois et du parlement qui fu a Malmes et comment ilz envoierent deffier le roy<br />
Phelippe de France de par le roy Edouart d’Engleterre. Si tost que le roy Phelippe se senty<br />
deffie du roy Englois et de tous ses alies, il vit que c’estoit acertes et qu’il aroit la guerre<br />
si se pourvei selon ce bien et grossement et retint gens d’armes et soudoiers de tous lez et<br />
envoia grans garinsons en Cambresis car il pensoit bien que de ce ceste il aroit premierement<br />
l’assault. Et envoia monseigneur le Galoys de la Baume, un bon chevalier de savoie dedens<br />
Cambray et l’en fist cappitaine avec monseigneur Thibaut de Moruel et le seigneur de Foie.<br />
Et estoint bien savoiens que francois 200 lances. Et envoia encore le dit roy Phelippe saisir<br />
la conte de Pontieu que le roy d’Engleterre avoit tenu en avant de par madame sa mere et<br />
manda et pria a aucuns seigneurs de l’Empire telz que le conte de Hainau, son nepueu, le<br />
duc de Lorraine, le conte de bar, l’evesque de Mes, l’evesque de Liege, monseigneur Auls<br />
de la Marche qu’ilz ne feissent nul mauvais pourchas contre lui, ne a son royaume. Les<br />
plus de ces seigneurs lui manderent que aussi ne feroient il. Et adont le conte de haynau lui<br />
escript moult courtoisement et lui signifia qu’il seroit appareillie a lui et a son royaume aidier<br />
et defendre et garder contre tout honte. Mais se le roy englois vouloit guerroier l’Empire<br />
comme vicaire et lieutenant de l’Empereur, il ne lui povoit refuser son pays ne son confort<br />
car il tient en partie sa terre de l’Empereur, si lui doit ou a son vicaire toute obeissance. De<br />
ces rescriptions se contenta le roy de France assez bien et les laissa passer assez legierement<br />
et [f29v] n’en fist nul grant compte. Car il se tenoit fors assez pour resister contre tous ses<br />
ennemis.
54 (f30 r ) Or retournerons nous au roy d’Engleterre qui se tenoit a ma...<br />
Si trestost que mesire Hue Kiere et ses compaignons, qui se tenoient sus mer, entendirent<br />
que les deffiances estoient en la guerre ouverte entre France et Engleterre, ilz vindrent .i.<br />
dimenche au matin ou havene de Hantonne endementiers que les gens estoient a la messe.<br />
Et entrerent les dis Normans et Genevois en la ville et la pristrent de fait et la pillierent<br />
et roberent toute entierement et y tuerent moult de gens et violerent pluseurs femmes et<br />
pucelles dont ce fu dommage et chargierent leurs nefs et leurs vaisseaux du grant pillage<br />
qu’ilz trouverent en la ville, qui estoit plaine et drue et bien garme et puis rentrerent en<br />
leurs nefs. Et quant le flos de la mer fu revenuz, ilz se desancrerent et siglerent a l’exploit<br />
du vent devers Normandie et s’en vindrent refreschir a Dieppe. Et la departirent ilz leur<br />
butin et leur pillage.<br />
Or retournerons nous au roy d’Engleterre qui se tenoit a malmes. Et s’appareilloit<br />
pour venir a Cambray mettre le siege devant la cite.<br />
L e roy englois se parti de Malmes et vint a Brousselles pour parler au duc de Braibant<br />
son cousin et toutes ses gens passerent au de hors. Dont savalerent Alemans efforciement,<br />
le duc de Guerles, le marquis de Julliers, le marquiz de Blanquebourch, le marquis de Misse<br />
et d’Eurient, le conte de Mons, le conte de Saumes, le sire de Fauquemont, messire Ernoul<br />
de Caquehen et tous les seigneurs de l’Empire aliez au roy englois et estoient bien 20000<br />
hommes d’autre part estoit mesire Jehan de Hainau qui se pourveoit grossement pour estre<br />
en ceste chevauciee, mais il se tenoit delez le conte de Hainau son nepueu. Quant le roy<br />
englois et mesire Robert d’Artois furent venuz a Brousselles et ilz orent parle au duc de<br />
Braibant assez de pluseurs choses ilz demanderent au dit duc quelle estoit son intention<br />
d’aler devant Cambray ou du l’aissier. Le duc [f30r] a ceste parole respondi et dist que<br />
si trestost comme il pourroit savoir qu’il aroit assegie Cambray, il se trairoit celle part a<br />
tout 1600 lances bien esc<strong>of</strong>fez de bonnes gens d’armes. Ces responces souffirent bien au<br />
roy englois adont et a son conseil si se party le dit roy be Brousselles et passa parmy la<br />
ville de Nivelle et la jut une nuit. A l’endemain il vint a Mons en Hainau et la trouva<br />
le joenne conte son serourge et monseigneur Jehan de Haynau son oncle, qui le recevrent<br />
moult liement et monseigneur Robert d’Artois qui estoit toudiz delez lui et de son plus secret<br />
conseil et environ 16 ou 20 grans barons et chevaliers d’Engleterre que le dit roy menoit avec<br />
lui pour son honneur et son estat et pour lui conseillier et si y estoit l’evesque de Lincolle<br />
qui moult estoit renomme en ceste chevauciee de grant sens et de proesce. Si se reposa le<br />
roy englois deux jours a mons en Hainau et y fu grandement festoie du dit conte et des<br />
chevaliers du pays et toudiz passoient ses gens et se logoient sus le plain pas ainsi qu’ilz<br />
venoient et trouvoient tous vivres appareillies pour leurs deniers. Les aucuns paioient et les<br />
autres non.<br />
Ainsi se approuchierent les besoingnes du roy englois et s’en vint a Valenchiennes et<br />
y entra tant seulement lui 1200 de chevaliers. Et ja estoient la venuz le conte de Hainau<br />
et mesire Jehan son oncle, le sire d’Enghien, le sire de Fagunelles, le sire de werchin, le<br />
sire de Havrech et pluseurs autres qui se tenoient delez le conte leur seigneur et recevrent<br />
le roy englois moult liement et l’en mena le dit conte par la main jusques en la salle qui<br />
estoit toute arree et appareilliee pour lui recevoir. Dont il avint en montant les degres de la<br />
salle l’evesque de Lincolle, qui la estoit present, leva sa voix et dist, “Guillaume d’Ausonne,<br />
evesque de Cambray, je vous amoneste comme procureur de par le roy d’Engleterre, vicaire<br />
de l’Empereur de Romme que vous vueillies ouvrir la cite de Cambray autrement vous<br />
forfaites et y entrerons de force.” Nulz ne respondy a ceste parole car l’evesque n’estoit<br />
point present. Encore parla [f30r] le dit evesque de Lincolle et dist, “Conte de Hainau, nous<br />
vous amonnestons de par l’Empereur de Romme que vous venez servir le roy d’Engleterre<br />
son vicaire devant la cite de Cambray a ce que vous devez de gens.” Le conte qui la estoit<br />
respondy et dist, “Voulentiers.” Apres ces paroles ilz entrerent en la salle et menerent le<br />
roy englois en sa chambre. Assez tost apres le souper fu appareillie qui fu grans et beaux et<br />
bien ordonnez. A l’endemain au matin se party le roy englois de Valenciennes et s’en vint<br />
a Aspre. Et la se loga et reposa .ii. jours attendant ses gens qui venoient dont il en y avoit
(f30 v ) Or retournerons nous au roy d’Engleterre qui se tenoit a ma... 55<br />
grant foison tant d’Engleterre comme d’Alemaigne.<br />
Q uant le roy d’Engleterre ot este .ii. jours a Aspre et que ja moult de ses gens furent<br />
passez et venuz a Nave et la environ, il s’en party et mut devers Cambray et se loya a<br />
Ybbis et assega la cite de Cambray de tous poins et toudis lui croissoient gens. La lui vint<br />
le joenne conte de Hainau en tresgrant arroy et mesire Jehan de Hainau son oncle et se<br />
logierent assez pres du roy. Apres le duc de Guerles et ses gens le marquis de Julliers et sa<br />
route, le marquis de blanquebourch et ses gens, le marquis de Mise et d’Eurient, le conte des<br />
mons, le conte de Saumes, le sire de Fauquemont, mesire Ernoul de bakehen et ainsi tous les<br />
autres et tousiours leur croissoient gens. Au .vi. jour que le roy englois et tous ces seigneurs<br />
se furent logies devant Cambray vint le duc de Braibant en l’ost moult esc<strong>of</strong>feement et en<br />
grant arroy et avoit bien 900 lances sans les autres armeures de fer dont il avoit grant soison<br />
et se loga vers Ostrevan sus l’Escaut et fist on un pont sur la riviere pour aler de l’un ost<br />
a l’autre. Tantost que le duc de Braibant fu venuz, il envoia deffier le roy de France qui se<br />
tenoit a Compiengne. Dequoy mesire Loys de Tranchen qui toudiz l’avoit excuse en fu si<br />
confuz qu’il en mouru de dueil dont ce fu dommage pour ses amis. Ce siege durant devant<br />
Cambray il y ot pluseurs assauls, escarmuches et paletiz et chevaucoient par usage mesire<br />
Jehan de Hainau et le sire de fauquemont ensemble. Dont ilz ardirent [f30v] et foulerent<br />
durement le pays de Cambresis et vindrent ces seigneurs un jour et leurs routes ou il avoit<br />
bien 500 lances et 1000 autres combatans. Au chastel de Oisy en Cambresis et y livrerent<br />
un tresgrant assaut. Et se ne fussent les chevaliers et es escuiers qui dedens estoient, ilz<br />
l’eussent pris et de force. Mais si bien se defendirent ceulz dedens qui la estoient de par<br />
le seigneur de Coussy qu’ilz n’y orent point de dommage. Et retournerent les dessus dis<br />
seigneurs et leurs routes en leurs logers.<br />
E ncore ce siege durant devant Cambray vint par un samedy le conte Guilleaume de<br />
Hainau qui estoit moult bachelereux a tout ceulz de son pays dont il y avoit tres bonnes<br />
gens devant la cite de Cambray a la porte de Saint Quentin et la livra grant assault. Et<br />
la fu Jehan Chandos, qui adont estoit escuier tres appert et bon bacheler et se getta entre<br />
les barrieres et la porte oultre au long d’une lance. Et la se combati moult vaillaument a<br />
un escuier de Vermendois qui s’appelloit Jehan de Saint Digier. Et firent l’un sur l’autre<br />
pluseurs belles appartises d’armes. Et conquistrent de force les Hainuiers le baille et la<br />
estoit le conte de Hainau en tresbon convenant et ses seneschaux mesire Girart de Werchin<br />
et mesire Henry d’Antoing et tous les autres qui s’avancoient et aventuroient hardiement<br />
pour leur honneur. A une porte, qu’on dist la porte Robert, estoient le sire de Biaumont,<br />
le sire de Fauquemont, le sire d’Enghien et mesire Gautier de Mauny et leurs gens y firent<br />
un tresgrant et fort assaut mais se ilz assailloient forment et durement ceulz de Cambray<br />
et les soudiers que le roy de France y avoit aussi envoies, se defendoient vassaument et par<br />
grant avis et firent tant que les dessus dis assaillans n’y conquistrent riens mais retournerent<br />
bien lassez et bien batuz a leurs logeis si se desarmerent et penserent du reposer. Et vint<br />
le joenne conte Guilleaume de Namur servir le conte de Hainau par priere et disoit qu’il se<br />
tenroit de leur partie tant qu’ilz seroient sus l’Empire mais si trestost qu’ilz entreroient sur<br />
le royaume de France, il sen yroit devers [f30v] le roy Phelippe qui l’avoit retenu et prie.<br />
Aussi c’estoit l’intention du conte de Hainau et comandoit estroitement a ses gens que nulz<br />
sus la hart ne forfeist riens ay royaume de France.<br />
E ndementiers que le roy d’Engleterre seoit devant Cambray a bien 40000 hommes<br />
d’armes et que moult les constraingny d’assauls et de pluseurs fais d’armes. Faisoit le roy<br />
Phelippe de France son mandement a Peronne en Vermendois et la environ. Car il avoit<br />
entention de chevaucier contre les Englois qu’il sentoit moult efforciement en Cambresis<br />
dont les nouvelles en vindrent d’Engleterre que le roy Phelippe faisoit .i. grant amas des<br />
nobles de son royaume. Si regarda le roy englois et considera pluseurs choses et se conseilla<br />
principalment a ceulz de son pays et a monseigneur Robert d’Artois en qui il avoit grant<br />
fiance et leur demanda lequel il estoit le meilleur a faire au d’entrer ou royaume de France et<br />
venir contre son adversaire le roy Phelippe ou de lui tenir devant Cambray tant que par force<br />
il l’eust conquise. Les seigneurs d’Engleterre et ses estrois consauls ymaginerent pluseurs
56 (f31 r ) il. Or parlerons du roy d’Engleterre et de tous ses alies. ...<br />
choses et regarderent que la cite de Cambray estoit malement forte et bien pourveue de gens<br />
d’armes et d’artillerie et aussi de tous vivres selon leur espoir et que longue chose seroit<br />
de la tant sejourner et estre que ilz l’eussent conquiz duquel conquest il n’estoit mie bien<br />
certain. Et si approuchoit l’yuer et si n’avoient encore fait nul fait d’armes ne apparant<br />
n’estoit du faire et sejournoient la a grans frais. Si lui conseillierent tout considere que il<br />
deslogast et chevaucast avant ou royaume. La trouveroient il largement a vivre et mieux a<br />
fourer. Ce conseil fu creu et tenu dont s’ordonnerent tous les seigneurs a deslogier et firent<br />
trousser toutes choses tentes, trefs et toutes manieres de harnois et se deslogierent tout<br />
communement et se mistrent a voie et chevaucierent devers le Mont Saint Martin, qui a ce<br />
coste est l’entree de France et chevaucoient ordonneement et par connestablies chascun sire<br />
entre ses gens. Et estoient [f31r] mareschaus de l’ost Englesce le conte de Norhantonne et<br />
de Clocestre et le conte de suffore. Et estoit connestable d’Engleterre le conte de Warvich<br />
et passerent assez pres du Mont Saint Martin les Englois, les Alemans et les Brebancons la<br />
riviere d’Escaut tout a leur aise car elle n’est mie la endroit trop large.<br />
Q uant le conte de Hainaut ot conduit et acompaignie le roy d’Engleterre jusques au<br />
departement de l’Empire et qu’il devoit passer l’Escaut et entrer ou royaume il prist congie<br />
a lui et lui dist tant que a celle fois il ne chevauceroit plus avec lui et qu’il estoit pries et<br />
mandez du roy de France son oncle, a qui il ne vouloit point de hayne mais liroit servir ou<br />
royaume en telle maniere comme il l’avoit servi en l’Empire. Et le roy lui dist, “Dieux y ait<br />
part.” Dont se party le conte de Hainau du roy d’Engleterre et toutes ses routes et le conte<br />
de Namur avec lui et s’en revindrent arriere au Quesnoy. Et donna le conte congie a la plus<br />
grant partie de ses gens mais il leur dist et pria qu’ilz fussent tous pourveus. Car il vouloit<br />
aler dedens brief temps devers le roy son oncle. Et ilz lui respondirent que aussie seroient<br />
il. Or parlerons du roy d’Engleterre et de tous ses alies. Comment ilz entrerent<br />
la premiere fois ou royaume de France a grant armee.<br />
S i trestost que le roy d’Engleterre ot passe la riviere d’Escaut et il fu montez sus le<br />
royaume de France, il appella Henry de Flandres qui estoit adont joenne escuier et le fist<br />
chevalier et lui donna 200 livres de revenue a l’estrelin chascun an et lui assigna bien et<br />
souffisant en Engleterre. Depuis vint le roy logier en l’abbaie du Mont Saint Martin et la se<br />
tint par .ii. jours et toutes les gens estoient espars sus le pays environ lui. Si estoit le duc<br />
de Braibant logie en l’abbaie de Vancelles.<br />
Quant le roy de France, qui se tenoit a Compiengne, entendy ces nouvelles que le roy<br />
englois approuchoit Saint Quentin et estoit logies sur le royaume, il renforca son mandement<br />
par tout et envoia son connestable le conte Raoul d’Eu et de Guines a tout grans gens<br />
d’armes a Saint Quentin pour garder la ville et la frontiere [f31r] sur les ennemiz et renvoia<br />
le seigneur de Coucy en sa terre et le seigneur de Hen en la sienne. Et envoia encore grans<br />
gens d’armes en Guise et en Ribeumont, a Bohain et aux forteresces voisines sus l’entree<br />
du royaume pour les garder des ennemiz et descendi devers Peronne en Vermendois a grant<br />
foison de gens d’armes, de ducs, de contes et de barons avec lui et toudiz lui croissoient gens<br />
de tous lez et se logoient sus celle belle riviere de Some entre Saint Quentin et Peronne.<br />
E ndementiers que le roy englois se tenoit en l’abbaie de Mont Saint Martin ses gens<br />
couroient tout le pays de la environ jusques a Bapaumes et bien pres de Peronne et de<br />
Saint Quentin si trouvoient le pays plain et gras et pourveu de tous biens car ilz n’avoient<br />
onques mais eu point de guerre. Or avint ainsi que messire Henry de Flandres en sa nouvelle<br />
chevalerie et pour son corps avancier et croistre en honneur se mist un jour en la compaignie<br />
et cueillete de pluseurs chevaliers desquelx messire Jehan de Hainau estoit chief. Et la<br />
estoient le sire de Faukemont, le sire de Bergues, le sire de Baudresen, le sire de Kuk et<br />
pluseurs autres, tant qu’ilz estoient bien 500 combatans. Et avoient avise une ville assez<br />
pres de la, que on appelle Honnecourt ou la plus grant partis des gens du pays estoient sus<br />
la fiance de la forteresce et y avoient mis tous leurs biens. Et ja y avoient este mesire Ernoul<br />
de Kakehery et messire Guilleaume de Duvort et leurs routes, mais riens n’y avoient fair<br />
dont ainsi que per esramie tous ces seigneurs s’estoient cueilliz en grant desir de la venir et
(f31 v ) il. Or parlerons du roy d’Engleterre et de tous ses alies. ... 57<br />
de faire leur povoir du conquerre. A ce dont avoit dedens Honnocourt un abbe de grant sens<br />
et de hardie emprise et estoit moult hardis et vaillans homs aux armes et bien apparut car<br />
il fist au dehors de la porte de Honnocourt faire et charpenter en grant haste unes bailles<br />
et mettre et assir au travers de la rue et y povoit entre l’un banc et l’autre avoir environ<br />
demy pie de creus et d’ouverture. Et puis fist armer ses gens et chascun aler aux guarites<br />
pourveuz de pierres de chaux et de telle artillerie qu’il appartient pour les garder. Et si tost<br />
comme ces seigneurs dessus nommez vindrent a [f31v] Honnecourt ordonnez pour bataille<br />
et en grosse route et espesse de gens d’armes durement il se mist entre les bailles et la porte<br />
de la ville en bon couvenant et fist la porte de la ville ouvrir toute arriere et fist bien chiere<br />
et maniere de defense la vindrent messire Jehan de Hainau, mesire Henry de Flandres, le sire<br />
de Fauquemont, le sire de Bergues et les autres qui se mistrent tous a pie et approchierent<br />
ces bailles qui estoient fortes durement chascun son glaive en son poing et commencierent<br />
a lancier et a getter grans coups a ceulz de dedens et ceulz de Honnecourt a eulx defendre<br />
vassaument. La estoit damp l’abbe qui mie n’espargnoit mais se tenoit tout devant en<br />
tresbon couvenant et recueilloit les horions moult vaillaument et lancoit a la fois aussi grans<br />
coups moult appartement. La ot faite mainte belle appertise d’armes et gettoient ceulx des<br />
garites contreval pierres et bancs et pos plains de chaux pour plus ensommer les assaillans.<br />
La estoient les barons et les chevaliers devant les barrieres qui y faisoient merveilles d’armes<br />
et avint ainsi que mesire Henry de Flandres qui se tenoit tout devant son glaive empoingnie.<br />
Lancoit les horions grans et pesans dequoy damp l’abbe qui estoit fort et hardy empoingna<br />
le glaive au dit monseigneur Henry et tout pavimant et en tirant vers lui il fist tant que<br />
parmy les fendures des barrieres, il vint jusques au bras du dit monseigneur Henry qui ne<br />
vouloit mie son glaive l’aissier aler pour son honneur. A dont quant l’abbe tint le bras du<br />
chevalier, il le tira si fort a lui qu’il l’encousi entres bailles jusques aux espaules et le tint<br />
la a grant meschief et l’eust sans faulte sachie ens se les bailles fussent ouvertes assez. Si<br />
vous dy que le dit mesire Henry ne fu mue le temps que l’abbe le tint a son aise car il estoit<br />
fort et dur et le tiroit sans espargnier. D’autre part les chevaliers tiroient contre lui pour<br />
rescourre monseigneur Henry et dura ceste livre et ce tirer moult longuement. Et tant que<br />
mesire Henry fu durement grevez touteffois [f31v] de force il fu rescous mais son glaive<br />
demoura par grant prouesce devers l’abbe qui le garda depuis moult d’annees et encore est<br />
elle je croy en la salle de Honnecourt. Touteffois elle y estoit quant je escripsi ce livre et me<br />
fu moustree par un jour que je passay par la et m’en fu recordee la verite et la maniere de<br />
l’assaut comment il fu fait et le gardoient encore les moines en grant parement.<br />
C e jour ot a Honnecourt moult fier assault et dure jusques au vespre et en y ot pluseurs<br />
des assaillans mors et blecies et par especial mesire Jehan de Haynay y perdy un chevalier de<br />
Hollande qui s’appelloit mesire Bertran et s’armoit d’or a une face copenee de gueules et a<br />
.iii. fermaus d’asur ou chief de son escu. Quant les Haynuiers, Flamens, Englois et Alemans<br />
qui la estoient assaillans virent la bonne voulente de ceulz de dedens et qu’ilz n’y povoient<br />
riens conquester mais estoient batus et navrez et moult foulez, si se retrairent arriere sur<br />
le soir et emportoient a leurs logeis les blecies. A l’endemain au matin se departy le roy<br />
englois du Mont Saint Martin et commanda sus la hart que nul ne feist mal a l’abbaie.<br />
Son commandement fu tenu et puis entrevent en Vermendois et s’en vindrent ce jour logier<br />
de haulte heure droit sus le mont de Saint Quentin et la furent en bonne ordonnance de<br />
bataille et les povoient bien veoir ceulz de Saint Quentin s’ilz vouloient mais ilz n’avoient<br />
nul talent dissir hors de la ville. Si vindrent les courreurs d’Engleterre courir jusques aux<br />
barriers de Saint Quentin et escarmuchier a ceulx qui la se tenoient. Le connestable de<br />
France et mesire Charles de Bloys firent leurs gens ordonner devant les barriers et mettre<br />
en bon couvenant. Et quant les Englois qui la estoient le conte de Sufforch, le conte de<br />
Norhantonne, mesire Regnaut de Gobehen, mesire Gautier de Mauny et pluseurs autres en<br />
virent la ma mere et que riens ilz ne povoient [f32r] gaingnier si se retrairent arriere deuers<br />
l’ost du roy qui se tenoit sus le mont Saint Quentin et furent la logies jusques a l’endemain<br />
a prime. Si orent les seigneurs conseil ensemble quelle chose ilz feroient, se ilz trairoient<br />
avant on royaume ou se ilz se retrairoient en la tierasse, se fu conseillie et regarde pour le<br />
meilleur par l’avis du duc de Breban qu’ilz se trairoient en tierasse costoiant Haynau dont
58 (f32 v ) il. Or parlerons du roy d’Engleterre et de tous ses alies. ...<br />
les pourveances leur venroient tous les jours. Et se le roy Phelippe les sivoit a ost ainsi qu’ilz<br />
supposoient bien qu’il feroit ilz l’ettendroient en plains champs et se combatroient a lui sans<br />
faute. Adont se party le roy englois du Mont Saint Quentin et s’arrouterent toutes ses<br />
gens et chevaucoient en .iii.batailles moult ordonneement. Les mareschaus et les Alemans<br />
avoient la premiere bataille. Le roy englois la moienne et le duc de Braibant la tierce. Si<br />
chevaucoient ainsi ardant et exillant le pays. Et n’aloient non plus de .iii. ou de .iv. lieues<br />
de jour et se logoient de haulte heure et passerent une route d’Englois et d’Alemain. La<br />
riviere de Somme dessoubz l’abbaie de Vermans et entrerent en ce plain pays de Vermendois,<br />
si l’ardirent et exillierent moult durement et y firent moult grant dommage. Une autre route<br />
dont mesire Jehan de Haynau, le sire de Fauquemont, mesire Arnoul de Kakehen estoient<br />
chief et meneurs chevaucoient un autre chemin et vindrent a Oregin Sainte Benoite, une ville<br />
assez bonne mais elle estoit foiblement fermee et fu tantost prise par assault, pillee et robee<br />
et une bonne abbaie de dames qui la estoit et est encore violee dont ce fu pitie et dommage<br />
et la ville fu toute arse et puis s’en partirent les Alemans et chevaucierent le chemin devers<br />
Guise et Ribeumont. Si s’en vint le roy englois logier a Behories et la se tint .i. jour tout<br />
entier et ses gens couroient et ardoient le pays de la environ.<br />
Si vindrent nouvelles au roy englois et aux seigneurs qui avec [f32r] lui estoient que le<br />
roy de France estoit partiz de Peronne en Vermendois et le approuchoit a plus de 100000<br />
hommes. A dont se party le roy englois de Behories et prist le chemin de la Flamengrie<br />
pour venir Leschiele en Tierasse et ses mareschaux et l’evesque de Lincolle de leur route a<br />
plus de 500 lances passerent la riviere de Toise a gue et entrerent en la onnois et vers la<br />
terre le seigneur de Coussy et ardirent la ville de Saint Goubain et la ville de Marle et s’en<br />
vindrent .i. soir gesir a Vaux dessoubz Laon. L’endemain ilz se retrairent devers leur ost<br />
car ilz storent de certain par aucuns prisonniers quilz pristrent que le roy de France estoit<br />
venuz a Saint Quentin et que la passeroit il la riviere de Somme si se doubterent qu’ilz ne<br />
fussent rencontrez. Non pourquant en leur retour ilz ardirent une bonne ville qu’on dist<br />
Crecy sur Sele qui point n’estoit fermee et grant foison de villes et de hannaux la environ.<br />
Or parlerons de monseigneur Jehan de Haynau et de sa route.<br />
O r vous parlerons de la route monseigneur Jehan de Haynau ou il avoit bien 500<br />
combatans. Il vint a Guise si entra en la ville et la fist toute ardoir et abatre les moulins<br />
dedens la forteresce estoit madame Jehanne sa fille, femme au conte Loys de Blois qui fu<br />
moult effrace de l’arsin et du couvenant monseigneur Jehan son pere. Si lui fist prier que<br />
pour Dieu il se voulsist deporter et retraire et qu’il estoit trop dur conseillie contre lui quant<br />
il ardoit l’eritage de son filz le conte de Bloys non obstant ce le sire de Biaumont se s’en voult<br />
onques delaissier si ot fait son entre prise. Et puis s’en retourna devers l’ost du roy qui estoit<br />
logies et arrestez en l’abbaie de Faruaques. Endementiers couroient ses gens tout le pays et<br />
vindrent bien 120 lances d’Alemans dont le sire de Faukemont estoit chief jusques a Louvion<br />
en Tierasse une bonne grosse plate ville. Si estoient les gens de louvion communement<br />
retrais et boutez es bois et y avoient portez et miz le leur a sauvete et si estoient fortefiez de<br />
roullies et de boys couppez et abatus [f32v] environ eulx. Si chevaucierent les aleman celle<br />
part et y survint mesire Ernoul de Kakehen et sa route et assaillirent ceulz de Louvion qui y<br />
boys s’estoient boutez l’esquelz se defendirent ce qu’ilz porent mais ce ne fu mie granment.<br />
Car ilz ne tindrent point de convoy et ne porent durer longuement contre tant de bonnes<br />
gens d’armes si furent ouvers et leur fort conquiz et miz en chace si en ot bien mors et navrez<br />
.xi. et perdirent tout ce que la porte avoient. Ainsi estoit et fu ce pays de Tierasse adont<br />
courus et sans deport et en faisoient les Englois leur voulente. Si se party le roy Edouart de<br />
Faruakes ou il s’estoit logies et vint a Monstruel et la se loga un soir et l’endemain il vint<br />
a tout son ost logier a la flamenguerie et fist toutes ses gens logier environ lui ou il avoit<br />
plus de 11000 hommes et ot conseil qu’il attendroit la le roy Phelippe et son povoir et se<br />
combatroit a lui comment qu’il fust.<br />
L e roy de France qui estoit partiz de Saint Quentin a tout son plus grant effort et<br />
toudiz lui croissoient gens et cenoient de toutes pars. Si exploita tant le dit roy et tout son<br />
ost qu’ilz vindrent a Buironfosse et la se aresta le dit roy et commanda a toutes gens logier<br />
et aresta et dist qu’il inroit plus avant si aroit combatu le roy englois et tous ses alies puis
(f32 v ) il. Or parlerons du roy d’Engleterre et de tous ses alies. ... 59<br />
qu’il estoit a deux lieues pres. Si trestost que le conte Guilleaume de Haynau qui se tenoit<br />
au Quesnoy tout pourveu de gens d’armes pot savoir que le roy de France son oncle estoit<br />
logies et arrestez a Buironfosse en espoir de combatre les Englois, il se party du Quesnoy<br />
a plus de 500 lances et chevauca tant qu’il vint en l’ost du roy de France et se representa<br />
au dit roy son oncle qui ne lui fist une si liee chiere que le conte voulsist pour la cause de<br />
ce qu’il avoit este devant Cambray avec son adversaire le roy englois et forment apouri et<br />
couru Cambresis. Non pourquant le conte s’en porta assez bellement et s’escusa si sagement<br />
au roy son oncle que le roy et tous ses con [f32v] sauls pour celle fois s’en contenterent<br />
assez bien et fu ordonne des mareschaux le mareschal Bertram et le mareschal de Trye a<br />
soy logier plus pres des Englois<br />
Comment les roys de France et d’Engleterre prindrent journee a combatre.<br />
O r font ces deux roys de France et d’Engleterre logies entre Buironfosse et la Flamenguerie<br />
en plain pays sans nul avantage et ont grant desir, sicomme ilz moustrent que<br />
d’eulx combatre. Si vous d’y pour certain que on ne vit onques si belle assemblee de grans<br />
seigneurs qu’il y ot la. Car le roy de France y estoit lui .iv. de roys. Premierement avec lui<br />
estoient le roy Charles de Behaingne, le roy de Navarre et le roy d’Escoce. Aussi de ducs,<br />
de contes, de barons et de chevaliers tant que sans nombre et toudiz lui croissoient gens de<br />
tous les. Quant le roy Englois fu arrestez en la cappelle en Tierasse, ainsi que vous avez<br />
oy et il scot de verite que le roy son adversaire estoit a .ii.petites lieues pres de lui et en<br />
grant voulente de combatre si mist les seigneurs de son ost ensemble, premierement le duc<br />
de Braibant son cousin, le duc de guerle, le conte de Julliers, le marquiz de Blanquebourch,<br />
le conte des Mons, mesire Jehan de Haynaut monseigneur Robert d’Artois et tous les prelas<br />
et barons d’Engleterre qui avec lui estoient et a qui il touchoit bien la besoingne. Et leur<br />
demanda comment a son honneur ilz se pourroient maintenir car c’estoit son entention que<br />
de combatre puis qu’il sentoit ses ennemis si pres de lui. Adont regarderent les seigneurs<br />
l’un l’autre et prierent au duc de Braibant qu’il en voulsist dire son entente. Et le duc en<br />
respondy que c’estoit bien son accort que du combatre car autrement a leur honneur ilz ne<br />
s’en povoient partir et conseilla adont que on envoiast herauls devers le roy de France pour<br />
demander et accepter la journee de la bataille. Adont en fu chargie ung [f33r] heraut qui<br />
la estoit au duc de Guerle et qui bien savoit francois et enforme quelle chose il devoit dire.<br />
Si se party le dit heraut de ses seigneurs et chevauca tant qu’il vint en l’ost francoise et se<br />
trait devers le roy de France et son conseil et fist son message bien et a point et dist au<br />
roy de France comment le roy englois estoit arreste sus les champs et lui requeroit a avoir<br />
bataille povoir contre povoir. A laquelle requeste le roy de France en tendy voulentiers et<br />
accepta le jour si me semble que ce deut estre le vendredy ensuiant dont il estoit mercredy.<br />
Si s’en retourna le heraut arriere devers ses seigneurs bien revestu de manteaux fourez que<br />
le roy de France et les seigneurs lui donnerent pour les riches nouvelles qu’il avoit aportees.<br />
Et recorda la bonne chiere que le roy lui avoit faite et tous les seigneurs de France.<br />
A insi et sus cel estat fu la journee accordee de combatre et fu signifie a tous les compaignons<br />
de l’un ost et de l’autre. Si se habillierent et ordonnerent chascun selon ce qu’il<br />
besoingnoit le jeudy au matin avint ainsi que .ii. chevaliers au conte de Haynaut et de sa<br />
delivrance le sire de Fagunelles et le sire de Capigny monterent sur leurs coursiers roides,<br />
fors et bien courans et se partirent de leur ost entre eulx .ii., tant seulement pour aler veoir<br />
l’ost aux Englois et leur maniere. Si chevaucierent un grant temps a la couverte toudiz costoiant<br />
l’ost aux Englois. Or eschey que le sire de Fagunelles estoit monte sur un coursier trop<br />
melancolieux et mal affrent, si s’effrea en chevaucant et prist son mors a dens en telle maniere<br />
qu’il se foucilla et se demena tant qu’il fu maistre du seigneur qui le chevaucoit et l’emporta<br />
voulsist ou non droit enmy les logeis aux Englois et chey d’aventure entre mains d’alemans<br />
qui tantost congnurent qu’il n’estoit une de leurs gens si l’enclostrent de toutes pars et le<br />
pristrent et le cheval aussi. Et demoura prisonnier a .v. ou a .vi. ne scay lequel gentilz<br />
hommes Alemans [f33r] qui tantost le raenconnerent et lui demanderent dont il estoit. Et<br />
il respondy, “De Haynau.” Et dont lui demanderent s’il congnoissoit monseigneur Jehan de
60 (f33 v ) Des seigneurs qui furent en l’ost du roy d’Engleterre.<br />
Haynau et il dist, “oyl.” Et requist par amours qu’on le menast envers lui car il estoit tout<br />
seur qu’il le raplegeroit de sa raencon, se ilz vouloient. De ces paroles furent les Alemans<br />
tout joyeux et le menerent devers le seigneur de Biaumont qui tantost avoit oy messe et<br />
fu tout esmerveillies quant il vit le seigneur de Fagunelles. Si lui racompta cil saventure,<br />
sicomme vous avez oy cy dessus et aussi de combien qu’il estoit raenconne. Adont demoura<br />
le sire de Biaumont pour le dit chevalier devers ses maistres et le raplega de sa raencon. Si<br />
se party sur ce le sire de Fagunelles et devint arriere en l’ost de Haynau devers le conte et<br />
les seigneurs qui estoient tous courroucies de lui par la relation que le sire de Cupegny avoit<br />
faite mais ilz furent moult joyeux quant ilz le virent revenu. Si se remercia grandement<br />
au conte de Haynau de monseigneur Jehan son oncle qui l’avoit raplegie et renvoie sans<br />
peril et sans dommage fors de sa raencon seulement, car son coursier lui fu rendu a la priere<br />
du dit monseigneur Jehan. Ainsi se porta ceste journee et n’y ot riens fait qui face a recorder.<br />
Des seigneurs qui furent en l’ost du roy d’Engleterre.<br />
Q uant ce vint le venredy au matin, les .ii. ostz s’appareillierent et orrent messe<br />
chascun seigneur entre les gens et en son logeis et se acommenierent et confesserent les<br />
pluseurs et se mistrent en bon estat ainsi que pour tantost combatre et mourir se besoing<br />
estoit. Nous parlerons premierement de l’ordonnance des Englois, que se trairent sur les<br />
champs et ordonnerent .iii. batailles bien et faiticement et toutes .iii. a pie et mistrent leurs<br />
chevaux et tout leur harnois en un petit boys, qui estoit derriere eulx et arrouterent tout<br />
leur charroy derriere eulx et s’en forte fierent. Si orent le duc de Guerles, le conte de Julliers,<br />
le marquis de Blankebourch, mesire Jehan de Haynau, le marquis de Misse, [f33v] le conte<br />
des Mons, le conte de Saumes, le sire de Fauquemont, mesire Guilleaume du Fort, mesire<br />
Ernoul de Bakehen et les Alemans la premiere bataille. Et avoit en ceste premiere route 22<br />
banieres et 60 pennons et estoient bien 8000 hommes de bonne est<strong>of</strong>fe. La seconde bataille<br />
avoit le duc de Braibant si estoient avec lui tous les barons et les chevaliers de son pays.<br />
Premierement le sire de Kulz, le sire de Bergues, le sire de Bredas, le sire de Rochelar, le sire<br />
de Vauselare, le sire de B<strong>org</strong>neval, le sire d’Esconnevort, le sire de Witem, le sire d’Asko, le<br />
sire de Boukehort, le sire de Casebeke, le sire de Dufle, mesire Thierry de Walecourt, mesire<br />
Rasse de Gres, mesire Jehan de Casebeke, mesire Jehan Pilifre, mesire Gilles de Coterebbe,<br />
mesire Gautier de Hotebergue, les .iii. freres de Harlebeke et mesire Henry de Flandres<br />
qui fait bien a ramentevoir car il y estoit en grant esc<strong>of</strong>fe. Et pluseurs autres barons et<br />
chevaliers et aucuns de Flandres qui s’estoient miz dessoubz la baniere du duc de Braibant<br />
telz que le sire de Hallum, mesire Hector Villains, mesire Jehan de rodes, le sire de Grutus,<br />
mesire Wauflart de Guiscelles, mesire Guilleaume d’Estrates, mesire Gossuin de la Muelle et<br />
pluseurs autres. Si avoit le duc de Braibant jusques a 24 banieres et 80 pennons. Si estoient<br />
bien 7000 combatans toutes gens de bonne esc<strong>of</strong>fe.<br />
La tierce bataille et la plus grosse avoit le roy d’Engleterre et grant foison de bonnes gens<br />
de son pays delez lui. Et premiers son cousin le conte Henry Derby, filz a monseigneur Henry<br />
de Lencastre au tort col l’evesque de Lincolle, l’evesque de Durem, le conte de Salebrin, le<br />
conte de Norhantonne et de Cloecestre, le conte de Sufforch, le conte de Kenfort, mesire<br />
Robert d’Artois, qui sappelloit conte de Richemont, mesire Regnaut de Gobehen, le sire<br />
de persy, le sire de Ros, le sire de Montbray, mesire Loys et mesire Jehan de Biaucamp,<br />
le sire de Ware, le sire de Lantonne, le sire de Basset, le sire de Filblacier, mesire Gautier<br />
de Mauny, mesire Hue de Hastingues, mesire Jehan de Lille et pluseurs autres que je ne<br />
puis mie tous nommer. Et fist la le roy englois pluseurs chevaliers nouvaux, entre lesquelx<br />
il fist monseigneur [f33v] Jehan Chandos qui depuis de proesce et de chevalerie fu plus<br />
recommande que nul chevalier de son temps, sicomme vous orrez avant en ceste histoire. Si<br />
avoit le roy 28 banieres et environ 90 pennons, et povoient estre en sa bataille environ 6000<br />
hommes d’armes et 6000 archiers. Et avoient mis une autre bataille sus elle dont le conte de<br />
Warvich et le conte de Pennebrot, le sire de Bercler, le sire de Milleton et pluseurs autres<br />
bons chevaliers estoient chiefs. Si se tenoient ceulx a cheval pour reconforter les batailles<br />
qui branleroient et estoient en celle arriere garde.
