IN YOUR - Department of Fire and Emergency Services

Mei, gas le ti a pit ma? Zeitindah ka awntthan

khawh hna lai?

Mei a kangh lio ahkhan himnak ruangah Meithat Bawi nih mei, gas le ti

kha a phih khawh men.

Insurance na ngeih ahcun na insurance company nih mahhnapawl kha

awntthan dingah an in khaanpiak khawh. Na ngeihlo ahcun nangmahtein

na tuah a hau lai. Telephone in company pawl le thilremhtupawl kha na

chonh hna lai.

Na mei, ti le gas an petu company pawl nihkhan a thiammi an thlah hna lai

i a rawkmi kha an zoh, an remh dih hnuah an in pehpiaktthan lai.

Thawngpaang hlattupawl kaahin zeidah an tuah?

Thawngpaang thanhtupawl nih khan mei kanghnak kong kha an thanh

theu. Thawngpaang hlattu nih biahal dingah an nawl ahcun a bia

lehding le lehloding kha nangmah nawl a si. A bia leh dingah naa timh

ahcun an hal hlaanah zeibantuk bia dah na ka hal lai tiah hal hmasa.

Meithattu zong kha an bawmtu le chimpiaktu ah na nawl khawh.

Bia an in halmi na sia-a-remlo ahcun an haltu kha ngol dingah na

chimh khawh. Mei kanghnak kong an theih hlaan le hlathlainak an tuah

lio ahcun thawngpaang hlattupawl sinah zeihmanh chimlo kha a tthabik.

Pakhatkhat chonh ka duh hna, a hodah ka chimh

khawh lai?

Na inn mei nih a kangh i lungrethei le vansaang in na ummi kha cu

a tongbalmi nih an in ciomi a si. Asinatein nangmah le na chungle nih

khan zeitindah kan tuarin lai timi kha theihthiam a hau. Bomhnak na

hal kha a biapi i na lungretheihnak kha na cungkhat, hawikom le

mihnemtu/ruahnakpetu (counsellor) sinah chim hna.

Meithat Zung ah Pasator a ttuanmi zongnih khan nangmah le na

chungle kha bomhnak an pek khawh hna. Meithat bawi nih khan

a mah kha na inn ah an auhpiak hna lai i lunghnemhnak le hmailei

kong an ruah hna lai. Zeitikcaan poahah an bawm khotu zung le bu

tampi an um.

Nazi 24 chung bomhnak hal khawhnak

nambarpawl:

FESA Chaplain (08) 9485 7800

(phone na chonh lai i bia na chiahtaa a hau)

Crisis Care (08) 9223 1111

The Samaritans (08) 9381 5555

Lifeline 13 11 14

Na inn meithatpawl an bawi cu _____________________ a si.

An mah cu ______________________ Meithat Zung in an si.

_____________________ caan ah.

An telephone nambar cu _________________________ a si.

Na meithat bawi nihkhan na chimmi cung in zeidah na

tuahawk a si timi kha a tanglei ningin an zahpiak lai:

Insurance na ngeih ahcun:

Na insurance company chawn

Na insurance company nih a tangleipawl kong ah bomhnak

an in pek lai:

laakhruak umnak inn

laakhruak tirawl le hnipuan

a rawkmi thianh awkah company pakhatkhat tolrelpiak

mei, gas le ti zohpiak le pehpiaktthan

Na insurance company nih a tanglei kong pawl ahhin ruahnak

an in pek lai:

na inn himnak dingah a hodah na chonh lai

insurance leiin a rawktu zohawkah an thlahmi zeitik a rat lai

na inn a rawkmipawl a remhtu ding zeitikah na chonh khawh lai

Insurance na ngeihlo asiloah na chiahning (policy) nih a liam khawhlo

ahcun a tanglei hi chawn hna:

laakhruak harnak tongmi umnak, rawl le hnipuan petu bu le zung pawl

na inn a cawng hngatu company

bomhnak le hnemhnak petu bu le zung pawl (Meithat Zung ah Pasator A

Ttuanmi telhchihin)

a rawkmi an thianhpiak khotu company

mei a rawkmi an remhpiak khotu

ti a rawkmi an remhpiak khotu

na inn an remhpiak khotu company.

