Diskurtso kooperatiboak langile-kolektiboan ... - Euskara

Atal teorikoa
Fagor Arrasate
Bestetik, eta bereziki estanpazio negozioko prentsa handiak
ekoiztu ahal izateko San Andres auzoko plantan 6,5 milioi euroko
inbertsio bat egin dute kapazitate produktiboa gehitze aldera.
1.4 Lehen nazioarteratzea: Txinako planta produktiboa
Era berean, eta nazioartean, Asiako merkatuari bertatik
erantzuteko asmoz Txinan ireki zuen 2008.urtean lehen lantegi
produktiboa. Ordura arte, Fagor Arrasatek delegazio bidezko
inplantazioak zituen nazioartean. Baina, hemendik aurrera Txinan
ekoiztuko dira batez ere prensak, Asiako eskariari erantzun ahal
izateko.
1.5 Sahara eta Iparraldeko Ikastolen aldeko ekimena
Arlo sozialean ere izan da berrikuntzarik azken urte hauetan.
Arizmendiarrietaren ondorengo aipua oinarri hartuta:
“ transformar la empresa para transformar
la sociedad”
Gizartea eraldatzeko bokazioaz jardun zuten 2005eko Batzar
Nagusian eta horren harira urte bete beranduago hiru urtetarako
konpromisoa hartu zuten Fagor Arrasateko bazkideek.
Langile talde batek bi proiektu landu zituen urtean zehar. Alde
batetik, Euskal Herriko Iparraldeko Seaskako ikastolei diruz
laguntzearena. Eta bestetik, Saharako kanpamenduetan emakumeen
etxea eraikitzea. 2006ko batzar nagusian onartu zen, bi proiektu
horiei laguntzea, %84,7ak alde bozkatu zuen. Proiektu
bakoitzarentzat 150.000 euro hiru urtetan banatuak, baina fondo
sozialetik kanpo. Langile bakoitzari zegozkion irabazien
portzentai bat proiektu horietara bideratzea zen berritasuna.
Legeak agintzen zuena baino gehiago egin eta langileek eurek
landu eta prestatutako proiektuei laguntza eskainiz.
145