April 03 , 2011 - CBMC (D.C.)

Vawlei cung Cozah uktu tha lo bik 10
1. Omar al-Bashir, Sudan ramuk bawi a si i,
1989 kum khan nawl ngeihnak a lak. Sudan ram miphun fa
deuh pawl le biaknak dang pawl a thah ciammam hna i minung
70000 hrawng an thi. A ram minung pawl cu ramkp
ah refugee in an zaam hna. .
2. Kim Jong Il, North Korea ram uk bawi a si. Communist
hlir, 1994 khan a pa rian a chawn. Amah he ruahnak
khat lo paoh a ral zoh in a zoh colh hna. Mithah hi a nih
caah cun ui-ar thahnak in aa fawih deuh.Ramkhelnak
konghe aa pehtlaimi minung 250,000 hrawng thong ah a
thlak cuahmah ko hna.
3. Than Swe. Hi kawlram kan pu Than Swe hi cu nan
theih cio bang 1992 kum Saw Maung nawlngeihnak a chuh
i nihin ni tiang a duh in a tlong ko hih.
4. Hu Jintao, Tuluk ram uktu a si. Sipuazi ah Tuluk cu a
thangcho tuk ko nain tulio Tuluk cozah Communist party a
dotu pawl cungah cun a sual kho tuk. Minung tampi labour
camp ah a chiah hna. Ramkong thongtla tamlak aa chiah rih
fawn hna.
5. Crown Prince Abdullah, Saudi Arabia Siangpahrang
fapa a si. Kum 40 chung ah nai te lawngah khan thimnak
tuahpi an timh hna. Tulio Arab ram pawl buai ahhin a
thlak zong mawn an thlak ve te.
6. Muammar al-Qaddafi, Libya ram ah 1969 ah cozah
nawl ngeihnak a lak. A tu cun a nawl ngeihnak kum 42 a
si cang. A tu zong UNO nih NATO hruainak in an den
cuahmah ko. Mi sual bak asi.,
7. Pervez Musharraf , Pakistan ram uktu a si. 1999 kum
in ram uk aa thok. Amah hi ralkap ah General rank a si I,
amah tein President aa thimmi a si.
8. Saparmurat Niyazov, Turkmenistan uktu a si. 1990
kum in ram uk aa thok. Sualnak phunphun a tuah ve.
9. Robert Mugabe, Zimbabwe ram uk tu a si. Africa hi
dictators sual an tamnak hmun a si. 1980 kum in ram uktu
ah a cang.A rammi duh paoh a hrem vemi a si.
10. Teodoro Obiang Nguema, Equatorial Guinea ram uktu
a si. 1979 in ram uk hram aa thok.
Literature Committee
Chin Baptist Mission Church
Chairman
Van Thawng Cung
Secretary
Van Luai Zathang
Editha
Salai Tluang Hei
Layout Designer
Van Thawng Ling
Members
Salai Lairamthang
Coordinator
Salai Bawi Uk Thang
Minmei Cazual
Literature & Cultural Committee I Chin Baptist Mission Church
April 4, 2011 Zarhpini
Biaruahnak
David Ca Lian Thang le Mimmei Biauahnak
Mimmei 1. Na min, a tu lio na ummnak, Laitlang na
khua?
Ka min cu David Ca Lian Thang a si. A tu lio cu Melbourne,
Australia ah ka um. ThanTlang ah ka chuak i
Yangon ah ka tthang, sihmanhsehlaw, Laimi cu pa le kha
zulh in a chim relmi kan si ruangah kapa cu Hmunlipi
khuami a si caah Hmunlipi khuami ka si ve.
Mimmei. 2. Zei tik ahdah Aus na phak.. Cun a tu zeidah
na tuan.
2000 kum ah New Zealand ram ah ka rak phan hmasa.
Kum 6 hrawng ka um hnu ah Australia ram ah 2006
kum ah ka rak i tthial.
Pawcawmnak: Contract Interpreter in holhlet rian ka
ttuan. Cun, zarhteni chun hlan poah cu Victorian School
of Languages ah part time in Chin (Hakha) holh le ca ka
chim ve.
Volumteer (Zaanghleicawi in): Australia Chin Community
(Eastern Melbourne) Inc. ah (2007-2008) (2009-2010)
kum hna ah President ka rak ttuan hnu ah a tu zong
Committee Member pakhat sinak in ka dirpi rih hna.
Mimmei. 3 Aus ram ah HighSchool ah Laica na cawn
ti a si i, zei High School ahdah an cawn i, Laica ti tikah
khawika (Biana ah Hakha maw.. tidim maw..tbk) an cawn.
A tu i Chin (Hakha) laica cawnnak cu Victoria State I
khualipi a simi Melbourne ah a um.
Victoria State cozah Department pakhat a simi Department
of Education and Early Childhood Development
(DEECD) tangah Primary le High School vialte hna cu
an um hna. High School sianghngakchia hna cu LOTE
(language Other Than English) mirang holh a silomi
holh phunkhat kha subject pakhat ah cawn ter an si ve.
