Diskurtso kooperatiboak langile-kolektiboan ... - Euskara

Atal teorikoa
Arrasateko Kooperatiba Esperientziaren ibilbide historikoa
126
5. Zentzuen bilakaera: zentzu krisiaz
5.1 Identitatea, zentzuen iturri
“Como se construyen los diferentes
tipos de identidades por quienes y
con qué resultados no puede abordarse
en términos generales y abstractos:
depende del contexto social”
Touraine, Alain.
Ikerketa-lan honetan identitate kooperatiboa aztertzera gatoz,
eta hasteko testuan sarri erabiliko ditugun identitate eta
zentzu hitzak zedarritzeko azal ahalegina egingo dugu.
Azkarraga Etxagibelen iritziz, kooperatibismoa modernitate
kapitalistaren emaitza da, eta gizarte moderno industrial
kapitalistak bizi duen zentzu eta identitate krisiaren biktima
ere bai neurri handi batean. Baieztapen horretan oinarrituz
‘identitatea’ eta ‘zentzua’ funtsezko kontzeptuak dira ikerketa
lan honetan. Aurrera egin aurretik, kontzeptu horiek
definituko ditugu.
Zentzua definitzeko Manuel Castells-en ekarpena landuko dugu 49 .
Hasteko, horra hor lehenengo baieztapena: “La identidad es la
fuente de sentido y experiencia para la gente” 50 . Autoreak
identitate koletiboaz dihardu, era berean kontzeptua zentzuaren
eraikuntzarekin lotzen digu:
“Por identidad, en lo referente a los
actores sociales, entiendo el proceso
de construcción del sentido atendiendo
a un atributo cultural, o un conjunto
relacionado de atributos culturales, al
que se da prioridad sobre el resto de
las fuentes de sentido” 51 .
Bai norbanakoaren kasuan nola aktore sozialarenean, hainbat
identitate izan ditzakegu. Aniztasun hori (identitateak
konpartitzea) tentsio eta kontraesan iturri izan daiteke norbere
autodefinizioan eta baita gizarte ekintzan ere.
Castells-ek identitatea eta rola bereizten ditu. Rolak (ama
izatea, auzokidea, militantea, sindikalista, saskibaloi
jokalaria...) gizarteko instituzio eta erakundeek eratutako
arauez hornitzen dira. Identitateak aktoreen zentzu iturriak
izango dira, eta aktoreak beraiek izango dira identitateok
eraikiko dituztenak, indibidualizazio prozesuen bidez. Castells-
49 Castells,Manuel: La era de la información. Economía, Sociedad y Cultura.
Vol.2: El poder de la identidad, Alianza Editorial. Madrid. 1997, 28-34 orr.
50 Castells,M. Op. Cit 28 orr.
51 Castells, M. Op. Cit. 28 orr.