Theihternak

Mah ca i aa ttialmipawl hi Nitlak Australia Meithat le Mikhamhtu Zung –FESA nih mipi

himnak caah manlo in a pekmi a si. A chung i a ummipawl hi a hmaan i zumhawktlak a si

tiah mah ca chuahlio ahcun ruahmi a si. Asinatein bochanawktlak a sile a hmantaktak le

taklo cu FESA nih aamahakhanglo i mahning in zulh ruang ah harnak tonsual le a baumi le

hralhsualmi a umsual zongah ttuanvo a laalo. Mah ca hi mipi theihternak caah chuahmi a

si i zei ka tuahlai timi cu a reltu nih a mahtein a hlat i a cawnding a si.

OCTOBER 2010

INN MEI NIH A KANGH DIH

IN TUAHAWK THILPAWL...

FIRE SAFETY

NA INN MEI NIH A KANGH DIHIN

ZEIDAH NA TUAH KHAWH

IN YOUR

HOME

Government of Western Australia

Fire & Emergency Services Authority

Chin

---

Na inn kha mei nih a kangh i a hrawh

ahcun na lau kho i lungawttawm

zongin na um kho. Zeidah a cang timi

kha intuarawk zong ah naa harh ko

lai. Mah kha cu an ton ciomi a si ko

i a caan nih na lungretheihnak kha a liampi

te ko lai. Caankarlakah nangmah tein

naa zohkhenh khawh tthannak hnga thil

tampi na tuah khawhmi a um.

Mah catlap nihhin zeithilpawl dah na tuah

khawh, hnipuanfenheih khuaikaa ahdah

na laak khawh le inn ah na um khawh tilo

ahcun khuaikaa ahdah na kal khawh timi

tehna an chimh lai. Na inn mei a thattuhna

an bawi zongnih khan an bomh khawh.

Tuzaan umnak ka ngei tilo. Keimah le ka chung

le zeidah kan can lai?

Na inn kha insurance na chiah ahcun na insurance company kha chawn

hna law laakhruak umnak inn an in tolrelpiak khawh. Na insurance

chiahning (policy) nih a ngeih. Zung ttumhnu zongah chonh khawh an

si ttheu. Insurance na ngeihlo ahcun chungkhat le rualchan sin zongah

na um kho.

A dang na tuah khawhrihmi hna cu Department of Housing (Cozah Inn

Tlaitu Zung) kha chawnhna law harnak caan tonruangah an chiahmi

inn le caan sau umnak inn an in pek khawh men. Asiloah Department

for Communities Crisis Care (Mipi Harnak Ton Lioah A Bawmtu Zung)

chawn hna.

Department of Housing, Homeless Advisory Service:

Manlo chonhnak 1800 065 892

(Zinglei 8 le Zaanlei 5 kar Nikhatni in Ningani tiang)

Department for Communities, Crisis Care:

(08) 9223 1111 asiloah manlo chonhnak 1800 199 008

(chun he zaan he)

Zeitindah ka insurance company an i telning a si?

Inn ngeitu na si ahcun na insurance company kha a ran khawhchung

in chawn hna. Minung pakhatkhat anrak thlah lai i a rawkmi le a man

an in tuakpiak lai.

Innhlang na si i innchung thilri caah insurance na chiah ahcun

innngeitu asiloah a aiawhtu (agent) na chonh lengah na insurance

company zong kha chawn hna.

Insurance ka ngeihlo ahtah?

A rawkmi kha nangmah tein na remh a hau lai asinatein na hawi le

chungkhat sinah khan bomhnak hal khawh i zuam.

Ka inn tah zaan ah a him lai ma?

Inn ngeitu na si ahcun insurance in mi pakhatkhat an thlah hlaan

tiang na inn himnak ttuanvo laakding kha na rian a si. Anmah nih khan

ruahnak an in pek lai i a herh ahcun kenttrektta pakhatkhat kha na

inn himnak tuahpiak dingah an fial hna lai. Hal ding na ngeih ahcun

na sang i a ummi palek sin zongah hal khawh an si.

A rawkmi kha inncung le a kampawl an si ahcun State Chungah

Laakhruak Harnak Toncaan ah Mibawmtu Bu, State Emergency

Service (SES) nih ruah khaangmi muka nganpipi hmang in le aa

longmipawl ttempiak in an in remhpiak khawh. Meithattu an bawi

asiloah palekpawl kha SES auhpiak dingin nawl hna asiloah 132 500

ah na chonh khawh.

Kan ngeihmi vialte mei nih a kangh dih. Zeitindah

ka chungle tirawl le hnipuan ka tolrelpiak hna lai?

Insurance na ngeih ahcun chawnhna law na insurance chiahning (policy)

in tirawl le hnipuan an in bomh khawh men.