(f33 v ) L’ordonnance des grans assemblees de plusieurs grans seign... 61<br />
Q uant tous les Englois, les Alemans, les Brebancons et tous les alies furent ordonnez,<br />
sicomme vous avez oy et chascun sire miz et arrestez desoubz sa baniere ainsi que<br />
comande fu de par les mareschaux. Adont monta le roy englois sus un petit palefroy moult<br />
bien amblant acompaignie seulement de mesire Robert d’Artois, de monseigneur Renaut de<br />
Gobehen et de monseigneur Gautier de Mauny et chevauca devant toutes les batailles et<br />
prioit moult doucement aux seigneurs et aux compaignons qu’ilz vousissent aidier a garder<br />
son honneur et chascun lui avoit encouvent. Apres ce, il s’en revint en sa bataille et se mist<br />
en ordonnance ainsi qu’il appartenoit et fist commander que nul n’alast ne se meist devant<br />
les banieres des mareschaux de l’ost.<br />
L’ordonnance des grans assemblees de plusieurs grans seigneurs a Buironfosse<br />
[f34r] L’ordenance des batailles du roy de France qui furent grande et est<strong>of</strong>ees.<br />
I l est bien verite que le roy de France avoit si grant peuple et tant de nobles et de<br />
bonne chevalierie que ce seroit merveilles a recorder. Car ainsi que je oy dire ceulx qui y<br />
furent et qui les aviserent tous armez et ordonnez sus les champs. Il y ot 127 banieres, 560<br />
pennons, .iv. roys, .vi. ducs, 36 contes et plus de 4000 chevaliers et de communes de France<br />
plus de 60000. Les roys qui estoient avec le roy de France, Phelippe de Valois estoient le<br />
roy de Behaingne, le roy de Navarre et le roy David d’Escoce. Le duc de Normandie, le<br />
duc de Bourgoingne, le duc de Bretaigne, le duc de Bourbon, le duc de Lorraine et le duc<br />
d’Athenes, Des contes, le conte d’Alencon, frere au roy de France, le conte de Flandres, le<br />
conte de Hainau, le conte de Bloys, le conte de Bar, le conte de Fores, le conte de Fois,<br />
le conte d’Armignac, le dauphin d’Auvergne, le conte de Genville, le conte d’Escampes, le<br />
conte de Vendosme, le conte de Harecourt, le conte de Saint Pol, le conte de Guines, le<br />
conte de Bouloingne, le conte de Roussi, le conte de Dampmartin, le conte de Valentinois,<br />
le conte d’Aucerre, le conte de Saussoirre, le conte de Geneve, le conte de Dreux. Et de<br />
celle de Gascoingne et de la Languedoc, tant de contes, de vicontes que ce feroit un detry a<br />
recorder. Certes c’estoit tresgrant beaute que de veoir sur les champs banieres et pennons<br />
venteler, chevaux couvers, chevaliers et escuiers armez si tres nettement que riens n’y avoit<br />
que amender. Et ordonnerent les Francois .iii. grosses batailles et mistrent en chascune<br />
15000 hommes d’armes et 20000 hommes a pie.<br />
Si se puet on et doit grandement esmerveillier comment si belles gens d’armes se porent<br />
partir sans bataille mais les Francois n’estoient point d’accort aincois en disoit chascun son<br />
oppinion. Et disoient par escrif que ce seroit grant honte et grant defaute se le roy ne se<br />
combatoit quant il savoit ses ennemiz si pres de lui [f34r] en son pays rengies et aux plains<br />
champs et les avoit suis a l’entente que de combatre a eulx. Les aucuns des autres disoient a<br />
l’encontre que ce seroit grant folie se il se combatoit. Car il ne savoit que chascun y pensoit<br />
ne se point de traisor y avoit. Car se fortune lui estoit contraire il mettoit son royaume<br />
en aventure de perdre. Et se il desconfisoit ses ennemiz pour ce n’aroit il mie le royaume<br />
d’Engleterre ne les terres des seigneurs qui avec lui alies estoient.<br />
Ainsi estruiant et debatant sur ces diverses oppinions le jour passa jusques a grant midy.<br />
Environ petite nonne un lieure s’en vint trespassant parmy les champs et se bouta entre les<br />
Francois dont commencierent ceulz qui le virent a crier et a huer et faire grant harou dequoy<br />
ceulz qui estoient en derriere cuidoient que ceulx de devant se combatissent et les pluseurs<br />
qui se tenoient en leurs batailles tous rengies feissent autel. Si mistrent les pluseurs leurs<br />
bacines en leurs testes et prindrent leurs glaives.<br />
La y ot fait pluseurs nouveaux chevaliers. Et par especial le conte de Haynau en fist<br />
.xiv. que on nomma tousiours depuis les chevaliers du lieure. En cel estat se tindrent les<br />
batailles ce venredy tout le jour et sans eulx mouvoir fors par la maniere que j’ay dit. Avec<br />
tout ce et les estrifs qui estoient ou conseil du roy de France estoient portees en l’ost lettres<br />
et recommandations au roy Phelippe de France et a son conseil de par le Robert de Cecille.<br />
Lequel roy Robert sicomme on disoit estoit un grant astronomien et plain de grant prudence<br />
si avoit pluseurs fois gettez ses sors sur l’estat et les avenues du roy de France et du roy
62 (f34 v ) Des parlemens que le roy Edouart tint a Brousselles et a G...<br />
d’Engleterre et avoit trouve en l’astrologue et par experience que se le roy de France se<br />
combatoit au roy d’Engleterre, il couvenoit qu’il feust desconfit. Dont il comme roy plain de<br />
congnoissance et qui doubtoit ce peril et le dommage du roy de France et son cousin avoit<br />
ja envoie de long temps moult soingneusement lettres et epistres au roy Phelippe et a son<br />
conseil que nullement ilz ne se meissent en bataille contre les Englois, la ou le corps du roy<br />
[f34v] Edouart fust en present. Pourquoy ceste doubte et les escriptions que le roy de Cecille<br />
en faisoit, detrioient grandement pluseurs seigneurs du dit royaume et meismement le roy<br />
Phelippe en estoit tout enforme. Et non obstant que on le deist et remoustrast les belles<br />
raisons des defences et doubtes du roy Robert de Cecille son chier cousin. Si estoient ilz en<br />
grant voulente et en bon desir de combatre ses ennemis mais il fu tant detrie que la journee<br />
passa sans bataille et se retray chascun a son logeis. Quant le conte de Hainau vit qu’on ne se<br />
combateroit point, il s’en party et toutes ses gens et vint ce soit arriere au Quesnoy. Et le roy<br />
englois et le duc de Braibant et les autres seigneurs se mistrent au retour et firent chargier<br />
et trousser tout leur harnois et vindrent gesir ce venredy a vues d’Avesnes en Haynau et la<br />
environ. Et l’endemain ilz pristrent congie tout l’un a l’autre et se departirent les Alemans<br />
et les Brebancons et s’en ralerent chascun en leurs lieux. Si revint le roy englois en Brebant<br />
avec le duc de Breban son cousin. Or vous parlerons du roy de France, comment il persevera.<br />
Des parlemens que le roy Edouart tint a Brousselles et a Gant.<br />
C e samedy que les Francois et les Englois furent ainsi ordonne par bataille a Buironfosse.<br />
Quant ce vint apres nonne, le roy Phelippe retourna en ses logeis tout courroucies<br />
pour tant que la bataille n’estoit point adrecie. Mais ceulz de son conseil le rapaisierent et<br />
distrent ainsi que noblement et vassaument il si estoit portez car il avoit hardiement poursuy<br />
ses ennemis et tant fait qu’il les avoit boutez hors de son royaume et qu’il convenoit au roy<br />
englois faire moult de teles chevauciees aincois qu’il eust conquiz le royaume. Le samedy au<br />
matin donna le roy Phelippe a toutes manieres de gens d’armes congie, ducs, contes, barons<br />
et chevaliers et remercia les chiefs des seigneurs moult courtoisement quant si appareillies<br />
ilz l’estoient venus servir. Ainsi se deffist et desrompi ceste grosse chevauciee si se retrait<br />
chascun a son lieu.<br />
Le roy de France s’en revint a Saint Omer et la ordonna il une grant plente de ses<br />
besoingnes. Et envoia gens d’armes par [f34v] ses garnisons especialment a Tournay, a<br />
Lille, a Douay et en toutes les villes marchissans sus l’Empire et envoia dedens Tournay<br />
monseigneur Godemar du Fay, souverain cappitaine et regart de tout le pays environ. Et<br />
monseigneur Edouart de Beaugeu dedens Mortaigne. Et quant il ot ordonne une partie de<br />
ses besoingnes a son entente et a sa plaisance, il se retraie devers Paris.<br />
Or parlerons nous .i. petit du roy Englois et comment il persevera en avant. Depuis<br />
qu’il fu partiz de la Flamengrie et revenuz en Braibant, il s’en vint droit a Brousselles la le<br />
raconvoierent le duc de Guerles, le conte de Julliers, le marquis de Blanquebourc, le conte<br />
des Mons, mesire Jehan de Hainau, le sire de Fauquemont et tous les seigneurs de l’Empire<br />
qui s’estoient aliez a lui. Car ilz vouloient aviser et regarder l’un parmy l’autre comment ilz<br />
se maintenroient de ceste guerre ou ilz s’estoient boutez. Et pour avoir certaine expedition,<br />
ilz ordonnerent .i. grant parlement a estre en la dicte ville de Brousselles. Et y fu priez<br />
et mandez Jaquemars d’Artevelle, lequel y vint liement et en grant arroy et amena en sa<br />
compaignie tous les consauls entierement des villes de Flandres. A ce parlement qui fu a<br />
Brousselles ot pluseurs choses dictes et devisees. Et me semble a ce qu’il me fu dit et recorde<br />
que le roy englois fu si conseillie de ses amis de l’Empire qu’il fist une requeste a ceulz de<br />
Flandres qu’ilz lui voulsissent aidier a permaintenir sa guerre et deffier le roy de France et<br />
aler avec lui par tout ou il les voulroit mener. Et se ilz vouloient ce faire il leur aideroit<br />
a recouvrer Lille, Douay et Bethune. Ceste parolle oirent les Flamens voulentiers mais de<br />
la requeste que le roy leur faisoit ilz demanderent avoir conseil entr’eulx tant seulement<br />
et de tantost respondre. Le roy leur accorda si s’en conseillierent a grant avis. Et quant<br />
ilz se furent conseillies ilz respondirent et distrent, “Chier sire, autre fois nous avez fait tel<br />
requestes et sachies vraiement que se nous le peussions nullement faire par nostre honneur et
(f35 r ) Des parlemens que le roy Edouart tint a Brousselles et a G... 63<br />
noz fois garder nous le ferions. Mais nous sommes obligies par foy et serement sus 2000000<br />
de florins a la chambre du pappe que nous ne povons esmouvoir guerre au roy de France,<br />
quiconques [f35r] le soit sur estre encouruz en ceste some et en sentence escheir. Mais se<br />
vous voulez faire une chose que nous vous dirons, vous y pourverries bien de remede et de<br />
conseil. C’est que vous vueillies enchargier les armes de France et esquarteler d’Engleterre et<br />
vous appellez roy de France et nous vous tenrons pour droit roy de France et vous obeirons<br />
comme au droit roy de France et vous demanderons quittance de noz fois et vous la nous<br />
donrez comme roy de France. Par ainsi serons nous absolz et dispense et yrons par tout la<br />
ou vous vouldrez et ordonnerez.”<br />
Q uant le roy englois ot ce oy et la requeste des Flamens, il ot besoing d’avoir bon<br />
conseil et seur avis. Car pesant lui estoit de prendre les armes et le nom de ce dont il n’avoit<br />
encore riens conquis et ne savoit quelle chose l’en avenroit ne se conquerre le pourroit. Et<br />
d’autre part il refusoit envis l’aide et le confort des Flamens, qui plus le povoient aidier en<br />
sa besoingne que tout le remenant du siecle. Si se conseilla le roy au duc de Braibant, au<br />
duc de Guerle, au conte de Julliers, a monseigneur Jehan de Hainau a monseigneur Robert<br />
d’Artois et a ses plus secrez et especiaulx amis. Si que finablement tout pese le mal contre le<br />
bien, il respondy aux Flamens par l’information des seigneurs dessus dis, que se ilz voloient<br />
jurer et seeller qu’ilz lui aideroient a par maintenir sa guerre il emprendroit tout ce de bonne<br />
voulente et aussi il leur juroit a r’avoir Lille, Douay et Bethune. Et ilz respondirent, “Oyl.”<br />
Et dont fu pris et assignez un certain jour a estre a Gand lequel jour se tint et y fu le roy<br />
d’Engleterre et la plus grant partie des seigneurs de l’Empire dessus nommez aliez avec lui.<br />
Et la furent tous les consauls de Flandres generalment et especialment la furent toutes les<br />
paroles endevant dictes relatees et proposees, entendues et accordees, escriptes, jurees et<br />
seellees. Et encharga le roy d’Engleterre les armes de France et les esquarcela d’Engleterre<br />
et emprist en avant le nom de roy de France et le obtint tant qu’il le laissa par certaine<br />
composition, ainsi que vous orrez en avant recorder en ceste histoire.<br />
A ce parlement qui fu a gant ot pluseurs paroles dictes et retournees et conseillierent<br />
[f35r] adont les seigneurs que sus l’este qui revenroit ilz feroient tresgrant guerre en France<br />
et proposerent et acouvenancierent qu’ilz assegeroient la cite de Tournay. De ce furent les<br />
Flamens tous resjoys, car il leur sembla qu’ilz seroient fors et poissans assez de conquerre<br />
et selle estoit conquise et en la seignorie du roy englois, de legier ilz conquerroient et recouvreroient<br />
Lille, Douay, Bethune et tous les appendances qui doient estre tenues de la<br />
conte de Flandres. Encore fu la propose et regarde entre ces seigneurs et les consauls des<br />
bonnes villes de Flandres et de Braibant qu’il leur venroit trop grandement a point que le<br />
pays de Haynau fust de leur aliance. Mais quant le conte de Haynau fu mande, il s’excusa si<br />
bellement et si sagement que le roy d’Engleterre et tous les seigneurs s’en tindreent content.<br />
Ainsi demoura la chose sur cel estat et se departirent les seigneurs et retourna chascun en<br />
son lieu et en son pays. Et le roy englois prist congie a son cousin le duc de Braibant et s’en<br />
revint a Anviers. Madame la royne demoura a Gand et tout son hostel qui souvent estoit<br />
visitee et confortee d’Artevelle et des seigneurs et des dames et des damoiselles de Gand.<br />
Assez tost apres fu la navie du roy englois appareilliee sus la havene d’Anviers. Si monta<br />
en mer et la plus grant partie de ses gens en mistrance de retourner en Engleterre et de<br />
visiter le pays. Mais il laissa ou pays de Flandres .ii. contes sages chevaliers et vaillans<br />
durement pour tenir a amour les Flamens et pour mieux moustrer que leurs besoingnes<br />
estoient siennes. Ce furent mesire Guilleaume de Montagu, conte de Salebrin et le conte de<br />
Sufforch. Ceulz s’en vindrent en la ville d’Ypre et tindrent la leur garinson et guerroierent<br />
tout cel yuer forment ceulz de Lille et de la environ. Et le roy englois naga tant par mer<br />
quil arriva a Londres environ la Saint Andry, ou il fu moult conjoy de ceulx de son pays qui<br />
desiroient sa venue. Car il n’y avoit este en long temps devant si vindrent a lui les plaintes<br />
de la destruction que les Normans et les Picars avoient fait de la bonne ville de Hantonne.<br />
Si en fu le roy englois moult courroucies de la desolation de ses gens [f35v] ce fu bien raison.<br />
Mais il les repaisa le plus bel qu’il pot. Et leur dist que s’il venoit a tour, il leur feroit chier<br />
comparer ainsi qu’il fist en celle annee meismes sicomme vous orrez recoder avant en l’istoire.
64 (f36 r ) De pluseurs escarmouches qui furent faites sur les frontie...<br />
De pluseurs escarmouches qui furent faites sur les frontieres de France.<br />
O r vous compterons du roy Phelippe de France qui estoit retrais vers Paris et avoit<br />
donne congie a tout son grant ost. Et fist durement renforcier sa grosse navie qu’il tenoit<br />
sus mer dont mesire Hue Kierre, Bahuches et Barbenaire estoient capitaines et souverains et<br />
tenoient ces .iii. maistres escumeurs grant foison de soudoiers Genevois, Normans, Bretons<br />
et Picars. Et firent cel yuer pluseurs dommages aux Englois et venoient souvent courir<br />
jusque a Douvres, a Zandvich, a Wincesee, a Rie et la environ sus les costez d’Engleterre<br />
et les resongnoient durement les Englois. Car ceulx estoient si fors sur mer que plus de<br />
40000 soudoiers et ne povoit nulz yssir ne partir d’Engleterre qu’il ne fust veu et sceu et<br />
puis pillie et robe et tout mettoient a bort. Si conquistrent ces dis soudoiers marins du roy<br />
de France en cel yuer sur les Englois maint grant pillage et par especial ilz conquistrent<br />
la belle grosse navie qui s’appelloit Crist<strong>of</strong>le, toute chargee d’avoir et de lainnes que les<br />
Englois amenoient en Flandres. Laquelle navie avoit couste moult d’avoir au roy englois<br />
au faire faire. Mais ses gens la pardirent de ces Normans et furent tous miz a bort. Et en<br />
furent depuis les Francois grant parlement comme ceulx qui furent grandement resjois de ce<br />
conquest. Encore soutilloit et ymaginoit le roy de France nuit et jour comment il se pourroit<br />
vengier de ses ennemiz et par especial de monseigneur Jehan de Haynau, qui lui avoit fais<br />
sicomme il estoit enforme pluseurs despis et amene le roy englois en Cambresis et en Tierasse<br />
et ars tout le pays. Si escript et manda le dit roy a Beumont, seigneur de Vrevins, au vidaine<br />
de Chaalons, a monseigneur Jehan de la Bove, a monseigneur Jehan et a monseigneur Girart<br />
de Lore qu’ilz meissent sus une chevauciee et [f35v] armee de compaignons et encrassent<br />
en la terre monseigneur Jehan de Haynau et l’ardisent sans deport. Les dessus dis obeirent<br />
au mandement du roy ce fu raison et se cueillirent secretement tant qu’ilz furent bien 500<br />
armeures de fer et vindrent une matinee devant la ville de Chimay et acueillirent toute la<br />
proie dont ilz en trouverent grant foison. Car les gens du pays ne s’en donnoient garde<br />
et ne cuidoient jamais que les Francois deussent si avant passer ne chevaucier oultre les<br />
boys de Tierasse mais si furent et ardirent tous les fourbours de Chimay et grant foison<br />
de villages la environ et pres que toute la terre de Chimay excepte les forteresces. Et puis<br />
se retrairent en Aubenton en Tierasse et la departirent il leur pillage et leur butin. Ces<br />
nouvelles et ces complaintes en vindent a monseigneur Jehan de Hainau qui se tenoit a dont<br />
a Mons en Haynau delez le conte son nepueu. Si en fu durement courroucies ce fu bien<br />
raison et aussi fu le conte son nepueu car son oncle tenoit ceste terre de lui. Non pourquant<br />
ilz s’en soufrirent tant qu’a present en n’en moustrerent nul semblant de contrevennance au<br />
royaume de France. Avec ces despis il avint que ces soudoiers qui se tenoient en la cite de<br />
Cambray si vindrent a une petite forte maison de hors Cambray qui s’appelloit Relengues.<br />
Laquele estoit a monseigneur Jehan de Hainau et la gardoit un sien filz bastart et povoient<br />
estre environ 25 compainons avec lui. Si furent assailliz un jour toute jour et trop bien<br />
se defendirent. Au soir ceulx de Cambray se retrairent en leur cite qui menacierent a leur<br />
departement grandement ceulx de Relengues et distrent bien que jamais n’entendroient a<br />
autre chose si les aroient conquis et la maison abatue. Sur ces paroles les compaignons de<br />
Relengues s’aviserent et regarderent la nuit qu’ilz n’estoient mie assez fors pour eulx tenir<br />
contre ceulx de Cambray puis qu’ilz voloient ainsi acueillir. Car avec tout ce qui bien les<br />
esbahissoit il estoit si fort gelle que on povoit bien venir jusques aux murs sur les fossez tous<br />
engellez. Si orent conseil quil [f36r] se partiroient ainsi qu’ilz firent et trousserent tout ce<br />
qui leur estoit bon et vuidierent environ mienuit et bouterent le feu dedens Relengues. A<br />
l’endemain au matin ceulz de Cambray vindrent pour ardoir et abatre. Et mesire Jehan le<br />
bastart et ses compaignons vindrent a Valenciennes et puis se departirent et s’en ala chascun<br />
en son lieux.<br />
T ous avez cy dessus bien oy recorder comment mesire Gautier de Mauny prist par<br />
proesce et par grant fait d’armes le chastel de Thun l’evesque et y mist dedens en garnison un<br />
sien frere que on claimoit monseigneur Gilion Grignart qu’on dist de Mauny. Lequel faisoit<br />
mainte grant chevauciee et mainte envaie sus ceulx de Cambray et leur portoit pluseurs<br />
destourbiers et couroit pres que tous les jours devant leurs barrieres. En cel estat et en celle
(f36 r ) De pluseurs escarmouches qui furent faites sur les frontie... 65<br />
doubte les tint il un grant temps et tant qu’il avint un jour moult matin qu’il estoit partiz de<br />
sa garnison de Thun environ 120 armeures de fer en sa compaignie et s’en vint courir devant<br />
Cambray et jusques aux barrieres. La noise et le harou commenca et tant que pluseurs gens<br />
en furent moult effraies et si s’armerent qui mieux mieux et mouterent a cheval ceulx qui<br />
cheval avoient et vindrent a la porte la ou l’escarmuche estoit et ou mesire Gillion de Mauny<br />
avoit reboutez ceulx de Cambray. Si yssi chascun qui mieux mieux contre les ennemiz.<br />
Entre les Cambresis estoit un joenne bacheler appart homme d’armes durement. Et<br />
estoit Gascoing lequel s’appelloit Guilleaume Marchant. Cil se mist hors aux champs sur<br />
bon coursier la targe au col le glaive on poing arme de toutes pieces si esporonna tout devant<br />
de grant courage. Et quant mesire Gilles de Mauny le vit venans vers lui qui ne desiroit<br />
autre chose que la jouste si fu tout joyeux et esporonna aussi vers lui moult roidement. Si<br />
s’entreferirent de leurs glaives sans espargnier merveilleusement dont ainsi chei a Guillaume<br />
Marchant qu’il consuy mesire Guilleaume de Mauny si durement qu’il lui perca la targe<br />
de son glaive et toutes ses armeures et lui mist le glaive delez le cuer et lui fist passer le<br />
fer a l’autre lez. De ceste [f36r] jouste furent ses compaignons moult esbahiz et ceulz de<br />
Cambray trop resjoys. Si se recueillirent tout ensemble. La ot je vous dy de prime venue<br />
tresbon poingneis et fort et pluseurs des uns et des autres reversez par terre et mainte<br />
apertise d’armes faite.<br />
Finablement ceulx de Cambray obtindrent la place et rebouterent leurs ennemis et en<br />
navrerent et mehaingnierent aucuns et les chacierent bien avant et retindrent mesire Gille de<br />
Mauny ainsi navre quil estoit et l’emporterent a Cambray en grant joye. Et le firent tantost<br />
desarmer et regarder a sa plaie et bien mettre a point et eussent voulentiers veu qu’il fust<br />
reschapee de ce peril mais il ne pot aincois mouru dedens le tiers jour apres. Quant il fu<br />
mort ilz regarderent qu’il en estoit bon a faire si orent conseil que le corps ilz renvoieroient<br />
devers ses deux freres Jehan et Thierry qui se tenoient adont en la garnison de Bouchain en<br />
Ostrevant car quoy que le pays de Haynau ne fust point en guerre, si se tenoient les frontieres<br />
de France toutes choses et sur leur garde. Si ordonnerent adont un sarcu assez honnorable et<br />
le mistrent ens et le commanderent a deux freres meneurs et envoierent le corps mesire Gille<br />
de Mauny a ses deux freres Jehan et Thierry qui le receurent en grant douleur depuis ilz<br />
le firent enterret a Valenciennes aux freres meneurs. Apres ces ordonnances, les deux freres<br />
de Mauny vindrent logier ou chastel de Thun l’evesque que leur frere avoit un grant temps<br />
tenu et firent forts guerre a ceulx de la cite de Cambray encontrevengant la mort de leur frere.<br />
Comment le conte Guilleaume de Henaut s’esmu premierement contre le roy de<br />
France.<br />
T ous devez savoir que en ce temps de par le roy Phelippe de France estoit mesire<br />
Godemare du Fay tout capitaine de la cite de Tournay et de Tournesis et des forteresces<br />
environ. Et aussi adont estoit de sire de Beaugeu dedens Mortaigne sus Escaut, le seneschal<br />
de Carcassonne en la ville de Saint Amant, mesire Aimer de Poitiers en Douay, mesire le<br />
Galois de la Baume, le sire de Villars, le mareschal de Mirepois et le sire de Maruel en la<br />
cite de Cambray. Et ne [f36v] desiroient ces chevaliers et ces soudoiers de par le roy de<br />
France autre chose que ilz peussent courir en Hainau pour pillier et gaingnier et pour le<br />
pays mettre en guerre. Aussi l’evesque de Cambray mesire Guilleaume d’Ausonne y rendoit<br />
grant paine et estoit tout quoy a Paris delez le roy Phelippe et se complaingnoit a lui quant<br />
il cheoit a point trop amerement des Henuyers et disoit que les Henuiers lui avoient fais plus<br />
de mauls et de contraires, ars, pillie et couru son pays plus que nul autre. Si se porterent<br />
adont telement les besoingnes et fu le roy si durement conseillie sus son nepueu le conte<br />
de Henau et sus ses gens, que les soudoiers de Cambresis orent ongie et accort d’entrer en<br />
Henau et de faire y aucune envaye et chevaucee au dommage du pays.<br />
Quant ces nouvelles furent venues a ceulz a ceulz qui es garnisons de Cambresis, se<br />
tenoient si en furent moult joieux et mistrent sus une chevauciee de 600 armeures de fer<br />
et se partirent un samedy apres jour faillant de Cambray ceulx qui ordonnez y estoient et<br />
aussi a telle heure ceulx de Malemaison. Et se trouverent tous sus les champs et vindrent
66 (f37 r ) Comment le conte Guilleaume de Henaut s’esmu premierement ...<br />
en la ville de Haspre, qui lors estoit une bonne ville et grosse et bien fouchie mais point<br />
n’estoit fermee. Et si n’estoient les gens en nulle doubte car on ne les avoit point avisez<br />
ne escriez de nulle guerre si entrerent les Francois dedens et trouverent les gens hommes et<br />
femmes en leurs hostels si les pristrent a leur voulente et tout le leur or et argent, draps et<br />
joyaux et leurs bestes. Puis bouterent le feu en la ville et l’ardirent si nettement qu riens<br />
n’y demora fors les parvis par dedens Aspre a une prevoste de noirs moines et grant edifice<br />
avec le moustier qui se tient de Saint Vaast d’Arras. Si la pillierent les Francois et roberent<br />
et puis bouterent le feu dedens et l’ardirent moult vilainement. Quant ilz en orent fait leur<br />
voulente si chargierent tout leur pillage et chacierent tout devant eulx et retournerent a<br />
Cambray.<br />
Ces nouvelles firent tantost sceues a Valenciennes et proprement elles vindrent jusque<br />
[f36v] au conte Guille de Haynau qui se dormoit a son hostel qu’on dist a la salle, si se leva et<br />
vesti et arma moult appartement et fist resveillier toutes ses gens dont il n’avoit mie plente<br />
delez lui, fors tant seulement son seneschal monseigneur Girart de Werchim, monseigneur<br />
Henry d’Antoing, mesire Henry de Hussalise, monseigneur Thierry de Walecourt, le seigneur<br />
de Poitelles, le seigneur de Floion et aucuns chevaliers qui se tenoient delez lui. Ainsi que<br />
tous gentilz hommes se tiennent voulentiers entour leur seigneur mais ilz estoient couchies<br />
en leurs hostelz. Si ne furent mie se tost appareillies, ne montez, ne armez que le conte fu<br />
car il n’attendy nullui, ains s’en vint ou marchie de Valenchienne et fist sonner les cloches ou<br />
belfroy a volee. Si s’estourmirent toutes gens et s’armerent et suirent leur seigneur a effort<br />
qui s’estoit ja mis hors de la ville et chevaucoit roidement devers Haspre en grant voulente<br />
de trouver ses ennemiz. Quant il ot chevaucie environ une lieue, nouvelles lui vindrent<br />
qu’il se traveilloit en vain et que les Francois estoient retrais. Adont se retray le conte en<br />
l’abbaie de Fontenelles, qui estoit assez pres de la ou madame sa mere demouroit, qui fu<br />
toute ensommee de lui rapaisier tant estoit eschauffe et aire et disoit bien que cestui harsin<br />
de Haspre il feroit temprement chier comparer au royaume de France. Sa dame de mere lui<br />
acordoit tout et eust voulentiers de ceste mesprison excuse son frere le roy de France mais<br />
le conte n’y vouloit entendre. Mais dist, “Il me fault regarder comment hastivement je me<br />
puisse vengier de ce despit qu’on ma fait et autre tant ou plus ardoir en France.”<br />
Quant le conte ot este une espace a Fontenielles delez madame sa mere, il s’en party<br />
quant il ot pris congie et retourna a Valenciennes et fist tantost lettres escripre par tout<br />
aux chevaliers et aux prelas de son pays pour avoir conseil comment il se pourroit chevir<br />
de ceste avenue et mandoit par ses lettres que tous fussent a Mons en Hainau au certain<br />
jour qui assignez y estoit. Ces nouvelles s’espandirent parmi le pays et les scot moult tost<br />
mesire Jehan de Haynau qui se tenoit a Biaumont, pensant et [f37r] ymaginant coment il<br />
pourroit aussi l’arsin de la terre contrevengier de Chimay. Si ne fu mie courroucie quant<br />
il oy recorder le grant desplaisir que on avoit fait a son nepueu le conte et aussi en quel<br />
desdaing il l’avoit pris et ne le s’entoit mie si souffrant qu’il voulsist longuement souffrir<br />
ceste villenie, si monta a cheval et vint au plus tost qu’il pot a Valenchiennes ou il trouva<br />
le dit conte a la salle si se trait vers lui ainsi que raison estoit.<br />
S i tost que le conte de Haynau vit monseigneur Jehan son oncle, il vint contre lui<br />
et lui dist, “Beaux oncles vostre guerre aux Francois est grandement embellie.” “Sire, ” ce<br />
respondy le sire de Biaumont, “Dieux en soit loe. De vostre ennuy et dommage seroie je tout<br />
courroucie mais ce cy me vient assez a plaisance. Or avez vous de l’amour et du service les<br />
Francois que vous avez tout le temps portez. Or nous fault faire une chevauciee sur France<br />
regardez de quel coste.” Dist le conte, “Vous dictes voir et si sera bien briefment.” Si se<br />
tindrent depuis ne scay quans jours a Valenchiennes. Et quant le jour de parlement qui estoit<br />
assigne a estre a Mons en Haynau et ilz y furent venuz. La furent tous les consauls du pays<br />
et aussi de Hollande et de Zeelande. La furent pluseurs choes dictes et vouloient les aucuns<br />
des barons du pays que on envoiast souffisant hommes devers le roy de France a savoir s’il<br />
avoit accorde ne consenty a ardoir en Haynau, ne envoie les soudoiers de Cambresis en la<br />
terre du conte, ne a quel title ceulx l’avoient fait pour tant que on n’avoit point deffie le<br />
conte ne le pays. Et les autres chevaliers qui proposoient encontre vouloient tout le contraire<br />
et que on contrevengast en telle maniere comme les Francois avoient encommencie.
