Diskurtso kooperatiboak langile-kolektiboan ... - Euskara

Atal teorikoa
Fagor Arrasate eta Fagor Taldea
mekanizatuz, datuak eskuragarri eginez eta kontrolak zorroztuz,
errealitate ekonomikoa zehazteko erraztasunak ekarri zituen; era
berean erabakiak hartzea errazagoa zen.
Salmenta sailak ere bakarka baino eragin handiagoa lortu zuen.
Talde moduan kooperatiba guztietako produktuak batera
eskaintzeko aukera ematen zuen eta bakoitzak bere aldetik
egindako saiakeretan lortutako emaitzak baino gehiago lortuko
zen talde moduan eta Ularco izenpean.
2.2. Irabazien banaketa
Dudarik gabe, taldearen konpromisoa garbien azaltzen diguna
kooperatiba bakoitzaren irabaziak ehuneko ehunean besteekin
banatzeko guztiek onartua zuten araudia zen, urte txarra bazen
kooperatiba batentzat besteek izandako emaitzetatik jasoko zuen
aurrera egin zezan; batean aktibitate bati tokatzen zitzaion eta
hurrengoan beste bat izan zitekeen kaltetua. Honek taldeko
kooperatiba guztien iraupena bermatzen zuen.
1966ko martxoaren 13ko Batzar orokorreko aktan Alfonso
Gorroñogoitiaren hitzak horrela jasotzen du araudi honen
garrantzia:
“...la reconversión de resultados tiende a
destruir las diferencias, imposibles de evitar
en actividades distintas, cuya existencia se
entiende necesaria para la supervivencia y
fortalecimiento de Ularco.”
“...lehenengoko urtietan, eta lehenengoko krisis
denbora agertu zanien batez be, izen zan ba la
panacea; batonbat gaizki zaunien jota ba
enterrau ein biharrien ba lagundu eta ostera be
bizirik geldittu. Arrasate ez bazan izen
Ularcogatik desagertuta zauen. Ulgorrek urte
txarrak hartu dauenian ba laguntasun bat bota
ako, igual ez eurak denborada baten bota zauen
bezain berezixa, baiña bai bota akon.
Copreciri berdin, Coprecik urte batzuetan
irabazten zauen la letxe, eta hurrenguen jota
fra! Ularcona izen zan inbento bat, inbento
inbento bat, zeattik horrekin lortu zan
kooperatiba danak bizirik eotie.” (Iñaki Mujika)
164