Cu LOTE cawnnak cu a um khawh nakding caah DE-
1

Editha Hmurka
Nihin kan vawlei kong ruah ah thin
a phang, lung a mit ko. Kakip lo ah
buainak a chuak, mithi an thi. Kakip
loah harnak a chuak. Kan vawlei
pi hi a tar tak cang ko rua. Khua ka
ruat. 2012 Muvi kha kan zoh cio
ko lai.. Kha hlah maw a tu hi kan
chuah tak cang ko lai. Chim awk a
tha lo. 2005 Indonesia Tsunami
hnu in kum fatin vawlei kakip lo ah
tilian, lihninh, lei mint,.tbk a chuak
i, vawikhat thih ah a ting leng in
Indonesia, Kawlram, Haiti ram hna
cun an thi. Cupiin ah Japan, Tuluk
tbk pawl zongah a thong sawm in
mi an thi rih. Cu lawng hlah, kakip
loin ral an tho hawi i, kan vawilei
pi cu buai taktak khi a si. Hi tilet,
lihninh, leimint te pawl ruangah
hin hngakchia zeizat dek ngaktah
ah an i chuah i, nu le pa zeizat dek
an dawt cukmakmi an fa le nih an
thih tak hna hnga. Mitthli a tlami
hna hi hmunkhat ah tla hna she law
tiva pakhat tia cu a si men lai.
Hi vialte vawlei harsat thihlohnak
kar lak ah mi tlawm te kan nih
Laimi cungah chimthlak zei kan ton
lomi hi ruah lo awk a tha lo. Kan
hnu kum hmasa i Kawlram Nargis
hna kha Laimi umnak cungah tlung
seh law, zeidek kan lawh hnga.
Kan biakmi Pathian a um ruangah
a si ko. Laimi nihlak kan tuak a
hau. Kan biak kan Pathian hi fek
chinchin in kan i tlaih a hau. Kan
unau Karen miphun pawl cu caan
khat lio ah Pathian thluachuah an
rak hmu. Kawlram luatnak a ra k
hmuh 1948 hrawng hmanh ahkhan
ramdang sianginn thatha in degree
sangsang a hmu mi an rak um tuk
cang. Asianin Karen upa cheu khat
nihcun Pathian kan rak philh Pathian
nih dan an kan tat, an ti. An
nih Laimi phun zong kan Pathian hi
pakhatnak ah chia hna usih.
ECD nih Victorian School of languages
(VSL) cu an rak ser. VSL nih area kha a
tthen hna i cu area chung hna chungin a
thimmi High School hna ah LOTE holh
cawnnak cu zarhteni poah ah an tuah.
A tu tiang ahcun VSL ah Chin (Hakha)
holh pakhat lawnglawng hi Year 1 in Year
10 (Tang khat in Tang hra) tiang cawnnak
nawl pekmi a si i Melbourne nichuah
lei um BoxHill High School le Melbourne
nitlak lei um SunShine High School
hmunhnih ah zarhteni poah ah a kan cawn
ter.
CACC nih an kan ser piakmi Laica Cawnnak
Ukpi (Yr 1 – Yr 10) hna cu VSL nih a
kan pom piak caah cu textbooks hna cu I
tlaih in Chin (Hakha) holh le ca cu cawnpi
an si.
Mimmei.4 Laica an cawnmi nih zei bantuk
thatnem nak a chuahpi tiin na ruah?
Melbourne Laica cawnnak nih thathnemnak
a chuahpimi hna ti in ka ruahmi hna
cu:
1. Chin (Hakha) holh le ca cu Victoria
State chungah tanghra tang sianghngakchia
hna nih cawn a duhmi nih cawn
khawhmi holh le ca pakhat a si ve cang.
2. Chin (Hakha) Textbooks – Yr 1 to Yr
12 – tlamtling tein kan ngei kho cang. Cu
hlan tiangah cauk pan te he Yr 4 (Tangli)
tiang cawn nakding lawng a rak um.
3. Cafang, awchuah, a ttial, a chim le a
rel hna cu an thiam deuh chin lengmang
cang. Cun, a biapi tukmi, kan Ca le kan
Holh chungah a ummi kan ram tuanbia,
kan miphun tuanbia hna le kan nunphung
hna cu cawnpi an si. Cu cawnnak hna nih
cun ram le miphun dawtnak, kilvenduhnak
thinlung hna le miphunpi lungput hna cu
a ngeih ter hna.
Mimmei. 5. Aus ahhin Laimi na cawl
cangh ning. Lai, Zo, Cho ti phun in maw a
dangdang in nan um cio. A rem hna nan i
rem cu. I hlum nak, biana ah Chin Community
timi bu phun hna nan ngei maw?
2
thlarau hi “O” pum bantuk in aa
hel lengmang i, minung kan si lio
ah sualnak kan tuah ahcun kan thih
tik ah saram in kan kir, thatnak kan
tuah ahcun kan thih tikah minung
mi lianngan ah kan kir, a ti. Cucaah
minung a simi paoh caah tthatnak
tuah aforh. Kan thihhnu kan kalnak
ding Vancungkhua hi dotruk a si a ti.
(1) Hell mei (2) Khuachia thalo pawl
umnak (3) Saram kirnak, (4)Minung
kirnak (5) Khuachia tha kirnak (6)
Pathian ah i cannak hna an si. Cu vacung
dotruk ahcun kan nun lio i kan
tuah sernak zoh in kan thih tikah kan
kalnak ding an si.