(f37 r ) Comment le conte Guilleaume de Henaut s’esmu premierement ... 67<br />
Entre ces paroles des uns aux autres ot pluseurs estrifs et debas. Mais finablement il fu<br />
regarde tout considere et ymagine que le conte de Haynau et le pays ne povoient nullement<br />
yssir de ceste besoingne sans-faire guerre au royaume de France, tant par l’arsin de la terre<br />
de Chimay comme pour celui de Haspre. Si fu la ordonne que on deffieroit [f37r] le roy de<br />
France et puis entreroit on a effort ou royaume de France. Et de porter ces deffiances fu<br />
prie et chargie l’abbe de Crespin qui pour le temps s’appelloit Thibaut. Si furent les lettres<br />
de defiances escriptes et seelles du conte et de tous les barons et chevaliers du pays. En<br />
apres le conte remercia grandement tous les hommes pour la bonne voulente dont il les vit.<br />
Car ilz lui promistrent service et confort en tous estas. Je n’ay que faire de demener ceste<br />
matiere trop longuement. L’abbe de Crespin se party et s’en vint en France aporter au roy<br />
Phelippe les deffiances qui n’en fist pas trop grant compte et dist que son nepueu estoit .i.<br />
fol oultrageux et qu’il marchandoit bien que de faire ardoir tout son pays. L’abbe retourna<br />
arriere devers le conte et son conseil et compta comment il avoit exploitie et les responces<br />
que le roy en avoit faites. Assez tost apres se pourvey le conte de gens d’armes si manda<br />
tous chevaliers et escuiers parmy son pays et aussi en Braibant et en Flandres et fist tant<br />
qu’il ot bien 10000 armeures de fer de bonne est<strong>of</strong>fe tout a cheval. Si se partirent de Mons<br />
en Haynau et de la environ et chevaucierent devers la terre de Chimay. Car l’entention du<br />
conte et de son oncle le seigneur de Biaumont estoit telle qu’ilz yroient ardoir et esfillier la<br />
terre du seigneur de Vremus et aussi Aubenton en Tierasse.<br />
B ien se doubtoient ceulx de la ville d’Aubenton du conte de Haynau et de son oncle,<br />
si l’avoient signifie au grant baillif de Vermendois qu’il leur voulsist envoier gens pour eulx<br />
aidier a tenir et defendre contre les Heinuers, qui leur estoient trop prochains voisins et<br />
bien leur besoingnoit qu’ilz eussent avec eulx des bonnes gens d’armes car leur ville n’estoit<br />
fermee que de palliz. Dont le dit baillif de Vermendois y avoit envoiez de bons chevaliers de<br />
la environ. Premierement le vidame de Chaalons, monseigneur de Beumont, monseigneur<br />
Jehan de la Bove, le seigneur de Lore et pluseurs autres. Si s’estoient les dessus dis chevaliers<br />
et leurs routes ou bien avoit 300 armeures de fer miz dedens Aubeton et [f37v] le pensoient<br />
bien a tenir contre les Haynuiers et le reparerent et fortefierent encore en aucuns lieux ou<br />
ilz virent et sentirent quelle estoit plus foible. Et estoient tous confortez et pourveuz de<br />
attendre les Hayniuers qui ne firent mie long sejour depuis qu’ilz furent assemblez a Mons<br />
en Haynau mais se partirent vistement et en grant arroy, sicomme cy dessus est dit, et<br />
s’acheminerent vers Chimay et passerent par un venredy les boys qu’on dist de Tierasse et<br />
exploitierent tant qu’ilz vindrent a Aubenton qui estoit une grosse ville et bonne et plaine<br />
de draperie. Les Haynuiers se logierent ce vendredy assez pres et aviserent et considererent<br />
auquel lez elle estoit le plus prendable. A l’endemain ilz vindrent tous ordonnez par devant<br />
pour l’assaillir leurs banieres tout faiticement devant et les arbalestiers aussi et se partirent<br />
en .iii. connestablies et se trait chascun a sa baniere. Dont le conte de Haynau ot la premiere<br />
bataille, avec lui grant foison de bons chevaliers et escuiers de son pays, le sire de Biaumont<br />
son oncle ot la seconde bataille, aussi a tout grant foison de bonnes gens d’armes. Et le sire<br />
de Fauquemont a tout grant foison d’Alemans une autre. Et se trait chascun sire desoubz<br />
sa baniere et entre ses gens celle part ou ilz furent ordonnez et envoiez pour assaillir.<br />
Si commenca l’assaut grant et fort durement et s’emploierent arbalestiers et dedens et<br />
dehors a traire moult viguereusement, par lequel trait il y ot pluseurs blecies des assaillans et<br />
des defendans, Le conte de Haynau et sa route ou moult avoit de appers chevaliers et escuiers<br />
vindrent jusques aux bailles de l’une des portes. La ot grant assault et forte escarmuche. La<br />
estoit le vidame de Chaalons, un appert chevalier qui y fist merveilles d’armes et qui moult<br />
vassaument se combati et defendy. Et fist la a la porte meismement .iii. de ses filz chevaliers,<br />
qui aussi s’aquiterent bien en leur nouvelle chevalerie et y firent pluseurs appertises d’armes.<br />
Mais ilz [f37v] furent si fort requis et assailli du conte de Haynau qu’il les couvint retraire en<br />
la porte car ilz pardirent leurs barrieres. La ot un moult dur assault sur le pont meismement<br />
a la porte devers Chimay estoit mesire Jehan de Beumont et monseigneur Jehan de la Bove.<br />
La ot tresgrant assault et forte escarmuche et couvint les Francois retraire dedens la porte<br />
car ilz perdirent leurs bailles et les conquistrent les Hainuiers et le pont aussi. La ot dure<br />
escarmuche et forte et grant assault et felonneux. Car ceulx qui estoient montez sus a la
68 (f38 r ) Comment le conte Guilleaume de Henaut s’esmu premierement ...<br />
porte getoient bans et merriens contreval et pos plains de chaux et grant foison de pierres et<br />
de cailloux, dont ilz navroient et mehaignoient gens s’ilz n’estoient fors armez et paveschiers.<br />
Et la fu consuy a meschief du giet d’une pierre grosse et villaine un bon escuier de Hainau,<br />
qui se tenoit tout devant pour son corps avancier et ot nom Baudouin de Biaufort et recut<br />
si dur horion sus la targe qu’on lui escarcela et fendy en deux moities et ot rompu le bras<br />
dont il le portoit. Et le couvint retraire pour le villain horion et porter aux logeis sicomme<br />
cellui qui ne se pot depuis aidier ne armer en grant temps jusques a tant qu’il fu sa nez et<br />
gueriz.<br />
C e samedy au matin fu l’assaut moult grant et treffier en la ville de Aubenton en<br />
Tierasse et se metoient les assaillans en grant paine et en grant peril pour requerir et<br />
conquerir la ville. Aussi les chevaliers et les escuiers qui estoient dedens rendoient grant<br />
entente d’eulz defendre et bien leur besoignoit. Et sachies se ce ne fussent les gentilz hommes<br />
qui dedens Aubenton estoient et gardoient elle eust este tantost prise et d’assaut. Car elle<br />
estoit fort et dur assaillie de tous costez et de grant foison de bonnes gens d’armes. S’y y<br />
convenoit tant plus grant avis et plus grant hardement pour la defendre. Et en firent les<br />
chevaliers de dedens au voir dire bien leur devoir, mais finablement elle fu conquise par forte<br />
d’armes et les garites [f38r] qui n’estoient que de palis rompues et bresiees et entra en la<br />
ville tout premierement mesire Jehan de Hainau et sa baniere en grant huee et en grant<br />
fouleis de gens et de chevaux.<br />
Et adont se recueillirent en la place devant le moustier le vidame de Chaalons et aucuns<br />
chevaliers et escuiers et leverent la leur baniere et leurz pennons et moustrerent de fait<br />
bien semblant et corage de eulx combatre et tenir tant que par honneur. Ilz pourroient<br />
durer mais le sire de Vrevins se party et sa baniere sans arroy et sans ordonnance et n’osa<br />
demourer. Car bien sentoit mesire Jehan de Haynau si ayse sur lui qu’il ne l’eust pris a<br />
nulle raencon. Si monta au plus tost qu’il pot sus fleur de coursier et prist les champs. Ces<br />
nouvelles vindrent a monseigneur Jehan de Haynau que son grant ennemy et qui tant avoit<br />
porte de dommage a sa terre de Chimay estoit partiz et s’en aloit devers Vrevins. Adont le<br />
sire de Biaumont monta sur son coursier et fist chevaucier sa baniere et vuida Aubenton en<br />
entente de raconsuir son ennemy. Ses gens le suirent chascun qui mieux mieux, et les autres<br />
de mourerent en la ville. Le conte de Haynau et sa bataille qui se combatirent asprement et<br />
fierement a ceulx qui s’estoient arrestez devant le moustier. La ot dur hustin et fier et maint<br />
homme reverse et miz par terre. Et la furent tresbons chevaliers le vidame de Chaalons et<br />
ses trois filz et y firent mainte appertise d’armes.<br />
Endementiers que ceulx se combatoient mesire Jehan de Haynau et ses gens chacierent le<br />
seigneur de Vrevins. Auquel il avint si bien qu’il trouva les portes de sa ville toutes ouvertes<br />
et entra ens en grant haste. Et jusques la le poursui sur son coursier, l’espee en la main,<br />
mesire Jehan de Haynau. Quant il vit qu’il lui estoit reschappe et entre en sa forteresce si<br />
en fu durement courroucie et retourna arriere vistement tout le grant chemin d’Aubenton.<br />
Si encontrerent ses gens les gens du seigneur de Vrevins qui le suioient a leur povoir. Si<br />
en occirent et mistrent par terre grant foison et puis retournerent dedens Aubenton. Si<br />
trouverent leurs gens qui ja avoient delivre la place de leurs ennemiz et estoit pris le [f38r]<br />
vidame et durement navre et mort .ii. de ses enfants ce jour fais chevaliers et aussi pluseurs<br />
autres ne onques chevalier n’eschappa, ne escuier fors ceulz qui se sauverent avec le seigneur<br />
de Vrevins qu’ilz ne fussent tous mors et tous pris. Et bien 200 hommmes de la ville et<br />
fu toute pillee et robee et les grans avoirs et prouffiz qui dedens estoient chargies sur chars<br />
et sur charrettes et envoiez a Chimay. Avec tout ce la ville d’Aubenton fu toute arse et<br />
se logierent ce soir les Henuiers sus la riviere. Et a l’endemain ilz chevaucierent devers<br />
Mauberfontaines.<br />
A pres la destruction de Aubenton, ainsi que vous avez oy, s’acheminerent les Henuiers<br />
et leurs routes devers Mauberfontaines. Si tost qu’ilz y parvindrent, ilz le conquistrent, car<br />
il n’y avoit point de defence. Et la pillierent et roberent et puis l’ardirent. Et apres, la<br />
ville de Aubecuel, et Segni le Grant et Segni le Petit, et tous les hannaux et villages de la<br />
entour dont il en y ot plus de 40. Ainsi se contrevengierent a ce commencement les Heinuers<br />
des dommages que on leur avoit fais tant en la terre de Chimay comme a Haspre mais
(f38 v ) Comment le conte Guilleaume de Henaut s’esmu premierement ... 69<br />
depuis les Francois leur firent chier comparer, sicomme vous orrez avant en l’istoire. Depuis<br />
ceste chevauciee faite le conte de Hainau se trait devers la ville de Mons et donna congie<br />
a toutes manieres de gens d’armes et les remercia grandement et bellement chascun de son<br />
bon service et fist tant que tous se partirent bien contens de lui, si s’en rala chascun en son<br />
lieu. Assez tost apres, vint il en voulente et en propos au dit conte que d’aler esbatre en<br />
Engleterre et faire certaines aliances au roy son serourge pour estre plus fort en sa guerre.<br />
Car bien pensoit et disoit que la chose ne povoit demourer ainsi que le roy son oncle ne feist<br />
aucuns armee contre lui et pour estre plus fort bon lui sembloit et a son conseil aussi qu’il<br />
eust l’amour et l’aliance des Englois, des Flamens et des Brebancons. Si manda le dit conte<br />
tout son conseil a Mons en Hainau et leur remoustra son entente et ordonna et justitua la<br />
monseigneur Jehan de Haynau son oncle a estre [f38v] maistre et gouverneur de Haynau, de<br />
Hollande et de Zeellande. Et se parti depuis assez tost a privee mesgnie et vint a Dourdrecht<br />
en Hollande et la monta en mer pour arriver en Engleterre.<br />
T ous avez oy comment mesire Jehan de Hainau demoura gouverneur de .iii. pays si<br />
obeirent en avant tous les barons, les chevaliers et les hommes des dessus dis pays a lui<br />
comme a leur seigneur jusque a son retour d’Engleterre. Si se tint le dit mesire Jehan de<br />
Haynau en la ville de Mons et pourvei le pays et garny bien et souffisant de toutes bonnes<br />
gens d’armes especialment sur les frontieres de France et envoia .iv. chevaliers en la ville de<br />
Valencienne pour aidier a garder et conseillier la ville, les bourgoi et la comunaute. Ce fu le<br />
sire d’Antoing, le sire de Wargny, le sire de Gommegnies et mesire Henry de Husphalize. Et<br />
envoia le seneschal de Haynau monseigneur Gerart de Warchin a tout 100 lanches de bonnes<br />
gens d’armes en la ville de Maubuege et mist le mareschal de Hainau, monseigneur Thierry<br />
de Walecourt, en la ville du Quesnoy. Et le seigneur de Potielles en la ville de Landrechies.<br />
Apres il mist en la ville de Bouchian .iii. chevaliers Alemains, qui tous trois se nommoient<br />
mesire Conrart. Et envoia a Escanduevre monseigneur Girart de Sassegnies. Et aussi en la<br />
ville d’Avesnes le seigneur de Fauquemont. Et ainsi par toutes les forteresces de Haynau<br />
voire sus les frontieres du royaume. Et pria et enjoingny a chascun de ces cappitaines qu’ilz<br />
fussent soingneux pour leur honneur d’entendre a ce qui leur estoit enchargie. Et ilz lui orent<br />
en couvent. Si se trait chascun sire et cappitaine avec ses gens en sa garnison et entendirent<br />
a remettre en point garnir et pourveir.<br />
Des courses que les Tournesiens et les Flamens firent l’un contre l’autre.<br />
Q uant le roy de France ot oy recorder comment les Hainiuers avoient ars ou pays de<br />
Tierrasse pris et occiz ses chevaliers et destruite la bonne ville d’Aubenton, sachies qu’il ne<br />
prist mie ceste chose en gre mais commanda a son filz le duc de Normandie qu’il meist une<br />
grosse chevau [f38v] chiee sus et s’en venist en Hainau et sans deport atournast tel le pays<br />
que jamais ne fust recouvre. Et le duc respondi qu’il le feroit voulentiers. Encore ordonna<br />
le roy de France le conte de Laille Gascoing, qui se tenoit delez lui adont a Paris et qui<br />
moult amoit qu’il meist sus une chevauciee de gens d’armes et s’en alast en Gascoingne et y<br />
chevaucast comme lieutenan du roy de France et guerroiast durement Bordeaux et Bordelois<br />
et toutes les forteresces qui la se tenoient pour le roy d’Engleterre. Le conte dessus dit obey<br />
au commandement du roy et se parti de Paris et fist mandement a Thoulouse a estre aux<br />
closes Pasques lequel mandement fu tenu ainsi que vous orrez ca en apres quant temps et<br />
lieu sera. Encore renforca grandement le roy de France l’armee qu’il tenoit sus mer et la<br />
grosse armee des escumeurs. Et manda a monseigneur Hue Kierer et a Barbenaire et a tous<br />
autres cappitaines qu’ilz fussent soingneux d’eulz tenir sur les mettes de Flandres et que<br />
nullement ilz ne laissassent le roy d’Engleterre repasser ne prendre port en Flandres et se<br />
par leur coulpe en demouroit il les feroit morir de male mort.<br />
Avec tout ce vous avez bien oy recorder comment les Flamens s’estoient aliez au roy<br />
d’Engleterre et lui avoient fair enchargier les armes de France et ce roy englois les avoit<br />
absolz d’une grant somme de florins dont de jadis ilz estoient obligues au roy de France.<br />
Quant le roy Phelippe scot ce il leur manda par .vii. prelat soubz l’ombre du pappe qu’ilz<br />
tenissent estable leur serement autrement il getteroit une sentence entre eulx. Non obstant
70 (f39 v ) Des courses que les Tournesiens et les Flamens firent l’un...<br />
ce et la petite information qu’ilz avoient eu filz se vouloient recongnoistre et retourner a lui<br />
et a la couronne de France et relenquir ce roy d’Engleterre qui enchainte les avoit il leur<br />
pardonroit tous mautalens et leur quitteroit la dicte somme et leur seelleroit pluseurs belles<br />
franchises en son royaume les Flamens respondirent qu’ilz se tenoient bien pour absouls<br />
de tout ce dont obligies estoient quant au roy de France. Quant le roy de France oy ce<br />
il s’en complaint au pappe Clement .vi. qui regnoit pour le [f39r] temps, lequel pappe<br />
getta une sentence et un escommemement en Flandres si grant et si horrible qu’il n’estoit<br />
nul prestre qui osast celebrer le deum <strong>of</strong>fice dequoy les Flamens furent moult courroucies et<br />
envoierent complaintes grandes et grosses du roy englois. Lequel pour eulx appaisier leur<br />
manda que la premiere fois qu’il passeroit mer, il leur amenroit des prestres de son pays qui<br />
leur chanteroient vousist le pappe ou non. Car il estoit bien privilegie de ce faire. Et parmi<br />
ce s’apaisierent les Flamens<br />
Q uant le roy de France vit que par nul pourchas il ne povoit retraire les Flamens<br />
de leur oppinion, si manda a ceulx qu’il tenoit en garnison a Tournay, a Lille, a Douay et<br />
es chasteaux voisins qu’ilz foissent guerre aux Flamens et courussent en leur pays et sans<br />
deport. Dont il avint que messire Mathieu de Roye qui pour le temps se tenoit dedens<br />
Tournay et mesire Mahieu de Trie, mareschaux de France avec monseigneur Godemar du<br />
fay et pluseurs autres seigneurs mistrent sus une chevaucee de 1000 armeures de fer, tous<br />
bien montez et 300arbalestiers tant de Tournay de Lille que de Douay et se partirent de<br />
la cite de Tournay un soir apres souper et chevaucierent tant que sus le point du jour ilz<br />
vindrent devant Courtray et acueillirent entour souleil levant toute la proie de la environ. et<br />
coururent les coureurs jusques aux portes et occirent et mehaignierent aucuns hommes qu’il<br />
trouvoient es fourbours et puis s’en retournerent arriere et sans dommage. Et mistrent ces<br />
gens d’armes leur retour devers la riviere du lis et devers le Warneston, en acueillant et en<br />
amenant devant eulx toute la proie qu’ilz trouverent et encontrerent et ramenerent ce jour<br />
en la cite de Tournay plus de 10000 blanches bestes et bien autant que porceaux que buefs<br />
que vaches et en fu la dicte cite un pourveue et rafreschie pour un grant temps et largement<br />
a vitailles.<br />
Ces nouvelles qui ne furent mie plaisans aux Flamens s’espardirent parmi Flandres. Si<br />
en fu le pays durement esmuez et troublez et en [f39r] vindrent les nouvelles a Jaquemes<br />
d’Artevelle qui se tenoit a Gand. Pourquoy le dit Artevelle fu durement courroucies et dist<br />
et jura que ceste forfaiture seroit vengiee ou pays de tournesis. Si fist son mandement par<br />
tout et comanda parmy les bonnes villes de Flandres que tous vuidassent et fussent a un<br />
certain jour qu’il assigna avec lui devant la cite de Tournay. Et escript au conte de Salebrin<br />
et au conte de Sufforch qui se tenoient en la ville d’Ipre qu’ilz se traissent celle part. Et<br />
encore pour mieux moustrer qui la besoingne estoit sienne et quelle lui touchoit, il se party<br />
de Gant moult est<strong>of</strong>feement et s’en vint entre la ville de Audenarde et la cite de Tournay<br />
sus un certain pas que on dist le pont de fer et se loga la en attendant les dessus dis contes<br />
d’Engleterre et aussi ceulx du Franc et de Bruges.<br />
Q uant les .ii. contes d’Engleterre dessus nommez entendirent ces nouvelles, si ne<br />
vouldrent mie pour leur honneur delayer ains renvoierent tantost pardevers Artevelle en<br />
disant qu’ilz seroient la au jour qui assignez estoit. Sur ce ilz se partirent assez briefment<br />
d’Ypre environ 50 lances et 40 arbalestiers et se mistrent ou chemin pour venir la ou Artevelle<br />
les attendoit. Ainsi qu’ilz chevaucoient et qu’il leur couvenoit passer au dehors de la ville de<br />
Lille. Leur venue et chevaucee fu sceue en la dicte ville dont s’armerent secretement ceulx<br />
de Lille et partirent de leur ville bien 1500 a pie et a cheval et se mistrent en trois agues,<br />
afin que ceulx ne leur peussent eschapper. Et vindrent les pluseurs et les plus certains sur<br />
un pas entre hayes et buissons et la sembuschierent.<br />
Or chevaucierent adont ces deux contes Englois et leur route sus le guiement monseigneur<br />
Wauflart de la Croix, qui un grant temps avoit guerroie ceulx de Lille et encore guerrioit<br />
quant il povoit. Et estoit tenu a Ypre celle saison pour eulx mieux guerroier et se faisoit<br />
fort que deulx me n’en sans peril car il savoit toutes les adiesces et [f39v] les torses voies.<br />
Et encore en fust il bien venu a chief se ceulz de Lille n’eusent fait au dehors de leur ville<br />
un grant trecheis nouvellement, qui n’y estoit mie acoustume d’estre. Et quant ce mesire
(f39 v ) Des courses que les Tournesiens et les Flamens firent l’un... 71<br />
Wauflart les ot amenez jusqu’a la et il vit qu’on leur avoit coupe la voie, si fu tout esbahi<br />
et dist aux contes d’Engleterre, “Messeigneurs, nous ne povons nullement passer le chemin<br />
que nous alons sans nous mettre en grant dangier et ou peril de ceulx de Lille. Pourquoy je<br />
conseille que nous retournons et prendons ailleurs nostre chemin.” Adont respondirent les<br />
barons d’Engleterre, “Messire Wauflart ja n’averna que nous yssons de nostre chemin pour<br />
ceulx de Lille, chevaucies toudiz avant car nous avons accorde a Artevelle que nous ferons ce<br />
jour a quelle heure que ce soit la ou il est.” Lors chevaucierent les Englois sans nul esmay.<br />
Et quant mesire Wauflart vit que c’estoit a certes et qu’il ne pot estre creuz ne oys, si fist<br />
son marchie avant et dist, “Beaux seigneurs, voirs est que pour guide et conduiseur en ce<br />
voiage vous m’avez pris et que tout cel yuer je me suis tenu avec vous en Ypre et me lo<br />
de vous et de vostre compaignie grandement. Mais touteffois, s’il avient que ceulx de Lille<br />
saillent ne yssent contre nous ne sur nous, n’ayez nulle fiance que je les doye attendre. Ains<br />
me sauveray au plus tost que je pourray, car se j’estoie pris ne arrestez par aucune aventure,<br />
ce seroit sus ma teste que j’ay plus chiere que vostre compaignie.”<br />
A dont commencierent les chevaliers a rire et distrent a monseigneur Wauflart qu’ilz le<br />
tenoient pour bien excuse. Tout ainsi comme il l’imagina avint, car ilz ne se donnerent de<br />
garde qu’ilz se boucherent en l’embusche qui estoit grande et forte et bien pourveue de gens<br />
d’armes et d’arbalestiers et qui les escrierent tantost, “Avant, avant, par cy ne povez vous<br />
passer sans nostre congie.” Lors commencierent ilz a traire et a lancier sur les Englois et<br />
sur leur route. Et si trestost [f39v] que mesire Wauflart en vit la maniere il n’ot cure de<br />
chevaucier plus avant mais retourna au plus tost qu’il pot, si se bouta hors de la presse<br />
et se sauva et ne fu mie pris a celle fois. Et les deux seigneurs d’Engleterre mesire Guillaume<br />
de Montagu, conte de Salebrin et le conte de Sufforch eschierent es mains de leurs<br />
ennemis et furent mieux priz que a la rais. Car ilz furent embuschies en un chemin entre<br />
hayes et espines et fossez a tous lez si fort et par tele maniere quilz ne se povoient ravoir ne<br />
retourner ne monter ne prendre les champs. Toutesuoies, quant ilz virent la mesaventure ilz<br />
descendirent tous a pie et se defendirent ce qu’ilz porent et en navrerent et mehaingnerent<br />
assez de ceulx de Lille. Mais finablement leur deffense ne valu neant car gens d’armes fres<br />
et nouviaux croissoient toudiz sur eulz. La furent ilz pris et reteniz de force et un escuier<br />
joenne et frique de Limozin nepueu du pappe Clement qui s’appelloit Raimont. Mais depuis<br />
qu’il fu creancie prison fu il occiz pour la convoitise de ses belles armes dont moult de gens<br />
en furent courroucies. Ainsi furent pris les deux contes et mis en la halle de Lille en prison<br />
et depuis envoies en France devers le roy Phelippe qui en ot grant joie et en scot grant gre<br />
a ceulx de Lille disant qu’il guerredonneroit a la ville ce beau service. Et quant Jaquemart<br />
d’Artevelle, qui se tenoit au pont de fer, scot ceste chose si en fu durement courroucies et<br />
brisa pour ceste aventure son propos et son emprise et donna a ses Flamens congie et s’en<br />
retourna en la ville de Gand.<br />
Nous retournerons, car la matiere le requiert, aux guerres de Hainau. Et a la<br />
contrevengance que le roy Phelippe y fist prendre par le duc Jehan de Normandie<br />
son aisne filz.<br />
L e duc, au commandement et ordonnance du roy son pere, fist son especial mandement<br />
a estre a Saint Quentin et la environ a pasques l’an 1311, et vint a Saint Quentin.<br />
Et la estoient [f40r] le duc d’Athenes, le conte de Flandres, conte d’Aucoirre, le conte de<br />
Sancoirre, le conte Raoul d’Eu, le connestable de France, le conte de Porsien, le conte de<br />
Roussi, le conte de Branne, le conte de Grant Pre, le sire de Coucy, le sire de Craon et<br />
grant foison de noble chevalerie de Normandie et des basses marches. Quant ilz furent tous<br />
assemblez a Saint Quentin et la environ il fu regarde par le connestable, le conte de Guines<br />
et par les mareschaux de France monseigneur Robert Bertran et monseigneur Mahieu de<br />
Trie quel nombre de gens ilz povoient estre si trouverent qu’ilz estoient bien 6000 armeures<br />
de fer et 8000 que brigans que autres gens poursivans l’ost. C’estoit assez sicomme ilz disoient<br />
entr’eulx pour combatre Hainau et toute sa puissance. Si se mistrent aux champs par<br />
l’ordonnance des mareschaux et partirent de Saint Quentin et s’arrouterent devers le chastel
72 (f40 v ) Or vous conterons d’une grant appertise d’armes que messire...<br />
en Cambresis et passerent de hors Bohaing et chevaucierent tant qu’ilz passerent le chastel<br />
en Cambresis. Et s’en vindrent logier le duc de Normandie et tout son ost en la ville de<br />
Montais sus la riviere de Selles.<br />
Or vous conterons d’une grant appertise d’armes que messire Girart de Werchin,<br />
seneschal de Henau fist<br />
L e seneschal de Haynau dessus nomme scot bien par ses espies que le duc de Normandie<br />
estoit logies a Saint Quentin et que ses gens menacoient durement le pays de Hainau. Avec<br />
tout ce il scot l’eure et la venue du dit duc a Montais et estoit la arrestez de hors la forteresce<br />
du chastel en Cambresis. Si s’avisa en soy meismes comme preux chevalier et entreprenant<br />
qu’il yroit le duc escarmuchier et esveillier, si pria aucuns chevaliers et escuiers ce qu’il en<br />
pot trouver entour lui qu’ilz voulsissent aler ou il les menroit et ilz lui orent encouvent.<br />
Si se parti de son chastel de Werchin environ 60 lances en sa compaignie tant seulement<br />
et chevaucierent depuis souleil esconsant et firent tant qu’ilz vindrent a Fores a l’issue de<br />
Haynau et a une petite lieue de Montais et povoit estre environ jour failli. Si trestost qu’ilz<br />
furent venuz en la ville [f40r] de Fores, il fist tous ses gens arrester enmy un champ. Et<br />
leur fist retraindre leurs armeures et recengler leurs chevaux et puis leur dist ce qu’il vouloit<br />
faire et ilz furent tous joieux et distrent qu’ilz s’aventuroient voulentiers avec lui et ne lui<br />
faudroient jusques au mourir. Et il leur dist grans merciz. Avec lui estoient des chevaliers<br />
mesire Jaques du Sart, messire Henry d’Usphalise, mesire Oulphart de Guistelles, mesire<br />
Jehan du Chastelet, le sire de Vertain et le sire de Waregni. Et des esciuers Giles et Thierry<br />
de Sommain, Baudouin de Biaufort, Colebiers de Bruille, Moriau de Lestines, Sandrart<br />
d’Escarmain, Jehan de Robersart, Bridoul de Thiaux et pluseurs autres. Puis chevaucierent<br />
quoiement si vindrent a Montais et se bouterent en la ville et ne faisoient les francois point<br />
de guet. Lors descendirent premierement le seneschal de Haynau et tous les compaignons<br />
devant un grant hostel ou ilz cuidoient certainement que le duc de Normandie fust mais il<br />
estoit en un autre hostel avant. Et leans estoient logies .ii. grans seigneurs de Normandie,<br />
le sire de Bailloel et le sire de Briance. Si furent assailliz vistement et la porte de leur hostel<br />
boutee oultre. Quant les .ii. chevaliers se virent ainsi surpris et oirent crier, “Haynau,<br />
au seneschal!”, ilz furent esbahiz. Neantmoins ilz se mistrent a defence ce ce qu’ilz porent<br />
mais le sire de Bailloel fu la occiz dont ce fu dommage et le sire de Briance prisonnier au<br />
dit seneschal et ot encouvent sus sa foy de venir dedens .iii. jours tenir prison en Valenciennes.<br />
Dont se commencierent Francois a estourmir et a vuidier de leurs hostelz et alumer<br />
grans feus et tortiz et a resveillier l’un l’autre meismes on resveilla le duc de Normandie et<br />
le fist on armer en grant haste et aporter sa baniere devant son hostel et desvoleper. La<br />
se traioient toutes gens d’armes de leur coste. Quant les Heinuers apparcurent les Francois<br />
ainsi estourmis si ne voudrent plus demourer ains se retrairent bellement et sagement devers<br />
leurs chevaux et monterent sus. Et se partirent quant ilz se [f40v] furent remiz ensemble.<br />
Et amenerent de .x. a .xii. de bons prisonniers avec eulx et retournerent sans dommage<br />
car point ne furent poursuis pourtant qu’il faisoit brun et tart et vindrent environ l’aube<br />
du jour au Quesnoy. La se reposerent ilz et refreschirent et puis vindrent a Valencienne. Or<br />
parlerons du duc de Normandie qui moult courroucies estoit du despit que les Henuiers lui<br />
avoient fait. Si commanda au matin a deslogier et a entrer en Henau pour tout ardoir sans<br />
deport. Si s’arrouterent le charroy et chevaucierent les seigneurs, les coureurs premiers qui<br />
estoient bien 200 lances et en estoient capitaines mesire Thibaut de Moruel, le Gallois de la<br />
Baume, le sire de Mirepois, le sire de Raineval, le sire de Sainpi, mesire Jehan de Landes,<br />
le sire de Hanges et le sire de Cramelles. Apres chevaucoient les deux mareschaux en grant<br />
route mesire Robert Bertran et mesire Mahieu de Trie et estoient bien 500 lances, et puis<br />
le duc de Normandie avec grant foison de contes, de barons et de tous autres chevaliers. Si<br />
entrerent les dis coureurs en Henaut et ardirent Fores, Vertain, Vertingnuel, Esquarmain,<br />
Vendegies sus Escalon, Bermarin, Calumes, Senleches et les fourbours du Quesnoy. Et se<br />
logierent sus la riviere d’Uintel. A l’endemain ilz passerent oultre et ardirent Orsineval, Vilers<br />
en la Chaucee, Gommegnies, Marech, Pois, Presiel, Aufroypre, Preux, le Franoit, Obies
(f40 v ) Or parlerons du seigneur de Fauquemont, qui fu moult bon ... 73<br />
et la bonne ville de Banoy et tout le pays jusques a la riviere de Honiel. Et ot ce secont<br />
jour grant assaut et escarmuche au chastel de Warchin de la bataille des mareschaux mais<br />
ilz n’y firent rien car ilz furent bien recueilliz et le chastel bien garde et defendy. Et s’en<br />
vint le duc de Normandie logier sus la riviere de Selles entre Haussi et Sansoit.<br />
Or parlerons du seigneur de Fauquemont, qui fu moult bon chevalier et d’une<br />
grant appertise d’armes<br />
M esire Waleran sire de Fauquemont estoit gardien et cappitaine de la ville de Maubuege.<br />
Et ot bien 100 lances d’Alemans et de Henuiers avec lui. Quant il scot que les Francois<br />
chevaucoient qui ardoient le pays et ooit les poures gens [f40v] plourer et crier et plaindre le<br />
leur si en ot grant pitie si s’arma et fist ses gens armer et recommanda la ville de Maubuege<br />
au seigneur de Beaurieu et au seigneur de Montegny. Et dist a ses gens qu’il avoit tresgrant<br />
desir de trouver les Francois. Si chevauca ce jour toudiz costoiant le boys et la forest de<br />
Mourmail. Quant ce vint sus le soit il aprist et entendy que le duc de Normandie et tout son<br />
ost estoient logies sur la riviere de Selles assez pres de Haussi. De ce fu il tout joieux et dist<br />
briefment qu’il les yroit resveillier si chevauca ceste vespree sagement et environ mienuit il<br />
chevauca la dicte riviere a guez et toute sa route. Quant ilz furent oultre, ilz recenglerent<br />
leurs chevaux et se mistrent a point et puis chevaucierent tout souef jusques adont qu’ilz<br />
vindrent aux logeis du duc. Quant ilz durent approuchier, ilz ferirent chevaux des esporons<br />
tout d’un randon et se planterent en l’ost du duc en escriant, “Fauquemont! Fauquemont!”<br />
et commencierent a couper cordes et a ruer et abatre tentes et pavillons par terre et a occire<br />
et decoper gens et de eulx mettre en grant meschief. L’ost se commenca l’ost a estourmir<br />
et tous a armer et se trairent celle part la eu la noise et le hustin estoit. Quant le sire de<br />
Fauquemont vit que point fu il se tray arriere en retraiant ses gens tout sagement. Et a ce<br />
dont fu mort des Francois, le sire de Piquegny picart et fiancie prison le viconte de Kaisnes<br />
et le b<strong>org</strong>ue de Rouvroy et durement blecies mesire Anthoine de Kodun. Lors se party le<br />
sire de Fauquemont et toutes ses gens et repasserent la riviere de Selles sans dommage car<br />
point ne furent poursuis et chevaucierent depuis tout bellement et vindrent environ souleil<br />
levant au Quesnoy ou le mareschal de Haynau se tenoit, mesire Thierry de Walecourt qui<br />
leur ouvry les portes et les recut moult liement.<br />
Et le duc de Normandie fu moult courroucies et dist, “Agar comment ces Henuiers nous<br />
resveillent!” A l’endemain au point de jour fist on sonner les trompes en l’ost du duc si<br />
s’armerent et ordonnerent toutes manieres de gens et mistrent a cheval et arrouterent le<br />
[f41r] charroy et passerent la dicte riviere de Selles et entrerent de rechief en Hainau car le<br />
duc vouloit venir devers Valenciennes et aviser comment il le pourroit assegier. Ceulx qui<br />
chevaucoient devant les mareschaux de Mirepois, le sire de Noisiers, le Galois de la Baume et<br />
mesire Thibaut de Moruel a bien 400 lances sans les brigans s’en vindrent devant le Quesnoy<br />
et approuchierent la ville jusques aux barrieres et firent semblant qu’ilz la vouloient assaillir<br />
mais elle estoit si bien pourveue de bonnes gens d’armes et de grant artillerie qu’ilz y eussent<br />
perdu leur paine. Non pourquant ilz escarmucierent .i. petit devant leu bailles mais on les<br />
fist retraire. Car ceulx du Quesnoy descliquierent canons et bonbardes qui gettoient grans<br />
carriaux si se doubterent les francois de leurs chevaux et retrairent pardevers Wargni le<br />
Grant et Wargni le Petit, Frelaines, Frainnars, Semeries, Artre, Arterel, Sautain, Curgies,<br />
Estruen et Ausnoy et en firent voler les flamesches en la ville de Valenciennes. Et vindrent<br />
ces coureurs courir pardevant Valenciennes et endementiers ordonnoient les Francois leurs<br />
batailles sus le mont de Chastres pres de Valenciennes et se tenoient la en grant est<strong>of</strong>fe et<br />
moult richement dont il avint que environ 200 lances des leurs dont le sire de Craon, le sire<br />
de Mauleurier, le sire de Matefelon et le sire d’Avoir estoient conduiseurs s’avalerent devers<br />
Maing et vindrent assaillir une forteresce quarree qui pour le temps estoit a Jehan Bervier<br />
de Valenciennes et depuis fu elle a Jehan de Neufville. La ot grant assaut et fort et dur et<br />
dura pres que tout le jour. Ne on n’en povoit les Francois partir si en y ot il de mors ne scay<br />
.v. ou .vi.. Et si bien si tindrent et defendirent ceulz qui la gardoient qu’ilz n’y receurent<br />
dommage. Si s’en vindrent le plus de ces Francois a try et cuidierent de premiere venue
74 (f41 v ) Or parlerons du seigneur de Fauquemont, qui fu moult bon ...<br />
la passer l’Escaut mais ceulz de la ville avoient. Le pont deffait et defendoient le passage<br />
roidement et fierement. Et jamais a cel endroit ne l’eussent les Francois conquis mais il en<br />
y ot entr’eulx de ceulx qui congnoissoient le passage et la riviere et le pays si en menerent<br />
[f41r] bien 200 de pie passer les planches de Prouny. Quant ceulz firent oultre, ilz vindrent<br />
tantost baudement sur ceulz de Trit qui n’estoient que un petit de gens au regart d’eulx, si<br />
ne porent durer ains tournerent en fiue si en y ot de mors et de n’aurez pluseurs.<br />
Ce meisme jour estoit partiz de Valenciennes le seneschal de Haynau a 100 armeures<br />
de fer et yssuz de la ville par la porte d’Anzaing et pensoit bien que ceulx de Trit aroient<br />
a faire si les vouloit secourir. Dont il avint qui dessus Saint Vaast, il trouva de rencontre<br />
25 coureurs francois que .iii. chevaliers de Poitou menoient mesire Bouciquaut l’un, le sire<br />
de Surgieres l’autre et mesire Guillaume Blondiau le tiers. Et avoient passe l’Escaut assez<br />
pres de Valenciennes au pont qu’on dist a la Tourelle et avoient couru par droite bachelerie<br />
