Diskurtso kooperatiboak langile-kolektiboan ... - Euskara

Atal teorikoa
Fagor Arrasate
Atal teorikoaren laugarren kapitulu honetan Fagor Arrasate eta
Fagor Taldea aztertuko ditugu. Lehenengo puntuan Fagor
Arrasateren gaur egungo argazki bat egingo dugu, bigarrenean
kooperatibaren ibilbide historikoari erreparatuko diogu, non
gauden jakin ostean nondik gatozen jakite aldera. Eta azken
puntuan, hirugarrenean, Fagor Taldeari buruzkoak ezagutzera
emango ditugu, zeintzuk osatzen duten Taldea eta azken urteetako
bilakaerari arreta eskainiz.
1.Fagor Arrasate Kooperatiba Elkartea
Fagor Arrasate Kooperatiba Elkarteak gaur egun lau planta
produktibo ditu, bi Arrasaten, bat San Andres auzoan eta bestea
Gameiren erosketaren ondorioz Musakola auzoan. Beste bat,
Markinan eta azkena Txinan, berriki zabaldua. Halere, planta
produktiboa ez izan arren, Donostian ere badu siderurgia
negozioko diseinuaz arduratzen den lan talde bat ere.
1.1 Langileen bilakaera azken urteetan: 2003-2008
Azken urte hauetan langile kopuruak goraka egin du. 2003.urtean
Fagor Arrasatek 458 langile zituen, eta 2006an 506. 2008ko
abenduan 492 zituen. Dena den, eta gaur egungo krisi ekonomikoa
dela eta aurtengorako (2009rako) langile kopuruak behera egingo
duela aurreikusten da (-46). Aurrejubilazioak egin eta
kontratupekoak kaleratzetik etorriko da jaitsiera hori. Era
berean, eta gainontzeko lanpostu denak mantentzeko ahaleginean
soldatak jaitsi eta uztaileko eta abenduko soldata sariak
sakrifikatuko dituzte.
Langile
kopurua
2003 2004 2005 2006 2007 2008
458 447 494 506 491 492
Iturria: Fagor Arrasateko Batzar Nagusietako itxiera txostenak
143