Insurance na ngeihlo asiloah na insurance chiahning nih a liamkhawhlo

ahcun Ngakchia Huhphenhnak/Khamhnak Zung (Department for Child

Protection) asiloah Mipi Harnak Ton Lioah A Bawmtu Zung (Department

for Communities, Crisis Care) nih tirawl, hnipuan, laakhruak umnak inn

le a dang a herhmi an in bomh khawh.

Department for Child Protection:

(08) 9222 2555, manlo chonhnakl 1800 622 258

(zinglei 8 le Zaanlei 5 kar Nikhatni in Ningani tiang)

Department for Communities, Crisis Care:

(08) 9223 1111 asiloah manlo chonhnak 1800 199 008

(chun he zaan he)

Meithat Zung ah Pasator rian a ttuanmi (FESA Chaplain) zongnih khan na

herhmi an bawm khotu minungpawl he pehtleihnak an tuahpiak khawh.

Meithat bawi kha a mah he i tonnak kan tuahpiak tiah nawl asiloah

(08) 9485 7800 ah chonh khawh a si i bia (message) na chiahtaak lai.

Ka thilpawl ka laa kho lai ma?

Na inn a cheubaang lawng a kangh i mektthatbawi asiloah Meikanghnak

Kong Hlathlaitu nih innchung ah luhkhawh a si ko an ti ahcun a tanglei

thilpawl laak na herh kho men:

� nangmahsinak an fianh khotu catlap (bianaah mawttaw

monhnak laisen)

� a ba thil cawknak (credit card)

� chek lehhmah caukpawl

� phunglam nih a herhmi catlappawl (bianaah na inn

sachoah tibantuk)

� insurance catlappawl

� na sii dinding

� mithmaan

� hnachet nih an hmanmi thilri asiloah na pumpak caah

na herhmi thiri

� suingun, hmanthlak le DVDpawl

� a dang thil mansung na ngeihmi.

Asinatein thilripawl na laak hlaanah na insurance company kha hal

taa hna.

Mei nih khan ka inn a buai ter dih. Zeitikahdah

ka thianh khawh lai?

A tamdeuh cu meithatpawl nih mei hmihnak ah a thatthawngmi

(pressure) tipet an hman. Na inn ah rengtein na um khawhtthannak

hnga asikhawhchungin na innchungthilri le tthutdan-cabuaipawl kha

hrawhlo an i zuam.

Mei nih khan na innchung a kangh ahcun thianh a haumi pawl an

um lai. Meithat Bawi, Meikanghnak Kong Hlathlaitu asiloah Palek

Bawi sinah khan zeitikdah na innthianh thawk khawh a si lai tiah

hal. Hlathlainak asiloah zeiruangahdah inn mei nih a kangh ti hlatnak

a um ahcun hmun cheukhat pawl ah thianhnak nawl an in pe lailo.

Na insurance company zong ahkhan na insurance chiahning nih inn

thianhtu an hlaanpiak khoma tiah hal hna.

Meikanghnak Kong Hlathlaitu a rian cu zeidah a si?

Meithat Bawi nihkhan zeiruangahdah inn mei nih a kangh timi a theih

khawhlo ahcun Meikanghnak Kong Hlathlaitu a auh lai. Pakhatkhat

faaktuk in hma an put asiloah an thih sual ahcun palek zong an raa lai.

Hlathlainak an tuah lioah na inn himtein chiah kha Meikanghnak Kong

Hlathlaitu asiloah Palek Bawil i an rian a si. Himnak ding le hlathlainak

dawnkhaanlo ding ah minung an luh khawhnak hngalo na inn kha

khamnak hri in an kulh lai.

Innchung luh na herh sual ahcun Palek Bawi asiloah Meikanghnak

Kong Hlathlaitu nih an in zulh lai. Hlathlainak a dih hnu ah na inn

tolrelnak nawl kha nangmah an in pektthan lai.

Khangh Hramhrammi Mei Kong A Hlathlaitu Palek

an rian cu zeihdah a si?

Meikanghnak Kong Hlathlaitu nih khan a herh ahcun Khangh

Hramhrammi Mei A Hlathlaitu Palek a auh lai. Mei a kanghnak a ruang

kha lunghrinnak an ngeih, khangh hramhrammi a si tiah an ruah

asiloah a kanghnak sullam an theih khawhlo asiloah pakhatkhat an

thih ahcun meithatpawl nih Khangh Hramhrammi Mei A Hlathlaitu

Palekpawl kha an auh hna i rian an ttuantti tawn.