Buddha biaknak zonghi Khrihfa
biaknak i, Catholic le Protestant bangin
phun hnih ah an i then. Theravada
Buddhism ( Buddhist biaknak
sianginn hlun cem cawn piaknak a
zummi ) le Mahayana Buddhism hna
an si. Mahayana Buddhish biaknak
hi a lian deuhmi phu an si. Biana ah
buaktlak in China, Japan, Vietnam,
Korea, Singapore, Taiwan, Nepal,
Tibet, Bhutan, and Mongolia pawl
khi Mahayana Buddhish biaknak
a biami ram pawl an si. Kawlram,
Thailand, Combodia, Loas , Sri Lanka
rawl pawl khi Theravada Buddhist
biaknak a biami pawl an si. Kawlram
zonghi India siangpahrang minthang
Ashoka the Great i a phungki pa nih
BC 228 hrawngah Buhhda biaknak hi
a rak luhpi bal. Asinain zapi theih in
Kawlram ah Buddhist biaknak a hung
langh cu AD Kum zabu 11 hrawng ah
Anawrahta Siangpahrang nih ‘Ayikyi’
timi Buddhish phungki pial sual pawl
a rak tthawl hna i, a tu Sri Lanka ram
ah Theravada Buddhish phungki pa
biak awk le cawnpiaktu ah an va lak i,
nihin ni tiang Kawlram cu Theravada
Buddhish biaknak in a umnak a si.
Buddhiah biaknak ahcun a nun lio ah
sualnak tuah bal lomi mithiang tha
cu a thih tikah vancung dotruknak
pathian ah an i cang. Cucaah pathian
tampi an ngei. Asinain cu pathian hna
lak ah cun, an Ii ruah chanmi , hmailei
caan ah a rak chuak te ding tiin an orh
pengmi, pathian hna lakah a lianngan
bikmi Pathian, a min ah ‘Aring Mariya’
an ngei ve. Judah miphun pawl i, Messiah
an hngah bantuk khin cu ‘Aring
Marriya” Pathian chuah lai cu nihin
ni tiang an bawh peng ve ko. Cucaah
mi cheu nihcun Judah biaknak pawl
nih an Meesiah hngahmi le , Buddhish
pawl nih ‘Aring Mariya’ pathian an
hngahmi hna hi, a tu Khrihfa pawl nih
kan biak cuahmahmi Bawi Zisuh hi a
si,a n ti.
Nihin vawlei cungah Buddhish biaknak
a biapi hna hi milu million 500
helham an si men lai an ti. Nai cikua
lebang cu nitlak lei ram pawl ah a karh
ning a reng ngai, ti a si. –Wikipedia_
September, 2010 Muko
chung in buaktlak siaherhmi
1. Delhi khua ah sadah, kunza,
khaini dawr hmuh a har taktak. A
sertu ram nih anmah ei/hmawm dingah
sermi a lo loh, Laimi caah sermi a
lo.
2. Matupi Batist Church ah ka I pum
i, Laiholh (Hakha holh) tein caan an
hmang.
3. Kanpalet khua kan I pumhn ak ah
Hakha hla (ZBC Hla ) a sami an um
pah leen.
4. Mindat khua cu an khua hun luh
bak in Buddhish rim a nam. Lairam
ah Buddhish an tam cemnak khua a
si. Khrihfa hi zatuak cun 70% hrawng
an si nain Khuate deuh ah khua an sa.
Kan hnu Kawlram thimnak zongah
khan Lairam ah Kawl Party a dirnak
khua a si.
5. MIndat khua a lian, Lairam ah
Hakha khua khawh cun a lian cem
khua a si nain an khua ah Internet
dawr pakhat hmanh a um lo. Ramdang
chuak an tlawm rua.
11

Buddhish Biaknak (
Buddhism)
Vawlei cungah hin bIaknak hi tampi
a um. Cu lakah vawlei minung tam
bik nih an biakmi hi Khrihfa Biaknak,
Muslim Biaknak, Hindu Biaknak,
Buddhist biaknak hna hi an si. Hi
Biaknak pali hi an zapi in Asia in aa
thokmi an si i, Khrihfa le Muslim hi
Midddle East an timi nichuah laifang
ram in an thokmi an si i, Hindu le
Buddhist hi India ram in an i thok.
Tutan hi Buddhist biaknak kong kan
langhter lai i, a caan a um ahcun an
dang biaknak pawl zong pakhat hnu
pakhat in kan langhter te lai.
Kawl phungthluk ah “Nai zuam ahcun
Pathian na si kho” timi a um . Cu
phungthluk cu Buddhist biaknak a
biami Kawl pawl caah cun a si tak kho
ko. Ziah tiah cun annih cu an biaknak
ah pathian tampi an chuak.
Buddhish biaknak cu Siddhartha Gautama
(Buddha Gautama) timi panih
BC zabu 5 hrawngah a rak thokmi a si.
Cu pa cu Buddhish biaknak i an pathian
hmasa bik a si. Amah Gautama hi
Nepal ram, India ramri ah a luancia
BC 563 ahhin a rak chuak. Amah hi
cu lio India siangpahrang minthang
a simi Śuddhodana Siangpahrang pa
i a fapa a si. Ahngakchia lio teah hin
mifim pawl nih, Buddha siangpah-
rang fapa Gautamah cu ni nikhat ah
siangpahrang lianngan a si lo ahcun
Mithiang minthang a si te lai, an rak
ti. Cutikah a pa Śuddhodana Siangpahrang
pa nihcun a fapa Gautama cu
siangpahrang si te ding in a rak timh
piak. Asinain Kum 29 a si ah nunnak, a
khuaruah ning fak piin a rak I thleng.