sus Saint Vaast. Si tost que le seneschal les apparcut il fu moult lies car il congnut bien<br />
que c’estoient ses ennemiz et fery apres eulx et toute sa route aussi. Et me semble ainsi<br />
que le seneschal de Hainau porta jus de coup de lance monseigneur Bouciquaut qui estoit<br />
adont moult appert chevalier et fu plus encore depuis et mareschal de France, sicomme vous<br />
orrez et fist la fiancier prison et m’envoia en Valenciennes. Mais je ne scay comment ce<br />
pot estre car le sire de Surgieres eschappa mais mesire Guillaume Blondel fu pris et fianca<br />
prison a monseigneur Henry d’Usphalize et furent pres tous les autres mors ou pris. C’il<br />
recontre detria grandement le seneschal de Hainau qu’il ne pot venir a temps au pont a<br />
Trit ains l’avoient ja conquis les Francois quant il y vint et metoient grant paine a abatre<br />
les moulins et un petit chastellet qui la estoit. Mais si trestost que le seneschal vint en<br />
la ville, ilz n’orent point de loisir car ilz furent reboutez et reculez vilamement et occis et<br />
decoupez et miz en chasse. Et les fist on saillir en la riviere d’Escaut dont il en y ot aucuns<br />
noyez et ne fu la ville de Trit adont toute delivree et vint le seneschal de Haynau passer<br />
l’Escaut a Denaing. Puis chevauca et toute sa route vers son chastel de Werchin et se bouta<br />
dedens pour le garder et defendre se mestier fust. Et encore se tenoit le duc de Normandie<br />
sus le mont de Castres en bonne [f41v] ordonnance la plus grant partie du jour. Car il<br />
cuidoit que ceulz de Valenciennes deussent vuidier et lui venir combatre. Aussi fussent ilz<br />
tresvoulentiers mais monseigneur Henry d’Antoing, qui la ville avoit a garder leur deveoit<br />
et estoit a la porte Cambrisienne moult ensonniez et en grant paine d’eulx destourner de<br />
non vuidier et le prevost de la ville pour le temps avec lui, Jehan de Bassi, qui les affrenoit<br />
ce qu’il povoit et leur remoustra adont tant de belles raisons qu’ilz s’en souffrirent.<br />
Q uant le duc de Normandie et ses batailles, qui tresbelles estoient a regarder, se furent<br />
tenuz un grant temps sur le mont de Castres et ilz virent que nul n’istroit de Valenciennes<br />
pour eulx combatre. A dont furent envoiez le duc d’Athenes et les .ii. mareschaux de France<br />
et le conte d’Aucoirre et le sire de Chastillon et bien 300 lances bien montez pour courir<br />
jusques a Valenciennes. Ceulx chevaucierent en tresbonne ordonnance et vindrent au lez<br />
vers la Tourelle a Goguel et chevaucierent moult arreement jusques aux bailles de la ville<br />
mais ilz n’y demourerent mie plente car ilz redoubterent le trait pour leurs chevaux. Et<br />
touteffois le sire de Chastillon chevauca si avant que son coursier fu feru et chey desoubz<br />
lui et le couvint monter sur un autre. Ceste chevauciee prist son tour devers les Marliz et<br />
les ardirent et abatirent tous les moulins qui la estoient sur la riviere de Wintiel et puis<br />
pristrent leur tour par derriere les Chartreux et revindrent a leur bataille. Or vous dy qu’il<br />
estoient demourez derriere aucuns compaignons Francois en la ville de Marlis pour mieux<br />
fourer a leur aise. Dont il avint que ceulx qui gardoient une tour qui la est aux hoirs de<br />
Haynau et fu jadis a monseigneur Robert de Namur de par ma dame Ysabel de Hainau sa<br />
femme. Apparceurent ces Francois qui la estoient et si virent bien que la grosse chevaucee<br />
estoit retraite si yssirent baudement hors et les assaillirent de grant courage et en tuerent<br />
bien la moitie et leur tollirent tout leur pillage et puis retournerent en leur tour. [f41v]<br />
Encore se tenoient les batailles sur le mont de Castre tout le jour jusques apres nonne que<br />
les coureurs revindrent de tous costez dont orent conseil la entr’eulx et disoient les seigneurs<br />
que tout considere ilz n’estoient mie gens assez pour assegier une telle ville comme estoit<br />
Valenciennes, si orent finablement conseil d’eulx retraire devers Cambray. Si vindrent ce
(f42 r ) Or parlerons du seigneur de Fauquemont, qui fu moult bon ... 75<br />
soir logier a Maing et a Fontenelles et firent toute nuit bon guet et grant. A l’endemain s’en<br />
partirent mais ilz ardirent Maing et Fontenelles et l’abbaie aussi qui estoit a madame de<br />
Valois, ante du dit duc et suer germaine au roy son pere. Dequoy le duc fu moult courroucie<br />
et fist pendre ceulx qui le feu y avoient voute et miz. A ce departement fu pararse la ville<br />
de Trit et le chastel et les moulins abatuz et Prouvy, Rouvegny, Thians, Monciaux et tout<br />
le plain pays entre Cambray et Valenciennes.<br />
Ce jour chevauca tant le duc de Normandie qu’il vint devant Escanduevre un bon chastel<br />
et fort du conte de Haynau seant sus la riviere d’Escaut et qui moult grevoit ceulx de<br />
Cambray avec ceulx de la garnison de Thun l’evesque. Duquel chastel d’Escanduevre estoit<br />
cappitaine et souverain messire Girart de Sassegnies, qui devant ce n’avoit nulle reprouche<br />
de diffame. Or ce scay je qui ce fu ne qui l’enchanta mais le duc de Normandie n’ot pas<br />
fis devant la forteresce .vi. jours quant elle lui fu rendue saine et entiere dont tout le pays<br />
fu esbahiz et en furent souspeconnez mesire Girart de Sassegnies et un sien escuier qui<br />
s’appelloit Robert Marivaux. Ces .ii. furent pris et en coupez et en moururent vilainement<br />
a Mons en Hainau. Et ceulx de Cambray abatirent le chastel d’Escanduevre et en porterent<br />
toute la piere en Cambray sien firent reparer et refortefier leur ville.<br />
A pres la prise et la destruction d’Escanduevre si retray le duc Jehan de Normandie<br />
en la cite de Cambray et donna a une grant partie de ses gens d’armes congie et les autres<br />
envoia [f42r] es garnisons de Lille et de Douay et des autres forteresses voisines. Et avint<br />
en celle meisme sepmaine que Escanduevre fu prise que les Francois qui dedens Douay se<br />
tenoient yssirent hors et ceulz de Lille avec eulx et povoient estre environ 300 lances et les<br />
conduisoient mesire Loys de Savoie, mesire Aimart de Poitiers, le conte de Geneve, le sire<br />
de Villars, le Gallois de la Baume, le seigneur de Wauvrain et le seigneur de Wasiers. Et<br />
vindrent en celle chevauciee ardoir en Hainau ce beau plain pays d’Ostrevan et n’y demoura<br />
riens de hors les forteresces dont ceulx de Bohain furent moult courroucies car ilz veoient les<br />
feux et les fumiere entour eulx et si n’y povoient mettre remede. Si envoierent a Valenciennes<br />
disans que se de nuit ilz vouloient yssir de la ville 600 armeures de fer ilz porteroient grant<br />
dommage aux Francois qui estoient encore tous quois et logies ou plain pays mais ceulx<br />
de Valenciennes n’en orent point conseil ne de vuidier leur ville. Et par ainsi les Francois<br />
n’orent point d’encontre si ardirent il avich et la moitie d’Ascons, Escaudain, Here, Sevain,<br />
Devain, Montegny, Marlain, Wargny, Aubrechicourt, Lourch, Sauch, Ruet, Nuefville, le lieu<br />
Saint Amant et tous les villages qui en ce pays estoient et en ramenerent grant pillage et<br />
grant proie en leurs garnisons. Et quant ceulz de Douay furent retrais, les soudoiers de<br />
Bohain chevaucierent hors et ardirent l’autre partie d’Ascons qui se tenoit Francoise et tous<br />
les villages Francois jusques es portes de Douay et la ville d’Eskerchin.<br />
Ainsi que je vous ay devise par dessus, que les garinsons sus les frontieres furent garmes<br />
de gens d’armes et souvent y avoit des chevauciees des rencontres et des fais d’armes des uns<br />
aux autres ainsi que en telz besoingnes appartiennent. S’y avint en celle meisme saison que<br />
soudoiers Alemans qui se tenoient de par l’evesque de Cambray en la Malemaison a deux<br />
lieues du chastel Cambresien et marchissent d’autre part plus pres de Landrechies dont le<br />
sire de Potelles un appert chevalier Henuier [f42r] estoit gardien, car le conte de Bloys,<br />
quoy qu’il en fust sire, l’avoit rendu au conte de Hainau pour tant qu’il estoit francois et le<br />
conte le tenoit en sa main et le faisoit garder pour les Francois. Si avoient souvent le hustin<br />
ceulx de la Male maison et ceulx de Landrechies ensemble. Dont un jour saillirent hors de<br />
la Malemaison les dessus dis Alemans bien montez et armez et vindrent courir devant la<br />
ville de Landrechies et acueillirent la proie et l’enmenoient avant eulx. Quant la nouvelle et<br />
le harou en vint en Landrechies entre les Henuiers qui la se tenoient dont s’arma le sire de<br />
Potelles et fist armer les compaignons et monterent a cheval et se partirent pour rescourre<br />
aux Alemans leur proie. Si estoit adont le sire de Potelles tout devant et le suioient ses gens<br />
chascun qui mieux mieux. Il qui estoit de grant voulente et plain de hardement abaissa son<br />
glaive et estria aux Alemans qu’ilz retournassent car c’estoit honte de fuit.<br />
La avoit un escuier alemant qu’on appelloit Albrecht de Couloingne, appert homme<br />
d’armes durement, qui fu tout honteux quant il se vit ainsi chacie. Si retourna franchement<br />
et abaissa son glaive et fery cheval des esperons et s’adreca sus le seigneur de Potielles et le
76 (f42 v ) Or revenrons au duc de Normandie comment il assega le chas...<br />
chevalier sus lui tellement qu’il le fery sus sa targe un si grant horion que le glaive vola en<br />
pieces. Et l’Alemant le consuy telement de son glaive roide et enfumee que onques ne brisa<br />
mais perta la targe les plates et l’auqueton et lui entra dedens le corps et le poindy droit<br />
au cuer et l’abati jus du cheval navre a mort. Dont vindrent les compaignons Henuiers, le<br />
sire de Bousies Gerart de Mastain, Jehan de Mastain et les autres qui de pres le suioient.<br />
Lesquelz s’arresterent sur lui quant en ce party le virent et le regraicierent durement. Puis<br />
requistrent les Alemans durement encontre vengant le seigneur de Potielles si fu Aelbrecht<br />
et sa route desconfiz, mors et pris. Pou en eschappa et la proye rescousse [f42v] et ramenee<br />
avec les personniers en Landrechies et le sire de Potielles mors dont les compaignons furent<br />
tous courroucies.<br />
A pres la mort du seigneur de Potelles, le sire de Floion fu un grant temps gardien<br />
de la ville et chastel de Landrechies et couroit souvent sur ceulx de Bouhain, de la Male<br />
maison et du chastel en Cambresis et des forteresces voisines qui ennemies leur estoient.<br />
Ainsi couroient un jour les Henuiers et l’autre jour les Francois s’y y avoit souvent des<br />
rencontres et des escarmuches et des ruez juz et des uns et des autres car au voir dire telz<br />
besoingnes le requierent. Si estoit le pays de Hainau en grant tribulation et esmay. Car<br />
une partie de leur pays estoit ars et exillies et estoit encore le duc de Normandie sur les<br />
frontieres et ne s’avoient qu’il avoit empense et si nooient milles nouvelles de leur seigneur le<br />
conte de Hainau. Bien est voir qu’il avoit este en Engleterre ou le roy et les barons du pays<br />
l’avoient honnore et festoie et avoit fait et jure grans aliances au roy englois et s’en estoit<br />
partiz et alez en Alemaigne devers l’empereur Loys de Baviere. C’estoit la cause pourquoy<br />
il sejournoit tant d’autre part mesire Jehan de Hainau estoit alez en Braibant et en Flandres<br />
et avoit remoustre au dit duc de de Braibant et a Jaques d’Artevelle la desolation du pays<br />
de Hainau et comment les Henuiers leur prioient qu’ilz y voulsissent entendre et pourveoir<br />
de conseil. Les dessus dis l’en avoient respondu que le conte ne povoit longuement demourer<br />
et lui revenu ilz estoient tous appareillies d’aler a tout leur povoir la ou il les voudroit mener.<br />
Or revenrons au duc de Normandie comment il assega le chastel de Thun<br />
l’Evesque.<br />
E ndementiers que le duc de Normandie se tenoit en la cite de Cambray le dit evesque<br />
et les bourgois du lieu lui remoustrerent comment ses ennemis avoient pris et emble le fort<br />
chastel de Thun et que par amours et pour son honneur et [f42v] le prouffit du commun pays,<br />
il voulsist mettre conseil et entente au r’avoir. Car ceulx de la garnison constraingnoient<br />
durement le pays d’environ le duc y entendy voulentiers et fist de rechief semondre ses ostz<br />
et mist ensemble grant foison de seigneurs et de gens d’armes qui se tenoient en Artois en<br />
Vermendois. Lesquelx il y avoit en sa premiere chevaucee. Si se parti de Cambray et vint<br />
a tout ses gens logier devant Thun sur la riviere d’Escaut en ces beaux plains au lez devers<br />
Ostrevan et fist le duc la amener et acharier .vii. grans engins de Cambray et de Douay<br />
et les fist drecier et asseoir fortement devant la forteresce. Ces engins y gettoient nuit et<br />
jour pierres, mangonneaux a grant foison qui effondroient et abatoient les combles et les<br />
tois des tours des chambres et des salles et constraingnoient par le dit assaut durement<br />
ceulx du chastel et n’osoient les compaignons qui le gardoient demourer en chambre ne en<br />
salle qu’ilz eussent fors en caves et en celiers. Onque gens d’armes ne souffrirent tant pour<br />
l’air honneur en forteresce qui ceulz firent. Desquelx estoient souverains et cappitaines un<br />
chevalier Englois qui s’appelloit mesire Richart de Limozin et aussi deux escuiers de Hainau,<br />
freres au seigneur de Mauny, Jehan et Thierry. Ces trois dessus tous les autres en avoient<br />
toute la charge la paine et le fais et tenoient les autres compaignons en vertu et en forte et<br />
leur disoient, “Beaux seigneurs, le gentil conte de Henaut venra un de ces jours a si grant<br />
ost contre les Francois qu’il nous delivera a toute honneur de ce peril et nous sauva grant<br />
gre de ce qui si franchement nous serons tenuz.”<br />
Ainsi confortoient les .iii. dessus dis les compaignons qui n’estoient mie a leur aise.<br />
Car pour eulx plus grever et plus tost amener a mercy ceulx de l’ost leur gettoient et<br />
envoioient par leurs engins chevaux mors et bestes mortes et puans pour eulz empunaisier
(f43 r ) Or revenrons au duc de Normandie comment il assega le chas... 77<br />
dont ilz estoient la dedens en grant destresce. Car l’air estoit fort et [f43r] chaut ansi<br />
qu’en plain este. Et furent plus constraint par cel estat que par autre chose. Finablement<br />
ilz regarderent entr’eulx que celle mesaise ilz ne povoient longuement souffrir tant estoit<br />
la punaisie abhominable si orent conseil de traittier vues treves a durer .xv. jours. Et la<br />
endedens signefier leur povrete a mesire Jehan de Hainau qui estoit gardien de tout leur<br />
pays. Adfin qu’ilz en fussent confortez et se ilz ne l’estoient ilz rendroient la forteresce<br />
au dit duc de Normandie. Lequel duc leur ottroia ceste treuve. Et ilz envoierent tantost<br />
Ostelart de Sommaing a Mons en Hainau ou il trouva le seigneur de Biaumont qui avoit oy<br />
nouvelles de son nepueu le conte de Henau, qui revenoit en son pays et avoit este devers<br />
l’empereur et fait aliances a lui et aussi aux seigneurs de l’empire le duc de Guerles, le<br />
conte de Jullers, le marquis de Blanquebourc et tous les autres. Si enforma le seigneur de<br />
Biaumont le dit escuier Ostelart de Sommaing et lui dist bien que ceulz de Thun l’Evesque<br />
seroient temprement confortez mais que son nepueu feust revenu ou pays.<br />
L a treve durant qui fu prise entre le duc de Normandie et les soudoiers de Thun,<br />
sicomme vous avez oy, revint le conte de Hainau en son pays dont tous ses gens furent<br />
moult resjoiz. Si lui recorda le sire de Biaumont comment les choses avoient alees depuis<br />
son departement. Le conte respondy que le royaume de France estoit grant assez pour avoir<br />
satiffation de toutes les forfaitures que les Francois lui avoient faites. Mais briefment il fist<br />
ses mandemens et ses prieres en Braibant, en Guerles, en Julers, en Alemaigne et aussi en<br />
Flandres devers son bon amy Artevelle. Et s’en vint le dit conte en Valenciennes a grant<br />
foison de gens d’armes, chevaliers et escuiers de son pays et des pays dessus nommez et<br />
toudiz lui croissoient gens si se parti de Valenciennes en grant arroy de gens d’armes, de<br />
charroy, de trefs, de tentes, de pavillons et de toutes autres [f43r] pourveances et s’en vint<br />
logier. Et s’en vint logier a Nave sur ces beaux plains et ces grans pres tout contreval la<br />
riviere d’Escaut. La estoient des seigneurs de Haynau avec le dit conte et en bon arroy.<br />
Premierement mesire Jehan de Haynau, son oncle, le sire d’Enghien, le sire de Werchin,<br />
seneschal de Hainau, le sire d’Antoing, le sire de Ligne, le sire de Barbencon, le sire de Lens,<br />
mesire Guillaume, le sire de Havrech, chastellain de Mons, le sire de Montegni, le sire de<br />
Barbais, mesire Thierry de Walecourt, mareschal de Henaut, le sire de la Hamaide, le sire<br />
de Gommegnies, le sire de Roisin, le sire de Trasegnies, le sire de Brifueil, le sire de Lalain,<br />
le sire de Mastin, le sire de Sars, le sire de Wargny, le sire de Beaurieu et pluseurs autres<br />
chevaliers et escuiers qui tous se logierent empres leur seigneur. Assez tost apres y revint le<br />
joenne conte Guillaume de Namur moult est<strong>of</strong>feement a 200 lances. Et se loga aussi sus la<br />
riviere d’Escaut en l’ost du conte. Et puis revindrent le duc de Braibant a bien 600 lances,<br />
le duc de Guerles, le conte des Mons, le sire de Fauquemont, mesire Ernoul de Kakehen et<br />
grant foison d’autres seigneurs et gens d’armes d’Alemaigne et de Witephale. Si se logierent<br />
tous les uns apres les autres sus la riviere de l’Escaut alencontre de l’ost francoise et estoient<br />
plentiueusement pourveus de vivres qui leur venoient tous les jours de Valenciennes et du<br />
pays de Haynau voisin a eulx.<br />
Q uant ces seigneurs se furent ainsi logies entre Nave et Ywis, le duc Jehan de Normandie,<br />
qui estoit d’autre part la riviere avec lui moult belles gens d’armes vit que l’ost du<br />
conte de Haynau croissoit durement. Si signifia tout l’estat au roy de France son pere qui<br />
se tenoit a Peronne en Vermendois ou il avoit este par .vi. sepmaines a grans gens. Lors<br />
fist le roy de rechief une semonce tresespeciale et envoia jusques a 1200 lances de bonnes<br />
gens d’armes en l’ost son filz. Et assez tost apres il y vint comme soudoier au duc son [f43v]<br />
filz. Car il ne povoit nullement venir a main armee sus l’Empire se il vouloit garder son<br />
serement ainsi qu’il fist. Et fu toudiz le dit duc chief et souverain de ceste emprise mais il<br />
s’ordonnoit par le conseil du roy son pere. Le quart jour apres ce que le conte de Haynau<br />
fu venu a Thun l’Evesque, ceulz de Valenciennes y vindrent en grant arroy desquelx Jehan<br />
de Baissy, qui privost estoit pour le temps, se faisoit gouverneur. Si tost qu’ilz furent venuz<br />
on les envoia escarmuchier aux Francois sur le rivage de l’Escaut pour ensonnier ceulz de<br />
l’ost et pour faire ceulz de la garinson de Thun voie. La ot grant escarmuche des uns aux<br />
autres et pluseurs carreaux trais et lancies et maint homme navre et blecie. Endementiers<br />
qu’ilz entendoient a paleter les compaignons de Thun l’Evesque, mesire Richart de Limozin
78 (f44 r ) Or revenrons au duc de Normandie comment il assega le chas...<br />
et les autres se partirent du chastel et se mistrent en l’Escaut ou on leur avoit appareillies<br />
bateaux et nasselles enquoy on les ala querre d’autre part le rivage, si furent amenez en l’ost<br />
et devers le conte de Hainau, qui liement et doucement les recut et les honnora moult du<br />
bon service qu’ilz lui avoient fais quant si longuement et a tel meschief ilz s’estoient tenuz<br />
a Thun l’Evesque.<br />
E ndementiers que ces deux ostz estoient ainsi assemblez pour le fait de Thun l’Evesque<br />
et logies sur la riviere d’Escaut, les Francois devers France et les Henuiers sur leur pays,<br />
couroient les fouriers fourer par tout la ou ilz pourroient trouver de l’un lez et de l’autre<br />
mais point ne se trouvoient ne encontroient car la riviere d’Escaut estoit entre deux. Mais<br />
les Francois par ardirent et couroient tout le pays d’Ostrevan ce que demoure y estoit et<br />
les Henuiers tout le pays de Cambresis. Et la vint en l’aide du conte de Hainau et a sa<br />
priere Jaquemart d’Artevelle a plus de 60000 Flamens tous bien armez [f43v] et se logierent<br />
puissaument alencontre des Francois. Quant ilz furent venuz moult en fu le conte de Henau<br />
liez car son ost estoit grandement renforcie. Si manda par ses heraux au duc de Normandie<br />
son cousin que bataille se peust faire entr’eulx et que ce seroit blasme pour toutes les parties<br />
se si grans gens d’armes qui la estoient se departoient sans bataille. Le duc respondy a la<br />
premiere fois qu’il en aroit avis. Ce conseil fu si long que les heraux s’en partirent adont sans<br />
avoir certaines responces. Dont il avint que le tiers jour apres le conte y renvoia de rechief<br />
pour mieux s’avoir l’entention du dit duc et des Francois. Le duc respondy qu’il n’estoit<br />
mie encore conseillie de combatre ne de mettre y journee. Et dist oultre que le conte estoit<br />
trop hastif.<br />
Quant le conte oy ces paroles si lui sembla un detriement et manda tous les plus grans<br />
barons de l’ost et premierement le duc de Braibant son grant seigneur et tous les atures<br />
ensuiant. Puis leur remoustra son entention et la responce du duc de Normandie si en<br />
demanda a avoir conseil. Adont regarderent il chascun l’un l’autre et ne voult nul respondre<br />
premiers. Toutefois le duc de Braibant parla pour tant que c’estoit le plus grant de tout<br />
l’ost et tenuz le plus sage si dist que de faire un pont ne de combatre aux Francois, il n’estoit<br />
mie d’acort. Car il savoit de certain que le roy englois devoit prouchainement passer la mer<br />
et venir assegier la cite de Tournay. “Si lui avons, ” ce dist le duc, “promiz et jure foy et<br />
amour et aide de nous et des nostres dont se nous nous combations maintenant et la fortune<br />
fust contre nous il perdoit son voiage ne nul confort il n’aroit de nous. Et se la journee<br />
estoit pour nous, il ne nous en saroit gre. Car c’est son entention que ja sans lui, qui est<br />
chief de ceste guerre, nous ne nous combatons au povoir de France mais quant nous serons<br />
devant Tournay, il avec [f44r] nous et nous avec lui. Et le roy de France sera d’autre part<br />
a emus se departiroient si grans gens sans bataille. Si vous conseille beau filz que vous vous<br />
departez de cy car vous y sejournez a grans frais et donnez congie a toutes manieres de gens<br />
d’armes si s’en revoit chascun en son lieu. Car dedens .x. jours vous arez nouvelles du roy<br />
d’Engleterre.”<br />
A ce conseil se tindrent la plus grant partie des seigneurs qui la estoient mais il ne plut<br />
mie encore trop bien au conte de Haynau et pria aux seigneurs et aux barons tous en general<br />
qui la estoient qu’ilz ne se voulsissent mie encore partir car ce seroit trop grandement ce<br />
lui sembloit contre son honneur se les Francois n’estoient combatuz. Et ilz lui orent tout<br />
en couvent. A ces parolles yssirent ilz hors du parlement et se retrait chascun a son logeis.<br />
Trop voulentiers se fussent departiz ceulz de Brousselles et de Louvain car ilz estoient si<br />
tannez qu’ilz ne povoient plus et en parlerent pluseurs fois au duc leur seigneur. Et lui<br />
remoustrerent qu’ilz gisoient la a grans frais et riens ne faisoient.<br />
Q uant le conte de Hainau vit son conseil varier et qu’ilz n’estoient mie bien d’accort<br />
de passer la riviere d’Escaut et de combatre les Francois si en fu durement courroucies.<br />
Si appella un jour son oncle monseigneur Jehan de Haynau et lui dist, “Beaux oncles,<br />
vous monterez a cheval et chevaucerez selon ceste riviere et appellerez qui que soit homme<br />
d’onneur en l’ost francoise et direz de par moy que je leur livreray pont pour passer mais<br />
que nous arons .iii. jours de respit ensemble tant seulement pour le faire et que je les vueil<br />
combatre comment que ce soit.” Le sire de Biaumont lui ottroia voulentiers.<br />
Si vint a son logeis et s’appareilla bien et friquement lui 300 de chevaliers tant seulement
(f44 r ) Or revenrons au duc de Normandie comment il assega le chas... 79<br />
le sire de Fagunelles et mesire Florens de Biaurieu et son pennon devant montez sus bons<br />
coursiers et chevaucierent ainsi sus le rivage d’Escaut et avint que de l’autre part le sire de<br />
Biaumont apparcut un chevalier [f44r] de Normandie lequel il recongnut par ses armeures<br />
si l’appella et dist, “Sire de Maubuisson, sire de Maubuisson, parlez a moy.” Le chevalier<br />
se oy nommer et recongnut monseigneur Jehan de Hainau par les armes de son pennon qui<br />
estoit devant lui si s’aresta et dist, “Sire que vous plaist?” “Je vous prie”, dist le sire de<br />
Biaumont, “que vous vueillies aler devers le roy de France et son conseil et leur dictes que<br />
le conte de Hainau m’envoie cy pour prendre une treve tant seulement tant q’un pont fort<br />
fair sus ceste riviere parquoy voz gens ou les nostres le puissent passer. Et ce que le roy ou<br />
le duc de Normandie en respondront si le me venez dire. Car je vous attendray tant que<br />
vous serez revenu.” “Par ma foy”, dist le chevalier, “voulentiers”<br />
Atant se departy le sire de Maubuisson et fery cheval des esperons et vint jusques a<br />
la tente du roy de France ou le duc de Normandie estoit adont per sonnelment et grant<br />
foison d’autres seigneurs. Le sire de Maubuisson salua le roy le duc et tous les barons et<br />
relata son message bien et deuement ainsi qu’il appartenoit et que chargie en estoit. Et l’en<br />
lui respondy briefment ainsi, “Sire de Maubuisson, vous direz de par nous a cellui qui vous<br />
envoie que en tel estat ou nous avons tenu le conte de Haynau jusques a orez, nous le tenrons<br />
en avant et lui ferons engaigier sa terre. Ainsi sera il guerroie de tous costez et quant nous<br />
semblera bon nous entreron en Haynau si a point que nous parardrons tout son pays.”<br />
Ces paroles ne plus ne mains rapporta le sire de Maubuisson a monseigneur Jehan de<br />
Hainau qui l’attendoit sus le rivage. Et quant la relation l’en fu faite si dist au chevalier<br />
grant merciz. Lors s’en parti et s’en revint arriere a ses logiz et trouva le conte de Haynau<br />
son nepueu qui jouoit aux eschez au conte de Namur. Le conte se leva si tost qu’il vit son<br />
oncle et lui demanda nouvelles. “Sire”, dist messire Jehan de Hainau, “A ce que je puis<br />
veoir et considerer, le roy de France et son conseil prennent grant plaisance en ce que vous<br />
sejournez cy a grans frais [f44v] et dient ainsi qu’il vous feront despendre et engaigier toute<br />
vostre terre. Et quant bon leur semblera, il vous combateront non mie a vostre voulente ne<br />
a vostre aise mais a la leur.” De ces responces fu le conte de Haynau tout courroucie et dist<br />
qu’il n’iroit mie ainsi.<br />
N ous tairons a parler du duc de Normandie et du conte de Hainau et parlerons<br />
du roy d’Engleterre qui s’estoit miz sur mer pour arriver en Flandres<br />
et puis venir en Hainau aidier au conte son serourge a guerroier contre les Francois. Ce<br />
fu le jour devant la vigile Saint Jehan Baptiste, l’an 1340, qui nagoit par mer a grant et<br />
belle charge de nefs et de vaisseaux et estoit toute sa navie partie du havene de Thaimse<br />
et s’en venoit droitement a l’Escluse. Et adont se tenoient entre Blanquebergue et l’Escluse<br />
et sus mer mesire Hue Kierres, mesire Pierre Bahuce et Barbenaire. A plus de 140 gros<br />
vaisseaux sans les hokebos et estoient bien Normans, Bidaus, Genevois, Picars 40000. Et<br />
estoient la ancrez et arrestez au commandement du roy de France pour attendre la revenue<br />
du roy d’Engleterre car bien savoient qu’il devoit passer si lui vouloient veer et defendre le<br />
passage. Le roy d’Engleterre et les siens qui s’en venoient tout siglant regardant et voiant<br />
devers l’Escluse si grant quantite de vaisseaux que des mas ce sembloit droitement un boys<br />
si en fit forment esmerveillies et demanda au patron de sa navie quelz gens ce povoient estre.<br />
Il respondy qu’il cuidoit que ce fust l’armee des Normans que le roy de France tenoit sus mer<br />
et qui pluseurs fois lui avoient fait grant dommage et ars et robez la bonne ville de Hantonne<br />
et conquiz Chris<strong>of</strong>le, son grant vaissel et occiz ceulz qui le gardoient et conduisoient. Dont<br />
respondy le roy englois, “J’ay de long temps desire que je les puisse combatre, si les combaterons<br />
s’il plaist a Dieu et a Saint Ge<strong>org</strong>e. Car vraiement ilz m’ont fait tant de contraires<br />
que j’en vueil prendre la vengance se je y puis avenir.” Lors fist le roy ordonner tous ses<br />
vaisseaux et mettre les plus fors devant et fist frontiere a tous costez de ses archiers. Et entre<br />
deux [f44v] nefs d’archiers en y avoit une de gens d’armes. Et encore fist il une autre bataille<br />
sus costiere toute puraine d’archiers pour reconforter se mestier faisoit les plus lassez. La<br />
avoit grant foison de dames d’Engleterre, contesses, baronnesses, chevalieres et bourgoises
80 (f45 r ) La bataille que le roy Edouart fist a l’Escluse en Flandres...<br />
de Londres qui venoient veoir la royne d’Engleterre a Gand que veue n’avoient grant temps<br />
avoit. Et ces dames fist le roy englois bien garder et soingneusement a 300 hommes d’armes<br />
et de 500 archiers. Puis pria le roy a tous qu’ilz voulsissent penser du bien faire et garder<br />
son honneur et chascun lui ot encouvent.<br />
La bataille que le roy Edouart fist a l’Escluse en Flandres<br />
Q uant le roy d’Engleterre et ses mareschaux orent ordonner leurs batailles et leurs<br />
navies bellement et sagement, ilz firent tendre et fraire les voiles contremont et vindrent<br />
au vent de quartier sus destre pour avoit l’avantage du souleil qui en venoit leur estoit ou<br />
visage. Si s’aviserent et regarderent que ce les povoit trop nuire. Et detrierent un petit<br />
et tournierent tant qu’ilz leurent a leur voulente. Les Normans qui les veoient tournier<br />
s’esmerveilloient trop pourquoy il le faisoient et disoient, “Ilz resongnent et reculent car<br />
ilz ne sont pas gens pour combatre a nous.” Bien veoient entr’eulx les Normans par les<br />
banieres que le roy d’Engleterre y estoit personnelment si en estoient trop joyeux [f45r] car<br />
moult le desiroient a combatre. Lors mistrent leurs vaisseaux en bon estat car ilz estoient<br />
sages de mer et bons combatans. Et ordonnierent Christ<strong>of</strong>le, leur grant vaissel que conquiz<br />
avoient sur les Englois celle meisme annee, tout devant et grant foison de trompes et de<br />
trompettes et de pluseurs autres instrumens et s’en vindrent requerre leurs ennemiz. La se<br />
commenca la bataille dure et aspre de tous costez et archiers et arbalestiers commencierent<br />
a traire l’un contre l’autre diversement et roidement et gens d’armes a approuchier et a<br />
combatre main a main forment et hardiement. Et adfin qu’ilz peussent mieux avenir les<br />
uns aux autres, ilz avoient grans cros et havez de fer tenans a chaiennes, si les getoient es<br />
nefs l’un de l’autre et les atachoient ensemble afin qu’ilz se peussent mieux aherdre et plus<br />
fierement combatre. La ot une tres dure et tresforte bataille et mainte apertise d’armes<br />
faite mainte livre et mainte prise et mainte rescousse. La fu Christ<strong>of</strong>le ce grant vaisseau<br />
auques du commencement reconquiz des Englois et tous ceulx mors et periz qui le gardoient<br />
et defendoient et adont y ot grant huee et grant noise. Et aprochierent durement les Englois<br />
et repourveirent incontinent Christ<strong>of</strong>le ce bel et grant vaissel depuis archiers qu’ilz firent<br />
passer tout devant et combatre aux Genevois.<br />
C este bataille dont je vous parle fu moult felonnesse et treshorrible car bataille et<br />
assaut sur mer sont plus fors et plus durs que sur terre. Car le ne puet on reculer ne fuir<br />
mais se fault vendre et combatre et attendre l’aventure et chascun endroit de lui moustrer<br />
son hardement et sa proesce. Bien est voir que mesire Hue Kiere estoit bon chevalier et<br />
hardy et aussi mesire Pierre Bahuce et Barbenaire, qui du temps passe avoit fait maint<br />
meschief sur mer et miz a fin maint Englois. Si dura la bataillle et la pestilence de l’eure<br />
de prime jusques a haulte nonne. Si povez bien croire que ce terme durant il y ot mainte<br />
appertise d’armes faite. Et convint la aux Englois souffrir et endurer grant paine. Car leurs<br />
[f45r] ennemiz estoient quatre contre un et tous gens de fait et de mer dequoy les Englois<br />
pour tant qu’il besoingnoit se prenoient moult pres de bien faire.<br />
La fu le roy englois de sa main tresbon chevalier car il estoit adont en la fleur de sa joennesce.<br />
Et aussi furent le conte Derbi, le conte de Pennebrot, le conte de Herfort, le conte de<br />
Hostidonne, le conte de Norhantonne et de Cloecestre, mesire Regnaut de Gobehen, monseigneur<br />
Richart de Stanfort, le sire de Persi, mesire Gautier de Mauny, mesire Henry de<br />
Flandres, mesire Henry de Biaucamp, le sire de Felleton, le sire de Brasseton, messire Jehan<br />
Chandos, le sire de Ware, le sire de Muleton et messire Robert d’Artois, qui s’appelloit le<br />
conte de Richemont et estoit delez le roy en grant arroy et ne bonne est<strong>of</strong>fe et pluseurs<br />
autres barons et chevaliers plains d’onneur et de prouesce, desquelx je ne puis mie de tous<br />
parler ne leurs bienfais ramentevoir. Mais ilz si esprouverent si bien et si vassaument parmy<br />
un secours de Bruges et du pays voisin qui leur vint qu’ilz obtindrent la place et l’eaue. Et<br />
furent les Normans et tous ceulx qui la estoient encontre eulx mors et desconfiz periz et<br />
noyez ne onques pie n’eschappa que tous ne fusent miz a bort. Ceste aventure fu moult tost<br />
sceue parmy Flandres et puis en Haynau et en vindrent les certainnes nouvelles es deux ostz<br />
devant Thun l’Evesque, si en furent Henuiers, Flamens et Brebancons moult resjoiz et les
(f45 r ) Comment Jaques d’Artevelle prescha a Valenchiennes en Hena... 81<br />
Francois tous coroucies.<br />
Comment Jaques d’Artevelle prescha a Valenchiennes en Henaut.<br />
Q uant ceste victoire ainsi que dessus est dicte fu avenue au roy englois, il demora toute<br />
ceste nuit qui fu la vigille Saint Jehan Baptiste sus mer en ses navies devant l’Escluse en grant<br />
bruit et en grant noise de trompes et de nakaires et de toutes manieres de menestraudies.<br />
Et la le vindrent veoir ceulx de Flandres qui estoient enformez de sa venue si demanda le<br />
dit roy nouvelles aux bourgois de Bruges de Jaques d’Artevelle. Et ceulx respondirent qu’il<br />
estoit a une semonse du conte de Haynau contre le duc de Normandie et plus de 60000 [f45v]<br />
Flamens. Ces paroles furent assez plaisans au roy englois. Quant ce vint a l’endemain le<br />
jour Saint Jehan, le roy et toutes ses gens pristrent port et terre et se mist le roy tout a<br />
pie et quant foison de sa chevalerie et vint ainsi en pelerinage a nostre dame d’Ardembourc.<br />
La oy messe le roy et disna et puis monta a cheval et vint celui jour a Gand ou madame<br />
la royne sa femme estoit, qui le recut a grant joie et toutes les gens du roy. Et tous leurs<br />
harnois vuidrent celle part depuis petit a petit.<br />
Le roy d’Engleterre avoit escript et signifie sa venue aux seigneurs qui encore estoient a<br />
Thun l’Evesque devant les Francois. Si trestost qu’ilz scorent qu’il estoit arrive et qu’il avoit<br />
desconfiz les Normans, ilz se deslogierent. Et donna le dit conte de Haynau a qui priere et<br />
mandement ilz estoient la venuz a toutes manieres de gens d’armes congie, excepte les corps<br />
des seigneurs. Mais ceulx amena il a Valenciennes et les festoia et honnora grandement et<br />
par especial le duc de Braibant et Jaquemart d’Artevelle. Et la prescha le dit Artevelle enmy<br />
le marchie present tous les seigneurs et ceulz qui le porent oir et remoustra quel droit le roy<br />
d’Engleterre avoit a la chalenge de France. Et aussi quelle puissance les trois pays avoient<br />
Flandres, Haynau et Braibant, quant ilz estoient d’un accort et d’une aliance ensemble. Et<br />
