Diskurtso kooperatiboak langile-kolektiboan ... - Euskara

Atal teorikoa
Fagor Arrasateren ibilbide historikoa
1976-1981
Comité de Gestión izeneko talde eragilea sortu zuten ekimena
bultzatzeko. Lortutako emaitza onak zirela-eta, Ulgorrera
zabaldu zen esperientzia, ekoizpen lineak kendu eta lan-mahaiak
izeneko zelula txikiak sortuz.
Lan antolakuntza modu berri hauek langileen lan aniztasuna
bermatzen zuten, polibalente bihurtuz, eta ondorioz, lanak
satisfazio handiagoa eta harremanetarako aukera gehiago
eskaintzen zien.
1973 eta 1975eko petrolioaren krisialdiek antolakuntza berri
hauen ezarpen prozesua gelditu zuten, eta 1976an berriro
proiektua eskuartean hartu zen. Arrasaten orduan hasi ziren
montaje sailean aplikatzeko plan handizale bat prestatzen.
Helburua langileen partehartzea handitzea zen, hamabostero
langileen ordezkariak, lineako buruekin eta beste hainbat
kiderekin biltzea zen hobekuntzetako bat.
Plangintza antolatze fasean zegoenean, ekoizpena beste era
batera antolatzeko beharra sortu zen. Ordura arte, makinak
funtzioen arabera antolatuta zeuden, eta aldaketa honi esker,
produktuak ekoizteko beharraren arabera antolatu zituzten. Lan
egiteko modua eta ekoizpen modua batera aldatzea ezinezkoa zen.
Aldaketa gehiegi ziren. Beraz, partehartzea handitzeko plana
bertan behera geratu zen. 1980an berriro martxan jarri nahi izan
zenean, krisialdi sakon batean hondoratuta zegoen makina
erremintaren sektorea eta kooperatiba aurrera ateratzea zen
langileen helburu bakarra.
3.2.2 Partehartzea arlo sozialean
Lan arloaz gain, arlo sozialari zegokion partehartzea ere geroz
eta ahulagoa zela nabari zen Ularco mailan. Horrela adierazten
du Batzorde Iraunkor Zentralaren 1976ko akta batek:
“ ... su deseo es lograr una participación
más real en la elaboración de estudios sobre
temas de índole social, (...) estudiarlos con
anticipación y poder presentar una opinión de
peso, en lugar de tener que limitarse como
hasta ahora, a hacer una crítica o estudio “a
posteriori””.
“se plantea (...) cómo incrementar la
participación en las Permanentes y
Consejos Sociales de las respectivas
cooperativas, en los temas sociales,
propios y de entorno.”
175