A ruang cu ni fatin a nunnak caah a
cawlmi minung pawl a hmuh tik, tho
kho loin a zawmi (a dam lomi) hna a
hmuh tik, thih lei a panh cuahmahmi
Tar pawl a hmuh tik hna le Thlaan ah
phum ding in an kalmi pi mithi pawl
a hmuh tik hna ah, minung nunnak
timi hi zeidah a rak si, hnangamnak
pakhat hmanh a um lo, timi a rak i
fiang. Cutikah a pa siangpahrang pa
nih a timh piakmi Siangpahrang si te
lai nak cu kal tak in zeitin dah nunnak
ahhin hnangamnak taktak hi ka hmuh
khawh lai, timi cu a rak kawl.
A voikhatnak ah Buddha Gautama
cu kha chan lio cawnpiaktu minthang
pawl sin ah a kal. Asinain cu hna
nihcun hnangamnak taktak an pe kho
lo. Cun ‘Shramanas’ timi biaknak lei
ah aa biaktak khunmi pawl sin ah a
va kal. Ramlak ah sau lak rawl a ul i,
hnangamnak cu a kawl. A donghnak
ah a rawl tam in a thi dengmang. A
Hnu ah a pawngkam khua in nungak
pawl nih rawl an hung chanh i,
a ei. Cuka cung phungki rawl chanh
aa thok. Kum 35 a si ah a nunnak
a tangmi hi thlarau lei lawng ruat
dingin a lung aa thlek. Bodh Gaya
timi khua rirang kung tangah a thu i,
thlarau thazang a la. Cuticun Buddhist
Gautama nihcun hngangamnak
le thianh-hlimhnak taktak cu ka hmu
a ti. A nunnak a tangmi dihlak cu,
Bodh Gaya khua Rirang kung tangah
cun minung cawnpiaknak in a hman.
Caan a hung rauh cu hnuzul zong a
hung ngei i, Buddhish biaknak timi cu
a hung i thok. Amah kum 80 asi BC
483 ah a thi.
Buddha Gautama i a cawn piaknak
hna cu, ‘Karma’ kong asi. nunnak
Australia ram ah Laimi kan phanh hi
can a tawi tuk rih. Mah le umnak khua
le hmunhma hna ah biaknak lei siseh
community lei siseh dirh le ser lio cio
a si. Cu a si caah Australia pumpi huap
in dirhmi bu hna cu biaknak lei siseh
community lei siseh a um kho rih lo.
Melbourne Laimi cawlcangh ning cu a
tawinak in:
Melbourne hi khua lian ngaingai a si.
Laimi hi nichuah lei ah phu khat nitlak
lei ah phu khat ti in kan um hna. Nichuah
le nitlak hi highway in nazi 1:30
hrawng kal a si. Kan i hlat ngaingai
hna. Cu a si tikah Community pakhat
lawng in cun kan um hna lo.
Umnak hmunhma le mahle pengkulh
hoih deuh in biaknak lei siseh community
lei siseh cawlcanghnak hna cu
ngeih cio a si. Zomi siseh, Matu siseh,
Zotung siseh, Falam siseh anmah le
community association cio kha dirh
in cawlcanghnak hna cu an ngei cio
ve hna. Melbourne Laimi hi milu in
2000 hrawng kan si hna i cu chungah
Hakha ThanTlang lei mi hi 1500 renglo
kan um ve hna.
A herh ning in hmun khatah rian tuan
ttinak hna cu kan ngei lengmang tawn
ko hna.
Melbourne nichuah lei i a dirmi
Australia Chin Community (Eastern
Melbourne) cawlcanghnak zong tawi
tein van in ruah ka duh.
ACC (EM) member hi 800 hrawng
kan si. Cozah nih register tha tein a
pekmi le funding zong a pek lengmangmi
a si. Tuan deuh ah The
Hornbill Chin Association of Australia
(HCAA) ti in rak theihmi kha a si.
2007 kum ah rak dirhmi a si i 2007
kum in a tu tiang ah miphun le community
caah a biapi in a ttuan cangmi
hna le a hmaitlak liomi hna cu:
1. Lai hlasa hna conglawmhnak caah
ti in Nu Dawt Hlei Hniang cu 2008
kum ah Australia ah concert tuah ding
in kan rak sawm.
2. ACC (EM) nih Chin hi miphun
(Nationality) dang pakhat kan si ve ko
ti in kan chimrelnak cu a kan pom piak
caah Victorian Multicultural Commission
nih 2009 – 2010 kum caah
an chuahmi Community directory ah
Chin ti in a dang tein rak telh thawk a
si cang.
3. Melbourne, Adelaide le Perth
khualipi pathum ah Chin Famine Live
Aid Concert (2009) tuahnak ah tawlreltu
kan rak si. Cu concert hna tuah
nak thawng in AU$ 16300 a rak chuak
i India lei in bawmhnak cu kan rak luh
ter.
4. Famine Concert caah Lai lei in Pa
Cung Lian Thawng le Mizo ram lei
in Nu MiMi hna cu kan rak sawm ve
hna.