fist tant adont par ses paroles et par son grant sens que toutes manieres de gens qui l’oirent<br />
et entendirent distrent qu’il avoit durement bien parle et par grant experience et fu de tous<br />
moule loe et prisie et distrent qu’il estoit bien digne de gouverner et exerter la conte de<br />
Flandres. Apres ces choses faites et devisees, les seigneurs se partirent la l’un de l’autre et<br />
pristrent un brief jour pour estre ensemble a Gand delez le roy d’Engleterre si fu le .viii.<br />
jour apres. Et vindrent veoir le roy qui les recut a grant chiere et les conjoy et festoia moult<br />
liement et aussi fist la royne d’Engleterre Phelippe de Haynau qui assez nouvellement estoit<br />
relevee d’un filz qui fu [f45v] appelle Jehan et puis fu duc de Lencastre de par madame<br />
Blanche sa femme, fille au duc Henry de Lancastre, sicomme vous orrez apres recorder en<br />
l’istoire. Adont fu pris et assignez un certain jour de parlement a estre a Villevort tous les<br />
seigneurs et leurs consauls et les consauls des bonnes villes de leurs pays si se partirent du<br />
roy d’Engleterre et s’en rala chascun en son lieu attendant que le terme doit venir pour estre<br />
a Villevort sicomme dessus est dit.<br />
Or vous conterons du roy de France et des ordonnances qu’il fist quant il sceut<br />
que le roy d’Engleterre estoit arrivez en Flandres.<br />
Q uant le roy Phelippe de France scot la verite de son armee comment ilz avoient este<br />
desconfiz et que roy englois son adversaire estoit arrive paisiblement en Flandres si en fu<br />
durement courroucies mais amender ne le pot, si se desloga et se retray vers Arras et donna<br />
a une partie de ses gens congie jusques a tant qu’il orroit autres nouvelles. Mais il envoia<br />
monseigneur Godemar du Fay en Tournay pour l’aviser des besoingnes et penser que la cite<br />
fust bien pourveue. Car il se doubtoit plus des Flamens que d’autrui et mist le seigneur<br />
de Biaugeu en Mortaigne pour faire frontiere contre les Henuiers et envoia grant foison de<br />
gens d’armes a Saint Omer, a Aire, a Saint Venant et pourvei souffisant tout le pays sus les<br />
frontieres de Flandres.<br />
En ce temps regnoit un roy en Cecille qui s’appelloit Robert qui avoit la renommee<br />
d’estre tresbon astronomien et defendoit ce qu’il povoit au roy de France et a son conseil<br />
que point ne se combatissent au roy englois. Car le dit roy englois devoit estre trop fortunez
82 (f46 v ) Le commencement du siege de Tournay.<br />
en toutes ses besoingnes et eust voulentiers veu le dit roy Robert que on eust les dessus dis<br />
miz a accort et a fin de leur guerre. Car il amoit tant la couronne de France que a emuz<br />
veist sa desolation. Si estoit le dessus dit roy venu en Avignon devers le pappe Clement et<br />
le college et leur avoit remoustre les perilz qui pourroient [f46r] estre en France par le fait<br />
des guerres des deux roys et encore avec ce pries et requiz qu’ilz se voulsissent ensomner<br />
d’eulz apaisier pour tant qu’il les veoit si esmeuz en grant guerre au nulz n’aloit au devant.<br />
Dequoy pappe Clement .vi. et le college l’en avoient respondu tout a point et dit qu’ilz y<br />
entendroient voulentiers mais que les deux roys les en voulsissent oir.<br />
Du parlement de Vilvort.<br />
L a furent tous les seigneurs qui s’ensuiant. Premierement le roy Edouart d’Engleterre,<br />
le duc Jehan de Braibant, le conte de Haynau, messire Jehan de Hainau son oncle, le duc de<br />
Guerles, le conte de Jullers, le marquiz de Blanquebourc, le marquis de Misse et d’Eurient,<br />
le conte des Mons, mesire Robert d’Artois, le sire de Fauquemont, messire Guillaume de<br />
Dunort, le conte de Namur, Jaquemart d’Artevelle et grant foison d’autres seigneurs et de<br />
toutes les bonnes villes de Flandres, de Braibant et de Hainau, .ii. ou .iii. hommes par<br />
maniere de conseil. La furent parlementez et avisez pluseurs estatuz entre les seigneurs<br />
et leur pays et accorderent et seellerent les .iii. pays, c’est assavoir Flandres, Haynau et<br />
Braibant qu’ilz seroient de ce jour en avant aidant et confortant l’un l’autre en tous cas et<br />
en tous affaires et se alierent par certaines couvenances que se l’un des .iii. pays avoit a<br />
faire contre qui que ce fust les deux autres le devoient aidier et se il avenoit qu’ilz fussent en<br />
descort, ne en guerre ou tems avenir les deux ensemble. Le tiers y devoit mettre bon accort.<br />
Et s’il n’estoit fort pour ce faire il s’en devoit traire au roy d’Engleterre en qui main ces<br />
couvenances estoient dictes et jurees a tenir fermes et estables qui comme ressort les devoit<br />
appaisier.<br />
Et furent pluseurs estatuz la jurez escrips et seellez qui depuis se tindrent trop mal.<br />
Toutevoies par confirmation d’amour et d’unite, ilz ordonnerent a faire f<strong>org</strong>ier une monnoie<br />
coursable es .iii. pays qu’on [f46r] appelleroit compaignons ou alies. Sus la fin des parlemens<br />
il fu dit et arreste pour le meilleur que environ la Magdaleine, le roy englois s’esmouveroit<br />
et venroit mettre le siege devant la cite de Tournay et la y devoient estre avec lui tous les<br />
seigneurs dessus nommez avec leur mandement de chevaliers et d’escuiers et le povoir des<br />
bonnes villes si se partirent sus cel estat que pour eulx retraire en leur pays et appareillier<br />
souffisant chascun selon ce qu’il appartenoit.<br />
Le commencement du siege de Tournay.<br />
O r scot le roy Phelippe assez tost apres le departement de ces seigneurs qui a Vilvort<br />
avoient este la plus grant partie de l’ordonnance de ce parlement et comment le roy<br />
englois devoit venir assegier la cite de Tournay. S’y s’avisa qu’il la conforteroit tellement<br />
et y envoieroit si bonne chevalerie que la cite seroit toute seure et bien conseillee. Si y<br />
envoia droitement fleur de chevalerie le conte Raoul d’Eu et le joenne conte de Guines,<br />
son filz connestable de France, le conte de Fois et ses freres le conte Aimery de Nerbonne,<br />
monseigneur Aimart de Poitiers, monseigneur Gieufroy de Chargny, monseigneur Girart de<br />
Monfaucon, ses .ii. mareschaux, monseigneur Robert Bertran et monseigneur Mahieu de<br />
Frie, le seigneur de Karens, le seneschal de Poitou, le seigneur de Chastillon et monseigneur<br />
Jehan de Landas. Ceulx avoient avec eulx chevaliers et escuiers preux aux armes et tresbonnes<br />
gens. Si leur pria le dit roy chierement qu’ilz voulsissent si bien penser et soingnier<br />
de Tournay que nul dommage ne s’en prenist. Et ilz lui orent encouvent. Adont s’en partirent<br />
il d’Arras et du roy de France et chevaucierent tant par leurs journees qu’ilz vindrent<br />
a Tournay si y trouverent monseigneur Godemar du Fay, qui en devant y avoit este envoie<br />
lequel les recut liement et aussi firent tous les hommes de la ville. Assez tost apres qu’ilz<br />
furent venuz ilz regarderent et firent regarder aux [f46v] pourveances de la ville tant en<br />
vivres comme en artillerie et en ordonnerent bien et a point selon ce qu’il besoignoit et y
(f46 v ) Le commencement du siege de Tournay. 83<br />
firent amener et acharier du pays voisin grant foison de bles et d’avoines et de toutes autres<br />
pourveances tant que la cite fu en bon estat pour lui tenir un grant temps.<br />
Q uant le terme deut approchier que les seigneurs dessus nommez se devoient trouver<br />
devant Tournay et que les bles commencoient a meurir, le roy englois qui se tenoit a Gand<br />
delez la royne sa femme et entendoit a ordonnier ses besoingnes a moult belle gent d’armes<br />
de son pays, .vii. contes et .ii.prelas, 28 banerez et bien 200 chevaliers et estoient Englois<br />
4000 hommes d’armes et 9000 archiers sans la pietaille. S’y passa a tout son ost parmy la<br />
ville d’Audenarde et passa puis la riviere d’Escaut et s’en vint logier devant Tournay a la<br />
porte que on dist Saint Marin ou chemin de Lille et de Douay. Assez tost apres vint son<br />
cousin le duc de Braibant a plus de 20000 hommes chevaliers et escuiers et les communautez<br />
de ses bonnes villes. Et se loga le dit duc devant Tournay et comprenoit son ost grant<br />
quantite de terre et estoient Brebancons logies au Pont au Ries contreval l’Escaut mouvans<br />
de l’abbaie Saint Nicollay revenans vers les pres et la porte valencinoise. Apres estoit le conte<br />
Guillaume de Haynau avec belle chevalerie de son pays et avoit grant foison de Hollandois<br />
et de Zellandois qui le gardoient de pres et le servoient ainsi comme leur seigneur. Et<br />
estoit le conte de Haynau logie entre le duc de Braibant et le roy d’Engleterre. Apres estoit<br />
Jaquemart d’Artevelle a plus de 60000 Flamens sans ceulz d’Ypre , de Popringue, de Cassel<br />
et de la casselerie de Bergues qui estoient envoiez d’autre part ainsi que vous orrez c’y apres.<br />
Et estoit Artevelle a la porte Sainte Fontaine d’une part de l’Escaut pour aler et venir a leur<br />
aise. Le duc de Guerles, le conte de [f46v] Jullers, le marquiz de Blanquebourc, le marquiz<br />
de misse et d’Eurient, le conte des Mons, le conte de Saumes, le sire de Fauquemont, messire<br />
Ernoul de Kakehen et tous les Alemans estoient logies d’autre part devers Haynau l’un ost<br />
en l’autre. Ainsi estoit la cite de Tournay assise et environnee de tous lez et de tous costez<br />
et povoient aler et chevaucier de l’un ost en l’autre, ne nul ne povoit partir entrer en aler<br />
que ce ne fust par congie et qu’il ne fust veuz et apparceuz de ceulx de l’ost sus lequel coste<br />
que ce fust.<br />
C e siege fait et arreste devant la cite de Tournay, sicomme vous avez oy, dura longuement<br />
et estoit l’ost de ceulx de hors bien pourveu et avitaille de tous vivres et a bon marchie.<br />
Car il leur venoit de tous lez par terre et par eaue. Si y ot le siege durant la environ fait<br />
pluseurs belles appartises d’armes. Car le conte de Haynau qui estoit hardy et entreprenant<br />
avoit si pris en cuer ceste guerre combien que de premiers il en fust moult frois que c’estoit<br />
cil par qui tous se mettoient sus les envahies et les chevauciees et se party de l’ost a vne<br />
matinee a bien 500 lances et s’en vint passer dessoubz Lille et ardy la bonne ville de Seclin<br />
et grant foison de villages la environ et coururent ses coureurs jusques es fourbours de Lens<br />
en Artois. Tout ce fu recorde au roy Phelippe son oncle qui se tenoit a Arras si en fu moult<br />
courroucie mais il ne le pot amender quant a celle fois. Encore apres ceste chevauciee en<br />
remist le conte une autre sus et chevauca adont devers la bonne ville d’Orchies, si fu prise<br />
et arse car elle n’estoit point fermee et Landas et li celle et pluseurs autres bons villages<br />
la entour et coururent tout le pays ou ilz orent tresgrant pillage et puis s’en revindrent arriere<br />
au siege de Tournay. D’autrepart les Flamens assailloient souvent ceulx de Tournay et<br />
avoient [f47r] fait en nefs sur l’Escaut berfrois et atournemens d’assaut et venoient hurter<br />
et escarmuchier pres que tous les jours a ceulx de Tournay. S’en y avoit des navrez des<br />
uns et des autres et se mettoient en grant paine les Flamens de conquerre et de dommagier<br />
Tournay tant avoient pris la guerre en cuer. Et on dist et voir est qu’il n’est si felonnesse<br />
guerre que de voisins et d’amis. Entre les assauls que les Flamens firent il en y ot un qui<br />
dura un jour tout entier. La ot mainte grant appertise faire car tous les seigneurs et les<br />
chevaliers qui en Tournay estoient furent en cel assaut. Et estoit le dit assaut fait en nefs<br />
et en vaisseaux a ce appareillies de long temps pour ouvrir et pour rompre les barrieres a<br />
la posterne de l’arche mais elles furent si bien defendues que les Flamens n’y conquistrent<br />
riens. Aincois y perdirent une nef toute chargiee de gens dont il en y ot plus de 120 noyez<br />
et retournerent au soir tous lassez et tous traveillies.<br />
L e siege durant et tenant devers Tournay yssirent hors une matinee les soudoiers de<br />
Saint Amant dont il en y avoit grant foison et vindrent a Hanon qui se tient de Hainau, si<br />
ardirent la ville et violerent l’abbaie et destruirent le moustier et enmenerent et emporter-
84 (f47 v ) nous retourneron encor un petit aux besongnes que avindrent...<br />
ent devant eulx tout ce que mener et porter porent et puis retournerent a Saint Amant.<br />
Assez tost apres, se partirent les soudoiers dessus dis et passerent le bois de Saint Amant<br />
et vindrent jusques a l’abbaie de Vicoingne pour l’ardoir et essulier et en fussent venuz a<br />
leur entente. Car ilz avoient fait un grant feu devant la porte pour l’ardoir et abatre par<br />
force mais un gentil abbe qui leans estoit pour le temps y pourvey de grant remede. Car<br />
quant il ot regarde le peril il monta a cheval et party par derriere et chevauca tous les boys<br />
a la couverte et fist tant qu’il vint a Valenciennes si requist au prevost de la ville et aux<br />
jurez que on lui voulsist prester les arbalestiers de la ville pour aidier a [f47r] defendre sa<br />
maison. Et ceulz lui ottroierent voulentiers. Si les amena domp abbe avec lui et passerent<br />
derriere Raimes et les mist en ce boys qui regarde vers le Pourcelet et sus la chauciee la<br />
commencierent a traire et a verser sur ces vidaus et Genevois qui estoient devant la porte<br />
de Vicoigne. Si trestost qu’ilz sentirent ces saiettes qui leur venoient de dedens ce boys si<br />
furent tous effraiez et se mistrent au retour chascun qui mieux mieux. Ainsi fu l’abbaye de<br />
Vicoigne sauvee. En ce temps estoit le conte de Baille en Gascoingne de par le roy de France<br />
qui y faisoit la guerre et avoit pres ja pris et reconquiz tout le pays d’Acquitaine et y tenoit<br />
les champs a plus de 6000 chevaux et avoit assiz Bordeaux par terre et par eaue. Si estoient<br />
avec le dit conte toute la fleur de chevalerie des marches de Gascoingne, le conte de Pierregort,<br />
le conte de Commignes, le viconte de Karmaing, le viconte de Villemur, le viconte de<br />
Brunikiel, le sire de la Barde et pluseurs autres barons et chevaliers. Et n’estoit nul de par<br />
le roy d’Engleterre qui leur veast leurs chevaucees. Fors tant que les forteresces englesces se<br />
tenoient et gardoient a leur povoir. Et la ou pays avindrent moult de fais d’armes desquelx<br />
nous vous parlerons ca en pares quant temps et lieu sera mais<br />
nous retourneron encor un petit aux besongnes que avindrent en Escoce le siege<br />
durant devant Tournay.<br />
T ous devez savoir que messire Guillaume Douglas, filz du frere a monseigneur Guillaume<br />
de Douglas qui demoura en Espaigne, sicomme dit est cy dessus, le joenne conte de<br />
Moret, le conte Patris, le conte de Surlant, messire Robert de Versi, messire Simon Fresel,<br />
Alixandre de Ramesay estoient demourez cappitaines du remenant d’Escoce et se tenoient<br />
et tindrent longuement en celle forest de Guedours par yuer temps et par este par l’espace<br />
de .vii. ans et plus comme tresvaillans gens et guerroioent toudiz les villes et les forteresces,<br />
la ou le roy Edouart avoit mis ses gens et ses garnisons et souvent [f47v] leur avenoient<br />
des belles aventures et perilleuses. Desqueles ilz se partoient a grant honneur parquoy on<br />
les doit bien compter untre les preux et aussi fait on. Si avint ou temps que le roy englois<br />
estoit pardeca et guerrioit le royaume de France et seoit devant Tournay que le roy Phelippe<br />
envoia grans gens en Escoce qui arriverent en la ville de Saint Jehan. Et prioit a dont le roy<br />
Phelippe a ces dessus nommez d’Escoce qu’ilz voulsissent esmouvoir et faire si grant guerre<br />
sur le royaume d’Engleterre qu’il couvenist que le roy englois s’en ralast oultre et defeist son<br />
siege de devant Tournay et leur promist a aidier de puissance de gens et d’avoir. Si que en<br />
ce temps que ce siege fu devant Tournay, ces seigneurs d’Escoce se pourveirent a la requeste<br />
du roy de France pour faire vue grande chevauciee sus les Englois. Quant ilz furent bien<br />
pourveuz de grans gens ainsi qu’il leur besoignoit, ilz se partirent de la forest de Gedeours et<br />
alerent par toute Escoce reconquerre des forteresces celles qu’ilz porent n’avoir et passerent<br />
oultre la bonne cite de Bervich et la riviere de Thin et entrerent ou pays de Northombrelande,<br />
qui jadis fu royaume. La trouverent ilz bestes grasses a grant foison, si gasterent tout<br />
le pays et ardirent jusques a la cite de Dureme et assez oultre. Puis s’en retournerent par un<br />
autre chemin gastant et ardant le pays si qu’ilz destruisierent bien en celle chevauciee .iii.<br />
journees loings du pays le roy englois. Et puis rentrerent ou pays d’Escoce et reconquistrent<br />
toutes les forteresces que le roy englois y tenoit hors miz la bonne cite de Bervich et .iii.<br />
autres fors chastiaux qui leur faisoient trop grant ennuy et souvent pour les vaillans gens<br />
qui les gardoient et le pays d’entour aussi. Et estoient et sont encore ces .iii. chasteaux si<br />
fors que a paines pourroit on trouver nulz si fors en nul pays. Si appelle on l’un Strumelin,<br />
l’autre Rosebourc, et le tiers et le souverain d’Escoce, [f47v] Haindebourc lequel siet sur
(f48 r ) nous retourneron encor un petit aux besongnes que avindrent... 85<br />
une haute roche parquoy on voit tout le pays d’environ et est la montaigne si droite que a<br />
paine y povoit un homme monter sans reposer .ii. fois ou .iii. et ainsi un cheval a demie<br />
charge. Et estoit cil adont qui faisoit plus de contraires a ces seigneurs d’Escoce et a leurs<br />
gens. Et en estoit chastelains et garde pour le temps de lors un vaillant chevalier Englois<br />
qui s’appelloit messire Gautier de Limozin, frere germain a monseigneur Richart de Limozin<br />
qui si vaillaument tint et defendy Thun l’Evesque contre les francois.<br />
O r avint en ce temps que le siege se tenoit devant Tournay et que ces seigneurs d’Escoce<br />
comme dessus est dit, chevaucoient parmy le pays d’Escoce reconquerans les forteresces a<br />
leur loyal povoir, messire Guillaume de Douglas s’avisa d’un grant fait et perilleux et d’une<br />
grant subtilete et le descouvri a aucuns de ses compaignons au conte Patris, a monseigneur<br />
Simon Fresiel, qui estoit lieutenan du roy David d’Escoce et a Alixandre de Ramesay qui<br />
tous si accorderent et se mistrent en celle perilleuse aventure avec le bon chevalier dessus<br />
dit et prindrent bien 200 compaignons de ces Escos sauvages pour faire une embusche ainsi<br />
comme vous orrez. Ces .iv. seigneurs et gouverneurs de tous les Escos qui savoient le peuple<br />
l’un de l’autre entrerent en mer a toute leur compaignie et firent pourveance d’avoine, de<br />
blance farine et de charbon et de foing puis arrivierent paisiblement a un port qui estoit a .iii.<br />
lieues pres de ce fort chastel de Haindebourc qui leur destraingnoit plus que tous les autres.<br />
Quant ilz furent arrivez ilz yssirent hors par nuit et pristrent .x. ou .xii. compaignons<br />
esquelx ilz avoient plus grant fiance et se vestirent de poures cottes descirees et de poures<br />
chappeaux a guise de poures marchans et chargierent .xii. petiz chevalez de .xii. sacs.<br />
Les vns empliz d’avoine, les autres de farine et les autres de charbon et de foings. Et<br />
envoierent leurs compaignons embuschier en une [f48r] desciree abbaye et gastee la ou nulz<br />
ne demouroit et estoit assez pres du pie de la montaigne surquoy le chastel seoit. Quant<br />
jour fu ces marchans qui estoient couvertement armez s’esmeurent et se mistrent au chemin<br />
vers le chastel a tout les chevalez sicomme vous avez oy. Quant ilz vindrent au pie de la<br />
montaigne qui estoit si roide et si malaisiee a monter, ilz menerent les chevalez chargies<br />
amont ainsy qu’ilz porent. Quant ilz vindrent enmilieu de la montes le dit mesire Guillaume<br />
et messire Simon Fresiel alerent devant et firent les autres venir tout bellement et firent<br />
tant qu’ilz vindrent au portier. Auquel ilz distrent qu’ilz avoient amenez en grant paour<br />
ble, farine et avoine, s’il leur besoingnoit, ilz leur vendroient voulentiers et a bon marchie.<br />
Le portier respondy qu’il besoingneroit bien en la forteresce mais il estoit si matin qu’il<br />
n’oseroit esveillier le seigneur de la forteresce ne le maistre d’ostel mais qu’ilz les feissent<br />
venir avant il leur ouvreroit la premiere porte. Ceulz les oirent voulentiers et firent les<br />
autres passer avant tout bellement avec leur charge et entrerent tous en la porte des bailles<br />
qui leur fu ouverte messire Guillaume Douglas avoit bien veu que le portier avoit toutes<br />
les clefs de la grant porte du chastel et avoit couvertement demande au portier laquelle<br />
deffermoit la porte et la quelle le guichet. Quant la porte des bailles fu ouverte, sicomme<br />
vous avez oy, ilz mistrent ens les chevallez et en descendirent d’eux qui porterent les sacs<br />
plains de charbons droitement sus le sueil de la porte. Afin que on ne les peust recorre et<br />
puis prindrent le portier et le tuerent si paisiblement que onques ne dit mot. Si prindrent<br />
les clefs et deffermerent la porte du chastel. Puis corna messire Guillaume Douglas .i. cor et<br />
getterent il et ses .xii. compaignons les cottes descirees tantost jus et reverserent les autres<br />
sacs plains de charbons au travers de la porte adfin que on ne la peust reclorre.<br />
Quant les autres compaignons qui estoient embuschies assez pres de la oirent le cor, ilz<br />
saillirent [f48r] hors de l’embuschement et coururent contremont la voie du chastel tant<br />
qu’ilz porent. La guette adont qui dormoit s’esveilla au son du cor et vit gens monter hastivement<br />
contremont le chastel tous armez. Si commenca a corner et a crier quanqu’il pot,<br />
“Trahi! Trahi! Seigneurs trahi armez vous tost et appareillies car veez cy gens d’armes qui<br />
approuchent nostre forteresce.” Adont s’esveilla le chastelain et aussi tous ceulx de leans<br />
si s’armerent le plus tost qu’ilz porent et vindrent tous acourant a la porte chascun d’eulx<br />
au plus tost qu’il pot pour la fermer mais on leur devea car mesire Guillaume et ses compaignons<br />
leur defendirent. Adont multiplia grant hustin entr’eulx mais les Escos firent tant<br />
par leur prouesce qu’ilz tindrent la porte ouverte tant que ceulx de l’embusche furent par<br />
venuz a eulx. Et dont ceulx du chastel qui si virent souspriz s’efforecierent de defendre le
86 (f48 v ) Comment le roy de France esmut son ost pour lever le siege ...<br />
chastel et de leurs ennemiz remettre hors s’ilz peussent. Et firent tant d’armes que merveilles<br />
estoit a regarder et par especial messire Gautier de Limozin. Car il besoingnoit mais au<br />
derrain leur defense ne les pot sauver comment qu’ilz en tuerent et navrerent aucuns de<br />
ceulx de hors que le dit messire Guillaume Douglas et ses compaignons ne gaingnassent le<br />
fort chastel par force et occirent le plus de ceulx qui le gardoient excepte le chastellain et<br />
.vi. escuiers qu’ilz prindrent a mercy. Si demourerent leans tout le jour. Puis y establirent<br />
chastelain d’un gentil homme du pays .i. escuier qui s’appelloit Simon de Weseby et avec<br />
lui de bons compaignons de fief d’Escoce.<br />
Comment le roy de France esmut son ost pour lever le siege de Tournay.<br />
A u siege de Tournay vindrent les nouvelles au roy englois de la prise du chastel de<br />
Hainbebourc. Moult constraingnoit ce roy icelle cite, car il avoit en son ost plus de 120000<br />
hommes aux armes parmy les Flamens lesquelz s’aquitoient bien de l’assaillir. Et avoient<br />
les assegeurs telement avironnee la cite de tous costez que riens ne leur povoit venir entrer<br />
ne yssir qu’il ne fust tantost happe et apparceuz. Et pour tant que les [f48v] pourveances<br />
se apeticoient les seigneurs de France, qui leans estoient, firent vuidier tous manieres de<br />
povres gens qui pourveuz n’estoient pour attendre l’aventure et les mistrent hors a plain<br />
jour, hommes et femmes et passerent parmy l’ost du duc de Braibant qui leur fist grace.<br />
Car il les fist conduire sauvement tout oultre l’ost. Le roy englois entendy bien par ceulx<br />
et par autres que la cite estoit durement estrainte si en fu plus joyeux et pensa bien qu’il la<br />
conquerroit com longuement ne quelz frais qu’il y meist.<br />
D’autrepart le roy de France qui se tenoit a Arras et estoit toute la saison, entendy que<br />
ceulx de Tournay estoient trop constrains et qu’ilz estoient en mestier d’estre confortez,<br />
si s’ordonna a ce qu’il les conforteroit a quelque meschief que ce fust. Car il ne vouloit<br />
mie perdre une telle cite comme Tournay estoit. Si fist un tresgrant mandement parmy<br />
tout son royaume et aussi une grant partie dedens l’Empire tant qu’il ot le roy Charles<br />
de Behaingne, le duc de Lorraine, le conte de Bar, l’evesque de Mes, l’evesque de Bredun,<br />
le conte de Montbliar messire Jehan de Chaalon, le conte de Geneve et aussi le conte de<br />
Savoie et monseigneur Loys de Savoie son frere. Tous ces seigneurs vindrent servir le roy<br />
de France a ce qu’ilz porent avoir de gens. D’autre part revindrent le duc de Bretaigne,<br />
le duc de Bourgoingne, le duc de Bourbon, le conte d’Alencon, le conte de Forez, le conte<br />
d’Armignac, le conte de Flandres, le conte de Blois, messire Charles de Blois, le conte de<br />
Harecourt, le conte de Dampmartin, le conte de Coucy et si grant foison de barons et de<br />
seigneurs que les nommer par nom et surnom seroit un grant detriement. Apres revint le<br />
roy de Navarre a tout grant foison de gens d’armes de Navarre et de la terre qu’il tenoit en<br />
France dont il estoit homme au roy. Et si y estoit le roy d’Escoce a la delivrance du roy de<br />
France a belle route de gens d’armes.<br />
Q uant tous ces seigneurs dessus nommez et plus encore furent venus a Arras devers le<br />
roy, il ot conseil de [f48v] chevaucier et de traire pardevers ses ennemiz si s’esmut et chascun<br />
le suiy ainsi que ordonne estoit. Et firent tant par leurs petites journees qu’ilz vindrent a une<br />
petite riviere qui est a trois lieues pres de Tournay, laquelle est moult parfonde et environnee<br />
de si grans marez que on ne le povoit passer se non parmy un petit chemin s’y estroit que un<br />
seul homme a cheval seroit assez ensonniez de passer oultre. Si loga tout l’ost sus les champs<br />
sans passer la riviere car ilz ne peussent. L’endemain les ostz demourerent tous quoys. Les<br />
seigneurs qui estoient delez le roy orent conseil comment ilz peussent faire pons pour passer<br />
la riviere et les crolieres plus aise et plus seurement. Si furent envoyez aucuns chevaliers<br />
et ouvriers pour regarder le passage mais quant ilz orent tout veu ilz regarderent qu’ilz<br />
perdoient le temps. Si raporterent au roy qu’il n’y avoit point de passage fors par le pont a<br />
Tressin tant seulement. Si demoura la chose en cel estat et se logierent les seigneurs chascun<br />
sire aparlui et entre ses gens. Les nouvelles alerent par tout que le roy de France estoit<br />
logie au pont a Tressin et entre le pont de Bouvines en entente de combatre ses ennemiz. Si<br />
que toutes manieres de gens d’onneur qui se desiroient avancier et a acquerre grace par fait<br />
d’armes se traioient celle part tant d’un lez comme de l’autre.
(f49 r ) Comment le roy de France esmut son ost pour lever le siege ... 87<br />
Or avint que .iii. chevaliers Alemans qui se tenoient ou chastel de Bouchain furent<br />
enformez que les .ii. roys s’approuchoient durement et que on supposoit bien qu’ilz se combateroient.<br />
Dequoy les deux prierent tant a leur compaignon qu’il s’accorda a ce qu’il de<br />
mourroit et les autres yroient devant Tournay querre les aventures. Et il garderoit la forteresse<br />
bien et soingneusement jusques a leur retour. Si se partirent les deux chevaliers dont<br />
on clamoit l’un monseigneur Conrat d’Asko, et l’autre monseigneur Conrat de Lensemich et<br />
chevaucierent tant qu’ilz vindrent vers Escauppons dessus Valenciennes. Car ilz vouloient<br />
passer l’Escaut a Condet. S’y oirent entre Frasne et Escaupons grant [f49r] effroy de gens<br />
et en virent pluseurs fuians. Dont brochierent ilz leurs chevaux des esperons celle part et<br />
leur route et porent bien estre 25 lances. Quant ilz encontrerent les premiers des fuians, si<br />
demanderent qu’il leur failloit. “En nom Dieu”, respondirent, “les soudoiers de Mortaigne<br />
sont yssuz et ont cueilly grant proie cy entour qu’ilz emmainent devers leur forteresce et<br />
pluseurs pluseurs prisonniers de ce pays.” Lors distrent les chevaliers Alemans, “Et nous<br />
sariez vous mener celle part ou ilz vont?” “En nom Dieu, seigneurs, oyl” Adont se sont les<br />
Alemans miz en chace apres les Francois de Mortaigne par le conduit des bons hommes qui<br />
les avoireent parmy les boys. Et adevancierent yceulx Francois assez pres de nostre dame<br />
ou Boys et ou Croussage. Et estoient bien les Francois 120 soudoiers et emmenoient devant<br />
eulx 200 grosses bestes et aucuns prisonniers paysans du pays. Et adont estoit leur cappitaine<br />
de par le seigneur de Beaugeu, un chevalier de Bourgoingne qui s’appelloit Jehan de<br />
Frelais. Si tost que les Alemans les virent ilz les escrierent fierement et se bouterent de grant<br />
randon en eulx. Et la ot bon hustin et dur car le chevalier Bourgnignon se mist a defense<br />
bien et hardiement et les aucuns de sa route non pas tous. Car il y ot pluseurs bidaus qui<br />
s’en fuirent, mais ilz furent de si pres enchacies des Alemans et des villains du pays qui les<br />
sivoient aux plancons et aux bourles que pou en eschappa qu’ilz ne fussent mors et aterrez.<br />
Et y fu messire Jehan de Frelais pris et toute sa proye rescousse et rendue aux hommes du<br />
pays qui grant gre en sceurent aux Alemans. Depuis ceste aventure vindrent les chevaliers<br />
devant Tournay ou ilz furent les tresbien venuz.<br />
A ssez tost apres ce que le roy de France s’en fu venu logier a ost au pont a Bouvines,<br />
se mist une compaignie de Hainuiers sus par l’ennort monseigneur Wauflart de la Croix, qui<br />
leur dist qu’il congnoissoit tout le pays et qu’il les menroit bien en cel lieu sus l’ost du roy<br />
de France ou ilz gaigne [f49r] roient. Si se partirent pour faire aucun beaufait d’armes, une<br />
journee environ 120 compaignons, chevaliers et escuiers tout pour l’amour l’un de l’autre.<br />
Et chevaucierent devers le pont a Tressin et firent de monseigneur de Bailloel leur chief et<br />
a sa baniere se devoient tous ralier. Ceste meisme matinee chevaucoient les Liegois dont<br />
monseigneur Robert de Bailloel, frere germain au dit monseigneur Guillaume, estoit chief,<br />
de par les liegois. Car adont il estoit et faire le devoit avec l’evesque de Liege et sa route. Si<br />
avoient les Liegois passe le pont a Tressin et Baisieu et estoient en fourage pour leurs chevaux<br />
et pour veoir aussi s’ilz trouveroient nulles aventures ou ilz peussent proufiter. Les Hainuiers<br />
chevaucierent celle matinee que d’encontre nulle ne trouverent. Car il faisoit si grant brume<br />
que on ne povoit veoir demy bonnier de terre loing et passerent le pont baudement et sans<br />
encontre et messire Wauflart de la Croix devant qui les menoit. Quant ilz furent tout oultre<br />
ilz ordonnerent que messire Guillaume de Bailloel et sa baniere de mourroient au pont et<br />
messire Wauflart de la Croix et messire Rasse de Monceaux et mesire Jehan de wargny<br />
courroient devant.<br />
Si se departirent les coureurs et chevaucierent si avant qu’ilz s’embatirent en l’ost du<br />
roy de Behaingne et de l’evesque de Liege, qui assez pres du pont estoient logies. Et avoit<br />
de nuit fait le guet en l’ost du roy de Behaingne, le sire de Rodemach et ja estoit sus son<br />
departement quant, les coureurs Heniuers vindrent qui leur faillirent au devant hardiement,<br />
quant il les virent venir. Et ainsi les Liegois s’estourmirent et robouterent ces coureurs<br />
asprement et ot la adont bon pongeis, car Heniuers vassaument si esprouverent. Touteffois<br />
pour revenir a leur baniere ilz se mistrent devers le pont. Et Liegois et Lucemboursins<br />
apres eulx au pont. La ot grant bataille et fu conseillie a monseigneur Guillaume de Bailloel<br />
qu’il rapassast le pont et sa baniere, car ilz avoient encore de leurs compaignons oultre. Si<br />
repasserent Hainuiers au mieulx qu’ilz porent et y ot a passer mainte belle appertise d’armes
88 (f50 r ) Comment le roy de France esmut son ost pour lever le siege ...<br />
faite mainte prise et mainte rescousse. Et avint [f49v] que messire Wauflart de la Croix<br />
estoit s’y apressez qu’il ne pot repasser le pont, s’y doubta le peril et qu’il ne fust pris, si<br />
se avisa qu’il se sauveroit et yssi hors de la presse, au mieux qu’il pot et prist un chemin<br />
qu’il congnoissoit bien et se vint bouter es mares entre roissiaux et crolieres et se tint la un<br />
grant temps et les autres toudiz se combatoient. Lesquelx Liegois et Lucemboursins avoient<br />
ja rue jus et abatu la baniere monseigneur Guillaume de Bailloel.<br />
A ces coups vindrent ceulx de la route monseigneur Robert de Bailloel qui venoient de<br />
courir et entendoient le hustin si chevaucierent celle part. Et fist passer messire Robert de<br />
Bailloel sa baniere devant que un sien escuier portoit qui s’appelloit Jaquez de Forsbie en<br />
escriant, “Moriaumez!” Les Haynuiers qui ja estoient eschaufez apparceurent la baniere de<br />
Moriaumez qui estoit toute droite si cuidierent que ce fust la leur ou ilz se devoient radrecier.<br />
Car moult petit de difference y avoit de l’un a l’autre. Car les armes de Moriaumez sont<br />
varies contrevaries, a deux kiennons de gueules. Et sus le kiennon messire Robert portoit<br />
une petite croisette d’or. Si ne l’aviserent mie bien pour tant ilz en furent deceuz. Et<br />
s’en vindrent de fait bouter desoubz la baniere mesire Robert de Bailloel et furent les<br />
Henuiers fierement reboutez et tous desconfiz et y furent mors de leur route .iii. chevaliers,<br />
messire Jehan de Wargny, monseigneur Gontier de Pontelarche, monseigneur Guillaume de<br />
Pipempois et pluseurs autres bons escuiers et hommes d’armes dont ce fu dommage et pris<br />
messire Jehan de Soire, monseigneur Damaux de Bleze, messire Rasses de Monciaux, messire<br />
Loys de Jupulu et pluseurs autres et retourna au mieux qu’il pot monseigneur Guillaume<br />
de Bailloel qui se s’auva quoy qu’il y perdist assez des siens.<br />
D’autre part messire Wauflart de la Crois qui s’estoit boutez et repuz entre mares et<br />
roisseaux et se cuidoit la tenir jusque a la nuit. Au appareceuz d’aucuns compaignons qui<br />
chevaucoient sus ces mares et voloient de leurs oyseaux et estoient [f49v] au seigneur de Saint<br />
Venant. Si firent si grant noise et su grant bruit que messire Wauflart yssi hors tout desconfit<br />
et se vint rendre a eulx. Ilz le prindrent et le menerent en l’ost et le delivrerent a leur maistre<br />
qui le tint un jour entier en son logeis et l’eust voulentiers sauve, se il peust par cause de<br />
pitie. Car un savoit qu’il estoit pris sus la teste mais il fu accuse. Car les nouvelles vindrent<br />
au roy de France de la besoingne comment elle estoit alee et de monseigneur Wauflart de la<br />
Croix qui avoit este pris ou et comment et pour quoy le roy en voult avoir la congnoissance<br />
si lui fu rendu le dit messire Wauflart. Et le roy pour complaire a ceulx de Lille pour tant<br />
qu’ilz lui avoient rendu le conte de Salebrin et le conte de Sufforch leur rendu monseigneur<br />
Wauflart, qui grant temps les avoit guerroiez. Dont ceulx de Lille furent moult joyeux pour<br />
tant qu’il leur avoit este grant ennemy et le firent depuis mourir en leur ville ne onques n’en<br />
vouldrent prendre nulle mercy ne raencon.<br />
D e la venue monseigneur Robert de Bailloel et des Liegois qui avoient rue jus les<br />
Henuiers fu le roy Phelippe tout joyeux et en loa grandement tous ceulz qui y avoient este.<br />
Assez tost apres le conte de Haynau, messire Jehan de Hainau son oncle, messire Girart de<br />
Werchin, seneschal de Hainau et bien 600 lances de Henuiers et d’Alemans se departirent<br />
du siege de Tournay et s’en vindrent devant Mortaigne. Et manda le dit conte a ceulx<br />
