Estrategiak euskararen ikaskuntzan eta irakaskuntzan

30
Kurrikuluko bigarren puntutik ondorio honetara irits gaitezke:
Lehenengo mailan lehen sei urratsak daude, alegia, 1A «azpimailan» lehen
hiru urratsak daude eta 1B «azpimailan» lau, bost eta sei urratsak. Era
berean, bigarren mailan zazpi, zortzi eta bederatzi urratsak sartuko ditugu
eta hirugarren mailan hamarretik hamabira bitartekoak.
Kurrikuluak aurrean aipatutako puntu biak aurrera eramateko, heziketarako
materialak eta irakasleen formazioa ere kontuan izan behar dituenez gero,
Materialgintza proiektua martxan jarri zen 1996an. Egitasmo honek,
irakasleentzako formaziorako ikastaroak antolatzen ditu, teknologia berrien
erabilera ahaztu gabe, izan ere, horrela sortu zen HABE.net proiektua
hurrengo helburu hauek dituena:
HABE sare osoaren komunikazioak, barrukoak zein kanpokoak,
hobetzea (HABE, euskaltegiak, irakasleak, ikasleak).
Ikas-materialetarako sarbidea erraztea eta orobat horien
homologazioa ere.
Autoikaskuntza eta on-line didaktika-sistemak garatzea.
Irakasleen etengabeko heziketa urrutitik eta tutore bitartez
bideratzea.
Administrazio-kudeaketa erraztu eta hobetzea.
1.1.1.2.1. Helduentzako euskararen irakaskuntza aztertutako
euskaltegian
Euskal Irakaslegoko zuzendaria den Metxe Luzuriagari euskaltegian egiten
den euskararen irakaskuntzari buruzko informazioa eskatutakoan, inongo
zalantzarik gabe, EIKP edo Euskal Irakaslegoaren Kurrikulu Proiektua
azaltzen duen txostenaren berri eman zuen. Horrenbestez, esan daiteke
1992an Euskal Irakaslegoa Euskaltegi Pribatu Homologatu gisa iskribatu
zela Eusko Jaurlaritzako erregistroan. 2003 urtea arteko datuek adierazten