Diskurtso kooperatiboak langile-kolektiboan ... - Euskara

Atal teorikoa
Fagor Arrasate eta Fagor Taldea
Arrasatetik ez dittuk pasauko. Eta jarri
giñen hor, eta orduen egon zan hor
Fuenteovejuna esaten jakona: langilliak
langillien kontra.” (Gregorio Etxabe)
Greba horren ondorioa Ulgorreko 17 grebalariren kaleratzea, eta
gainontzekoentzat zigor ekonomikoak izan ziren. Beranduago
egindako hiru Batzar Orokorretan (1974, 1977 eta 1978)
kanporatutako langileak berriro kooperatiban onartzea bozkatu
ondoren, azkenean baiezkoa irten zen. Kaleratutako gehienek
berriz onartuak izateko eskaera egin zuten.
2.5. Arrazoi politikoengatik egindako grebak
Sasoi hartako greba gehienak arrazoi politikoengatik izaten
ziren. Lehenengoetakoa Burgoseko Prozesuagatik izan zela uste
dute ordukoek. Eta arlo politikoari zegokionez, Arrasateren
kanpora irteteko erabakiak izugarrizko eragina zuen beste
kooperatibetan. Guztiak Arrasatek zer egingo itxaroten egoten
ziren. Arrasatek zer egingo begira egotea honela arrazoitzen
dute zenbait testigantzek:
“Eta gu gaiñera beste alde batetik
nolabait disziplinauak gitzen, behintzet
auen hemen base sozial bat nahiko
serixue, gizonezkuak gehixenak,
edadekuak, bertakuak, bertako jentie...
Huelga politikuak eta sortu zienien beti
beiketan akuan Arrasatei, Arrasatek ze
eitten juan, zeattik politiko mailan ba
zuan apur bat referente bat. Bai,
referente bat izaten zan, horreik eitten
bajuek pentsauta eingo juen eta;
nolabait base sozial ekilibrauaue
auelako.” (Gregorio Etxabe)
3.Markinako lantegiaren sorrera
Arrasate lantegia Markinan 1972an zabaldu bazen ere, bere
historia askoz lehenago hasi zen. Lea-Artibai zonaldeko lehen
kooperatiba industriala aurrez egindako lan ugariaren fruitua
besterik ez zen izan. Markinako Arrasate lantegia Caja
Laboralaren promozio bat izan zela diote bertako langileek,
honen laguntza ezinbestekoa izan baitzen. Arrasate-Mondragoen
Markinako bi gazte merkatuaren azterketak egiten ari ziren
bitartean, Markinan Don Julianek bazterrak astintzen ziharduen.
Lursailak erosterakoan ere Caja Laboralaren laguntza izan zuten,
dena dela, Markinako lantegiaren sorreran faktore
garrantzitsuenak gazte gogotsu haiek izan ziren.
170