de Valenciennes qu’ilz venissent d’autre part et se meissent entre l’Escarp et l’Escaut pour<br />
assaillir la ville, lesquelx y vindrent a grant arroy et firent acharier et amener grans engins<br />
pour getter a la ville.<br />
Or vous dy que le sire de Biaugeu qui estoit dedens et cappitaine de Mortaigne et un<br />
moult sage guerroieur s’estoit bien doubtez de cest assaut pour tant que Mortaigne siet<br />
si pres de l’Escaut et de Hainau de tous costez et avoit fair piloter la dicte riviere [f50r]<br />
d’Escaut afin qu’on n’y peust navier. Et y povoit avoir par droit compte plus de 1200<br />
pilos. Pour ce ne demoura mie que le conte de Hainau et les Hainuiers n’y venissent de<br />
l’un des costez et ceulx de Valenciennes de l’autre si s’ordonnerent et appareillierent sans<br />
delay pour assaillir et firent les Valencinois traire tous leurs arbalestiers et approuchier des<br />
barrieres mais il y avoit si grant trencheis de fossez qu’ilz n’y povoient avenir qu’ilz n’y<br />
povoient avenir. Lors s’aviserent aucuns qu’ilz passeroient oultre l’Escarp comment qu’il<br />
fust au dessoubz de chastiaux l’abbaie et venroient au lez devers Saint Amant et feroient<br />
assaut a la porte qui oeuvre devers mante. Si passerent aucuns compaignons volentis aux
(f50 r ) Comment le roy de France esmut son ost pour lever le siege ... 89<br />
armes et firent tant qu’ilz passerent oultre la riviere ainsi que propose avoient et furent bien<br />
400 tous habiles et legiers et en grant voulente de bien faire la besoingne. Ainsi fu Mortaigne<br />
environnee a .iii. portes des Henuiers et tous prestz de l’assaillir mais au plus foible des<br />
costez cestoit devers mante et si y faisoit il fort assez. Touteffois le sire de Beaugieu vint<br />
celle part trop bien pourveuz du defendre. Car bien savoit que d’autrepart il n’avoit que<br />
faire. Et tenoit un glaive roide et fort a un long fer bien acere et desoubz ce fer avoit un<br />
havet agu si que quant il avoit lancie et il povoit sachier en fichant le havet en plates ou<br />
en haubergon dont on estoit armez, il couvenoit que on en venist ou que on fust raverse en<br />
l’eaue. Par ceste maniere en atrappa il ce jour plus d’une .xii.. Et fu a celle porte l’assaut<br />
plus grant que a nulle autre porte. Et riens n’en savoit le conte de Hainau qui estoit au<br />
lez devers Brifueil tout rengie sus le rivage de l’Escaut. Et aviserent la les seigneurs entre<br />
eulx voie et engin comment on pourroit tous les pilos dequoy on avoit pilote la riviere oster<br />
et hors traire par forte ou par soutivete parquoy on peust nagier jusques aux murs. Si<br />
ordonnerent a faire en une grosse nef un engin que tous [f50r] les atrairoit hors l’un apres<br />
l’autre dont furent charpentiers mandez et miz en oeuvre et le dit engin fait en une nef.<br />
Aussi ce meisme jour leverent ceulz de Valenciennes a leur coste un tres bel engin et bien<br />
gettant qui portoit pierres jusques dedens la ville et au chastel et traveilloit durement ceulz<br />
de Mortaigne. Ainsi passerent ce premier jour et la nuit ensuiant en assaillant avisant et<br />
devisant comment ilz pourroient grever Mortaigne. Et l’endemain se trairent a l’assaut de<br />
tous costez. Encore n’estoit point le secont jour fait l’engin qui devoit traire les pillos hors<br />
mais les engins de ceulx de Valencienne gettoient onniement a ceulz de Mortaigne.<br />
L e tiers jour fu la nef toute ordonnee et habillee et l’engin dedens assez et appareillie<br />
pour traire hors les pillos lors commencierent a aler ceulx qui s’en ensommoient au dessus du<br />
pillotis et commencierent a ouvrer sicomme commande leur fu. Si sachierent a oster les pilos<br />
dont il y avoit en l’Escaut semez grant foison mais tant de paine et de labeur eurent aincois<br />
qu’ilz en peussent avoir un que merveilles fu a penser. Si considerent les seigneurs qu’ilz<br />
n’aroient par ce riens fait. Si commanderent a cesser cest ouvrage d’autre part il y avoit<br />
dedens Mortaigne .i. engigneur tresbon maistre qui avisa l’engin de ceulx de Valenciennes<br />
et comment il grevoit leur forteresse. Si en leva un ou chastel qui n’estoit mie trop grant et<br />
l’atrempa bien et a point et ne le fist mie getter que .iii. fois dont la premiere pierre chey<br />
a .xii. pas de l’engin de Valenciennes. La seconde au pie de la huge et la tierce pierre fu<br />
si bien apointee qu’elle fery l’engin parmy la flesche et le rompy en deux moities. Adont fu<br />
grande la huee des soudoiers de Mortaigne.<br />
La prise de la ville de Saint Amant<br />
A insi furent les Henuiers devant Mortaigne .ii. nuis et .iii. jours que riens ne conquistrent.<br />
Si ot le dit conte de Hainau et monseigneur Jehan de Hainau son oncle avis et<br />
voulente de retraire au siege de Tournay et donnerent congie a ceulx de Valenciennes de<br />
retourner a leur [f50v] ville. Ainsi se departy celle assemblee. Les Valencenois se retrairent<br />
arriere en Valenciennes. Et le conte et ses chevaliers revindrent en l’ost devant Tournay,<br />
et se tindrent la environ .iii. jours. Puis fist le conte une priere aux compaignons pour<br />
amener devant Saint Amant. Car les plaintes estoient venues a lui que les soudoiers de<br />
Saint Amant avoient ars l’abbaie de Hanon et s’estoient miz en paine d’ardoir Vicoingne<br />
et avoient fait pluseurs despiz aux frontieres de Hainau pourquoy le dit conte vouloit ces<br />
fortaitures contrevengier. Si se party du dit siege de Tournay a bien 3000 combatans et<br />
s’en vint a Saint Amant qui adont n’estoit fermee que de palis. Bien avoient les soudiers<br />
qui estoient dedens entendu que le conte de Hainau les venroit veoir mais ilz s’estoient si<br />
glorifiez en leur <strong>org</strong>ueil qu’ilz n’en tenoient compte. E lors estoit garde de Saint Amant un<br />
chevalier de Languedoc, nomme le seneschal de Carcassonne. Lequel avoit bien ymagine la<br />
force de la ville si en avoit dit son avis aux moines et a ceulz qui estoient demourez pour<br />
garder l’abbaye et la ville et disoit bien que ce n’estoit pas forteresce tenable contre un ost.<br />
Non mie qu’il s’en voulsist partir mais demourer et garder a son loyal povoir mais il le disoit<br />
par maniere de conseil. Et par son enortement il avoit fait de long temps les plus riches
90 (f51 r ) La prise de la ville de Saint Amant<br />
joiaux de l’abbaie et de la ville vuidier et porter a Mortaigne a sauvete et avoit fait la aler<br />
l’abbe et tous les moines qui n’estoient taillies de eulz defendre. Ceulx de Valenciennes,<br />
qui avoient este mandez du conte leur seigneur qu’ilz fussent a un certain jour devant Saint<br />
Amant et il seroit a l’autre lez, vindrent ainsi que commande leur fu, en tresbon couvenant<br />
et estoient bien 12000 combatans. Si tost qu’ilz furent devant Saint Amant, ilz si logierent<br />
et mistrent en bonne ordonnance et puis eurent conseil d’aler assaillir si firent armer tous<br />
leurs arbalestiers et traire vers le pont d’Escarp. La commenca l’assaut dur fier et perilleux<br />
durement et en y ot [f50v] pluseurs blecies et n’aurez de l’un lez et de l’autre. Et dura cel<br />
assaut tout le jour que onques ceulz de Valenciennes n’y peurent riens forfaire mais en y<br />
ot de mors et de n’aurez grant foison des leurs. Et leur disoient les bidaux par maniere de<br />
reprouche, “Alez boire vostre goudale! Alez!” Quant ce vint au soir ceulx de Valenciennes se<br />
retrairent tous lassez et furent moult esmerveillies de ce qu’ilz n’avoient oy nulles nouvelles<br />
du conte leur seigneur. Si orent conseil qu’ilz s’en retourneroient devers Valenciennes et<br />
firent tout trousser et se retrairent ce meisme soir vers leur ville.<br />
A l’endemain au matin le conte de Hainau se party du siege de Tournay acompaignie<br />
comme dit est et s’en vint devant Saint Amant au lez devers Mortaigne. Si tost qu’ilz furent<br />
venuz ilz se trairent a l’assaut. Et la eut grant assaut et dur si gaignerent les Henuiers<br />
de venue les premieres bailles et vindrent jusque a la porte qui oeuvre devers Mortaigne.<br />
La estoient tout premier et devant a l’assaut le conte de Haynau et le sire de Biaumont<br />
son oncle, si assailloient de grant courage et sans eulz espargnier dequoy il leur en fu pres<br />
avenu mal. Car ilz furent tous deux si dur rencontre de .ii. pierres gettees d’amont qu’ilz<br />
en eurent leurs bacinez effondrez et les testes toutes estonnees. Adont fu la qui dist, “Sire,<br />
sire, en cel endroit cy ne les arions jamais. Car la porte est forte et la voie estroite. Si<br />
cousteroit trop des vostres a conquerre mais faites aporter des grans merriens ouvrez en<br />
maniere de pilos et hurter aux murs de l’abbaie nous vous certefions que de force on les<br />
partiusera en pluseurs lieux. Et se nous sommes en l’abbaie la ville est nostre car il n’y<br />
a nul entredeux.” Dont commanda le conte que on feist ainsi. Si quist grans bancs de<br />
chesnes et furent tantost ouvrez et aguisez devant et s’acompaignoient a un pilot eulx 20<br />
compaignons ou 30 et s’escuielloient. Puis boutoient de grant [f51r] randon contre mur.<br />
Et tant bouterent et si vertueusement qu’ilz partriusierent le mur de l’abbaie et rompirent<br />
en pluseurs lieux et entrerent ens abandonneement et passerent une petite riviere qui la est<br />
et s’en vindrent sans contredit jusques a une place qui est devant l’eglise ou le marchie de<br />
pluseurs choses est.<br />
Et la estoit le dit chastellain de Carcassonne en bon couvenant sa baniere devant lui<br />
qui estoit de gueules, a .i. chief d’argent a .ii. kiennons ou chief et estoit a une bordure<br />
d’asur endentee. La delez lui s’estoient acueilliz pluseurs compaignons de son pays qui assez<br />
hardiement receurent les Heniuers et se combatirent vaillemment tant qu’ilz peurent mais<br />
leur defense ne leur valu neant car les Henuiers y survindrent a trop grant plente. Et vous<br />
dy encore pour tout ramentevoir. A entrer de premiers dedens l’abbaie Il y avoit .i. moine<br />
qui s’appelloit Domp Froissart. C’il fist merveilles, car il en occist et mehaingna au devant<br />
d’un partuis ou il se tenoit plus de 18 et n’osoit nul entrer par le lieu quil gardoit. Mais<br />
finablement il le couvint partir car il vit que les Henuiers entroient en l’abbaie et avoit<br />
partuisie le mur en pluseurs lieux si se sauva le dit moine au mieux qu’il pot et fist tant<br />
qu’il vint a Mortaigne.<br />
Q uant le conte de Haynau et messire Jehan de Haynau son oncle et la chevalerie de<br />
Haynau furent entrez en l’abbaie, sicomme vous avez oy, si commanda que tout fust miz a<br />
l’espee sans nullui prendre a mercy. Tant estoit il courroucie sur ceulx de Saint Amant pour<br />
les despis qu’ilz avoient fais a son pays. Si fu la dicte ville moult tost emplie de gens d’armes<br />
et bidaux et Genevois qui la estoient enchacies et quiz de rue en rue et d’ostel en hostel.<br />
Pou en eschapa qu’ilz ne fussent tous occiz et meismement le seneschal de Carcassonne y fu<br />
tuez soubz sa baniere et plus de 200 hommes environ lui. Ainsi fu Saint Amant destruite.<br />
Et retourna le conte ce soir devant Tournay. Et l’endemain les gens [f51r] d’armes de<br />
Valenciennes et la communaute vindrent devant Saint Amant et parardirent la ville et toute<br />
l’abbaie et le grant moustre et brisierent toutes les cloches dont ce fu dommage, car il en y
(f51 v ) La prise de la ville de Saint Amant 91<br />
avoit moult de bonnes et melodieuses et ce ne leur vint a nul prouffit qui a compter face.<br />
Apres la destruction de Saint Amant le conte de Haynau qui trop durement avoit pris<br />
ceste guerre a cuer et qui en estoit plus aigre que nul des autres se departi du siege de<br />
Tournay en sa route plus de 600 armeures de fer et s’en vint ardoir Orchies et Landas et le<br />
Celle et grant foison de villages la environ. Et puis passa a toute sa route la riviere d’Escarp<br />
au dessus de Hanon et vindrent en France a Marchiennes, une grosse et riche abbaie dont<br />
messire Aimes de Wervaux estoit cappitaine et avoit avec lui une partie des arbalestiers de<br />
Douay. La ot grant assaut, car le dit chevalier avoit durement senefie la premiere porte de<br />
l’abbaie qui estoit toute enclose et environnee de grans fossez et parsons. Et se defendirent<br />
les Francois et les moines qui dedens estoient moult viguereusement, mais finablement ilz<br />
ne peurent durer contre tant de gens d’armes. Car ilz quistrent et firent tant qu’ilz eurent<br />
des bateaux et les mistrent en l’eaue et entrerent par telle maniere en l’abbaie mais il y ot<br />
noye .i. chevalier Alemant compaignon au seigneur de Fauquemont qui s’appelloit messire<br />
Bacho de Wiere, dont le sire de Fauquemont fu moult courroucie mais amender ne le peut.<br />
A l’assaut de la porte ou messire Wervaus estoit furent moult bons, le conte de Hainau, le<br />
sire de Biaumont, le seneschal de Hainau et firent tant que en la fin la porte fu conquise et<br />
le chevalier qui la gardoit pris et mort et occis la plus grant partie des autres. Et furent pris<br />
aussi pluseurs des moines qui leans furent trouvez et toute la dicte abbaye robee et pillee<br />
et puis arse et destruite et la ville aussi. Et quant ilz eurent fait leur emprise, le conte de<br />
[f51v] Haynau et tous ses gens de ceste chevauciee retournerent devant Tournay.<br />
L e siege qui fu devant Tournay fu grant et long et bien tenu et moult y ot le roy<br />
englois grant foison de bonnes gens d’armes et si tenoit le dit roy voulentiers. Car bien le<br />
pensoit a conquerre pour tant qu’il savoit bien qu’il y avoit dedens grant foison de gens<br />
d’armes et assez ascharsement de vivres si les supposoit bien a affamer et avoir par force de<br />
famine, mais les aucuns dient qu’ilz trouverent moult de courtoisies en ceulz de Braibant<br />
et qu’ilz souffrirent par pluseurs fois a passer parmy leur ost vivres assez largement pour<br />
mener dedens Tournay dont ilz furent bien confortez. Avec tout ce ceulz de Brousselles et<br />
ceulz de Louvain qui estoient tous emmuez de la tant seoir et demourer firent une requeste<br />
au mareschal de l’ost qu’ilz se peussent partiret retraire en Braibant, car trop avoient la<br />
demoure a pou de fait. Le mareschal qui vit bien que la requeste n’estoit point honnorable,<br />
ne raisonnable, leur respondy que c’estoit bien son gre qu’ilz s’en partissent quant il leur<br />
plairoit mais il leur couvenoit mettre jus leurs armeures. Les dessus dis furent tous honteux<br />
si se soufrirent a tant et n’en parlerent onques puis.<br />
Or vous recorderons d’une chevaucee des Alemans qui fu faite devant Tournay a ce<br />
meisme pont de Tressin ou messire Robert de Bailloel et les Liegois avoient desconfit les<br />
Hainuiers. Le sire de Randerone et messire Jehan de Randerone son filz adont escuier et<br />
messire Jehan de Rodebourc aussi adont escuier et maistre dicelui filz messire Ernoul de<br />
Kakehen, messire Regnaut d’Esconnevort, messire Conrat d’Asko, messire Bastien de Barsies<br />
et Candrelier son frere, messire Stramen de Venone et pluseurs autres de la duchie de Guerles<br />
et de Julliers. Avoient empriz en grant vergoigne ce que les Hainuiers avoient ainsi este<br />
recontrez si parlementoient ensemble du soir et s’acorderent a chevaucier l’endemain [f51v]<br />
au point du jour, et de passer ce pont que on dist a Tressin. Si s’armerent et ordonnierent de<br />
nuit bien et faitivement et se partirent sus la journee. Et aussi se mistrent avec eulx aucuns<br />
bachelers de Haynau qui point n’avoient este a l’autre dessus dicte telz comme mesire Florens<br />
de Beaurieu, messire Baras de la Haye, mareschal de l’ost monseigneur Jehan de Haynau,<br />
messire Ouphart de Guistelles, mesire Robert de glennes de la conte de Los adont escuier et<br />
au corps monseigneur Jehan de Haynau et pluseurs autres. Si chevaucierent ces chevaliers<br />
et compaignons dessus nommez bellement et sagement et estoient bien 300 ou plus toutes<br />
bonnes armeures de fer. Et vindrent droit au pont de Tressin au point du jour et le passerent<br />
oultre sans dommage. Et dont se conseillierent. Si fu la ordonnez le sire de Randerodene et<br />
Ernoul son filz et messire Henry de Kenkeren, un chevalier miessenaire, messire Thieleman de<br />
Saussi, messire Olphart de Guistelles, messire l’Alemant, bastart de Haynau, messire Robert<br />
de Glennes adont escuier et Jaquelot de Thieaux a estre coureurs et chevaucier jusques aux<br />
logeis des Francois. Et tous les autres chevaliers et escuiers qui estoient bien 300 devoient
92 (f52 v ) La prise de la ville de Saint Amant<br />
demourer au pont et garder le passage pour le defendre aux aventures des survenans. Ainsi<br />
et sur cel estat se partirent les coureurs qui povoient estre 40 lances et tresbien montez sus<br />
fleur de roncins et de gros coursiers et chevaucierent au premier tout bellement tant qu’ilz<br />
vindrent en l’ost du roy de France. Si se bouterent dedens et commencierent a decouper<br />
cordes et reverser tentes et trefs et faisoient tresgrant defroy et Francois s’estourmirent.<br />
Celle nuit avoient fait le guet .ii. grans barons de France, le sire de Montmorency et<br />
le sire de Saint Sauflin et estoient a celle heure que les Alemans vindrent encore a leur<br />
garde. Quant ilz oirent la noise si tournerent celle part leurs banieres et leurs gens et<br />
chevaucierent roidement sur les coureurs qui leur ost avoient [f52r] estourmy. Et quant le<br />
sire de Randerodene les vit venir, il fist chevaucier son pennon et ses compaignons pour<br />
revenir au pont a leur grosse route et les Francois apres. En celle chace la eut bon coureis<br />
car les Alemans se hastoient pour revenir au dit pont et les Francois aussi pour eulz retenir.<br />
En celle chace fu pris et retenuz des Francois messire Oulphart de Guistelles qui ne se sceut<br />
ne peut garder a point. Car le chevalier avoit courte veue si fu enclos de ses ennemis par<br />
trop demourer derriere et fiance person et aussi .ii.escuiers dont on nommoit l’un Jehan de<br />
Mondorp et aussi Jaquelot de Thiaus. Les Francois et leur route chevaucoient d’un lez et les<br />
coureurs Alemans de l’autre et estoient environ demi bonnier de terre pres l’un de l’autre<br />
et tant qu’ilz se povoient bien recongnoistre et entendre de leurs langoages. Et disoient les<br />
Francois aux Alemans, “Haa seigneurs, vous n’en yrez pas ainsi.” S’y se hastoient pour<br />
prendre le pont, et rien ne savoient de la grosse route qui estoit au pont de monseigneur<br />
Regnaut d’Esconnevort et des autres. Si qu’il fu dit au sire de Randerodene, “Sire, sire,<br />
avisez vous, car il nous semble que ces Francois nous touldront le pont.” Dont respondy<br />
le sire de Randerodene et dist, “Se ilz sceuent un chemin je en scay un autre.” Adont se<br />
retourna sur destre et sa route et pristrent un chemin assez froie qui les mena droit a celle<br />
petite riviere dessus dicte qui est si noire et si pr<strong>of</strong>onde et si environnee de grans marez. Et<br />
quant ilz furent la venuz si ne porent ilz passer mais les couvint retourner devers le pont. Et<br />
toudiz chevaucoient les Francois les grans galos devers le pont qui cuidoient devers le pont<br />
qui cuidoient ces coureurs Alemans enclorre et prendre et par especial moult y mettoit le<br />
sire de Montmorency grant entente.<br />
Q uant les Francois eurent tant chevaucie qu’ilz furent pres du pont. Et ilz virent la<br />
grosse embusche [f52r] qui la estoit au devant du pont toute armee en bonne ordonnance<br />
si furent esmerveillies et distrent entreulx aucuns, “Nous chacons trop folement, de legier<br />
pourrons plus perdre que gaignier.” Dont retournerent les pluseurs et par especial la baniere<br />
de Saint Sauflin et le seigneur dicelle aussi. Et messire Charles de Montmorency et<br />
sa baniere chevauchoient toudiz avant et ne voult onques reculer. Ains s’en vint de grant<br />
courage assembler aux Alemans. Et les Alemans a lui et a ses gens. La ot de prime venue<br />
durs encontres et fortes joustes et maint homme reverse d’un lez et de l’autre. Et sicomme<br />
ilz assembloient les coureurs dessus nommez qui costoiez les avoient s’en vindrent ferir sus<br />
esle et se bouterent es Francois de grant voulente lesquelx aussi les receurent moult bien. A<br />
cest assembler monseigneur Regnaut d’Esconnevort qui estoit lors en la fleur de sa joennesce<br />
vint a la baniere du seigneur de Montmorency qu’il recongnut assez bien et avisa sagement<br />
que le plus prouchain de la baniere estoit le seigneur. Si esperonna par force parmy la route<br />
jusques au seigneur de Montmorency qu’il trouva bien monte l’espee ou poing et combatant<br />
a tous lez car il estoit fort chevalier et grant. Et lui vint le sire d’Esconnevort sur destre<br />
si bouta son bras senestre ou fraing de son coursier. Puis fery le sien des esperons en lui<br />
tirant hors de la bataille comme vistes et fort chevalier. Le sire de Montmorency se prist a<br />
defendre vassalment et feroit grans coups de s’espee sus le bacinet et sur le dos du seigneur<br />
d’Esconnevort lequel brisoit a la fois les coups et tant fist voulsist ou non le sire de Montmorency<br />
qu’il demoura son prisonnier. Et les autres se combatoient. Et la furent bons<br />
chevaliers messire Ernoul de Randerodene, mesire Henry de Kenkeren, mesire Thieleman<br />
de Saussi, mesire Bastien de de Barsies et Candrelier son frere, messire Robert de Glennes<br />
qui prist un homme d’armes de bon couvenant qui s’armoit de gueules a .iii. fauls d’or. Et<br />
firent tant [f52v] adont les Alemans et leur route qu’ilz obtindrent les prisonniers 80 gentilz<br />
hommes. Et repasserent le pont sans dommage et vindrent en l’ost devant Tournay et rala
(f52 v ) Or vous recorderons d’une aventure qui avint aux Flamens ... 93<br />
chascun devers sa partie. Et se tint le siege et les prisonniers se raenconnerent et delivrerent<br />
au plus tost qu’ilz peurent.<br />
O r vous recorderons d’une aventure qui avint aux Flamens que monseigneur<br />
Robert d’Artois et messire Henry de Flandres conduisoient vers Saint Omer.<br />
Dont il en y avoit plus de 60000 de la ville d’Ypre, de Popringue, de Miessines, de Cassiel<br />
et de la chastelerie de Bergues. Et se tenoient tous ces Flamens dont les dessus dis estoient<br />
chiefs ou val de Cassiel logies en tentes et en trefs en grant arroy pour contrester les garnisons<br />
francoises que le roy Phelippe avoit mises a Saint Omer, a Aire, a Saint Venant et es villes<br />
et forteresses voisines. Et se tenoient dedens Saint Omer de par le roy de France, le conte<br />
dauphin d’Auvergne, le sire de Mercuel, le sire de Calencon, le sire de Montagu, le sire de<br />
Rochefort, le viconte de Touars et pluseurs autres chevaliers d’auvergne et de Limosin. Et<br />
dedens Aire et dedens Saint Venant en y avoit aussi grant foison. Et yssoient souvent hors<br />
et venoient escarmuchier aux Flamens si gaignoient aucune fois et a la fois y perdoient.<br />
Or avint .i. jour a ces Flamens qu’ilz s’en vindrent environ 4000 tous legiers et habiles<br />
compaignons et s’avalerent et yssirent hors de leurs logeis pour venir hustiner devant Saint<br />
Omer, si se bouterent es fourbours et brisierent pluseurs maisons et entendirent au pillage<br />
qu’ilz desroberent tout ce qu’ilz trouverent. La noise et l’effroy monta en la ville de Saint<br />
Omer dont s’armerent les seigneurs qui leans estoient et tous leurs gens et se partirent par<br />
une autre porte qu par celle ou les Flamens estoient et povoient estre entour .vi. banieres et<br />
200 bacinez et environ 500 bidaus tout a pie. Et chevaucierent tout autour de Saint Omer<br />
ainsi qu’ilz avoient guides qui bien les savoient mener et vindrent tout a temps a ces Flamens<br />
qui s’ensonnioient de rober quanqu’ilz trouvoient en la ville de Arques qui est assez pres de<br />
la ville de [f52v] Saint Omer. Et estoient leans espars sans cappitaine et sans arroy. Les<br />
Francois vindrent soudemement sur eulx, lances abaissiees, banieres d’esploiees et en bon<br />
couvenant de bataille en escriant, “Clermont! Clermont! Au dauphin d’Auvergne!” Lors<br />
entrerent en ces Flamens qui furent tous esbahiz et ne tindrent ordonnance ne conroy mais<br />
fuirent chascun qui mieux mieux et getterent tout juz ce que chargie avoient et pristrent les<br />
champs et Francois apres eulx tuant et abatant par monciaux et par troppiaux. Et dura<br />
ceste chace bien .ii. lieues. Et y eut bien mors des 5800 et retenu 400 qui furent amenez a<br />
Saint Omer en bonne prison.<br />
Q uant le demourant qui eschappez furent vindrent en l’ost devers leurs compaignons<br />
si leur compterent l’aventure et en vindrent les nouvelles a messire Robert d’Artois et a<br />
monseigneur Henry de Flandres, qui petit les plaingnoient. Ains disoient que c’estoit bien<br />
emploie car sans conseil et sans commandement ilz y estoient alez. Or avint celle meisme<br />
nuit que ces Flamens gisoient en leurs tentes et dormoient a l’eure de mienuit un si grant<br />
paour et telle hideur les prist generalment en dormant qui tous se leverent en si grant haste<br />
et en tele paine qu’ilz ne cuidierent jamais estre a temps deslogies, si abatirent tantost trefs,<br />
tentes et pavillons et trousserent en si grant haste que l’un n’attendoit point l’autre et s’en<br />
fuioient tous sans voie tenir et sans conroy. Et fu ainsi dit a monseigneur Robert d’Artois et<br />
a monseigneur Henry de Flandres qui dormoient en leurs logis, “Chiers sire levez vous tost<br />
et vous appareillies car voz gens s’en fuient et nul ne leurs chace et ne sceuent a dire qu’il<br />
leur fault.” Adont se leverent ces .ii. seigneurs hastivement et firent alumer feus et tortiz<br />
si monterent sur leurs chevaux et coururent au devant d’eulx et distrent, “Beaux seigneurs,<br />
dictes nous qui vous vous muet a fuir? N’estes vous mie bien asseurez? Retournez, ou nom<br />
de Dieu!” Mais quoy qu’ilz fussent priez et requiz ilz fuirent toudiz et prist chascun le chemin<br />
vers sa maison au plus droit qu’il peut. Et dont ces deux seigneurs firent mettre a [f53r]<br />
voiture tout leur harnois et vindrent au siege de Tournay et racompterent aux seigneurs<br />
l’aventure des Flamens dont ilz furent esmerveillies et distrent aucuns qu’ilz avoient este<br />
enfantosmez.<br />
Des traitties de treves faites entre les .ii. roys a Tournay.
94 (f53 v ) Des traitties de treves faites entre les .ii. roys...<br />
C e siege devant la cite de Tournay dura assez longuement onze sepmaines trois jours<br />
moins. Si povez bien croire et savoir qu’il y ot fait pluseurs escarmuches et paletiz. Tant<br />
a assaillir la cite comme des chevaucees des compaignons bachelereux l’un sur l’autre mais<br />
dedens la cite de Tournay avoit tresbonne chevalerie qui telement en soingnerent que nul<br />
dommage ne si prist. On doit savoir que ce siege durant madame Jehanne de Valois, suer au<br />
roy de France et mere au conte de Hainaut, traveilloit durement de l’un ost en l’autre. Afin<br />
que paix ou respit fust entre ces parties afin que on se parteist sans bataille. Car la bonne<br />
dame veoit la de .ii. costez toute la fleur et l’onneur de chevalerie du monde si veist trop<br />
a emuz pour les grans perils qui en povoient venir que nulle bataille fust adreciee entr’eulx<br />
et par pluseurs fois la bonne dame en estoit cheve aux pies du roy de France son frere et<br />
lui prie que respit ou traittie d’accort fust pris entre lui et le roy englois. Et quant la dicte<br />
dame avoit traveillie entre les seigneurs de France elle s’en revenoit a ceulx de l’Empire,<br />
especialment au duc de Braibant, au duc de Julliers son filz, qui avoit sa fille a monseigneur<br />
Jehan de Haynau. Et leur prioit que pour Dieu et pour pitie ilz vousissent entendre a aucun<br />
traitie d’acort et avoier le roy d’Engleterre a ce qu’il y voulsist descendre.<br />
Tant ala et tant procura la bonne dame entre ces seigneurs avec l’aide et conseil d’un<br />
gentil et sage chevalier qui estoit bien de toutes les parties messire Loys d’Augimont que<br />
une journee pour traittier fu accordee a l’endemain. La ou chascune partie devoit envoier<br />
.iv. personnes souffisant pour traittier toutes bonnes voies pour accorder les dictes parties<br />
s’il plaisoit a Dieu. Et souffrance de .iii. jours que l’un ne [f53r] devoit forfaire a l’autre. Et<br />
se devoient assembler ces traitteurs a une chappelle seant enmy les champs que on claime<br />
a l’Esplechin. L’endemain apres messe et apres boire, les traitteurs vindrent ensemble a<br />
la dicte chappelle et la dessus dicte bonne dame avec. De la partie du roy de France y fu<br />
envoie Charles le roy de Behaingne, Charles le conte d’Alencon frere au dit roy, l’evesque<br />
de Liege, le conte de Flandres et le conte d’Armignac. De la partie du roy d’Engleterre, le<br />
duc de Braiban, l’evesque de Lincolle, le duc de Guerles, le duc de Julliers et messire Jehan<br />
de Haynau.<br />
Q uant ilz furent tous venuz a la dicte chappelle, ilz se saluerent moult amiablement<br />
et se festoierent grandement et apres ilz entrerent en leur traittement. Toute celle premiere<br />
journee traittierent sur pluseurs voies d’accort. Et toudiz estoit madame Jehanne de Valois<br />
emmy eulx qui moult humblement et de grant cuer leur prioit que chascune partie se voulsist<br />
pres prendre d’accorder. Toutefuoies celle journee passa sans nul accort certain. Chascun<br />
en rala en son lieu sur couvenant de venir lendemain. Sicomme ilz firent, si commencierent<br />
a traittier comme devant et cheirent sur aucunes voies assez accordables mais ce fu si tart<br />
que on ne les pot escrire ce jour. Si se party le parlement et creanta chascun de revenir<br />
la endroit pour parfaire le remenant. Au tiers jour ces seigneurs revindrent a plus grant<br />
conseil. La fu accordee une treve a durer un an entierement et devoit entrer tantost entre<br />
ces seigneurs et ces gens qui la estoient d’une part et d’autre. Et entre ceulx qui guerrioient<br />
en Escoce, en Gascoingne, en Poitou, en Saintonge elle ne devoit entrer jusque a 40 jours.<br />
Dedens lesquelx 40 jours chascune des parties le devoit faire savoir aux siens sans nul mal<br />
engin si les vouloient si les tenissent et se tenir ne les vouloient si guerroiassent assez l’un<br />
l’autre mais France, Picardie, Bourgoingne, Bretaigne, Normandie les tenoient sans nulle<br />
exception. Et devoient les deux roys dessus nommez chascun pour lui et ou nom de lui<br />
envoier .iv. ou .v. nobles personnes et le pappe, .ii. cardinaux [f53v] en legation en la<br />
cite d’Arras. Et ce que ces parties ordonneroient les .ii. roys le tenroient et confermeroient<br />
sans nul moien. Et fu la dicte treve accorde par telle condition que chascun devoit tenir<br />
paysiblement ce dont il estoit saisy.<br />
Et dont chascun retourna en son ost, si le firent crier par tout l’ost d’une partie et<br />
d’autre, dont les brebancons curent grant joye. Car ilz eurent la este un grant temps moult<br />
a enviz. Qui l’endemain si tost que jour fu peust veoir tentes abatre chars chargier gens<br />
forhaster, emblaver et entouillier. Bien peust dire, “Je voy un nouvel siecle.”<br />
A insi comme vous avez oy, se departirent ces .ii. grans ostz par le traveil et pourchas<br />
de celle dame a qui Dieu face mercy. Et demoura la cite de Tournay franchement et entiere
(f53 v ) Des traitties de treves faites entre les .ii. roys... 95<br />
qui avoit este en tresgrant paine et peril. Car toutes leurs pourveances failloient et n’avoient<br />
mie pour .iv. jours a vivre. Les Braibancons se pristrent a raller hastivement car grant desir<br />
en avoient. Le roy englois se departi moult a envis s’il peust et se a sa voulente en fust mais il<br />
lui couvenoit suivir parite de la voulente des autres seigneurs et croire leur conseil. Le joenne<br />
conte de Haynau et messire Jehan de Haynau son oncle se fusent aussi bien a envis accorde<br />
a celle de partie s’ilz sceussent aussi bien le couvenant de ceulx dedens Tournay comme le<br />
roy Phelippe faisoit. Et se ne fust ce que le duc de Braibant leur avoit dit secretement qu’il<br />
detenoit a grant mesaise ses Braibancons et comment que fust il ne les povoit tenir qu’ilz<br />
ne deussent partir le jour ou l’endemain se accort ne se faisoit.<br />
Le roy de France et tout son ost se departi assez liement car ilz ne povoient bonnement<br />
plus demourer la endroit pour la punaisie des bestes que on tuoit si pres de leur ost et pour<br />
le chaut qu’il faisoit. Et si pensoient en leur part a avoir l’onneur de celle de partie sicomme<br />
ilz disoient pour la raison de ce qu’ilz avoient rescousse et gardee destre perdue la bonne cite<br />
de Tournay [f53v] et avoient fait departir celle grant assemblee qui assegie l’avoit et riens<br />
n’y avoient fait quoy qu’ilz y eussent grandement fraye. Les autres seigneurs et ceulz de leur<br />
partie pensoient aussi bien avoir l’onneur pour ce qu’ilz avoient si longuement demoure ou<br />
royaume et assegie une des bonnes citez que le roy eust et ars et gaste son pays chascun jour<br />
lui voyant et point ne l’avoit secouru de temps ne d’eure ainsi qu’il deust. Et au derrain<br />
avoit accorde une treve ses ennemiz seans devant sa cite et ardant et destruisant son pays.<br />
Ainsi en vouloient chascune partie a son attribuer l’onneur, si en povez determiner entre<br />
vous qui avez les fais oy.<br />
O r departirent ces seigneurs du siege de Tournay et s’en rala chascun en son lieu. Le<br />
roy englois s’en revint a Gand delez sa femme et assez tost apres il repassa la mer et toutes<br />
ses gens excepte ceulx qu’il laissa pour estre au parlement a Arras. Le conte de Haynau<br />
s’en revint en son pays et eut adont une moult noble feste a Mons en Haynau et jouste de<br />
chevaliers a laquelle monseigneur Girart de Werchin, seneschal de Haynau fu et jousta si fu<br />
blecie telement qu’il en mouru, dont ce fu dommage. Si demoura de lui un beau filz qui fu<br />
appelle Jehan et depuis bon chevalier et hardy mais petit dura et regna en sante, dont ce fu<br />
dommage. Le roy de France donna a tous ses gens congie et puis s’en vint jouer et refreschir<br />
a Lille. Et la le vindrent veoir ceulx de Tournay lesquelx il recut liement et leur fist gracie<br />
pour tant que si vaillement ilz s’estoient tenuz et defenduz et que riens on n’avoit pris ne<br />
conqueste sur eulx. La grace qu’il leur fist fu telle qu’il leur rendy franchement leur loy que<br />
perdu avoient de grant temps dont ilz furent moult joyeux. Car messire Godemar du Fay<br />
et pluseurs autres chevaliers estrangiers devant lui en avoient este gouverneur. S’y refirent<br />
entr’eulx prevostz et jurez [f54r] selon leurs usages anciens. Quant le roy eut ordonne a son<br />
plaisir une partie de ses besoingnes il se party de Lille et se mist au chemin devers France<br />
pour retourner a Paris. Or vint la saison que le parlement estoit ordonne en la cite d’Arras.<br />
Si y envoia le pappe Clement .vi. en legation .ii. cardinaux, cestui de Naples et cestui de<br />
Clermont qui premierement vindrent a Paris ou ilz furent moult honnorez du roy de France<br />
et des Francois. Et puis se avalerent devers Artois jusques en la cite d’Arras. A ce parlement<br />
de par le roy de France furent le conte d’Alencon, le duc de Bourbon, le conte de Flandres<br />
et le conte de Bloys. Et des prelas, l’arcevesque de Sens, l’evesque de Beauvais et l’evesque<br />
d’Aucoire. De par le roy d’Engleterre l’evesque de Lincolle, l’evesque de Duremes, le conte<br />
de Warvich qui estoit moult sages homs, messire Robert d’Artois, messire Jehan de Hainau<br />
et messire Henry de Flandres. Auquel parlement il y eut pluseurs traitties et langaiges miz<br />
attant et parlementerent plus de .xv. jours mais riens n’y fu accorde ne affine. Car les<br />
Englois demandoient et les Francois ne vouloient riens donner fors tant seulement rendre<br />
la conte de Pontieu qui fu donnee a la royne Ysabel en mariage avec le roy d’Engleterre.<br />
Ceste chose ne vouldrent les Englois acorder ne accepter. Si se departirent ces seigneurs<br />
et ce parlement sans riens faire, fors tant que la treve fu raloingnee deux ans ce fu tout ce<br />
que les cardinaux y porent empetrer. Apres ce chascun s’en rala isnellement en son lieu et<br />
revindrent adont les deux cardinaux parmy Haynau a la priere du conte qui grandement les<br />
festoia en la ville de Valenciennes.