5. Melbourne ah Chin (Hakha) laica
cawnnak cu tang khat in tang hra
tiang a um khawh nakding a tawlreltu
kan si.
6. CACC nih Chin (Hakha) Textbooks
hna cu puitling in an ser khawh
nakding caah ruahnak cheuh le tangka
thazang chuah piak ti in kan rak i
zuam.
7. Australia ram ah thlan man le
phum man hi a fak tuk i Community
chungah thih loh kan ton sual tikah
kan har tuk nak hnga lo ti in Thih Loh
Tawlreltu Committee cu 2010 kum ah
kan dirh khawh. Member vialte nih
minung pakhat ah kum khat ah $50
cio in thawh cio a si caah Thih Loh
Tawlrelnak Fund cu a tam i mipi cu
hnangam in um a si ve cang.
8. Chin (Hakha) Textbooks vialte hi
hmun dang le ram dang i a ummi hna
zong nih Internet in an cawn khawh
ve nakding caah website kan ser lio a
si.
9. Lai holh in Radio program a um
10 3

khawh nakding kan i zuam lio a si.
10. Yr 11 le Yr 12 VCE sianghngakchia
hna nih Laica cu subject pakhat
in an cawn khawh nakding cozah lei
in nawl a kan pek khawh nakding
caah a herhmi Chin (Hakha) Study
Design a um khawh nakding kan i
zuam lio zong a si.
Mimmei. 6 Aus. ahhin Laimi hi
minung pa zeizat hrawng dah nan um
hnga?
Australia ram ah a ummi Laimi hi
milu in 3500 le 4000 kar kan si lai.
Mimmei 7. Khrihfa bu hna teh bu
zeizat hrawng dah nan si hnga?
Bu kip fawmh in bu 18 hrawng a um
cang rua. Cu chungah Melbourne
khua khat lawngah Laimi khrihfa bu
hi bu 13 hrawng a um cang.
Mimmei 8. Aus phan Laimi pawl hi
anmah Aus mi pawl nih zeitin dah an i
hmuh hna..ti na ruah?
A tu tiang ahcun Australia mipi nih
an huat bikmi hna mithat lainawn,
fir, miphun dang he sik velh te hna
le minu tlaihhrem te hna a um rih
lo caah zapi theih in news ah Laimi
kong thawng chia ttialmi hna cu a um
rih lo. Amahbel, zu rit hnu i mawtaw
mawngh ruang tu ah biaceihnak zung
a phanmi tu cu um ngai a si cang.
Cucaah mitha tuk in a kan hmuh lo
hmanhah mithalo ahcun ruahmi kan
si rih hna lo ti in ka ruah.
Mimmei 9. Na uar bikmi Baibal ca
cang le phungthluk bia na kan chim
kho hnga maw?
Ka uar bikmi Baibal cacang: “Cucaah
minung nih a ttha bik a tuah khawhmi
cu a nun rih lioah i lawmh le a ttha
bik a timi kha a tuah khawh chungin
tuah kha a si ko” Phungchimtu 3:12.
Kai lawm!
Mormom Zumhnak
Tlaihtleng 10
Sailo Pa
1. Vawlei le Pathian tampi an um
(Multiple Worlds and Multiple Gods)
Vawlei le Pathian hi tampi an um.
Vawlei pakhat cio hi pathian pakhat
cio nih an uk. Minung zong hi pathian
kan si kho ve. (Khrihfa zumhnak he ai
kalh)
2. Ngaihthiamnak (Forgiveness)
Pathian cu ngaihthiamnak in a khat
mi asi. Second coming hnu bel ah
ngaihthiam khawh a si ti lo. (Khrihfa
zumhnak he ai khat)
3. Vancung hi dotthum a um (Multiple
Heavens)
Vancung hi dot thum a um. A sang
bik cu Pathian nawl a ngaimi hna umnak
a si. A lai dot hi Moses Nawlbia
a zulmi hna umnak a si. Tangnung
bik dot hi taksa duhnak a zulmi hna
umnak a si. (Khrihfa zumhnak ah cun
vanram le hell ram lawng a um)
4. Tlangbawi (Priesthood)
A tlingmi Pa (Male) cu tlangbawi a
si kho. Mi nak Pa cu 1978 kum tiang,
tlangbawi an si kho lo. Nu poahpoah
cu tlangbawi an si kho lo. (Khrihfa
zumhnak ah cun, puan-zar a tlek cang
caah zumtu vialte tlangbawi kan si
kho, nu zong pa zong, mi-nak zong
mi-rang zong)
Thawngthanh Bul pawl
1. Zarhpi ni pumh ah caan a hmangmi
, (phungchim, solo, hlaremh,
Church Choir) nih nan caan hmannak
DVD na duh a si ahcun CBMC website
webs Master sin ah hal khawh a
si. Amah bel te caan nan hman zarhhnih
chungah na hal lai I, nanmah tein
DVD phel nan I thawh lai. Contact:
salaimaru@gmail.com
2. Voikhatnak ah US $ 220 na liam
lai i, na chanchung phonebill pek na
hau ti lai lo. Na phone cu US le Canada
tiang nai kal pi khawh i unlimted
in na hman khawh. www.ooma.com
ah kal law na cawk khawh. Tamdeuh
theih na duh ahcun vanthawngling@
yahoo.com ah hlathlai khawh a si.