96 (f54 v ) C’y commence la dissencion qui fu entre monseigneur Charle...<br />
C’y commence la dissencion qui fu entre monseigneur Charles de Bloys et le<br />
conte Jehan de Montfort.<br />
O r nous deporterons a parler de la matiere des .ii. roys tant que les treves duront qui<br />
furent assez bien tenues excepte les marches lointaines [f54r] et entrerons en la grant matiere<br />
et histoire de Bretaigne qui grandement enlumine ce livre pour les beaux fais d’armes et<br />
grandes aventures qui y sont ramenteues, sicomme vous pourrez ensuiant oir. Et pour ce<br />
que vous sachies veritablement le commencement et la racine de ceste guerre je le vous diray<br />
de point en point. Si en direz vostre entente et quelle cause et droit messire Charles de<br />
Blois eut au grant heritage de Bretaigne. Et d’autre part le conte de Monfort qui en fist fait<br />
et partie contre lui dont tant de rencontres de batailles et d’autres grans fais d’armes sont<br />
avenuz en la dicte duchie de Bretaigne et es marches voisines.<br />
A ssavoir est que quant les treves furent accordees et scellees devant la cite de Tournay<br />
tous les seigneurs et toutes manieres de gens se deslogierent d’une part et d’autre si s’en<br />
rala chascun en sa contree. Le duc de Bretaigne qui avoit este a ost ilec devant Tournay<br />
avec le roy de France plus grossement et plus est<strong>of</strong>feement que nulz des autres princes, s’en<br />
retourna vers son pays en entencion de y revenir mais il ne peut car une maladie le prist<br />
sur le chemin de laquelle il le couvint aluer et mourir, dont ce fu grant dommage. Car<br />
grans guerres et grans destructions de villes et de chastiaux en avindrent et entre les gens<br />
nobles et nonnobles de son pays. Et pour chascun mieux enformier pourquoy tous ces mauls<br />
avindrent je en compteray aucune chose ainsi que je le scay et que j’en ay enquiz ou pays<br />
meismement ou j’ay este et converse pour mieux en savoir la verite. Et a ceulx aussi qui<br />
ont la este ou je n’ay mie este et qui en ont veu et sceu ce que je n’ay mie tout peu veoir et<br />
concevoir.<br />
Ce duc de Bretaigne, quant il trespassa de ce siecle n’avoit nul enfant ne n’eut onques<br />
de la duchesse sa femme ne n’avoit en nulle esperance de l’avoir. Si avoit un frere de par<br />
son pere qui avoit este qui on appelloit le conte de Monfort qui vivoit adont. Et avoit cil<br />
a femme la suer du conte Loys de Flandres. Ce duc de Bretaigne avoit [f54v] eu on autre<br />
frere germain de pere et de mere qui trespassez estoit si en estoit demouree une joenne fille<br />
laquelle le dit duc son oncle avoit mariee a monseigneur Charles de Bloys maisne filz au<br />
conte Guy de Bloys de la suer du roy Phelippe de France qui adont regnoit. Et lui avoit<br />
promiz en mariage la duchie de Bretaigne apres son deces pour ce qu’il se doubtoit que le<br />
conte de Monfort son frere n’y voulsist clamer droit par proismete apres son deces comment<br />
qu’il ne fust mie son frere germain. Et il sembloit au dit duc que la fille de son frere germain<br />
devoit estre par raison plus prouchaine pour avoir la duchie apres son deces que le conte de<br />
Monfort son frere. Et par tant qu’il avoit toudiz doubte que son frere le conte de Monfort<br />
n’enforcast apres son deces le droit de sa joenne niepce par puissance la maria il au dit<br />
monseigneur Charles de Bloys en celle entente que le roy Phelippe qui estoit son oncle lui<br />
aidast mieux et plus voulentiers a garder son droit encontre le dit conte de Monfort s’il le<br />
voulsist entreprendre. Si avint tout ce que le duc avoit toudiz doubte car si tost que le conte<br />
de Monfort peut savoir que le duc son frere fu trespassez sur le chemin de Bretaigne, il se<br />
trait tantost a Nantes, qui est le chief et la souveraine cite de Bretaigne et fist tant aux<br />
bourgois et a ceulx du pays environ qu’il fu receu a duc comme le plus proisme du duc son<br />
frere qui trespasse estoit et lui firent tous feaute et hommage comme a duc de Bretaigne et<br />
au seigneur. Quant il eut pris la feaute des bourgois de Nantes et du pays d’entour Nantes,<br />
il et la contesse sa femme qui bien avoit cuer d’omme et de lyon eurent conseil ensemble<br />
qu’ilz tenroient une court et feste solempnelle a Nantes et manderoient tous les barons et<br />
les nobles du pays de Bretaigne et les consauls des bonnes villes et de toutes les citez qu’ilz<br />
voulsissent estre et venir en celle court pour faire feaulte a lui comme a leur droit seigneur.<br />
Et pour ce envoierent grans mesages. [f54v]<br />
O r pendant et la feste attendant il se party de Nantes a grant foison de gens d’armes<br />
et s’en ala vers la bonne cite de Limoges, car il estoit informe que le grant tresor que le duc<br />
son frere avoit amasse de long temps estoit la enferme. Quant il vint la entra en la cite a<br />
grant boban et fu noblement receu des bourgois et de toute la clergie et la communaute de
(f55 r ) C’y commence la dissencion qui fu entre monseigneur Charle... 97<br />
la cite. Si lui firent tous feaute comme a leur droit seigneur et lui fu tout ce grant tresor<br />
delivre par le grant accort qu’il acquist aux bourgois de la cite par grans dons et promesses<br />
qu’il leur fist. Et quant il eut la tant festoie et sejourne qu’il lui pleut il s’en party a tout<br />
le grant tresor et revint droit a Nantes la ou madame sa femme esoit qui eut grant joie du<br />
grant tresor que son seigneur eut trouve. Si demourerent a Nantes tous quois grant feste<br />
demenant jusques a tant que la feste devoit estre et la grant court tenue et faisoient tresgrans<br />
pourveances pour celle grant feste parfournir.<br />
Quant le jour de celle feste fu venu et nul n’y venoit pour mandement qu’il eust fait<br />
fors un seul chevalier que on clamon monseigneur Henry de Leon noble homme et puissant<br />
le dit conte de Monfort et la contesse sa femme en furent durement courroucies et esbahis.<br />
Ilz firent leur feste par .iii. jours des bourgois de Nantes et des bonnes gens de la entour<br />
au mieux qu’ilz peurent si eurent grant despit des autres qui n’avoient daignie venir a leur<br />
mandement. Et eurent conseil entr’eulx de retenir soudoiers a pie et a cheval tous ceulx<br />
qui venir voudroient et de partir ce grant tresor que trouve avoient pour mieulx venir le<br />
dit conte a son propos de la dicte duchie de Bretaigne et pour contraindre tous rebelles de<br />
venir a sa mercy. A ce conseil se tindrent tous ceulx qui la furent chevaliers clers et bourgois<br />
et furent retenuz soudoiers venans de tous costez et largement payes tant qu’ilz en eurent<br />
grant plente a [f55r] cheval et a pie nobles et nonnobles de pluseurs pays.<br />
La prise de la cite de Resnes.<br />
Q uant le conte de Monfort s’appercut qu’il avoit gens a plente, il eut conseil d’aler<br />
conquerre par force ou par amours tout le pays et destruire tous rebelles a son povoir. Puis<br />
yssi hors de la cite de Nantes a grant ost si se trait pardevers un moult fort chastel qui<br />
siet d’un coste sur mer que on appelle Brest et en estoit gardien un gentil chevalier appelle<br />
monseigneur Garnier de Clicon, cousin au duc qui mort estoit et cousin a monseigneur<br />
Olivier de Clicon .i. noble chevalier et un des plus hauls barons de Bretaigne. Aincois que<br />
le dit conte parvenist a Brest, il avoit si constraint tous ceulz du commun pays fors des<br />
forteresces que chascun le suivoit a cheval ou a pie car nul ne l’osoit laissier si qu’il avoit<br />
s’y grant quantite de gens d’armes que merveilles estoit. Quant ilz furent parvenuz devant<br />
le chastel de Brest a tout son ost Il fist appeller le chevalier dessus dit monseigneur Garnier<br />
de Clicon par monseigneur Henry de Laon qui la estoit venuz avec lui et requist au dit<br />
monseigneur Garnier qu’il voulsist obeir a lui et rendre la ville et le chastel comme au duc<br />
de Bretaigne et a son seigneur. Le chevalier respondy qu’il n’estoit mie conseillie de ce faire<br />
ne riens n’en feroit ne ne le tenroit a seigneur s’il n’en avoit mandement et enseignes du<br />
seigneur a qui il devoit estre par droit. A dont retray le dit conte arriere et deffia le chevalier<br />
et ceulx de la ville et du chastel. A l’endemain quant il eut oy messe il commanda que tous<br />
fussent armez et fist assaillir le chastel qui moult estoit fort et pourveu pour defendre. Et<br />
messire Garnier de Clicon qui preux estoit sage et hardy fist aussi armer tous ses gens qui<br />
bien estoient 300 armeures de fer et combatans et fist chascun aler a sa defence. La ou<br />
il les avoit ordonnez et establiz et en prist environ 40 des plus hardiz si s’en vint hors du<br />
chastel jusques aux bailles pour [f55r] defendre se il peust quant il vit venir les assaillans<br />
tous bataillies.<br />
A ce premier assaut eut grant hustin et durement trait et lancie et moult de mors et de<br />
navrez de ceulz de hors. Et y fist le dit chevalier tant de beaux fais d’armes que on le devoit<br />
bien tenir pour preux, mais au derrain il y survint si grant foison des assaillans et si les<br />
se monnoit le conte si asprement que chascun se penoit de lassaillir et mettre en aventure.<br />
Si que au derrain les bailles furent gaingnees et couvint les defendans retraire devers leur<br />
forteresce a grant meschief car les assaillans le ferirent entr’eulx et en tuerent aucuns. Et<br />
le chevalier qui y faisoit merveilles d’armes les confortoit de ce qu’il povoit et les mettoit<br />
a sauvete dedens la maistresse porte. Quant ceulz qui estoient sur la porte virent le grant<br />
meschief, ilz eurent paour de perdre le chastel. Si laissierent avaler le raistiel et enclostrent<br />
le chevalier de hors et aucuns de leurs compaignons qui se combatoient forment a ceulx<br />
de hors. La fu le bon chevalier a grant meschief et durement navre en pluseurs lieux et
98 (f56 r ) La prise de la cite de Resnes.<br />
ses compaignons qui hors estoient forclos pres que tous mors. Ne onques ne se voult rendre<br />
prisonnier quelque requeste que on l’en feist. Quant ceulx du chastel virent le grant meschief<br />
ou le chevalier estoit et comment il se defendoit, ilz se efforcierent de getter et traire grosses<br />
pierres tant qu’ilz firent les assaillans traire arriere. Et sachierent sus .i. petit les resciaux<br />
parquoy le chevalier entra en la porte durement blecie en pluseurs lieux et aucuns de ses<br />
compaignons qui demourez estoient avec lui tous navrez aussi. Et les assaillans retrairent a<br />
leurs logeis moult traveillies et aucuns navrez. Et le conte de Monfort trescourroucie de ce<br />
que le chevalier lui estoit eschappe.<br />
L’endemain il fist faire et appareillier instrumens et engins pour plus forment assaillir<br />
le chastel et bien dist qu’il ne s’en partiroit pour bien ne pour mal si l’aroit a sa voulete.<br />
Au tiers jour apres, il entendy [f55v] par une espie que le bon chevalier messire Garnier<br />
de Clicon estoit trespasse des plaies et des bleceures qu’il avoit receves en lui defendant<br />
sicomme voir estoit, dont ce fu dommage et pitie. Si commanda tantost qui chascun s’alast<br />
armer pour recommencier l’assaut et ilz le firent moult viguereusemnt. Et dont fist le conte<br />
traire avant aucuns instrumens qui fais estoient de grans merriens pour getter oultre les<br />
fossez pour venir aux murs du chastel. Ceulx dedens se defendirent durement de traire et<br />
de getter pierre et feu et pos plains de chaus jusques environ heure de midy. Adont leur<br />
fist requerre le conte qu’ilz se voulsissent rendre et lui tenir a seigneur et il leur pardonroit<br />
son mautalent ilz eurent sur ce conseil longuement et tant que le conte fist cesser l’assault.<br />
Au derrain quant ilz se furent longuement conseillies, ilz se rendirent de plain accort au dit<br />
conte sauves leurs corps leurs membres et leur avoir. Si entra lors le dit conte ou chastel de<br />
Brest a pou de gens et recut la feaute de tous les hommes de la chastelerie et y establi un<br />
chevalier pour cappitaine en qui moult se fioit puis revint a ses tentes tout joyeux.<br />
A pres eut le conte conseil qu’il se trairoit pardevers la cite Resnes qui estoit assez pres<br />
du chastel de Brest. Si fist deslogier ses gens et traire celle part. Et par tout ou il venoit<br />
il faisoit toutes manieres de gens rendre et faire feaute a lui comme a leur droit seigneur<br />
et emmenoit tous les aidables avec lui pour efforcier son ost. Et ilz ne l’oserent refuser<br />
pour doubtance de leurs corps. Et ainsi ala tant qu’il vint devant la cite de Resnes si fist<br />
ses gens logier entour la ville et entour les fourbours. Quant ceulx de la cite virent ce, Ilz<br />
firent grant semblant d’eulx defendre et avoient avec eulx un gentil chevalier preux et hardy<br />
qui demouroit assez pres de la et l’amoient durement pour sa loyaute et l’avoient esleu a<br />
gouverneur et avoit nom messire Henry de [f55v] Pennefort.<br />
Avint un jour qu’il eut voulente de destourber les gens de l’ost s’il avoit compaignie.<br />
Lors pourchaca tant qu’il eut 200 hommes de bonne voulente si yssi hors a l’aube du jour<br />
et se fery a un des costes de l’ost a toute sa compaignie. Si abat y tentes et logeis et en<br />
tua aucuns parquoy le roy et le hahay monta tantost en l’ost et cria chascun aux armes et<br />
se comencierent a defendre. Droit a ce point se repairoit un chevalier qui avoit fait le grant<br />
celle nuit pardevers l’ost a toute sa compaignie. Si oy la noise et se trait celle part au ferir<br />
des esperons et encontra le chevalier et toute sa compaignie qui s’en repairoient devers la<br />
cite. Si leur couru sus viguereusement et eurent bon poingneis et fort. Apres eulx venoient<br />
courans ceulx de l’ost qui estoient armez. Lors se desconfirent ceulx de la cite et s’en fuirent<br />
vers la porte tant qu’ilz peurent mais il en demoura grant foison de mors et de pris. Et si<br />
fu pris messire Henry de Pennefort et amenez devant le conte de Monfort qui voulentiers le<br />
vit.<br />
Quant tous furent repairies a leur ost, le conte eut conseil qu’il envoieroit ce chevalier<br />
pardevant la cite et feroit requerre aux bourgois qu’ilz lui voulsissent rendre la cite et faire<br />
feaute comme a leur seigneur ou il feroit pendre le chevalier a la porte. Et ainsi fu fait.<br />
Si eurent ceulx de la cite grant pitie du chevalier qu’ilz amoient tant et especialment la<br />
commune qui avec ce avoient petit de soustenances de pourvisions. Parquoy apres treslong<br />
conseil ilz s’accorderent a la paix mais les grans bourgois qui estoient bien pourvez pour<br />
longuement soustenir le siege ne s’y vouldrent acorder si eut la grant distention tant que les<br />
grans bourgois qui estoient tous d’un lignage se trairent d’une part et distrent tout en hault<br />
que tous ceulx qui estoient de leur accort se traissent d’une part avec [f56r] avec eulx. Il<br />
s’en y tray tant de ceulz qui estoient de leur accort et du lignaige qu’ilz furent bien 2000
(f56 r ) La prise du chastel Haimbont. 99<br />
tous d’un accort. Quant les autres communs virent ce ilz se commencierent durement a<br />
esmouvoir et a crier sur les bourgois disans sur eulx pluseurs laides paroles et vilames et au<br />
derrain leur coururent sus et en tuerent grant foison. Et dont les bourgois s’acorderent a<br />
la paix lors cessa le hustin et couru le commun ouvrir les portes et rendirent la cite au dit<br />
conte et lui firent hommage grans et petiz et le congneurent a seigneur. Aussi fist mesire<br />
Henry de Pennefort et fu retenu de son conseil.<br />
La prise du chastel Haimbont.<br />
A dont entra le conte de Monfort en la cite de Resnes a grant feste et fist son ost tout<br />
quoy logier aux champs. Et fist la paix et l’accort entre les grans bourgois et le commun,<br />
puis establi baillifs, prevostz, eschevins, sergens et tous autres <strong>of</strong>ficiers. Et sejourna en la<br />
cite .iii. jours pour lui reposer et tout son ost aussi et pour avoir avis qu’il feroit. Au quart<br />
jour fist son ost deslogier et eut conseil de traire vers un des plus fors chasteaux et forte ville<br />
sans comparoison de toute Bretaigne que l’en claime Haimbont et siet sur un bon port de<br />
mer et en va le fleuve tout autour par grans fossez. Quant messire Henry de Pennefort vit ce<br />
il ot paour qu’il ne mescheist a messire Olivier de Pennefort son frere qui avoit longuement<br />
este et estoit cappitaine de Haimbont si trait le conte d’une part et lui dist, “Sire, je sui de<br />
vostre conseil si vous doy feaute. Je voy que vous voulez traire devers Haimbont. Sachies<br />
que le chastel et la ville sont si fors qu’ilz ne sont mie a gaingnier si comme vous povez<br />
penser. Vous y pourrez seoir et perdre le temps d’un an aincois que vous le puissies prendre<br />
par force. Mais je vous diray se vous me voulez croire comment vous le pourrez avoir. Il fait<br />
bon ouvrer par engin quant on ne puet avant aler par force. Vous me baillerez s’il vous plaist<br />
jusques a 600 [f56r] hommes d’armes a faire ma voulente et je les m’enray devant vostre<br />
ost par l’espace de .iv. lieues de terre et porteray la baniere de Bretaigne devant moy. J’ay<br />
un frere dedens qui est gouverneur de la ville et du chastel. Tantost qu’il verra la baniere<br />
de Bretaigne, il me recongnoistra et fera ouvrir les portes et je entreray dedens a tout mes<br />
gens et me saisiray de la ville et des portes et prendray mon frere et le vous rendray a vostre<br />
voulente se tantost n’obeist a moy mais que vous me promettez que du corps nul mal ne lui<br />
ferez.” “Par mon chief, ” dist le conte, “ nennil et vous estes bien avisez et vous ameray<br />
mieux que devant a tousjours mais se ainsi faites que je soie sire de Haimbont de la ville et<br />
du chastel.”<br />
Comment la cite de Vennes se rendy.<br />
A dont se party messire Henry de Pennefort de la route du conte de Monfort en sa<br />
compaignie bien 600 armeures de fer et chevauca un jour tout le four et sur le soir il vint a<br />
Haimbont. Quant messire Olivier de Pennefort sceut que messire Henry son frere venoit la,<br />
si en eut grant joie et cuida tout certainement qu’il venist pour lui aidier a garder la ville<br />
si le laissa ens et ses gens d’armes aussi et vint contre lui sur la rue. Si tost que messire<br />
Henry le vit, il s’approucha de lui et le prist disant, “Olivier, vous estes mon prisonnier et<br />
me maz en saisine et possession de ceste ville et du chastel de par monseigneur le conte de<br />
Monfort, qui a present est duc de Bretaigne et lui ay fait hommage et aussi tout le pays<br />
si y obeirez aussi et encore vault mieux que ce soit par amours que par force et vous en<br />
sara monseigneur grant gre.” Tant fu Olivier de Pennefort preschie et amonneste de messire<br />
Henry son frere qu’il s’accorda alui et au conte de Monfort aussi qui entra dedens Haimbont<br />
et fu plus joyeux de ceste prise que de celx 40 chasteaux sont en Bretaigne. Car il y a bonne<br />
ville et grosse et bon port de mer. Si se saisy [f56v] tantost la ville et le fort chastel et mist<br />
ses gens dedens et ses garnisons.<br />
Et puis se trait a tout son ost devant la cite de Vennes et fist tant parler et traittier<br />
aux bourgois et a ceulx de Vannes qu’ilz se rendirent a lui. Et lui firent faulte et hommage<br />
comme a leur seigneur. Il establi en la cite toutes manieres d’<strong>of</strong>ficiers et y sejourna .iii.<br />
jours. Au tiers jour il s’en party et ala assegier un trop fort chastel que on appelle la Roche<br />
Pereou si en estoit chastellain un chevalier et moult gentilz homs que on claimoit messire
100 (f57 r ) L’ommage du conte de Monfort au roy englois<br />
Olivier de Clicon, cousin germain au seigneur de Clicon. Et sejourna par devant a siege fait<br />
plus de .x. jours que onques ne peut trouver voie parquoy il peust le chastel gaingnier si fort<br />
estoit. Et si ne povoit trouver accort au gentil chevalier par quoy il voulsist obeir a lui par<br />
promesses ne par menaces. Si laissa le siege jusque a tant que plus grant povoir lui venroit<br />
et ala assegier un autre chastel jusques a .x. lieues pres de la que on appelloit chastel Aulroy<br />
et en estoit chastellain un moult gentil chevalier que on claimoit monseigneur Gieufroy de<br />
Malestret et avoit a compaignon monseigneur Yvon de Treviguidi. Le dit conte fist assaillir<br />
deux fois au dit chastel mais il vit bien qu’il y pourroit plus perdre que gaingnier si s’acorda<br />
a une treve et au jour de parlement par le pourchas monseigneur Henry de Leon qui adont<br />
estoit avec lui. Le parlement se porta si bien que au derrain ilz furent bons aims et firent<br />
les deux chevaliers feaute au dit conte et demourerent gardiens dicellui chastel et de cellui<br />
pays de par le dit conte.<br />
Atant se parti le conte de la et mena son ost par devant un autre fort chastel assez pres<br />
de la que on claime Goy la Forest. Cil qui chastellain en estoit vit que le dit conte avoit<br />
grant ost et que tout le pays se rendoit a lui si que par le conseil Henry de Leon. Avec il<br />
avoit este grant compaignon en Grenade, en Prusse et en pluseurs autres contrees, il fist<br />
feaute au dit conte et de par lui demoura [f56v] gardien du chastel. Tantost apres ce le<br />
conte s’en ala a Carahez, bonne ville et fort chastel et avoit dedens .i.evesque qui sire en<br />
estoit. Lequel estoit oncle au dit monseigneur Henry de Leon si que par l’amour dicelui<br />
monseigneur Henry il reconquist le dit conte a seigneur jusques a dont qui autre venroit<br />
avant qui plus grant droit moustreroit a avoir la duchie.<br />
L’ommage du conte de Monfort au roy englois<br />
P ourquoy vous feroie long compte? En telle maniere conquist le dit conte de Monfort<br />
tout ce pays que vous avez oy et se fist appeller par tout duc de Bretaigne. Puis s’en ala a<br />
un port de mer que l’en appelle Gredo et departy toutes ses gens si les envoia par ses citez<br />
et forteresces pour les aidier a garder. Puis vint en Cornuaille et arriva a un port que on dit<br />
Cepsee. Si enquist la du roy englois ou il le trouverroit. Si lui fu dit que le plus du temps il<br />
se tenoit a Windesore dont chevauca celle part a toute sa route et fist tant par ses journees<br />
qu’il vint a Vindesore ou il fu receuz a grant joye du roy de madame la royne et de tous<br />
les barons qui la estoient et fu grandement festoie et honnore quant on sceut pourquoy il<br />
estoit la venuz. Premierement il remoustra au roy englois et a monseigneur Robert d’Artois<br />
et a tout le conseil du roy ses besoingnes et dist comment il s’estoit mis en saisine et en<br />
possession de la duchie de Bretaigne qui escheue lui estoit par la succession du duc son frere<br />
qui derrenierement estoit trespasse. Or faisoit il doubte que messire Charles de Bloys ne<br />
lui empeschast et le roy de France ne lui voulsist roster par puissance pourquoy il s’estoit<br />
la trais pour relever la dicte duchie et tenir en foy et en hommage du roy d’Engleterre a<br />
tousiours mais et il l’en feist seur contre le roy de France et contre tous autres qui empeschier<br />
le vouldroient.<br />
A ces paroles entendy voulentiers le roy englois car il ymagina que sa guerre au roy de<br />
France en seroit embellie et qu’il ne povoit avoir [f57r] plus belle entree ou royaume de<br />
France ne plus prouffitable que par Bretaigne. Et que de tant qu’il avoit guerroie par les<br />
Alemans et par les Brebancons, il n’avoit riens fait fors despendre grossement et l’avoient<br />
mene et demene les seigneurs de l’Empire qui avoient prins son or et son argent ainsi qu’ilz<br />
avoient voulu et si n’avoit riens fait. Si descendy a la requeste du conte de Monfort liement<br />
et prist l’ommage de la dicte duchie de la main du conte qui s’en tenoit et appelloit duc. Et<br />
la lui eut le roy Englois encouvent present les barons et chevaliers qui d’Engleterre estoient<br />
et qu’il avoit la amenez de Bretaigne qu’il lui aideroit defenderoit et garderoit comme son<br />
homme contre tous hommes fust roy de France ou autre selon son loyal povoir de ces paroles<br />
et de ces hommages furent escriptes lettres et seellees dont chascune des parties eut les<br />
coppies. Avec tout ce le roy et madame la royne donnerent au conte de Monfort et a ses<br />
gens grans dons et beaux joyaux. Car bien le savoient faire et tant qu’ilz en furent tous<br />
contens et qu’ilz distrent que c’estoit un noble roy et vaillant et une noble royne et qu’ilz
(f57 r ) de monseigneur Charles de Bloys qui devoit avoir la duchie ... 101<br />
estoient bien taillies de regner encore en grant prosperite.<br />
Apres toutes ces choses faites et acomplies le conte de Monfort prist congie et se party<br />
d’eulx et passa Engleterre et rentra en mer a ce meisme port ou il estoit arrivez et naga<br />
tant qu’il vint a Gredo en la Basse Bretaigne. Puis vint en la cite de Nantes ou il trouva la<br />
contesse sa femme. A qui il recorda comment il avoit exploitie de ce fu elle toute joyeuse et<br />
lui dist qu’il avoit tresbien aouvre et par bon conseil. Si me tairay .i. petit d’eulx et parleray<br />
de monseigneur Charles de Bloys qui devoit avoir la duchie de Bretaigne. Comment<br />
il fust adjourner le conte de Monfort a Paris en parlement.<br />
Q uant messire Charles de Blois, qui tenoit a avoir a femme le droit hoir de Bretaigne,<br />
entendy que messire Jehan conte de Monfort conquerroit ainsi le pays et les forteresces par<br />
force qui devoient estre siennes par droit et par raison, il s’en vint [f57r] complaindre a<br />
Paris a son oncle le roy Phelippe lequel ot conseil a ses .xii. pers quele chose il en feroit.<br />
Ses .xii. pers lui conseillierent qu’il appartenoit bien que le dit conte de Monfort fust made<br />
et adjourne par souffisans messages a estre un certain jour a Paris pour oir ce qu’il en<br />
vouldroit respondre. Ainsi fu fait le dit conte fu mande et adjourne souffisant et fu trouve<br />
en la ville de Nantes grant feste demenant il fist grant chiere et grant feste aux messages mais<br />
il eut pluseurs diverses pensees aincois qu’il ottroiast la voie d’aler au mandement du roy a<br />
Paris. Touteffois au derrain il leur respondy qu’il vouloit estre obeissant au roy et qu’il yroit<br />
voulentiers a son mandement si s’appareilla grandement et richement et se party de Nantes<br />
en grant arroy et bien acompaignie de chevaliers et d’escuiers et fist tant par ses journees<br />
qu’il entra en Paris a plus de 400 chevaux et se trait aux hostelz moult ordonneement et fu<br />
la tout le jour et la nuit aussi. L’endemain a heure de tierce il monta a cheval, chevaliers<br />
et escuiers grant foison avec lui et chevauca vers le palais. La le attendoit le roy Phelippe<br />
et tous les .xii. pers et grant foison des barons de France avec monseigneur Charles de<br />
Bloys. Quant le conte de Monfort sceut quelle part il trouveroit le roy et les barons il se<br />
trait en une chambre ou ilz estoient tous assemblez si fu moult durement regardez et saluez<br />
des barons. Puis s’en vint encliner le roy humblement et lui dist, “Sire je suis cy venuz a<br />
vostre mandement et a vostre plaisir.” Le roy respondy, “Conte de Montfort de ce vous scay<br />
je bon gre mais je me merveille durement pourquoy ne comment vous avez ose entreprendre<br />
de vostre voulente la duchie de Bretaigne ou vous n’avez nul droit car il y a plus proisme<br />
de vous qui vous en voulez desheriter. Et pour mieux vous enforcier vous estes alez a mon<br />
adversaire le roy d’Engleterre et l’avez de lui releve ainsi que on ma dit.” Le conte dist,<br />
“Haa. Sire ne le crees pas car vraiement vous este de ce mal enforme, je le feroit moult enviz<br />
mais de la proismete dont vous me parlez [f57v] m’est il aviz chier sire que sauve la grace de<br />
vous que vous mesprenez. Car je ne scay nul si prouchain du duc mon frere derrenierement<br />
mort que moy. Et se jugie et declaire estoit par droit que autre y fust plus proisme de moy,<br />
je ne seroie ja robelle ne honteux de deporter.” Lors dist le roy, “Sire conte, vous en dictes<br />
assez mais je vous commande sur quanque vous tenez de moy et que tenir en devez que vous<br />
ne departez de la cite de Paris jusques a .xv. jours que les barons et les pers jugeront de<br />
celle proismete si sarez adont quel droit vous y avez. Et se vous le faites autrement certes<br />
vous me courroucerez.” Le conte dist, “Sire a vostre voulente.”<br />
Atant se party du roy et vint a son hostel pour disner. Quant il fu venuz en son hostel<br />
il entra en sa chambre et commenca a penser que s’il attendoit le jugement des .xii. pers<br />
que le jugement pourroit bien tourner contre lui. Car bien lui sembloit que le roy feroit plus<br />
voulentiers partie pour monseigneur Charles de Blois son nepueu que pour lui. Et veoit bien<br />
que s’il avoit jugement contre lui que le roy le feroit arrester jusques a tant qu’il aroit tout<br />
rendu citez villes et chasteaux dont ores tenoit la saisine et possession et avec ce tout le<br />
tresor qu’il avoit trouve et despendu. Si lui fu aviz pour le moins mauvais qu’il valoit mieux<br />
qu’il courroucast le roy et s’en ralast paysiblement pardevers Bretaigne que demorer a Paris<br />
en dangier de si perilleuse aventure. Ainsi qu’il pensa il le fist. Si monta tant bellement et<br />
couvertement et se parti a si pou de compaignie qu’il fu aincois en Bretaigne revenuz que<br />
le roy ne autre fors ceulz de son conseil sceussent riens de son departement ains pensoit
102 (f58 r ) de monseigneur Charles de Bloys qui devoit avoir la duchie ...<br />
chascun qu’il fust deshaitie a son hostel. Quant il fu venus delez la contesse sa femme qui<br />
estoit a Nantes il lui compta son aventure. Puis ala par le conseil sa femme qui avoit bien<br />
cuer d’omme et de lyon par toutes les citez les villes les chasteaux qui estoient a lui renduz et<br />
establi par tout bons cappitaines et si grant plente de soudoiers a pie et a [f57v] cheval qu’il<br />
y couvenoit et grans pourveances de vivres a l’avenant et paia si bien tous ses soudoiers que<br />
chascun le servoit voulentiers. Quant il eut tout ordonne ainsi qu’il appartenoit il s’en revint<br />
a Nantes delez madame sa femme et delez les bourgois de la cite qui durement l’amoient<br />
par semblant pour les grans courtoisies qu’il leur faisoit.<br />
C hascun doit savoir que le roy de France fu durement courroucie aussi fu messire<br />
Charles de Bloys quant ilz sceurent que le conte de Monfort leur fu ainsi eschappe. Toutesuoies<br />
ilz attendirent jusque a la .xv. que les barons de France adjugierent du tout la duchie<br />
de Bretaigne a messire Charles de Bloys et en osterent le conte de Monfort par .iii. raisons.<br />
La premiere pour tant que la dame femme a monseigneur Charles de Blois qui estoit fille au<br />
frere germain du duc qui mort estoit de parle pere dont la duchie venoit estoit plus proisme<br />
que le conte de Monfort qui estoit d’un autre pere qui onques n’avoit este duc de Bretaigne.<br />
L’autre raison si estoit que s’il fust ainsi que le conte de Monfort y eust aucun droit si l’avoit<br />
il fourfait pour .ii. raisons. L’une pour tant qu’il l’avoit releve d’autre seigneur que du roy<br />
de France de qui on le devoit tenir en fief. L’autre raison pour tant qu’il avoit forpasse le<br />
commandement du roy de France son seigneur et brisie son arrest et sa person et s’en estoit<br />
partiz sans congie.<br />
Quant ce jugement fu rendu par plaine science de tous les barons le roy appella monseigneur<br />
Charles de Blois, “Beau nepueu, vous avez jugement pour vous de bel heritage<br />
et grant. Or vous hastez et penez de conquerre sur cellui qui le tient a tort et priez tous<br />
voz amis qu’ilz vous vueillent aidier a ce besoing. Et je ne vous y faudray mie. Ains vous<br />
presteray or et argent assez et diray a mon filz le duc de Normandie qu’il se face chief avec<br />
vous. Et vous pry et mande que vous hastez, car se le roy Englois nostre adversaire, de qui le<br />
conte de Monfort a releve la duchie de Bretaigne, [f58r] y venoit il nous pourroit durement<br />
porter grant dommange et pourroit avoir plus belle entree de venir pardeca meismement<br />
quant il aroit le pays et les forteresces de Bretaigne a son accort.” Adont messire Charles<br />
de Blois enclina a son oncle en merciant durement de ce qu’il disoit et promettoit. Si para<br />
tantost la endroit le duc de Normandie son cousin, le conte d’Alencon son oncle, le duc de<br />
Bourgoingne, le conte de Blois son frere, le duc de Bourbon, monseigneur Loys d’Espaigne,<br />
monseigneur Jaques de Bourbon, le conte d’Eu connestable de France et le conte de Guines<br />
son filz, le viconte de Rohan et en apres tous les contes, les princes et les barons qui la<br />
estoient qui tous lui eurent encouvent qu’ilz yroient voulentiers avec lui et avec le duc de<br />
Normandie leur seigneur chascun a tout tant de gens et de compaignie qu’il pourroit avoir.<br />
Puis se departirent tous ces princes et ces barons pour eulx appareillier et faire pourveances<br />
ainsi qu’il leur besoingnoit pour aler en si loingtain pays et en si diverses marches. Et bien<br />
pensoient qu’ilz ne pourroient avenir a leur entente sans avoir grans contraires.<br />
Q uant tous ces seigneurs, le duc de Normandie, le conte d’Alencon, le duc de Bourgoingne,<br />
le duc de Bourbon et les autres seigneurs, barons et chevaliers qui devoient aler avec<br />
monseigneur Charles de Blois pour lui aidier a reconquerre la duchie de Bretaigne, ainsi que<br />
vous avez oy, furent prestz et leurs gens appareillies, ilz se partirent de Paris les aucuns et<br />
les aucuns de leurs lieux et son alerent les uns apres les autres. Et se assemblerent en la<br />
cite d’Angiers puis s’en alerent jusques Auchain, qui est la fin du royaume a ce coste de la.<br />
Et sejournerent la endroit .iii. jours pour mieux ordonner leur conroy et leur charroy. Puis<br />
yssirent hors pour entrer ou pays de Bretaigne. Quant ilz furent aux champs, ilz considererent<br />
leur povoir et estimerent leur ost a 6000 armeures de fer sans les Genevois qui estoient<br />
la 3000, sicomme jay oy recorder, et les conduisoient .ii. chevaliers de Jennes [f58r] si avoit<br />
nom l’un messire Othes Dorue et l’autre messire Charles Germaux. Et si avoit grant plente<br />
de bidaus et d’arbalestiers que conduisoit messire le Gallois de la Baume.<br />
Quant toutes ces gens furent yssuz de Auchein, ilz se trairent pardevers un tresfort<br />
chastel seant sur une montaigne par dessus une riviere si l’appellon Chastouseal et est la<br />
clef et l’entree de Bretaigne et estoit bien garniz et bien fourniz de gens d’armes ouquel il
(f58 v ) de monseigneur Charles de Bloys qui devoit avoir la duchie ... 103<br />
avoit .ii. moult vaillains chevaliers qui en estoient cappitaines dont l’un avoit nom messire<br />
Mille et l’autre messire Waleran et estoit de Lorraine. Quant le duc de Normandie et les<br />
autres seigneurs que vous avez oy nommer virent le chastel si fort ilz eurent conseil qu’ilz<br />
l’assegeroient. Car s’ilz passoient avant et laissoient une telle garnison derriere eulx, ce leur<br />
pourroit tourner a grant dommage et ennuy. Si l’assegierent tout autour et y firent pluseurs<br />
assauls et meismes les Genevois qui s’abandonnoient durement et folement pour eulx mieux<br />
moustrer a ce commencement si qu’ilz y pardirent de leurs compaignons par pluseurs fois<br />
car ceulx du chastel se defendirent durement et sagement. Si que les seigneurs demourerent<br />
grant piece devant ains qu’ilz le peussent avoir mais au derrain ilz firent si grant atrait de<br />
merriens et de velourdes et les firent mener par force de gens jusques aux fossez du chastel.<br />
Puis firent assaillir trefforment si que tout en assaillant ilz firent emplir ces fossez de ces<br />
merriens et de velourdes tant que on povoit bien qui vouloit et qui estoit couvert aler jusques<br />
aux murs du chastel, combien que ceulx du chastel se defendissent si bien et si vassaument<br />
que on ne pourroit mieux deviser tant comme de traire de getter pierres chaus et feu ardant<br />
a grant foison. Et ceulx de hors avoient fais chas et instrumens par quoy on despecoit les<br />
murs tous couvers. Que vous en feroie long compte? Ceulx du chastel virent bien qu’ilz<br />
n’avoient point de secours et ne pourroient longuement [f58v] longuement tenir puis que on<br />
pertuisoit leurs murs. Et si s’avoient bien qu’ilz ne aroient point de mercy s’ilz estoient pris<br />
par force si orent conseil entr’eulx qu’ilz se rendroient saves leur vie et membres, sicomme<br />
ilz firent et les prindrent a mercy les seigneurs si sembloit aux francois bon commencement<br />
de leur emprise.<br />
Q uant le duc de Normandie et les autres seigneurs eurent conquiz Castoudiaux,<br />
sicomme vous avez oy, le duc de Normandie qui estoit souverain de tous le livra tantost<br />
a monseigneur Charles de Blois comme sien. Et il mist dedens .i. bon chastellain et grant<br />
foison de gens d’armes pour garder l’entree du pays et pour conduire ceulx qui venroient<br />
apres eulx. Puis se deslogierent les seigneurs et se trairent pardevers Nantes la ou ilz tenoient<br />
que le conte de Monfort leur ennemy estoit. Si avint que les mareschaux de l’ost et les courreurs<br />
trouverent entre voies une bonne ville et grosse bien fermee de fossez et de palliz si<br />
l’assaillirent forment ceulz dedens estoient pou de gens et petitement armez si qu’ilz ne se<br />
peurent defendre contre les assaillans meismes contre les arbalestiers des Genevois. Si fu la<br />
ville tantost gaingnee toute robee et bien a moitie arse et tous les gens miz a l’espee dont ce<br />
fu pitie et appellon la ville Quarquefoure et siet a .iv. lieues ou a .v. pres de Nantes. Les<br />
seigneurs se logierent celle nuit la entour.<br />
L’endemain se trairent pardevers la cite de Nantes et l’assegierent tout entour et firent<br />
tendre tentes et pavillons si ordonneement que vous savez que Francois sceuent bien faire.<br />
Et ceulz qui estoient dedens la cite pour la garder dont il y avoit grant foison de gens<br />
d’armes avec les bourgois s’alerent armer et se tindrent cellui jour chascun a sa defense<br />
sicomme ordonne estoit. Ce jour entendirent ceulz de l’ost a eulx logier et aler fourer et<br />
aucuns bidaux et genevois alerent pres des vailles pour escarmuchier et paleter. Et aucuns<br />
soudoiers et joennes bourgois yssirent hors contre eulx si qu’il y eut [f58v] trait et lancie et<br />
de mors et de navrez d’un coste et d’autre sicomme il a souvent en telles besoingnes. Ainsi<br />
eut la des escarmuches par .ii. ou .iii. fois tant que l’ost demoura la.<br />
Au derrain aucuns soudoiers de la cite et des bourgois yssirent hors a une matinee<br />
a l’aventure et trouverent jusques a .xv. chars chargies de vivres et de pourveances qui<br />
aloient vers l’ost et gens qui les conduisoient environ 60 et ceulx de la cite estoient bien 200<br />
si leur coururent sus et les desconfirent et en tuerent aucuns et firent les chars charier devers<br />
la cite le cry en vint jusques en l’ost. Si s’ala chascun armer au plus tost qu’il peut et couru<br />
chascun apres les chars pour rescourre la proie et les raconsuirent assez pres des bailles de<br />
la cite la multiplia tresdurement le hustin. Car ceulx de l’ost y vindrent a si grant foison<br />
que les soudoiers ne peurent souffrir le fez. Touteffois ilz firent desteler les chevaux et les<br />
chacierent dedens la porte afin que s’il avoient que ceulx de l’ost obtenissent la place qu’ilz<br />
ne peussent ramener les chars ne les pourveances si durement. Quant les soudoiers de la<br />
cite virent le hustin et que leurs compaignons avoient trop grant fez, aucuns yssirent hors<br />
pour eulx aidier et autres bourgois pour aidier leurs parens. Ainsi multiplia tres durement
104 (f59 v ) de monseigneur Charles de Bloys qui devoit avoir la duchie ...<br />
le hustin et y eut tout plain de mors et de navrez d’un coste et d’autre et grant foison de<br />
bien defendans et de assaillans. Et dura ce hustin longuement car toudiz croissoit la force<br />
de ceulx de l’ost et survenoient toudiz nouvelles gens.<br />
Tant avint que au derrain messire Henry de Leon, qui estoit l’un des maistres conseillies<br />
du conte de Monfort et aussi de toute la cite et qui moult bien s’estoit maintenuz et moult<br />
avoit reconforte ses gens, quant il vit qu’il estoit point de retraire et qu’ilz povoient plus<br />
perdre au demourer que gaingnier, il fist ses gens retraire au mieux qu’il peut si leur avint<br />
qu’ilz furent si pres suivis au retraire qu’il y eut grant foison de mors [f59r] et de pris bien<br />
200 ou plus des bourgois de la cite dont leurs peres, leurs freres et leurs amis furent moult<br />
courroucies. Et aussi fu le conte de Monfort qui en blama durement monseigneur Henry par<br />
courroux de ce qu’il les avoit si tost fait retraire et lui sembloit que par le retraire ses gens<br />
estoient perduz. Dequoy messire Henry fu durement melancolieux et ne voult onques puis<br />
venir au conseil du conte se petit non dont les gens furent moult esmerveillies.<br />
O r avint ainsi que j’ay oy recorder que aucuns des bourgois de la cite qui veoient leurs<br />
biens destruire dedens la cite et de hors et avoient leurs enfans et leurs amis en prison et<br />