3. CBMC phunghram remh hnu in
chapthanmi, CBMC Prayer Ministry
cu a kal cuahmah. Khrihfa nun ahhin
thlacam hi pakhatnak a si ko. A duhmi
paoh thlacam dingah sawm nan si. Pu
Ngun Chum sin ah thawng rak thanh
te.
4. Cauk cawk awk a um: Roland
Siang Nawl nih a chuahmi “ Khualipi
Pahnih ( City of Abundance & City
of Desire ) “ timi cauk ka sinah a um i
a duhmi nih cawk khawh asi. Cahmai
101 a um i a man cu $5 te lawng asi.
Cattialtu hi atulio ahcun CACC zong
nih Laiholh le Laica ah an i bochan
ngaingai mi pakhat asi i tutan a ttialmi
cauk chung ahhin zeitluk in dah Laica
a thiam ti cu a lang. A dumi ni Tv. Ni
Bawi Lian sin ah hlathlai khawh a si.
5. Kan hnu Saya Van Ram Uk,
CBMC Crusade (Frederick sang) i,
nikhat ni, nihnih ni nithum ni tiang ta
kha CD in a duhmi nih a lakka in cah
khawh a si. Amah bel te CD phel nanmah
tein nan i thawh lai. Pu Tluang
Hei sin ah hlathlai khawh asi.
6. CBMC’s Family Photos : CBMC
chungtel Family photos pawl kha
CBMC website ah chiah i, zoh khawh
dingin Literature Committee nih an
timh. CBMC Website ah nan min hun
click in nan chungkhar hmanthlak
cuang colh dingin tuah asi lai. CBMC
chungtel a simi paoh nih nan chungkhar
hmanthlak kha Dr. Bawi Uk
Thang sin ah nan rak pek nak lai kan
in nawl hna.
‘Ngang” lawngte (6)
1. Zarhpini pumh fel ngang i, zapi
thlacam kar ah mit I chimh bal lo.
Phone deh le restroom kal lawng
rianh.
2. Zarhpi ni pumh ah hmai tthut
uar ngang i, kaicek khai tthin lo.
Thawhhlawm philh rih.
3. Ninga/Zarhte zaan pumh fel
ngang i, pum dih paoh ah mi kongceih
in caan zeimaw zat hun lak peng. Lawi
theih rih lo.
4. Pumh fel ngang i hmai tthut duh
hleng lo.
5. Mi kauh ngang i, ningttih pan
ngang.
6. Hruh ngang ttung i hlen har
ngang
4 9

a phuah beh nain a hnu ah Than Swe
ton a rak i timh i thlichia kongkau
chimh a rak i timh kha an theih than i,
a rian ahcun a luh hnik than. Asinain
a mah nih a duh ti lo. Cutikah Kawlram
mipi nih thlichia ruangah kan
thih than ti nak hnga lo, amah phaisa
chuah in Kawlram khuacaan kong a
hlat i, mipi sin ah theih ter aa zuam
peng. - onlines
Janpan Nuclear ruangah
Japan rawl an hrial
Kan hnu March 11 i Japan ram lihninh
ruang i a puakmi Nuclear ahkhan
Japan nih rmdang i a kuami an ti rawl
pawl ah Radio active aa tel sual lai tiah
ram tampi nih Japan ram in a chuakmi
ti rawl pawl an ram luh ter an phih.
US, EU ram pawl piin ah Russia,
Australia, Canada le a dang ram cheu
khat pawl nih Japan ram in an kuatmi
hna rawl pawl an luh ter duh lo. Japan
cozah nihcun March 24 ahkhan Radio
Active cu a tha cang an ti ko nain mipi
tampi nihcun an din-ei mi rawl kongah
an thin a phang peng ko.
– Myanmar Times
Chaklei Korea nih Japan
Lihninh a bawmh ve
Comunist cozah Chaklei Korea
(N.Korea) ve lo bang a zeilung dek a
tho. Japan Lihninh ah US tingkhat a
bawmh ve hna tiah March 24, ahkhan
a chim ve. Cun Japan ummi Chaklei
Korea Communist cozah tanh pawl
8
caah US 4 5 million ka hlut chap a ti.
Japan nihhin Korea tikulh hi 1910-
1945 tiang a rak uk in a duh in a rak
tuahto hna. Nihin ni tiang Chaklei
Korea nih Japan cu a ral zoh in a zoh
peng,
- Myanmar time
Ivory Coast ram khuaci
an mui
Yahoo news nih a tial ning ah zarhteni
chung tiangah Ivory Coast ram
minung 1000 hrawng an thi cang tiah
Chatolic Charity nih an chim. That lei
panh loin an buaichin vima. Hi Ivory
Coast ram hi Afarica ram ah a ummi
a si Nov. 2010 ahkhan thimnak an
tuah. Mr Ouattara le President a tuan
cuahmah mi Mr. Laurent Gbagbo an
i zuam. Mr. Quattara nih a tei nain
Mr. Laurent Gbagbo nih nawl ngeihnak
a pe duh lo. “A ka tei lo, mee an
nawnnok i a si” a ti. Cutikah thimnak
teitu Mr. Quattara nihcun, hi thimnak
hi a dik, UN peace keeper pawl
theih pimi a si,a ti i amah te in cozah
aa dirh i, president hlun Mr. Laurent
Gbagboo cu an nam. Mr. Laurent
Gbagboo zong cu ralkap tamlak aa
ngeih ve i, an i kap. Cu President thar
le hlun ralkap pawl cu an hmuhnak
paoh ah an i kap. UN Peace Keeper
pawl zongnih a tlangtlak kho rih hna
lo. A thi chap thluahmah rih lai.