doubtoient encores pis avenir. Se aviserent et parlerent ensemble tant qu’ilz eurent accort<br />
de traittier a ces seigneurs de France couvertement parquoy ilz peussent avoir paix et ravoir<br />
leurs enfans et leurs amiz quittes et delivres. Si traittierent tant cotement qui accorde fu<br />
qu’ilz raroient les prisonniers tous quittes et ilz devoient livrer l’une des portes ouverte pour<br />
les seigneurs entrer en la cite et pour aler prendre le conte de Monfort dedens le chastel sans<br />
riens forfaire ailleurs en la cite ne a corps ne a biens. Ainsi entrerent les seigneurs et ceulz<br />
qu’ilz voudrent avoir avec eulx a une matinee en la cite de Nantes et alerent droit au chastel<br />
s’y brisierent les huis et prindrent le conte de Monfort et le menerent hors de la cite a leurs<br />
tentes si paisiblement qu’ilz ne forfirent riens ne a corps ne a biens de la cite. Et disoient<br />
aucunes gens que ce fu fait assez de l’accort messire Henry de Leon. Et fu en l’an de grace<br />
1341 entour la feste de Toussains.<br />
Apres ce les seigneurs entrerent en la cite tous desarmez a moult grant feste et firent les<br />
bourgois et tous ceulx du pays entour feaute et hommage a monseigneur Charles de Blois<br />
comme a leur droit seigneur. Si demourerent les seigneurs en la cite par l’espace de .iii. jours<br />
a grant feste pour eulx aisier et pour avoir conseil entr’eulz qu’ilz pourroient fiare de lors<br />
en avant. Sy s’accorderent a ce pour le meilleur qu’ilz [f59r] s’en retourneroient pardevers<br />
France et pardevers le roy et lui livreroient le conte de Monfort pour prisonnier. Car ilz<br />
avoient grandement exploitie ce leur sembloit et par tant aussi qu’ilz povoient bonnement<br />
plus avant ostrier ne guerroier pour l’iver temps qui entrez estoit fors que par garnisons et<br />
forteresces ce leur sembloit. Si conseillierent a monseigneur Charles de Blois qu’il se tenist<br />
en la cite de Nantes et la entour jusques au nouvel temps d’este et feist ce qu’il peust par<br />
soudoiers et par ses forteresces qu’il avoit reconquises. Puis se partirent tous les seigneurs<br />
sur ce propos et firent tant par leurs journees qu’ilz revindrent a Paris la ou le roy estoit.<br />
Si lui livrerent le conte de Monfort pour prisonnier. Le roy le recut a grant joie et le fist<br />
emprisonner en la tour du Louvre delez Paris la ou il demoura longuement et au derrain il<br />
y mouru.<br />
O r vueil je retourner a la contesse de Monfort qui bien avoit courage d’omme et cuer<br />
de lion. Elle estoit en la cite de Rennes quant elle entendy que son seigneur fu pris en la<br />
maniere que vous avez oy. Se elle en fu dolente se puet chascun penser car elle pensa mieux<br />
que on deust mettre a mort son seigneur que en prison. Et comment qu’elle eust grant dueil<br />
au cuer si ne fist elle mie comme femme desconfortee mais comme homme fier et hardy<br />
en reconfortant vaillemment tous ses amis et ses soudoiers et leur moustroit .i. petit filz<br />
qu’elle avoit qui avoit nom Jehan ainsi comme son pere et disoit, “Haa, seigneurs ne vous<br />
desconfortez mie ne esbahissies pour monseigneur que nous avons perdu qui n’estoit que<br />
unseul homme veez cy mon petit enfant qui sera s’il plaist a Dieu son restorier et qui vous<br />
fera des biens assez. Et j’ay delavoir a plente si vous en donray assez et vous pourchaceray<br />
tel cappitaine et tel maimbour par qui vous serez tous reconfortez.”<br />
Quant la dessus dicte contesse eut ainsi reconforte ses amis et ses soudoiers qui estoient<br />
a Rennes elle [f59v] a la par toutes ses bonnes villes et ses forteresses et menoit son joenne
(f59 v ) du roy d’Engleterre. Et des choses qui lui avindrent apres... 105<br />
filz avec lui et les sermonnoit et reconfortoit si comme elle avoit fait ceulx de Rennes et<br />
renforcoit les garnisons de gens et de quanqu’il failloit et paia largement par tout et donna<br />
assez d’abondance, la ou elle pensoit que bien emploie estoit. Puis vint a Haimbont sur<br />
la mer, qui est forte ville et grosse et fort chastel. La se tint elle et son filz avec lui tout<br />
cel yuer. Souvent envoient elle visiter ses garnisons et reconfortoit ses gens et paioit moult<br />
largement leurs gaiges. Si me tairay atant de ceste matiere et diray<br />
du roy d’Engleterre. Et des choses qui lui avindrent apres le departement du<br />
siege de Tournay. Et comment il entra la tierce fois au royaume d’Escoce.<br />
T ous avez cy dessus oy recorder comment le siege durant devant Tournay les seigneurs<br />
d’Escoce avoient reprises pluseurs villes et forteresces sur les Englois qu’ilz tenoient en<br />
Escoce et par especial Haindebourc qui plus les avoit heries et couruz que nul des autres par<br />
la subtilite monseigneur Guillaume de Douglas. Et encores estoient Struvelin qui siet a 20<br />
lieues de Haindebourc englois, la cite de Bervich et Rosebourc et plus n’en y avoit demourez<br />
que tous ne fussent reconquiz et seoient les dis Escos a siege fait et aucuns seigneurs de<br />
France avec eulx que le roy Phelippe y avoit envoiez pour parfaire leur guerre devant le dit<br />
chastel de Struvelin et l’avoient tellement constrains que les Englois qui dedens estoient ne<br />
le povoient longuement tenir. Dont il avint que quant le roy englois se fu party de siege de<br />
Tournay et retournez en son pays, il fu enforme des Escos comment il avoient chevaucie et<br />
reconquiz les villes et les chasteaux d’Escoce qui de jadis lui avoient tant couste a prendre.<br />
Si se mist en chemin devers Escoce a la Saint Michiel et fist un tresgrant mandement que<br />
toutes gens d’armes et [f59v] archiers le suivissent et venissent a lui vers Evruich dont<br />
s’esmeurent toutes manieres de gens parmy Engleterre et meismes le roy tout devant vint<br />
a Evruich et la s’arresta en surattendant ses gens qui venoient efforciement de toutes pars.<br />
Les seigneurs d’Escoce qui furent enformez de la venue du roy englois qui venoit sur eulz et<br />
qui le dit chastel de Struvelin avoient assiz si hasterent tellement et constraindrent ceulz de<br />
la dicte garnison par assaulx d’engins et de canons que par force il les couvint rendre aux<br />
Escos et delivrerent la forteresce par telle maniere qu’ilz s’en partoient sauves leurs corps et<br />
leurs membres mais riens du leur n’emportoient.<br />
Ces nouvelles vindrent au roy englois a Evruich et il se parti de la et se trait vers<br />
Duremme et passa oultre et vint au Nuef Chastel sur Thim. Et se logierent ses gens en<br />
la dicte ville ou es villes d’environ et la sejournerent plus d’un mois en attendant leurs<br />
pourveances que on avoit miz sur mer et qui leur devoient venir mais petit leur en vindrent.<br />
Car leurs vaisseaux eurent si grant fortune sur mer entre la Toussains et la Saint Andry que<br />
pluseurs de leurs nefs furent peries et en alerent arriver par vent contraire voulsissent ou<br />
non en Hollande et en Frise. Dont les Englois qui se tenoient a Nuef Chastel et la environ<br />
eurent moult disettes et de chier temps et ne povoient aler avant. Car se ilz fussent passez<br />
ilz ne sceussent ou fourer ne recouvrer de vivres car l’iver estoit entrez et si avoient les Escos<br />
tous leurs biens bles et avoines miz et voutez en leurs forteresses. Et si avoit le roy englois<br />
grans gens avec lui bien 6000 hommes a cheval et 40000 a pie. Les seigneurs d’Escoce qui<br />
s’estoient retrais vers la forest de Gedeours apres la prise de Struvelin entendirent que le<br />
roy d’Engleterre sejournoit a Nuefchastel sur Thim a grans gens encouragies moult d’exillier<br />
leur pays ainsi qu’il avoit fait autre fois. Si eurent grant deliberation ensemble comment ilz<br />
se maintenroient [f60r] car ilz estoient pou de gens et avoient longuement guerroie et plus<br />
de .vii. ans sans seigneur et nuit et jour aux champs et es forestz a grant mesaise. Et encore<br />
n’avoient il point le roy leur seigneur si en estoient tous ennuies. Si s’accorderent d’envoier<br />
devers le roy englois .i. abbe pour requerre aucunes treves. Lesquelz messages se partirent<br />
des escos et chevau cierent tant qu’ilz vindrent a Nuefchastel sur Thim et trouverent la le roy<br />
englois a grant baronnie entour lui. Ces deux prelas d’Escoce qui la avoient este envoiez sur<br />
saufconduit se trairent devers le roy englois et son conseil et remoustrerent leur besoingne si<br />
sagement que une treve fu accordee a durer .iv. mois tant seulement par telle condition que<br />
ceulx d’Escoce devoient envoier en France apres le roy David d’Escoce messages souffisans<br />
et lui signifieroient que s’il ne venoit dedens le may ensuiant si puissaument qui pour resister
106 (f60 v ) Comment le roy David d’Escoce entra a ost en Engleterre.<br />
aux Englois et defendre son pays, ilz se rendroient au roy englois ne jamais ne le tenroient<br />
a seigneur. Ceste chose plus bien aux Escos et tantost ordonnerent gens pour envoier en<br />
France monseigneur Robert de Versi et monseigneur Simon Fresiel et .ii. autres chevaliers.<br />
Le roy Englois qui a grant malaise sejournoit a Nuefchastel et aussi toutes ses gens par<br />
deffaute de vivres et pour ce s’estoit plus pres pris d’accorder a la treve, se parti de la et<br />
retourna arriere en Engleterre et donna congie a tous ses gens.<br />
Or avint que le roy David d’Escoce qui plus de .vii. ans avoit demoure en France et<br />
savoit que ses gens estoient en grant meschief prist congie du roy Phelippe pour ses gens visiter<br />
et reconforter et se mist a voie entre lui et la royne sa femme. Aincois que les messages<br />
d’Escoce fussent a lui parvenus lesquelx passerent la mer a Douvers. Et le roy s’estoit miz<br />
en mer a un autre port en la gouvernance d’un marinier que on appelloit messire Richart<br />
le Flament si qu’il arriva au port de Morois en Escoce. Aincois que ces seigneurs d’Escoce<br />
[f60r] le sceussent. Et quant ilz le sceurent, ilz en eurent grant joie si s’esmeurent tous et<br />
vindrent a grant feste la ou il estoit et le amenerent a grant solempnite en la cite de Saint<br />
Jehan en Escoce ou l’en prent le bon saumon.<br />
Comment le roy David d’Escoce entra a ost en Engleterre.<br />
Q uant le joenne roy David d’Escoce et madame la royne furent venuz en la dicte<br />
cite, on le sceut tantost parmy le pays. Si vindrent la gens de toutes pars pour lui veoir et<br />
festoier, car ilz ne l’avoient veu grant temps avoit chascun doit savoir que on lui fist grant<br />
feste. Quant toutes ces feste et ces bien venues furent passees, chascun lui ala remoustrer et<br />
complaindre ses dommages et mescheances au mieux qu’il peut et toute la destruction que<br />
le roy Edouart et les Englois avoient fait en son pays. Dont le joenne roy David eut grant<br />
pitie et la royne qui en ploura assez. Lors dist le roy qu’il s’en vengeroit ou il perdroit le<br />
remenant ou il mouroit en la paine. Puis eut conseil tel qu’il envoia grans messages par tous<br />
ses amis pres et loings en priant et requerant humblement que chascun fust appareillie pour<br />
lui aidier a tel besoing. A ce mandement vint le conte d’Orkenay un grant prince et puissant<br />
et avoit a femme la suer du roy. Cil y vint a grant puissance de gens d’armes et pluseurs<br />
barons et chevaliers de Souede, de Nomegue et de Denvemarche. Les uns par amours et<br />
les autres par soudees. Quant tous furent venuz entour la cite Saint Jehan en Escoce au<br />
jour que le roy les avoit mandez ilz furent 60000 hommes a pie et sur haguenees et bien<br />
3000 armeures de fer, chevaliers et escuiers parmy les seigneurs et ceulx du pays d’Escoce.<br />
Adont s’esmeurent pour aler exillier ce qu’ilz pourroient ou royaume d’Engleterre car les<br />
.iv. mois de la treve estoient acomplis. Ou ilz disoient qu’ilz se combateroient au roy qui<br />
tant d’ennuy leur avoit fait. Moult ordonneement se vindrent logier la premiere journee a<br />
Donfremelin et l’endemain passerent un petit bras de mer. [f60v] Puis cheminerent a grant<br />
exploit et passerent dessoubz Haindebourc et apres toute l’Escoce et par delez le fort chastel<br />
de Rosebourc qui se tenoit Englois mais point n’y assaillirent. Car point ne vouloient faire<br />
blecier leurs gens et alouer leur artillerie car ilz ne savoient quel besoing ilz en aroient pour<br />
tant qu’ilz esperoient a faire un grant fait ains leur retour. Apres passerent ilz assez pres de<br />
la cite de Bervich, dont messire Edouart de Bailloel estoit souverain et cheminerent oultre<br />
sans assaillir. Si entrerent ou royaume de Norhombrelande et vindrent sur la riviere de Thim<br />
ardant tout le pays et firent tant par leurs journees qu’ilz vindrent devant Nuefchastel qui<br />
siet sur la riviere de Thim. La se loga le roy David et tout son ost celle nuit pour veoir<br />
s’il y pourroit riens exploitier. A la matinee au point du jour, aucuns compaignons gentilz<br />
hommes de la environ qui estoient en la ville se partirent paisiblement par une des portes<br />
pour emouvoir l’ost et estoient plus de 200 hardiz et entreprenans. Puis se ferirent en l’un<br />
des costez de l’ost droit aux logeis du conte de Moret qui s’armoit d’argent a .iii. orillons<br />
de gueules. Si le trouverent en son lit et le prindrent et tuerent grant plente de ses gens<br />
aincois que l’ost fust esveillies et gaingnierent grant plente d’avoir. Puis retournerent en la<br />
ville baudement et a grant joie et livrerent le conte de Moret au chastellain monseigneur<br />
Jehan de Neufville qui en fist grant feste. Quant ceulx de l’ost furent estoumiz et armez et<br />
ilz sceurent l’aventure, ilz coururent comme tous forsenez jusques aux bailles de la ville et
(f60 v ) Comment le roy David d’Escoce entra a ost en Engleterre. 107<br />
firent un grant assaut qui dura longuement mais petit leur valu. Ains perdirent assez de<br />
leurs gens car en la ville avoit grant foison de bonnes gens d’armes qui bien et sagement se<br />
defendirent.<br />
L e roy David et son conseil virent bien que le demourer la endroit [f60v] ne leur<br />
povoit porter nul prouffit ne honneur ilz se partirent de la et entrerent ou pays de l’eveschie<br />
de Durem si l’ardirent et gasterent tout. Puis se trairent par devant la cite de Durem et<br />
l’assegierent et y furent pluseurs grans assauls comme gens forfenez pour tant qu’ilz avoient<br />
perdu le conte de Moret et ilz savoient bien qu’il avoit en la cite grant avoir assemble car<br />
tout le pays d’entour y estoit afuiz si se penoient d’assaillir chascun jour plus aigrement et<br />
faisoit le dit roy d’Escoce faire instrumens et engins pour venir assaillir jusques aux murs.<br />
Quant ilz se furent departiz de devant Nuefchastel messire Jehan le chastellain s’en party<br />
de nuit monte sur fleur de coursier et esloingna les Escos. Car il savoit les adresces et les<br />
refuites du pays pour ce qu’il en estoit et fist tant que dedens .v. jours il vint a Chartesce<br />
ou le roy englois estoit adont et lui remoustra comment le roy d’Escoce a grant puissance<br />
estoit entrez en son pays et destruisoit tout devant lui et l’avoit laissie devant la cite de<br />
Durem.<br />
De ces nouvelles fu le roy englois courroucies si mist tantost messages en oeuvre et les<br />
envoia par tout et manda a tous ses gens, chevaliers et escuiers et autres gens dont on se<br />
povoit aidier dessus l’aage de .xv. ans et dessoubz 60 ans qui nulz ne s’escusast mais venist<br />
ces lettres veues tantost sur les marches du north pour aidier a defendre son royaume que les<br />
Escos destruisoient. Adont s’avancierent contes, barons, chevaliers, escuiers et communautez<br />
des bonnes villes et se hasterent durement pour obeir au mandement du roy leur seigneur<br />
et se mistrent tous a voie de grant voulente pardevers Evruich et meismes le roy se party<br />
tout premierement en n’attendy nullui tant avoit grant haste mais toudiz lui croissoient<br />
gens et venoient de tous costiz. Endementiers que le roy englois se traioit pardevers la cite<br />
de Evruich et qui chascun le suivoit qui mieux [f61r] povoit le roy d’Escoce fist si forment<br />
assaillir la cite de Durem par instrumens et engins qu’il avoit fais que ceulz de la cite ne<br />
peurent garantir ne defendre quelle ne fust prise par force et toute robee et arse et toutes ma<br />
meres de gens miz a mort sans mercy, hommes et femmes moines et prestres, chanoines et<br />
petiz enfanz qui estoient fuiz a la grant eglise furent tous ars. Car le feu y fu voute dequoy<br />
ce fu horrible petite. Car en la cite de Durem ne demoura adont homme ne femme ne petit<br />
enfant ne maison ne eglise que tous ne fussent miz a destruction dont ce fu cruelle forsenerie<br />
et est quant on destruit ainsi sainte crestiente et les eglises ou Dieu est serviz et honnorez.<br />
Q uant ce fu avenu le roy David eut conseil qu’il se trairoit arriere selon la riviere de<br />
Thim et se trairoit devers la ville de Carduel qui est a l’entree de Galles Ainsi qu’il aloit<br />
celle part il se loga une nuit et tout son ost assez pres d’un moult fort chastel que on claime<br />
Sallebrin qui estoit au conte de Sallebrin qui fu pris avec le conte de sufforch en la marche<br />
de pitardie pardevant Lille en Flandres et estoit encore adont ou chastellet de Paris. En<br />
ce fort chastel sejournoit adont la noble dame la contesse de Salebrin que on tenoit pour<br />
la plus belle et la plus noble dame d’Engleterre. Et estoit ce fort chastel bien garniz de<br />
gens d’armes. Si en estoit gardien un gentil chevalier preux et hardy filz de la suer le conte<br />
de Salebrin et avoit nom messire Guillaume de Montagu apres son oncle qui ansi eut nom.<br />
Car quant le roy le maria, il lui donna la conte de Salebrin pour sa proesce et pour le bon<br />
service qu’il avoit toudiz en lui trouve. Quant celle nuit fu passee l’ost du roy d’Escoce se<br />
desloga pour traire avant pardevers Carduel ainsi que propose avoient et passerent les Escos<br />
par routes assez pres de ce chastel chargies [f61r] de grant avoir qu’ilz avoient gaingnie a<br />
Durem.<br />
Quant le bacheler messire Guillaume de Montagu vit qu’ilz estoient tous passez et qu’ilz<br />
n’arrestoient point au chastel, il yssi hors tout arme a tout 40 hommes d’armes et suivi<br />
couvertement apres le derrain trahin qui avoient chevaux si chargies d’avoir que a grant<br />
mesaise povoient ilz aler avant. Si les raconsuivi a l’entree d’un boys et leur coururent sus<br />
si en tuerent et blecierent lui et ses compaignons plus de 200 et pristrent bien 120 chevaux<br />
chargies de joyaux et d’avoir et les amenerent par devers le chastel. Le cry et les fuians s’en<br />
vindrent jusques a monseigneur Guillaume de Douglas qui faisoit l’arriere garde et avoit ja
108 (f61 v ) De la belle contesse de Salebrin.<br />
passe le boys, et apres en vindrent les nouvelles en l’ost. Qui dont veist les Escos retourner<br />
a cours de cheval parmy les champs par montaignes et par valees monseigneur Guillaume<br />
de Douglas tout devant, il en peust avoir hideur. Tant coururent qui mieux mieux qu’ilz<br />
vindrent au pie du chastel et monterent la montaigne en grant haste. Mais aincois qu’ilz<br />
parvenissent aux bailles ceulx de dedens les avoient refermees et la proie et l’avoir miz leans<br />
a sauvete dequoy les Escos eurent grant dueil si commencierent a assaillir moult forment et<br />
ceulx dedens a defendre de lancier et d’estechier de traire et de getter tant que on povoit<br />
d’une part et d’autre. La s’efforcierent durement les .ii. Guilleaumes de grever l’un l’autre<br />
et tant dura cel assaut que tout l’ost des Escos y fu venu et le roy aussi.<br />
Quant le roy et son conseil eurent veu les gens mors gisans sus les champs et virent les<br />
assaillans blecier et navrer a cel assaut sans riens conquester, ilz en furent durement courroucies<br />
si commanda le roy que on laissast l’assaillir et que chascun s’alast logier. Car il ne<br />
trairoit plus avant si aroit veu ses gens vengier. Qui adont veist gens fremir et appareillier<br />
l’un l’autre et querre piece de terre pour mieux [f61v] logier les assaillans retraire les navrez<br />
raporter les mors retrainer et ressembler veoir peust grant triboulement. Celle nuit fu l’ost<br />
des dis Escos logie par desoubz le chastel. Et la dicte dame contesse de Salebrin festoia<br />
tresdurement et conforta tous les compaignons de leans tant quelle pot a liee chiere.<br />
De la belle contesse de Salebrin.<br />
L endemain le roy d’Escoce qui durement courroucie estoit commanda que chascun<br />
s’appareillast pour assaillir. Car il faisoit ses engins et ses instrumens traire amont pour<br />
savoir se ilz pourroient de riens entamer le fort chastel. Chascun s’appareilla et monterent<br />
contremont pour assaillir et ceulx dedens pour defendre. La eut un fort assaut et perilleux<br />
et moult de bien faisans d’un lez et d’autre. La estoit la contesse de Salebrin qui tres<br />
durement les reconfort et par le regart d’une tele dame et son doulz amoinestement un<br />
homme doit bien valoir deux au besoing. Cel assaut dura moult longuement et y perdirent<br />
les Escos grant foison de leurs gens. Car ilz s’abandonnoient durement et portoient arbres<br />
et merriens a grant foison pour emplir les fossez et pour amener les instrumens jusques aux<br />
murs se ilz peussent mais ceulx du chastel se defendoient si vassaument que les assaillans y<br />
pardirent grant foison de leurs gens, si les couvint retraire arriere. Le roy commanda que<br />
les instrumens fusent bien gardez pour renforcier l’assaut a l’endemain. Ainsi se departi<br />
l’assaut et rala chascun en son lieu hors miz ceulx qui devoient les instruemens garder les<br />
uns ploroient les mors les autres reconforterent les navrez.<br />
Ceulx du chastel qui durement estoient traveillies et sy y avoit grant foison de blecies<br />
virent bien que le fes leur estoit grant et se le roy David maintenoit son propos ilz aroient<br />
fort temps. Si eurent conseil entr’eulx qu’ilz envoieroient devers le roy Edouart qui estoit a<br />
Evruich ja venuz, ce savoient ilz de verite par les prisonniers [f61v] d’Escoce qu’ilz avoient<br />
pris. Si regarderent qui feroit entr’eulx ceste besoingne mais ilz ne peurent trouver qui<br />
voulsist laissier le chastel a defendre ne la belle dame aussi pour porter ce message. Si en<br />
eut entre eulx grant estrif. Quant le gentil bacheler messire Guillaume de Montagu vit la<br />
bonne voulente de ses compaignons et vit d’autrepart le meschief qui leur pourroit avenir se<br />
ilz n’estoient secouru. Si leur dist, “Seigneurs, je voy bien vostre loyaute et bonne voulente<br />
si que pour l’amour de madame et de vous je mettray mon corps en aventure pour faire cest<br />
message. Car j’ay telle fiance en vous selon ce que j’ay veu que vous detenrez bien le chastel<br />
jusques a ma revenue et ay d’autre part si grant esperance ou noble roy nostre sire que je<br />
vous amenray temprement sy grant secours que vous en arez grant jone et vous seront bien<br />
guerredonnez les bienfais que fait arez.” De ceste parole furent madame la contesse et les<br />
compaignons tous joieux.<br />
Quant la nuit fu venue le dit messire Guillaume se appareilla du mieux qu’il petit pour<br />
plus paisiblement yssir de leans qu’il ne fust apparceuz de ceulx de l’ost. Si lui avint si bien<br />
qu’il plut toute nuit si fort que nul des Escos n’osoit yssir de sa loge. Si passa a mienuit tout<br />
par my l’ost que onques ne fu apparceu. Quant il fu passe, il fu grant jour si chevauca avant<br />
tant qu’il encontra deux hommes d’Escoce a demie lieue pres de l’ost qui amenoient deux
(f62 r ) De la belle contesse de Salebrin. 109<br />
buefs et une vache pardevers l’ost messire Guillaume congnut qu’ilz estoient Escos si les<br />
navra tous deux durement et tua les bestes parquoy les Escos ne ceulx de l’ost n’en eussent<br />
aise. Puis dist aux deux navrez, “Alez, si dictes a vostre roy que Guillaume de Montagu<br />
vous a miz en tel point en son despit et lui dictes que je vous querre le gentil roy Edouart qui<br />
lui fera temprement vuidier ceste place maugre lui.” Ceulx lui promistrent qu’ilz feroient<br />
voulentiers ce message mais qu’il les laissast a tant en paix. Lors se [f62r] party le dit<br />
messire Guillaume d’eulx et s’en ala tant qu’il peut pardevers le roy son seigneur qui estoit<br />
a Evruich a grant foison de gens d’armes en attendant encore plus. Si fist le dit messire<br />
Guillaume son salu au roy de par ma dame sa tante contesse de Salebrin et lui compta<br />
le meschief ou elle et ses gens estoient. Le roy respondy appertement et liement qu’il ne<br />
laisseroit nullement qu’il ne secourust la dame et ses gens et se plus tost eust sceu la ou<br />
les escos estoient et le meschief du chastel et de la dame plus tost fust ale celle part. Si<br />
commanda tantost le dit roy que chascun fust appareillie a mouvoir l’endemain et que on<br />
feist toudiz les venans traire avant apres son ost qu’il avoit grant.<br />
L e roy englois se party l’endemain de la cite d’Evruich moult liement pour les nouvelles<br />
que messire Guillaume de Montagu lui avoit apportees et avoit bien avec lui 6000 armeures<br />
de fer, 10000 archiers et 80000 hommes a pie, qui tous le suioient et toudiz lui venoient<br />
gens. Quant les barons d’Escoce et les maistres du conseil du roy sceurent que le dit messire<br />
Guillaume de Montagu avoit ainsi passe parmy leur ost et qu’il s’en aloit guerre secours au<br />
roy englois et savoient bien que le roy Edouart estoit a Evruich a grans gens et le tenoient de<br />
si grant courage et si gentil qu’il ne lairoit nullement qu’il ne venist sur eulx pour secourre<br />
la dame et ceulx du chastel. Si parlerent ensemble endementiers que le roy faisoit souvent et<br />
ardemment assaillir et virent bien que le roy faisoit navrer ses gens et martirer sans raison.<br />
Et veoient que le roy englois venroient bien aincois a eulz a combatre que le roy pourroit<br />
avoir conquiz ce chastel. Si parlerent tous ensemble au roy David d’un accort et lui distrent<br />
que le demourer la n’estoit point son prouffit ne honneur. Car leur emprise estoit moult<br />
honnorablement faite et avoient fait grant despit aux Englois quant ilz avoient este .xii.<br />
jours en leur pays et ars et exillie tout autour et pris [f62r] par force la cite de Durem et<br />
toute mise a destruction. Si que tout considere c’estoit bien qu’il se parteist et se traist<br />
vers son royaume et y menassent a sauvete ce que conquiz avoient. Et que une autre fois<br />
il retourneroit en Engleterre quant il lui plairoit. Le roy qui ne voult mie yssir du conseil<br />
de ses hommes si accorda combien qu’il le feist emuz car voulentiers eust attendu a bataille<br />
le roy d’Engleterre. Touteffois il se desloga au matin et tout son ost aussi et s’en alerent<br />
les escos droit pardevers la grant forest de Gedeours ou les sauvages escos se tiennent tout<br />
bellement et a leur aise. Car ilz vouluoient savoir se le roy englois se retrairoit arriere ou<br />
s’il yroit avant en leur pays.<br />
C e jour meismes que le roy David et les Escos se departirent au matin de devant le<br />
chastel de Salebrin vint le roy Edouart a tout son ost a heure de midy en la place la ou le<br />
roy des Escos avoit logie si fu moult courroucie quant il ne le trouva. Car voulentiers il feust<br />
combatuz a lui il estoit venuz en haste tant que ses gens et ses chevaux estoient durement<br />
blecies. Si commanda que chascun se logast la endroit car il vouloit aler veoir le chastel<br />
et la noble dame qui leans estoit car il ne l’avoit veue puis les nopces dont elle fu mariee.<br />
Ainsi fu fait que commande fu. Chascun s’ala logier ainsi qu’il peut et reposer qui voult. Si<br />
tost que le roy Edouart fu desarmez il prist jusque a .x. ou .xii. chevaliers et s’en ala vers<br />
le chastel pour saluer la contesse de Salebrin et pour veoir la maniere des assaulx que les<br />
Escos avoient fais et des defences que ceulz du chastel avoient faites alencontre si tost que la<br />
dame de Salebrin sceut le roy venir elle fist ouvrir toutes les portes et vint hors si richement<br />
vestue et atournee que chascun s’en merveilloit et ne se povoit on tenir de lui regarder et de<br />
remirer sa grant noblesce avec la grant beaute et le gracieux maintien quelle avoit. [f62v]<br />
Quant elle fu venue jusques au roy, elle s’enclina jusques a terre contre lui en regratiant de<br />
la grace et du secours que fait lui avoit el l’en mercia et le mena ou chastel pour festoier et<br />
honnorer comme celle qui tresbien le Savoie faire. Chascun la regardoit a merveille et le roy<br />
meismes ne s’en peur tenir. Et bien lui estoit aviz que onques n’avoit veu si noble si frique,<br />
ne nulle si belle de lui si lui fery tantost une estincelle de fine amour ou cuer qui lui dura par
110 (f63 r ) Encore de la belle contesse.<br />
long temps. Car bien lui sembloit que ou monde n’avoit dame qui tant feist a amer comme<br />
celle. Si entrerent ou chastel main a main et le mena la dame de premier en la sale et puis en<br />
sa chambre qui estoit si noblement paree qu’il afferoit a telle dame. Et toudiz regardoit le<br />
roy la gentil dame si ardemment quelle en devenoit toute honteuse et esbahie. Quant il eut<br />
grant piece assez regarde il ala a une fenestre pour apuier et commenca forment a penser.<br />
La dame qui a ce point ne pensoit ala les autres seigneurs et chevaliers festoier et saluer<br />
moult grandement et a point ainsi quelle savoit bien faire chascun selon son estat. Et puis<br />
commanda a appareillier le disner et quant temps seroit a mettre les tables et la sale parer<br />
et ordonner.<br />
Encore de la belle contesse.<br />
Q uant la dame eut tout devise et commande a ses gens ce que bon lui sembloit,<br />
elle s’en revint a chiere liee par devers le roy qui encore pensoit et musoit forment et lui<br />
dist, “Chier sire pourquoy pensez vous si fort? Tant penser n’affiert pas a vous, ce m’est<br />
avis, sauve vostre grace, ains deussies faire joye et feste a bonne chiere quant vous avez<br />
enchacies voz ennemiz qui ne vous ont ose attendre. Et deussies les autres laissier penser du<br />
remenant.” Le roy respondy et dist, “Haa chiere dame, sachies depuis que je entray ceans<br />
m’est un songe survenu dequoy je ne me prendoie garde si my couvint penser et si ne scay<br />
que avenir me pourra mais je n’en puis mon cuer oster.” “Haa chier sire, ” dist la [f62v]<br />
dame, “vous deussies tousiours faire bonne chiere pour voz gens mieux conforter et laissier<br />
le penser et le muser. Dieux vous a si bien aidie jusques a ores en toutes voz besongnes et<br />
donne si grant grace que vous estes le plus doubte et honnore prince des chrestiens. Et se<br />
le roy d’Escoce vous a fait despit et dommage, vous le pourrez bien amender quant vous<br />
vouldrez ainsi que autrefois avez fait. Si laissies le muser et venez en la salle se il vous plaist<br />
deliz voz chevaliers tantost sera appareillie pour disner.” “Ha ma chiere dame, ” dist le roy,<br />
“autre chose me touche et gist en mon cuer que vous ne pensez, car certainement le doulz<br />
maintieng le parfait sens la grant noblese la grace et la fine beaute que j’ay veu et trouve en<br />
vous m’ont si souspriz et entrepriz qu’il couvient que je soie de vous amez. Car nul escondit<br />
ne m’en pourroit oster.” La gentil dame fu adont durement esbahie et dist, “Haa tres chier<br />
sire ne me vueillies moquier ne essaier ne tempter, je ne pourroie cuidier ne penser que ce<br />
fust a certes que vous dictes. Ne que si noble et si gentil prince comme vous estes deust<br />
querre tout ne penser pour deshonnorer moy et mon mary qui est si vaillant chevalier et qui<br />
tant vous a servi comme vous savez et encore gist en prison pour vous. Certes vous series<br />
de tel cas petit prisies ne amendez certes onques tele pensee ne me vint au cuer ne ja ne<br />
venra se Dieu plaist pour homme qui soit nez et se je le faisoie vous m’en devries blasmer<br />
et non pas blasmer seulement mais mon corps justicier et desmembrer.”<br />
A tant se party la vaillant dame et vaissa le roy durement esbahy et s’en revint en la<br />
sale pour faire haster le disner. Puis s’en retourna au roy et emmena de ses chevaliers et lui<br />
dist, “Sire venez en la sale, les chevaliers vous attendent pour laver car ilz ont trop jeune<br />
aussi avez vous.” Le roy se party de la chambre et s’en ala en la sale a ce mot et lava et [f63r]<br />
fassist entre ses chevaliers au disner et la dame aussi mais le roy y disner petit car autre<br />
chose lui touchoit que boire et mengier. Et ne fist onques a ce disner fors que penser et ala<br />
fois quant il osoit la dame et son maintien regarder en gettant ses yeulx celle part dequoy<br />
tous ses gens avoient grant merveille car ilz n’en estoient point acoustumez ne onques en tel<br />
point ne l’avoient veu. Aincois cuidoient aucuns que ce fust pour les Escos qui lui estoient<br />
eschappez mais autre chose lui touchoit et lui estoit si fermement et en tel forme entree ou<br />
cuer que onques n’en peut yssir en grant temps pour escondire que la dame en peust ne<br />
sceust faire. Mais il ne fu toudiz plus lies, plus gay et plus joly et en fist pluseurs belles<br />
festes et grans assemblees de seigneurs de dames et de damoiselles tout pour l’amour de la<br />
belle contesse de Salebrin, sicomme vous orrez avant en l’istoire.<br />
Toutefuoies le roy demoura tout ce jour ou chastel en grans pensees et en grant mesaise<br />
de cuer, car il ne savoit que faire. Aucunefois se ravisoit que honneur et loyaute lui defendoit<br />
de mettre son cuer en tele faussete pour deshonnorer si vaillant dame et si vallant et loyal
(f63 r ) Des treves accordees entre les roys d’Engleterre et d’Esco... 111<br />
chevalier comme son mary estoit qui si loyaument l’avoit toudiz servi, d’autrepart amour<br />
le contraingnoit si fort quelle vaincoit et surmontoit honneur et loyaute. Ainsi se debatoit<br />
le roy en lui tout le jour et toute la nuit. Au matin se leva et fist tout son ost deslogier et<br />
traire apres les Escos pour eulx suivir et chacier hors de son regne. Congie prist a la dame<br />
en disant, “Ma chiere dame, a Dieu vous command jusques au revenir. Si vous pry que vous<br />
vous vueillies aviser et autrement estre conseillee que vous ne m’avez dit.” “Chier sire, ”<br />
respondy la dame, “Dieu le pere glorieux vous vueille conduire et oster de vilaine pensee et<br />
deshonnorable. Car je sui et seray toudiz appareilliee de vous servir a vostre honneur et a<br />
la mienne.”<br />
Des treves accordees entre les roys d’Engleterre et d’Escoce a la forest de<br />
Gedours.<br />
[f63r]<br />
A tant se party le roy tout confuz et esbahiz. Si s’en ala a tout son ost apres les Escos<br />
et les suivy oultre la bonne cite de Bervich et se loga a .iv. lieues pres de la forest de<br />
Gedeours, la ou le roy David et tous ses gens estoient entrez pour les grans forteresces qu’il<br />
y a la endroit demoura le roy englois environ .iii. jours pour savoir se les Escos voudroient<br />
yssir hors pour combatre a lui. Et sachies que tous ces .iii. jours y avoit tant d, escarmuches<br />
et de paletiz entre les .ii. ostz que chascun estoit ennuie du regarder. Et y avoit souvent<br />
des mors et des pris d’une part et d’autre. Et sur tous les autres y estoit plus souvent<br />
veu en bon couvenant messire Guillaume de Douglas qui s’arme d’asur acomble d’argent<br />
et dedens la comble .iii. estoilles de gueules et estoit cil qui y faisoit plus de beaux fais et<br />
belles rescousses et hautes empeises et fist en l’ost des Englois moult de destourbiers. Tous<br />
ces .iii. jours parlementerent aucuns bourgois de treves et d’accort entre les deux roys. Et<br />
tant traittierent que une treve fu accordee a durer .ii. ans voire se le roy de France Phelippe<br />
si vouloit assentir. Car le roy David estoit si aliez au roy Phelippe qu’il ne povoit donner<br />
treves ne faire paix sans lui. Et se le roy Phelippe si vouloit accorder si devoient les treves<br />
durer entre Engleterre et Escoce jusques au premier jour d’aoust. Et devoit estre quittes le<br />
conte de Moret de sa prison se le roy d’Escoce povoit tant pourchacier au roy de France que<br />
le conte de Salebrin fust aussi quittes de sa prison. Laquelle chose devoit estre pourchaciee<br />
dedens la feste Saint Jehan Baptiste. Le roy d’Engleterre se accorda plus legierement a celle<br />
treve pour tant que cil fait grant sens qui a .iii. guerres ou .iv. se l’en puet mettre treves ou<br />
accort aux deux ou aux trois qu’il le face. Et ce roy avoit bien a penser sur telz choses car<br />
il avoit guerre en France, en Gascoingne, en Poitou, en Saint Onge et en Bretaigne et par<br />
tout ses soudoiers et ses gens. Celle treus aux Escos fu affermee ainsi que vous avez oy. Si<br />
departy le roy d’Escoce ses gens et s’en rala chascun en sa contree. Puis [f63v] envoia grans<br />
messages au roy Phelippe de France. A qui pleut assez ce traittie et ne le voult desdire pour<br />
mieux complaire au roy d’Escoce. Si renvoia le conte de Salebrin en Engleterre. Et si tost<br />
qu’il y fu revenu le roy englois renvoia le conte de Moret au roy d’Escoce qui en eut grant<br />
joie. Ainsi se departirent ces deux ostz.<br />
Comment messire Charles de Bloys prist la cite de Rennes.<br />
T ous devez savoir que quant le duc de Normandie, le duc de Bourgoingne, le conte<br />
d’Alencon, le duc de Bourbon, le conte de Bloys, le connestable de France, le conte de Guines,<br />
son filz messire Jaques de Bourbon, messire loys d’Espaigne et les contes et barons de France<br />
se furent partiz de Bretaigne, quant ilz eurent conquiz le fort chastel de Chastouseaux avec<br />
la cite de Nantes et emprisonne a Paris le conte de Monfort, messire Charles de Blois estoit<br />
demoure tout quoy en la cite de Nantes et ou pays d’entour qui obeissoit a lui pour attendre<br />
la saison d’este, en laquelle il fait meilleur ostoier que en la saison d’iver. Et dont cellui<br />
doulz temps revenu ces seigneurs de France dessus nommez et grant foison d’autres gens<br />
avec eulx s’en ralerent devers Bretaigne a grans gens pour aidier monseigneur Charles de<br />
Bloys a reconquerre le remenant de la duchie de Bretaigne. Si le trouverent a Nantes dont
112 (f64 r ) Comment la contesse de Monfort fu assegiee ou chastel de Hai...<br />
ilz se partirent par conseil et alerent assegier la cite de Resnes tout autour. La contesse de<br />
Monfort l’avoit si bien garnie et refreschie de gens d’armes et de tout ce qu’il afferoit que<br />
riens ny failloit. Et y avoit establi un vaillant chevalier et hardy pour cappitaine que on<br />
clamoit monseigneur Guillaume de Cladudel. Aussi avoit elle miz grans garnisons par toutes<br />
les autres citez chasteaux et bonnee villes qui a lui obeissoient et par tout bons cappitaines<br />
de gentilz hommes du pays qui a lui se tenoient lesquelx elle avoit acquiz par beau parler par<br />
promettre et par donner. Car elle n’y vouloit point espargnier desquelx l’evesque de Leon,<br />
messire Emaury de Clicon, messire Yuon de Treviguidy, le sire de Landreniau, le chastellain<br />
de Guinguant, [f63v] messire Henry et messire Olivier de Pennefort, messire Guieffroy de<br />
Malestret, messire Guillaume de Quadudal, les .ii. freres de Querich et pluseurs autres<br />
chevaliers et escuiers que je ne scay mie tous nommer. Aussi en y avoit de l’accort Charles<br />
de BLoys grant foison et especiament monseigneur Henry de Leon.<br />
M essire Charles de Blois et les dis seigneurs furent longuement au siege de Resnes<br />
si y firent grans dommages et pluseurs assauls par Espaignols et par Genevois. Et ceulx<br />
dedens se defendirent forment tant que ceulx de hors y perdoient plus souvent qu’ilz ne<br />
gaingnoient. Si tost que la dicte contesse sceut la venue diceulx seigneurs en Bretaigne, elle<br />
envoia monseigneur Amaury de Clicon en Engleterre prier au roy englois aide et secours par<br />
telle condition que le joenne enfant, filz au conte de Monfort et de la dicte contesse, prendroit<br />
a femme l’une des joennes filles au roy d’Engleterre et s’appelleroit duchesse de Bretaigne.<br />
Le roy d’Engleterre estoit adont a Londres et festoit tant qu’il povoit le conte de Salebrin,<br />
qui nouvellement estoit revenuz de prison. Si fist grant feste et honneur a monseigneur<br />
Amaury de Clicon et lui ottroia toute sa requeste assez briefment pour ce qu’il y veoit son<br />
avantage en .ii. manieres car il lui fu aviz que c’estoit grant chose et noble de la duchie de<br />
Bretaigne se il la povoit conquerre. Et si estoit la plus belle entree qu’il povoit avoir pour<br />
conquerre le royaume de France a quoy il tendoit. Si commanda a monseigneur de Mauny<br />
qu’il amoit moult car moult l’avoit bien servi et loyaument en pluseurs besongnes perilleuses<br />
qu’il preist tant de gens d’armes que le dit messire Amaury deviseroit et se appareillast le<br />
plus tost qu’il pourroit pour aler aidier la contesse de Monfort. Et preist avec lui jusques a<br />
2000 ou 3000 des meilleurs archiers d’Engleterre.<br />
Messire Gautier le fist voulentiers et se mist en mer avec le dit monseigneur Amaury<br />
avec lui les .ii. freres de Leynondale, messire Loys et mesire Jehan, le Hale de Braibant,<br />