– onlines
5. Pathian sining (The Nature of God)
Pathian, Jesuh le Thiangthlarau hi ai
dang cio mi an si. Pathian le Jesuh le
thawh than hnu taksa, hna hi ruh le
titsa a ngei mi an si. (Khrihfa zumhnak
ah cun thum komh Pathian a si tiah
zumh a si)
6. Jesuh nih America a tlawn bal (Jesus
visited the Americas)
America continent ah hin Lehi cithlah
miphun phun hnih an um. Jesuh
a thawhthan hnu ah hin America
minung sinah a rak tlawng bal. (Baibal
ah a um lo mi a si)
7. Bia-phuan (Modern Revelation)
Mormon Profet nih a chimmi biaphuan
poah cu Mormom biaknak
zulh-phung (doctine) an si. (An Profet
cu Joseph Smitth a si)
8. Thlarau (Spirits)
Minung kan thih tikah kan thlarau
cu taksa he ai then. Mitha mi hna an
thlarau cu “thlarau paradise” ah ai din.
Misual thlarau cu “thlarau thonginn”
ah a um ve. Cuka hmun cun second
coming an hngak. (Mirum pa kha a
thih tikah hell ah a kal colh, thlarau
thonginn ah aa diin lo)
9. Nun nuamhnak (Pleasure in Life)
Nun lio nuamhnak hi biapi ngai ah an
ruah. Mormom tuan-phung (myths)
zongah tampi an lang. Kawfi, zuu le
zuk-hmawm phun a si mi poah tongh
lo ding. (Nun thianhlim cu Khrihfa
zumhnak zong ah tha pek mi a si ve)
10. Cheuhra cheukhat (Tithing)
Vancung cungdot cem na phaknak
hnga dingah cheuhra cheukhat cu
tling te le hman te in na pek hrimhrim
awk a si. (Khrihfa zumhnak ah
cun cheuhra cheukhat ruangah vanram
phak a si lo, zumtu kan si caah
kan pekmi tu a si deuh)
Biacah
: A tlangpi in Mormom zumhnak hi
kalsual deuh ah ruahmi an si. Jesuh
nih, “Keimah sin dah lo cun Pa sin
phaknak lam a um lo” a ti. Hla zongah
“Vancung khua vailamtah lam in kal
a herh, hi hlei lam dang a um lo” tiah
kan sak. Mormom tlangval cu minung
pahnih-thum in an kal tti lai I, inn
kip ah an va kingh tawn lai. Jesus tbt
ttangbenh hna an I benh lai. Mipem
ka, zei thei lo nih cun mirang Khrihfa
zumtu ttha ngai ah ruah sual a fawi te.
Phaisa thazang hmang in member a
kawlmi an si tikah sifak santlailo nih
I lun a fawi te. Jesuh kong zeirello in
muvi a chuahtu zong khi Mormon
pawl hi an si tawn. Jesuh nih motorsaikel
ai cit I Jerusalem a luih lio hna
an chuah. Jesuh nih lakfa a neihnak
kong hna an chuah. Cucaah Mormom
tlangval, kawrvar le necktie he nan
inn an rat tikah, “Sorry, kan I manh
lo” tiah aw nem tein rak tthawl hna u.
An rap ah nan i-awh ve sual lai.
Sailo Pa
Dawh Khun Kei Ca
Salai Marau
Parza run lakah,
Rim hmui cem par si hlah hmanh,
Khuaivah hna caah,
Tlanh khunmi par na si.
Raan cuang na mui nih,
Vahnit sen bang cer hlah hmanh,
Vaal zaa rual caah,
Cat lo cirhti put na si.
Na annkaa rem nih,
Khuaihliti bang thlum hlah hmanh
Mitsir veng val caah,
Fianh khawh lo sullam rak ngei
5

Thawngpang
Ziknawh ei bikmi ram
2010 chungah vawlei cung ram 176
chungah CPI- Corruption Perceptions
Index 2010 tiin Transparency
International timi bu nih ziknawh a
ei bikmi ram an thim hna i Kawlram
nih pahnihnak a tlaih. Pakhatnak ah
Africa in Sudan ram a si i, pahnih
nak ah Kawlram le Afghanistan nih
pahnihnak an hmuh. March 25, 2011
ah Napyidaw khua ah an tuahmi
Kawl ralkap cozah bawi pawl tonnak
ah Sr. Genaral Than Swe nih “Atu
lio Kawlram hi a ram innpa Loas le
Combodia nak hmanh in minung nunning
a niam deuh” tiah a chanchung a
voikhat nak a chim. Cun a chim rihmi
cu, hi ziknawhnak hi biatak tein kan
doh lai, tiah a chim rih. Kawlram hi
1962 Newin cozah kai hnu in a sifak
chin lengmang, ziknawh a tam chin
lengmang i, a tu hin cun ziknawhnak
vawlei ah a kan pil hi kum zabu cheu
hrawng a si cang.
- Mizzimma
Kawlram
Ramhun(President)
thar
Kawl ramkap cozah dirhkamhmi
USDP (Cianhkianzi) party in hlan
6
ralbawi hlun U Thein Sein cu kan
hnu nithumni ahkhan Kawlram kum
22 chungah a voikhatnak Ramhun
(President) si dingin Napyidaw ah , a
bawmtu ah aa thimmi Vice-President
pahnih hna he biakamnak an tuah i,
April thla thok in Kawlram cozah
pi cu hruaihram a thok cang lai. An
biakam mi cu, Kawlram cu ding fel
tein ka uk lai, a herh ahcun kan nunnak
tiang ka pek lai, ti a si. Kwl ram
tuanbia ah a voi (8) ah President a si.
Kum 19 chung thir kuttum he kawlram
a uk tu Sr.Gen Than Swe zongnih
a hmurka cun kai din ve cang lai, a ti
nain aa dinh tak le tak lo chim chung
awk a har ngai, an ti. U Thein Sein
cozah nihcun Vuanci 30 le a Vuanci
bawmtu 40 a hruai hna lai. Hi Vuanci
le vuanci bawmtu aa thimmi hna pawl
hi mi tamdeuh cu, tulio ralkap bawi
a tuan cuahmahmi an si, Hi U Thein
Sein cozah ahhin vuanci bawmtu ah
nu pahnih an i tel ve. U Thein Sein
nih Ramhun rian a hun i kinh bak in
bia tampi a chim. Cu hna cu, ramdang
ram tha lo pawl nih an ram chungah
a duh in an hung i thlak khawh lo nak
ding caah ral hriamnak kan thawn ter
a hau, a ti. Cun Cozah riantuan pawl
an thlahlawh ka kai ter kho hna lai lo,
a ruang cu kawlram cu kan si a fak
tuk i, hi pawl hi tampi than ter kan
hau rih, a ti. NLD party nih, “Cozah
tharhe biaruah khuakhan tti dingin
ready kan si” an ti. U Thein Sein hi
Ralbawi General min in Ralkap cozah
ah Prime Minister sau pi a tuan i,
ralkap chung theih ningah ziknawh a
ei lo bik, ralbawi asi an ti. Sr.Ge Than
Swe i a mi zumh a si. N.Korea, Taluk
le ASEAN ram pawl nihcun Kawl
cozah thar cu lawmhpinak cakuat an
kuat hna nain US le EU ram pawl lei
cung zeihmanh aw ann a lang rih lo. -
Mizzima
Shan ram lihninh
Japan ram lihninh ruangah an buai
saling lio ah Kawlram chung Shan
ram zongah March 24, 2011 ahkhan
6.9 thazang in li a rak i hnin ve i
innlo, lam tamlak a rawk. A hninhnak
ah Thailaind le Loas ramri hrawngah
a si i, minung 107 an thi, tiah khuami
hna nih an ti. Asinain Kawl cozah
TV MRTV nih cun 76 an thi, tiah an
thanh. Tachilek khua in meng 22 aa
hlatnak Kyakuni khuate ah Batptist
Khrihfabu Baibal cawnnak an ngeih lio
ah li nihcun a hninh hnawh hna i, minung
20 an ti. Minung 60 hma an pu.
World Vision, UNICEF le a dangdang
NGO bu pawl nih an zuan hnawh hna
i an bawmh hna. Ralkap 300 hrawng
zong bawmtu dingah an thlah hna.
Hi lininh nih a hrawhmi dihlak hi US
$ 3.6 million man hrawng a si lai, an
ti. Hi lihninh hrawhmi pawl bawmh
dingah India cozah nih US $ 1 million
a bawmh ve. - Mizzimma
Khua caan kong website
www.tunlwin.com
Kawlram khuacaan zohnak zung ah
lubik a rak simi (Director-General &
PR of Myanmar with WMO) Dr. Tun
Lwin nih Kawlram mi hna tilian, ruahsur
le khuacaan tha lo nih a pekmi
harbnak ruangah a caan te ah i kham
khawhnak dingah website pakhat a
ser i, cu nihcun kawlram ah thlichia
le ti lian an ton sual ahcun a caan te
ah an theih khawh manh nak caah
tiin thawngpang a thanh peng hna.
A website min cu www.tunlwin.com
a si i, an min ah Myanmar Climate
Change Watch an ti. A caan hman tein
Kawlram mipi sin ah khuacaan um tu
ning a thanh peng hna.
Dr. Tun Lwin hi kan hnu kum hmasa
Kawlram ah Nargis thlichia ruangah
minung a ting in an thih lio ahkhan
Kawlram khuacaan lei zungah Director-Genaral
a rak tuanmi a si. Kha
lio i, Irrawady ti hna lei le Yangon
kiangkap hrawng i a tlung dingmi
Nargis thli chia a hrannak lai dingmi
kha a rak theih cia ko. Cucaah Than
Swe va ton i a sining le zeitin dah
kan I khamh khawh lai timi kongkau
chimh ah Napyidaw ah a kal i aa zuam
leen nain Than Swe tonnak nawl a rak
pe lo. Cu tik ah Nargis thlichia cu a
hrang i minung a ting in an thih kha
a si. Amah rian zong Than Swe nih
7